Post: #1
Title: الطيش الطيش عند ربو بعيش ولبعوه بالبراطيش!!
Author: هشام هباني
Date: 02-18-2007, 02:02 AM
ذنبو شنو زول اجي الطيش احتمال اكون لظروفو الاسرية فقران تعبان سجمان حق الاكل ما عندهم وعشان كده ما قادر اقرا ما عندو نفس للقرايةوكمان بعد ما جا الطيش اسيروه اولاد المدرسةوافضحوه وكمان البعوه بالبراطيش!!؟يعني حاجات تقرف وعادات غريبة من وين جاتنا الحاجات الشينة دي.... ثقافة تجذر القمع والسخرية والاحتقار وكسر الخاطر واهانة الطفل..وبعد ده دايرين منو نجاح واكون مواطن سوي..عشان كده ليهو حق اطلع زول حاقد..ممكن اكضب باسم الله واقعد الناس في القزاز واطلع دينن في بيوت اشباح.. واهين ناس في اعمار ابوهو وجدو واعلق زول شريف زي سيد احمد حسين من ايدو المقطوعة!!؟
|
Post: #2
Title: Re: الطيش الطيش عند ربو بعيش ولبعوه بالبراطيش!!
Author: هشام هباني
Date: 02-18-2007, 02:24 AM
Parent: #1
ما دعاني لفتح هذا الموضوع انه ذات يوم عندما كنت اهاتف الوالدة في السودان وقد سالتني عن احمد وكيف احواله المدرسية وهي شان كل الجدات السودانيات تسال سؤالا مشروعا
ومن حقهاعن حفيدها ومستواه الدراسي ودوما ماامازحها وكعادتي ممازحا اياها كانت اجابتي حاضرة غايتو يا حاجة احمد فاضحنا فضيحة مع شفع الخواجات في الحلة..غايتو قبل يومين وانا راجع البيت لقيت ليك جنس لمة وجنس سيرة قدام بيتناكانت...يا زولة احمد قدام شفع الخواجات جاري علي البيت وضارب الجعير ومغتي وشو ومخاخيتو تقصي بيها دربو والشفع الحلب شايلين ليهم جالون بنزين فاضي معفص عاملينو دلوكة ومسيرين احمد واكوركو..التيش التيش اند ربو بايش واادربو بالبراتيش!!
فاستنكرت الوالده هذا الموقف ووبختني عليه اذ كيف افرط لهذه الدرجة في الاهتمام بابني حفيدها المشاكس وهو لا يهتم بدروسه....وهو يفضح الاسرة بهذه الطريقة المزرية! ولكنها استدركت الامر وهي تقول لي: لكن ما معقولة..حتي الخواجات بعرفوا سيرة الطيش زينا..يا ربي العلمن الحاجات دي منو! فقلت لها: بالتاكيد يا حاجة اكون علمن ليها شافع سوداني
قديم ومدردح ومولود في البلد دي من سنة حفرو البحر وابوهو ظاطو اكون كان بجي الطيش في السودان ومن يوم داك الزول ده قرر اهاجر البلد بسبب السيرة العجيبة ديك ودي الحاجة الوحيدة البتذكرها من ثقافة السودان وقام نقلها للامريكان ! وضحكت الحاجة البريئة وهي تقول لي: والله كان مضحكاني عجوميتن في حكايش التيش والبراتيش دي..مساكين مو طير عجم ساكت شفع الامريكان ما بعرفو العربي الفصيح!!
|
Post: #3
Title: Re: الطيش الطيش عند ربو بعيش ولبعوه بالبراطيش!!
Author: هشام هباني
Date: 02-18-2007, 02:29 AM
Parent: #2
يا جماعة بصراحة عاوز واحد اكون شجاع جدا وامين جدا وبخاف الله جدا قد اكون جاء الطيش ذات مرة.. ومو عيب تجي الطيش عشان احكي لينا شكل السيرة عندهم كانت كيفن باعتبارو معايش للحالة وعايزين نعرف تاثير السلوك ده علي نفسيتو كان عامل تحفيز ولا عامل تطفيش!عشان نناقش الموضوع ده بشكل علمي وتربوي واثارو الجانبية علي نفسية طفل سوداني مشروع مواطن صالح امو راجياهو والوطن كمان!
|
Post: #4
Title: Re: الطيش الطيش عند ربو بعيش ولبعوه بالبراطيش!!
Author: fadlabi
Date: 02-18-2007, 02:37 AM
Parent: #3
| Quote: يا جماعة بصراحة عاوز واحد اكون شجاع جدا وامين جدا |
ده هسي تلقاه وين
|
Post: #6
Title: Re: الطيش الطيش عند ربو بعيش ولبعوه بالبراطيش!!
Author: هشام هباني
Date: 02-18-2007, 09:58 AM
Parent: #4
الفاضل فاضلابي
عشان كده بندور علي عليهو زي لبن الطير!
|
Post: #5
Title: Re: الطيش الطيش عند ربو بعيش ولبعوه بالبراطيش!!
Author: بكري الصايغ
Date: 02-18-2007, 03:31 AM
Parent: #1
نـمـيـري كـان " طـيـــش " حـنتـوب وحكمنا 16 سـنة!!!،
البشــيـر يادوبـو مخـلـص الثانويـة حـاكمـنا 18 سـنة!!،
ياهــبانـي،
البلـد مابــلـد شــهـادات،
البلـد بلـد " الولاء قبـل الـكفـاءة"!!!!_
|
Post: #7
Title: Re: الطيش الطيش عند ربو بعيش ولبعوه بالبراطيش!!
Author: Mustafa Mahmoud
Date: 02-18-2007, 10:03 AM
Parent: #5
نـمـيـري كـان " طـيـــش " حـنتـوب وحكمنا 16 سـنة!!!،
البشــيـر يادوبـو مخـلـص الثانويـة حـاكمـنا 18 سـنة!!،
ياهــبانـي،
البلـد مابــلـد شــهـادات،
البلـد بلـد " الولاء قبـل الـكفـاءة"!!!!_
that is fantastic
ustaz bakri
ya wad habbani
salaam
mustafa
|
Post: #8
Title: Re: الطيش الطيش عند ربو بعيش ولبعوه بالبراطيش!!
Author: هشام هباني
Date: 02-18-2007, 10:06 AM
Parent: #5
استاذي الجميل بكري الصايغ
Quote: نـمـيـري كـان " طـيـــش " حـنتـوب وحكمنا 16 سـنة!!!،
البشــيـر يادوبـو مخـلـص الثانويـة حـاكمـنا 18 سـنة!!،
ياهــبانـي،
البلـد مابــلـد شــهـادات،
البلـد بلـد " الولاء قبـل الـكفـاءة"!!!!_ |
نحن بهمنا الزول الامين والصادق والشجاع البجي بقول انا يا جماعة كنت بجي الطيش
يعني اجينا عينك عينك...كل شي ولا الكضب والغدر وحكاية الحرامي الفي راسو ريشة زي بتاعة عمر البشير وهو يحكي عن ليلة (الانقاذ) والقبض علي السلطة!!
بقول انو اليوم داك قبل ساعة الصفر حايم في الشارع قدام الصينية بتاعة ايه ما عارف..وعندو احساس وهو حايم متربص بالسلطةزي حكاية الحرامي الفي راسو ريشة..تخيلوا زول عاوز اسرق ليهو بلد حدادي مدادي مليون ميل مربع وتلاتين مليون نسمة..عندو احساس وكمان احساس نشال بس عاوز تقول اسرق عنقريب من سوق النسوان!! بالله شوفوا المهزلة دي!
|
Post: #9
Title: Re: الطيش الطيش عند ربو بعيش ولبعوه بالبراطيش!!
Author: بكري الصايغ
Date: 02-18-2007, 01:45 PM
Parent: #1
الاخ الـحـبيـب الحـبـوب،
هــشـام هـبانـي،
تـحـيـة طـيـبة،
ياهـبانـي ماتبقـي خـيالـي!!!!، مـافي زول في الدنيا ويجـئ يقول لك "انا
كنـت طـيـش الفصـل!!!!"، كـل واحـد يقول عـن نفسة انة كان دائمآ مـبرز وشـاطر، يـحكي لـي احـد المدرســيـن بالسودان، انةوبعـد ان اصبحـت "الدروس الـخصـوصـية" منتشــرة بصــورة قوية واثـرت المدرسـيين والنظار ودخلـت المـلاييـن من الجـنيهات واحـيانآ الأف مـن الدلارات جـيوب
" قـم للمعـلم " واصـحوامـن كبارالاثـرياء ، واصـبحـت كـل الآسـر تتهـافت للحـصـول علي مـدرســييـن حـتـي لايطـلعـوا اولادهـم " بلـداء"، انعـدمـت تـمامـآ ( كما يقـول هـذا الـمدرس ) حـكاية " طـيـش الفصــل!!!"، انة وطالـما هـذة الاســـر " غـنيــة او فقيـرة" تـدفع رسوم الـدروس الخـصوصـية
فان اولادهــم دومـآ هــم من اوائــل الفصــول!!!ومـن لايـدفع يـحال
"للصــالـح العـام!!!" مـن الـمـدرسـة، وفـي هـذة الحالة يكون " مـفصـول"
وليـس " طـيـش الفصــل"!!!!_
سـؤال جـانـبـي: " اولادالـمدارس بـمـشـوا الـمـدارس بالـ "بـراطيـش??"
|
|