Post: #1
Title: إنتقائية و محسوبية و حاجات تحير !
Author: Elmuez
Date: 02-17-2007, 09:24 PM
هل يتساوى جميع الناس هنا من حيث الواجبات و الحقوق,اللائحة و الخور ?!..
هل يستحق هذا البوست الحذف و النقل إلي الخور:[الامير الكوشى كمال بشاشا، محرر العبيد] .
أرجو أن تتكرم إحداهن أو يتكرم أحدهم بتفسير جانب من مواد اللائحة لنا!
|
Post: #2
Title: Re: إنتقائية و محسوبية و حاجات تحير !
Author: Elmuez
Date: 02-17-2007, 09:27 PM
Parent: #1
حتى نتجنب مغبة التدخل في شئون الإدارة !
|
Post: #3
Title: Re: إنتقائية و محسوبية و حاجات تحير !
Author: Elmuez
Date: 02-17-2007, 09:36 PM
Parent: #1
أو نستبدل مسمى "الخور" إكراما لضحاياهو و بوستاتهم !
|
Post: #4
Title: Re: إنتقائية و محسوبية و حاجات تحير !
Author: Bashasha
Date: 02-17-2007, 10:35 PM
Parent: #1
المعز،
مافاهم، اعتراضك وين بالضبط.
هذا البوست مخصص لي بشاشا، اوبشاشا سعيد بيه. بالعدم ورينا.
|
Post: #5
Title: Re: إنتقائية و محسوبية و حاجات تحير !
Author: Tragie Mustafa
Date: 02-17-2007, 10:41 PM
Parent: #4
عدلت المداخله
لانه اكتشفت انه البوست موجود
الآن فهمت انه المعز يسأل هل يجب القذف به للخور؟؟؟
والله يا المعز لم اطلع عليه الا الآن منذ البارحه
دخول شلة الانس للبوست افرغته من محتواه .
يا بشاشا
مشتاقين ,اعذرني للغياب
العيال بستلموني في الويك اند.
تراجي.
|
Post: #6
Title: Re: إنتقائية و محسوبية و حاجات تحير !
Author: Bashasha
Date: 02-17-2007, 10:58 PM
Parent: #1
الصنديدة تراجي،
كده مافاهم حاجة. البوست بتاع خالد قاعد. ولا المقصود بوست تاني؟
معز زول حبوب، مستقل تماما بي رايو.
|
Post: #7
Title: Re: إنتقائية و محسوبية و حاجات تحير !
Author: Tragie Mustafa
Date: 02-17-2007, 10:59 PM
Parent: #6
انا ذاتي عدلت المداخله
لاني كنت جايه فرش وافتركته قذفوا به
بعد مداخلتي اكتشفت انه قاعد.
معذره للاستعجال.
تراجي.
|
Post: #8
Title: Re: إنتقائية و محسوبية و حاجات تحير !
Author: Elmuez
Date: 02-17-2007, 11:13 PM
Parent: #1
| Quote: هذا البوست مخصص لي بشاشا، اوبشاشا سعيد بيه |
بشاشا
الدلق في الخور من عدمه , و اللائحة , ما بيحددوا بحسب سعادة المحتفى به أو سعادة كاتب البوست..
غض النظر عن موضوع البوست و كاتبه و المحتفى به, بوستات كتيرة مشت الخور لأنها جافت المقبول لغويا و أدبيا و البالتالي لائحيا لذلك تعجبت ل"السر" وراء إبقاء بوستكم رغم الكرشة الكتيرة العامر بيها..
أها دحين إنت فهمك شنو ?..
شكرا تراجي على "المساعدة"..
و تحياتي لكما,
|
Post: #9
Title: Re: إنتقائية و محسوبية و حاجات تحير !
Author: Bashasha
Date: 02-17-2007, 11:36 PM
Parent: #1
بالنسبة للائحة، فهمي، الاصل انو يكون هناك ادعاء بالضرر من عدد كافي من الاعضاء، ثبت فعلا تضررم، حتين يتم انفاذ اللائحة.
يعني امين الموقع مامفروض من عندو يبادر او يحاول انفاذ اللائحة، انتقائيا لانو عمليا مستحيل، وبذلك ماحيكون عادل، غير انو فيهو افساد او تضييق علي الحريات.
ولكن عندما يترك الامر للمتضررين، فامين المواقع ماحيكون في وش المدفع، بالتالي ماحيكون هناك احتاج، بالتالي ماحتحصل ذي الخجات البتحصل مع كل قرار عشوائي لامين الموقع.
بنقول عشوائي لانو بكري لايعتمد حتي الان علي نظام موضوعي مضبوط بالارقام، لاتخاذ القرارت.
كاقتراح قنا ليهو، ذي المعمول بيهو في كل المواقع الضخمة، خلي العضوية تضبط او تنظم بعضا وفق نظام تصويت محدد.
مثلا ممكن بكري يضع ايقونة لتصنيف المشاركة وفق نظام معين، او وفق "فورملا" محددة معروفة لي بكري بس، الكمبيوتر براهو يشيل يودي التراش، يصنف العضوية او مشاركاتا باستخام الوان محددة مثلا، تعمل كانذار مبكر، كاسلوب وقاية خير من وجع المعالجة الغالية. ولكن حتي الان بكري بدير المنبر يدويا وهذا فعلا شئ عجيب!
|
Post: #10
Title: Re: إنتقائية و محسوبية و حاجات تحير !
Author: Elmuez
Date: 02-17-2007, 11:46 PM
Parent: #1
أتفق و "أتعجب" معاك يا بشاشا حول ما ذكرت,
لكن تركيزي كان على النقطة دي تحديدا من اللائحة, و هي ما محتاجة ليها لا لي تكنولوجيا ولا كثير جهد,:
| Quote: 2- على جميع الأعضاء الالتزام بأدب الحوار والاختلاف واحترام الرأي الآخر. ولا يجوز لأي عضو أن يسب أو يشتم أي عضو آخر أو يكفره بسبب رأيه أو معتقده..... |
|
Post: #11
Title: Re: إنتقائية و محسوبية و حاجات تحير !
Author: Bashasha
Date: 02-18-2007, 00:10 AM
Parent: #1
المعز،
ادب الحوار ده، يقيسو بي ياتو مسطرة؟
المشكلة فعلا هنا.
عشان كده في Youtub مثلا لمان تشوف فييديو "قليل ادب" المتلقي بصوت بي "كلك" واحد، او وفق "فورملا" محددة مبرمجة، الكمبيوتر بقوم يجرد الاصوات دي، او يقرر المطلوب عملو، من دون زول يتدخل بي كل ميولو او مزاجاتو الشخصية.
بالعدم، بكري لمان براه يقرر البوست الفلاني فيهو تجاوز لي "ادب الحوار" او يشيل يجدعو في التراش، فعاجلا او اجلا حيقع في مشكلة كبيرة، او حتحصل بلبلة، لااول لااخر، من دون اي مناسبة، تاثر في استقرار المنبر او تسميم اجواؤ ثم خصومات من البعض مع بكري وهكذا.
فكلامي في محلو.
|
Post: #12
Title: Re: إنتقائية و محسوبية و حاجات تحير !
Author: Elmuez
Date: 02-18-2007, 00:17 AM
Parent: #1
خلاص نلحق لينا "إحتياطي مركزي" بالإدارة !
أنا أمس إقترحت "إدارة جماعية منتخبة"
عملت لي كباية شاي جيت لقيت البوست في الخور !
still ده ما سبب غضبي و إنما في ناس مساكين كتار عجل بكري بنقلهم/ن إلي الخور..
غايتو..
|
|