Post: #1
Title: لمتييييييييين ... يا بهاء الدين
Author: نادر محمد الراضي
Date: 02-25-2007, 08:53 AM
Parent: #0
دايماً موقف قلبنا ومضيع أملنا ...
أخطاء كارثية تغير النتائج حقة أي مباراة ...
إستهتار ... سوء خلق ... عدم إنضباط ...
وعلي العليهو بيشرب شيشة ...
مرارتنا إتفقعت ... القولون إنفجر ... الحموووضة قدت المعدة ...
غادرنا .. قبال ما الدوري يطير تاني مننا ...
لو عندك ذرة كرامة واحدة ما كان قعدتا ...
بعد ما الجماهير هتفت وقالت ( ما دايرين بهاء الدين )
عامل زي النطقة السوداء في مساحة بيضا ...
|
Post: #2
Title: Re: لمتييييييييين ... يا بهاء الدين
Author: abas
Date: 02-25-2007, 12:51 PM
Parent: #1
الحبيب نادر
عرفنا النقطه السوداء لكن بيني بينك
وين المساحه البيضاء
قال تطير الدوري مننا ليكم 4 سنين بطيروا منكم بهاء الدين
يا راجل
|
Post: #3
Title: Re: لمتييييييييين ... يا بهاء الدين
Author: هاشم أحمد خلف الله
Date: 02-25-2007, 01:06 PM
Parent: #2
عليك الله ريحة شيشة ولا ريحة بخور معطر ؟؟ آل بهاء آل الله يخلي ليهو شيشتو .
يا أخوان عليكم الله انسوا موضوع الكورة دي وصحتكم بالدنيا .
|
Post: #4
Title: Re: لمتييييييييين ... يا بهاء الدين
Author: نادر محمد الراضي
Date: 02-25-2007, 01:31 PM
يا عباس ...
عرفتا الفرق بينا وبينكم شنو ؟!!!
إنو نحنا صفوة .. بنتقد روحنا قبال التانيين ...
ما زيكم .. بالواضح كدا ... الله يكون في عونكم ...
أكان إدارييكم بسبوا العقيدة على مرأي ومسمع من أمة لا إله إلا الله ...
حقوا تشوفو عيوبكم قبال ما تفتشوا عن نقائص التانييين ... 
|
Post: #5
Title: Re: لمتييييييييين ... يا بهاء الدين
Author: نادر محمد الراضي
Date: 02-25-2007, 01:35 PM
Parent: #4
الأخ هاشم ...
شرب الشيشة والسهر لحضور الحفلات ...
ومتابعة البنات في الجامعات .. وزيارة الإداريين ..
في مكاتبهم عشان يحفزوهم ولا يقعدوا للنميمة معاهم ...
دا سلوك مشين بيسري على معظم لاعبي الممتاز ما بس بهاء الدين ..
إحتمال هو عملها ظااااهرة .. لكن ما خفي كان أعظم ...
وقبل كدا الفنان محمد ميرغني اللي معرووف بهلاليته الصارخة ...
عمل زي مسح كدا ولقى إنو معظم لاعبين الهلال كانوا بيترددوا على معظم المناسبات ..
اللي كان بيحييها في الخرطوم وبرضو تقولي شنو وتقول لي منو ؟!!!
|
|