|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: ألحقوا معاذ حسن يا أهل المروءة ...... !!!! (Re: ناذر محمد الخليفة)
|
ناذر
أكان الزول راح فيها أبقى عشرة الإجتماع وإنتو قراب بهناك
وصيتنا الخلجات والذي منه ده طبعا بتلقوهو في الأوضة جوة
دولاب البلاستيك أبو سستة طوييييلة .
أها وكان طلعت إشاعة إنشاءالله الحتة المشى ليها الشنو كده
ما عارف تبقى ليه حار ونار عشان نحنا مدفونين في التلج
وهو يمشي يفنتلن في الهمبريب .. لا بالله !!!
تحياتي والله يجمع
صلاح واسبه
| |
 
|
|
|
|
|
|
|
|
Re: ألحقوا معاذ حسن يا أهل المروءة ...... !!!! (Re: الشفيع عوض شوشتا)
|
الشفيع مالك داير تكركب لينا بطوننا مش كفاية كركبة
المطوعين لكن أقوليك إطمئن الرياض مافيها بحر لكن فيها
حسب معلوماتي مطوعين عكاليت تمانية سلندر ونفسهم طويل .
آآآخ ياخ الزول كان وراني هو في ياتو زنزانة كنا رسلنا
ليهو عيش وحلاوة ومعجون أسنان وأسنان كمان مع أصحابنا الفي
الرياض .
تحياتي الشفيع
صلاح واسبه
| |
|
|
|
|
|
|
|
|
 Re: ألحقوا معاذ حسن يا أهل المروءة ...... !!!! (Re: Eng. Mohammed al sayed)
|
الأخ محمد السيد فضل
ياخ بسألك من صديق عزيز من حوش ود بانقا إسمه
ياخ قول بسم الله ما ود البشير أخونا إسمه صلاح الزين
ويسكن الثقبة والراجل صديق وجار عزيز إنشاء الله تكون عرفته
ولو خباراتك سمحة مدنا بتلفونه الحالي وأكون ممنون .
وبرضو كان لاقيت معاذ حسن قول لينا عشان نلغي الإجتماع .
صلاح واسبه
| |
|
|
|
|
|
|
|
|
|
Re: ألحقوا معاذ حسن يا أهل المروءة ...... !!!! (Re: سمية الحسن طلحة)
|
آآيوا با سمية الله إفتح عليك شوفي لينا الموضوع ده
وركزي أكتر على حكاية الحواطة دي لأنه شيطان معاذ أنا
عااارفو مارد وعنيد زي البتاع الفي قصة الأولية الطلع
من البرمة بتاعة الصياد ديك بس الفرق دي مفلس و عدمان
وداك بقول شبيك لبيك ... دا ما معاذ ما شرارة .
ومازال البحث جاريا
صلاح واسبه
| |
|
|
|
|
|
|
|
|
|
Re: ألحقوا معاذ حسن يا أهل المروءة ...... !!!! (Re: Salah Waspa)
|
الاخ صلاح تحية ليك
معاذ ده زي ما قال ليك ناذر بكون مرق مع عباس الوهم
صاحبو لاعند اسمرة مفلتن هناك إنت قايلو وهم عادي هو
ما عارف حكاية الكشات وبعدين ما تسمع لي غناء الحماس
ده والله ما بقدر على السيطان والجلد وبعدين هو زاتو قلب
ياحليل زمان بقى بتاع غناء حناكيش ساكت
لكن كان اتاخر اكثر من كده لابد من الفزع
اظهر وبان عليك الامان يا وووووووووووهم
| |
|
|
|
|
|
|
|
|
|
Re: ألحقوا معاذ حسن يا أهل المروءة ...... !!!! (Re: الشيخ إبراهيم الشيخ)
|
صلاح
تحياتى
معاذ..قبضوه
وسط حريم فوج..
طالع من بندا شايل فرووج..
راكب سيارة لووج...
وماشى حى المرووج ..
معاه ساحرة تسمى خدوج
شعرها مسائر وعلى الشفائف روج
فكلبشوه المطاوعة ورموه سجن الثلوج
قام نبزبهم وقال ليهم ياعلوج
انتو بدو راكبين حصين وعليها سروج
انتو متخلفين وفكركم غير نضوج..
وين مودين خدوج...وليه ماكلين الفروج..
رموه فى الخلا فى طقس كله برد و ثلوج...
اول امس وصل كدارى حى المروج..
حالتو خليها ساى..ماتوصف للفوج
| |
|
|
|
|
|
|
|
|
|
Re: ألحقوا معاذ حسن يا أهل المروءة ...... !!!! (Re: الشيخ إبراهيم الشيخ)
|
الشيخ آآخوي معاذ راح وطي على قولة الخليجيين
يعني هو لو خارج الأسوار والأساور (كلبوش) معناتا
طاقها ليك دبرسة على قولة بكري للطيش -
وهذه الدبرسة ده يعني لو في دبرسة حيكون معاذ
إتشوكش وحدث هذا الشاكوش من الماتتسمى في ليلة
الفلانتاين وده أدى إلى إختفاءه بهذه الصورة الغامضة
ونحن إذ نتابع هذا الأمر نهيب بجمبع الزملاء على وجه
العموم وأعضاء رابطة معاذ الوهم على وجه الخصوص
بكل من لديه صورة حديثة بإنزالها حتى نستطيع تعميمها
على جميع الأماكن والدول التي من المحتمل تواجده فيها
وبناءا على تصريحات ناذر والشيخ تم الإتصال بسلطات أسمرا
حيث أكدوا عدم دخوله في الفلانتاين إيف وعليه أصبح
هناك إحتمال أخير هو أن يكون الباسوورد بتاعه لحق
باسوورد عبدالمنعم سليمان أي لحق أمات طه .
وتعالوا نتخيل معاذ الوهم وهو يتحسر على باسويرده
ويغني ظلموه .
تحياتي الشيخ ودعواتك
صلاح واسبه
| |
|
|
|
|
|
|
|
|
|
Re: ألحقوا معاذ حسن يا أهل المروءة ...... !!!! (Re: Salah Waspa)
|
أبقوته الحبيب
نحن لا نحبذ الأقاويل ولانمشي خلف الإشاعات
فرجاء إذا عندك تفاصيل أو مصادر مدنا بيها
بس عشان نتفادى العكلتة بتاعته و الغلاط .
أما في حالة عدم تأكدك فيرجى السعى بمدنا
بصورة فوتوغرافية لتعمم وأهو فرصة يشتهر
ويعمل ليه كتاب يوزعه لم نشوف وشه .
في إنتظاك يا أبقوته
صلاح واسبه
| |
|
|
|
|
|
|
|
|
|
Re: ألحقوا معاذ حسن يا أهل المروءة ...... !!!! (Re: البحيراوي)
|
عزيزي بحيراوي
ماذكرته يعتبر ثالث أو رابع إخبارية غير مؤكدة حيث تضمن كلمة
شوهد أو من المحتمل أو المرجح وبصراحة دي من الممكن تدي
الوهم ده فرصة فينا ويجي يقاضينا على الرغم من حرصنا عليه .
لذا نرجو من مراسلنا خالد المحرب مدنا بالحقائق والوثائق
لأنه بالطريقة دي حيجي الفلانتاين الجايي ومعاذ مفقود ياولدي .
همتك معانا البحيراوي
لك التحية وتشكر على الإهتمام بالوهم
صلاح واسبه
| |
|
|
|
|
|
|
| |
Salah Waspa
Ahmed Yousif Abu Harira
Muna Khugali
ناذر محمد الخليفة
خالد المحرب
الشيخ إبراهيم الشيخ
abuguta
البحيراوي
فيس بوك
تويتر
انستقرام
يوتيوب
بنتيريست