زفـة حفيف الصــوت

على كيـــف هـواك
يــّدفا من ضفـة رقاريق المـطر
يهـدِر إذا إتعكـر مزاجـك والمناخ
محتشمــــه ... كثفــتىِ البحر
مليانـــه من زخ العبيـــــر
حــفّيت خُطــاى عليك لو ألقاك
صادمتى البرق
حسـيتى بـْى ..
مزعوج من الشــوق العِــرِف
ســكة مشـاغـلك وما إلاك..
مهــلاً ...
سـأكشف عن خـفايا الجُــرح
حــالاً ..
أيقظــتنى الرعــشةُ الأولـى
إليــكِ بإعــترافى
لن أُوارب ضفة الريح
وإهـتززات المــجال
فسرت شـدّوك
وإنتخــابك وجـهتى
مهـــلاً ...
محاذاةً أُجــيبِك
كم يبعثرنى إحتجــابك
فى غياهب خـيبتى
وأســفى العميــق ...
آنســت طيفــك فى رحيل الوعــى
خـثرنى الصــراخ
ســافرت فى جُــل الرهـاب
كْلمّت عنك دهشتى
ولوْنتَ بيك النــيل
وأدعيةالمــطر
ناديتى لى .....
أسمعنى يا فكرة تباشير المآب
أهدأ وتعال فى الليل
مع زفة حفيف صوت الهـوا
العابر طبول سمعك ... تعال
عرقــان ومنتصف النــهار
سـربّت بوحِك للكلام
من نســمة الشـوق والمذاق
حــيْرنى رســمك
بين سِــماتك ونكهتك
لون البراريق ...
مُســتعير ضـوِّكْ
يعلمنى الوضــوح
جاهرت بيك حلمى وسكنتك
بإحتدام إقـدِامى فيك
كانت مسارب سِــكتك
إذ يخترق صمتى الهُـلام
أنا
إئتمنتـــك
إحــتمالات
الرحـــيل
لـوّنْت بيكِ النيل ... خِـدِر
وإنشــر مذهول
من رقيصك فى الهديل
جــيت
إئتمنتـــك
باقى عمرى معاك
مســتنى المطر
يمــزج هــواك

عبدالله
مرحب بيك
انت الحاصل عندك شنو


ما براحــــــــــة يااآآآخ

داش ...
سحر الكلام خلوهو ليك ..
يا جن مصرم جاي سادر من تخوم وادي عبقر ...
شايل الحروف كيمان محزمة بشرايط من دهب ...
القصيد مسكون حلاوة .. معطون نقاوة ..
الكلام عندك نجيض ..واضح غميس ..
بارد ملفح باللهب ...
يشيل خيالنا .. يودي فوق ..
وتاني يرجع لمكان غير المكان ...

داش ...
اراهن عليك ...
ايها الانسان .. الفنان ...

محاذاةً أجيبك
هي عثرتي الأولى
"وبقيت"
ما عارف الحاصل شنو..؟

العزيزعصام عبدالحفيظ

كنت أتلمس متاهتي للخروج
نقياً كما تبخر من عذوبة
فإذا به الطوفان
من 1-5

وخلاس ياخي

ماشي اكاديمية لؤي لاتعلم من الأيام
وأجيك حاضر

يا أول زول قالي أهلاً
مرحب بيك آلاف

عادةً وقتما تفترسني الملامح
أكون وحيداً وفي غاية الانتباه
انتقي ما يكون بعيداً من الشك
اني وحيد
فها انتِ والريح والاستباق

بترحابك اللانهائي تجوبين كل الفضاء .. الفضاء
تغنين ما يشبع النفس من روعة الدفء
مما يكون
العزيزة سناء جعفر
يابنية ما كل البنات
البشبهن معنى الخيال والريح
شبابيلهن صدق

ودمت كما أود

إتهجســنى... كان ساهل عليك
داهمــنى فى الخاطر غناك
أطــرانى لما أغيب بعيد
علمنى شِقـيش أفهمــك
غصباً سـقيتك رشـفه من طبعى الكعب
ياحادى طول الليل
تعال إتمــدا
زي مابيعمل الضو فى الصباح
من مُــدّه إتحــدانا
( كش ش ش ش ش) خفس القــزاز
عجلان وبالحيـل مجتهد
خليتنى زى مجــروح
وفى آخــر رمق
أو آخــر الشهقات
قبُـل ماتمرق الروح
فى البرازخ وتلحقك
أحسن أحسك وانتبه للصحـصحه
أنا ماغِـشِـيتك
لما فارقنى الثبـــات
غنـــت معاى الوحــوحــه
أنا عينى فى طيفك صبغ ريحة المطر
وإنشر نجمـكِ فى الضحى
جـرّدتِ كتان النجــوم عُريانه كيف؟
أنا أخشى إنى فقدت إحساسى البديل
( معقــوله) .......!!!!
معقوله حالاً حصحص المدى
بإعترافاتى وعشقتك
وإنتفضت من البيشبهنى
ونسيتك فى المكان بالراحه
براحة أقرى معاى حروف القصه
فى عمق الطريق
خلى البريق بيناتنا
خيلك لجَّمت فينى الكلام
داســت حواس الرحمه
شوفى الليل لبس طاقيتو
يتجسس علّى
مســكون مــوّدر ذاتى
فى اللحظه البقـــت مرهونه
بالودِع الوجيعه الجاتنا
كاشفه الضحكه فى صلب السنون
(مجنـون ... ومسـتعبط مساحاتك غلط)
مسكون بفارغ صبري
في ديس من سبايبك
ما الضلام مفجوع
يطنطن وسوسه ونتيف
يمشط فى الجريـد
مطبوع شراعك
والضفاف شرقانة بالطوفان
ختيت ملامحك لما يدركني البعيد
خاطرت بيك
والهول قيامة على مشارف حافة الإحراق
من المسؤول ..؟؟
وما ذنبى انا ..؟؟
وكوارث العالم تحاصر إتجاهاتى
ومآساتى .. أنا
فى العالم الرابع
أنا راجع
لأرصد ما هوى من السّما السابع
أنا تابع
وأفلاك الكواكب
دوخت سكك المدار
كان الحصار بالجــد
وبللنى العرق بالخُـدره
بالندى فى الصباح
بى لفحه نشفنى الهوى
بالمنتهي وموجــود متاح
ستفت فكرتى فى الرحيل
شفق المغارب وما حوى
بالصدفه حاولنى البـكا
وعدمان من الموجــود
وحـد أصــرخ مباح
مشيتك خطوتين ورجعت
استغرابي ليه ..؟!!!
كل الدروب متحــده
فى واحد يوصلنى ويقيف
والرجعه كانت ليك وفــا
مشيتك ..
حلمي ابقى المافي في وصف العصور
وين اليبل عِرق الصبر؟
وين .......؟
والشموس مدت ضفايرا ليك
صالحتي المكان
تعالى نفّـلى هذا الكون
نونّس ماتيسـر من حضور
ويقينـى إنك إعتـماد للفـكره
أقـرب للجنون
يا أمرقــينى من الهواجس
من متاريس الزمــان
تفــرح إذا نقـرت
دلاليك المدى الخمجان
وغــناكِ السكون

Quote: مسكون بفارغ صبري في ديس من سبايبك ما الضلام مفجوع يطنطن وسوسه ونتيف يمشط فى الجريـد

أخي عبد الله داش
مرحب بيك
وبحضورك القوي

Quote: أخي عبد الله داش مرحب بيك وبحضورك القوي

كل مالاقيت شبيهك
استفزتني المقارنة
لو اكونك في الوصال
يبدو لي لاقيت كلامك
بين مداخل الاوردة
ومن وين بديتك بالسؤال؟
حد وين عبرتك بالمسافة
الجات تهرول بانفعال

المسافر

مرحب بترحابك

فجأة انتبه عصبي ولمحتك
بى خبايا الروح
تعال عاين معاي جواي
وشوف كيف انت متربع
تعال اسرع
شبابيل الزغاريد
الغناوي الفاردة ضوها
من هناك بتروح تقبِّل
ملمس القز والحرير
مغبون
ده ما حال السكات
والفزعة ساعة الضيف
أنين مغلوب ومتوجع
من الما خلا في سكة هواي
جواي فاكرك لسه من آخر شعاع تبرق

ناذر

شكرا يامستعجل

مرحب بك بيننا..

مرحب بيك معاي
ومعاكم طعم الترحاب اشواق

منى خوجلي

شكرا جدا

Quote: إتهجســنى... كان ساهل عليك داهمــنى فى الخاطر غناك أطــرانى لما أغيب بعيد علمنى شِقـيش أفهمــك غصباً سـقيتك رشـفه من طبعى الكعب ياحادى طول الليل تعال إتمــدا زي مابيعمل الضو فى الصباح

غصباً لقيت القول ..غريب
ذي زهور ..ساقيها نور
ومرّات ..كمان ألقاو صعيب
أسمع ( تعال )
إشيلني ..بعضي..
وليك..بجيب
إحساسي فيك غلبو العبور
أصبح بليد..
وتتمدَّ في شرياني زول
سمّيتو في دمي الحبور
بدخل غصب كل الظروف
ماليني بي جيتو الغرور



ياالف مرحبا عبدالله

على الهامش
توزعي في الفرح للناس
تعالي (أجيك)
مرقتِ مع الرزاز
ذرات مطر
رغم الشعور
والمافي في أقصى احتمالات الحذر
ما كنتَ في الحسبان
يدثرني الغمام
تبعد معاك أحزاني
في الخطر الوشيك
دا ..... الاحتراز
والنور دياجير
والهبات منك
حضورك في المسام
(بعذوبة الترحاب)
إذا صدق الحرِف
إحساسك إجتاز الخيال

خنساء

جلاجيل من مراحب ليك