Post: #1
Title: استأذنكم في العودة....او قصة الغياب
Author: arif elsawi
Date: 02-18-2007, 11:52 AM
Parent: #0
علي ما اذكر كان ذلك قبل عام من الان او اكثر حينما توقفت عن الكتابة في هذا المنبر ,والمدهش ليست لدي موقف محدد من الكتابة ولكن كان من الصعب ملاحقة نفس المنبر العالي والمتصاعد باستمرار
لكن ليست هذه هي القصة فبالتاكيد كنت متاعب للكتابة في المنبر واتلصص احيانا عشان تعرف اخبار الاشفياء هنا ,وبالواضح مرات تاكلك روح المداعبة وتحاول تحشر نفسك بين المداخلين وتقول رايك ثم تنسحب لكن فجأة ضاع رمز الدخول واتوزعنا نحن في الارض داخل وخارج السودان (وكلما نقول نتاوق علي الباب بتقابلك رسالة معناها ليس لديك كلمة السر)
المهم لا اخفي انني اشتقت الي الاصدقاء هنا
وفي الحقيقة في حاجات كتيرة اتغيرت (موضوعات جديدة ,ونجوم جداد -قصدي جدد-)بوستات معلقة في المدخل دلالة علي اهميتها ,وكتاب اخرين فزوا من الارض واثروا المتابعة والاحتكام لصوت الاصدقاء داخل المنبر
اختفت معارك وفرسان وظهر فرسان جداد بمعارك جديدة
كان المنبر مولع في الهوية وحقوق المراة وتاني رجع للختان واسرئيل,طبعا ده حال الدنيا (علي قول الفكي كل مرة في شان )ولما تابع المنبر وتكاد تكون بتعرف الناس البكتبوا ,يشيلك الحنين مرة لانو في ناس بكتبوا وهم ماجادين في الكتابة وبختلقوا معارك لاتعبر عن مواقفهم الحقيقية ,ولما تسال الواحد لي بعمل كده يرد ليك ببساطة (قلنا نسخن الشغلانية )يعني ببساطة ممكن تلقي نفسك وسط معركة وهمية لزمن طويل وبعد داك تكتشف المقلب
وبالتاكيد في ناس جادين في معاركهم
ساعود لاكمال القصة
|
Post: #2
Title: Re: استأذنكم في العودة....او قصة الغياب
Author: إسماعيل وراق
Date: 02-18-2007, 11:57 AM
Parent: #1
الف مرحب بالنابه ... عارف الصاوي
.
.
كن على تواصل.،
|
Post: #3
Title: Re: استأذنكم في العودة....او قصة الغياب
Author: arif elsawi
Date: 02-18-2007, 12:05 PM
Parent: #1
وطبعا علي ذكر الحاجات الجديدة
فاتني ان اري عبد المنعم (بيجو)صديقا هنا ,وعلي الاقل يا بيجو كان في حاجات كتيرة اتغيرت (ولا انت رايك شنو)
وكويس اني جيت بعد زمن بسيط من عيد ميلادك يافدر --سفيان بشير لا اخفي عليك انت جزء من حالة الاستفزاز للعودة بصورة او اخري
اما الاسباب التاني فخليها بيني وبينك غير القلتا ليك فوق
ام مهرجان الامل الذي كان في الخرطوم فله دخل بكل الاشياء وكنت محظوظا لما حضرت جهود الشباب الاخيرة رغم انو (كبدتي اتاكلت )من اليوم داك بشهود الاصدقاء
ولا شنو ياوديدي
اما صديقنا حنفي (كابو)فحاوريك شنو الجابني ليك بيجاي شوف يا صديق بحصل شنو لما الليل يداهمك وشبح يوم العمل يقطع ليك قصة من اطول قصص وحكايات العالم (انسي ياصديق)
اها تاني حاجة بتخص مهنتي وده كوم ما بشبه المعارك الوهمية ,وحاوريكم كيف (الصبر)
لا تفوتني اثارة وجود الطاهر ساتي هنا
----------------------------------
في زول قال لي انت ناوي علي شنو ؟
|
Post: #4
Title: Re: استأذنكم في العودة....او قصة الغياب
Author: Hussein Mallasi
Date: 02-18-2007, 12:12 PM
Parent: #3
| Quote: بوستات معلقة في المدخل دلالة علي اهميتها |
لا علاقة – إطلاقاً – بين تعليق البوستات على المدخل و بين أهميتها؛
لذا لزم التنويه!
____
حمد الله على السلامة.
|
Post: #5
Title: Re: استأذنكم في العودة....او قصة الغياب
Author: arif elsawi
Date: 02-18-2007, 12:26 PM
Parent: #4
العزيز اسماعيل وراق
تسلم ياصديق ,بس قصة النابه دي شوية بتعقد ,وعشان جات منك مقبولة والف شكر عليها
ملاسي
اها انا الليلة بالذات صدقت انك (لابد)فوق راي
وعلي العموم اخدنا التنبيه كما يجب
وسؤالي بالجد كده (عشان انا جديد وطولت من البيت كحالي دائما)
البوست بتعلق بره لي؟؟؟
شكرا ياصديق وبيناتنا تواصل
|
Post: #6
Title: Re: استأذنكم في العودة....او قصة الغياب
Author: ناذر محمد الخليفة
Date: 02-18-2007, 01:06 PM
Parent: #1
حمدللا على السلامة يا عارف !!
أخيييييييييييييراً ظهرت !! 
|
Post: #7
Title: Re: استأذنكم في العودة....او قصة الغياب
Author: bayan
Date: 02-18-2007, 02:22 PM
Parent: #6
يا سلام يا عارف
كيفك يا راجل يا لطيف؟
بركة يا يابا الجيت..
بالله في ناس بتشاكل عشان تسخن الشغلانة؟
زماااااااااان قبل زمون طويـــــــــــــلة
كنت بحب اتكلم عن موضوع المرأة وحريتها..
اها الواحد يجي يخت ليه سفة كبيرة ويخلف كراعو
ويبدا في النقاش.. وانا افور واندلق
فجأة عرفت انه الناس دي ذاتها ما شغالة بالمرأة
بس بيجو يكاو ساكت..
وعرفت انه اي حوار عن المرأة موضوع سخرية فقط لا غير
وصمت عن الكلام المباح..
اسع يلقوها عند الغافل. كلام بتاع جندر دا مني..
سعداء بيك ونتمنى ما تغيب تاني
ولوديدي الرماد..
|
Post: #8
Title: Re: استأذنكم في العودة....او قصة الغياب
Author: arif elsawi
Date: 02-18-2007, 03:08 PM
Parent: #7
العزيز
ناذر (انت عارف انو اسمك ده بعجب )لكن في كل الاحوال من يوم شفتك متلبب عود عرفت انك مانصيح ومع ذلك لك محبة كل القلب (ا الفضل منها)
تسلم والف شكر لو كنت منتظر عودتنا
بيان
لك الترحيب كما يجب (والمقامات محفوظة )وبالنسبة للجندر ,اها انا وريتك الحاصل شنو وباقي الكلام ما بتكب بس خليها مستورة
اما الشرك فاحوريك الطعم واوعك تبلعيهو
من جانبي الموضوع بتاع الجندر مهم وحارجع ليهو ,بس انتعافي شوية وبرجع ليك
ووديدي اصلو الرماد كالو من يوم ما استجاب لدعوتك هناك وانا عارف نهاية القصة
عموما سلامي ولي معك بقية حوار
علي غرار ماكان يفعله صديقنا ابوامنه زمان(جعفر بشير )شايفك تتلبت يومتا مع سفيان بشير
والف مبروك الوليد
|
Post: #9
Title: Re: استأذنكم في العودة....او قصة الغياب
Author: arif elsawi
Date: 02-18-2007, 07:10 PM
Parent: #8
ومن باب المجاملة كان لابد ان اعلق علي اخر الاستفزازات للعودة(عائلة حيمورة )انعام وعلاء الدين
انبل من عرفت علي الارض ولخاصة صديقي المشاغب محمد حيمورة
انتو يا انعام ماتجيبو ونكمل الشغلانية
اوعدكم اني حأرجع ليكم في بوست خاص عشان عندي كلام الجرايد ما بتشيلوا لازم اقولوا اصلوا واقف في الباب ليهو سنين
وما اكضب عليكم انتو حالة خاصة من الاستفزاز الجابني بعد ماعرفت سر البوستات النازلة وبالذات بعد ماجيتوا سوا تتقادلوا في المنبر
تحياتي علاء الدين
وانعام
ونتواصل
|
Post: #10
Title: Re: استأذنكم في العودة....او قصة الغياب
Author: سفيان بشير نابرى
Date: 02-19-2007, 11:45 AM
Parent: #1
عارف الصاوى عمر (بردلب) ظهر
يا عارف مرحب تاني وبيني وبينك
القصص عجيبة وسماء تجيب وارض تشيل
غايتو حكم
هسي نضمك ده مش عديل ومطايبة وسلام
يجيك زول ناطي يقول ليك ليه وما ليه
شد حيلك الشاديهو من بدري
وابقي لاجوا حدود غريق مو المطايبة دى
عادي جداً زول يكون بتكلم في موضوع مهم
وعلمي ما بيقبل اي خستكات يجيهو زول نابل
بي كلام لا سماء لا ارض !
سلام يا صاحبي
|
Post: #11
Title: أنا بريد الولد ده يابا
Author: الفاتح وديدي
Date: 02-19-2007, 12:15 PM
Parent: #10
رجاء عباسي الصباح وتاني النهارات عاودت بي عارض الصاوي
إنتو الليلة الحلقة الأخيرة وللا شنو؟
|
Post: #12
Title: Re: أنا بريد الولد ده يابا
Author: arif elsawi
Date: 02-19-2007, 02:26 PM
سفيان نابري (صديق الارض والحلوة والمرة)
حبابك في المطايبة دي وانت عارف جني وجن اللفح جنس البسوي فيهو اخوك وديدي ده
الليل والنهارات كلها شايلة معاي تحانيس عشان كل شئ ويجي يسويها لينا
مقارنات جوية مع رجاء العباسي
اها ياوديدي المطايبة واجبة وانا بنسحب للصديقة البتملا الارض وا
رجاء العباسي
يلا اتلافحوها انتا وقرمبوز (ربنا يفكو بالسلامة
وليكم المودة يا رايعين
لفحة:
طبعا يا سفيان جاييك للكلام الهردبيس
(انت قايلو انتها ...صاااااح؟)
|
Post: #13
Title: Re: استأذنكم في العودة....او قصة الغياب
Author: الطاهر ساتي
Date: 02-19-2007, 02:47 PM
Parent: #1
بلاهي .......؟؟
عارف الصاوى ذاااااااتو ...؟؟
فى منو تاني معانا هنا من جماعتنا ديل ونحن ماعارفنو ...؟؟
والله خايف يوم يداهمنا عادل الباز ذااااااااااتو ويقول لينا ياجماعة اسف على الانقطاع و نواصل ..!!
مرحب بيك يا الاخو ...
اها ناوي على شنو ان شاء الله ..
|
Post: #14
Title: Re: استأذنكم في العودة....او قصة الغياب
Author: arif elsawi
Date: 02-20-2007, 01:24 AM
Parent: #13
سلامات ...الزميل الطاهر ساتي
والف شكر علي التوصيلة والغشوة
واذا دار محور سؤالك عن الناوي عليهو ........فدي بالذات ياالطاهر ماحاوريك ليها
لسبب بسيط (هو انا فلسفتي للعام 2007 اني اتعلم ما احرض علي افشاء الاسرار
ووحاة التراب الغالي انا اكتشفت اني ما عندي سر كلو كلو
واسال الخبير سفيان بشير (طبعا يا سفيان بما انك واحد من مقبلات العودة حاسويك زي قصة ابوالنجيعة ,ذاك الرجل الذي في قريتنا
ودي بحكيها ليك براك لانها ما سر
تشكر يالطاهر ساتي علي الحضور ومؤكد حاتعرف انا ناوي علي شنو بس لوك الصبر شوية
تلويحة :
طبعا انا متلح سفيان ده ساي ماعارف لي (فواحد يحلو مني)
للجميع:
طبعا لكثرة ما رافقت هذ الرجل اكتشفت ان ذاكرتي ملئية بحكايات (تنفع)
|
Post: #15
Title: Re: استأذنكم في العودة....او قصة الغياب
Author: bayan
Date: 02-20-2007, 05:11 AM
Parent: #14
| Quote: ووديدي اصلو الرماد كالو من يوم ما استجاب لدعوتك هناك وانا عارف نهاية القصة |
وديدي السواها رقدت كمان ما لدرجة قطع اليوم...
ولا كيف؟
اسع شغالة معاه بقصة هجم النمر. النمر اليقرمشو
والله سعيدة انك جيت
|
Post: #16
Title: Re: استأذنكم في العودة....او قصة الغياب
Author: الصادق خليفة
Date: 02-20-2007, 07:16 AM
Parent: #15
مرحب بيك الاخ عارف الصاوي
انت صاحب الدار مالك ومال الأستأذان يا اخ
|
Post: #17
Title: Re: استأذنكم في العودة....او قصة الغياب
Author: سفيان بشير نابرى
Date: 02-21-2007, 09:43 PM
Parent: #1
Quote: مرحب بيك الاخ عارف الصاوي
انت صاحب الدار مالك ومال الأستأذان يا اخ |
الصادق خليفة
والله مطايبتك حلوة وسمحة وكلامك عديل
علا ناقص ياخوي !!!
انت ماشايف الزول ده ساويني قلموا ياخ!!!؟؟
مالك ما بترحب بي ؟!!!
عارف الصاوي ياخوي اها انا من يدك دي لي ديك
البتجيني منك بتحمله بس طلبي الوحيد منك
تحكي لينا قصة جدي أحمد
وكمان أن لحقتنا القصة بتاعة (عايز تحكيها ليّ براي)
تكون ماقصرته مع الناس دي !
اما قبل فوديدي ده بلدياتك (صحافة واعلام) فخليهو ياخ
اصلاً الرزق تلاقيط أو كما قال.
اها كيف كده !!
|
Post: #18
Title: Re: استأذنكم في العودة....او قصة الغياب
Author: bent-elassied
Date: 02-21-2007, 11:21 PM
Parent: #17
عارف انت جيت من وين؟
و لا ما عارف
العارفو اني
اختفيت في محل و وزمان ما بعرفو؟
انشاء الله تكون انت عارف انت
وين؟
مرحب بيك
وحبابك مليون انشاء الله ما تنقطع تاني
بت الاسيد
|
Post: #19
Title: Re: استأذنكم في العودة....او قصة الغياب
Author: Ibrahim Algrefwi
Date: 02-22-2007, 02:59 PM
Parent: #1
خلاص جيت!
عشان تمشي موش ؟
اكتر زول بمش في المليون ميل مربع عارف ده ؟
|
Post: #20
Title: Re: استأذنكم في العودة....او قصة الغياب
Author: عبدالرحمن عزّاز
Date: 02-24-2007, 09:22 PM
Parent: #19
وأخيراًً ........
نلتقى مجدداً ... تحياتى ياصديق
سعيد بعودتك..
عزّاز
|
|