Post: #1
Title: خبر غير مفرح لمواليد1957 ...وحقهم راااااااااح!!!
Author: هشام هباني
Date: 02-18-2007, 03:41 AM
اعمامنا مواليد 57 اعمارهم الان 50 سنة بالتمام !!
عمنا عبود اخذ من عمرهم ستة سنوات وعمنا نميري اخد ستاشر سنة وعمنا البشير
اخذ تمنتاشر سنة....يعني حاصل العملية بشكل رياضي 50-6+16+18=10 سنوات!!
يعني الواحد منهم 40 سنة من عمرو راحت سدى ساكت في زمن الدكتاتورية!!
و10سنين بس عاشن في الديموقراطية..يعني شعب زي ده عاوزنو اقلب هوبة عايش تحت التشوية والبطش والقهر وغسيل الادمغة..والله كتر خيرن عملوا الانتفاضة!!
|
Post: #2
Title: Re: خبر غير مفرح لمواليد1957 ...وحقهم راااااااااح!!!
Author: Yassir Tayfour
Date: 02-18-2007, 05:00 AM
Parent: #1
لووووووووووووووووووووووول
والله يا ود هباني ده حساب مُر خلاص
الله يكون في عونا
|
Post: #5
Title: Re: خبر غير مفرح لمواليد1957 ...وحقهم راااااااااح!!!
Author: هشام هباني
Date: 02-18-2007, 09:41 AM
Parent: #2
صاحبي ياسر طيفور
ازيك
شفت الشعب ده مجهجه كيفن...يعني ما في انسان واجه محن زي دي!!
وحتي العشر سنوات الفي الديموقراطية هي زاتها عاشهافي ديموقراطية مكعكعة
ومخستكة...يعني الخمسين سنة زاتها راحت في غضب الله يعني طلع ملووووص!
|
Post: #3
Title: Re: خبر غير مفرح لمواليد1957 ...وحقهم راااااااااح!!!
Author: ناجى أحمد البشير
Date: 02-18-2007, 07:12 AM
Parent: #1
والله دى حسادة منك يا خوى
يعنى طلعت الجماعة دى ملوص
|
Post: #4
Title: Re: خبر غير مفرح لمواليد1957 ...وحقهم راااااااااح!!!
Author: عمار يس النور
Date: 02-18-2007, 08:27 AM
Parent: #3
قريبي الرائع جدا إلى حد الدهشة هشام و د الهبانية
و الله فعلا دي معادلة عجيبة جدا طبقتها على نفسي و أنا من مواليد أواخر عام 1966 يعني عمري الان 40 سنة و طبعا ما حضرنا زمن عبود.
40-16-18 = 6
المشكلة مش في ال 6 سنوات فقط بل التباين بينهما يعني سنتين و أربع سنوات من الديموقراطية بينهما 16 سنة ودي عند ناس الإحصاء بيسموها التشتت وهو مقيايس للتباين بين المفردات و كلما كبر بيكون هنالك مشكلة في القياسات الإحصائية و مدي الإستفادة منها.
دردشة:
مرة كده في أحد الإجازات في السودان مشيت لي ناس الخدمة الإلزامية (لا أراكم الله لهم) و بينما نحن في الصف فإذا برجل في أواخر الأربيعينيات أو أوائل الخمسينات من عمره يصيح : أشهدوا يا جماعة ، انا عمري ستة و أربعين سنة و ولدي ده عمرو 24 سنة و الإثنين واقفين في صف الخدمة الإلزامية"
نط واحد تاني قال ليه نشهد معاك على شنو ، إنت ح تقدر تعمل حاجة" رد عليه : "لا أنا عاوز اشهدكم لي يوم الموقف العظيم عند رب العالمين" هنا طوالي نط أخوك عمار ود يس و قلت ليه: " أنا بشهد معاك و اليوم ده الواحد ح يفتش للحسنات حتى من أمو التي ارضعته إن لم تخلص في الرضاعة ، يا زول انا بشهد معاك طوالي ممكن نلقى لينا حسنة طائرة كده و إلا كده"
تحياتي
عمار يس النور
عاشق بخت الرضا
|
Post: #7
Title: Re: خبر غير مفرح لمواليد1957 ...وحقهم راااااااااح!!!
Author: هشام هباني
Date: 02-18-2007, 09:52 AM
Parent: #4
عمار قريبي
ازيك يا زول يا سمح يا زين
انت زول بتاع احصاء ورياضيات وعشان كده انا بعتد بحساباتك
بالله اعمل لينا تحليل رياضي بخطوط ورسوم بيانية لاول مرة لشكل ازمةالشعب السوداني في مقارنة الحالة العمرية للفرد السوداني مع واقع عدد سنين التشويه والانتعاش!
عشان الواحد العلاقة بالوطن ذاتها احدد موقفه منها من واقع حسابات علمية ونحن قدامنا دنيا مجهجهة واخرة غير مضمونة فما عاوزين نتمقلب دنيا واخرة!
|
Post: #6
Title: Re: خبر غير مفرح لمواليد1957 ...وحقهم راااااااااح!!!
Author: هشام هباني
Date: 02-18-2007, 09:44 AM
Parent: #3
ناجي اخوووي
سلامات
يا زول احسدوهم علي شنو....ديل يوم القيامة المولي عز وجل ان شاء الله
حيوديهم الجنة...عشان اتعذبوا في الدنيا وتقبلوا ابتلاءات الله!
|
Post: #8
Title: Re: خبر غير مفرح لمواليد1957 ...وحقهم راااااااااح!!!
Author: هشام هباني
Date: 02-18-2007, 04:57 PM
Parent: #6
؟؟؟؟؟؟؟؟؟؟؟؟؟؟؟؟
|
Post: #9
Title: Re: خبر غير مفرح لمواليد1957 ...وحقهم راااااااااح!!!
Author: يحيي مصطفي
Date: 02-18-2007, 07:05 PM
Parent: #8
Quote: يا زول احسدوهم علي شنو....ديل يوم القيامة المولي عز وجل ان شاء الله
حيوديهم الجنة...عشان اتعذبوا في الدنيا وتقبلوا ابتلاءات الله |
الابن هشام
تحية طيبة
تمنيت الجنة لأعمامكم الضحايا
كتر خيرك وانشاء الله دعوتك مستجابة
عمك يحيي
|
Post: #10
Title: Re: خبر غير مفرح لمواليد1957 ...وحقهم راااااااااح!!!
Author: Ahmed Osman
Date: 02-19-2007, 07:08 AM
Parent: #9
50-6+16+18=10 سنوات!!
10 سنوات!شنو يا حبيب
تمنية ساعات نوم يعنى -تلاتةسنوات منهم على الاقل اخصمها نوم -
دة طبعا لو ما حسبت نوم المكاتب والتبطح فى الضللة
يعنى نقول سبعة سنوات
اظن الباقى دة قضو واقفين فى طلمبة البنزين او صف عيش وما كان فى
وكت يفكرو ذاتو
|
|