Post: #1
Title: ألحقوا معاذ حسن يا أهل المروءة ...... !!!!
Author: Salah Waspa
Date: 02-15-2007, 05:09 PM
تفيد أنباء غير مؤكدة أن معاذ حسن إتلحس ولاقوووه ناس
هيئة الأمر بالمعروف والنهي عن المنكر في كشتهم بتاعة الفلانتاين
بعد أن وصلتهم أخبار مؤكدة من حالة الهيام وفقدان التوازن
في ذكرى يوم الحب ولا ينفي هذه الشائعة سوى ظهوره علنا في
مكان عام سودانيز أون لاين على سبيل المثال .
وفي حالة إستمرار إختفائة يرجي من جميع أعضاء جمعية معاذ
للضحك ونبذ النكد الحضور لإجتماع فوق العادة برئاسة أبوالنيذ
نائب رئيس الجمعية وذلك للتفاكر و بحث الموضووو .
والله يكضب الشينة
صلاح واسبه
الأمين العام
|
Post: #2
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-15-2007, 05:31 PM
Parent: #1
بدأ العد التنازلي !!!
|
Post: #3
Title: Re: ألحقوا معاذ حسن يا أهل المروءة ...... !!!!
Author: Ahmed Yousif Abu Harira
Date: 02-15-2007, 06:00 PM
Parent: #2
Salah
Just to show my support for Ma'az alWaham.
.I've a keyboard problem
I will be back soon.
|
Post: #5
Title: Re: ألحقوا معاذ حسن يا أهل المروءة ...... !!!!
Author: Muna Khugali
Date: 02-15-2007, 06:09 PM
Parent: #3
ربنا يرجعه بالسلامه..
ولما يرجع ان شاء الله نحضر ليه ورده فالانتانية تمسح عنه آثار "السياط"
سلام يا صلاح
|
Post: #7
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-15-2007, 08:21 PM
Parent: #5
منى الغالية
هي الوردة هينه لكن هو نفكو كيف من الناس ديل
وتصدقي يا منى حتى لوظهر الحكاية حتستدعي كونسولتو
قبل يعتب باب حوشنا ده يعني لزوم الحرص وكده .
تحياتي ليك وبقية العقد الفريد
سؤال واجب علينا :
كيف الحبوبة آية
واسبه
|
Post: #6
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-15-2007, 08:14 PM
Parent: #3
ألعزيز أحمد
في إنتظارك ياخ الزول شكله كده المطوعين زاردنو
ربنا يسهل أمر كيبوردك أنا كتابتي دي كلها بالماوس
ونحنا برضو في إنتظار الكيبورد العربي وياااااحليل العربي
إحترامي
صلاح واسبه
|
Post: #4
Title: Re: ألحقوا معاذ حسن يا أهل المروءة ...... !!!!
Author: ناذر محمد الخليفة
Date: 02-15-2007, 06:06 PM
Parent: #1
يا صلاح ...
معاذ هسي لو قريب بيكون مفلتن في اسمرا .. إنت ما جايب خبر ساكت 
|
Post: #8
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-15-2007, 08:30 PM
Parent: #4
ناذر
أكان الزول راح فيها أبقى عشرة الإجتماع وإنتو قراب بهناك
وصيتنا الخلجات والذي منه ده طبعا بتلقوهو في الأوضة جوة
دولاب البلاستيك أبو سستة طوييييلة .
أها وكان طلعت إشاعة إنشاءالله الحتة المشى ليها الشنو كده
ما عارف تبقى ليه حار ونار عشان نحنا مدفونين في التلج
وهو يمشي يفنتلن في الهمبريب .. لا بالله !!!
تحياتي والله يجمع
صلاح واسبه
|
Post: #9
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-15-2007, 08:39 PM
Parent: #8
missing in action
|
Post: #10
Title: Re: ألحقوا معاذ حسن يا أهل المروءة ...... !!!!
Author: Eng. Mohammed al sayed
Date: 02-15-2007, 09:23 PM
Parent: #1
يامعاذ الأيام دى الجو فى الشرقية خطيييير,
تعال شاركنى إفتتاح مشروع كورنيش الدمام,
الدعوة لعموم بورداب السعودية.شهر من الآن.
توجد حسانن عيين *** وشئ من ثقافة الفالنتيين
مطاو ع ي ة الشر قية عثل بث.
|
Post: #11
Title: Re: ألحقوا معاذ حسن يا أهل المروءة ...... !!!!
Author: الشفيع عوض شوشتا
Date: 02-15-2007, 09:24 PM
Parent: #10
الزول دا اخر مرة اتكلمت معاهو كان زهجان شديد يكون ......؟؟
|
Post: #13
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-15-2007, 11:37 PM
Parent: #11
الشفيع مالك داير تكركب لينا بطوننا مش كفاية كركبة
المطوعين لكن أقوليك إطمئن الرياض مافيها بحر لكن فيها
حسب معلوماتي مطوعين عكاليت تمانية سلندر ونفسهم طويل .
آآآخ ياخ الزول كان وراني هو في ياتو زنزانة كنا رسلنا
ليهو عيش وحلاوة ومعجون أسنان وأسنان كمان مع أصحابنا الفي
الرياض .
تحياتي الشفيع
صلاح واسبه
|
Post: #12
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-15-2007, 11:26 PM
Parent: #10
إزيك يا باشمهندس
والله الشرقية دي قضينا فيها أروع أيام أو قول سنين لمن
كنا في قاعدة الملك عبدالعزيز الجوية وكنا نسكن الخبر
نرجع للوهم ده البتعزز علينا ياخ معقول غالبو يستأذن من
حارس الهناي ده ويتكلم معانا .
المهم وقت جميل ونصيحتي ليك ما ترجى معاذ .
لك التحية
صلاح واسبه
|
Post: #14
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-16-2007, 02:49 AM
Parent: #10
الأخ محمد السيد فضل
ياخ بسألك من صديق عزيز من حوش ود بانقا إسمه
ياخ قول بسم الله ما ود البشير أخونا إسمه صلاح الزين
ويسكن الثقبة والراجل صديق وجار عزيز إنشاء الله تكون عرفته
ولو خباراتك سمحة مدنا بتلفونه الحالي وأكون ممنون .
وبرضو كان لاقيت معاذ حسن قول لينا عشان نلغي الإجتماع .
صلاح واسبه
|
Post: #15
Title: Re: ألحقوا معاذ حسن يا أهل المروءة ...... !!!!
Author: خالد المحرب
Date: 02-16-2007, 04:28 AM
Parent: #14
ياصلاح ديل ناس العليا شمال الرياض
فلنتايت صاح الراجل تلقاه مروس بس
|
Post: #16
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-16-2007, 05:23 AM
Parent: #15
ود المحرب شرفت الصيوان
ماكويس الما بقى من ناس الملز
لكن يا خالد أنحنا صبرنا على الزول ده كتير
وهسع في الزمن بدل الضائع
تحياتي لأم العيال الحربيه عفاف
صلاح واسبه
|
Post: #17
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-16-2007, 02:32 PM
Parent: #16
azhar w ban alaik al aman ya man
salah waspa
|
Post: #18
Title: Re: ألحقوا معاذ حسن يا أهل المروءة ...... !!!!
Author: سمية الحسن طلحة
Date: 02-17-2007, 07:35 PM
Parent: #17
صلاح كيف الحال
معاذ الظاهر لقانا ناس نكديين ومابنحب الضحك
وفكر فى محل تانى...لكن بحوطو ليك حواطة كان مرق فى
أسمرا تجيبو صاد.
لكم التحية
|
Post: #19
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-17-2007, 10:16 PM
Parent: #18
آآيوا با سمية الله إفتح عليك شوفي لينا الموضوع ده
وركزي أكتر على حكاية الحواطة دي لأنه شيطان معاذ أنا
عااارفو مارد وعنيد زي البتاع الفي قصة الأولية الطلع
من البرمة بتاعة الصياد ديك بس الفرق دي مفلس و عدمان
وداك بقول شبيك لبيك ... دا ما معاذ ما شرارة .
ومازال البحث جاريا
صلاح واسبه
|
Post: #20
Title: Re: ألحقوا معاذ حسن يا أهل المروءة ...... !!!!
Author: الشيخ إبراهيم الشيخ
Date: 02-18-2007, 06:38 AM
Parent: #19
الاخ صلاح تحية ليك
معاذ ده زي ما قال ليك ناذر بكون مرق مع عباس الوهم
صاحبو لاعند اسمرة مفلتن هناك إنت قايلو وهم عادي هو
ما عارف حكاية الكشات وبعدين ما تسمع لي غناء الحماس
ده والله ما بقدر على السيطان والجلد وبعدين هو زاتو قلب
ياحليل زمان بقى بتاع غناء حناكيش ساكت
لكن كان اتاخر اكثر من كده لابد من الفزع
اظهر وبان عليك الامان يا وووووووووووهم
|
Post: #21
Title: Re: ألحقوا معاذ حسن يا أهل المروءة ...... !!!!
Author: abuguta
Date: 02-18-2007, 08:21 AM
Parent: #20
صلاح
تحياتى
معاذ..قبضوه
وسط حريم فوج..
طالع من بندا شايل فرووج..
راكب سيارة لووج...
وماشى حى المرووج ..
معاه ساحرة تسمى خدوج
شعرها مسائر وعلى الشفائف روج
فكلبشوه المطاوعة ورموه سجن الثلوج
قام نبزبهم وقال ليهم ياعلوج
انتو بدو راكبين حصين وعليها سروج
انتو متخلفين وفكركم غير نضوج..
وين مودين خدوج...وليه ماكلين الفروج..
رموه فى الخلا فى طقس كله برد و ثلوج...
اول امس وصل كدارى حى المروج..
حالتو خليها ساى..ماتوصف للفوج
|
Post: #22
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-18-2007, 08:28 AM
Parent: #20
الشيخ آآخوي معاذ راح وطي على قولة الخليجيين
يعني هو لو خارج الأسوار والأساور (كلبوش) معناتا
طاقها ليك دبرسة على قولة بكري للطيش -
وهذه الدبرسة ده يعني لو في دبرسة حيكون معاذ
إتشوكش وحدث هذا الشاكوش من الماتتسمى في ليلة
الفلانتاين وده أدى إلى إختفاءه بهذه الصورة الغامضة
ونحن إذ نتابع هذا الأمر نهيب بجمبع الزملاء على وجه
العموم وأعضاء رابطة معاذ الوهم على وجه الخصوص
بكل من لديه صورة حديثة بإنزالها حتى نستطيع تعميمها
على جميع الأماكن والدول التي من المحتمل تواجده فيها
وبناءا على تصريحات ناذر والشيخ تم الإتصال بسلطات أسمرا
حيث أكدوا عدم دخوله في الفلانتاين إيف وعليه أصبح
هناك إحتمال أخير هو أن يكون الباسوورد بتاعه لحق
باسوورد عبدالمنعم سليمان أي لحق أمات طه .
وتعالوا نتخيل معاذ الوهم وهو يتحسر على باسويرده
ويغني ظلموه .
تحياتي الشيخ ودعواتك
صلاح واسبه
|
Post: #23
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-18-2007, 08:39 AM
Parent: #22
أبقوته الحبيب
نحن لا نحبذ الأقاويل ولانمشي خلف الإشاعات
فرجاء إذا عندك تفاصيل أو مصادر مدنا بيها
بس عشان نتفادى العكلتة بتاعته و الغلاط .
أما في حالة عدم تأكدك فيرجى السعى بمدنا
بصورة فوتوغرافية لتعمم وأهو فرصة يشتهر
ويعمل ليه كتاب يوزعه لم نشوف وشه .
في إنتظاك يا أبقوته
صلاح واسبه
|
Post: #24
Title: Re: ألحقوا معاذ حسن يا أهل المروءة ...... !!!!
Author: البحيراوي
Date: 02-18-2007, 08:42 AM
Parent: #1
الأخ صلاح تحياتي وكل سنة والفلتنة نشمها قدحة بس
المهم شُوهد معاذ وهو مفلتن مع الشيوخ الكبار حيث لا يجروء مطاوع علي الإقتراب
ولذلك لازال معاذ مجنح في سماء الفلتنة حتى جديد اللقاء
بحيراوي
|
Post: #25
Title: Re: ألحقوا معاذ حسن يا أهل المروءة ...... !!!!
Author: Salah Waspa
Date: 02-18-2007, 09:06 AM
Parent: #24
عزيزي بحيراوي
ماذكرته يعتبر ثالث أو رابع إخبارية غير مؤكدة حيث تضمن كلمة
شوهد أو من المحتمل أو المرجح وبصراحة دي من الممكن تدي
الوهم ده فرصة فينا ويجي يقاضينا على الرغم من حرصنا عليه .
لذا نرجو من مراسلنا خالد المحرب مدنا بالحقائق والوثائق
لأنه بالطريقة دي حيجي الفلانتاين الجايي ومعاذ مفقود ياولدي .
همتك معانا البحيراوي
لك التحية وتشكر على الإهتمام بالوهم
صلاح واسبه
|
|