Post: #1
Title: باركوا لى....
Author: محمد إبراهيم عبد الماجد
Date: 02-17-2007, 03:26 PM
أخيرا حامشى السودان بعد 18 سنة غربة
إن شاء الله يوم الاربعاء القادم وعبر البحر الاحمر
من السعودية
إذا ربنا مدى في الآجال
أدعوا لي بالتوفيق
والعندو رأي يقولوا
وأن شاء الله إذا لقيت فرصة
بلاقيكم من هناك
محمد طرمبا
أخوي الموصلي
عندك أي وصية لناس الصحافة؟؟؟
|
Post: #2
Title: Re: باركوا لى....
Author: محجوب البيلي
Date: 02-17-2007, 03:46 PM
Parent: #1
أخونا محمد إبراهيم
صحبتك السلامة، ذهابا وإيابا
وما أجمل العودة إلى المنبع... | Quote: والعندو رأي يقولوا |
فقط... تذكّر أنه: Quote: تغيرَ شئٌ بفعلِ الزمنْ
فلا الظلُّ هو الظلُّ ذاك الظليلُ ولا النيلُ هو النيلُ ذاك الذي نعرفُه |
|
Post: #3
Title: Re: باركوا لى....
Author: أبو الحسين
Date: 02-17-2007, 04:11 PM
Parent: #1
Quote: أخيرا حامشى السودان بعد 18 سنة غربة
إن شاء الله يوم الاربعاء القادم وعبر البحر الاحمر
من السعودية
|
حا تمشي نهائي ولة دي يا كإجازة عابرة يعني...
معليش عشان إختلط علي الإختساس... والمباركة تختلف بين دي وديك!!!
على العموم لامِن نتقابل تاني... ربنا يوصلك بالسلامة وتلقى الأهل طيبين وبلغ تحياتنا لكل الصحافة منننننننننن جبرة لييييييييييي أركويت... وخسوساً مربع ( 18 )...
كميات مودتي...
أبو الحســــــــين...
|
Post: #4
Title: Re: باركوا لى....
Author: محمد إبراهيم عبد الماجد
Date: 02-17-2007, 09:21 PM
Parent: #3
Quote: تغيرَ شئٌ بفعلِ الزمنْ
فلا الظلُّ هو الظلُّ ذاك الظليلُ ولا النيلُ هو النيلُ ذاك الذي نعرفُه
تسلم يا ود البيلي من كل شر
وأنا كمان إتغيرت بفعل الزمن
خايف ناسي الزمان ما يعرفوني
وأرجع أعيش زي الغريب
محمد طرمبا
|
Post: #5
Title: Re: باركوا لى....
Author: محمد إبراهيم عبد الماجد
Date: 02-17-2007, 09:31 PM
Parent: #3
أخوي أبو الحسين
هي إجازة بس { وبيني وبينك } برضو جس نبض
إذا مشى الحال إستغرينا
وإذا كان الحكاية ياها البنشوفه في المنتديات دي رجعنا
أن شاء الله أنا حأبلغ سلامك لى ناس الصحافة وأنت نازل لغاية جبره
بس يا أبو الحسن أنا عايز أعرف المربعات دي ياها زاته
ولا في ترتيب جديد؟؟؟
عشان الواحد ما يتوه
الحقيقة أنا عملت إحتياطي وقلت لأخوي الصغير المستغر في البلد
يجيني في بورتسودان
|
|