Post: #1
Title: poem
Author: abdelmoniem ali
Date: 02-28-2007, 02:13 PM
يا بلد كيفن تطيب أيامى فيك؟
أو أنسى نغزات الضمير والإنتباه؟
أصلى زعلان من عمايلك ومشتهيك
ومن حبّك الفايت مداه
وأصل الزّعل
الضلمه فيكْ بتغطّى أنوار الأمل
والظلم لى أرواح بنيك لُبّ الخلل
لكنّى ولهان بى عينيك
لانى قادر أنسى عشقك وارتحل
ولانى قادر أحتمل
كيف الخلاص من ِشبكتك؟
لا القاضى رضيان بالفراق
ولا إنت طارد محنتك
لمّا الصّبٌر من صبرى ضاق
يا بلد كِترت جراحك
والدّنيا ضاقت من نٌّواحك
ونحن سلوتنا الصّمم
لا استعجلنا نفديك من مناحك
ولا هزّتنا صرخات الألم
ولا بهدهدنا العشم
إنّو إشرق يوم صباحك
يا بلد حيرانه أولاد مهجتك
ضهبانة طريق لى بهجتك
شبعانه من كتر الكلام لى نهضتك
خسرانه لكنّ العمل
حلماً بعيد نجماً أفل
خليكَ فى قبو الزّمان فى حسرتك
ما نحن خدّرنا الفشل
هيهاتَ نسمع صوت صياحك
|
Post: #2
Title: Re: poem
Author: Mustafa Mahmoud
Date: 02-28-2007, 02:18 PM
Parent: #1
dear friend
بلد كِترت جراحك
والدّنيا ضاقت من نٌّواحك
ونحن سلوتنا الصّمم
لا استعجلنا نفديك من مناحك
ولا هزّتنا صرخات الألم
ولا بهدهدنا العشم
إنّو إشرق يوم صباحك
nice
thank you
dr mustafa mahmoud
|
Post: #3
Title: Re: poem
Author: abdelmoniem ali
Date: 02-28-2007, 04:29 PM
Parent: #2
Many thanks Mustafa
I know many people feel the same sense of helplessness and despair.
|
|