Post: #1
Title: هبيتو..ما..هباني التكاسي فات خلاني
Author: nile1
Date: 02-15-2007, 07:31 PM
Parent: #0
غريب جدا أن تحب أحدا وتتمني في نفس الوقت أن تلتقي به لا لتحتضنه مسلما ولكن( عشان تشيلو سنونو في أيدو وتعدموالعافية)..هشام هباني..كتاباته تشهد له بسعة الأفق وإمتلاك ناصية الكلم والتضلع بفن الكتابة..يحرك فيك كل المشاعر المتناقضة في آن واحد..الدهشة..الرضا..السخط..الشعور بأنه يستفز مشاعرك..كتاباته لها نكهة متميزة ولكنه يزيد بهارها فتصبح لاسعةلاذعة..إلي هنا تبدو المسألة عادية..كلماته حلوة حلوه..ولكن..يستبد بها الغرور بجمالهاوتسكرها نظرات الإعجاب فتخرج عن الحشمة..فتارة تخرج علينا بالبيكيني وتارة بورقة التوت فقط وأحيانا كثر (يامولاي كما خلقتني)..وهذا ما جعلني عاتب عليه ومتربص به الدوائر وليحمد الله أن بيني وبينه بحار وخلجان ومحيطات..أحب أن أقرأ كلماته(بهدومها) ولكنه يأبي إلا أن يعكر صفو لحظاتي معها.
قبل أسبوع إجتمعنا صدفة..مجموعة من بورداب الخبر والظهران..وكان الحديث عن أبرع كتاب المنبرودار الحديث حول كتابات هباني.. إتفق الجميع وأنا منهم على جاذبيتها..وكان أن سئلت إن كنت قد قرأت له آخر بوست فرددت بالنفي..قال محدثي: ياخي مامعقول..إنت ماكنت بتفوت أي حاجه يكتبها..رددت: والله هشام هباني تاني كان كتب قرآن ما حأقراهو..قال: ياخي بالغت والله حقو أكتب الكلام دا في المنبر..مالك إتقلبت عليهو كدا..قلت: أنا مااتقلبت عليهو ولا زلت عند رأيي بأنه من أفضل كتاب المنبر..أحب أقرأ كتاباته لكن ياخي كلماته مرات ببقن بنات ليل عدييييل..
دحين ياهشام هباني قلمك دا ماحقك براك..الكلام بعد ماتكتبوا ببقي حقنا نحن القراء..ومن حقنا عليكم أن ترتقوا بنا.....صغ كلماتك وقدمها لنا..بس بلاش والنبي حكاية المايوه دي؟؟؟
لك تحياتي وودي
|
Post: #2
Title: Re: هبيتو..ما..هباني التكاسي فات خلاني
Author: هشام هباني
Date: 02-16-2007, 09:37 AM
Parent: #1
حبيبنا nile 2
سلامات
ات يا زول ماك نصيح داير تعدمنا السنون سلاحنا الوحيد الباقي لينا.. وتاني كان رجعنا الزمن داك السودان الناس الحرامية الغلاد ابان عناقر ديل ساعة الحساب والله حالة ما مفقوعين من الغباين بندور نقع فيهم عضا ساكت واحد واحد!! اها نقعد نفتش للسنون عشان نعضيهن وما نلقاهن..يا زول قول كلام غير كلامك الشين ده!
محبتي واحترامي
هباني ظاااااطو
|
Post: #3
Title: Re: هبيتو..ما..هباني التكاسي فات خلاني
Author: nile1
Date: 02-16-2007, 11:44 AM
Parent: #2
هشام
Quote: يا زول قول كلام غير كلامك الشين ده!
|
كلامي بسحبو..كان بنات أفكارك كلهن بجن لابسات..إنت بس ياالمبروك خلي حكاية الإستربتيز دي لبوستات التابلويد..وزي ماقالوا الخواجات..ماترمي الضبانه في اللبن..تحياتي
الزاكي
تخريمه: قدد عيونك كويس وأقرأ..nile1 ..مش nile2 أوعك تاني تعمل لي داون قريد..بالمناسبة..تعرف محمد السيد هباني؟؟؟؟
|
|