أعود بعد أن أشرفت على الموت!!!

أفقت لأجد نفسي بحالة مزرية بين الحياة والموت في تلك الغرفة ظللت للحظات استكشف المكان حولي ثمة أسلاك تدخل في وريدي وطعم غريب في فمي وحالة من الانهيار والضعف تسيطر على بالكامل ,عرفت من الاسم المنقوش على ملاية السرير اسم المستشفى الذي أنا فيه ..يا الله ...قلة من الناس دخلوا هذا المستشفى وخرجوا أحياء إذن أنا أموت!!
فكرة الموت- في حد ذاته- لم تخيفني على الإطلاق فهو ببساطة بالنسبة لي العودة إلى نقطة البداية إلى العدم وعندما أتذكر الآن حالي أيام كنت عدما أجد إنني كنت أفضل حالا بكثير مما أنا فيه الآن. فهذه الحياة عبارة عن ورطة كبيرة ومنذ لحظة ميلادك فقد أصبحت في موقف لا تحسد عليه ,وأصبحت رغم إرادتك في طريق طويل من المصائب والكوارث والشقاء.

ولكن ما أرعبني لدرجة الموت أمران أولهما إنني أموت فجأة وهذا أمر لم احسب له حسابا فقد كنت أخطط أن أموت هكذا كما يموت معظم الناس,أصاب بأي علة وأنحدر يوما بعد يوم واستغل فترة الانحدار هذه في العبادة والتكفير عن ذنوبي وأكثر من الصدقة والصلاة واذهب إلى ربي راضيا مرضيا فادخل جنته بفضله.ولكن سبق السيف العذل فهاأنذا أموت فجأة حتى قبل أن اعرف مصير إيناس هاأنذا أرحل مثقلا بذنوبي وجرائمي يا ويلي.. عذاب في الدنيا وعذاب في الآخرة!!
الأمر الآخر الذي أرعبني جدا هو مصير جثتي بعد الموت فقد كنت اخطط لطريقة أعتبر إنها الطريقة المثلى للتخلص من الجثث عوضا عن الطرق الغير جميلة المتبعة في كل الدنيا,فليس من الممتع أن احشر في مساحة شبر على عمق مترين في باطن الأرض وفوقي أثقال من الطوب والحجارة وأطنان من التراب لتتولى أمري بعد ذلك الديدان القميئة تنهش لحمي حتى أصبح نثار عظام بيضاء ,وليس من المستساغ أيضا أن يتم شوي جثماني في الهواء الطلق.
كنت وما زلت أتمنى إذا مت أن يتم إلقاء جثماني في وسط المحيط فتتلقفني الأسماك الجائعة فيضيع دمي بينها فلا يعرف لي آكلا..هداني لهذه الطريقة الرومانسية صديق اسمه (حميده) وهو رجل يحمل ثلاثة شهادات معتمدة في الجنون واحدة منها من مستشفى أوربي وبجانب جنونه فقد كان سكيرا من الطراز الأول ..تعرفت عليه عندما كنت اعمل في محل بقالة في شارع (الصحافة ظلط) كنت كل مساء إذا أغلقت المحل احمل صندوق بيبسي فارغ واجلس عليه مع صديقي حميدة في مجلسه العتيد أمام حديقة منزلهم..كان صديقي حميدة والذي اعتبره احد مثلي العليا في هذه الحياة كان بحارا طاف معظم بحار الدنيا التحق وهو بعد يافع بسفينة تجارية عمل (ماسح) ثم ترقي الى (مزيت) واتخذ من اليونان مقرا ثابتا له ينزل من سفينة ليلتحق بأخرى.. كان يحكي لي كيف كان يغيب شهورا في البحر ,ينام بملابس العمل يستيقظ ليملأ رئتيه اكسجينا نقيا ,يستمتع بمنظر الشمس والقمر وهما يخرجان من مياه المحيط .ويحكي لي عن وصولهم إلى المواني العاهرة ,وكيف كانوا يعبون من شرابها ونسائها وما طاب من طعامها, إلى أن يحين موعد الرحيل مجددا..كان يحكي ويحكي وأنا باسط ذراعي بالوصيد شاخصا إليه محلقا في تلك العوالم السحرية..
حكي لي ذات يوم أن احد البحارة مات أثناء إحدى الرحلات الطويلة فقاموا بإلقاء جثته في عمق المحيط والحق يقال فقد أعجبتني هذه القصة كثيرا وأخذت احلم بان أصبح بحارا وان أحظى بنهاية شبيهة بنهاية هذا البحار .. لا زلت احلم أن اعمل بحارا ذات يوم ولكني لا أعرف كيف يصبح الناس بحارة واكتفيت من حلمي بنهايته السعيدة في بطن اسماك القرش.أما صديقي حميدة فلا يزال يجلس كل مساء على كرسيه العتيد أمام حديقة منزلهم يحلم بالعودة للبحر ولكن لا احد يقبل أن يوظف مجنونا..لا اعلم هل حظي بعدي بصديق يستمع إلى حكاياته الرائعة كما كنت افعل أم انه اكتفي بأصدقائه الأبدييين زجاجة الخمر.. والليل والجنون..
بالطبع لم أمت وإلا لما كنت بينكم الآن
خرجت من المستشفى ولا اعرف حتى الآن لماذا دخلت ولماذا خرجت ولا زلت اشعر إنني لست بخير على الإطلاق,الطبيبة السورية الحمقاء لا تزال تصر إنني مصاب بالزايدة الدودية في حين يصر الطبيب المصري الأحدب إن ما أعاني منه هو مبادئ الفشل الكلوي وأنا لا أعرف ماذا يحدث معي.

أقول قولي هذا واستغفر الله العظيم لي ولكم.

ألف سلامة صديقي معاذ

و أجر و عافية

معاذ

سلامتك يارجل

والحمد لله على تعافيك

صديقي حيدر
الله يعافيك وتسلم دائما انشاء الله من كل شر

معاذ
الكلام لعمر الخيام
(لبست ثوب العيش
ولم استشر)

وتسلم ياسيدى من كل شر

الامير بدر الدين
تسلم يا صديقي وكن بخير دائما.

صديقي أبو جهينة
أسبغ الله عليك ثوب العافية دائما
تسلم

الحبيب معاذ

Quote: أقول قولي هذا واستغفر الله العظيم لي ولكم.

ونحن نقراء لك ونقول استغفر الله العظيم لى وله واجعله من الصابرين

يازول انت مالك كل مرة جاينا بروح اغرب من التى تسبقها

تسلم

شرك مقسم فوق الدقشم يا رجل.

الف حمدا لله يا معاذ على سلامتك وبركة الجيتنا طيب .. وما تشوف شر ان شاء الله




ود الباوقة

الاخ ود الباوقة
تسلم انشاء الله وما تشوف شر يا رب.

الاخ معاذ

الف الف حمد الله على السلامه
واجر وعافيه
وما تشوف شر

Quote: ولكن ما أرعبني لدرجة الموت أمران أولهما إنني أموت فجأة وهذا أمر لم احسب له حسابا

هذه الجمله هزتنى جدا
وجعلت القعشريره تسرى فى جسدى
فليتنا كلنا نفكر فيها وفى الموت الذى لا يستازن احد

ومره تانيه ... حمد لله على السلامه

سـلامتك معاذ...

الحمد لله على سلامتك وقد عبرت عن حالتك أبلغ تعبير

ربنا يحفظك

هشام

الصديق هشام يا زول
تسلم انشاء الله من كل شر

الأخت
منى خوجلي
تسلمي وما تشوفي شر وشكرا على الورد الجميل.

الاخ علي محمد علي
ما تشوف شر انشاء الله

Quote: فليتنا كلنا نفكر فيها وفى الموت الذى لا يستازن احد

معاذ حسن

سلامات يا رجل وتبرا من كل شر...

الحكاية دي بالصح ولا وهمة ساكت؟؟



نسأل الله ان يمتعك بالصحة والعافية ويدمهما عليك في كل الأحوال...

الصديق احمد ابو حريره
الله يسلمك

Quote: الحكاية دي بالصح ولا وهمة ساكت؟؟

بالجد بس الحمد لله هسي كويس

Quote: شرك مقسم فوق الدقشم يا رجل

صديقي علي النعيم
انشاء ربنا يستجيب دعوتك.لكن الدقشم دا ما عرفتو والله
واحتياطا كدا بقول ليك (ربنا يخرب بيت ابو اللي يزعلك).
وتسلم انشاء الله

Quote: يازول انت مالك كل مرة جاينا بروح اغرب من التى تسبقها

سلام يا عاصم الظاهر المرة دي جاييكم باخر روح.
ما تشوف شر وتسلم

عزيزي الأخ معاذ،،
لك التحية ،،
والله كتبت كلام كتير وظريف بمناسبة عودتك سليما معافى
لكن أتمسح ماعارف ليه،،
ملخصه : حمدت الله كثيرا أن سلمك من هذا المرض الفجائي
وتمنيت لك أن يكون كلام الاطباء خارم بارم لكن إن كان
لا بد من مرض فيارب تباعد بيننا وبين كلام الأحدب،،

تمنيت أيضا أن يستفيد أخي معاذ من هذه second chance
ويتزود ليوم كهذا أرجو أن يكون بعد خرف،،
وبعد خرف دي يعني بعد عمر طويل موش أي خرف!!
حمد الله على السلامة ياخي ، وأنت خايف مالك حجتك موش قاعدة؟؟
تحياتي،،

صديقي عبد اللطيف بكري
الله يسلمك وشكرا على كل الكلام

Quote: وتمنيت لك أن يكون كلام الاطباء خارم بارم لكن إن كان لا بد من مرض فيارب تباعد بيننا وبين كلام الأحدب،،

انشاء الله
وقال شنو المصري والسورية قعدوا يتغالطوا
كل واحد مصر على التشخيص بتاعو والسورية زي زعلت
غايتو الزايدة مقدور عليها بس الكلية دي الا اقوم اصلح علاقاتي مع الناس
حاليا ما في زول حا يجازف عشاني.
تسلم واخوك بخير.

المؤمن مصاب .... سلامتك وما تشوف شر انشاء الله وشكرا للبوست النصيحه... ربنا يجعله في ميزان حسناتك انشاء الله ويشفيك من كل مرض ...امين يارب العالمين

الصديق وليم اندريا
تسلم يا صديقي

معاذ

سلامات

بالجد كنا فاقدنك

لو عارفين كنا وقغنا جمبك خاصة ونحن قريبين منك في جده

الف حمد الله علي السلامة

مع خالص معزتي


ابو عثمان

الحبيب ابو عثمان
الله يسلمك وتسلم دائما من كل شر

معاذ باشا:
الف لا بأس عليك وسحرووووووووك ولا ادووووووووك عين ..
ياخ عندنا حبوبة زميلتنا عمرها زي ال90 سنة تقريباً أها كل ما تجيهم زولة تشكي وتقول عيانة الحبوبة دي طوالي تنط وتقول ليهم:
انا زااااااااااااااااااتي حاسة بي الاعراض دي..
تجيهم مرا عندها فشل كلوي تقول ليهم والله انا لي كم يوم حاسة بي فشل كلوي..
يجيهم واحد عندو سكري الحبوبة بي قدرة قادر يجيها السكري..
ضغطك يرتفع الحبوبة ضغطها يطير معاك السما ..
اها يا قريبك يوم الجماعة قاعدين في التلفزيون قاموا جابوا ليك برنامج توعية عن الأيدز وكيف إنو بيجي في الغالب عن طريق الجماع والعلاقات غير الشرعية وإتكلموا عن أعراضو وإنو مرض نقص المناعة و و و و
فجأة الحبوبة نطت من العنقريب وقالت ليهم :
وووووب علي وووووووووووب علي انا لي كم يوم حاسة بي نقصان في مناعتي ياربي يكون عندي إيدز ؟؟


يا زول الف سلامة ليك وما تشوف شر يا الحبوب..

معاذ
الكلام لمحيد والغنا لمصطفى
(صحى الموت سلام مايغشاك شر)

انشاءالله اجر وعافية يا معاذ...

بالله طمنا على صحتك الكلام دا شكله ما هظار

Quote: بالله طمنا على صحتك الكلام دا شكله ما هظار

الله يسلمك يا نون
بمبادرة كريمة من الصديق البوردابي (محمد خير) تمكنت من مقابلة اكبر اخصائي
باطنية في الرياض .رجل عالم ومفخرة لكل السودانيين.
والموضوع طلع شوية قولون عصبي والحمد لله بخير
واشكرك على الاهتمام.

Quote: وووووب علي وووووووووووب علي انا لي كم يوم حاسة بي نقصان في مناعتي ياربي يكون عندي إيدز ؟؟

الظريف عمر تسلم
وربنا يصيب عدوينك بالفالج والنقرس وداء الفيل.


يخربني كان عارف واحد منهم.

معاذ .....

عايز أقول حمد الله على السلامة ...

بس خايف تكون دي واحدة من وهماتك ...


يا زول الكاتل الله والحايي الله ............ ((((حمدالله على السلامة))))

معاذ سلامات
وما تشوف شر
ياخ القصة دي فقط
(نقص في كرويات إيناس في الدم )
عليك بتناول جرعة زايدة لتدعيم وجودها في الدم رغم انها في الروح
تعرف الأعراض دي عاديةما تشيل هم( نصيحة مجرب ما طبيب )
لك العمر المديد ياأخي العزيز .
مودتي

سعال بس :-
حبوبةو زميلة الفاروق دي ما سالوها عن أسباب إنتقال العدوى .

مجاهد عبد الرحمن
لك صادق الود
وتسلم من كل شر

Quote: يا زول الكاتل الله والحايي الله ............ ((((حمدالله على السلامة))))

ابو الريش تسلم
والله ولاحد لما يفكر في كلامك دا ويؤمن بيهو صحيح
ما حا يهتم باي شيء تاني.
تسلم

معاذ اخوي
مسكاقمي
الف حمد الله على السلامة
وما تشوف شر

Quote: اها يا قريبك يوم الجماعة قاعدين في التلفزيون قاموا جابوا ليك برنامج توعية عن الأيدز وكيف إنو بيجي في الغالب عن طريق الجماع والعلاقات غير الشرعية وإتكلموا عن أعراضو وإنو مرض نقص المناعة و و و و فجأة الحبوبة نطت من العنقريب وقالت ليهم : وووووب علي وووووووووووب علي انا لي كم يوم حاسة بي نقصان في مناعتي ياربي يكون عندي إيدز ؟؟

الاخ الفاروق تحياتى
والله نكتتك دى ذكرتنى ايضا نكتة : واحد حبوبتو كبيرة قدر الحبوبة الذكرتها دى وراجلها مات بدرى وبعدين طوالى تشكى وكرهتو بالمرض وبالدكاترة، اخيرا مشى لى فقير وحكالو الحاصل قام الفقير قالو امش لى حبوبتك دى وقولها علاجك فى حاجتين بس، اما تاكلى الفرصة كل يوم الصباح على الريق "الفرصة هى الزبدة التى تستخلص من اللبن الرايب وهى طبعا لينة جدا ورخوه" واما نشوفلك راجل تعرسيهو. فقام ولدها البار قالها كلام الفقير، عندها قالت الحبوبة "لكن يا ولدى انا الفرصة عندى ليها سنون" واخيرا بقوا على الخيار التانى وهو العرس وقد تم فعلا. بعدين الصباح جا ولدها يصبح عليها قالها حبوبة كيف اصبحتى؟ فقالت له
"ان شاء الله يا ولدى تصبح نبى"

Quote: مسكاقمي

أخوي حمزاوي
ايلو
وتسلم يا رب

أجر وعافية يالبتحب عافية...

والف حمدلله على السلامة ومنور...

خالص الود أخي معاذ

Quote: أجر وعافية يالبتحب عافية...

مجاهد عبد الله
تسلم يا صديقي
يا اخوي عافية فكيت دربهاتوبة .
بس الله يديني العافية.

الوريف معاذ بن حسن ..

ما أحلاك حياً وميتاً ..

ما أحلاك مشوياً على الطريقة الهندية أو مسلوقاً على الطريقة الصينية ..

مت يا صديقي مرة أخرى وعد إلينا ..

فكما النوم موت أصغر .. فالغياب الذي غبته مؤخراً موتً أصغر ..


والحمد لله الذي أرسل روحك لأجل مسمى ..

وتلك إذاً فرصة أخرى يا رجل .. فإن كان الذي يموت حقاً يقول: لو استقبلت من أيامي ما استدبرت لفعلت كذا وكذا من الصالحات ..

فهنيئاً لك العودة سالمة ..

وهنيئاً لك الفرصة الثانية ..

وبما أني لا أحسبتك كنت فيما مضى تفعل إلا كثير الصالحات .. فهذا مندوحة للاستزادة ..


أحشى ما أخشاه الموت المفاجيء ..

فالموت المفاجئ كالسفر المفاجيء الذي لم تعد له الزاد ولم تجهز الغيارات ولا حقيبة الإسعاف ولا البوصلة ..

حمانا الله جميعاً ..

توقعت أن أجد بصمات هذه الوعكة أو الغيبة الصغرى على مسار مداد قلمك .. ولكني لم ألحظ إلا مزيداً من الجمال والسرد الحسن ..

إنت يا زول فعلاً كنت متوك ولا دي ديباجة قصة جديدة ..

تحياتي لك .. والحمد لله على السلامة .. وآخر الزنقات إن شاء الله ..

وشوف مستشفى جيد للاطمئنان على صحتك ..

خالص الود .

جاد

Quote: والحمد لله الذي أرسل روحك لأجل مسمى .. وتلك إذاً فرصة أخرى يا رجل

العزيز جدا جاد
أشكرك يا صديقي فقد احسست بكلماتك صادقة وبودك صافيا
تسلم انشاء الله

صديقى الجميل
معاذ
كفارة ليك يازول والمرض ما بكتلو زول

والله سالت منك...عشان فاقدن فى
العيد الخنفشارى الاول ...

مخلص ما كلمنى والله
رجلنا ما تغلى عليك...

الحبيب ابو قوته
الله يسلمك وتسلم دائما من كل شر

سلامتك الف سلامة
وانا اقول البورد مسيخ مالو الايام دي
دمت
السموءل

السمؤال بدر الدين
الله يسلمك
تعرف اليومين دي البورد احلى بكتير
كن بخير دائما

الف حمدلله على سلامتك يامعاذ
وماتشوف شر

حمدالله على السلامه يا معاذ

الحبيب اوسلي
الله يسلمك.
يا اوسلي بالله شوف لينا مشروع( مستشفى سودانيز اون لاين) .
وأنا اول المساهمين.والله مرتب شهر كامل.

الملكة
تسلمي وما تشوفي شر .
أشكرك

يا معاذ ألف حمدا لله على السلامة

اسمع كلامي وما تسمع كلام المصـري


بس عليك بالبيرة الموسـي (الخالية من الكحول)

وعليك بالكتابة المكثفة في المنبر فلكتاباتك طعم خاص

فكرت من قبل ولا أزال مشغولا بايجاد طريقة للدفن بعد الموت تكون أحسن,

اعتقد أن التجميد أحسن الوسائل برد وبقاء دون تعفن ولا فناء

إذن فالدفن في سيبريا أحسن,

لك التحية يا رجـل


أحمـد

معاذ يازول والله حمداً لله على سلامتك
والله سألنا منك سؤال الضهبان وانت
اتاريك بين بين ياخ إنشاء بعد عمر
مديد وعمل سديد.

وقام اخونا صلاح واسبة فتح ليك بوست
واتلمو هناك كل الحبان في الساحة يسالو
منك ويقطعوا فيك وانا طبعاً كنت أول القاطعين
وافتكرت لم فيك رجب وسرح بيك شوية كده وبجيبك
راجع اتاري كنت داير تضيع مننا.

يا زول ياجميل والله الف حمداً على السلامة وبركة بالمروة
بس ما تاكل علينا الكرامة وتمل لينا لسع ما عارف عندك
شنو بعد ما قمت تفصح الحمد لله شديد ولضيض وربنا يسبق عليك
نعمة الصحة ولا يحرمك منها وللجميع معاك
فتك بعافية وراجي عيزومة الضلع ما تعمل مجنون

ح اسرق ليك وردة ناذر ده واهديها ليك

Quote: فكرت من قبل ولا أزال مشغولا بايجاد طريقة للدفن بعد الموت تكون أحسن, اعتقد أن التجميد أحسن الوسائل برد وبقاء دون تعفن ولا فناء إذن فالدفن في سيبريا أحسن,

أحمد الشايقي
يا اخوي والله انت الوحيد الحاسي بوجعتي
اقتراحك ما مناسب معاي لاني اصلا بكره الصقط.
وبعدين لو الثلوج بتاعت سيبيريا دي ذابت والموية جاتنا دافرة .
نمشي وين؟؟؟.

Quote: خرجت من المستشفى ولا اعرف حتى الآن لماذا دخلت ولماذا خرجت ولا زلت اشعر إنني لست بخير على الإطلاق,الطبيبة السورية الحمقاء لا تزال تصر إنني مصاب بالزايدة الدودية في حين يصر الطبيب المصري الأحدب إن ما أعاني منه هو مبادئ الفشل الكلوي وأنا لا أعرف ماذا يحدث معي.

العزيز معـاذ ألف 1000 حمداً لله على الســلامة و مـا تشــــــــوف شــــــر ..... لكن الفوق دة كلــو بكـون وهـــم يا حـامد.

الأخ العزيز معاذ

الف سـلامه ليك وربنا يديك الصحه والعافيه

افتقدناك

وولما تمرض كلمنا عشان نجيك بالعامود والجداد والبرتكان

معاذ ألف حمدا لله على السلامة

أتمنى لك تمام الشفاء

وغير المستشفى بنفس التقارير

رأى ثالث

تحياتى

حمد لله على السلامة يامعاذ

وان شاءالله السورية والمصرى الاتنين يطلعوا غلطانيين

وما تشوف شر


أحمد العمار

حمدلة على السلامة يا معاذ..
شرٌك مقسم.
بس عليك الله مادام شاعر إنك ما كويس..ما تهمل الموضوع و واصل الفحوصات لغاية ما تطمئن و تتطمنٌا.
لسه بدري على سمك القرش و المحيطات !

ألف لابأس عليك أخى معاذ
وماتشوف شر
إفتقدناك كثيرا
وقلنا فى عيد الحب تهيجك الذكريات وتأتى بالجديد وماعلمناك تقاوم الوعكة.
لك العتبى حتى ترضى


دعس هنا:ـ

ألحقوا معاذ حسن يا أهل المروءة ...... !!!!

ألف لابأس عليك معاذ ..
تضارب التشخيص بخليك تسعى لإنو إشوفك طبيب آخر ..
أرجو عدم إهمال ذلك ..
ربنا مايوريك شر..

الف حمد لله على السلامة
وعساااك ماتشوف شر

اجر وعافية

يا حبيب كفارة
اجر وعافية ....

سلامات يا معاذ .. اجر وعافية وما تشوف شر.

حمد لله على السلامة

الاخ معاز.

ألف ألف حمد الله على السلامة.

دينق

الاخ معاذ اولا الحمدلله على سلامتك
ثانبا الظاهر الفلنتاين هو السبب
النكسه كانت يوم العيد الظاهر
مش كده 0 تحياتى

الأخ معاذ..

حمد لله على سلامتك..

يامعاذ

ياخى والله انت أرجل راجل..

الوداك شنو تشرف على الموت?

أها عايز يوريك أنو شايف شغلو كويس!

تانى ياخوى ماتشرف على الموت خليهو هو و ضميرو..

إن شا الله مايشتغل..

أشرف على الحياة خليها توريك شغلا كويس..

وافضل حاجة غير المهنة من مشرف الى (أبعد عن الموت وغنيلو)..

وليك طولة العمر

Quote: حتى قبل أن اعرف مصير إيناس

معاذ اللذيذ .. عايزين نعرف مصير إيناس قبل ما تعرف مصيرها .. عشان كدا بندعو ليك ما يصير إلا خير .. انشاء الله نعرف مصيرها و مصير الخلفوها .. و تعرف مصيرها و مصير البتخلفهم كمان .. نسأل الله لك شفاء لا يغادر سقما بعده .. و نسأله لك العافية .. مش عافية حسن! .. و الا ينقطع لك حبر أو يعصلج معك كيبورد .. يا صديقى أنت نبق هذا المنبر .. النبق فاكهتى المفضّلة .. أدام الله لك الصّحة و أدام لنا البسمة بما تسطّر

سلامتك يامعاذ
اجر وعافية وما تشوف شر

الاخ معاذ
تسلم من كل شر
اتمنى لك عاجل الشفاء واكتمال العافية ..

لك
عادل

ياخي بعد الشر عليك
ونور بيتنا وشارع بيتنا

الغالي معاذ حمدا لله على السلامة يا زول
كل الاماني لك بوافر الصحة والعافية

حبيبنا .. معاذ

ياخي ألف لا بأس عليكـ .. وسلامات وما تشوف شر بأذن الله ..
أمنياتي لك دوما بموفور الصحة والعافية .. وبينا تليفون !!!

معاذ مُش كان وعدتنا أنك سوف تموت ذات شتاء!!

غيرت رأيك؟؟

سلامتك يا صديقي..,الف حمد لله على سلامتك ياملك.

ألف سلامة صديق الكل معاذ

و أجر و عافية

سلامتك يا معاذ

أريتك طيب

جميلنا معاذ ..
أبشر بطول سلامة يا .......


مثلك لا يموت بأخوي و أخوك ..

عافية تبراك يا صاحب ..
و حمدالله على السلامة .

إشتقناك .

العــزيز معــاذ
ســلام

بُعــد الشـر عليك .. وما تشوف شر إن شاء الله.

تحياتي وفائق احترامي

يامعاذ ...

الف حمد الله على السلامة ...ماتشوق شر

عودا حميدا ...

معاذ كفارة

وانشاء الله اجر وعافية

افتقدنا كتاباتك الجميلة

عودا حميدا

الاخ معاذ
الف حمدلله على السلامه

واللـه يــا معـــاذ ذكـــــرتني بالنكتــة حقت الرجــل الفي

الســـينما الضــرب الراجــل في صــلعته وقــال يــامحمــود

يــاخ انت قــاعد بي هنـــا وأنــا أخبــط في النــاس بي هناك .

على العموم لو ما سمعت بيها قول عشان نباصــيها ليك .



نــدخل في المهم وطــبعا نحن اتهمنا أعمــامنا المطــوعين ظلما

وبهتـــانا وظلمنـــاهم ظــلم الحســن والحســين .


ألـــف حمــدالله على الســلامة يــا ود حســـن وبــركة الجــيت

والباقي انتا عارفه ولو ما عارفه أمشــي شــوف البوست بتاع

الفلانتاين والظاهــر يا معاذ البوست ده لحــق امات تاااهة

لأنه قـدر مـا فتشــته يقــول لي كــان أبــوك راجـل طلعني

لغـــاية ما طلعت انت بدل ما يطــلع هو .



و يــا خي بعـــد الشــــر عـــليـــــــــك




صـــــلاح واســــبه

Quote: والله ولاحد لما يفكر في كلامك دا ويؤمن بيهو صحيح ما حا يهتم باي شيء تاني.

يا زول أنا لما قلت ((الكاتل الله والحيي الله)) قلتها بمعنى الإحتياط وأن لا يكون هذا المرض أحد وهماتك الإتعودنا عليها. يعني مش بالمعنى الحرفي للموت والحياة. إنشاء الله بعد خرف. طبعاً برضه بقصد الخرف الذي يجره العمر، وليس الزهايمر الذي تعانيه فعلاً.

سلمت أخي من كل شر

يا ناس السعودية الزول ده ما تتبنوه
والله شفقنا عليه عديل كده وعلى المانع
خير من يوم ما فتح البوست ده وهو غائب
نتمنى من الله القدير ان تكون بخير يا معاذ

بالله طمنونا عليه ربنا يحفظو ويحفظنا جميعاً

ألف سلامة الاخ معاذ

طهوراً

سلامتك يا معاذ وكفارة إن شاء الله ... فعلاً افتقدنا موضوعاتك الشيقة ...

سلامات وياخي بعد الشر عليك تعرف أهم اكتشاف لمرضك العارض بحول الله انك قاص جيد السرد والعبارة سلمت من كل مصاب ودامت لك العافية (رفاعي)

الأربـــــاب معــاز
سلامات .. ياقريبي .. المرض خباروا معاك .. أتلوم ماعارفك زولاً ضل ضحى ...
مالوا متجاسر عليك ...

الشيخ الخليفة معاذ
حمد الله على سلامة العودة من عالم الأموات
نسأل الله لك الصحة والعافية وطولة العمر التي تؤدي بك إلى انحناءة الظهر وتكرمش الوش والشيب في الجفون والحواجب والهذيان
لك الصحة ودمت بألف خير