صلاح غريـــــــــــبة دا مالو........؟؟؟؟؟

العزيز المهندس صلاح غريبة شخصيا احترمه جدا لمشاركته للناس في كثير مما يكتبون . و من لا يحترمك لا يدخل البوست الذي تكتبه

بصرف النظر عن صحة الادعاء الا ان النظام القائم في الخرطوم يطلق على نفسه نظاما اسلاميا( ولاستمرارية الحوار يجب ان نسمي الناس بما يطلقونه على انفسهم لو كان ذلك معقولا)

في حرب الجنوب استشهد الشباب و الشيوخ من الطرفين الحكومي الانقاذي و من شعب جنوب السودان متمثل في الحركة الشعبية كل في سبيل قناعته بالقضية التي يقاتل من اجلها(و كلمة الشهيد هنا اعطيت للجميع منعا لخروج النص عن اطاره المقصود ولكن لكل طرف الحق في تجريد الاخر من لفظ الشهادة)

الذي يعرفه الكثيرون بهذا المنبر لم يكن الاخ غريبة اسلاميا في يوم من الايام ولم يدافع عن الانقاذ او مشروعه في الجنوب حيث فقد خيرة الشباب من الطرفين.

الذين ينتمون للانقاذ فكرا بهذا المنبر و الصحافة عامة كثر ولهم منا كل الاحترام فيما يعتقدون ويتمسكون بها من مواقف تدعم سلطتهم- لكنهم يطلقون مساحة لانفسهم للتفكير اي ان لهم مواقف غير منسجمة او ربما متناقضة مع سلطتهم لاننا بشر واعطينا العقل للتمييز وهذا يظهر جليا في مواقف الطاهر ساتي الاسلامي الذي قاتل في الجنوب لكن اليوم يكتب ما يناقض سياسات الانقاذ انحيازا للوطن والمواطن مع انه قد يكون ماذال عضوا بالحزب الحاكم


الذي يحيرني في هذا السودان كثير و مثير لكن اكثر ما يحيرني الاخ صلاح غريبة - تراه يستميت في الدفاع عن قضاياانقاذية لو قدر للمرحوم على عبدالفتاح او المرحوم محمود شريف( عليهما رحمة الله ومغفرته) ان يكونا على قيد الحياة في انقاذ 2007 ربما لكان لهما راي مخالف للاخ غريبة


ما ان يكتب احد كلمة بحق الانقاذ ترى الاخ المجاهد صلاح غريبة حاملا سيفه ينادي باعلى صوته من يبارزني


بصراحة بصراحة صلاح غريبة دا مالو............؟؟

من يجبني ويربح المليون.....................؟؟

في واحد قريبي وزير انقاذي عايز اشاكلو من زمن بس خايف من غريبة

غريبة دا مالو

Quote: عضو لجنة تنفيذية في جمعية اطفالنا اكبادنا لخدمة الاطفال السودانين الموهوبين نائب المقرر بجمعية التراث والثقافةالسودانية نائب المقرر بتجمع الكيانات الثقافية الرياضية والاجتماعية والمهنية نائب المقرر بجمعية اصدقاء الخطوط الجوية السودانية بالرياض ( سفر ) ================================================================ عضو مجلس الشورى بالمؤتمر الوطني بالرياض

دا صلاح غريبة ود الاجابة علي سؤالك

الوظائف التي زكرتها في الجزء الاعلى مضيئة تستحق الاشادة



لكن

عضو مجلس الشورى بالمؤتمر الوطني بالرياض

دا كلام غريب
يا زول انت متأكد انه دا بس وظيفتو في الانقاذ
انا قايل امين الامانة الاعلامية للحزب عامة

تاني بسأل : صلاح غريبة دا مالو




الاخ wesamm

شكرا على المرور

يا صلاح غريبة انت وين - ما تجي تورينا انت مالك ؟؟
بعدين انت ما عايز ليك حواريين في طريقتك دي

الطريقة الغريبية- الزومية - الانقاذية . اولاد الشيخ صلاح غريبة

مدد يا شيخ

Quote: بصراحة بصراحة صلاح غريبة دا مالو............؟؟ من يجبني ويربح المليون.....................

اخوي برقو انا اجاوبك وجيب المليون .. رسلوا على حسابي بالبنك لاني مفلس الايام دي

Quote: العزيز المهندس صلاح غريبة شخصيا احترمه جدا لمشاركته للناس في كثير مما يكتبون

اشكرك جدا على مدخلك الرائع في النقاش وياريت كل المتحاورين يعملون على ابتدار السلام والاحترام ثم يبدأ .. الحوار .. والنقاش .. ودي من ابجديات ثقافة الحوار وادب الاختلاف

Quote: بصرف النظر عن صحة الادعاء الا ان النظام القائم في الخرطوم يطلق على نفسه نظاما اسلاميا( ولاستمرارية الحوار يجب ان نسمي الناس بما يطلقونه على انفسهم لو كان ذلك معقولا)

كن دقيقا في تعبيرك ... فنظام الحكم في السودان في السودان تحدد هويته الدستور ويمكنك الرجوع لذلك ... وبالمناسبة فالسودان دولة اسلامية ولا اعتقد بان نظام الحكم سيكون غير ذلك ... والاسلام هى العزة التي نهتدي بها وتسير حياتنا ....
لهذا فكن دقيقا في التعبير ..

Quote: الذي يعرفه الكثيرون بهذا المنبر لم يكن الاخ غريبة اسلاميا في يوم من الايام

اخي برقو انا اسلامي بالفطرة .. وساظل اسلامي وحتى تربتي اسلامية
ويكفيني فخرا بان جدي ( موسى ) هو من مشائخ الجعافرة بمنطقة دراو وكانت له اسهامات اسلامية ودعوية في كل المنطقة الشمالية من السودان ...
ورغم اختلافي الحالي مع اتباعه ولكنه كان شيخا للطريقة النخشبندية بصعيد مصر والسودان وله قبر يزار في منطقة الرقبة / بمبان وهي جزء من مدينة دراو... ( رغم تحفظي على هذه الممارسات بقناعاتي الشخصية ووفق فهم خاص بي ) .
أذن فانا اسلامي حتى النخاع .....
اما عن تعريفك للاسلامي ( حسب ما شعرت به من بين السطور ) فانا اترك لك الخيار في فهم توجهي .. واللبيب بالاشارة يفهم ...
نواصل

عزيزي صلاح غريبة

السلام عليكم ورحمة الله

اولا: شكرا على المرور وحفظ حقوق الاخرين الحركة دي ما توسعوها شوية( بقصد حفظ حقوق المواطنين السودانيين كافة)

ثانيا هنالك نقطة مهمة: وهي انني اعني بان نسمي النظام القائم بالاسلامي كما يطلقونه على انفسهم رغم تحفظاتنا من اجل مواصلة الحوار لان بالحوار يمكننا ثبيت الاشياء او نفيها- رغم انني لا اعتقد بان ممارسات اهل الانقاذ تشبه خصال الاسلاميين والاسلام في شئ.

ثالثا: نظام الحكم في اي دولة لا تعني الدولة مثلا مصر دولة اكثر اسلامية من السودان ولكن النظام فيها ليس اسلاميا لكن الدولة اسلامية

رابعا: لن اجادلك في اسلامية السودان او نصرانيته لكن ارجو ان يكون معلوما لديك من اليوم انني من دعاة تحكيم شرع الله في المجتمع المسلم- ولا حكم غير حكم السماء

خامسا: قلت ان فضيلتكم اسلامي بالفطرة هذا جيد ولكن ربما تقصد انك مسلم بالفطرة و في هذه الحالة لن تكن الوحيد في العالمين الاسلامي والعربي

سادسا: يطلق لفظ الاسلامي في الحياة السياسية على التنظيمات الاسلامية والتي تدعو الي تحكيم شرع الله في المجتمع وليس على كل مسلم( اتمنى ان اكون قد اوضحت لك اللبس

سابعا: انا اقف اجلالا لمقام جدك الشيخ الذي زكرته بالتأكيد انه قد اهتدى الكثيرون على يده له الرحمة. ولكن هذا لن يجعلك اسلاميا يا اخي

ثامنا: ما اعنيه باختصار هو : من اسلم يوم فتح مكة لا يمكنه ان يدعي باسلامه على اهل بدر
اعني انك تبالغ في الدفاع عن الانقاذ بشكل يخجل منه اهل الانقاذ الاولين نفسهم

تاني اسأل صلاح غريبة دا مالو

احترامي

الاخ حامد

مرة اخرى وبعد انتظار اشكرك على الطرح المؤدب الذى يكاد ينعدم فى هذا المنبر
خاصة بعد ان اصبحت الموضة هى الشتايم وليس الحوار ................................
ومثل ما اشرت للطريقة( الغريبية )فانا اشكرك على الطريقة( الحامدية البرقوية ) التى بدات بها البوست لكن اتوقع ان يدخل عليك اهل الطريقة النضالية الزعيطية والمعيطية حاملين جراب الشتايم المكررة حبة بعد النوم وحبة قبل النوم

انا فى هذا المنبر منذعام 2002 ولم يكن هنالك هذا المستوى الهابط من الاساءة وكانت العلاقات على اجمل مايكون واسسنا علاقات اجتماعية قوية مع الاعضاء فى كل مكان لكن كثير من الاعضاء الذين تسجلوا بعد 2005 الى اليوم حملوا معهم اساليبا جديدة فى الحوار كنت انا واحد من ضحاياها

شتمت اسرتى وعائلتى الكبيرة ال غريبة فى كل مكان .......
طعنت فى ذمتى ونشرت اكاذيب كثيرة فى هذا الموقع................
طعنت فى انتماءئ فوصفت بالجاسوس والمخبر والامنجى والانتهازى بينما الاخرون الذين يطعنون هم الابطال والثوار.
لم تسال طوال هذه الفترة عن هولا ولماذا يفعلون ذلك ولم تقول فلان مالو او علان مالو!!!!!!!!!!!!!!!!!!!!!!1
لكن عندما يدافع صلاح غريبة ليس عن حزبه بل عن( جمعية صغيرة) هو مسئول اعلامى فيها
تفتح بوست وتقول صلاح غريبة ده مالو .....لم تسال عن اى واحد من سدنة الاحزاب الموجودون فى هذا المنبر يشتمون الناس ليل نهار ...شتموا الاعراض ...شتموا اشخاص بعيدين عن هذا المكان ...شتموا نساء ورجال واسر...كل هذا لم يلفت نظر

القضية ليست قضية موقفى وموقفك من الاسلام ولكن قضية حقوقنا المتساوية فى هذا المنبر دزن تمييز
وسؤالى لك : هل الانتماء للحزب الشيوعى حرام ؟؟ وهل الانتماء للاتحادى او الامة او البعث حرام ؟؟؟؟هذه الاحزاب لها حسنات ولها سيئات وفيها الفاسد و الصالح واعضائها فى هذا البورد يصولون ويجولون فهل سالتهم مالم(مالو ن) والله حلال عليهم الانتماء حرام علينا نحن ؟؟؟؟؟؟؟؟؟؟؟؟؟!!!!!!!!!!!!!!!1

هذا البورد منبر اعلامى للجميع حتى الحكومة المغضوب عليها ينشر هذا الموقع انجازاتها واخبارها كل صبح اكتر من الجرايد الحكومية اذن ليس من سياسة البورد االغا ء شخص او حزب ولو كانت سياسته كذلك مادخلنا فيه وما اعتقد بكرى عمل المنبر ده عشان يسقط الحكومة ولااعتقد ان عشرين شخص فى هذا البورد يكررون نفس الشتايم ونفس الاسماء (عشرين فقط من اربعة الف عضو) ليس لهم غير الحديث المكرر والمعارضة السطحية قادرين على اسقاط ولم تسالهم لماذا يفعلون ذلك لكن سالتنى انا المسكين المحاصر
كل ما ارجوه بنفس الشجاعة والشفافية ان تسالهم ايضا سيد عليك الشرين بطل وهم يحملون( كلاشنبورداتهم )

وساعتها ستتحول انت الى صلاح غريبة اخر ويسال الناس حامد بقو ده مالو

هل شتمتك ياصلاح غريبة؟

الاخ واصل

شكرا على الطلة

قلمك يتقطر عفة لا يمكنه شتم الناس

لكن العيب بهذا المنبر اننا نفكر بالعقل الجمعي اعني اذا ما حاور واصل المحقق الدولي هذا يعني انه ضد الانقاذ مع انه ما قمت به يعتبر عملا مهنيا صرفا لا يعكس موقفك الشخصي

Quote: صلاح غريـــــــــــبة دا مالو........؟؟؟؟؟

ما شغال يرتزق يعنى يموت ليكم بالجوع والا شنو؟؟

اخوي صديق

الحمد لله باكلها بشرف .......

والكل في الرياض يعرف كدة

واذا عملوا مقارنة بين صلاح غريبة وصديق الموج
تظهر النتيجة ......
واذا عاوز تفاصيل واوجه مقارنة انا اعملهاليك في جدول

اخوي صديق

الحمد لله باكلها بشرف .......

والكل في الرياض يعرف كدة

واذا عملوا مقارنة بين صلاح غريبة وصديق الموج
تظهر النتيجة ......
واذا عاوز تفاصيل واوجه مقارنة انا اعملهاليك في جدول


ما شغال يرتزق.....


الاخوين صديق وصلاح

كده عليكم الله ختو الكورة في الوااطة

بعدين شكرا على المرور

حاااااااااورني بدون زعل

Quote: حاااااااااورني بدون زعل

الاخ حامد اشكرك على ذوقك الجميل في التعبير

لنتحاور ولكن بدون زعل


صلاح غريبة - الرياض

Quote: نائب المقرر بجمعية اصدقاء الخطوط الجوية السودانية بالرياض ( سفر )

الزول دا نسى ما يكتب دي في سيرتو العطرة


- لدي سيارة خاصة ذهبت بها لمصر عن طريق البرل ودي إبن يدرس في إحدى الدول الأسييوية

- لدي صورة مع المشير سوار الدهب

- الصافي جعفر لمن جاء السعودية جا اتغدى معايي في بيتي وجاب لي معاهو ربطتين خدرة من مشروع سندس ورقتهن بيديني ديل براي وقامت المدام طبختن لينا في الغداء بارانب "تاكل صوابعك وراهم"

Quote: الزول دا نسى ما يكتب دي في سيرتو العطرة - لدي سيارة خاصة ذهبت بها لمصر عن طريق البرل ودي إبن يدرس في إحدى الدول الأسييوية - لدي صورة مع المشير سوار الدهب - الصافي جعفر لمن جاء السعودية جا اتغدى معايي في بيتي وجاب لي معاهو ربطتين خدرة من مشروع سندس ورقتهن بيديني ديل براي وقامت المدام طبختن لينا في الغداء بارانب "تاكل صوابعك وراهم

الاخ شماشي
حبابك كتير

انت اول حاجة القال ليك ترفع البوست دا منو

صلاح غريبة حايخلي ناس الانقاذ
اها شوفو ليكم ونسة غير غريبة


شكرا على المرور

الاخ شماسي
الله يتراك بالخير .. ذكرتني ليهم
مع اني كنت ناسيهم

بس انت بالغت شوية لأن.......

ليس لي أبن يدرس في إحدى الدول الآسيوية ( يمكن من مرة تانية .... يمكن ) بس مش من أم أحمد

Quote: الزول دا نسى ما يكتب دي في سيرتو العطرة - لدي سيارة خاصة ذهبت بها لمصر عن طريق البرل ودي إبن يدرس في إحدى الدول الأسييوية - لدي صورة مع المشير سوار الدهب - الصافي جعفر لمن جاء السعودية جا اتغدى معايي في بيتي وجاب لي معاهو ربطتين خدرة من مشروع سندس ورقتهن بيديني ديل براي وقامت المدام طبختن لينا في الغداء بارانب "تاكل صوابعك وراهم"

Timeout

Quote: ويكفيني فخرا بان جدي ( موسى ) هو من مشائخ الجعافرة بمنطقة دراو وكانت له اسهامات اسلامية ودعوية في كل المنطقة الشمالية من السودان ...

غريبة ازيك؟

وصلتوا حلفا والمحس؟

سؤال برئ !!

Quote: Quote: حاااااااااورني بدون زعل الاخ حامد اشكرك على ذوقك الجميل في التعبير لنتحاور ولكن بدون زعل صلاح غريبة - الرياض

يا عزاز
ازيك

يا جماعة انا صلاح غريبة دا كاتل قلبي بكباية شاي- انتو ما شايفين الكلام الفوق دا

طيب رافعين البوست مالكم

شكرا على المرور

Quote: غريبة ازيك؟

الحمد لله أخت عزاز ... رغم انقطاع الاتصال بيننا مدة طويلة ولكني متابع كل نشاطاتك ومعجب بها

Quote: وصلتوا حلفا والمحس؟

منطقة حلفا والمحس تقع بين مناطق الجعافرة في جنوب مصر ( دراو ، الرقبة ، بمبان ، الرمادي .. )
وبين مناطق كريمة ومروي ودنقلا ....
فأكيد أن تكون منطقتكم منطقة عبور الى مناطق كريمة ومروي ودنقلا وهي المناطق التي لها آثار واضحة بمرور جدنا بها واستيطان بعض افراد الاسرة بها والمصاهرة التي حدثت بعد ذلك ( آل غريبة بدنقلا ، القولد ، شبعانة ، مروي ، كريمة ، الزومة ، الدهسيرة ، تناقسي السوق ، تناقسي سمعريت ، تنقاسي الرويس ... ألخ )
أما عن ـاثرهم بمناطق المحس وحلفا فبصراحة لست متاكد منها ويرجع السبب لان اهتمامي بتاريخ وتراث الجعافرة بصفة عامة واجدادي بصفة خاصة بدأ مؤخرا ( عام 2005 ) في أول زيارة لي لمنطقة دراو وأسوان ومقابلتي لبعض اعيان الجعافرة وبالطبع آل غريبة المتواجدين في تلك المنطقة وبخاصة مقابلتي للشريف محمد الأمين حامد غريبة والذي يشغل منصب نقيب الأشراف باسوان وجنوب مصر وأيضا نقيب الطرق الصوفية بتلك المناطق ..
ولقد جلست معه فترة طويلة لأني كنت بالاصل محل حفاوته وكرمه ومنزلته باسوان ( حي العقاد ) ولقد خرجت من رحلتي الاولى وانا احمل اوراق ثبوتية عن أصل الاسرة وهي متواجدة معي الآن وكذلك خرجت بمعلومات مكثفة وتصوير مرئي في ثلاث شرائط فيديو .. اقوم الآن بالعمل على تلخيصها والاستفادة منها في مشروع كتاب ازعم الترتيب لاخراجه عن تاريخ قبائل الجعافرة وهجرتهم الى السودان وتاريخهم بصفة خاصة .. وذلك لاني شعرت بان تاريخ قبائل الجعافرة به الكثير من التقصير من قبل المؤرخين .. واتمنى وبما انه لديك باع طويل في العمل الصحفي والاعلامي مد يد العون لي من أجل اخراج هذا المشروع باسرع وقت وفي صورة شمولية من أجل إثراء الساحة السودانية بصفة خاصة والساحات العربية بصفة عامة عن هذه القبائل وهجراتهم وادوارهم التاريخية ... الخ
أتمنى ان اكون أجبت على سؤالك ؟؟؟؟؟؟؟؟؟؟؟؟؟؟؟؟؟؟؟؟

Quote: سؤال برئ !!

ايه رأيك في الاجابة البريئة دي

Quote: ايه رأيك في الاجابة البريئة دي

عاجزة عن الشكر!

ودعواتي لك بالتوفيق في اتمام الكتاب، مع اني شخصيا اعتقد ان كتب التاريخ والتوثيق تحتاج لدراسة متخصصة و مواد و شواهد كثيرة تتعلق بالمجموعة قيد الدراسة و الظروف المحيطة بها وزيارات متعددة للموقع، يعني سنة 2025 ممكن تقدر تبدأ الكتاب

لو احتجت كتب في طريقة دراسة الشواهد والادلة التاريخية external evidence and internal evidence وعلاقتها بعلم اللغات أو الانثربولوجي، اختك موجودة!

بس بعد ده كله، الكتاب بس عن تاريخ قبيلة الجعافرة؟ مع احترامي الشديد لرغبتك، ولكني شخصيا أرى توثيق التاريخ مدخلا لما هو أكثر من مجرد قبيلة إلا أن تكون مؤثرة في حراك أكبر وضمن منظومة أشمل...

هو رأي شخصي ولو وجدت كتابا عن تاريخ قبائل النوبة فقط (مع اني نوبية للنخاع) لما رفعته من رفوف العرض!!

وشكرا،

Quote: ما شغال يرتزق يعنى يموت ليكم بالجوع والا شنو؟؟

يا موج.

غريبة ده بعجبني جدا.
الزول ده شعارو الواضح ما فاضح.

عزاز شامي.

أوع صلاح غريبة ده يكون طلع قريبك كمان؟
دي تبقى ليك كارثة جقيقية.

دينق.

يا دينق

سلامات

كتر خير صلاح غريبة الجابك لي في بوستي و لاول مرة


ليه يعني لو صلاح غريبة طلع قريبك تطلع غريبة؟


شكرا على الطلة

Dear Deng,
,Greetings
… I was supposed to meet you when I was in DC, tough luck! I didn’t, maybe next time

Quote: عزاز شامي. أوع صلاح غريبة ده يكون طلع قريبك كمان؟ دي تبقى ليك كارثة جقيقية.

? Why would it be a disaster
… You can only judge me by those I choose when I am mature
I am not really hang-up on my kin! I am into the new “family” age where I choose whom to associate myself with in terms of mindset and views of life
I am proud of my roots and I love my kin and that as far as it gets
I am not expecting them to like me or to approve me, likewise, they don’ need me to like them or to approve neither their actions nor their views
.. So, it wouldn’t make any difference if Ghariba is my relative. He is who he is and I am who I am
! we are independent individuals
Cheers!

Quote: والاستفادة منها في مشروع كتاب ازعم الترتيب لاخراجه عن تاريخ قبائل الجعافرة

اقترح عليك تسميهو طبقات ود غريبة العجيبة


والله يا غريبة كلامك بقى زي الشطة طوالي يهيج لي المصران

يازول إنت راميك جمل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: Dear Deng, ,Greetings … I was supposed to meet you when I was in DC, tough luck! I didn’t, maybe next time

الاخت عزاز

أنا غادرت واشنطن دي سي لي حوالي 3 أعوام, والان مقيم بولاية نيوجرسي وسوف أغادرها لموقع أخر من مواقع العمل. ولكن واشنطن مقر عنواني الدائم.
أنا أزور واشنطن كل ما سنحت لي الفرصة بذلك. شكرا لسعيك للقائي إنشالله المرة الجاية يا عزيزتي.

Quote: ? Why would it be a disaster … You can only judge me by those I choose when I am mature I am not really hang-up on my kin! I am into the new “family” age where I choose whom to associate myself with in terms of mindset and views of life I am proud of my roots and I love my kin and that as far as it gets I am not expecting them to like me or to approve me, likewise, they don’ need me to like them or to approve neither their actions nor their views .. So, it wouldn’t make any difference if Ghariba is my relative. He is who he is and I am who I am ! we are independent individuals Cheers

شايفك أخدتي كلامي ده بنوع من الجدية كده.
لكن بيني وبينك كده لو صلاح غريبة ده طلع قريبك ما ببتغابي قرابتوا دي؟
أو لو كان عندك حق الاختيار هل صلاح غريبة كان حيكون أحد أختياراتك؟

لكي كل الود.

دينق.

Quote: يا دينق سلامات كتر خير صلاح غريبة الجابك لي في بوستي و لاول مرة ليه يعني لو صلاح غريبة طلع قريبك تطلع غريبة؟ شكرا على الطلة

يا حامد.

لا والله لكن القلم ليهو رافع.
لكن أنا أصلي ما شفته في الحقيقة زي إنتهازية غريبة.

دينق.