الف مرحب بشاعر الشعب محجوب شريف بالدوحة

يصل الى دوحة الخير في السادسة من صباح غد الجمعة 16 ابريل 2007الشاعر العملاق محجوب شريف وترافقه زوجته الكريمة الاستاذة اميرة الجزولي ، وسيكون في استقباله اصدقائه واحبابه ، ومعجبيه وعموم البورداب والدوحاب ، والصحافيون والاعلاميون واعضاء رابطة اصدقاء محجوب شريف بالدوحة. واعدت رابطة اصدقاء الشاعر الكبير برنامجا يليق بعظمتة الشاعر في الوجدان السوداني وكرمز حمل هموم الوطن في حدقات عيونه وسطرها شعرا بدماء قلبه ، وقضى عمره يعلم الاجيالا ، وهنا نقول (القومة ليك ياشاعرنا الهمام) . وسيتم تنظيم حفل استقبال يوم الاحد بمقر اصدقاء البيئة .

***************
وعهد محجوب للوطن كان (حنبنيهو)

حنبنيهو
البنحلم بيهو يوماتي
وطن شامخ
وطن عاتي
وطن خير ديمقراطي
*******

نداء للوطن ولمحجوب

كونوا هناك في مطار الدوحة ، استقبلوا شاعر ، وكونا حضورا يسد الافق .

Quote: وعهد محجوب للوطن كان (حنبنيهو)

الزميل / فيصل

تحياتي

وعهدنا لمحجوب ولكم أن نكون في إستقباله وتحت أمره .

يالله ..........


الدوحه منوره اليومين ديل.......

مرحب بيهو بين ناسو واحبابو....

حباب أبو مريم ومي
حباب مغني الشعب
مهدهد الأطفال
الراقص مع احلامنا
الشايل هموم الغلابا
مرحب حبابك
والدوحة منورة

بورداب الدوحة
والحبيب محمد السنى
تحياتى لكم وللشاعر الكبير محجوب شريف
ارجو ابلاغه ..
مع تمنيات الصحة والعافية
مودتى وتقديرى

مرحب بالاستاذ محجوب شريف
مرحب بشاعرنا الانسان وقلمنا
الحر...


عوض حمزة

أهلا بالمتسامى محجوب شريف

وانشاء الله الدوحة تكون سرير شفاء

كما كانت من قبل لوردى وسيداحمد الحاردلو

سلامات
وعوافي
الف مرحبا بشاعر الشعب ..
سيدنا في الوطنية والخلق القويم ..
صاحب الكلمة الصادقة والقلب الرحيم ..
الرجل الذي وهب عمره للانسان وللوطن ..
للحقيقة والعيشة الكريمة ..
الف مرحبا بك استاذنا المجيد ..
والف مرحبا برفيقة دربك ومشوارك العظيم الاستاذة اميرة الجزولي ..
الف مرحبا ..

بختكم




امنياتي بالعافية ابو مريم ومي

الف مرحب برئة الشعب محجوب شريف ...

تمنياتى باقامة طيبة ...

يا سلام ده خبر رائع جدا

الف تحية لكم بورداب الدوحة ... وتحية لود باب السنط

هذا الخبر تنشره الصحف التالية صباح غد السبت17 فيراير

قطر :
الشرق
الراية
الوطن
السودان :
الرأي العام
السوداني
لندن :الشرق الاوسط
بمركز اصدقاء البيئة مساء غدا الاحد
حفل استقبال للشاعر السوداني محجوب شريف
وصل الى الدوحة صباح الجمعة الشاعر السوداني الكبير محجوب شريف ، ترافقه زوجته الكريمة الاستاذة اميرة الجزولي ، وكان في استقباله جمع من معجبيه واصدقائه وصحافيون . وتقيم رابطة اصدقاء الشاعر الكبير حفل استقبال له في السابعة من مساء غدا الاحد بمركز اصدقاء البيئة . ولدى وصوله مطار الدوحة قادما من لندن قدمت الطفلتان ملاذ فياض وروان محمد باقة ورد لمحجوب وزوجته ، وكان في مقدمة المستقبلين كل من : الدكتور فياض عوض ، والدكتورة منار حسن عثمان ، والدكتور الصادق عوض بشير ، والدكتور محمد الحسن المشرف ، والخليفة محمد محجوب ، ومحمد سني دفع الله ، ومحمد ابو العزائم ، وابوفادي ومعاوية الطيب . وعبر محجوب شريف عن تقديره لحفاوة الاستقبال وتمنى له الحضور طيب الاقامة والعافية . وللشاعر محجوب مكانة في الوجدان السوداني ويعتبررمزا من رموز الشعر السوداني .وهو معلم عمل في كل المراحل التعليمية ، ومن انتاجه الشعري : الاطفال والعساكر ، السنبلاية ، نفاج وله تحت الطبع مجموعة دواوين شعرية وكتب من ادب الاطفال وانتج اشرطة كاسيت تربوية للاطفال . ومن ابرز اشعاره :
وطنا ...
البإسمك كتبنا ورطنا
احبك
مكانك صميم الفؤاد
وباسمك اغني ..
وتغني السواقي
خيوط الطواقي
سلام التلاقي
دموع الفراق
واحبك ملاذ ..وناسك عزاز
احبك حقيقة
احبك مجاز
احبك بتضحك
احبك مجاز
حنبنيهو
البنحلم بيهو يوماتي
وطن شامخ
وطن عاتي
وطن خير ديمقراطي
وطن ماسك زمام امرو
ومتوهج لهب جمرو

Quote: بمركز اصدقاء البيئة مساء غدا الاحد حفل استقبال للشاعر السوداني محجوب شريف

الزميل /فيصل

نتمناه يوماً للوفاء

يوماً نغني فيه مع محجوب شريف


حنبنيهو
البنحلم بيهو يوماتي
وطن شامخ
وطن عاتي
وطن خير ديمقراطي
وطن ماسك زمام امرو
ومتوهج لهب جمرو

والله ياناس الدوحه عيشتكم هنيه ومبيضه ليكم دهب يعنى ماشى غاشيكم راجع

غاشيكم الله يدينا الصبر نحن تاس الرياض على كل بلغوا تحياتنا وطمنونا

ليلة الميلاد

يا مشتل فرحْنا الشال..
ويا مرسى الشراع الضال
ويا واحة قليباً كان زمن رحال
يفتش عن عيون انسانه
ينسى لديها حزنا طال

ولمّا لقاك فرهد ياما
بالفرح اللّي عندو محال

ولما لقاك رسلو القمر منديل
وركت نجمه..
ضوت في الدرب قنديل
وهشت زهرد
كانت تبكي طول الليل
وجات من بعد طول الهجره
غنوات الحروف
وكانت
ليلة
الميلاد
......

أقدّم نفسي ليك
إنسان

عزاي الشعر والآمال
وطيبة القلب
وحسن الفال

واحب كل العيون لمن تحب عينيك
واحب كل القلوب
لمن تعاين ليك

واحب حتى البغير
من حبي ليكي عليك
1968
ا

جانب من حفل استقبال شاعرنا الانسان محجوب شريف

فيصل الزبير .. الاستاذ محجوب شريف .. ومعاوية الطيب

الف مرحب بالمناضل المحترم شاعر الشعب محجوب محمد شريف

لتحية والاجلال للشاعر المهذب الخلوق محجوب شريف

وهو بسلوكه ونضاله المتصل تحت جميع المتغيرات يجعل للحياة معني وطعم

اقترح علي سودانيي الدوحة وسودانيات الدوحة ان ينظموا جلسة استماع مع شاعر الشعب علي بال تووك او اي حاجة مسموعة او مرئية

لقد استمعت لعمل مثل هذا مع الاستاذ الشاعر محجوب شريف قبل اربعة سنوات ومن الدوحة الا تتكرر

مثل تلك الاشراقات املي

وبالدوحة نفر كريم ومهتم

!!!!!!

Quote: بورداب الدوحة

البيكتب بالنيك نيم دا منو يا اخوانا !!

Quote: Quote: بورداب الدوحة البيكتب بالنيك نيم دا منو يا اخوانا !!

ناذر

مشتاقين , طولنا ماشفناك , غاطس في الخور ولا شنو ؟؟

أكيد ده إنتا ياناذر

لأنك سوابق

Quote: البيكتب بالنيك نيم دا منو يا اخوانا !!

ناذرلا لازم يعاين ليها من قفاها .....

كلنا يا ناذر .. صوتنا واحد



حبابك ألف ود مريم وأبو مريم

نورت الدوحة

وطنا البي اسمك كتبنا ورطنا
أحبك .. مكانك صميم الفؤاد
وباسمك اغني
تغني السواقي
خيوط الطواقي .. سلام التلاقي
ودموع الفراق
واحبك ملاذ .. وناسك عزاز
احبك حقيقة واحبك مجاز
احبك بتضحك .. واحبك عبوس
بعزة جبالك ترك الشموس
وما بين ظلالك .. افتش واكوس
افتش طفولتي .. وملامح صباي
بناتك عيونن صفاهن سماي
وهيبة رجالك بتسند قفاي
احبك بتضحك واحبك عبوس
صحي بتملأ عيني وتشرف غناي
بحضرة جلالك .. يطيب الجلوس
مهذب امامك يكون الكلام
لأنك محنك عميق الدروس
مجيد المهابة ومديد القوام
شبابك تشابك .. شديد الزحام
اراهم وراهم غبار الحياة
مدائن تعاين كأم العروس
تهلل تكلل جبين الهمام
رذاذا يبلل اغاني الخليل
اصدق كلامك حقيقة وبخاف
الطريق الما يودي ليك
واعاف الصديق اللي ما يهم بيك
معاك انتظاري ولو بالكفاف
وعنك بعيد انا ابيت الرحيل
وبيك اعتزاز الصباح الجميل
جميع الاغاني اتكالن عليك

Quote: وصل الى الدوحة صباح الجمعة الشاعر السوداني الكبير محجوب شريف ، ترافقه زوجته الكريمة الاستاذة اميرة الجزولي ، وكان في استقباله جمع من معجبيه واصدقائه وصحافيون . وتقيم رابطة اصدقاء الشاعر الكبير حفل استقبال له في السابعة من مساء غدا الاحد بمركز اصدقاء البيئة . ولدى وصوله مطار الدوحة قادما من لندن قدمت الطفلتان ملاذ فياض وروان محمد باقة ورد لمحجوب وزوجته ، وكان في مقدمة المستقبلين كل من : الدكتور فياض عوض ، والدكتورة منار حسن عثمان ، والدكتور الصادق عوض بشير ، والدكتور محمد الحسن المشرف ، والخليفة محمد محجوب ، ومحمد سني دفع الله ، ومحمد ابو العزائم ، وابوفادي ومعاوية الطيب . وعبر محجوب شريف عن تقديره لحفاوة الاستقبال وتمنى له الحضور طيب الاقامة والعافية .

الأخ فيصل الزبير ....

في ظني أن إسم الدكتور محمد الحسن المشرف نزل بالخطأ بديلاً لإسم الأستاذ الكبير والموسيقار محمد آدم المنصوري الذي كان أحد المستقبلين.

وإسم آخر سقط من المستقبلين، وهو: (فيصل الزبير)

موعدنا اليوم بمركز اصدقاء البيئة
الساعة السابعة مساء

كونوا هناك

محجوب شريف

أنامل تعزف ملامح وطن حنون!!

أيها البطل...في عيني وفي قلبي، ووجداني!!

في أي السموات!! قدت طينتكم العجيبة، أي الملائكة أختارت لها الثالوث المبارك (الفهم، والتواضع والمحبة).. سيد نفسك، مين أسيادك!!..

إنه أبي، وأبيكم..
وجدي، وجدكم..
وطفلي، وطفلكم..

فقد، علقت على أعناقنا، أجسادنا، أقلامنا،آيتك الكبرى، والتي سنرتلها دوما، (عمق احساسك بحريتك، يبقى ملامح في ذريتك)، من جوف القبر، سنرتلها...ومن فوق البسيطة...

أيها السد، الذي لا تهده رياح التراجع، أيها الأفق المفتوح لخيول الغد والفرح...

كهتون المطر، ينفخ الروح في التراب، والحقول وجداول الحساب، وعربات الكارو، وصدور الفلاحين، كي يسكروا، مثله بحب الوطن، حب النخوة وإعلاء الذوات البشرية...

أدخلت الوطن في حقائب الأطفال.... ألوان..
علقت الوطن على أعناق الفتيات.... ألحان..
رسمت الوطن في سواعد الشباب.. وشم لا يمحى..

كان فلاحا، بسيطا، يتصبب عرقا في ظهائر الحقول، عاملا، مغمورا، مزين ببقع الزيت والعرق، تلفحه نسائم الجروف، ويبكي، كالثكلى، وليست المستأجرة، فيدخل صوته الحنون الصادق، كالروح في جسد التعابى، والحيارى، راكوبة كبرى، نصبت في قلب الوطن، كي يرتاح الجوعى والمرضى والشعراء، والمنسيين!!

ماذا نهديك، أيها العصي، في الوصف والتحليق..
نهديك، باقة ورد، من النيل الذي يشتهيك..
وعصافير بلادي، والتي اتخذت من جوارحك، عشاً آمناً... كي تغرد، وتبيض، وتحلم بالاستحالة...
وأطفال بلادي، كي يتشعلقوا في قامتك الطويلة، كي يروا الشمس، أجمل ما يكون، مشرقة دوما، على سطور كراساتهم، وأحلامهم..

(معاكي، معاني حياتي بتبدأ...
وافتح باباً يا ما انسد...
ليالي طويلة..
وأشوف العالم ربوة جميلة...
عليها نسيم الصبح مخدة)

يمتد كنهر النيل، من ماضي عميق، لمستقبل زاهر، (فمن لا يعرف من أين أتى، لا يعرف إلى أين يسير)، قلب يحصى العصافير والأشجار، وتفوح منه رائحة الكسرة والموز، والقهوة، ياله من افتتنان بالوطن، بالحياة الشعبية، تضافرت الجنيات (الحسية والمعنوية)، كي تصيغ أغنية سمراء، وجه نضر، بسيط، مشع، مسكون بقلب حنون، وعقل صافي، وروح عنيدة، لا ترضى بغير الشمس بديلاًَ...

وجه يؤلف، ويألف، هكذا صاغته الأيدي الخفية، (في رحم مريم)، وبعد حين أطلت زهرة الشمس، يتضوع بفهم عميق لمجرى الأحداث، وتلفه هالة من وجد ثري، ووجدان عتقته أيام خوالي، معابد كرمة، واللغة النوبية، ودندنه الربابة، وحكايات الدينكا، وخلوات الزهاد، وكنائس سوبا، وجوامع أربجي، تمخضت كل هذه المعاناة، بل أكثر، عن زهرة عباد الشمس، تسر الناظرين...

تأمل واقع الوطن، كعاشق، كعالم، كصوفي، فأحس بالداء، وشخص الدواء، كراهب محب، تبدو هوية الوطن المنشود، ماثلة فيه، كامنة فيه، كمون الماء في الثلج..

كتب عن الجوع ... كجائع..
وعن العشق......كولهان...
(ولم يكن صدى الأحداث، بل كان التجربة)

مشبع بلهجة البسطاء، اللغة الطاعمة، الحنونة، لغة الروح، والشلوخ والرقص والبوح، والكمسارى، وبائعات الشاي، وأولياء الأضرحة..

بذرة قديمة، تقلبت في الصور والأصلاب، زنجية وعربية ونوبية، (بل أوسع وأنضر)، تشكلت غرائزه من مد النيل، ورسومات السحب، وبوح العشاق، ودماء الشهداء، وأحلام البسطاء، صفاء الأولياء، فتبرعم في جمجمته عقل صافي، حنون، وبين جوانحه قلب كبير، يحس، بكل الأشياء وينبض، ولها، بها، ولها.

(أحلى فصول العمر حنانك
أجمل حته لقيتها مكانك
أجمل سكة مشيتها عيونك)...

فأكتسى بالشيب، كالقطن، كحبة البندول، وكلبن الفطرة..من هول الحب، وهالة العشق للوطن، انتخاب طبيعي جرى في رحم (مريم، من الذي لا يحب مريم)، بين سائد وبائد، عبر حقل الزمان، 9 أشهر، والأيدي الخفية، الحكيمة، ترسم الطفل محجوب، كي لا تنسى همسه واحدة، ومدت الأمر لعشرة أيام، كي تزخرفه، أماماً، وقدوة، ووجه محبوب، وقلبا يتدفق، حليباً، وعسلاً، ومشاعر...

عقل باطن يعي دوره، يسوق خراف جوارجه للوطن في أعلى الجبل، افترش ثرى كوبر، وحصاها، (لابد من أم رد، وإن طال الزمن)، بل لم يخلق الله، الزمان والمكان يركضان، خلال الأيام والاسابيع والشهور، إلا من أجل هذا الأفق!!!

أبي وجدي، وطفلي وعصفوري
محجوب شريف، (أنت كل هؤلاء، بل أكثر، وأعذب وأنضر)..

يالك من قدوة باهرة، تستحي ريشتي من رسمك (أيرسم الوطن)، يكفي أن أحدق فيك، لوحة عرضها رقصات النوبة وأغاني النوير، وجبال كسلا، وسماوات الفاشر، ألم تنام في الحصى والبرد، أيام وشهور، وسنين، من أجلنا، (يغلقوا النور عليك، وتلذعك الباعوضة، وحرموك التسكع في شوارع الخرطوم)، وأنت الأكثر حباً، وفهماً، وتفاؤلاً بها، (نغني، ونحنه في أسرك، وترجف وأنت في قصرك)، فقد جعلت بالحب، والنخوة، السجن، قصرا، فدخل السجان السجن، وخرج المسجون، الشجاع، فالشاعر الحقيقي، لا تقيده القيود، حرا، حتى من الجاذبية الارضية، والنفاق..

(مكان السجن مستشفى
مكان المنفى كلية
مكان الأسرى، وردية
مكان الطلقة عصفورة
تحلق حول نافورة،
تمازح شفع الروضة)

......
عبد الغني كرم الله
الدوحة 18/5/2006م

كلّ طلقه بينا
نحن تبقى وفره
سمسما وبفره
سكراً وشاى
تترا سايكلين

جاي وجاي وجاي
كلّو عندو دِين
كلّو عندو راى
مافى حاجه ساى

يا بختكم يا بورداب الدوحة..
وأنتم في حضرة .. الأستاذ محجوب شريف..
مدرسة الوجدان ..
بل .. مدارس..

please تنشّقوا لنا من عبير الكلمة معاكم..
ألف شكر..

نجوان ....

خليكي معانا ....

إنتي معانا دايماً

يديكي العافية

في مركز اصدقاء البيئة كانت (القومة لشاعر الشعب)، الاستقبال كان رائعا ، مساء الاحد كان يوما (لردالدين) تلك الفكرة التي اطلقهاشاعرنا الكبير محجوب شريف لغرس القيم النبيلة .











تابعونا .

بالأمس، كان يوما، مساءا، جميلا، بشفاء نيل عظيم، ونهر خالد، بالأمسء سمعناالامواج، واستنشقنا رائحة الطمي، ورحلنا مع عقل ذهبي، وقلب حنون، (يحس بالقومة لأولاد المايقوما)، ويحس بالنساء، تلكم القبيلة المقهورة منذ الازل، تلكم عن صنوه (الأميرة)، كلام رجال كبار، مروا بتاريخ البشر، وكم سعدنا بمعية ا ستاذ صديق محيسي، ونفخه الغريب، وصوته الدافئ العميق، وتلميحاته الذكية، وذاكرته المباركة، مساء اسثتنائي، زخرف به نفوسنا، بذوات بلدي العظيم، وعن (سعدية بائعة الشاي)، وعن الشاعر العظيم وفتاته الاصيلة (أمال عبدالله البشير)، وعن رفيها المتوقد الذهن (محمد الربيع)، وقطافهما (عائش سعدت بهذا)، وبالقرب منه (استاذنا الجليل)، صديق محيسي، كم سعدت بشجاعة الفكر، وصدق النية (منذ حا نبنيهو)، وإلى (عمق احساسك بحريتك يبقى ملامح في ذريتك)، هذه الآية الوطنية، والتي ترتل في كل قلب نبيل، أمسية خاصة، دافئة،فأستاذي محجوب رجل غريب، غلاب، محلوب من ثدي عظيم، سمته، صوته، روحه، تسطو عليك، بلذة آسرة، تحس بتلاقح، وبجوى، وبنشوى، حقا، ما أجمل العقول الكبيرة، والتي ترصد وتحس بالاشياء والاحياء، كان يوزع نظراته بحنو، وجمال، عيون قريبة، ولوفة، تكتنز المحبة، تكلم عن استقباله، وعن العزومات، وعن خاصية شعب فريد، مدح ملاح فلانة، وشاي فلانة، وكسرة ناس فياض، اغرقنا في شعبية وطني، وتفرده على بلدان العالم، تكلم كثيرا، رغم (الراقبة المحبة من معاوية الطيب)، غازلنا، اسكرنا، غرد بنا، (رندة زهرة في البرندة)، معه احسسنا بالمشردين، بالشماشة، أحساس صادق، حقيقي، فالنائحة الثكلى ليست كالمستأجرة، عطف عميق اعترى الناس، للمرضى، والعجزة، والمشردين، وللحق، هذا هو الدين (إن كانت الاديان تتدعو للإنسان البائيس)، أي دين اعظم من الرأفة (الرحمة أعظم الصفات، كما يقول بلودير)، الرحمة هي اس الحياة وعسلها الحلو...

حتى (الخزين)، المذيع الشهير، بمكرونة المميز، لم يسقط عفوا، في تلكم الامسية، (حمامة بتربي في يتامى)، كان ذهنه متوقدا، يقتنص الاشارات والايماءات (حين قال استاذ صديق: كانت بداخل مججوب حرارة لما يجري)، قال (مرارة)، وهو يشير لصدره، وكم جرى بنا الخيال لتصور الفتى (مجبوب)، حين وصف استاذ محيسي (الفتى محجوب وهو يسعى في طرق مدني، وهو يطرق باب الحديد الكبير، لفتى أخر، أغر وخاص، هو استاذ محيسي، كي يعرض عليه (قصيدة وبالعربي الفصيح)، أيام، أيام (كانت لنا أيام)،...

أمسية أتمنى أن تنشر كلها، كلام استاذ مججوب، وكلام استاذ محيسي، كانت شهادات مهمة، وجميلة، ومؤرقة، حتى المداخلات الجميلة (من رندة، وفيصل)...أضافات توابل وبخور، لأمسية الفرح بعودة الصحة لنا، في قلب مججوب المحب الكبير..

أمسية بطعم الشهد، كأننا في السودان، بل في قلب السودان!!

شكرا، الاصيل، البهي، معاوية الطيب، ودفياض (كانوا قلوب إليفه لشاعرنا العظيم، والذي سرقه الكلام المحبوب)، وعميق المحبة لعادل التجاني، الفنان المتفرد، وجامع الناس للافراح والمسرات..

أمسية شفاءنا جميعا...

يا الله يا عبد الغنى ... جملة قالها محجوب شريف لن تمحى من ذاكرتى مادام فى عمرى بقيه ...


"اقسم بالله العظيم ثم اقسم بالله العظيم .. ان اظل وفيا للوطن وللمبادئ ولشرف الكلمه" او هكذا قالها ......

التهبت الاكف بالتصفيق ... ليس لما قاله فقط .. بل لصدق تلك الكلمات التى ترقرقت لها الاعين بالدموع .......

كان يبحث عنا .. بدلا من ان نبحث عنه ... "شنو راصين الكراسى زى الفصل كدى .. لخبتو الشغلانه دى ولمو الكراسى فى دايره خلونا نتونس مع بعض" ......"كلنا فى اللحظه دى بنفتقد الاخ العزيز جعفر عباس .. الفاتحه على روحه" ...."بالله التحية يا جماعه لى سعدية ست الكسرة (الادت مى 2000 جنيه حق المواصلات عشان تمشى المدرسه)"...."تعالن يا اخواتى وبناتى النتصور معاكن" ... " يا جماعه البنيات ديل قالن يصورن اخو سبنا دا "المصور الهندى" عشان سمح" .... "عمل الخير دا بالذات يا جماعه ما فيهو سياسه"..."رد الجميل للوطن عشان لما ترقد بالليل يكون ضميرك مرتاح وحاسس انك عملت حاجه للبلد".....

ضحك ... ومزاح ... وحديث جاد ....وعمل خير ...ووطن ...وطن بحجم السودان وابناء السودان .. وطن بروعة هذا الرجل ...


محجوب ود مريم وابو مريم ....


دين الوطن كمين ... ورينا دينك كم!!!!


معاويه الطيب ... يوم شكرك ما يجى يا ملك .....

ويا رندا ... هل أحصيتي عدد المرات التي ردد فيها في معرض طرحه للأعمال الخيرية أن لا سياسة فيما يخص أعمال الخير؟ ... عمل الخير لا لون له..

إحنا أمس في مركز أصدقاء البيئة كان معانا ((( السودان )))

نعم يا محمد .. كررها وكررها وكررها .... واكد عليها لا سياسه فى فعل الخير .. فقط للسودان ومن اجل السودان ... واكد عليها بجملة اخيرة قوية جدا .. جدا ..جدا "ولما تمشى لى زول عشان يتبرع لعمل خير ويجى يقول ليك جدا انا بتبرع ليكم بس بالله تساعدونا فى الانتخابات الفلانية ولا فى الترشيحات الفلانية قول ليهو اذن انت مكانك هنا ..... وضرب الارض بقدمه !!!!!!!!!!!)...لله در وطن انجب امثالك ......


وفى معرض هذا الحديث عن عمل الخير بمنأى عن السياسه ... كلمة حق اريد ان اقولها...

رغم الاختلاف والتباين الفكرى السياسى .... هجو الاقرع ...لك كامل التحايا ايها الخير...


العافيه تكسيك يا محجوب شريف ...

والقومه للوطن .........

كل السعادة فمحجوب بينهم

د/ سيف الحجرى ( مدير مركز اصدقاء البيئة) كان بين مستقبلى الاستاذ محجوب شريف

والله ماكضب عليكم حاااااااااسدكم يابورداب الدوحة ....يارب ادي العافية لمحجوب الانسان الحقيقي

.... وابشروا بالخير

شاعرنا العملاق محجوب شريف وزوجته الاستاذة اميرة الجزولى

رندوك .. ودرملية .. الاستاذ محجوب شريف وزوجته الاستاذة اميرة الجزولى

الاستاذ محجوب شريف يتوسط بورداب الدوحة

بهاء الدين بكرى .. الحبيب نصرالين .. طارق ابوشوك.. وهرمنا محجوب شريف

ولسان حاله يقول ( انتى وانا مين زينا يا بختنا)
نعم ... انتى وهو و هل من مثلكما؟؟ يالسعدكما..

استاذ محجوب وصديقى القانونى استاذ معروف الرجل الملاك وهذا اقل ما يوصف به معروف

اميرة الجزولى : محجوب هووووووى ما تفلت !!
ود شريف : انتى ماك عارفانى ؟؟ مانى زول بين بين .. ولانى ركاب سرجين ؟؟

وجلس بين بين مضيفيه وكأنه مضيفهم وفى نفسه شيئى .. ترى ما هو ؟؟؟
اكاد اجزم انه كان يفكر بكل فرد ينتمى للوطن الكبير فالرجل حقا يحمل
هم كل الناس .. رهيب انت يا محجوب ..

وكان بيننا الاستاذ الاديب والقاص عبدالغنى كرم الله .. كان منتشى حد النشوى
يتحسس الاشياء كلهافى عبقرية.. كل من عرفه قد اعلن عليه الحب حفظك مولاك ايها
الشفيف .

كان محجوب يحدثنا عن صديقه الاستاذ الاعلامى العلم صديق محيسى وقد جلس
على يمينه استاذنا محيسى وهو يبتسم بسمته الفطرية ولسان حاله يقول
اخجلت تواضعى يا محجوب

صديقى الحبوب عبدالكريم (كيكى) وحبيب الكل ود شريف
وسعادة لا تعلوها سعادة...

حفل استقبال محجوب شريف يتحول إلى مهرجان للألفة والتضامن

كتب - محمد الربيع

مهرجان للالفة والتضامن، كان حفل الاستقبال الذي أعده السودانيون في قطر لشاعرهم الكبير محجوب محمد شريف، بمركز أصدقاء البيئة، مساء أمس. حيث اجتمعوا حوله وفاضت آلاء الأنس والود، وعبق المكان بسحر الكلام السديد من حنجرة شاعر فقراء السودان وحارس أحلام بسطائه.

أحاط الحضور بمحجوب شريف، وزوجته السيدة المعلمة الفاضلة أميرة الجزولي، التي عاشت معه سنوات النضال الطويل المرير ضد الديكتاتوريات المتعاقبة في السودان، حيث عرفته سجون «كوبر» في الخرطوم بحر و«شالا» بغرب السودان، وسجن بورتسودان وسواكن في شرق السودان لانتمائه الدائم والمتصل لمعسكر الحرية والكرامة. لذلك كانت هي: أميرة الجزولي. مطلع النشيد، حيث قال: ينظر إلي الناس أحيانا كفرد، ويسبغون علي ألقاب البطولة، وينسون أن المواقف الكبيرة، تتطلب دعماً كبيراً، وقد وفرت لي هذه السيدة الفاضلة المؤازرة وستر الحال فاستعصمت بالاستقامة والنزاهة وشرف اللسان، التي لا يكون الشعر بدونها شعراً، ولا المواقف .. مواقف.

وانتقل بعدها محجوب شريف، للحديث عن همه الملازم - فقراء السودان وأطفاله وبسطائه- سارداً تفاصيل رحلته إلى لندن التي ذهب إليها مستشفياً، فتحولت رحلة علاجه إلى هامش، ودعوته للسودانيين هناك إلى الإسهام في مشروع «رد الجميل» إلى مركز. وهو مشروع يضاف إلى مشروعاته السابقة «نفَّاج» للاطفال، ويستهدف رعاية الموهوبين من أطفال الهامش، و«الهكر» ويستهدف توفير فرص عمل للأيتام وأطفال الشوارع، ومشروع «رعاية أطفال السجينات» وطالب محجوب شريف السودانيين في قطر، بالاسهام قدر المستطاع، وبأي شكل من أشكال الدعم، في إطار مشروع «رد الجميل» للوطن ولأهل السودان، مطالباً بتوظيف وسائل الاتصال الحديث، والانترنت لتحقيق التواصل.

وكشف للحضور عن الانجازات التي تمت بفضل الدعم الذي قدم لهذه المشروعات مطالباً الجميع بالتزام جانب التضامن وتغليب مصلحة الوطن على المصالح الحزبية والسياسية الضيقة وتبني شعار: «لا تسييس ولا حزبية..

لوجه الله والعمل الطوعي».

وانتقل محجوب شريف بعد ذلك للحديث عن ملامح من تجربته الشعرية، وبعض أسرارها وأبطالها من فقراء وفقيرات السودان شارك في الاحتفاء بمحجوب شريف الدكتور سيف الحجري مدير عام مركز اصدقاء البيئة الذي رحب بشاعر السودان الكبير في قطر وفي المركز وهو بدوره اطرى على الدور المميز الذي يقوم به د. الحجري في حقل البيئة وموقعه الخاص في نفوس السودانيين في قطر وتحدث الناقد والكاتب صديق محيسي عن ملامح من تجربة محجوب الشاعر والمناضل والانسان.

سيرة تربوية وإبداعية

تلقى محجوب شريف تعليمه الابتدائي والاوسط والعالي بين اعوام 1956-1968 في مدارس المدينة العرب ومعهد التربية بالخرطوم وعمل منذ العام 1968 وحتى عام 1978 معلما بالمدارس الابتدائية ومسؤولا للمناشط التربوية بالمدارس الحكومية وفصل للصالح العام في عام 1989 وانتقل للعمل في مدارس حتى العام 2005 .

صدرت له ثلاثة دواوين شعرية هي الاطفال والعساكر والسنبلاية ونفّاج وشريط كاسيت فيه اشعار تربوية للاطفال.

وصفه التشكيلي حسن موسى بقوله «في دخيلة محجوب شاعر يعبر عن نفسه بأساليب شتى من بينها الكلمات وهو كمثل جوهرة متعددة الوجوه كل وجه منها يعكس لونا من الوان الطاقة الشعرية المتبلورة في مكان القلب. هكذا ارى اشتغال محجوب بالعمل السياسي وجها من وجوه تحقق شاعريته الوضاءة مثلما ارى اشتغاله بالتربية- تربية النشء- داخل وخارج صالات الدرس وجها آخر من وجوه تحقق ملكته الشعرية».

وقال عنه الشاعر فضيلي جماع «هو انسان متسربل بحب الوطن والشعب حد التصوف ليس ملكا لقبيلة او حزب عرفته لسنين واجزم انه فوق الانتماءات الضيقة وقامته تتمدد ابعد من حدود كل شيء، محجوب شريف قافية تمردت على السجن ولحن شجي يسكن كل قلب».

وقال عنه الشاعر نصار الحاج « محجوب شريف رؤيا للكتابة والشعر والحياة يستمد طاقته الشعرية والانسانية من حب الناس ومن عشق الاطفال ومن آماله الجامحة بأن الكتابة معول للتغيير والعبور نحو المستقبل بأجيال تجيد زحزحة الخراب والخيبات من دروب الحياة لاجل عالم اكثر نقاء وانسانية وحب وطهر نبيل».

مختارات من أشعاره

- الاسم الكامل إنسان

والشعب الطيب والدي

المهنة بناضل بتعلم

تلميذ في مدرسة الشعب

المدرسة فاتحة على الشارع

والشارع فاتح في القلب

والقلب مساكن شعبية

- غني يا خرطوم وغني

شدي أوتار المغني

ضوي من جبهة شهيدك

امسياتك واطمئني

- حنبنيهو البنحلم بيهو يوماتي

وطن مالك زمام امرو

ومتوهج لهب جمرو

وطن غالي نجوم تلالي في العالي

ارادة سيادة حرية

مكان الفرد تتقدم قيادتنا الجماعية

مكان السجن مستشفى

مكان الاسرى.. وردية

مكان المنفى.. كلية

مكان الحسرة.. اغنية

مكان الطلق عصفورة

تحلق حول نافورة

تمازح شفع الروضة

- يا شعبنا تسامى.. يا هذا الهمام

تفج الدنيا ياما وتطلع من زحاما

زي بدر التمام

تدي النخلة طولا والغابات طبولا

والايام فصولا.. والبذرة الغمام

جريدة الوطن القطرية 20 فبراير 2007

وهذا الخبر نشرته الرأي العام الاربعاء 21 فبراير : شكرا البدوي يوسف :

"تلقى مرادك والفي نيتك"
محجوب شريف يفتح «نفاجا» لرد الجميل
الدوحة : فيصل خالد
استقبل السودانيون بالعاصمة القطرية الدوحة، شاعرهم الكبير محجوب شريف بمركز اصدقاء البيئة بحضور الدكتور سيف الحجري المدير العام للمركز ، واطمأن المشاركون على صحته . ونظم حفل الاستقبال رابطة اصدقاء الشاعر بالدوحة مساء الاحد الماضي .
واطلق محجوب شريف مبادرة (رد الجميل) وناشد الحضور الكبير بالمشاركة لرفد ودعم المشاريع الانسانية الكبيرة وتقديم العون للمحتاجين من السودانيين ، ورعاية الاطفال والمحتاجين ، ودعا الى تجاوز الخلافات السياسية ، والبحث عن نقاط الالتقاء لانجاز هذه المبادرة ، رافعا شعار (لا تسيس ولا حزبية ، لوجه الله والعمل طوعي ).
وتحدث شريف عن تجربته كمعلم وشاعر ، يجتهد في رد الجميل لوطنه واهله حيث احيط بالحب والعطف والاهتمام مشيرا الة ان السند والدعم الذي تقدمه له زوجته الاستاذة الفاضلة اميرة الجزولي شد من ازره في رحلة الاستقامة والنزاهة ، وشرف اللسان وسترة الحال . وحكى شريف للحضور مفاصل من تجربته الشعرية ، وسرد حكايات ابطالها من الفقراء الذين قهروا الحاجة بالعفة والتمسك بالمبادئ والقيم.
شريف عمل معلما منذ تخرجه في معهد التربية بالخرطوم وفصل للصالح العام في 1989 وانتقل للعمل في قطاع التعليم الخاص عام 2005 وواجه خلال عمله وعطائه الشعري السجن عدة مرات في نضاله ضد الديكتاتورية والقهر واصبح انموذجا سودانيا للشاعر والمناضل ، وكتب اناشيد وطنية اعمرت وجدان السودانيين بالبطولة والنضال الى جانب اغانيه العاطفية التي صدح بها كبار مطربي السودان.

الزولة اللي في النص دي ..

ما جبتو ليها عضوية ليه ؟
لا هي و لا هشام ؟