Post: #1
Title: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 04:31 PM
أول شئ عملته بعدما كملت الجامعة فكرت في الإغتراب لأني عارفة وراي حاتكون هموم الحياة والعرس وتكوين اسرة وتربية عيال، اها جيت السعودية واشتغلت شغل السواد وجريت جري الوحوش ولميت الريالات وحسع مستعدة للعرس.
رسلت لي ابوي يجهز العريس وقال لي اصلو دي مامشلكة يابتي عشان الاولاد راقدين ومالاقيين عروس تمرقهم من هموم الدنيا بس انتي جهزي شيلة العريس، اها قمت مشيت سوق باب شريف وماخليت شئ، خمج شديد، اشتريت شيلة العريس من جلاليب وعراريق وطواقي للعريس وون مان شو الهلال رشو ولي الافترشيف وأمواس ومعجون الحلاقة جبتهم.
ضربت لي ابوي وقلت ليه اها انا جاهزة انت لقيت العريس؟ قال لي انتي كان جيتي ومشيتي ليك عرس وااااحد بس بتلقي ليك عريس ود ناس ومؤدب ومستور، قلت ليه يابوي انا مابقدر اجي انتو شوفوا الولد وكان لقيتوه رسلوا لي الصور وانا كان عجبني بديكم رايي وانتو تعقدوا من هناك وترسلوه لي وانا في المطار بعرفه بالصور.
اها رسلوا لي صور لي كم ولد من اولاد الحلة ورشحوهم لي قالوا اولاد ناس ومن الجامعة للبيت ومن البيت للجامعة وهديين ورضيين ويومهم كله في المطبخ بيساعدوا في ابواتهم ومابيمرقوا من البيت الا مع اهلهم، المهم لقيت الأولاد صورهم حلوة ولابسين لبس حشمة فاخترت منهم اتنين وقلت لي اهلي اسالوا من اهلهم ولو عاوزين يكملوا قرايتهم قبل العرس وكده.
قالوا واحد من الاولاد قال ماعندو مشكلة موافق على العرس وممكن يواصل الدراسة وهو عريس، وانا قلت ليهم انا مابتوقف في الموضوع دا وبديه كامل حريته عشان يواصل دراسته ولو جبنا اطفال بساعده في تربيتهم وفي شغل البيت من طبيخ وغسيل عدة لحدي مايكمل دراسته رغم ظروف الشغل هنا دوامين وجري وبجي البيت هلكانة.
المهم ادوني تلفون اهل الولد قالوا عشان اتعرف بيه وفعلاً اتصلت بوالدته ووالده وسلمت عليهم وقلت ليهم عاوزة اتكلم معاه لو ممكن، قالوا لي والله يابتي نحن مابنحبذ المسألة دي خالص لكن انتي بت ناس واهلك ناس سيرتهم سيرة محترمة فبنديك تتعرفي بيه .
نواصل .....
ايمان
|
Post: #2
Title: Re: اها ياجماعة انا مغتربة ولميت القروش وجاهزة للعرس
Author: على احمد على
Date: 11-08-2005, 04:41 PM
Parent: #1
بالله هو دى انتى ؟ اضربى لى تانى بالله
|
Post: #3
Title: Re: اها ياجماعة انا مغتربة ولميت القروش وجاهزة للعرس
Author: Hussein Mallasi
Date: 11-08-2005, 04:44 PM
Parent: #2
غايتو لو في عداد لعدد اللذين ينقرون على البروفايل؛ لضربتي الرقم القياسي يا ايمان.
|
Post: #7
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 04:59 PM
Parent: #3
ياحسين ملاسي هو البروفايل فيه شنو؟ انا الشيلة ماخاتاها هناك، هم الناس ديل مالهم ياخوي شفقانين كده؟ الشفقة تطير، ارجو باقي الحكاية ياعالم، لاحولا منكم.
ايمان
|
Post: #74
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 09:43 AM
Parent: #7
اها ياجماعة اسمحوا لي اتم الموضوع وبعد داك اجي ارد عليكم نواصل جزء جديد من الحكاية
انا طبعاً لقيت الولد ده سمح شديد في الصورة وقلت اركز عليه هو عشان ده اهم شئ طبعاً، عشان مااجيب لي راجل يضحك فوقي الناس ويقولوا بعد فصاحتها دي كلها وفلسفتها دي مشت عرست ليها راجل وشو ينعل قفاه، فقلت اشوف طريقة كلامه واسلوبه عشان مايكون كمان تور الله الانطح ويضحك فوقي الناس.
اتكلمت معاه وانا شايلة صورته واعاين لي سماحته واقول ليه في الكلام السمح واغازل فيه، صوتك حلو، عيونك جميلة، انا من زمان بحلم براجل سمح زيك كده، وهو همه كله في القراية ويسأل فيني، انتي متأكدة موضوع اني اكمل دراستي دا مامشكلة بالنسبة ليك؟ وانا طبعاً بيني وبينكم ناوية ليه على نية، قراية شنو كمان البيكملها؟ انا بس قلت اتم الموضوع باي شكل ولما يصلني هنا بعرف امشيه على مزاجي زي ماكل النسوان بيعملن.
قلت ليه بالعكس، انا من انصار انه الولد يكمل دراسته قبل الزواج وحتى لو اتزوج يكمل دراسته وعشان كده انا ذاتي حااساعدك واقيف جنبك بس انت اهم شئ هسه تقول لي رايك عشان انا مستعجلة شوية في موضوع العرس ده، واحتمال ينقلوني لمدينة تانية ووظيفة جديدة فعاوزاك تكون معاي عشان نختار عفش بيتنا وحاجاتنا كلها مع بعض، ولا انت رايك شنو؟
قال لي والله انا من حيث المبدا ماعندي مانع خصوصاً اني عرفت انك من عائلة كويسة ووظيفتك في السعودية محترمة وانك مع فكرة اكمال تعليم الرجل دي، وكمان عرفت انك جاهزة من كل النواحي واظن ده بيوفر علينا وقت طويل، فماعندي مانع.
قلت ليه خلاص انا بتكلم مع امك وابوك وبتصل باهلي برضو عشان يكملوا المسائل دي بسرعة عشان اقوم اعمل ليك اجراءات الاستقدام عشان بتاخد ليها زي شهرين تلاتة كدي وبتصل بيك عشان نتفق على التفاصيل، يلا اديني الوالدة اتكلم معاها، قال لي كويس واداني امه وسمعت صوته بيتكلم مع ابوه وبعد شوية سمعت صوت زغرودة من ابوه وفهمت انه فرح عشان ولده وافق.
المهم قلت لي امه تتصل بي امي عشان التفاصيل عشان انا مستعجلة، وقفلت منهم واتصلت بي ناس بيتنا وقلت ليهم شوفوا انا ماعاوزة جوطة وصرف في الفاضي انا برسل ليكم الشيلة دي وتشوفوا ليكم اي ولد من اولاد الحلة يغني في حفلة دكاكينية كده وتتموا الموضوع باي طريقة سريع سريع ولو حسيتوا انه اهل العريس عاوزين يبالغوا وروهم اني عندي كم زول اترشحوا لي واني مستعجلة.
وفعلاً اهل الولد طبعاً حسوا اني عروس لقطة وخافوا الولد يبور وسدوا دي بي طينة ودي بي عجينة ورضوا بالمقسوم وعقدوا في صمت وبدون صرف، رغم اني كنت سامعة من اخوي انه الولد كان بيحلم بجلابية زفاف وسيرة وزفة ورقيص عريس زي حق عمر البشير البيعملوا داك، لكن في النهاية رضى بالمقسوم واتوكل على الله وقال اخير اعرس ولا اقعد احلم واطير العروس خالص من يدي واقعد اندم زي اولاد كتيرين.
ونواصل.....
ايمان
|
Post: #160
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 07:33 AM
Parent: #74
اها نواصل الجزء التالت
اها بعد مااتفقنا على التفاصيل والاهل رضوا بالمقسوم حددنا التواريخ للعقد وقلنا حفلة الدخلة ممكن نعملها في وقت تاني لمن الظروف تسمح. ورسلت ليهم توكيل من قنصليتنا في جدة بعدما سلوا روحي وحققوا معاي التقول مجرمة مازولة بدفع ضرائب وبطلب عمل شئ من ابسط حقوقي كمواطنة.
الجماعة في السودان عملوا العقد وبقيت عروس رسمي بس ماشعبي وسكيت موضوع الاستقدام عشان اجيبه السعودية، وطبعاً مع الجري الشديد والصرف والمشغوليات بقيت مابقدر اتصل كتير، اها هو بقى يتصل ويقول لي مالك انتي بقيتي مابتتصلي ومابتقولي لي كلام حلو زي الكنتي بتقوليه لي ايام التعارف؟ ومالك بقيتي مابتشتاقي لي؟ وقدر ماحاولت اشرح ليه الظروف كان بيقول لي برضو مهما كانت الظروف يعني اكيد بتلقي ليك خمسة دقايق تتصلي بي فيها.
اها انا بيجاي قمت فتشت لي شقة براي عشان كنت ساكنة مع مجموعة طبعاً ولقيت لي شقة من غرفة وصالة وحمدت الله عشان الايجارات هنا مرتفعة شوية لو البيوت كبيرة، ومشيت الحراج محل بيع اغلب الاشياء المستعملة اشتريت لي عفش معقول وفرشت البيت بما تيسر، وقلت اخلي عدة المطبخ لمن هو يجي عشان يختار براه الشئ البناسبه.
المهم مرت فترة الاستقدام وادوه الفيزا وقطعت ليه التذكرة بالخطوط السودانية ناقلنا الوطني لانها ارخص من الخطوط السعودية طبعاً وحجزت ليه واخيراً جات لحظة اللقاء المنتظر وشلت الصورة وحفظت تقاطيع وشه سممممممح ومشيت المطار، بقيت اعاين لوشوش القادمين زي الرايح لي شئ واقول بري ده ماهو ده ابيض وده اسود، ده طويل وده قصير، لغاية ماشفت الجلابية واللبسة بتاعة باب شريف المابتغباني وعرفته ده زولي.
رفعت ليه يدي من وسط الناس وشفته مسكين مع الخجل وشيل الشنطة كل شوية الشال يقع من كتفه ويخت الشنطة يقيف يرفعه في كتفه ويصلحه ويدنقر يجر الشنطة تاني، لمن وصلني وسالمني وسالمته وباركت ليه قلت ليه مبروك علي انت، ضحك بي خجل وقال لي الله يبارك فيك، ومرقنا من المطار وركبنا لينا ليموزين على قولة ناس السعودية واتجهنا على الشقة.
ونواصل الجزء الجايي من الحياة الزوجية....
ايمان
|
Post: #219
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 02:48 AM
Parent: #160
اها نواصل الحكاية
جينا البيت وبدينا اخيراً الحياة الزوجية الكاسرين الناس رقبتهم عشان يعيشوها، زارونا زميلاتنا في البيت وبعض السودانيين المعارف والجيران وباركوا لينا، ومشينا السوق اشتريت العدة للمطبخ والملايات واكياس المخدات والذي منه، وبدينا النقنقة من اول ايام في السوق يقول لي الحاجات دي ماسمحة وحاجات رخيصة وهايفة ساي ولو في مراده يشريني الحاجات الغالية السماها اصلية.
بعد اسبوع قعدة في البيت ولاحظوا انا ماعندي اجازة اها قمت نزلت الشغل وبقيت كل مااجي البيت من الشغل القاه بس قاعد يتبكى اها انا انخلع واقول الحصل شنو ياربي ولما اساله يقول لي مافي شئ ولما اقول ليه مافي شئ كيفن مالك بتبكي؟ يقعد يقول لي انا بس كنت متخيل نقعد مع بعض اكتر شوية قبل ماتنزلي الشغل، ومرات يقول هو بس عشان مافارق اهله خالص من صغير ومشتاق ليهم ومرات يقول حاسس اني بعيدة منه.
اها انا بقيت ازهج من جنس الدلع ده ومااستحمل كل يوم بكاء ودموع ودلع وقلة ادب وبقيت اقعد احاول افهمه اني ماعندي اجازة عشان اقعد معاه في البيت اكتر وانه الشغل هنا مابيرحم وانه مفروض يتبسط عشان انا قعدت معاه اسبوع كامل في البيت، وافهمه انه الحياة كده وانه مفروض يستحمل بعده من اهله ويتفرغ لحياته الزوجية، وافهمه برضو انه انا مابعيدة منه.
البيت بقى يزهج من النكد والموبايل كرهته من كترة اتصالاته بي والسؤال، اها جاية متين؟ ماممكن نطلع لما تجي راجعة البيت؟ ممكن تجيبي معاك الشئ الفلاني؟ المكيف ده فوقه مشكلة، الخ... كرهت حياتي من اول شهر وكرهت العرس القايلاه بيريح بالي، وبقيت اجي القاه بس ماسك التلفون، يابيتكلم مع واحد من ازواج السودانيات الهنا الدخلوا علينا وبقوا اصحاب متين مابعرف، ياالقاه ضرب لي اهله يتونس معاهم.
النصيحة انا زهجت من الدلع ده وفصلت تلفون البيت عشان الفواتير كمان ماتعمل لينا هم جديد، وطوالي سالني التلفون ده ماله كضم؟ وقلت اتكلم معاه عشان يفهم الظروف كان يخلي الدلع وعدم المسئولية ده شوية. اها قعدت معاه وقلت ليه التلفون مابنقدر على فواتيره عشان كدي انا قطعته وانه البلد دي مابلد ابوي واني جيت واغتربت عشان نصلح ظروفنا ونرجع بلدنا، وانه لازم يخلي الكلام الكتير في التلفون ده.
قعد يرمي في دميعاته ويقول لي دي ماحياة اصلها وانه بيصحى معاي الساعة خمسة الصباح وانه بعد ماامشي الشغل بيقوم ينضف البيت كله وده بياخد منه وقت طويل وبيغسل العدة والهدوم وبيبدا في عمل الغدا عشان عارفني برجع البيت زي الساعة اتنين وبمرق تاني لدوام المساء زي الساعة خمسة، وانه لما يخلص من الحاجات دي بيكون زهج من الوقفة طول اليوم ومافي زول ينضم معاه كلمة واحدة وقعدة البيت ليه براه بين اربعة حيطان قال حارة شديد عشان كده بيتكلم مرات في التلفون.
وقال ماهو البيضرب كل المرات وانه مرات راجل فلانة هو البيضرب ليه وبيتونسوا، وانه ماقاعد يضرب لي اهله الا مرة واااااحدة كل اسبوعين وبقينا في غلاط انا اقول ليه هسه انت يوم الجمعة الفات ماضربت ليهم وهو يقول لي ااااي لكن ده ماعشان ابوي كان راقد عيان وغلاط ونقة وكل مانتناقش يقول لي حسع انتي مالك بتكوركي فيني؟ والله بيني وبينكم كرهته وكرهت وشه وبقيت كان في طريقة البيت ذاته مااجيه بين الدوامين من عيشة النكد دي وعدم الفهم وعدم الاحساس ده.
اها بعد داك دورنا اسطوانة جديدة وانا قلت اكيد دي من راس راجل فلانة ، بقى يقول لي انتي قلتي انا ممكن اواصل دراستي وانا اقول ليه انا قدمت اوراقك وراجية الرد والناس ديل مابيردوا بالساهل اخير تصبر، اها بقى يقول لي خلاص طيب انا عاوز ذاتي اشوف لي شغل عشان قعدة البيت صعبة وعشان اساعدك انتي ذاتك. واريته ماقال الكلمة دي خلاني انفجر واطلع الحابساه جواي كله من زهجي منه.
قلت ليه والله ياها دي الفضلت انا اتعب اليوم كله في الشغل واجي البيت عشان اخت راسي وارتاح ساعتين واكل لي شئ قبل ماامرق تاني اها اجي كمان القاك انت شغال ولا بتقرا وسايب البيت لا نضافة لا اكل اصله هي القصة كان كدا انا معرساك ليه؟ اسمع ياراجل من الليلة تشيل من راسك فكرة الدراسة دي خالص وماعاوزاك تاني تقول لي عاوز تشتغل واهلك واصحابك ديل كان هم البيملوا ليك راسك بالافكار دي ذاتك تاني ماتتصل بيهم الا مرة في الشهر وقدامي.
اها من اللحظة الوريته فيها العين الحمراء كترت الدموع لكن بقى مابيقول لي اصله بيبكي ماله، بقى الكلام بيناتنا ذاتو بالقطارة وريحني بيني وبينكم من النقنقة ووجع الراس لكن كمان انا المسخرة وقلة الادب مابتنفع معاي كيفن يعني يقعد ساكت وكل ماسالته سؤال يرد علي من طرف نخرتو زي الانا خدامة عنده؟؟
اها اقروا الكلام ده واحكموا براكم على البقت علي انا القلت ارتاح بالعرس وانتظروا اكتب ليك الجزء الجاي وشوفوا جنس الظلم الاتظلمته.
ايمان
|
Post: #220
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 02:51 AM
Parent: #160
اها نواصل الحكاية
جينا البيت وبدينا اخيراً الحياة الزوجية الكاسرين الناس رقبتهم عشان يعيشوها، زارونا زميلاتنا في البيت وباركوا لينا، ومشينا السوق اشتريت العدة حقت المطبخ والملايات واكياس المخدات والذي منه، وبدينا النقنقة من اول ايام في السوق يقول لي الحاجات دي ماسمحة وحاجات رخيصة وهايفة ساي ولو في مراده يشريني الحاجات الغالية السماها اصلية.
بعد اسبوع قعدة في البيت ولاحظوا انا ماعندي اجازة اها قمت نزلت الشغل وبقيت كل مااجي البيت من الشغل القاه بس قاعد يتبكى اها انا انخلع واقول الحصل شنو ياربي ولما اساله يقول لي مافي شئ ولما اقول ليه مافي شئ كيفن مالك بتبكي؟ يقعد يقول لي انا بس كنت متخيل نقعد مع بعض اكتر شوية قبل ماتنزلي الشغل، ومرات يقول هو بس عشان مافارق اهله خالص من صغير ومشتاق ليهم ومرات يقول حاسس اني بعيدة منه.
اها انا بقيت ازهج من جنس الدلع ده ومااستحمل كل يوم بكاء ودموع ودلع وقلة ادب وبقيت اقعد احاول افهمه اني ماعندي اجازة عشان اقعد معاه في البيت اكتر وانه الشغل هنا مابيرحم وانه مفروض يتبسط عشان انا قعدت معاه اسبوع كامل في البيت، وافهمه انه الحياة كده وانه مفروض يستحمل بعده من اهله ويتفرغ لحياته الزوجية، وافهمه برضو انه انا مابعيدة منه.
البيت بقى يزهج من النكد والموبايل كرهته من كترة اتصالاته بي والسؤال، اها جاية متين؟ ماممكن نطلع لما تجي راجعة البيت؟ ممكن تجيبي معاك الشئ الفلاني؟ المكيف ده فوقه مشكلة، الخ... كرهت حياتي من اول شهر وكرهت العرس القايلاه بيريح بالي، وبقيت اجي القاه بس ماسك التلفون، يابيتكلم مع واحد من ازواج السودانيات الهنا الدخلوا علينا وبقوا اصحاب متين مابعرف، ياالقاه ضرب لي اهله يتونس معاهم.
النصيحة انا زهجت من الدلع ده وفصلت تلفون البيت عشان الفواتير كمان ماتعمل لينا هم جديد، وطوالي سالني التلفون ده ماله كضم؟ وقلت اتكلم معاه عشان يفهم الظروف كان يخلي الدلع وعدم المسئولية ده شوية. اها قعدت معاه وقلت ليه التلفون مابنقدر على فواتيره عشان كدي انا قطعته وانه البلد دي مابلد ابوي واني جيت واغتربت عشان نصلح ظروفنا ونرجع بلدنا، وانه لازم يخلي الكلام الكتير في التلفون ده.
قعد يرمي في دميعاته ويقول لي دي ماحياة اصلها وانه بيصحى معاي الساعة تمانية الصباح وانه بعد ماامشي الشغل بيقوم ينضف البيت كله وده بياخد منه وقت طويل وبيغسل العدة والهدوم وبيبدا في عمل الغدا عشان عشان عارفني برجع البيت زي الساعة اتنين وبمرق تاني لدوام المساء زي الساعة خمسة، وانه لما يخلص من الحاجات دي بيكون زهج من الوقفة طول اليوم ومافي زول ينضم معاه كلمة واحدة وقعدة البيت ليه براه بين اربعة حيطان قال حارة شديد عشان كده بيتكلم مرات في التلفون.
وقال ماهو البيضرب كل المرات وانه مرات راجل فلانة هو البيضرب ليه وبيتونسوا، وانه ماقاعد يضرب لي اهله الا مرة واااااحدة كل اسبوعين وبقينا في غلاط انا اقول ليه هسه انت يوم الجمعة الفات ماضربت ليهم وهو يقول لي ااااي لكن ده ماعشان ابوي كان راقد عيان وغلاط ونقة وكل مانتناقش يقول لي حسع انتي مالك بتكوركي فيني؟ والله بيني وبينكم كرهته وكرهت وشه وبقيت كان في طريقة البيت ذاته مااجيه بين الدوامين من عيشة النكد دي وعدم الفهم والاحساس ده.
اها بعد داك دورنا اسطوانة جديدة وانا قلت اكيد دي من راس راجل فلانة ديك، بقى يقول لي انتي قلتي انا ممكن اواصل دراستي وانا اقول ليه انا قدمت اوراقك وراجية الرد والناس ديل مابيردوا بالساهل اخير تصبر، اها بقى يقول لي خلاص طيب انا عاوز ذاتي اشوف لي شغل عشان قعدة البيت صعبة وعشان اساعدك انتي ذاتك. واريته ماقال الكلمة دي خلاني انفجر واطلع الحابساه جواي كله من زهجي منه.
قلت ليه والله ياها دي الفضلت انا اتعب اليوم كله في الشغل واجي البيت عشان اخت راسي وارتاح ساعتين واكل لي شئ قبل ماامرق تاني اها اجي كمان القاك انت شغال وسايب البيت لا نضافة لا اكل اصله هي القصة كان كدا انا معرساك ليه؟ اسمع ياراجل من الليلة تشيل من راسك فكرة الدراسة دي خالص وماعاوزاك تاني تقول لي عاوز تشتغل واهلك واصحابك ديل كان هم البيملوا ليك راسك بالافكار دي ذاتك تاني ماتتصل ب%
|
Post: #249
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 05:03 AM
Parent: #220
نواصل الجزء الاخير هنا ومعليش الظروف ماخلتني اتم الموضوع في قعدة واحدة
اها بعد الكلام ده كله بقت اسطوانة داير اقرا اسطوانة يومية وانا زولةً عنيدة وعشان كدي اي زول راسه قوي وداير يمشي كلامه ورايه علي مابينفع معاي اصله فقفلت ليه كل الابواب دي وقلت ليه تاني لو قلت دراسة ماتلومني في اي تصرف. اها ضربت لي امه وقالت لي الولد ده قال في بيناتكم شوية عدم تفاهم يااولادي، والحياة دي محتاجة صبر وخصوصاً انتو في الغربة. قلت ليها شوفي ياحاجة لو ماعاوزاني اتلوم معاك ارجوك تاني ماتتدخلي في امور حياتنا الشخصية وزهجت منها وقفلت ليها الخط في وشها من الزهج.
اها اليوم داك ماخليته ينوم من الدروس الاديتها ليه عشان بيحكي بامور حياتنا للناس، وقال لي انا ماحكيت لي زول غير امي والسبب انك اصلك مابتسمعيني وانك زولة متسلطة وانا لو عارف حياتنا كده ماكنت اتزوجتك، وهسه نحن ناس متزوجين لينا شهور اصلك وقت مادايراني اكمل دراستي ولا رضيانة اشوف لي شغل ليه ماحصل قلتي لي دايرة اولاد ولا مادايرة. قلت ليه اصله موضوع الاولاد ده ماتتكلم فيه تاني، انا جيت هنا اكون نفسي ومامتفرغة هسه لصرف على اولاد ولا لتربية اولاد، بس والبكاء بدا.
طبعاً بعد ده بقى ده موضوعنا الجديد الاولاد والولادة وطوالي في لحظة زهج من النقة قلت ليه لو عاوز اولاد امشي الديهم انت براك، ومن اليوم داك بقينا لا انا لا هو طايقين وشوش بعض، وبقيت اقضي يومي كله بره ولما اجي البيت بس اقرا الجرايد، لامن يوم جيت البيت لقيته قال عاوز يرجع السودان وعاوز الطلاق وطوالي بدون ماافكر مشيت قطعت ليه تذكرة السفر للسودان الدايره ده وحجزت ليه وسفرته في ظرف ايام.
اها ولي حسع اهله يضربوا لي في التلفونات عشان نتم الاتفاق على موضوع الطلاق وبقيت مابرد عليهم ذاتي ومخلياه معلق ماعارف روحه لسع معرسني ولا طليقي ولا يسمي روحه شنو، وانا مافارقة معاي وقت اصله الموضوع بتاع العرس ده موضوع شراء وبيع اها لميت القروش تاني وحسع خلاص دايرة اشتري لي عريس جديد غيره.
يلا ياجماعة الحشاش يملا شبكته.
ايمان
|
Post: #455
Title: Re: اها ياجماعة انا مغتربة ولميت القروش وجاهزة للعرس
Author: ضرغام حسن ابو نورا
Date: 11-26-2005, 03:26 AM
Parent: #249
استريحي ليس للدور بقيّة انتهت كلّ فصول المسرحيّة فامسحي زيف المساحيق و لا ترتدي تلك المسوح المرميّة و اكشفي البسمة عمّا تحتها من حنين .. و اشتهاء .. و خطيّة كنت يوما فتنة قدسّتها كنت يوما ظمأ القلب .. وريّه *** لم تكوني أبدا لي إنّما كنت للحبّ الذي من سنتين قطف التفاحتين ثمّ ألقى ببقايا القشرتين و بكى قلبك حزنا فغدا دمعة حمراء بين الرئتين و أنا ؛ قلبي منديل هوى جففت عيناك فيه دمعتين و محت فيه طلاء الشّفتين و لوته .. في ارتعاشات اليدين كان ماضيك جدار فاصلا بيننا كان ضلالا شبحيّه فاستريحي ليس للدور بقيّة أينما نحن جلسنا ارتسمت صورة الآخر في الركن القصيّ كنت تخشين من اللّمسة أن تمحي لمسته في راحتي و أحاديثك في الهمس معي إنّما كانت إليه .. لا إليّ فاستريحي لم يبق سوى حيرة السير على المفترق كيف أقصيك عن النار و في صدرك الرغبة أن تحترقي ؟ كيف أدنيك من النهر و في قلبك الخوف و ذكرى الغارق ؟ أنا أحببتك حقّا إنّما لست أدري أنا .. أم أنت الضحيّة ؟ فاستريحي ، ليس للدور بقيّة........!
سلامات ياأيمان تحياتى واشواقى غايتو ماعارف اقول ليك شنو لكن مسرحيتك دى الا تعيشيها فى الاحلام
|
Post: #4
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 04:52 PM
Parent: #2
بضرب ليك ياعلي بس امشي استاذن من ماما اول عشان اي شئ يكون في النور
ايمان
|
Post: #6
Title: Re: اها ياجماعة انا مغتربة ولميت القروش وجاهزة للعرس
Author: Kostawi
Date: 11-08-2005, 04:54 PM
Parent: #4
لو محتاجين لفنان
50% discount
إستراحة
|
Post: #10
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 05:05 PM
Parent: #6
متشكرين ياكوستاوي لكن لو احتجنا لي كورجة فنانين حانكلم لؤي ويجيب لينا محمد وردي مجاناً كمان، اها رايك شنو؟
ايمان
|
Post: #5
Title: Re: اها ياجماعة انا مغتربة ولميت القروش وجاهزة للعرس
Author: محمد عيد الله
Date: 11-08-2005, 04:53 PM
Parent: #1
والله يا ايمان شفت عنوان البوست بتاعك دة قلت خلاص يا عرس ما جاك راجل لاني انا ذاتي سكيت طريق القراية لمن بقيت رانكر لكن تاريكي مخطوبة.. خيبتي ظني .. والله يجازي الكان السبب .. في انتظار اكتمال فصول هذا الشاكوش.. خالص الود محمد عبد الله
|
Post: #8
Title: Re: اها ياجماعة انا مغتربة ولميت القروش وجاهزة للعرس
Author: الخير محمد عوض
Date: 11-08-2005, 05:00 PM
Parent: #5
ايمان ....كيفك يا العريس... اقصد العروسة
عندى احساس انو بعد ما اتكلمتى معاهو
( طلع مخطوب )
|
Post: #16
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 05:21 PM
Parent: #8
الخير....اهلاً بيك
لا احساسك دا طلع فالصو
لوك الصبر
ايمان
|
Post: #169
Title: Re: اها ياجماعة انا مغتربة ولميت القروش وجاهزة للعرس
Author: محمد الامين محمد
Date: 11-10-2005, 08:05 AM
Parent: #16
يا ايمن بطل فك واكتب باسمك عديل كده
|
Post: #186
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:16 PM
Parent: #169
بسسسسسسسسم الله الرحمن الرحيم وعليكم السلام يامحمد الامين احمد ومع السلامة
ايمان
|
Post: #9
Title: Re: اها ياجماعة انا مغتربة ولميت القروش وجاهزة للعرس
Author: القلب النابض
Date: 11-08-2005, 05:02 PM
Parent: #5
شوفي يا إيمان الكلام دخل الحوش وكدة بتخربي علينا السوق والجماعة بعد كدة يجو يقولوا دايرين شيلة وكلام كتير عليك الله يا حفسة سوقي ابكر بتاعك دا بعيد وخلي السوق رايق واياك والاسئلة التأسفية(التعسفية) دي
هوووووووووووووى يا ايمان
|
Post: #13
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-08-2005, 05:17 PM
Parent: #9
هافيه منك يا أيمان أخدتى لينا حقنا من الرجال
بس كلامك ده كثير يابتى مابنقدر كلنا عليهو, يعنى لما الواحده تشتغل فينا وتجهز حق العرس تكون عضامها ما أتلقت
انا بتغاظ من الاولاد البرسلو لأهلهم يجيبوا ليهم عده صور لبنات عشان يختار واحده فيهم, يعنى قرار الزواج الاول بعتمد على الشكل اول وبعدين المواصفات التانيه كما بحسسنى انو البنت ماعندها اى رأى فى الموضوع وعايزه تتزوج اى عريس مغترب وخلاص
عارفه لما اخوى كان ماشى السودان عشان يعرس مع انوهو برضو رسلو ليهو صور بنات عشان يختار منهم, سألنى قال لى عايزه شنو من السودان? قلت ليهو ولا حاجه بس ماتنسى تجيب لى صور معاك عشان أختار عاين لى بغيظ كده وقال لى ياهو ده الفضل
فتك بى عافيه واتوقع لك الزواج فى خلال 24 ساعه من الان
وحظا سعيدا وهارد لك يا القلب النابض
وفى امان الله
لا اله الا الله
|
Post: #21
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 05:54 PM
Parent: #13
بت الاحفاد
حقكن ياتو الاخدتو من الرجال؟
كدي حبيبتي روقي لي حبة واسمعي باقي القصة
وبجيك صادة بعد مااتم الموضوع
وماتتوقعي لي زواج في 24 سنة مش 24 ساعة
ومحمد رسول الله
ايمان
|
Post: #14
Title: Re: اها ياجماعة انا مغتربة ولميت القروش وجاهزة للعرس
Author: عبدالماجد فرح يوسف
Date: 11-08-2005, 05:19 PM
Parent: #9
الصورة دي مقلوبة ولا شنو يا إيمان؟
|
Post: #22
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 05:59 PM
Parent: #14
عبد الماجد لا صدقني الصورة معدولة مامقلوبة بس بتتوقف على منو البيعاين ليها، وبيعاين ليها كيف؟
ايمان
|
Post: #20
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 05:41 PM
Parent: #9
القلب النابض مالك ياختي قلبك قام يضرب كدي؟ وانتي برضو بتقولي سوق؟ كدي اصبري ومادام الحكاية حكاية سوق ماتشيلي هم دي تجارة مضمونة
ايمان
|
Post: #11
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 05:11 PM
Parent: #5
محمد عبد الله ووب علي ووب علي ووب علي، القال ليك مخطوبة منو ياود الناس؟ الاشاعات المغرضة دي شنو كمان في النت؟ ياود الناس استهدى وقول بسم الله وماتقابض ساي بطريقتك دي بتعيق ليك زولة، وروق المنقة القصة مافيها شواكيش.
ايمان
|
Post: #12
Title: Re: اها ياجماعة انا مغتربة ولميت القروش وجاهزة للعرس
Author: Ahmed Abdallah
Date: 11-08-2005, 05:14 PM
Parent: #1
Quote: تاريخ التسجيل: 02-11-2005 |
العروس يا دوبا ليها اسبوع في البورد .... جنس شففة لكن ....
|
Post: #23
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 06:09 PM
Parent: #12
احمد عبد الله حسع عليك الله جد كده الشفقان منو؟
ايمان
|
Post: #15
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-08-2005, 05:21 PM
Parent: #1
حبااااب بنات بلدي
من هسه...
عايز مكنة الحلاقه Gillete ام ثلاثه امواس مدرجه دييييك 3 والAfter shave يكون Brut أصلي 3
وكاان لقيت حاجه مضروبه البسي الخوذه ساي وشيلتك شيلي فيها شيلتك
non refundable
|
Post: #17
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-08-2005, 05:28 PM
Parent: #15
Quote: العروس يا دوبا ليها اسبوع في البورد .... جنس شففة لكن .... |
خير البر عاجله
Quote: من هسه...
عايز مكنة الحلاقه Gillete ام ثلاثه امواس مدرجه دييييك 3 والAfter shave يكون Brut أصلي 3
وكاان لقيت حاجه مضروبه البسي الخوذه ساي وشيلتك شيلي فيها شيلتك
non refundable |
شفتى الباب الفتحتيهو لينا يا أيمان?
اها أتصرفى وانا ما معاكم غايتو
وفى امان الله
لا اله الا الله
|
Post: #27
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 06:30 PM
Parent: #17
بنت الاحفاد الباب البيجيب ليكي الريح سديه واستريحي وخليك هنا وانا بتصرف كان غلبك تسديه ومحمد رسول الله
ايمان
|
Post: #18
Title: Re: اها ياجماعة انا مغتربة ولميت القروش وجاهزة للعرس
Author: القلب النابض
Date: 11-08-2005, 05:34 PM
Parent: #15
اها يا ايمان دا الخايفة منو انا شايفة سعد الدين كتب الماركات ومكنات الحلاقة وكريم الحلاقة عااااااارفة انا القصة بتجر وفي النهاية قال(non refundable)قال. عرسة وخراب ديار, شفتي البتشرطوا ديل تشختي ليهم طوالي
بنت الاحفاد حبيبتي ما عرفتك والله انت بدل تقيفي معاي تطاوعيها شفت جنس المحن دي الوقعنا فيها دي يل بنات امي
وبعد دا ان شاء الله جابوا ليك الصور لو جابوهم ليك بعد تعزلي رسلي لي انشوف بس ما تكلمي زول.
ايمان والله الجماعة ديل بيكونوا بكتبوا في اللسته وبيبصصوا بعض كمان.
|
Post: #26
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-08-2005, 06:22 PM
Parent: #15
سعد الدين
حباب رجال بلدي التعبانين من نساوينهم
والحاجات جاهزة اخوي
بس انت استعد عشان تقوم بواجباتك الزوجية
الحياة الزوجية دي في بلادنا ماساهلة فاتمرن كويس
على قراية الجرايد وفرجة مباريات الكورة
وبعد داك انا بلقى ليك مليون عروسة ارجل من ملايين الرجال
اها البيشد حيلو ويشيل شيلتو منو؟
ايمان
|
Post: #30
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-08-2005, 07:46 PM
Parent: #26
Quote: فاتمرن كويس
على قراية الجرايد وفرجة مباريات الكورة |
قصدك البري يعني? لا يا أختي عوجة تب ماف عندنا مناعة طبيعيه ومكتسبه ومضادات كمان ييني بينك شايل هم بنت الناس الناويه تنتحر معاي نكبتا حا تفوت نكبة العرب في 67
Quote: وبعد داك انا بلقى ليك مليون عروسة ارجل من ملايين الرجال |
ياحنينه الزواج قسمه وترباس بس
الكلام ده كان جاني من راجل حررررم علا اقع بيهو الدايمه الشده على الله يا بتي
انا
بشيل شيلتك
|
Post: #75
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:07 AM
Parent: #30
سعد الدين شايفاك دخلاتك كترن خلي بالك ختيت عينك علي الشيلة دي خلاص، وعشان طمعك ده انا عرس مابعرسك ليه انا جني وجن الراجل الطماع ودني وعينو طايرة، كدي تاني النشوفك حايم بيجاي
ايمان
|
Post: #143
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-09-2005, 07:55 PM
Parent: #75
بين البائع والمشتري يفتح الله
وانا زااااتو هلالابية كان جابت لي الشيله هينو
بشوكشها وبنوم بالشيله عشان نغلبكم كورة وشطاره يا رشاشه
|
Post: #161
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 07:38 AM
Parent: #143
سعد الدين بس دي صدقت فيها تماااااام بين البايع والمشتري يفتح الله اصلها القصة بيع وشراء ويلا يفتح الله علينا وعليك يعني كمان طلعت مريخابي عشان كدي امرق من هنا ووشك ده تاني ماتوريني ليه قال رضينا بالهم والهم ماراضي بينا
ايمان
|
Post: #212
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-10-2005, 05:37 PM
Parent: #161
Quote: عشان كدي امرق من هنا ووشك ده تاني ماتوريني ليه قال رضينا بالهم والهم ماراضي بينا |
إيمانوو
أمرق ويييييين!
انتي بي صحك?
شيلتك ما بدورا لكن البوست ده بعرس منو وكمان مريخابيه وللا واحدة ماشغالة بالكوره
عامله شيلتك المقصره دي
عراريقك جبتيهن ضيقات
|
Post: #69
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 11-09-2005, 06:56 AM
Parent: #26
إيمان ... إيمان
...أصحي
|
Post: #76
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:07 AM
Parent: #69
المهندس محمد السيد
انا صااااااحية نايمين وبتحلموا انتو
ايمان
|
Post: #19
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-08-2005, 05:40 PM
Parent: #1
الأولو شرط آخرو نور
|
Post: #77
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:09 AM
Parent: #19
هوي ياسعد الدين ياراجل انا مافاضية ليك كورة الهلال وحرس الحدود باقي ليها ساعة وانا لما الهلال دا يكون لاعب الاكل بخليه امشي شوف ليك شغلة
ايمان
|
Post: #24
Title: بسم الله
Author: عبدالماجد فرح يوسف
Date: 11-08-2005, 06:14 PM
Parent: #1
.
|
Post: #78
Title: Re: بسم الله
Author: إيمان صالح
Date: 11-09-2005, 10:10 AM
Parent: #24
عبد الماجد مالك ياخوي الكلام غالبك؟
ايمان
|
Post: #25
Title: Re: اها ياجماعة انا مغتربة ولميت القروش وجاهزة للعرس
Author: كوليل
Date: 11-08-2005, 06:19 PM
Parent: #1
إيمان الحلوة إذيك
والله أنا بغسل عدة
لاكن بينى وبينك عيشت الجهجه مابتنفع معاى
بجيك راجع .... عندى حاجات كدة لزوم قول
|
Post: #28
Title: Re: اها ياجماعة انا مغتربة ولميت القروش وجاهزة للعرس
Author: القلب النابض
Date: 11-08-2005, 06:36 PM
Parent: #25
ايمان بكلم ليك سجيمان
|
Post: #80
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:13 AM
Parent: #28
القلب النابض سجيمان ياختي بقى كبير علينا الشرق الاوسط ومصاحب دكتور معز بكرة بتلقيهم في التلفزين سوا دا لو ماجابوهم في برنامج من سيربح المليون
ايمان
|
Post: #79
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:12 AM
Parent: #25
حباب كوليل وخلي الغزل الصريح ده حلوة في عينك امشي اغسل عدتك وانا راجياك
ايمان
|
Post: #29
Title: Re: اها ياجماعة انا مغتربة ولميت القروش وجاهزة للعرس
Author: Elmuez
Date: 11-08-2005, 06:41 PM
Parent: #1
Quote: شيلة العريس من جلاليب وعراريق وطواقي للعريس وون مان شو الهلال رشو ولي الافترشيف وأمواس ومعجون الحلاقة جبتهم. |
قبضتك !.. إنتي أظنك مشركة لأولاد راوه !..
|
Post: #31
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-08-2005, 08:39 PM
Parent: #29
Quote: بنت الاحفاد حبيبتي ما عرفتك والله انت بدل تقيفي معاي تطاوعيها شفت جنس المحن دي الوقعنا فيها دي يل بنات امي |
القلب النابض
هو الرجاله البتقبل بؤفر ذى ده ويشتروا حريتهم بالحاجات الجاهزه ديل ذاتو ماعايزنهم, وخلى أيمان تشبع بيهم والفيهم أتعرفت
الواحده ياحبيبه بتبحث عن الواحد الاحميها مش هى التحميهو وأخير يجيب ليها خاتم من حديد من جنس البهدله ده
Quote: وبعد دا ان شاء الله جابوا ليك الصور |
أنتى بتضحكى ياحبيبه? انا أخوى جعلى ما كويس ما ضبحنى تقولى لى جاب ليكى صور? عندى صور مناظر طبيعيه بتنفع?
وفى امان الله
لا اله الا الله
|
Post: #32
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-08-2005, 08:58 PM
Parent: #31
Quote: هو الرجاله البتقبل بؤفر ذى ده ويشتروا حريتهم بالحاجات الجاهزه ديل ذاتو ماعايزنهم, وخلى أيمان تشبع بيهم والفيهم أتعرفت |
آااي بالحيل
الفينا مشهودة
انتن كان بتقبلن بي خاتم حديد واكثرهن بركه اقلهن مهرا ..كان بقينا في جنس دا?
يللا شيلو شيلتكم دايرين نقرأ
|
Post: #34
Title: Re: اها ياجماعة انا مغتربة ولميت القروش وجاهزة للعرس
Author: عاصم محمد شريف
Date: 11-08-2005, 09:22 PM
Parent: #32
الاخت العزيزة : ايمان صالح
شكرا لك على كل هذا الجمال..
وامنى نفسى والقراء ..بكاتبة ..متميزة وجريئة..وعميقة فى نفس الوقت(حتى وان حاول البعض من التعامل مع هذا البوست من باب السطحية)..
فما كتبته : يصلح لان يكون دراسة راقية فى علم الاجتماع..
وهو (فى تقديرى) يستعرض دراسة مقارنة بين (القديم والجديد) ..فيما يتعلق بقضية المراة..والافق الذى يقود الى تطورها..
لك مجددا منى كل الود ..
ولى قدام
|
Post: #85
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:20 AM
Parent: #34
عاصم محمد شريف
عساك طيب اخوي؟
ياخوي مشكور على كلامك السمح، والنصيحة في الزمن دا صعبة الواحدة تقتنع انه في رجال بيقدروا يقروا مابين السطور، وخليك قريب لسع في الكتير اللازم يتقال ويصل لعقول النسوان قبل الرجال في مجتمعنا الخلاص بقى في خبر كان ده.
وتسلم اخوي
ايمان
|
Post: #84
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:19 AM
Parent: #32
سعد الدين اقرا كلامي الفوق داك فترت انا من النضمي معاك
ايمان
|
Post: #83
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:16 AM
Parent: #31
بنت الاحفاد بس جيت اقول ليك في امان الله ومحمد رسول الله
ايمان
|
Post: #81
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:15 AM
Parent: #29
المعز انت قربت من الاجابة الصحيحة اولاد راوة هم الباعوا لي الحاجات دي في باب شريف
ايمان
|
Post: #33
Title: Re: اها ياجماعة انا مغتربة ولميت القروش وجاهزة للعرس
Author: Hisham Amin
Date: 11-08-2005, 09:02 PM
Parent: #1
هاهاهاهاهاهاهاهاهاها
10 على 10 والله
|
Post: #86
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:23 AM
Parent: #33
هشام امين ان شاء الله دايماً مبسوط
ايمان
|
Post: #35
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-08-2005, 09:27 PM
Parent: #1
تررم تررم...تررم تتتتترم
الو..
الاخت ايمان...
كبف حالك ،ان شاء الله مبسوطة..
معاك اخوك صديق الموج..اى المو ما الموت الموج ..الموج بالكاف
من امدرمان ..الثورة
لقيت اعلانك وانا مستعد وسيد بيت ممتاز
اكوى واطبخ واغسل عدة واعمل خبيز واجلد عناقريب كمان
ومستعد ..بس ما تنسى فى الشيلة الكلها عراريق وطواقى دى تجيبى معاك موبايل 3310
وانا ما عندى مانع ..مع انو متكلمين فوقى لكن حا افتح ليهن
صوتك بعيد...الو الو الو الو
كده كويس..لا سامعك
لا البامبرز عادى بعرف اغيرو واشد الملايات كمان وبعرف كمان الخلطة بتاعت فسخ الوش
بتنوفيت كريم +كريم كيلى+بوهلى+ديانا+كريسبدا..لا عادى
والحنة وحاتك رسام رسم..اخت حنة ما تخرش موية.
اى اوامر اخرى...
احش الرجلة افرم خدرة الا الكمونية لو شفتى زول نضفها يكون كويس
لا اتفقنا بس انت كلمى اطرافك وردى لى..
انت عارفة العرس دى ببدا بين اتنين لكن اخيرا ببقىFAMILLY AFAIR تلقى
رايك عندو خال وودعمك عندو راى وود خالة ابو الجاب اهل العروس عندو رائين
وكده ،المهم اذا اقنعتيهم التلفون معاك
ظيب سعدنا بسماع صوتك..واقول ليك انا كمان ملقى لى جك عشان العسل ده ما يتدفق
تسلمى...
اها اضرب ليك تانى متين عشان اخذ الجواب.
شكرا تصبحى على خير
بالمناسبة(لافى مناسبة ولا حاجتين) بعرف اعمل الريحة انضف ليك الضفرة ما اخلى
فيها لحمة طايره..والمحلب برضو..والقرنفل..والمسك اعرف ليك مسك التمساح من
مسك الورل...وبكفى الد.....وعندى ماستر نشاة حلبة.
اها لقيتنى كيف..مع السلام!!!كرب(دى ختت السماعة)
|
Post: #36
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-08-2005, 09:46 PM
Parent: #35
الموج Quote: وانا ما عندى مانع ..مع انو متكلمين فوقى لكن حا افتح ليهن
|
كلهن
وأنا البحر الذي لا يأمن الآن السفينة
|
Post: #88
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:31 AM
Parent: #36
سعد الدين المابيفتر ماتخاف على اخوك الموج انتو مارجال والشرع محلل ليكم اربعة نسوان فماتخاف عليه مابيفتح ليهن
ايمان
|
Post: #87
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:28 AM
Parent: #35
صديق الموج الله يجازي محنك قطعت مصاريني ياود الناس والله رجالتك سرت بالي ولقيتك اخو اخوات وسيد حارة وحرم الا ارسل ليك الجوال الطلبته وارسله ليك بشريحته كمان شفت النسونة دي كيف؟ وازيدك من الشعر بيت؟ ماتفتح للمتكلمين عليك ياخوي ماانت راجل والشرع محلل ليك اربعة مالك مخليهن؟ بس الرسول فوقك امشي اتعلم نضافة الكمونية عشان عيد الضحية باقي ليه شهرين بس وال CV بتاعك ده بدون كمونية مابيخارج معاي وبرجاك ياالغالي
ايمان
|
Post: #37
Title: Re: اها ياجماعة انا مغتربة ولميت القروش وجاهزة للعرس
Author: Mohamed Adam
Date: 11-08-2005, 09:55 PM
Parent: #1
Quote: فما كتبته : يصلح لان يكون دراسة راقية فى علم الاجتماع.. |
واصلــي إنا هاهنا منتظرون.. فعلاَ ياإيمان لقد طرقت باب جدير بأن يكون نقطة تأمل لحاله إجتماعيًه موروثه يجوز لنا خربشتها.
|
Post: #38
Title: Re: اها ياجماعة انا مغتربة ولميت القروش وجاهزة للعرس
Author: Abureesh
Date: 11-08-2005, 10:09 PM
Parent: #37
Quote: فما كتبته : يصلح لان يكون دراسة راقية فى علم الاجتماع |
ما تخليك فى علم إجتماعك ياخى وترحمنـا...
حولا!!!
|
Post: #40
Title: Re: اها ياجماعة انا مغتربة ولميت القروش وجاهزة للعرس
Author: عاصم محمد شريف
Date: 11-08-2005, 10:30 PM
Parent: #38
ما تخليك فى علم إجتماعك ياخى وترحمنـا...
حولا!!!
الاخ : ابو الريش
اولا كل سنة وانت طيب.
حقيقة لم استطع ان اميز ان كنت تخاطبنى انا ام الاخ محمد ادم؟
عموما انا من كتب فما كتبته يصلح لان يكون دراسة راقية فى علم الاجتماع.)
وهذا هو رائى فيما كتبت الاخت ايمان( فانا اظن بان ما كتبته :يعالج فكرة متخثرة )..فحواها افضلية الرجل على المرأة..وارى انها قد تناولتها من جانب موضوعى (حتى وان كان قالبه السخرية)..ولكن ما وددت قوله :ان من تعاملوا معه على انه (مجرد خستكة)..بل وسعوا الى تحويل البوست الى (مسخرة)..وددت لفت انتباه كاتبة البوست الى ذلك..ولا اعطى نفسى كل الحق ..فيما توصلت اليه..
فذلك يرجع الى كاتبة البوست..فان كنت محقا فيما ذهبت اليه..اكون قد بلغت..
وان كنت مخطئا ..فلها ..ولكم العتبى حتى ترضوا!!
|
Post: #91
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:38 AM
Parent: #40
عاصم الفاهم والله محق ومحق ومحق والماعاجبه اليشرب من البحر المالح تسلم اخوي واختك ماتخاف عليها عارفة بتعمل في شنو
ايمان
|
Post: #90
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:36 AM
Parent: #38
ابوريش اها قمتوا تتشاكلوا ياالرجال؟ اريتها رجالة السرور يايمة
ايمان
|
Post: #89
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:34 AM
Parent: #37
محمد ادم تسلم ياالواعي واريتو يجيب فايدة
ايمان
|
Post: #39
Title: Re: اها ياجماعة انا مغتربة ولميت القروش وجاهزة للعرس
Author: abas
Date: 11-08-2005, 10:14 PM
Parent: #1
وون مان شو الهلال رشو
اهاااااااااااا
ده الكلام البيجيب الغلط
خليك في عرسك وخلي الهلال سيد البلد في حاله
وثانيا انا غايتو انتي اكبر مني ما بوافق بيك لانك كملتي تعليمك ومشيتي اغتربتي
يعني بالميت كده عمرك 41 سنة وانا لسه صغير وعمري 18 سنة بس
|
Post: #42
Title: Re: اها ياجماعة انا مغتربة ولميت القروش وجاهزة للعرس
Author: محمد عيد الله
Date: 11-08-2005, 10:39 PM
Parent: #39
Quote: محمد عبد الله ووب علي ووب علي ووب علي، القال ليك مخطوبة منو ياود الناس؟ الاشاعات المغرضة دي شنو كمان في النت؟ |
اتوقعي صورتي هي الايميل فتك بعافية
|
Post: #93
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:41 AM
Parent: #42
محمد عبد الله توعدنا وتبخل بالصورة؟
ايمان
|
Post: #92
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 10:40 AM
Parent: #39
عباس روق المنقة انا عالم بي الله هلالبية اكتر منك ومن تاج السر وهسه اعاين للساعة كل دقيقة ماعاوزة افوت كورة الهلال مع المصريين ديل ومسألة العمر دي اخير تمرق منها خليك في كورتك وخت الكورة واطة وفوق فوق هلالنا فوووووووق
ايمان
|
Post: #41
Title: Re: اها ياجماعة انا مغتربة ولميت القروش وجاهزة للعرس
Author: domdom
Date: 11-08-2005, 10:35 PM
Parent: #1
يا بت هوي و الله انا ما اديك العوجة خلي الكلام ده بعيد اكان هزار اكان جد انا لا داير قروشك لا داير شيلتك لا داير منك قرش اصلو انا مغترب و مليان قروش و عندي ثلاثة اطفال الاطفال عايزين يقروا في السودان مكجنين البلد دي و انا ما بقدر علي عيشة العزوبية اصلو عامل السن 48 سنة و الرلاطوبة اثروا فينا اها الحرمة وافقت مبدئيا علي الزواج مرة و اخري لو انتي جادة يومين تلاتة طوالي تكوني عروس ان شاء الله ما تمشي البروفايل بتاعي برسل ليك تلفوني كويس هوي انا كلامي ده جد جد و اصلو كايس عروس لاني مرتي اصيله و بت حلال اناس الحوالي كلها ما عايز تساعدني القي لي مرة تانية اها الله جابك لينا عديل اها اكان كلامك ده هزار شوفي لي واحد جادة و أنا جاهز
|
Post: #98
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 02:43 PM
Parent: #41
دومدوم أول شئ هوا بس انت رغم مساختك دي ياكا زولي طالما مرتك اصيلة وبت حلال وناوي تعرس فوقها دا معناها انت مثال حقيقي للرجل وانا ياني بفتش لي علي رااااجل احس برجولته من كل افعاله رسل لي صورة من شنبك وانا برد عليك
ايمان
|
Post: #43
Title: Re: اها ياجماعة انا مغتربة ولميت القروش وجاهزة للعرس
Author: luai
Date: 11-08-2005, 10:58 PM
Parent: #1
اها يا ايمان مع انو ما عندي نية اعرس واحده من السعودية ... وصوري اسه موزعه لواحدات في الامارات والكويت ...وسلطنة بروناي .. ان شاء الله يا الله ...تختارني بتاعة سلطنة بروناي دي ...
لكن ... ممكن اغير راي واجي معاك السعودية بس بصراحة كده يا ايمان انا عايز اطمن على مستقبلي معاك ...والاولو شرط اخرو نور * اول حاجة الشيك الخدري بتاع الراتب بتاعك يكون باسمي والسبب ياستي اني راجل شرقي خالص .. * ثانيا توريني عقد العمل بتاعك بنتهي بتين ما يكون عقدك قرب يخلص ولذا قررت تعقدي علي انا ..وتعقديني بالمشاكل بعدين .. واهم حاجة كمان يا ستي قولة خير وسد المال وهدايا الوالدة(ام العريس) يكونوا كلهم معتبرين لانهم والله تعبوا فيني شديد وصرفوا دم قلبهم على .. * اخر حاجة وما تزعلي انا عارف دايره يوصولك كل يوم لشغلك اكون صريح معاك الكريسيدا ما بتنفع معي .. والواضح ما فاضح ...مع السلامة ..
|
Post: #44
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن عبدالله أبوشيبة
Date: 11-08-2005, 11:17 PM
Parent: #43
Quote: اها قمت مشيت سوق باب شريف وماخليت شئ، خمج شديد، اشتريت شيلة العريس من جلاليب وعراريق وطواقي للعريس وون مان شو الهلال رشو ولي الافترشيف وأمواس ومعجون الحلاقة جبتهم.
|
عرفنا الافترشيف وأمواس ومعجون الحلاقة المقاسات التانية اخترتيها free size ولا شنو ؟
|
Post: #100
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 02:49 PM
Parent: #44
ابو شيبة عشان هنا صعب تشتري بضاعة قابلة للتبديل انا قررت العريس هو اليكون قابل للتبديل لو ماطلع مقاس الهدوم الاشتريتها، اها رايك شنو؟
ايمان
|
Post: #250
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 05:38 AM
Parent: #100
اها دي القصة كااااااااملة
أول شئ عملته بعدما كملت الجامعة فكرت في الإغتراب لأني عارفة وراي حاتكون هموم الحياة والعرس وتكوين اسرة وتربية عيال، اها جيت السعودية واشتغلت شغل السواد وجريت جري الوحوش ولميت الريالات وحسع مستعدة للعرس.
رسلت لي ابوي يجهز العريس وقال لي اصلو دي مامشلكة يابتي عشان الاولاد راقدين ومالاقيين عروس تمرقهم من هموم الدنيا بس انتي جهزي شيلة العريس، اها قمت مشيت سوق باب شريف وماخليت شئ، خمج شديد، اشتريت شيلة العريس من جلاليب وعراريق وطواقي للعريس وون مان شو الهلال رشو ولي الافترشيف وأمواس ومعجون الحلاقة جبتهم.
ضربت لي ابوي وقلت ليه اها انا جاهزة انت لقيت العريس؟ قال لي انتي كان جيتي ومشيتي ليك عرس وااااحد بس بتلقي ليك عريس ود ناس ومؤدب ومستور، قلت ليه يابوي انا مابقدر اجي انتو شوفوا الولد وكان لقيتوه رسلوا لي الصور وانا كان عجبني بديكم رايي وانتو تعقدوا من هناك وترسلوه لي وانا في المطار بعرفه بالصور.
اها رسلوا لي صور لي كم ولد من اولاد الحلة ورشحوهم لي قالوا اولاد ناس ومن الجامعة للبيت ومن البيت للجامعة وهديين ورضيين ويومهم كله في المطبخ بيساعدوا في ابواتهم ومابيمرقوا من البيت الا مع اهلهم، المهم لقيت الأولاد صورهم حلوة ولابسين لبس حشمة فاخترت منهم اتنين وقلت لي اهلي اسالوا من اهلهم ولو عاوزين يكملوا قرايتهم قبل العرس وكده.
قالوا واحد من الاولاد قال ماعندو مشكلة موافق على العرس وممكن يواصل الدراسة وهو عريس، وانا قلت ليهم انا مابتوقف في الموضوع دا وبديه كامل حريته عشان يواصل دراسته ولو جبنا اطفال بساعده في تربيتهم وفي شغل البيت من طبيخ وغسيل عدة لحدي مايكمل دراسته رغم ظروف الشغل هنا دوامين وجري وبجي البيت هلكانة.
المهم ادوني تلفون اهل الولد قالوا عشان اتعرف بيه وفعلاً اتصلت بوالدته ووالده وسلمت عليهم وقلت ليهم عاوزة اتكلم معاه لو ممكن، قالوا لي والله يابتي نحن مابنحبذ المسألة دي خالص لكن انتي بت ناس واهلك ناس سيرتهم سيرة محترمة فبنديك تتعرفي بيه .
انا طبعاً لقيت الولد ده سمح شديد في الصورة وقلت اركز عليه هو عشان ده اهم شئ طبعاً، عشان مااجيب لي راجل يضحك فوقي الناس ويقولوا بعد فصاحتها دي كلها وفلسفتها دي مشت عرست ليها راجل وشو ينعل قفاه، فقلت اشوف طريقة كلامه واسلوبه عشان مايكون كمان تور الله الانطح ويضحك فوقي الناس.
اتكلمت معاه وانا شايلة صورته واعاين لي سماحته واقول ليه في الكلام السمح واغازل فيه، صوتك حلو، عيونك جميلة، انا من زمان بحلم براجل سمح زيك كده، وهو همه كله في القراية ويسأل فيني، انتي متأكدة موضوع اني اكمل دراستي دا مامشكلة بالنسبة ليك؟ وانا طبعاً بيني وبينكم ناوية ليه على نية، قراية شنو كمان البيكملها؟ انا بس قلت اتم الموضوع باي شكل ولما يصلني هنا بعرف امشيه على مزاجي زي ماكل النسوان بيعملن.
قلت ليه بالعكس، انا من انصار انه الولد يكمل دراسته قبل الزواج وحتى لو اتزوج يكمل دراسته وعشان كده انا ذاتي حااساعدك واقيف جنبك بس انت اهم شئ هسه تقول لي رايك عشان انا مستعجلة شوية في موضوع العرس ده، واحتمال ينقلوني لمدينة تانية ووظيفة جديدة فعاوزاك تكون معاي عشان نختار عفش بيتنا وحاجاتنا كلها مع بعض، ولا انت رايك شنو؟
قال لي والله انا من حيث المبدا ماعندي مانع خصوصاً اني عرفت انك من عائلة كويسة ووظيفتك في السعودية محترمة وانك مع فكرة اكمال تعليم الرجل دي، وكمان عرفت انك جاهزة من كل النواحي واظن ده بيوفر علينا وقت طويل، فماعندي مانع.
قلت ليه خلاص انا بتكلم مع امك وابوك وبتصل باهلي برضو عشان يكملوا المسائل دي بسرعة عشان اقوم اعمل ليك اجراءات الاستقدام عشان بتاخد ليها زي شهرين تلاتة كدي وبتصل بيك عشان نتفق على التفاصيل، يلا اديني الوالدة اتكلم معاها، قال لي كويس واداني امه وسمعت صوته بيتكلم مع ابوه وبعد شوية سمعت صوت زغرودة من ابوه وفهمت انه فرح عشان ولده وافق.
المهم قلت لي امه تتصل بي امي عشان التفاصيل عشان انا مستعجلة، وقفلت منهم واتصلت بي ناس بيتنا وقلت ليهم شوفوا انا ماعاوزة جوطة وصرف في الفاضي انا برسل ليكم الشيلة دي وتشوفوا ليكم اي ولد من اولاد الحلة يغني في حفلة دكاكينية كده وتتموا الموضوع باي طريقة سريع سريع ولو حسيتوا انه اهل العريس عاوزين يبالغوا وروهم اني عندي كم زول اترشحوا لي واني مستعجلة.
وفعلاً اهل الولد طبعاً حسوا اني عروس لقطة وخافوا الولد يبور وسدوا دي بي طينة ودي بي عجينة ورضوا بالمقسوم وعقدوا في صمت وبدون صرف، رغم اني كنت سامعة من اخوي انه الولد كان بيحلم بجلابية زفاف وسيرة وزفة ورقيص عريس زي حق عمر البشير البيعملوا داك، لكن في النهاية رضى بالمقسوم واتوكل على الله وقال اخير اعرس ولا اقعد احلم واطير العروس خالص من يدي واقعد اندم زي اولاد كتيرين.
اها بعد مااتفقنا على التفاصيل والاهل رضوا بالمقسوم حددنا التواريخ للعقد وقلنا حفلة الدخلة ممكن نعملها في وقت تاني لمن الظروف تسمح. ورسلت ليهم توكيل من قنصليتنا في جدة بعدما سلوا روحي وحققوا معاي التقول مجرمة مازولة بدفع ضرائب وبطلب عمل شئ من ابسط حقوقي كمواطنة.
الجماعة في السودان عملوا العقد وبقيت عروس رسمي بس ماشعبي وسكيت موضوع الاستقدام عشان اجيبه السعودية، وطبعاً مع الجري الشديد والصرف والمشغوليات بقيت مابقدر اتصل كتير، اها هو بقى يتصل ويقول لي مالك انتي بقيتي مابتتصلي ومابتقولي لي كلام حلو زي الكنتي بتقوليه لي ايام التعارف؟ ومالك بقيتي مابتشتاقي لي؟ وقدر ماحاولت اشرح ليه الظروف كان بيقول لي برضو مهما كانت الظروف يعني اكيد بتلقي ليك خمسة دقايق تتصلي بي فيها.
اها انا بيجاي قمت فتشت لي شقة براي عشان كنت ساكنة مع مجموعة طبعاً ولقيت لي شقة من غرفة وصالة وحمدت الله عشان الايجارات هنا مرتفعة شوية لو البيوت كبيرة، ومشيت الحراج محل بيع اغلب الاشياء المستعملة اشتريت لي عفش معقول وفرشت البيت بما تيسر، وقلت اخلي عدة المطبخ لمن هو يجي عشان يختار براه الشئ البناسبه.
المهم مرت فترة الاستقدام وادوه الفيزا وقطعت ليه التذكرة بالخطوط السودانية ناقلنا الوطني لانها ارخص من الخطوط السعودية طبعاً وحجزت ليه واخيراً جات لحظة اللقاء المنتظر وشلت الصورة وحفظت تقاطيع وشه سممممممح ومشيت المطار، بقيت اعاين لوشوش القادمين زي الرايح لي شئ واقول بري ده ماهو ده ابيض وده اسود، ده طويل وده قصير، لغاية ماشفت الجلابية واللبسة بتاعة باب شريف المابتغباني وعرفته ده زولي.
رفعت ليه يدي من وسط الناس وشفته مسكين مع الخجل وشيل الشنطة كل شوية الشال يقع من كتفه ويخت الشنطة يقيف يرفعه في كتفه ويصلحه ويدنقر يجر الشنطة تاني، لمن وصلني وسالمني وسالمته وباركت ليه قلت ليه مبروك علي انت، ضحك بي خجل وقال لي الله يبارك فيك، ومرقنا من المطار وركبنا لينا ليموزين على قولة ناس السعودية واتجهنا على الشقة.
جينا البيت وبدينا اخيراً الحياة الزوجية الكاسرين الناس رقبتهم عشان يعيشوها، زارونا زميلاتنا في البيت وبعض السودانيين المعارف والجيران وباركوا لينا، ومشينا السوق اشتريت العدة للمطبخ والملايات واكياس المخدات والذي منه، وبدينا النقنقة من اول ايام في السوق يقول لي الحاجات دي ماسمحة وحاجات رخيصة وهايفة ساي ولو في مراده يشريني الحاجات الغالية السماها اصلية.
بعد اسبوع قعدة في البيت ولاحظوا انا ماعندي اجازة اها قمت نزلت الشغل وبقيت كل مااجي البيت من الشغل القاه بس قاعد يتبكى اها انا انخلع واقول الحصل شنو ياربي ولما اساله يقول لي مافي شئ ولما اقول ليه مافي شئ كيفن مالك بتبكي؟ يقعد يقول لي انا بس كنت متخيل نقعد مع بعض اكتر شوية قبل ماتنزلي الشغل، ومرات يقول هو بس عشان مافارق اهله خالص من صغير ومشتاق ليهم ومرات يقول حاسس اني بعيدة منه.
اها انا بقيت ازهج من جنس الدلع ده ومااستحمل كل يوم بكاء ودموع ودلع وقلة ادب وبقيت اقعد احاول افهمه اني ماعندي اجازة عشان اقعد معاه في البيت اكتر وانه الشغل هنا مابيرحم وانه مفروض يتبسط عشان انا قعدت معاه اسبوع كامل في البيت، وافهمه انه الحياة كده وانه مفروض يستحمل بعده من اهله ويتفرغ لحياته الزوجية، وافهمه برضو انه انا مابعيدة منه.
البيت بقى يزهج من النكد والموبايل كرهته من كترة اتصالاته بي والسؤال، اها جاية متين؟ ماممكن نطلع لما تجي راجعة البيت؟ ممكن تجيبي معاك الشئ الفلاني؟ المكيف ده فوقه مشكلة، الخ... كرهت حياتي من اول شهر وكرهت العرس القايلاه بيريح بالي، وبقيت اجي القاه بس ماسك التلفون، يابيتكلم مع واحد من ازواج السودانيات الهنا الدخلوا علينا وبقوا اصحاب متين مابعرف، ياالقاه ضرب لي اهله يتونس معاهم.
النصيحة انا زهجت من الدلع ده وفصلت تلفون البيت عشان الفواتير كمان ماتعمل لينا هم جديد، وطوالي سالني التلفون ده ماله كضم؟ وقلت اتكلم معاه عشان يفهم الظروف كان يخلي الدلع وعدم المسئولية ده شوية. اها قعدت معاه وقلت ليه التلفون مابنقدر على فواتيره عشان كدي انا قطعته وانه البلد دي مابلد ابوي واني جيت واغتربت عشان نصلح ظروفنا ونرجع بلدنا، وانه لازم يخلي الكلام الكتير في التلفون ده.
قعد يرمي في دميعاته ويقول لي دي ماحياة اصلها وانه بيصحى معاي الساعة خمسة الصباح وانه بعد ماامشي الشغل بيقوم ينضف البيت كله وده بياخد منه وقت طويل وبيغسل العدة والهدوم وبيبدا في عمل الغدا عشان عارفني برجع البيت زي الساعة اتنين وبمرق تاني لدوام المساء زي الساعة خمسة، وانه لما يخلص من الحاجات دي بيكون زهج من الوقفة طول اليوم ومافي زول ينضم معاه كلمة واحدة وقعدة البيت ليه براه بين اربعة حيطان قال حارة شديد عشان كده بيتكلم مرات في التلفون.
وقال ماهو البيضرب كل المرات وانه مرات راجل فلانة هو البيضرب ليه وبيتونسوا، وانه ماقاعد يضرب لي اهله الا مرة واااااحدة كل اسبوعين وبقينا في غلاط انا اقول ليه هسه انت يوم الجمعة الفات ماضربت ليهم وهو يقول لي ااااي لكن ده ماعشان ابوي كان راقد عيان وغلاط ونقة وكل مانتناقش يقول لي حسع انتي مالك بتكوركي فيني؟ والله بيني وبينكم كرهته وكرهت وشه وبقيت كان في طريقة البيت ذاته مااجيه بين الدوامين من عيشة النكد دي وعدم الفهم وعدم الاحساس ده.
اها بعد داك دورنا اسطوانة جديدة وانا قلت اكيد دي من راس راجل فلانة ، بقى يقول لي انتي قلتي انا ممكن اواصل دراستي وانا اقول ليه انا قدمت اوراقك وراجية الرد والناس ديل مابيردوا بالساهل اخير تصبر، اها بقى يقول لي خلاص طيب انا عاوز ذاتي اشوف لي شغل عشان قعدة البيت صعبة وعشان اساعدك انتي ذاتك. واريته ماقال الكلمة دي خلاني انفجر واطلع الحابساه جواي كله من زهجي منه.
قلت ليه والله ياها دي الفضلت انا اتعب اليوم كله في الشغل واجي البيت عشان اخت راسي وارتاح ساعتين واكل لي شئ قبل ماامرق تاني اها اجي كمان القاك انت شغال ولا بتقرا وسايب البيت لا نضافة لا اكل اصله هي القصة كان كدا انا معرساك ليه؟ اسمع ياراجل من الليلة تشيل من راسك فكرة الدراسة دي خالص وماعاوزاك تاني تقول لي عاوز تشتغل واهلك واصحابك ديل كان هم البيملوا ليك راسك بالافكار دي ذاتك تاني ماتتصل بيهم الا مرة في الشهر وقدامي.
اها من اللحظة الوريته فيها العين الحمراء كترت الدموع لكن بقى مابيقول لي اصله بيبكي ماله، بقى الكلام بيناتنا ذاتو بالقطارة وريحني بيني وبينكم من النقنقة ووجع الراس لكن كمان انا المسخرة وقلة الادب مابتنفع معاي كيفن يعني يقعد ساكت وكل ماسالته سؤال يرد علي من طرف نخرتو زي الانا خدامة عنده؟؟
اها اقروا الكلام ده واحكموا براكم على البقت علي انا القلت ارتاح بالعرس وانتظروا اكتب ليك الجزء الجاي وشوفوا جنس الظلم الاتظلمته.
اها بعد الكلام ده كله بقت اسطوانة داير اقرا اسطوانة يومية وانا زولةً عنيدة وعشان كدي اي زول راسه قوي وداير يمشي كلامه ورايه علي مابينفع معاي اصله فقفلت ليه كل الابواب دي وقلت ليه تاني لو قلت دراسة ماتلومني في اي تصرف. اها ضربت لي امه وقالت لي الولد ده قال في بيناتكم شوية عدم تفاهم يااولادي، والحياة دي محتاجة صبر وخصوصاً انتو في الغربة. قلت ليها شوفي ياحاجة لو ماعاوزاني اتلوم معاك ارجوك تاني ماتتدخلي في امور حياتنا الشخصية وزهجت منها وقفلت ليها الخط في وشها من الزهج.
اها اليوم داك ماخليته ينوم من الدروس الاديتها ليه عشان بيحكي بامور حياتنا للناس، وقال لي انا ماحكيت لي زول غير امي والسبب انك اصلك مابتسمعيني وانك زولة متسلطة وانا لو عارف حياتنا كده ماكنت اتزوجتك، وهسه نحن ناس متزوجين لينا شهور اصلك وقت مادايراني اكمل دراستي ولا رضيانة اشوف لي شغل ليه ماحصل قلتي لي دايرة اولاد ولا مادايرة. قلت ليه اصله موضوع الاولاد ده ماتتكلم فيه تاني، انا جيت هنا اكون نفسي ومامتفرغة هسه لصرف على اولاد ولا لتربية اولاد، بس والبكاء بدا.
طبعاً بعد ده بقى ده موضوعنا الجديد الاولاد والولادة وطوالي في لحظة زهج من النقة قلت ليه لو عاوز اولاد امشي الديهم انت براك، ومن اليوم داك بقينا لا انا لا هو طايقين وشوش بعض، وبقيت اقضي يومي كله بره ولما اجي البيت بس اقرا الجرايد، لامن يوم جيت البيت لقيته قال عاوز يرجع السودان وعاوز الطلاق وطوالي بدون ماافكر مشيت قطعت ليه تذكرة السفر للسودان الدايره ده وحجزت ليه وسفرته في ظرف ايام.
اها ولي حسع اهله يضربوا لي في التلفونات عشان نتم الاتفاق على موضوع الطلاق وبقيت مابرد عليهم ذاتي ومخلياه معلق ماعارف روحه لسع معرسني ولا طليقي ولا يسمي روحه شنو، وانا مافارقة معاي وقت اصله الموضوع بتاع العرس ده موضوع شراء وبيع اها لميت القروش تاني وحسع خلاص دايرة اشتري لي عريس جديد غيره.
يلا ياجماعة الحشاش يملا شبكته.
ايمان
|
Post: #462
Title: Re: اها ياجماعة انا مغتربة ولميت القروش وجاهزة للعرس
Author: عنيده
Date: 12-03-2005, 02:53 AM
Parent: #250
up وينك ياايمان؟؟
العريس جا ولا شنو؟؟
|
Post: #303
Title: Re: اها ياجماعة انا مغتربة ولميت القروش وجاهزة للعرس
Author: ABDELDIN SALAMA
Date: 11-16-2005, 12:17 PM
Parent: #100
والله شدتني الحكاية وافتكرتها جد ... أقول ليكي رايك شنو بدل تكتبيها هنا في البورت تعملي ليها سيناريو وحوار وتوديها التلفزيون ؟؟؟ دي مواقف كوميدية حتكسر الدنيا وأنا أول المتابعين
|
Post: #99
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 02:47 PM
Parent: #43
luai انت قلت الواضح مافاضح اها النقول ليك ياسيدي النصيحة لي الله انا زولاً جبهجي كان اموت بايرة مابقربو الكيزان ديل هم المعرسين ليها شنو؟ مايعملونا جواري او يعملوا لينا قانون جديد اصلهم فالحين في نجر القوانين لمصلحتهم ومعقول انت ترضى بالكريسيدا؟ بي وين عاد مع اللاندكروزرات ديك؟ اها ماتقوم تزعل الواضح مافاضح
ايمان
|
Post: #229
Title: Re: اها ياجماعة انا مغتربة ولميت القروش وجاهزة للعرس
Author: عبدالماجد موسى
Date: 11-12-2005, 03:33 AM
Parent: #99
الأخت / ايمان تحيه وسلام والله الموضوع شيق وجميل بس فى حاجات مهمة انتى نسيتيها.. وين الدش البجيب المسلسلات المكسيكية التستمر خمس سنوات والديجيتال والأفلام الماسمع بيها وشرايط المصارعه القديمه وأجهزة الهاى فاى وأغانى زمان البكت المغتربات والعزابيات سنين طويله , الحاجات دى يا ايمان كان تخفف للعريس كتير وتشغلو فى أوقات فراغو وبعد شهر أو اتنين تلقيهو بقى زى خروف العيد القومه تغلبو ويقند فى كل حركه تقول شايل كبسه فى راسو , وما تنسى كمان تعلميهو لعب الكتشينه عشان فى أوقات الفراغ لو ما لقيتى واحده من صاحباتك تلعبى معاها يفرق ليك .
|
Post: #231
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 03:56 AM
Parent: #229
الاخ عبد الماجد سلام
هسه الرسول فوقك اصله ده عرس ولا انا عاوزة افتح لي ميديا سنتر؟ ياخوي بين البايع والشاري يفتح الله ووقت اصله العرس بيع وشراء يفتح الله وانا مابعلم لي راجل كوشتينة عشان بكرة يحميني المرقة للشغل ويقول لي اقعدي معاي نلعب لينا عشرة ويست ولا حريق
ايمان
|
Post: #248
Title: Re: اها ياجماعة انا مغتربة ولميت القروش وجاهزة للعرس
Author: محمود بكر
Date: 11-13-2005, 01:55 AM
Parent: #99
الفضلى نادية عيد سعيد وعمر مديد (وزواج مبارك)
التورية رائعة والاسلوب شيق رغم ان الموضوع قديم لكن الجديد هل لازال زواج المغترب يتم بذات الطريقة ان كان الامر كذلك فيبدو اننا لم نتقدم اجتماعيا خطوة للامام وبما ان الامر يخص في المقام الاول عزابة المغتربين فليهم تناول القضية بجدية واهتمام ايضا ننظر الى موضوعك من ناحية اخرى هل تتطلب الفتاة من الشاب ان يتزوجها مارايكم دام فضلكم
|
Post: #45
Title: Re: اها ياجماعة انا مغتربة ولميت القروش وجاهزة للعرس
Author: Emad Abdulla
Date: 11-08-2005, 11:20 PM
Parent: #1
قريت محنك دي لأمي .. قالت لي قول ليها : ( إنتي كان نصيحه .. سميني كوكو ) ..
ده كلام أمي .. أنا مالي
لكن .... ( كان نصيحه إنتي .. سمي أمي كوكو )
تحية لك و الود نتابع
|
Post: #46
Title: Re: اها ياجماعة انا مغتربة ولميت القروش وجاهزة للعرس
Author: nashaat elemam
Date: 11-09-2005, 00:15 AM
Parent: #45
حا ابقى زي اليهودي البنعي قريبو وبصلح الساعات.. يعني عصفورين بحجر.. اولاً برحب بيك.. وتانياً تلقى صورتي قاعدة قدامك.. وكل سنه وانتي طيبة
|
Post: #102
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 02:53 PM
Parent: #46
نشات كل سنة وانت كمان طيب ابوي وشكراً على ترحيبك وياخوي زمن عصفورين بحجر ده انتهى، الزمن ده الا اربعة نسوان بماذون واحد
ايمان
|
Post: #47
Title: Re: اها ياجماعة انا مغتربة ولميت القروش وجاهزة للعرس
Author: nazar hussien
Date: 11-09-2005, 00:18 AM
Parent: #45
حا يحصل يا ايمان...انت قايلة ود تكتوك كان بيعلم الغيب... بس كان زول واعي وحكيم زيك كده...حا يحصل....البنات ماشات شاطرات...وماسكات بيوت والاولاد....متكئين علي الارائك...ولساتك طرف الحلة وما ناجحين...لما تضيفي علي الموضوع...كم سنة تجنيد اجباري...وخدمة وطنية...ومكابسة لوتري وسفارات بتلقي شمسن غابت
وأنا شخصيا أعرف بنت عملت بالضبط مثل ما اوردتي من سيتاريو... وتزوجت من تحب علي سنة الله ورسوله...وهي التي دفعت المهر... لكنها فضلت ان تقرضه زوجها قرضا حسنا وكذلك شيلتها وشيلتو سجلتها قطعة قطعة في دفتر وانا كنت شاهد علي الدفتر...لعلاقتي بهما القريبة ولا أعلم الآن ان كان الزوج قد سدد ما عليه من عراريق...ام اعتبرها ديون معدومة...ولم يكن الامر سرا ولم يحذروننا من كتابته لذلك أوردته هنا
|
Post: #49
Title: Re: اها ياجماعة انا مغتربة ولميت القروش وجاهزة للعرس
Author: saif massad ali
Date: 11-09-2005, 01:01 AM
Parent: #47
ايمان
اقعدي في الووووووووواطه القصة قديمة اعرف واحدة تخرجت من جامعة الخرطوم عام 1987وتزوجت زميلها وهي التي تكفلت بي كل شئ وحتي الان هي صاحبة اليد العليا
لكن صورتي عندك وتلفون ابوي في معيجنةعلي خوجلي شوفي الدليل بتلقيه , بس جيبي ليهو الكلام بي فوق ما يقول انا الصبر غلبني والبورة كتلتني بقيت اقابض في البنات من طرف
واشوفك بخير واسمع صوتك في التلفون
|
Post: #104
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 02:59 PM
Parent: #49
سيف ود عوج الدرب ما كدي ولا انا غلطانة؟ انت ياخوي عرست الالمانية وجبت منها البنية الحلوة وانا ذاكرتي ماااابتخونني وحسع جايي مادي قرعتك؟ شيل قرعتك دي وامشي طيبة حقتكم ديك امكن هناك تفك بورتك
ايمان
|
Post: #103
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 02:56 PM
Parent: #47
الليلة عاد يانزار ماسويتها شينة تب تنشر كلام وماعارف اسياده يرضوا ولا لا الله يستر جماعتك ديل مايكونوا في امريكا هناك المحامين ناقصين شغلة وموضوع زي النشرته ده يرفعوا فيه قضية ويطلبوا تعويض بالملايين اها ياخوي اعمل حسابك وماتجيب لي معاك مصيبة انا ماناقصة الفيني مكفيني
ايمان
|
Post: #145
Title: Re: اها ياجماعة انا مغتربة ولميت القروش وجاهزة للعرس
Author: عبدالله وداعه الامين
Date: 11-09-2005, 09:27 PM
Parent: #103
سلام
انتو ياناس متاكدين انو البت دي اسمها ايمان وما اسمها صالح؟
انا مالابس النظارة بس شايف كاتب البوس صالح
البفتي لي بالموضع بهديهو فتى ودي ما من فتّة يا العزابة
ودي
عبدالله
|
Post: #162
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 07:46 AM
Parent: #145
عبد الله وداعة
سلام
صالح الله يرحمه
خليه في تربته وخلينا في موضوعنا ده
ايمان
|
Post: #188
Title: Re: اها ياجماعة انا مغتربة ولميت القروش وجاهزة للعرس
Author: showgi idriss
Date: 11-10-2005, 01:21 PM
Parent: #47
إيمان طلباتي بصصيطه خلاس فيزة لأستراليا .. عشان اشيل العروص بعضين من الخليج ولا امريكا ما فرقت .. أنا أكمل قرايتى وهي تواسل دراصطها.. شيلة .. صكو.. ما دايرين.. الطبيخ وغصيل العضة على.. وعليها (العضه) ما قالوا تننكح المرأة لمالها... كايس لي واحدة تشيلني (شنته) ولومك علي أحاجيها كل يوم لومان تنوم.. قصرنا معاكم؟؟؟
|
Post: #101
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 02:51 PM
Parent: #45
عماد سلامات وسلم لي على كوكو
ايمان
|
Post: #48
Title: Re: اها ياجماعة انا مغتربة ولميت القروش وجاهزة للعرس
Author: عمر الفاروق
Date: 11-09-2005, 00:58 AM
Parent: #1
يا شباب الربة :
إيمان جات السعودية بي مهنة راعي CowBoy!!! يعني ما حا تقدر تعمل إستقدام !!!! ومهنتا قدرت تغيرا في الجواز بس لكن في الكمبيوتر بتاع الخارجية والجوازات السعودية ما قدرت تغيروا .. ما تدقسوا تستعجلوا ساي يا شباب لأنها البتعرسو بتقعد معاهو شهر واحد بس وتاني إلا يجيها عمرة !!!! وبعد شوية نبقا في رسلي لي المصاريف والحوالة ما وصلت وهدوم العيد صغيرة وشوية شوية تبقا في الطلاق الغيبي!!!
تخريمة : المرا ضربت تلفون لي راجلا المغترب ليهو جغلومية سنة ولا قدر يعمل ليها إستقدام ولا قدر يمشي ليها السودان أها ضربت ليهو تلفون قالت ليهو : يا خالد حمودي طلّع السنون !!! خالد راجلا ردها بالتلفون وقال ليها : والله انا خايفو يطلّع الجواز ويجي هنا وانا ما أشوفو خليك من السنون
|
Post: #105
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:01 PM
Parent: #48
عمر الفاروق انت ياخوي ماشالوك للصالح العام من المنبر ده؟ ولا انا ماكنت متابعة قبل الاشتراك؟ اها وجيت راجع في العفو حق رمضان؟ سمح اخير تقعد في الارض دي وماتقعد تنشر ليك كلام يشوه سمعة اقامتي هسه بنادي ليك بكري
ايمان
|
Post: #50
Title: Re: اها ياجماعة انا مغتربة ولميت القروش وجاهزة للعرس
Author: abas
Date: 11-09-2005, 01:18 AM
Parent: #1
لكن صورتي عندك وتلفون ابوي في معيجنةعلي خوجلي شوي الدليل بتلقيه
سيف مساعد
تاريك انت من معيجنه وانا اقول اسم مساعد ده ماحقنا تب اجنا
|
Post: #51
Title: Re: اها ياجماعة انا مغتربة ولميت القروش وجاهزة للعرس
Author: محمد حامد جمعه
Date: 11-09-2005, 01:23 AM
Parent: #50
بوست ظريف ....
|
Post: #52
Title: Re: اها ياجماعة انا مغتربة ولميت القروش وجاهزة للعرس
Author: دورنقاس
Date: 11-09-2005, 01:32 AM
Parent: #51
إيمان
عوافى
أنا فايت
لا تكلفى نفسك الاتصال مرة أخرى
ولحد هنا وكفاية
العرس قسمة ونصيب
مرة تصيب ومرة تخيب
|
Post: #109
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:11 PM
Parent: #52
دورنقاس
اهلاً وسهلاً
فوت
وشوف التتصل بيك
ويلا قطر عجيب
ادينا عرض اكتافك
ايمان
|
Post: #493
Title: Re: اها ياجماعة انا مغتربة ولميت القروش وجاهزة للعرس
Author: ابوبكر يوسف إبراهيم
Date: 02-15-2007, 07:15 AM
Parent: #109
شوفي يا إيمان أسمعي كلام واحد في عمر أبوكي ومغترب من ثلاثة عقود .. والله كل الإتكلمت عنهم ديل نصابين درجة أولى ما يعجبك الكلام الحلو المعسول.. ديل عاوزين كل شيء على الجاهز .. وبعين تروح السكرة وتجي الفكرة وتقولي يا ريت البقى ما حصل .. كنتي في الأول تكتبي ليهم وتقولي بت فقيرة متعلمة ذات أصل طيب مقبولة الجمال .. تعمل براتب متواضع .. تقيم في الوطن وتبحث عن شاب ليتقدم لها للزواج .. وكنتي شفتي ردة الفعل شنو؟ .. والله اليومين دي بنشوف نماذج من الشباب عاوز يصل بأي شكل ولا يهم كرامته ولا رجولته.. ولما تتكلم معاه يقول عليك إنت دقة قديمة!!!.. شوفي يا بتي العاوزك لذاتك وعلمك وثقافتك وتوافقتي معاه عاطفياً ومتكافيء معك مادياً وغجتماعياً وذو أخلاق ودين فمبروك.. لكن يا بتي أولاد ...م وخلو لأولاد الحلال فرصة؟!! الواحد بقى يتشكك في كل حاجة!! والله يا بتي لو وقعت في واحد من سيل النصابين والكذابين ديل يبيعك الوراك والقدامك وهو في دواخله بعاين ليك من ( تحت لتحت بقعر عينو ويكتم ضحكتو ولسان حالو يقول كما قال شرحبيل : يا بكرة تندم وأنا حالك بشوفو!! أو قول عادل إمام( بكرة تندم يا جميل)!! الله يستر بناتنا من شباب هذه الأيام!!
|
Post: #495
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-15-2007, 08:12 AM
Parent: #493
ابو بكر قلت لي المصيبة بقت في الشباب وانتو الرجال الكبار يعني ساترين بنات الناس ومعرسنهن بالمعروف ولما يحبن يتطلقن منكن بتدوهن العاوزاتنه طوالي وما بتعلقوهن وترتكبوا فيهن ذنب وتمشوا تجاهروا باحترامكن للنسوان؟ كان كدي بختنا بيكم يا المكملين الرجالة لي حدها ومستورين
ايمان
|
Post: #54
Title: Re: اها ياجماعة انا مغتربة ولميت القروش وجاهزة للعرس
Author: abuguta
Date: 11-09-2005, 01:36 AM
Parent: #51
ايمان طرقت واقع معاش بالصبط كدا يايمان دى حالة شباب اليوم اما قصة البنات يدفعو دى حقيقة موجودة فى الهند..ودفع بكثرة نحن كنا لما نحكى ليهم ان الرجل عندنا بدفع بقولو لمتين نلقى رجال زى ديل.. عموما الشقلة كلها اتفاق..اذا من قبل الرجل اوالمراة ولقدام
|
Post: #110
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:13 PM
Parent: #54
أبقوتة قنبلة البورد الموقوتة ياريت القصة كان قصة دفع وبس كدي اصبر معاي واقرا للاخر وشوف محن الدنيا دي
ايمان
|
Post: #108
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:07 PM
Parent: #51
انت الاظرف ....
ايمان
|
Post: #106
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:03 PM
Parent: #50
عباس شفت الكورة؟
ايمان
|
Post: #53
Title: Re: اها ياجماعة انا مغتربة ولميت القروش وجاهزة للعرس
Author: فيصل نوبي
Date: 11-09-2005, 01:36 AM
Parent: #1
ايمان
سلام
ده شنو ده !!!!!
الله يستر من الجاي
كل سنة و انتي طيبة
|
Post: #55
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن عبدالله أبوشيبة
Date: 11-09-2005, 03:07 AM
Parent: #53
يا إيمان ،، خليك من شفع المدارس ديل ركزي على رجال النسوان ،، خبرة طويلة في كل شيئ من غسيل العدة لي غاية غسيل الكرعين ،، ما سمعتي الاغنية البتقول بابا بيغسل العدة أمي قالت ليك جيب معاك دكوة واغشا الغسال اتناول المكوة
بس لعلمك أسعارهم غالية لكن سعرهم فيهم يعني ممكن تلقي فيهو خلو رجل من صاحباتك لمن يجو ويشاهدو بأم أعينهم مدى الاخلاص والجودة في الاداء. فأوصيك برجال النساء خيرا ولو رغبتي عندي ليك قائمة طويلة عريضة حسب المواصفات المطلوبة فقط اتصلي على www.rajilmara.bom
|
Post: #94
Title: Re: اها ياجماعة انا مغتربة ولميت القروش وجاهزة للعرس
Author: tariq abushanab
Date: 11-09-2005, 11:17 AM
Parent: #55
ايمان انتي راجعي البوست بتاع بيكهامBeckham و انا جاهز
|
Post: #114
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:18 PM
Parent: #94
طارق ابشنب كدي النفتش البوست القلته ده وبجيك راجعة كان لقيته
ايمان
|
Post: #113
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:18 PM
Parent: #55
أبو شيبة جيت تاني؟ غايتو خفيف جنس خفة ياراجل اتقل جلاليب وعراريق تسوي فيك جنس الفعلة دي؟ موضوع رجال النسوان ده جاياه اصبر لي انت بس واتقل حبة
ايمان
|
Post: #111
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:15 PM
Parent: #53
فيصل
اهلاً
دا انقلاب اظنه
وربك يستر
وانت طيب اخوي
ايمان
|
Post: #56
Title: Re: اها ياجماعة انا مغتربة ولميت القروش وجاهزة للعرس
Author: نجود حسن عبد الرحمن
Date: 11-09-2005, 03:20 AM
Parent: #1
Quote: اها قمت مشيت سوق باب شريف وماخليت شئ، خمج شديد، اشتريت شيلة العريس من جلاليب وعراريق وطواقي للعريس وون مان شو الهلال رشو ولي الافترشيف وأمواس ومعجون الحلاقة جبتهم.
ضربت لي ابوي وقلت ليه اها انا جاهزة انت لقيت العريس؟ |
عاد يا ايمان اتلومتى مشيتى لباب شريف واشتريتى الحاجات دى كلها ومالاقاكى عريس هناك ..
ماراقدين بالكوم الببيعو الطواقى والعمم زى الببيعو عندنا الجرايد هنا بالله عليك الله ما كتر الا هم
من هناك كان احسن ليك جاهز ومابيكلفك حق التظكرة
حق التظكرة دة ممكن تفتحى ليهو كشك بيهو بدل الشحططة فى شوارع باب شريف
بعدين تعالى هنا انتى عاوزة تطمعيهم فينا ولا شنو
هم كدى ما مريحننا الواحد يقول ليك عاوزة شغاله عشان تساعدنى
وتلقيهو منشن عليها تصرف عليهو مش تساعدو
اولاد اخر زمن..
|
Post: #115
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:24 PM
Parent: #56
نجود الفي باب شريف ديك اسكتي خليهم ساي بقوا ياختي لابيفرزوا المرا من الراجل ولا الزول من الحيوان، مابيعرفوا شئ غير الريال، الواحد فيهم كان قلتي ليه الساعة كم؟ يقول ليك خمسة ريال ونص
وعليكي النبي اطمع ليهم شنو؟ كدي اسكتي ساي بس
ايمان
|
Post: #57
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-09-2005, 03:35 AM
Parent: #1
Quote: بعدين تعالى هنا انتى عاوزة تطمعيهم فينا ولا شنو
هم كدى ما مريحننا الواحد يقول ليك عاوزة شغاله عشان تساعدنى
وتلقيهو منشن عليها تصرف عليهو مش تساعدو
اولاد اخر زمن.. |
قشور نجود غير فلاحتك دى شى مبورك مافى.. خلى البت تكثف من الاعلان عشان الباقيات
الصالحات يتلحلحوا...باقى انا قدمت ليها طلبى فوق كان الله يهديها على،،،[/B]
|
Post: #58
Title: Re: اها ياجماعة انا مغتربة ولميت القروش وجاهزة للعرس
Author: عاطف عبدالله
Date: 11-09-2005, 03:45 AM
Parent: #57
الأخت إيمان رائعة لحد التخمة واصلي هذا العمل الأدبي الذي يتناول الواقع بنظرة جندرية جريئة مليئة بالدهشة وأتمنى أن لا يجرفك تيار المداخلات بعيدا عن ما بدأتيه
|
Post: #117
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:24 PM
Parent: #58
عاطف البحترمه اشكرك على زيارتك وتشجيعك وماتشيل هم اختك عارفة بسوي في شنو ومافي زولاً بيمرقني من موضوعي بس الله يقدرني على الردود
تسلم اخوي
ايمان
|
Post: #59
Title: Re: اها ياجماعة انا مغتربة ولميت القروش وجاهزة للعرس
Author: المسافر
Date: 11-09-2005, 04:02 AM
Parent: #57
يا أخوانا السوق ده فيه فرصة للسكندهاند
|
Post: #61
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-09-2005, 04:44 AM
Parent: #59
غايتو جنس محن !!!
ياأيمان
انا جايايكى اقول ليكى لو بتنتظرى ود اخوى كم سنه كده بكلمو ليكى, هو عمرو 11 سنه وامه انجليزيه وابوهو سودانى, الواد ده مامقتنع ابدا بحكايه يجيب للمرا الشيله والحاجات ده ويصرف عليها بعد الزواج, قال لى هى ما تجيب لى الحاجات ده أشمعنى انا بس الاجيبها, وأشمعنى انا الاصرف عليها بعد الزواج? قلت ليهو ما ينفع الدين قال الرجل هو المسئول عن المراه, قال لى طيب هى دورها شنو? قلت ليهو هى دورها تـطيعك ودورها البيت وتربيه الاطفال, قال لى بس? قال لى انا ماعندى مانع اعمل الحاجات ده وهى التصرف وتجيب لى الحاجات, طبعا أتصدمت وقلت ده عشان ماسودانى مائه فى المائه يمكن بقول كده وقلت لانو مامشى السودان الا مرات قليله, المهم فى النهايه وافق على مضض, بس اوفر زى ده حيعجبو جدا ويخليهو يمسك فيكى تمام, بس حقيقى اندهشت فى سودانيين 100% واتولدو وعاشو فى السودان ماعندهم برضو مانع انو المره تصرف عليهم ويقوموا بدور المرأه وده كلو عشان الحاجات الجاهزه
شفتى المحن ده يا القلب النابض? كان كده اخير لينا أنجليز عديلللللل من البشتنه ده يا بتى
وفى امان الله
لا اله الا الله
|
Post: #66
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-09-2005, 06:09 AM
Parent: #61
شفتى المحن ده يا القلب النابض? كان كده اخير لينا أنجليز عديلللللل من البشتنه ده يا بتى
بت الأحفاد خيتي
ويييينا البشتنه هسه?
وبعدين الخواجيات كملن عشان نتبشتن ليكن احنا ?
كان نتبشتن ما عارف
|
Post: #96
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-09-2005, 01:56 PM
Parent: #66
Quote: بت الأحفاد خيتي
ويييينا البشتنه هسه?
وبعدين الخواجيات كملن عشان نتبشتن ليكن احنا ?
كان نتبشتن ما عارف |
سعد الدين اخوى
بعد البنيه ادتك شاكوش قبلت على الخواجات?
حالتك تحنن بالجد
وفى امان الله
لا اله الا الله
|
Post: #121
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:37 PM
Parent: #96
بنت الاحفاد اخير تخلي الفتن هسه الشاكوش الجاب سيرته منو؟
ايمان
|
Post: #120
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:34 PM
Parent: #66
سعد الدين انت لي حسع حايم بيجاي؟
ايمان
|
Post: #146
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-09-2005, 09:36 PM
Parent: #120
إيمانووو
أحوم وين عاد ?
ناس بت الاحفاد ديل ياهم المصعيبنها
|
Post: #119
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:28 PM
Parent: #61
بنت الاحفاد عاد كان كدي الله يكون في العون نحن نصلح وانتي تبوظي في افكار الاولاد يابت كيفن مابينفع؟ غايتو فهمكم للدين لاشفت متله ولا رايت اخير النسكت بس
ومحمد رسول الله
ايمان
|
Post: #118
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:28 PM
Parent: #59
المسافر انت ياخوي سلمى خلت قراية البورد ده ولا شنو لقيت ايدك كدي؟
ايمان
|
Post: #116
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:24 PM
Parent: #57
صديق الموج هسه انت مشيت اتعلمت نضافة الكمونية ولا لسع؟ وانتي كان دي طريقتك في مخاطبة النسوان بقشور دي كان كدي راجيك شغل كبير مع ال CV بتاعك
ايمان
|
Post: #60
Title: Re: اها ياجماعة انا مغتربة ولميت القروش وجاهزة للعرس
Author: اشرف السر
Date: 11-09-2005, 04:44 AM
Parent: #1
ايمان
Quote: اها جيت السعودية واشتغلت شغل السواد وجريت جري الوحوش ولميت الريالات وحسع مستعدة للعرس |
الله يطمنك بالله اغتراب السعودية لسه بكفي لحاجات العرس ؟؟
كدي ما قلتي لي مغتربة ليك كم سنة؟؟
في انتظار التتمة...
|
Post: #122
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:38 PM
Parent: #60
اشرف السر
مابيكفي كان المغترب راجل اما كان المغتربة زي حلاتنا اها براك شايف عاد انا بسوق ديك ياالعربية؟ ولا بسف؟ ولا بسجر؟ ولا ببعزقهم في متل البنشوفوا قدام عيوننا والناس بتموت بالجوع في البلد؟ اسكت خليها مستورة ساكت بس.
والباقي جايي خليك قريب...
ايمان
|
Post: #62
Title: Re: أها ياجماعة أنا مغتربة ولمّيت القروش وجاهزة للعرس
Author: لؤى
Date: 11-09-2005, 05:07 AM
Parent: #1
إيمان سلامات
أنتظر البقيّة والتي أعتقد مسبقاً بأنّني أعلم كيف ستأتي .. أشكرك على هذه المعالجة الثاقبة لقضيّة مهمّة وتشغل بال الكثير من نساء ورجال مجتمعنا إلاّ أنّ التعرّض لها يكاد يكون من سابع المستحيلات ..
يسعدني أن تأتي هذه المعالجة عبر قلم فتاة نسبة لقوّة تأثيرها كما ترين وهو الأمر المحمود والذي ينجح في تأدية دوره للوصول لأكبر قدر من القارئات والقرّاء ..
كنت قد قمت بعمل مماثل تقريباً لكن عيبه أنّه كان بقلمي ولم يكن بقلم فتاة ، وإليكِ رابطه ومعه بعض الموضوعات المتعلّقة بنفس القضيّة ..
(( الإيميل الأثبت لى إنّى راجل ونُص وخمسة ))
(( إعتراف .. (( انا ماراجل )) ))
(( Re: [B]العنف تجاه النساء! هل هو " سوداني" ؟[/B] )) كلّ الوُدـــــ انا في البعيد مشتاق لهمسة من الوطن يانسمة [email protected]
|
Post: #64
Title: Re: أها ياجماعة أنا مغتربة ولمّيت القروش وجاهزة للعرس
Author: أحمد علاء الدين
Date: 11-09-2005, 05:28 AM
Parent: #62
الأخت إيمان ,, أولا كل سنة و انت طيبة و عيد مبارك . ثانيا خليك من كلام أخونا الحبيب صديق الموج المعسل ..و ثالث شيء ما قلت لينا العريس ده حتدفعي ليهو(الراتب) كم في الشهر, وبعدين كمان الدفع بالدولار مش بالريال لأن الريال نازل شديد في سوق الاوراق المالية بالخرطوم , و كمان سؤال أخير لو إتقدم ليك واحد رطاني (من غير الناطقين بها)أو بمعنى أجمل (من الناطقين بغيرها ) رأيك شنو ؟
|
Post: #124
Title: Re: أها ياجماعة أنا مغتربة ولمّيت القروش وجاهزة للعرس
Author: إيمان صالح
Date: 11-09-2005, 03:45 PM
Parent: #64
احمد علاء الدين كل سنة وانت طيب اخوي والعيد مبارك عليك هو عليك النبي كلام صديق الموج داك معسل؟ قال مابيعرف ينضف الكمونية عليك النبي ده اسوي بيه شنو؟ ماعندي مشكلة في موضوع الدفع بالدولار الله ماكتر غير الصرافات هنا بس موضوع الرطانة ده انت رطاني بي ياتو لغة؟ كان من كوستي ولي فوق مادايراك
ايمان
|
Post: #155
Title: Re: أها ياجماعة أنا مغتربة ولمّيت القروش وجاهزة للعرس
Author: أحمد علاء الدين
Date: 11-10-2005, 04:38 AM
Parent: #124
أنقري على البروفايل و شوفي , عشان تحددي أنا رطاني من وين ؟
|
Post: #163
Title: Re: أها ياجماعة أنا مغتربة ولمّيت القروش وجاهزة للعرس
Author: إيمان صالح
Date: 11-10-2005, 07:49 AM
Parent: #155
لا ياخوي ولا بنقر ولا شئ موضوع الرطانة ده خلينا منو هسه لمن افضى ليك بشوفه هو نحن البالعربي غلبونا لمن نبقى في الرطانة؟
ايمان
|
Post: #123
Title: Re: أها ياجماعة أنا مغتربة ولمّيت القروش وجاهزة للعرس
Author: إيمان صالح
Date: 11-09-2005, 03:42 PM
Parent: #62
لؤي سلام
اقول ليك شنو؟ شكراً بس وتوقعاتك صدقت بشكرك كتير لمساعدتك الله يكتر من امثالك سلامي لاهلك
ايمان
|
Post: #63
Title: Re: اها ياجماعة انا مغتربة ولميت القروش وجاهزة للعرس
Author: انتصار محمد صالخ بشير
Date: 11-09-2005, 05:16 AM
Parent: #1
الاخت ايمان
السلام عليكم ورحمة الله تعالى وبركاته
ايه رايك انا عاوزة اخطبك لزوجى وتبقى انت التانية والله راجل هدى ورضى
يعجبك بالوا طويل بس انت دقى ليه تلفون عشان تقنعيه وما تنسى تعدلى الشيلة
بتاعتك تختى شوية حاجات لمراة الراجل (انا) وعشان اكون معاك واضحة الراجل
رجل اعمال وانا تعبت من السفر والسك وراه والشفع والمدارس وحاجات كتيرة
عاوزه لى زول يهتم بيه عشان انا بريده وكمان بريدالبريدوا يا ست البنات
قلتى شنو؟؟؟؟؟؟؟؟؟؟؟؟؟؟؟؟؟؟؟
انتصار
|
Post: #125
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:49 PM
Parent: #63
انتصار عليكم السلام ورحمة الله تعالى وبركاته غايتو يا انتصار كان قبلت عليك بفش فيك حرقتي كلها قال اهتم بيه قال والله ياهو الفضل كمان اعرس عشان اهتم لي بي راجل وقال بيسافر كتير اريتو يطير مايرك
ايمان
|
Post: #65
Title: Re: اها ياجماعة انا مغتربة ولميت القروش وجاهزة للعرس
Author: مريم بنت الحسين
Date: 11-09-2005, 05:30 AM
Parent: #1
إيمان ازيّك.. اول مره اشوف البوست ده... واصلي.. شكلك عندك كلام كتير عايزه تقوليهو..
بنت الحسين
|
Post: #126
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:49 PM
Parent: #65
اهلاً يامريم.. البوست جديد لكن هلعة الرجال بيني وبينك خلعتني انا في عمري ده..وخليك معاي مايهجموا علي الحاجات ديل.. وصحي الكلام الجايي كتير، اصبري بس.
ايمان
|
Post: #67
Title: Re: اها ياجماعة انا مغتربة ولميت القروش وجاهزة للعرس
Author: عاطف عمر
Date: 11-09-2005, 06:12 AM
Parent: #1
الأخت الكريمة إيمان تحياتي
مرحب بك إضافة واضح أنها ستكون نوعية للمنبر معالجة رائعة لواقع محير نتخيره ونأتي بعد زمان نتأفف منه ونشكوه لطوب الأرض . يراودني إحساس أن البوست ذهب لغير الوجهة التي رغبت . ربما ساهم في ذلك توقفك .
خارج النص
شلت ليك هم ليس من عدد العرسان الذين قدموا أوراق ترشيحهم ، لكن من عدد الردود التي تنتظرك . ( وكمان داخلين على وييك إند )
|
Post: #68
Title: Re: اها ياجماعة انا مغتربة ولميت القروش وجاهزة للعرس
Author: الملك
Date: 11-09-2005, 06:31 AM
Parent: #67
|
Post: #128
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:53 PM
Parent: #68
ناجي ود الزبير تسلم
ايمان
|
Post: #127
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:52 PM
Parent: #67
عاطف سلام
وتسلم على الجية والكلمة الحلوة البوست ماذهب لغير وجهته التي رغبتها بس الناس كتار والزحمة اصلها بتعمل لخبطة زي دي بس الدايرة اقوله بقوله ومافي شئ بيمنعني ومعليش تقول شنو؟ الوقفة سببها الظروف وصحي الردود شيلتني هم حالتي قلت اقرا باقي البوستات لي هسه مالقيت فرصة في بوست تاني الله يهون
ايمان
|
Post: #70
Title: Re: اها ياجماعة انا مغتربة ولميت القروش وجاهزة للعرس
Author: ShiningStar
Date: 11-09-2005, 08:22 AM
Parent: #1
ايمان....
تمي عليك النبي ... عشان اذا القصة دي نجحت اكلم علوية... حكم علوية ..لي روب الحمام جهزتو ليهو... و حالفه يمين الشيلة تمشي لي اهل العريس بلهينو... ومع العلم الهينو ذاتو انكلودد...
يا طويلة العمر... قصة العرس بلصور دي كانت زمان ... زمن كان حسن الظن يغلب علي عامة الناس... زمن.. وت يو قت اذ وت يو سي... حسي كن ما قعد معاها و فلفلها تفلفل و عرف اصل سبيبة شعرها تركي ولا من جنوب الصحراء ... باب بيتم ما بشوفو...
تمي... تمي.. الله يهديكي بس..
يوسسف... يوسسف... اجري نادي علوية... قوم تقوم قيامتك ...
|
Post: #71
Title: Re: اها ياجماعة انا مغتربة ولميت القروش وجاهزة للعرس
Author: القلب النابض
Date: 11-09-2005, 08:40 AM
Parent: #70
Quote: شفتى المحن ده يا القلب النابض? كان كده اخير لينا أنجليز عديلللللل من البشتنه ده يا بتى |
بري بري بري بررررررررررررري وبرية يا بت الاحفاد الخواجات ديل آ بدورن عارفة ليه اولا: كان اتشاكلت معاه ما بقدر اقول ليه الخيل تجقلب والشكر لي حماد. ثاناً: يجي يقول لي الفواتير بالنص , انت فاتورة الموية وانا فاتورة الكهربا , وانت فاتورة التلفون وانا فاتورة النت, وانت فاتورة التلفزيون(التلفزيون بقروش هنا ما ساي) وانا المابعفوا داك . انا الايجار وانت ضرائب الايجار والعتب. يحكها معاي كدة لمن اعصابك يبوظ , دي ما تربته عاد ما بتقدري تقولي ليه لا ولا كاني ولا ماني. دا مفتح شديد. اخير سوداني ود بلد, كان قلت ليه ما دايرة اشيغل دايرة اتفرغ للعيال يفرح... ويشيل همي واشيل همو...
فاهمني وفاهماه ناكل قراصتنا وعصيدتناونحمد سيدنا ولا ماكدي يابت الاحفاد ولا شنو يا جماعة
|
Post: #73
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-09-2005, 08:49 AM
Parent: #71
Quote: فاهمني وفاهماه ناكل قراصتنا وعصيدتناونحمد سيدنا ولا ماكدي يابت الاحفاد ولا شنو يا جماعة |
ده الكلام!
ويا قلب أنا تبت من تعب السفر.
|
Post: #131
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 04:00 PM
Parent: #73
سعد الدين شايفاك قبلت علي القلب اخير تشيل قرعتك دي وتختاني
ايمان
|
Post: #157
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-10-2005, 06:22 AM
Parent: #131
قرعتي والله ملقيها
القلب شيلتها القناعة و القيم النبيله والأصاله
بتقدرن علي كدي انتي ونسمة وبت الأحفاد?
البتقدر فيكن تديني رقم ابوها فى المسنجر
وكان ما عندكن قدره عاد خلو قلبي ده يدق
انا قلبي بدق قلبيييي
تظلمني لييييه ياجميل ماليك حق والله
|
Post: #184
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-10-2005, 12:34 PM
Parent: #157
Quote: قرعتي والله ملقيها
القلب شيلتها القناعة و القيم النبيله والأصاله
بتقدرن علي كدي انتي ونسمة وبت الأحفاد?
البتقدر فيكن تديني رقم ابوها فى المسنجر
وكان ما عندكن قدره عاد خلو قلبي ده يدق |
يا سعدالدين ياخوى
الكلام ده القالو منو?
Quote: بت الأحفاد خيتي
ويييينا البشتنه هسه?
وبعدين الخواجيات كملن عشان نتبشتن ليكن احنا ?
كان نتبشتن ما عارف |
ولا كلام الليل بياخدو النهار
عموما هو ما كيس خضار, يابت الاحفاد يا أيمان يانسمه
على وزن يابطاطس ياملوخيه يا باميه
البدورنا ده لاذم يكون محدد هدفه من البدايه عايز مين بالضبط
وفى ى شروط معينه لاذم يوافق عليها
ويرسل صوره من الCV مع كفرينج ليتر
وخت فى بالك انو ماحأشارك مع الراجل ولو بملايه
يعنى اوفر ايمان ده ماتحلم بيهو ابدا
مش لانى بخيله
لكن لانى مقتنعه ان الرجل والمرأه كل واحد عندو دور محدد الربنا فطرنا عليهو لو حاولنا نغيروا الحال بينقلب
اها نواصل فى الشروط ولا يفتح الله?
وفى امان الله
لا اله الا الله
|
Post: #213
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-10-2005, 05:54 PM
Parent: #184
Quote: عموما هو ما كيس خضار, يابت الاحفاد يا أيمان يانسمه
على وزن يابطاطس ياملوخيه يا باميه
البدورنا ده لاذم يكون محدد هدفه من البدايه عايز مين بالضبط
وفى ى شروط معينه لاذم يوافق عليها
ويرسل صوره من الCV مع كفرينج ليتر
|
بنت الأحفاد الجاده
احترامي
ما بطاطس ولا بطيخ
لكن القلب فااااااااهمه بس
ولمن لميتكن كدي ما حقاره مني لكن على وزن الجاهزة تقول خير
واحنا ناس عرس بالحيل.
اها هسه كان حددنا وقصدتك انتي
ومهرك يكون حجه بتقبلي وللا كلامك كلو فصاحه ساااي
CV!
?ليييييه مقدم اوراقي لقنقليسةرايس?
|
Post: #130
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:59 PM
Parent: #71
القلب النابض مااخير يقول ليك الفواتير بالنص بدل تدفعيهن انتي؟ قلتي لي اخير سوداني؟ سمح الله يحضرنا زمنكم
ايمان
|
Post: #129
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 03:57 PM
Parent: #70
ShiningStar
علوية منو ياختي؟ جابت ليها هينو عديل كمان؟ لا كان كدي دي زولة خبرة وموضوع الصور ده اسكتي خليه بس والله بيجيبوهم من المطارات بالصور اسكتي بس لمن اتم ليك
ويوسف ده منو ياختي؟ انا شكلي بعرفك من سفنجاتك ديل
ايمان
|
Post: #72
Title: Re: اها ياجماعة انا مغتربة ولميت القروش وجاهزة للعرس
Author: EMU إيمو
Date: 11-09-2005, 08:43 AM
Parent: #1
انا بشجع هذا النوع من الزواج والبركة في الهنود اصحاب السنة
انا مخطوب ولكن ابشرك بواحد لقطة بس ارمي ورقة واكتب ليك في كل المميزات
|
Post: #82
Title: Re: اها ياجماعة انا مغتربة ولميت القروش وجاهزة للعرس
Author: Kostawi
Date: 11-09-2005, 10:15 AM
Parent: #72
.
|
Post: #95
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-09-2005, 01:48 PM
Parent: #82
Quote: بري بري بري بررررررررررررري وبرية يا بت الاحفاد الخواجات ديل آ بدورن عارفة ليه اولا: كان اتشاكلت معاه ما بقدر اقول ليه الخيل تجقلب والشكر لي حماد |
انا زاتى مابعرف تجقلب معناها شنو ولا حماد ده منو عشان كده ماعندى مشكله فى كده
Quote: ثاناً: يجي يقول لي الفواتير بالنص , انت فاتورة الموية وانا فاتورة الكهربا , وانت فاتورة التلفون وانا فاتورة النت, وانت فاتورة التلفزيون(التلفزيون بقروش هنا ما ساي) وانا المابعفوا داك . انا الايجار وانت ضرائب الايجار والعتب. يحكها معاي كدة لمن اعصابك يبوظ , دي ما تربته عاد ما بتقدري تقولي ليه لا ولا كاني ولا ماني. دا مفتح شديد. اخير سوداني ود بلد, كان قلت ليه ما دايرة اشيغل دايرة اتفرغ للعيال يفرح... ويشيل همي واشيل همو... |
أخير نص نص ولا اخير انتى تقومى بكل شئ من شيله وجهاذ وصرف الخ.... على الاقل بدل ما أسمع ' ياوليه وينو الملاح'
حيقول لى ' What do u wanna eat my baby?'
وبدل ما يكون ماشى قدام وانا فى نهايه الشارع جاريه عشان الحقو حيكون ماسك يدى وماشين مع بعض
Quote: ولا ماكدي يابت الاحفاد |
بعد القريتو فى البوست ده
ماكده ماكده ماكده
وفى امان الله
لا اله الا الله
|
Post: #134
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 04:06 PM
Parent: #95
بنت الاحفاد شايفاك خاتة عينك على خواجة كان كدي عرسي ود خالتك النص نص داك
ايمان
|
Post: #185
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-10-2005, 01:02 PM
Parent: #134
Quote: بنت الاحفاد شايفاك خاتة عينك على خواجة كان كدي عرسي ود خالتك النص نص داك |
سلامه نظرك يا أيمان
الجاب سيره ود خالتى منو? أنا قلت ولد أخوى الامو خواجيه, ولد أخوىىىىىىى ما ود خالتى فهمتى يا عسوله? آها بس ود أخوى أتزوجو كيفن?
بعدين بينى وبينك انا كنت ماببدل السودانى بأنجليذى ولا غيرو وكنت بقول السودانى ذيو مافى, لكن بعد البوست ده بقيت أشوفهم عشره عشره
فتك بعافيه
وفى امان الله
لا اله الا الله
|
Post: #187
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:19 PM
Parent: #185
مادام بقيتي تشوفيهم عشرة عشرة يابت الاحفاد معناها النظر سليم مية المية
ايمان
|
Post: #216
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-11-2005, 04:00 PM
Parent: #187
برضو نحن أطيب منكن
بنشوفكن أربعة أربعة بس
|
Post: #251
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 05:46 AM
Parent: #95
اها دي القصة كااااااااملة
أول شئ عملته بعدما كملت الجامعة فكرت في الإغتراب لأني عارفة وراي حاتكون هموم الحياة والعرس وتكوين اسرة وتربية عيال، اها جيت السعودية واشتغلت شغل السواد وجريت جري الوحوش ولميت الريالات وحسع مستعدة للعرس.
رسلت لي ابوي يجهز العريس وقال لي اصلو دي مامشلكة يابتي عشان الاولاد راقدين ومالاقيين عروس تمرقهم من هموم الدنيا بس انتي جهزي شيلة العريس، اها قمت مشيت سوق باب شريف وماخليت شئ، خمج شديد، اشتريت شيلة العريس من جلاليب وعراريق وطواقي للعريس وون مان شو الهلال رشو ولي الافترشيف وأمواس ومعجون الحلاقة جبتهم.
ضربت لي ابوي وقلت ليه اها انا جاهزة انت لقيت العريس؟ قال لي انتي كان جيتي ومشيتي ليك عرس وااااحد بس بتلقي ليك عريس ود ناس ومؤدب ومستور، قلت ليه يابوي انا مابقدر اجي انتو شوفوا الولد وكان لقيتوه رسلوا لي الصور وانا كان عجبني بديكم رايي وانتو تعقدوا من هناك وترسلوه لي وانا في المطار بعرفه بالصور.
اها رسلوا لي صور لي كم ولد من اولاد الحلة ورشحوهم لي قالوا اولاد ناس ومن الجامعة للبيت ومن البيت للجامعة وهديين ورضيين ويومهم كله في المطبخ بيساعدوا في ابواتهم ومابيمرقوا من البيت الا مع اهلهم، المهم لقيت الأولاد صورهم حلوة ولابسين لبس حشمة فاخترت منهم اتنين وقلت لي اهلي اسالوا من اهلهم ولو عاوزين يكملوا قرايتهم قبل العرس وكده.
قالوا واحد من الاولاد قال ماعندو مشكلة موافق على العرس وممكن يواصل الدراسة وهو عريس، وانا قلت ليهم انا مابتوقف في الموضوع دا وبديه كامل حريته عشان يواصل دراسته ولو جبنا اطفال بساعده في تربيتهم وفي شغل البيت من طبيخ وغسيل عدة لحدي مايكمل دراسته رغم ظروف الشغل هنا دوامين وجري وبجي البيت هلكانة.
المهم ادوني تلفون اهل الولد قالوا عشان اتعرف بيه وفعلاً اتصلت بوالدته ووالده وسلمت عليهم وقلت ليهم عاوزة اتكلم معاه لو ممكن، قالوا لي والله يابتي نحن مابنحبذ المسألة دي خالص لكن انتي بت ناس واهلك ناس سيرتهم سيرة محترمة فبنديك تتعرفي بيه .
انا طبعاً لقيت الولد ده سمح شديد في الصورة وقلت اركز عليه هو عشان ده اهم شئ طبعاً، عشان مااجيب لي راجل يضحك فوقي الناس ويقولوا بعد فصاحتها دي كلها وفلسفتها دي مشت عرست ليها راجل وشو ينعل قفاه، فقلت اشوف طريقة كلامه واسلوبه عشان مايكون كمان تور الله الانطح ويضحك فوقي الناس.
اتكلمت معاه وانا شايلة صورته واعاين لي سماحته واقول ليه في الكلام السمح واغازل فيه، صوتك حلو، عيونك جميلة، انا من زمان بحلم براجل سمح زيك كده، وهو همه كله في القراية ويسأل فيني، انتي متأكدة موضوع اني اكمل دراستي دا مامشكلة بالنسبة ليك؟ وانا طبعاً بيني وبينكم ناوية ليه على نية، قراية شنو كمان البيكملها؟ انا بس قلت اتم الموضوع باي شكل ولما يصلني هنا بعرف امشيه على مزاجي زي ماكل النسوان بيعملن.
قلت ليه بالعكس، انا من انصار انه الولد يكمل دراسته قبل الزواج وحتى لو اتزوج يكمل دراسته وعشان كده انا ذاتي حااساعدك واقيف جنبك بس انت اهم شئ هسه تقول لي رايك عشان انا مستعجلة شوية في موضوع العرس ده، واحتمال ينقلوني لمدينة تانية ووظيفة جديدة فعاوزاك تكون معاي عشان نختار عفش بيتنا وحاجاتنا كلها مع بعض، ولا انت رايك شنو؟
قال لي والله انا من حيث المبدا ماعندي مانع خصوصاً اني عرفت انك من عائلة كويسة ووظيفتك في السعودية محترمة وانك مع فكرة اكمال تعليم الرجل دي، وكمان عرفت انك جاهزة من كل النواحي واظن ده بيوفر علينا وقت طويل، فماعندي مانع.
قلت ليه خلاص انا بتكلم مع امك وابوك وبتصل باهلي برضو عشان يكملوا المسائل دي بسرعة عشان اقوم اعمل ليك اجراءات الاستقدام عشان بتاخد ليها زي شهرين تلاتة كدي وبتصل بيك عشان نتفق على التفاصيل، يلا اديني الوالدة اتكلم معاها، قال لي كويس واداني امه وسمعت صوته بيتكلم مع ابوه وبعد شوية سمعت صوت زغرودة من ابوه وفهمت انه فرح عشان ولده وافق.
المهم قلت لي امه تتصل بي امي عشان التفاصيل عشان انا مستعجلة، وقفلت منهم واتصلت بي ناس بيتنا وقلت ليهم شوفوا انا ماعاوزة جوطة وصرف في الفاضي انا برسل ليكم الشيلة دي وتشوفوا ليكم اي ولد من اولاد الحلة يغني في حفلة دكاكينية كده وتتموا الموضوع باي طريقة سريع سريع ولو حسيتوا انه اهل العريس عاوزين يبالغوا وروهم اني عندي كم زول اترشحوا لي واني مستعجلة.
وفعلاً اهل الولد طبعاً حسوا اني عروس لقطة وخافوا الولد يبور وسدوا دي بي طينة ودي بي عجينة ورضوا بالمقسوم وعقدوا في صمت وبدون صرف، رغم اني كنت سامعة من اخوي انه الولد كان بيحلم بجلابية زفاف وسيرة وزفة ورقيص عريس زي حق عمر البشير البيعملوا داك، لكن في النهاية رضى بالمقسوم واتوكل على الله وقال اخير اعرس ولا اقعد احلم واطير العروس خالص من يدي واقعد اندم زي اولاد كتيرين.
اها بعد مااتفقنا على التفاصيل والاهل رضوا بالمقسوم حددنا التواريخ للعقد وقلنا حفلة الدخلة ممكن نعملها في وقت تاني لمن الظروف تسمح. ورسلت ليهم توكيل من قنصليتنا في جدة بعدما سلوا روحي وحققوا معاي التقول مجرمة مازولة بدفع ضرائب وبطلب عمل شئ من ابسط حقوقي كمواطنة.
الجماعة في السودان عملوا العقد وبقيت عروس رسمي بس ماشعبي وسكيت موضوع الاستقدام عشان اجيبه السعودية، وطبعاً مع الجري الشديد والصرف والمشغوليات بقيت مابقدر اتصل كتير، اها هو بقى يتصل ويقول لي مالك انتي بقيتي مابتتصلي ومابتقولي لي كلام حلو زي الكنتي بتقوليه لي ايام التعارف؟ ومالك بقيتي مابتشتاقي لي؟ وقدر ماحاولت اشرح ليه الظروف كان بيقول لي برضو مهما كانت الظروف يعني اكيد بتلقي ليك خمسة دقايق تتصلي بي فيها.
اها انا بيجاي قمت فتشت لي شقة براي عشان كنت ساكنة مع مجموعة طبعاً ولقيت لي شقة من غرفة وصالة وحمدت الله عشان الايجارات هنا مرتفعة شوية لو البيوت كبيرة، ومشيت الحراج محل بيع اغلب الاشياء المستعملة اشتريت لي عفش معقول وفرشت البيت بما تيسر، وقلت اخلي عدة المطبخ لمن هو يجي عشان يختار براه الشئ البناسبه.
المهم مرت فترة الاستقدام وادوه الفيزا وقطعت ليه التذكرة بالخطوط السودانية ناقلنا الوطني لانها ارخص من الخطوط السعودية طبعاً وحجزت ليه واخيراً جات لحظة اللقاء المنتظر وشلت الصورة وحفظت تقاطيع وشه سممممممح ومشيت المطار، بقيت اعاين لوشوش القادمين زي الرايح لي شئ واقول بري ده ماهو ده ابيض وده اسود، ده طويل وده قصير، لغاية ماشفت الجلابية واللبسة بتاعة باب شريف المابتغباني وعرفته ده زولي.
رفعت ليه يدي من وسط الناس وشفته مسكين مع الخجل وشيل الشنطة كل شوية الشال يقع من كتفه ويخت الشنطة يقيف يرفعه في كتفه ويصلحه ويدنقر يجر الشنطة تاني، لمن وصلني وسالمني وسالمته وباركت ليه قلت ليه مبروك علي انت، ضحك بي خجل وقال لي الله يبارك فيك، ومرقنا من المطار وركبنا لينا ليموزين على قولة ناس السعودية واتجهنا على الشقة.
جينا البيت وبدينا اخيراً الحياة الزوجية الكاسرين الناس رقبتهم عشان يعيشوها، زارونا زميلاتنا في البيت وبعض السودانيين المعارف والجيران وباركوا لينا، ومشينا السوق اشتريت العدة للمطبخ والملايات واكياس المخدات والذي منه، وبدينا النقنقة من اول ايام في السوق يقول لي الحاجات دي ماسمحة وحاجات رخيصة وهايفة ساي ولو في مراده يشريني الحاجات الغالية السماها اصلية.
بعد اسبوع قعدة في البيت ولاحظوا انا ماعندي اجازة اها قمت نزلت الشغل وبقيت كل مااجي البيت من الشغل القاه بس قاعد يتبكى اها انا انخلع واقول الحصل شنو ياربي ولما اساله يقول لي مافي شئ ولما اقول ليه مافي شئ كيفن مالك بتبكي؟ يقعد يقول لي انا بس كنت متخيل نقعد مع بعض اكتر شوية قبل ماتنزلي الشغل، ومرات يقول هو بس عشان مافارق اهله خالص من صغير ومشتاق ليهم ومرات يقول حاسس اني بعيدة منه.
اها انا بقيت ازهج من جنس الدلع ده ومااستحمل كل يوم بكاء ودموع ودلع وقلة ادب وبقيت اقعد احاول افهمه اني ماعندي اجازة عشان اقعد معاه في البيت اكتر وانه الشغل هنا مابيرحم وانه مفروض يتبسط عشان انا قعدت معاه اسبوع كامل في البيت، وافهمه انه الحياة كده وانه مفروض يستحمل بعده من اهله ويتفرغ لحياته الزوجية، وافهمه برضو انه انا مابعيدة منه.
البيت بقى يزهج من النكد والموبايل كرهته من كترة اتصالاته بي والسؤال، اها جاية متين؟ ماممكن نطلع لما تجي راجعة البيت؟ ممكن تجيبي معاك الشئ الفلاني؟ المكيف ده فوقه مشكلة، الخ... كرهت حياتي من اول شهر وكرهت العرس القايلاه بيريح بالي، وبقيت اجي القاه بس ماسك التلفون، يابيتكلم مع واحد من ازواج السودانيات الهنا الدخلوا علينا وبقوا اصحاب متين مابعرف، ياالقاه ضرب لي اهله يتونس معاهم.
النصيحة انا زهجت من الدلع ده وفصلت تلفون البيت عشان الفواتير كمان ماتعمل لينا هم جديد، وطوالي سالني التلفون ده ماله كضم؟ وقلت اتكلم معاه عشان يفهم الظروف كان يخلي الدلع وعدم المسئولية ده شوية. اها قعدت معاه وقلت ليه التلفون مابنقدر على فواتيره عشان كدي انا قطعته وانه البلد دي مابلد ابوي واني جيت واغتربت عشان نصلح ظروفنا ونرجع بلدنا، وانه لازم يخلي الكلام الكتير في التلفون ده.
قعد يرمي في دميعاته ويقول لي دي ماحياة اصلها وانه بيصحى معاي الساعة خمسة الصباح وانه بعد ماامشي الشغل بيقوم ينضف البيت كله وده بياخد منه وقت طويل وبيغسل العدة والهدوم وبيبدا في عمل الغدا عشان عارفني برجع البيت زي الساعة اتنين وبمرق تاني لدوام المساء زي الساعة خمسة، وانه لما يخلص من الحاجات دي بيكون زهج من الوقفة طول اليوم ومافي زول ينضم معاه كلمة واحدة وقعدة البيت ليه براه بين اربعة حيطان قال حارة شديد عشان كده بيتكلم مرات في التلفون.
وقال ماهو البيضرب كل المرات وانه مرات راجل فلانة هو البيضرب ليه وبيتونسوا، وانه ماقاعد يضرب لي اهله الا مرة واااااحدة كل اسبوعين وبقينا في غلاط انا اقول ليه هسه انت يوم الجمعة الفات ماضربت ليهم وهو يقول لي ااااي لكن ده ماعشان ابوي كان راقد عيان وغلاط ونقة وكل مانتناقش يقول لي حسع انتي مالك بتكوركي فيني؟ والله بيني وبينكم كرهته وكرهت وشه وبقيت كان في طريقة البيت ذاته مااجيه بين الدوامين من عيشة النكد دي وعدم الفهم وعدم الاحساس ده.
اها بعد داك دورنا اسطوانة جديدة وانا قلت اكيد دي من راس راجل فلانة ، بقى يقول لي انتي قلتي انا ممكن اواصل دراستي وانا اقول ليه انا قدمت اوراقك وراجية الرد والناس ديل مابيردوا بالساهل اخير تصبر، اها بقى يقول لي خلاص طيب انا عاوز ذاتي اشوف لي شغل عشان قعدة البيت صعبة وعشان اساعدك انتي ذاتك. واريته ماقال الكلمة دي خلاني انفجر واطلع الحابساه جواي كله من زهجي منه.
قلت ليه والله ياها دي الفضلت انا اتعب اليوم كله في الشغل واجي البيت عشان اخت راسي وارتاح ساعتين واكل لي شئ قبل ماامرق تاني اها اجي كمان القاك انت شغال ولا بتقرا وسايب البيت لا نضافة لا اكل اصله هي القصة كان كدا انا معرساك ليه؟ اسمع ياراجل من الليلة تشيل من راسك فكرة الدراسة دي خالص وماعاوزاك تاني تقول لي عاوز تشتغل واهلك واصحابك ديل كان هم البيملوا ليك راسك بالافكار دي ذاتك تاني ماتتصل بيهم الا مرة في الشهر وقدامي.
اها من اللحظة الوريته فيها العين الحمراء كترت الدموع لكن بقى مابيقول لي اصله بيبكي ماله، بقى الكلام بيناتنا ذاتو بالقطارة وريحني بيني وبينكم من النقنقة ووجع الراس لكن كمان انا المسخرة وقلة الادب مابتنفع معاي كيفن يعني يقعد ساكت وكل ماسالته سؤال يرد علي من طرف نخرتو زي الانا خدامة عنده؟؟
اها اقروا الكلام ده واحكموا براكم على البقت علي انا القلت ارتاح بالعرس وانتظروا اكتب ليك الجزء الجاي وشوفوا جنس الظلم الاتظلمته.
اها بعد الكلام ده كله بقت اسطوانة داير اقرا اسطوانة يومية وانا زولةً عنيدة وعشان كدي اي زول راسه قوي وداير يمشي كلامه ورايه علي مابينفع معاي اصله فقفلت ليه كل الابواب دي وقلت ليه تاني لو قلت دراسة ماتلومني في اي تصرف. اها ضربت لي امه وقالت لي الولد ده قال في بيناتكم شوية عدم تفاهم يااولادي، والحياة دي محتاجة صبر وخصوصاً انتو في الغربة. قلت ليها شوفي ياحاجة لو ماعاوزاني اتلوم معاك ارجوك تاني ماتتدخلي في امور حياتنا الشخصية وزهجت منها وقفلت ليها الخط في وشها من الزهج.
اها اليوم داك ماخليته ينوم من الدروس الاديتها ليه عشان بيحكي بامور حياتنا للناس، وقال لي انا ماحكيت لي زول غير امي والسبب انك اصلك مابتسمعيني وانك زولة متسلطة وانا لو عارف حياتنا كده ماكنت اتزوجتك، وهسه نحن ناس متزوجين لينا شهور اصلك وقت مادايراني اكمل دراستي ولا رضيانة اشوف لي شغل ليه ماحصل قلتي لي دايرة اولاد ولا مادايرة. قلت ليه اصله موضوع الاولاد ده ماتتكلم فيه تاني، انا جيت هنا اكون نفسي ومامتفرغة هسه لصرف على اولاد ولا لتربية اولاد، بس والبكاء بدا.
طبعاً بعد ده بقى ده موضوعنا الجديد الاولاد والولادة وطوالي في لحظة زهج من النقة قلت ليه لو عاوز اولاد امشي الديهم انت براك، ومن اليوم داك بقينا لا انا لا هو طايقين وشوش بعض، وبقيت اقضي يومي كله بره ولما اجي البيت بس اقرا الجرايد، لامن يوم جيت البيت لقيته قال عاوز يرجع السودان وعاوز الطلاق وطوالي بدون ماافكر مشيت قطعت ليه تذكرة السفر للسودان الدايره ده وحجزت ليه وسفرته في ظرف ايام.
اها ولي حسع اهله يضربوا لي في التلفونات عشان نتم الاتفاق على موضوع الطلاق وبقيت مابرد عليهم ذاتي ومخلياه معلق ماعارف روحه لسع معرسني ولا طليقي ولا يسمي روحه شنو، وانا مافارقة معاي وقت اصله الموضوع بتاع العرس ده موضوع شراء وبيع اها لميت القروش تاني وحسع خلاص دايرة اشتري لي عريس جديد غيره.
يلا ياجماعة الحشاش يملا شبكته.
ايمان
|
Post: #133
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 04:05 PM
Parent: #82
كوستاوي نصيبتك دي غلبني اشغلها وكل ماافتح البوست تعلق لي رسالة في نص الصفحة ومااقدر اكتب وانتظر لما تروح كان في طريقة صلحها ولا غيرها ياخوي ومشكور
ايمان
|
Post: #132
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 04:02 PM
Parent: #72
ايمو ان شاء الله بس تكون مخطوب لي هندية ولا انت بتشجع اللعبة الحلوة بس؟ وبتتفرج من بعيد؟ كان كدي دي اريتها خطوبة التاباني
ايمان
|
Post: #97
Title: Re: اها ياجماعة انا مغتربة ولميت القروش وجاهزة للعرس
Author: Emad Abdulla
Date: 11-09-2005, 02:41 PM
Parent: #1
أخونا ايمان ..
ازيك
الوالدة قريت ليها كلامك ده .. قامت خسمتني قالت لي أقول ليك : ( أجي يا خواتي .. عاد جنس محن !! البت دي الا كان مابراها.. قول ليها انتي كان نصيحه .. سميني كوكو )
دي أمي القالت .. أنا مالي
أها .. أقول ليها شنو ؟
--------
التحيه يا ايمان .. واصلي
|
Post: #107
Title: Re: اها ياجماعة انا مغتربة ولميت القروش وجاهزة للعرس
Author: nasmah1981
Date: 11-09-2005, 03:06 PM
Parent: #97
سلام يا ايمان وكل سنة وانت طيبة ومرحب بيك معانا.. أسمعي انت بعد ده كله اشترطي على العريس يحمل هو بدالك حتى عايني حصلت في الكويت...http://www.arabsline.net/vb/archive/index.php/t-1528.html
والجنة تحت أقدام منو؟؟
|
Post: #112
Title: Re: اها ياجماعة انا مغتربة ولميت القروش وجاهزة للعرس
Author: osly2
Date: 11-09-2005, 03:17 PM
Parent: #107
ايمان غايتو خليتنا نتجرأ ونطالب المدام بشيلة معتبره باثر رجعى وكمان الواحد طمع شويه وطالب بمينى شيله للوليدات
بس المصيبه كلنا ذكور وما معاها اى انثى فى البيت عشان تساعدها
وبينى وبينك شفتها طلعت تاشيره للسعوديه بس ما عارف للعمره ولا عاوز تجيك تقلع باقى شعرك
تحياتى
|
Post: #138
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 04:13 PM
Parent: #112
اوسلي شيلة شنو انت تاني واولادك هديل طهرتهم؟ وقلت لي كلكم ذكور؟ يابختها سعيدة الحظ الربنا ختاها في الجنة وسط اصحاب الفخامة الرجال اسياد العالم وكان جاتني عمرة ولا زيارة الله يستر ماترجع ليك ونشوف شعر منو البيتنتش
ايمان
|
Post: #137
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 04:12 PM
Parent: #107
نسمة كل سنة وانتي طيبة وشكراً على الترحيب وكدي اصبري ماتسبقى الحوادث وتابعي باقي الحكاية اريتها تبقى على الحمل والله يخلي لينا امهاتنا
ايمان
|
Post: #159
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-10-2005, 07:28 AM
Parent: #137
Quote: نسمة كل سنة وانتي طيبة وشكراً على الترحيب وكدي اصبري ماتسبقى الحوادث وتابعي باقي الحكاية اريتها تبقى على الحمل والله يخلي لينا امهاتنا |
الله يخليهن
لكن هووووي
لحدي هنا الله معاكن
انا بعتل بس ..إمكن شنطه... أي حاجه علا الحمل ده شوفن رجالو/نسوانو.
|
Post: #165
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 07:52 AM
Parent: #159
سعد الدين اها قمنا للزوغان؟ وين الرجالة والبوبار؟؟
ايمان
|
Post: #179
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-10-2005, 08:59 AM
Parent: #165
الرجاله تطير!
دي فيها حمل ياختي
يعني تسعه شهور وعشره يوم من حي ووب علي ووحم
كان ده شرطك..
غايتو بهنيكم انتي والموج
|
Post: #135
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 04:09 PM
Parent: #97
عماد انت ياخوي ماله كلامك ده جاني تاني بيجاي؟ قلت ليك سلم على كوكو
ايمان
|
Post: #151
Title: Re: اها ياجماعة انا مغتربة ولميت القروش وجاهزة للعرس
Author: Emad Abdulla
Date: 11-10-2005, 02:08 AM
Parent: #135
ياتو ؟
كوكو منو ؟
كده كويس ؟.. شفتي البقت علي من جنس كلامك الماياهو القاعده تقولي ده ؟.. ( تكون دي عدم تقله مني .. ولا ياربي أكون حاري لي شيله ؟)
أنا أمي كوكو يا إيمان ؟.. طيييييييب ..
سلام
|
Post: #166
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 07:53 AM
Parent: #151
عماد
امك كوكو وانت عوعو اها كدي كيفن معاك؟
ايمان
|
Post: #139
Title: Re: اها ياجماعة انا مغتربة ولميت القروش وجاهزة للعرس
Author: munswor almophtah
Date: 11-09-2005, 04:18 PM
Parent: #136
نجود الفي باب شريف ديك اسكتي خليهم ساي بقوا ياختي لابيفرزوا المرا من الراجل ولا الزول من الحيوان، مابيعرفوا شئ غير الريال، الواحد فيهم كان قلتي ليه الساعة كم؟ يقول ليك خمسة ريال ونص
والله يا إيمان شكيت فى قدراتك على الرغم من إنسجامها إلا عندك مساعد وناس الحراج البدلاء ديل أوعك توريهم وشك ...عليك الله يا إيمان إنتى فصل من كلية الأحفاد الجامعيه بدرس فى حاله والله شنو...عليك الله المره الجايه قولى إلا وزير....
منصور
|
Post: #167
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 07:59 AM
Parent: #139
منصور المفتاح انت ياخوي ليبي؟ ولا اسم المفتاح ده جبته من وين؟ ماسمعت بيه الا عند الليبيين وعند محمد مفتاح الفيتوري وداك ابوه برضو ليبي المهم اهلاً بيك وشرفت وخليك متابع المحن
ايمان
|
Post: #140
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-09-2005, 04:21 PM
Parent: #136
ناذر اها وكان لقيتني من دارفور وابوي لسانه ماعربي فصيح كيف الحل؟
ايمان
|
Post: #141
Title: Re: اها ياجماعة انا مغتربة ولميت القروش وجاهزة للعرس
Author: ناذر محمد الخليفة
Date: 11-09-2005, 04:43 PM
Parent: #140
!!!!!!!!!!!!!
Quote: ناذر اها وكان لقيتني من دارفور وابوي لسانه ماعربي فصيح كيف الحل؟
|
في الحالة دي عندي ليك عريس لقطة المناضل إبراهيم بقال شخصيا
صنفرة :
هو صاح بيجلط مرات مرات وما مركز لكن كلها سنة سنتين وتتعودوا على بعض
|
Post: #168
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 07:59 AM
Parent: #141
بس ياهو ده الانا عارفاه الزوغان بيحصل لما نجيب سيرة دارفور وسيرة اللسان الماعربي المهم والله زوغتك سرت بالي اصلي انا جني وجن العنصرية وبقال شفته في الصور خاااااطب وخطيبته سماحة الدنيا عليها امشي انت دق صدرك واخطب وغني في عرسك لخطيبتك
ايمان
|
Post: #183
Title: Re: اها ياجماعة انا مغتربة ولميت القروش وجاهزة للعرس
Author: ابراهيم بقال سراج
Date: 11-10-2005, 12:01 PM
Parent: #168
Quote: بس ياهو ده الانا عارفاه الزوغان بيحصل لما نجيب سيرة دارفور وسيرة اللسان الماعربي المهم والله زوغتك سرت بالي اصلي انا جني وجن العنصرية وبقال شفته في الصور خاااااطب وخطيبته سماحة الدنيا عليها امشي انت دق صدرك واخطب وغني في عرسك لخطيبتك
ايمان |
ايمان انا لساني كويس جداً وبتكم عربي احسن من ناس ناذر وبالجد جد انا خلاص بقيت عريس ليكي بس جيبي لي شنطة العرس وجهزي الحجات بتاع العريس وتعالي لي انا جاهز ,, انا خاطب بت سمحة بتقرأ معاي في الجامعة فضلوا لي ثلاثة انتي الثانية كدة بيكون فضلوا لي اتنين بس
|
Post: #189
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:24 PM
Parent: #183
ابراهيم بقال اهلاً بيك والله ياخوي عروبةً بيتشرفوا بيها دي ماظنيتها لي بيها غرض وكان اللسان سوداني اسود احسن لي من مليون لسان ملون وكدي النشوف راي خطيبتك شنو وقت انت ماعندك عوجة عشان كان موافقة اشوف ليك انا الاتنين التانيات بالمرة واقفل البوست ده على كده ونعمل بدله بوست التهاني بعرسنا اها قلت شنو؟
ايمان
|
Post: #194
Title: Re: اها ياجماعة انا مغتربة ولميت القروش وجاهزة للعرس
Author: ابراهيم بقال سراج
Date: 11-10-2005, 01:33 PM
Parent: #189
Quote: ابراهيم بقال اهلاً بيك والله ياخوي عروبةً بيتشرفوا بيها دي ماظنيتها لي بيها غرض وكان اللسان سوداني اسود احسن لي من مليون لسان ملون وكدي النشوف راي خطيبتك شنو وقت انت ماعندك عوجة عشان كان موافقة اشوف ليك انا الاتنين التانيات بالمرة واقفل البوست ده على كده ونعمل بدله بوست التهاني بعرسنا اها قلت شنو؟
ايمان |
خلاص اتفقنا يا ايمان ,, خطيبتي الاولي وانتي التانية ونشوف لي اتنين تانيات ,, مبروك عليكي ومبروك علي ومبروك علي كل الزملاء يالا يا شباب تعالوا اعملوا لينا تهاني الزواج
|
Post: #200
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:44 PM
Parent: #194
سمح ياابراهيم كدي سؤال اخير انت هلالابي ولا مريخابي؟
ايمان
|
Post: #201
Title: Re: اها ياجماعة انا مغتربة ولميت القروش وجاهزة للعرس
Author: ابراهيم بقال سراج
Date: 11-10-2005, 01:51 PM
Parent: #200
Quote: سمح ياابراهيم كدي سؤال اخير انت هلالابي ولا مريخابي؟ |
مريخابي
|
Post: #221
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 02:56 AM
Parent: #201
لا كان مريخابي ياخوي شوف ليك على خطيبتك تلاتة مااتنين بس
ايمان
|
Post: #182
Title: Re: اها ياجماعة انا مغتربة ولميت القروش وجاهزة للعرس
Author: ابراهيم بقال سراج
Date: 11-10-2005, 11:49 AM
Parent: #141
Quote: في الحالة دي عندي ليك عريس لقطة المناضل إبراهيم بقال شخصيا |
والله ضحكتني يا نازر الخليفة انا موافق علي رايك ده اها نشوف العروس رايها شنو ؟؟
|
Post: #142
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-09-2005, 07:43 PM
Parent: #1
Quote: صديق الموج هسه انت مشيت اتعلمت نضافة الكمونية ولا لسع؟ وانتي كان دي طريقتك في مخاطبة النسوان بقشور دي كان كدي راجيك شغل كبير مع ال CV بتاعك
ايمان |
ايمونية(دى على وزن كمونية)سلام
ما تفهمينى غلط ..قشور دى بنقولها لى قطاعين الارزاق ناس نجود ديك لكن انت حا اقول ليك
يا ايمونتى..وبعدين ولايهمك حا انضفها حا انضفها وهسع انا بكتب ليك من السلخانة
دخلت ادفانس كورس بتخصص دقيق ام فتفت..فى اى اوامر اخرى؟؟
احلامك اوامر يا ايمونتى،،،
|
Post: #144
Title: Re: اها ياجماعة انا مغتربة ولميت القروش وجاهزة للعرس
Author: Abdulgadir Dongos
Date: 11-09-2005, 09:06 PM
Parent: #142
ايمان السمحة أزيك، تعرفي عنوانك ده زكرني المغترب الجنو صطلي، أها في يوم كان بيسمع في برنامج ما يطلبه المستمعون ، وحسب السطلة قوم شيل التلفون وأضرب للبرنامج. أها المزيعة سألتو: هل عندك أي اهداء خاص للأغنية الجاية؟ قال ليها آآآي، بهديها للخطيبة بمناسبة المولود الجديد.
دنقس
|
Post: #147
Title: Re: اها ياجماعة انا مغتربة ولميت القروش وجاهزة للعرس
Author: nazar hussien
Date: 11-10-2005, 00:57 AM
Parent: #144
Quote: الليلة عاد يانزار ماسويتها شينة تب تنشر كلام وماعارف اسياده يرضوا ولا لا الله يستر جماعتك ديل مايكونوا في امريكا هناك المحامين ناقصين شغلة |
والله يا ايمان انا اشفقت عليك من كثرة الردود وفي كل مرة نتداخل معاك نعرقلك من باقي الفكرة الرئيسية المدهشة يا قول كتيرين معاي...
لكن بس حبيت اطمئنك انو الناس الكتبت عنهم سعيدين جدا بهذا المشروع وان كان لديهم قضية فهي قطعا ضد المجتمع...لا انا لا انت...
وامشي في لمليم عراريقك وطواقيك...شال واحد ما يعترلك
|
Post: #172
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 08:12 AM
Parent: #147
نزار والله كترة الردود عملت لي شقيقة وشقيقة دي نوع من انواع الصداع مااختي بت امي وابوي وخليك متابع تسلم
ايمان
|
Post: #171
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 08:09 AM
Parent: #144
عبد القادر دنقس خلي الغزل وياخوي نكتتك ضحكتني لكن النوع دا من النكت حسع بقى مانكتة ياما سمعنا بخطيبات ولدن وبالولدن بدون خطوبة ذاته والملاجئ تحدث بلا حرج والله يجازي الكان السبب
ايمان
|
Post: #170
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 08:09 AM
Parent: #142
صديق الموج شايفاك جريت واطي وبيني وبينك انا بيعجبني الراجل البيجر واطي ووقت اصلك مشيت الكورس بتاع الكمونية اعمل معاك كورس كوارع وبنتظر تلفوناتك
ايمان
|
Post: #148
Title: Re: اها ياجماعة انا مغتربة ولميت القروش وجاهزة للعرس
Author: النصرى أمين
Date: 11-10-2005, 01:16 AM
Parent: #1
Quote: User Profile for إيمان صالح |
engaged Married divorced separated common law
انا بهزر مع اختنا ايمان يانزار... ما شفت الاسمايلى ؟ seperated معناها انفصلت من الزوج ولم يتم الطلاق بعد.. طبعا ده الفهم للكلمه فى امريكا الشماليه, ما عارف الاستعمال ليها كيف فى انجلترا
|
Post: #149
Title: Re: اها ياجماعة انا مغتربة ولميت القروش وجاهزة للعرس
Author: nazar hussien
Date: 11-10-2005, 01:32 AM
Parent: #148
separated يا النصري معناها disconnected
الا تتفق معي انها اصدق وابلغ وتتماشي مع روح هذا البوست وليس في الامر سرا ما...مع صادق تقديري لك
|
Post: #174
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 08:14 AM
Parent: #149
نزار مالك ياخوي تاعب روحك مع التفسير الانفصال ده مابقى موضوع الناس حسع ياحليل قرنق ساكت بس
ايمان
|
Post: #173
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 08:12 AM
Parent: #148
النصري امين ياخوي الفهم ده للكلمة في اي مكان مافي امريكا وبس وارجى نهاية الحكاية
ايمان
|
Post: #150
Title: Re: اها ياجماعة انا مغتربة ولميت القروش وجاهزة للعرس
Author: mekki
Date: 11-10-2005, 01:38 AM
Parent: #1
ما حا نرضى بى شيله أقل من إتناشر إتناشر!
|
Post: #175
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 08:16 AM
Parent: #150
مكي انت مكي ود عروسة ولا واحد تاني؟ تعرف اكتر شئ عجبني في كلامك اللون البلو ده وفوق فوق هلالنا فوووووووق
ايمان
|
Post: #152
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-10-2005, 02:21 AM
Parent: #1
نزار حسين والنصرى ..كل عام وسعادتكم بخير
بالله شيلو ليناDIVORCE -DISCONNECTED-DISAPPEAE DIS دسكارد دس اى حاجة
وامرقوا من هنا ..البنية شكلها وافقت وواقفين على نضافة الكمونيه ما
تعقدوها وتنعقدوا لينا لو سمحتم،،
احبكم كلكم،،،
|
Post: #153
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن عبدالله أبوشيبة
Date: 11-10-2005, 03:35 AM
Parent: #152
Quote: أبو شيبة جيت تاني؟ غايتو خفيف جنس خفة ياراجل اتقل جلاليب وعراريق تسوي فيك جنس الفعلة دي؟ موضوع رجال النسوان ده جاياه اصبر لي انت بس واتقل حبة
|
يا إيمان أتقل كيييييييف مع العروض المغرية دي ربنا يجعلنا من المختارين وليس من المحتارين ،، قولي آمييييييييييييييييييييييييييين
|
Post: #154
Title: Re: اها ياجماعة انا مغتربة ولميت القروش وجاهزة للعرس
Author: nazar hussien
Date: 11-10-2005, 03:54 AM
Parent: #153
يا صديق الموج
ما سمعت بي
تلقوها باردات بالنهار آ ناس نزار....ياخي النصري زاتو ما فهمني واتحسس من تعليقي ...وقايلني انا قاصدو لمان اعتذر....وانا قاصد ايمان زاااااتا يا أخوي زي ما انت داخل بمشروع غسيل كمونية... نحن داخلين باجندة زول ظريف ومسكين ومتحضر لمان تلاقيه بمسك في طرف الملاية وينضم مدنقر....ياخي والله عديل كدي ناقصاني زولة تجيب لي عراريق...وترقدني علي الليلة البيضاء...
ما تشوف الناس دي كلها بتتداخل...كل يغني علي اجندته...وشيلي شيلتك يا ايمان بتحسبي لعب؟
|
Post: #192
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:29 PM
Parent: #154
سجمي يانزار اتاريك لابد وجايي بي خطط ثعلبية لا كان كدي انا بعيد ترتيب اللستة من اول جديد
ايمان
|
Post: #191
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:27 PM
Parent: #153
ابو شيبة اتقل وانا برسل ليك كيس عراريق حتى لو فاز بالشنطة صديق الموج
ايمان
|
Post: #177
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 08:17 AM
Parent: #152
صديق الموج منو دي البتتعقد انا كان بتعقد ماكاتباها انا انفصالية مية المية والوحدوية دي الا في موضوع الجنوب والشمال لكن في موضو النسوان والرجال انفصال قبل الستة سنين ذاتها
ايمان
|
Post: #156
Title: Re: اها ياجماعة انا مغتربة ولميت القروش وجاهزة للعرس
Author: محمد الأمين موسى
Date: 11-10-2005, 04:48 AM
Parent: #1
الفاضلة إيمان أشكرك على الطرح الجميل لإشكالية إشرأبت بأعناقها التي لا تحصى على جيلنا، خاصة من الشباب الذكور الذين اغتربوا وعندما (كونوا أنفسهم) وجدوا نصفهمالآخر كطائر العنقاء، فحرموا من فرصة التعارف التلقائي ولجأوا للترشيحات وإرسال الصور التي فعل فيها الفوتوشوب ما لم يفعله سيدنا علي في الكفار.. والنتيجة عنوسة قصرية تفشت في أوساط الشباب، وصار الشعار: "بفكر في اللي ناسيني وبنسى اللي فاكرني وأدور ع اللي بايعني واهرب من اللي شاريني".. أجدد شكري وأتفق مع فهم الأخ عصام لكتابتك التي تركت نهايتها جانبا ودخلت في مشاريع ومساومات جديدة!! خليكي مع العريس الأول حتى نهاية القصة! تنبيه واستفسار: ما جدوى شيلة بدون Laptop بمواصفات حديثة؟
|
Post: #158
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 11-10-2005, 06:41 AM
Parent: #156
إيمان ... إيمان
ركزي
|
Post: #195
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:33 PM
Parent: #158
الباشمهندس ... البامشهنس
ركز انت
انا عاوزة اشرئب
ايمان
|
Post: #193
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:32 PM
Parent: #156
محمد الامين موسى اها شايفة عدد الفاهمين بدا يزيد والموضوع انا ماسبته وبكتب كل شوية جزء جديد وحسع كتبت 3 اجزاء من الحكاية بس كلها خاتاها في الصفحة الاولى وبالنسبة لموضوع اللابتوب ده هدية عيد الزواج الاولى اها انت داخل المنافسة؟ ولا جيت بس تشرئب بعنقك؟
ايمان
|
Post: #218
Title: Re: اها ياجماعة انا مغتربة ولميت القروش وجاهزة للعرس
Author: محمد الأمين موسى
Date: 11-12-2005, 02:17 AM
Parent: #193
الفاضلة (الفاضل) إيمان (أيمن) نحن أبناء المغرب (خريجو المغرب) لا نميل كثيرا إلى الدخول في مثل هذه المنافسات، بل نفضل الانتظار حتى نحظى بشرف التنظيم - كما يحدث في كأس العالم - لنشارك في التصفيات النهلائية مباشرة ونستفيد من تشجيع الجمهور! والحمد لله الذي حمانا من الكبكبة.. والتحية لبنت الأحفاد عفوا جامعة الأحفاد! هناك عدة أسباب لا تشجع على الدخول في هذه المنافسة: أولا: لقد أكدتي أن الصورة المرفقة ليست صورتك بمعنى أننا نتعامل مع شخصية افتراضية قد تكون إيمان أو أيمن! ثانيا: إشكالية الإنتماء للهلال الذي اعتاد أن يخذل مشجعيه في المباريات الخارجية ثالثا: تأثرك بالرجال في اختيار الشيلة بالطريقة التي لا تراعي طبيعة شريك الحياة وذوقه وما يناسبه. رابعا: شرائك لشيلة أي كلام، متناسية أن ذوق الرجل السوداني ارتقى إلى حد ما وأصبح يهتم بالماركات الجيدة، إذ كان الأجدى أن تدفعي متكفي وتريحي بالك. خامسا: للأسف الشديد لقد هبطت أسهم المغتربين كثيرا، خاصة أصحاب السعودية منهم، ولابد من تقديم إغراءات أكثر! سادسا: النزوع نحو التطليق في السنوات الأولى الذي يستشف من بين سطور ردودك، ونحن قوم نحب الاستقرار.
|
Post: #222
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 02:58 AM
Parent: #218
انتو يامحمد الامين انت ومحمد الامين التاني احمد شنو حكاية ايمن الشبكتوني بيها دي؟ وانت ياخوي مادام طلعت مريخابي اخير امرق انا لامريخاب ولا كيزان مابريدهم وكدي اقرا باقي القصة وشوف التطليق لي فيه حق ولا لا؟
ايمان
|
Post: #234
Title: Re: اها ياجماعة انا مغتربة ولميت القروش وجاهزة للعرس
Author: محمد الأمين موسى
Date: 11-12-2005, 04:07 AM
Parent: #222
الفاضلة إيمان لقد زادت شكوكي بعد الإطلاع على الجزء الرابع، ولم أعد أشك في كونك راجل فقط، بل ربما - والله أعلم - ربما تكوني وكيل من البرمجيات Software Agent. ثم من قال إني مريخابي، ويجب أن تعلمي أن انتمائك للهلال من أبرز الأسباب التي أدت لتدهور العلاقة بينك وبين عريس الغفلة، حيث التعصب الزائد.. وهناك عدم الالتزام بالعهود ونسيانك للميثاق الغليظ، ثم إنك لما لجأتي إلى إخفاء وضعك الحقيقي في السعودية وأغريتي هذا الشاب الطموح بوعودك الزائفة؟ أعود وأكرر: إياك وأبغض الحلال، وقبل أن تنظري في عيوب أخينا أنظري إلى عيوبك، ولربما عندما تصبحوا تلاتة يتغير الوضع، ولا تنسوا أننا نأمل في أن تكونوا لنا منزلة إذا كتب الله لنا عمرة وحجة من غير زوغة! كل التحية والتجلة لك ولقلمك المرهف وربنا يستر الهلال في لقاء الرد وجنبنا الله وإياكم المزيد من الفضائح الهلالية.
|
Post: #164
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-10-2005, 07:51 AM
Parent: #1
يا اخوانا/تنا
الشفقانين العزابه وال2nd hand
انا شاكي انو إيمانووو دي بت سجيمان البتشيل منو الكيس ديك Fo FO بس شربت الدواء كلو
إيمان ما تكترثي بي رشاقاتنا دي
جادين في طرح البوست دا وماشين معاك على السطر وبين السطور
علا الخواجه البتتكلم عنو خيتي بت الأحفاد ده أدوهو لي أوسلي أخوي ده يطهروا مع وليداتو
|
Post: #196
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:35 PM
Parent: #164
ياخوي اوسلي شنو البيدوهو خواجة لي وليدو؟ اوسلي ده يلموا وليداتو علي بت سجبمان ده عشان يبقى نسيب ام الخير وعديل سجيمان وراجل بتو اها فهمت شئ؟
ايمان
|
Post: #176
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-10-2005, 08:17 AM
Parent: #1
Quote: صديق الموج شايفاك جريت واطي وبيني وبينك انا بيعجبني الراجل البيجر واطي ووقت اصلك مشيت الكورس بتاع الكمونية اعمل معاك كورس كوارع وبنتظر تلفوناتك
ايمان |
ايمان ما معقول خايف اظبط الكوارع تقولى لى النيفة كيف اخلص نيفة تقولى
الربيت كيف ...لكن اقول ليك لى شوربة الجلد معاك فى شنو تانى؟؟
|
Post: #178
Title: Re: اها ياجماعة انا مغتربة ولميت القروش وجاهزة للعرس
Author: Kostawi
Date: 11-10-2005, 08:42 AM
Parent: #176
البت طلعت هلالابية يا مرزوق....زوق
|
Post: #198
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:40 PM
Parent: #178
كوستاوي هلالابية لامن بصبغ شعري كحلي وابيض واخوي شقيقي لعب في الهلال وفوق فوق هلالنا فووووووق
ايمان
|
Post: #197
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:37 PM
Parent: #176
صديق الموج شايفاك كنكشت وبمناسبة الكنكشة دي ماتنسى الكنش (بضم الكاف) عشان راجاينا عواسات رمضان حلومر وابري النشوف كنكشتك دي حدها وين
ايمان
|
Post: #180
Title: Re: اها ياجماعة انا مغتربة ولميت القروش وجاهزة للعرس
Author: بلدى يا حبوب
Date: 11-10-2005, 10:22 AM
Parent: #1
ايمان صالح
Quote: وون مان شو الهلال رشو [/QUOTE تعرفى يا ايمان حرم علشان جبته سيرة الهلال انا جاهز تحياتى
|
Post: #181
Title: Re: اها ياجماعة انا مغتربة ولميت القروش وجاهزة للعرس
Author: saif massad ali
Date: 11-10-2005, 11:28 AM
Parent: #180
ايمان انا لي سنين عزابي في البيت و انت من زمن ام الروضة, عليك امان الله ابوي منتظرني ليهو زمن بس وحاتك كابي الزوغة من الفلم ده تاني
|
Post: #199
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:41 PM
Parent: #181
سيف مساعد ام الروضة دي نعلها الخواجية؟ سمح ياخوي وقت ابوك راجيك ماتدق صدرك وتخش المنافسة امكن تطلع ليك بطاقية
ايمان
|
Post: #190
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:25 PM
Parent: #180
بلدي الحبوب مالها مداخلتك دي عوجت لي البوست كدي؟ الرسول فوقك تدخل تصلحها وتشيل لي اللخبطة السويتها دي
ايمان
|
Post: #203
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن عزّاز
Date: 11-10-2005, 01:54 PM
Parent: #190
الأخت...... إيمان بهدلة شديدة، الناس كشفت الأعمار المغتغتة والجرسة بدأت.. وصلينا النهاية،، فترنا من المتاوقة وإن شاء الله المس كول بتاع أمس ما تكونى إنت ... لو إنت حاولى تانى
|
Post: #208
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 02:10 PM
Parent: #203
والله قاعدة اكتب ياعبد الرحمن في الجزء الرابع بقيت زي اسامة احمد عكاشة لكن زحمة الناس مامدياني فرصة والايميلات بقيت ماقادرة اقراها من كترتها سمح العرسان وقت كتار كدي ليه بيقولوا البنات قاعدات يبورن؟ كدي الرجال ديل اليروقوا لي حبة عشان نخلص من الموضوع ده
ايمان
|
Post: #202
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-10-2005, 01:54 PM
Parent: #1
Quote: صديق الموج شايفاك كنكشت وبمناسبة الكنكشة دي ماتنسى الكنش (بضم الكاف) عشان راجاينا عواسات رمضان حلومر وابري النشوف كنكشتك دي حدها وين
ايمان |
يهوووووووا البنية اقتنعت
يلا يا شباب البوست ده قفلناه
والمزاد رسى على...انا الكنكاش..الما عندى كاش ..ابو الزفت،،،،
|
Post: #205
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 01:58 PM
Parent: #202
عاد جنس خفتكم دي يعميني انت ياالموج النسألك زمان قبال اشترك دحين ماكان عندك صورة بي نضارات كدي ومبتسم؟ اياك انت؟ ولا انا تشابه علي البقر؟
ايمان
|
Post: #204
Title: Re: اها ياجماعة انا مغتربة ولميت القروش وجاهزة للعرس
Author: كوليل
Date: 11-10-2005, 01:55 PM
Parent: #1
أها بثيتى على شنو؟
|
Post: #206
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 02:03 PM
Parent: #204
أها بثيتى على شنو؟
دي نعلها بقيتي على شنو؟ الهضربة فوقنا شنو براحة يابوي اسم الله عليك
ايمان
|
Post: #207
Title: Re: اها ياجماعة انا مغتربة ولميت القروش وجاهزة للعرس
Author: showgi idriss
Date: 11-10-2005, 02:09 PM
Parent: #206
أيمان الرجالة تطييير ..تقع في الزير داير لي عروسة بالمواصفات أعلاه.. ما نى طماع فيظة راعى وبش!!! ومتخسس عصيدة دخن وسلتات.. والغسيل علي (المكوة) عليها.. دي الحاجة الوحيدة الما اتعلمتها.. ممكن آخدِ كورس لو سمحت لي..ظروووف دوامينها... قصرنا؟؟؟
|
Post: #209
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-10-2005, 02:13 PM
Parent: #207
شوقي ادريس والله ماقصرت اصلك راجل واضح وكلامك دغري ومافوقك عيب لكن كدي اتكلم مع صديق الموج وبراحة براحة مايقد ليك عينك الراجل شايفاه بقى يطرد في الناس
ايمان
|
Post: #210
Title: Re: اها ياجماعة انا مغتربة ولميت القروش وجاهزة للعرس
Author: nasmah1981
Date: 11-10-2005, 02:20 PM
Parent: #207
قرعتي والله ملقيها
القلب شيلتها القناعة و القيم النبيله والأصاله
بتقدرن علي كدي انتي ونسمة وبت الأحفاد?
البتقدر فيكن تديني رقم ابوها فى المسنجر
وكان ما عندكن قدره عاد خلو قلبي ده يدق
انا قلبي بدق قلبيييي
تظلمني لييييه ياجميل ماليك حق والله سعد شكله من البعرسو بالصور ...كان كدة انت جاهز لمتطلباته? البنت البتوافق تعرس بالطريقة دي تفتكر بتوافق عليك عشان خاطر سواد عيونك ولا عشان وقعت في دباديبك أول ما شافت صورتك زي ما بيقولوا أهلنا المصريين؟ وأوعك تسألني دباديب يعني شنو لأني أنا ذاتي ما عارفاها اها حسه شوف ايمان أول ما قالت عرضها ده شوف الشباب اتكبكبو كيف ونسو أي شروط كانوا بخوتوها في الحالات العادية لما كانوا هم أسياد الموقف ....برافو يا ايمان...غايته يا سعد شيلني أنا من ليستاتك شوف الباقيات...الدلاقين بتتقطع زي ما بيقولوا والدايم معاي الراجل الجابهم لي والكان اختياري له من خلالهم...فلو طلع مافي توافق يبقي يا حليلي ويا حليل الاتقطعو ...وبقى على المثل البقول يا ماخد .....على ماله ,يروح المال ويبقى ال......على حالهlooooooooooooool قرعتي والله ملقيها
القلب شيلتها القناعة و القيم النبيله والأصاله
بتقدرن علي كدي انتي ونسمة وبت الأحفاد? أي بقدر بس ....وخت تحت بس دي عشرة خطوط لكن عافية عنك يا ايمان لعبتيها صح
|
Post: #211
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن عزّاز
Date: 11-10-2005, 02:30 PM
Parent: #210
يعنى يا إيمان طنشت موضوع المس كول ما عاوزاهم يعرفوا.. خلاص فهمت
|
Post: #224
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 03:02 AM
Parent: #211
ياعبد الرحمن مس كول شنو ياخوي هو التلفون وقطعناه
ايمان
|
Post: #214
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-10-2005, 06:34 PM
Parent: #210
نسمة هووووووي
Quote: سعد شكله من البعرسو بالصور ...كان كدة انت جاهز لمتطلباته? |
صورة شنو يا بتي..?
احنا كان بنعرس بصورة كان رجيناكن?
Quote: Quote: بتقدرن علي كدي انتي ونسمة وبت الأحفاد? |
أي بنقدر بس ....وخت تحت بس دي عشرة خطوط |
بس شنو
وبعدين سواد عيون منو وطولة براطيم شنو!
انا شروطي اتفقت مع كلام القلب الفوق دااااك
هي زاااتا العروس لمن خجلت وابت الجيه لكن برجااااااااااااااااكي
شروطنا القيم السودانيه النبيلة والقناعه والأصاله
وبعد داك لييها عيوننا اكان عايزه..
أها الموافقه تقول خير وتجيب رقم الوالد عشان نتكلم معاهو في التفاصيل
كان بالضرا واكان هنا
جادييييين
يا قلب
انتي مرتبـطه وللا علا قيد الحياة ?
|
Post: #225
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 03:03 AM
Parent: #214
سعد الدين انت ياخوي كدي حدد مواقفك مرة تقول نسمة ومرة تقول كلام القلب النابض بيتفق مع شروطك قادر الله البقت عندك شروط اها طيرت لي القلب من البوست وارتحت؟
ايمان
|
Post: #223
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 03:01 AM
Parent: #210
نسمة الرسول شفتي الرجال ديل الكبسيبة المسوينها؟ انا بقيت افتش على المداخلات بي تلاتة كمبيوترات في الغرفة وبعد ده مالاحقة ارد عليهم كلهم ياختي اخير نمرق مايخنقونا
ايمان
|
Post: #252
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 05:50 AM
Parent: #210
اها دي القصة كااااااااملة
أول شئ عملته بعدما كملت الجامعة فكرت في الإغتراب لأني عارفة وراي حاتكون هموم الحياة والعرس وتكوين اسرة وتربية عيال، اها جيت السعودية واشتغلت شغل السواد وجريت جري الوحوش ولميت الريالات وحسع مستعدة للعرس.
رسلت لي ابوي يجهز العريس وقال لي اصلو دي مامشلكة يابتي عشان الاولاد راقدين ومالاقيين عروس تمرقهم من هموم الدنيا بس انتي جهزي شيلة العريس، اها قمت مشيت سوق باب شريف وماخليت شئ، خمج شديد، اشتريت شيلة العريس من جلاليب وعراريق وطواقي للعريس وون مان شو الهلال رشو ولي الافترشيف وأمواس ومعجون الحلاقة جبتهم.
ضربت لي ابوي وقلت ليه اها انا جاهزة انت لقيت العريس؟ قال لي انتي كان جيتي ومشيتي ليك عرس وااااحد بس بتلقي ليك عريس ود ناس ومؤدب ومستور، قلت ليه يابوي انا مابقدر اجي انتو شوفوا الولد وكان لقيتوه رسلوا لي الصور وانا كان عجبني بديكم رايي وانتو تعقدوا من هناك وترسلوه لي وانا في المطار بعرفه بالصور.
اها رسلوا لي صور لي كم ولد من اولاد الحلة ورشحوهم لي قالوا اولاد ناس ومن الجامعة للبيت ومن البيت للجامعة وهديين ورضيين ويومهم كله في المطبخ بيساعدوا في ابواتهم ومابيمرقوا من البيت الا مع اهلهم، المهم لقيت الأولاد صورهم حلوة ولابسين لبس حشمة فاخترت منهم اتنين وقلت لي اهلي اسالوا من اهلهم ولو عاوزين يكملوا قرايتهم قبل العرس وكده.
قالوا واحد من الاولاد قال ماعندو مشكلة موافق على العرس وممكن يواصل الدراسة وهو عريس، وانا قلت ليهم انا مابتوقف في الموضوع دا وبديه كامل حريته عشان يواصل دراسته ولو جبنا اطفال بساعده في تربيتهم وفي شغل البيت من طبيخ وغسيل عدة لحدي مايكمل دراسته رغم ظروف الشغل هنا دوامين وجري وبجي البيت هلكانة.
المهم ادوني تلفون اهل الولد قالوا عشان اتعرف بيه وفعلاً اتصلت بوالدته ووالده وسلمت عليهم وقلت ليهم عاوزة اتكلم معاه لو ممكن، قالوا لي والله يابتي نحن مابنحبذ المسألة دي خالص لكن انتي بت ناس واهلك ناس سيرتهم سيرة محترمة فبنديك تتعرفي بيه .
انا طبعاً لقيت الولد ده سمح شديد في الصورة وقلت اركز عليه هو عشان ده اهم شئ طبعاً، عشان مااجيب لي راجل يضحك فوقي الناس ويقولوا بعد فصاحتها دي كلها وفلسفتها دي مشت عرست ليها راجل وشو ينعل قفاه، فقلت اشوف طريقة كلامه واسلوبه عشان مايكون كمان تور الله الانطح ويضحك فوقي الناس.
اتكلمت معاه وانا شايلة صورته واعاين لي سماحته واقول ليه في الكلام السمح واغازل فيه، صوتك حلو، عيونك جميلة، انا من زمان بحلم براجل سمح زيك كده، وهو همه كله في القراية ويسأل فيني، انتي متأكدة موضوع اني اكمل دراستي دا مامشكلة بالنسبة ليك؟ وانا طبعاً بيني وبينكم ناوية ليه على نية، قراية شنو كمان البيكملها؟ انا بس قلت اتم الموضوع باي شكل ولما يصلني هنا بعرف امشيه على مزاجي زي ماكل النسوان بيعملن.
قلت ليه بالعكس، انا من انصار انه الولد يكمل دراسته قبل الزواج وحتى لو اتزوج يكمل دراسته وعشان كده انا ذاتي حااساعدك واقيف جنبك بس انت اهم شئ هسه تقول لي رايك عشان انا مستعجلة شوية في موضوع العرس ده، واحتمال ينقلوني لمدينة تانية ووظيفة جديدة فعاوزاك تكون معاي عشان نختار عفش بيتنا وحاجاتنا كلها مع بعض، ولا انت رايك شنو؟
قال لي والله انا من حيث المبدا ماعندي مانع خصوصاً اني عرفت انك من عائلة كويسة ووظيفتك في السعودية محترمة وانك مع فكرة اكمال تعليم الرجل دي، وكمان عرفت انك جاهزة من كل النواحي واظن ده بيوفر علينا وقت طويل، فماعندي مانع.
قلت ليه خلاص انا بتكلم مع امك وابوك وبتصل باهلي برضو عشان يكملوا المسائل دي بسرعة عشان اقوم اعمل ليك اجراءات الاستقدام عشان بتاخد ليها زي شهرين تلاتة كدي وبتصل بيك عشان نتفق على التفاصيل، يلا اديني الوالدة اتكلم معاها، قال لي كويس واداني امه وسمعت صوته بيتكلم مع ابوه وبعد شوية سمعت صوت زغرودة من ابوه وفهمت انه فرح عشان ولده وافق.
المهم قلت لي امه تتصل بي امي عشان التفاصيل عشان انا مستعجلة، وقفلت منهم واتصلت بي ناس بيتنا وقلت ليهم شوفوا انا ماعاوزة جوطة وصرف في الفاضي انا برسل ليكم الشيلة دي وتشوفوا ليكم اي ولد من اولاد الحلة يغني في حفلة دكاكينية كده وتتموا الموضوع باي طريقة سريع سريع ولو حسيتوا انه اهل العريس عاوزين يبالغوا وروهم اني عندي كم زول اترشحوا لي واني مستعجلة.
وفعلاً اهل الولد طبعاً حسوا اني عروس لقطة وخافوا الولد يبور وسدوا دي بي طينة ودي بي عجينة ورضوا بالمقسوم وعقدوا في صمت وبدون صرف، رغم اني كنت سامعة من اخوي انه الولد كان بيحلم بجلابية زفاف وسيرة وزفة ورقيص عريس زي حق عمر البشير البيعملوا داك، لكن في النهاية رضى بالمقسوم واتوكل على الله وقال اخير اعرس ولا اقعد احلم واطير العروس خالص من يدي واقعد اندم زي اولاد كتيرين.
اها بعد مااتفقنا على التفاصيل والاهل رضوا بالمقسوم حددنا التواريخ للعقد وقلنا حفلة الدخلة ممكن نعملها في وقت تاني لمن الظروف تسمح. ورسلت ليهم توكيل من قنصليتنا في جدة بعدما سلوا روحي وحققوا معاي التقول مجرمة مازولة بدفع ضرائب وبطلب عمل شئ من ابسط حقوقي كمواطنة.
الجماعة في السودان عملوا العقد وبقيت عروس رسمي بس ماشعبي وسكيت موضوع الاستقدام عشان اجيبه السعودية، وطبعاً مع الجري الشديد والصرف والمشغوليات بقيت مابقدر اتصل كتير، اها هو بقى يتصل ويقول لي مالك انتي بقيتي مابتتصلي ومابتقولي لي كلام حلو زي الكنتي بتقوليه لي ايام التعارف؟ ومالك بقيتي مابتشتاقي لي؟ وقدر ماحاولت اشرح ليه الظروف كان بيقول لي برضو مهما كانت الظروف يعني اكيد بتلقي ليك خمسة دقايق تتصلي بي فيها.
اها انا بيجاي قمت فتشت لي شقة براي عشان كنت ساكنة مع مجموعة طبعاً ولقيت لي شقة من غرفة وصالة وحمدت الله عشان الايجارات هنا مرتفعة شوية لو البيوت كبيرة، ومشيت الحراج محل بيع اغلب الاشياء المستعملة اشتريت لي عفش معقول وفرشت البيت بما تيسر، وقلت اخلي عدة المطبخ لمن هو يجي عشان يختار براه الشئ البناسبه.
المهم مرت فترة الاستقدام وادوه الفيزا وقطعت ليه التذكرة بالخطوط السودانية ناقلنا الوطني لانها ارخص من الخطوط السعودية طبعاً وحجزت ليه واخيراً جات لحظة اللقاء المنتظر وشلت الصورة وحفظت تقاطيع وشه سممممممح ومشيت المطار، بقيت اعاين لوشوش القادمين زي الرايح لي شئ واقول بري ده ماهو ده ابيض وده اسود، ده طويل وده قصير، لغاية ماشفت الجلابية واللبسة بتاعة باب شريف المابتغباني وعرفته ده زولي.
رفعت ليه يدي من وسط الناس وشفته مسكين مع الخجل وشيل الشنطة كل شوية الشال يقع من كتفه ويخت الشنطة يقيف يرفعه في كتفه ويصلحه ويدنقر يجر الشنطة تاني، لمن وصلني وسالمني وسالمته وباركت ليه قلت ليه مبروك علي انت، ضحك بي خجل وقال لي الله يبارك فيك، ومرقنا من المطار وركبنا لينا ليموزين على قولة ناس السعودية واتجهنا على الشقة.
جينا البيت وبدينا اخيراً الحياة الزوجية الكاسرين الناس رقبتهم عشان يعيشوها، زارونا زميلاتنا في البيت وبعض السودانيين المعارف والجيران وباركوا لينا، ومشينا السوق اشتريت العدة للمطبخ والملايات واكياس المخدات والذي منه، وبدينا النقنقة من اول ايام في السوق يقول لي الحاجات دي ماسمحة وحاجات رخيصة وهايفة ساي ولو في مراده يشريني الحاجات الغالية السماها اصلية.
بعد اسبوع قعدة في البيت ولاحظوا انا ماعندي اجازة اها قمت نزلت الشغل وبقيت كل مااجي البيت من الشغل القاه بس قاعد يتبكى اها انا انخلع واقول الحصل شنو ياربي ولما اساله يقول لي مافي شئ ولما اقول ليه مافي شئ كيفن مالك بتبكي؟ يقعد يقول لي انا بس كنت متخيل نقعد مع بعض اكتر شوية قبل ماتنزلي الشغل، ومرات يقول هو بس عشان مافارق اهله خالص من صغير ومشتاق ليهم ومرات يقول حاسس اني بعيدة منه.
اها انا بقيت ازهج من جنس الدلع ده ومااستحمل كل يوم بكاء ودموع ودلع وقلة ادب وبقيت اقعد احاول افهمه اني ماعندي اجازة عشان اقعد معاه في البيت اكتر وانه الشغل هنا مابيرحم وانه مفروض يتبسط عشان انا قعدت معاه اسبوع كامل في البيت، وافهمه انه الحياة كده وانه مفروض يستحمل بعده من اهله ويتفرغ لحياته الزوجية، وافهمه برضو انه انا مابعيدة منه.
البيت بقى يزهج من النكد والموبايل كرهته من كترة اتصالاته بي والسؤال، اها جاية متين؟ ماممكن نطلع لما تجي راجعة البيت؟ ممكن تجيبي معاك الشئ الفلاني؟ المكيف ده فوقه مشكلة، الخ... كرهت حياتي من اول شهر وكرهت العرس القايلاه بيريح بالي، وبقيت اجي القاه بس ماسك التلفون، يابيتكلم مع واحد من ازواج السودانيات الهنا الدخلوا علينا وبقوا اصحاب متين مابعرف، ياالقاه ضرب لي اهله يتونس معاهم.
النصيحة انا زهجت من الدلع ده وفصلت تلفون البيت عشان الفواتير كمان ماتعمل لينا هم جديد، وطوالي سالني التلفون ده ماله كضم؟ وقلت اتكلم معاه عشان يفهم الظروف كان يخلي الدلع وعدم المسئولية ده شوية. اها قعدت معاه وقلت ليه التلفون مابنقدر على فواتيره عشان كدي انا قطعته وانه البلد دي مابلد ابوي واني جيت واغتربت عشان نصلح ظروفنا ونرجع بلدنا، وانه لازم يخلي الكلام الكتير في التلفون ده.
قعد يرمي في دميعاته ويقول لي دي ماحياة اصلها وانه بيصحى معاي الساعة خمسة الصباح وانه بعد ماامشي الشغل بيقوم ينضف البيت كله وده بياخد منه وقت طويل وبيغسل العدة والهدوم وبيبدا في عمل الغدا عشان عارفني برجع البيت زي الساعة اتنين وبمرق تاني لدوام المساء زي الساعة خمسة، وانه لما يخلص من الحاجات دي بيكون زهج من الوقفة طول اليوم ومافي زول ينضم معاه كلمة واحدة وقعدة البيت ليه براه بين اربعة حيطان قال حارة شديد عشان كده بيتكلم مرات في التلفون.
وقال ماهو البيضرب كل المرات وانه مرات راجل فلانة هو البيضرب ليه وبيتونسوا، وانه ماقاعد يضرب لي اهله الا مرة واااااحدة كل اسبوعين وبقينا في غلاط انا اقول ليه هسه انت يوم الجمعة الفات ماضربت ليهم وهو يقول لي ااااي لكن ده ماعشان ابوي كان راقد عيان وغلاط ونقة وكل مانتناقش يقول لي حسع انتي مالك بتكوركي فيني؟ والله بيني وبينكم كرهته وكرهت وشه وبقيت كان في طريقة البيت ذاته مااجيه بين الدوامين من عيشة النكد دي وعدم الفهم وعدم الاحساس ده.
اها بعد داك دورنا اسطوانة جديدة وانا قلت اكيد دي من راس راجل فلانة ، بقى يقول لي انتي قلتي انا ممكن اواصل دراستي وانا اقول ليه انا قدمت اوراقك وراجية الرد والناس ديل مابيردوا بالساهل اخير تصبر، اها بقى يقول لي خلاص طيب انا عاوز ذاتي اشوف لي شغل عشان قعدة البيت صعبة وعشان اساعدك انتي ذاتك. واريته ماقال الكلمة دي خلاني انفجر واطلع الحابساه جواي كله من زهجي منه.
قلت ليه والله ياها دي الفضلت انا اتعب اليوم كله في الشغل واجي البيت عشان اخت راسي وارتاح ساعتين واكل لي شئ قبل ماامرق تاني اها اجي كمان القاك انت شغال ولا بتقرا وسايب البيت لا نضافة لا اكل اصله هي القصة كان كدا انا معرساك ليه؟ اسمع ياراجل من الليلة تشيل من راسك فكرة الدراسة دي خالص وماعاوزاك تاني تقول لي عاوز تشتغل واهلك واصحابك ديل كان هم البيملوا ليك راسك بالافكار دي ذاتك تاني ماتتصل بيهم الا مرة في الشهر وقدامي.
اها من اللحظة الوريته فيها العين الحمراء كترت الدموع لكن بقى مابيقول لي اصله بيبكي ماله، بقى الكلام بيناتنا ذاتو بالقطارة وريحني بيني وبينكم من النقنقة ووجع الراس لكن كمان انا المسخرة وقلة الادب مابتنفع معاي كيفن يعني يقعد ساكت وكل ماسالته سؤال يرد علي من طرف نخرتو زي الانا خدامة عنده؟؟
اها اقروا الكلام ده واحكموا براكم على البقت علي انا القلت ارتاح بالعرس وانتظروا اكتب ليك الجزء الجاي وشوفوا جنس الظلم الاتظلمته.
اها بعد الكلام ده كله بقت اسطوانة داير اقرا اسطوانة يومية وانا زولةً عنيدة وعشان كدي اي زول راسه قوي وداير يمشي كلامه ورايه علي مابينفع معاي اصله فقفلت ليه كل الابواب دي وقلت ليه تاني لو قلت دراسة ماتلومني في اي تصرف. اها ضربت لي امه وقالت لي الولد ده قال في بيناتكم شوية عدم تفاهم يااولادي، والحياة دي محتاجة صبر وخصوصاً انتو في الغربة. قلت ليها شوفي ياحاجة لو ماعاوزاني اتلوم معاك ارجوك تاني ماتتدخلي في امور حياتنا الشخصية وزهجت منها وقفلت ليها الخط في وشها من الزهج.
اها اليوم داك ماخليته ينوم من الدروس الاديتها ليه عشان بيحكي بامور حياتنا للناس، وقال لي انا ماحكيت لي زول غير امي والسبب انك اصلك مابتسمعيني وانك زولة متسلطة وانا لو عارف حياتنا كده ماكنت اتزوجتك، وهسه نحن ناس متزوجين لينا شهور اصلك وقت مادايراني اكمل دراستي ولا رضيانة اشوف لي شغل ليه ماحصل قلتي لي دايرة اولاد ولا مادايرة. قلت ليه اصله موضوع الاولاد ده ماتتكلم فيه تاني، انا جيت هنا اكون نفسي ومامتفرغة هسه لصرف على اولاد ولا لتربية اولاد، بس والبكاء بدا.
طبعاً بعد ده بقى ده موضوعنا الجديد الاولاد والولادة وطوالي في لحظة زهج من النقة قلت ليه لو عاوز اولاد امشي الديهم انت براك، ومن اليوم داك بقينا لا انا لا هو طايقين وشوش بعض، وبقيت اقضي يومي كله بره ولما اجي البيت بس اقرا الجرايد، لامن يوم جيت البيت لقيته قال عاوز يرجع السودان وعاوز الطلاق وطوالي بدون ماافكر مشيت قطعت ليه تذكرة السفر للسودان الدايره ده وحجزت ليه وسفرته في ظرف ايام.
اها ولي حسع اهله يضربوا لي في التلفونات عشان نتم الاتفاق على موضوع الطلاق وبقيت مابرد عليهم ذاتي ومخلياه معلق ماعارف روحه لسع معرسني ولا طليقي ولا يسمي روحه شنو، وانا مافارقة معاي وقت اصله الموضوع بتاع العرس ده موضوع شراء وبيع اها لميت القروش تاني وحسع خلاص دايرة اشتري لي عريس جديد غيره.
يلا ياجماعة الحشاش يملا شبكته.
ايمان
|
Post: #215
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-11-2005, 01:36 PM
Parent: #1
يمين ولاااا هببو لي
نتجارى بالضرا عاد!
وللا اخت رقم ابوي?
|
Post: #217
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-11-2005, 04:21 PM
Parent: #1
الخطوط انقطعت يا أخوانا وأنا حارس الماسنجر
لكن كان أبيتني خلاص
بمشي بفتح مكتب في إحدى الدول الآسيويه لتسهيل الزواج...مع عرض مغري جدا لأزواج السودانيات خصوصا الخواجات
|
Post: #226
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 03:05 AM
Parent: #217
الماسنجر ياسعد الدين خجلت افتحه من كترة الرجال اللقيتهم واقفين انا المستغربة ليه بيقولوا في عزوف عن الزواج سمح الكبسيبة دي فوق كم؟
ايمان
|
Post: #227
Title: Re: اها ياجماعة انا مغتربة ولميت القروش وجاهزة للعرس
Author: اشرف السر
Date: 11-12-2005, 03:21 AM
Parent: #1
ايمااااااااااااااااااااااااااااااان
والله بوستك دا.. جهجهة ناس كتيرين... وطلع لينا حاجات كتيرة جدا من ناس مختلفين جدا...
Quote: ضربت لي ابوي وقلت ليه اها انا جاهزة انت لقيت العريس؟ قال لي انتي كان جيتي ومشيتي ليك عرس وااااحد بس بتلقي ليك عريس ود ناس ومؤدب ومستور |
اكن مسكتي في كلام ابوك عوجة تب ما بتجيكي
|
Post: #228
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 03:32 AM
Parent: #227
مسكت في كلام ابوي يااشرف السر وماجاني شئ غير العوجة ذاااااتها كدي اقرا باقي الموضوع
ايمان
|
Post: #230
Title: Re: اها ياجماعة انا مغتربة ولميت القروش وجاهزة للعرس
Author: عبدالماجد موسى
Date: 11-12-2005, 03:47 AM
Parent: #228
الأخت / ايمان تحيه وسلام والله الموضوع شيق وجميل بس فى حاجات مهمة انتى نسيتيها.. وين الدش البجيب المسلسلات المكسيكية التستمر خمس سنوات والديجيتال والأفلام الماسمع بيها وشرايط المصارعه القديمه وأجهزة الهاى فاى وأغانى زمان البكت المغتربات والعزابيات سنين طويله , الحاجات دى يا ايمان كان تخفف للعريس كتير وتشغلو فى أوقات فراغو وبعد شهر أو اتنين تلقيهو بقى زى خروف العيد القومه تغلبو ويقند فى كل حركه تقول شايل كبسه فى راسو , وما تنسى كمان تعلميهو لعب الكتشينه عشان فى أوقات الفراغ لو ما لقيتى واحده من صاحباتك تلعبى معاها يفرق ليك .
|
Post: #232
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 04:00 AM
Parent: #230
الاخ عبد الماجد سلام
هسه الرسول فوقك اصله ده عرس ولا انا عاوزة افتح لي ميديا سنتر؟ ياخوي بين البايع والشاري يفتح الله ووقت اصله العرس بيع وشراء يفتح الله وانا مابعلم لي راجل كوشتينة عشان بكرة يحميني المرقة للشغل ويقول لي اقعدي معاي نلعب لينا عشرة ويست ولا حريق
ايمان
|
Post: #233
Title: Re: اها ياجماعة انا مغتربة ولميت القروش وجاهزة للعرس
Author: عبدالماجد موسى
Date: 11-12-2005, 04:05 AM
Parent: #232
طيب يا ايمان وكتين ماعايزه تعلمى الكوتشينه حارماهو المسلسلات المكسيكيه ليه ؟!
|
Post: #235
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 04:13 AM
Parent: #233
هيي ياعبد الماجد قالوا الفتنة نايمة نحن تلفزيون ذاتنا ماعندنا ليه وقت والرجال يلقوا يدهم بي وين مع الخدمة؟
ايمان
|
Post: #237
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-12-2005, 04:16 AM
Parent: #230
Quote: بنت الأحفاد الجاده
احترامي
ما بطاطس ولا بطيخ
لكن القلب فااااااااهمه بس
ولمن لميتكن كدي ما حقاره مني لكن على وزن الجاهزة تقول خير
واحنا ناس عرس بالحيل.
اها هسه كان حددنا وقصدتك انتي
ومهرك يكون حجه بتقبلي وللا كلامك كلو فصاحه ساااي
CV!
?ليييييه مقدم اوراقي لقنقليسةرايس? |
سعد الدين أخوى
جهجتك ده مابتنفع معانا
مره القلب ومره نسمه ومره أيمان ومره بنت الاحفاد
أنت ماعارف عايز مين بالضبط
ولا أحتمال عايز الجاهزه فينا زى مابتقول
لو على الاستعداد للزواج انا ممكن اتزوج بكره ده وماعندى مانع اما لو عن الناحيه الماديه فده تستنى عشره سنين اكون أشتغلت وكونت نفسى, ودخلت فى سن الخامسه والثلاثين(سن الرشد)
لكن جنس جهجتك ده مابتنفع معانا
والواحد الما بكون محدد عايز مين من البدايه ما بنفع معانا
يعنى ماممكن أقبل بواحد عايزنى عشان لقانى الوحيده الجاهذه ولا الوحيده المامرتبطه
البقبل بيهو لاذم يكون عندو خيارات وساب الخيارات ده وجانى أنا ده بس البرضى غرورى
مش اكون انا The only option available to him
ده كلام ما بنفع معانا ونحن دايرين ناس يكونو شاريننا بالجد
عشان نحنا نكون شارينهم برضو
Quote: اها هسه كان حددنا وقصدتك انتي
ومهرك يكون حجه بتقبلي وللا كلامك كلو فصاحه ساااي |
العرض بتاعك مغرى جدا ومسكتنى من الايد البتوجعنى زى مابقولوا...لكن ما بالطريقه ده
وشكرا على الأوفر anyway
وفى امان الله
لا اله الا الله
|
Post: #239
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 04:28 AM
Parent: #237
سعد الدين أخوى
جهجتك ده مابتنفع معانا
مره القلب ومره نسمه ومره أيمان ومره بنت الاحفاد
عفيت منك يابت الاحفاد الراجل لخبط لي حساباتي
ايمان
|
Post: #236
Title: Re: اها ياجماعة انا مغتربة ولميت القروش وجاهزة للعرس
Author: محمود بكر
Date: 11-12-2005, 04:14 AM
Parent: #1
الاخت ايمان عيد سعيد وعمر مديد (وزاج مبارك)
الموضوع قديم ومعروف الاان اسلوبك الشيق اضفى عليه جديد والجديد هو هل زيجات المغتربين لازالت تتم بهذه الصورة اذا كان الامر كذلك فالمسالة تحتاج من ساكني هذا البورد وخاصة العزابة تناول جاد وطرح كيفية زواج المغترب او المغتربة على بساط البورداكرر الشكر لهذا الاسلوب الشيق الجميل
|
Post: #238
Title: Re: اها ياجماعة انا مغتربة ولميت القروش وجاهزة للعرس
Author: عبدالماجد موسى
Date: 11-12-2005, 04:27 AM
Parent: #236
ايمان أنا مصر على التلفزيون انتى اشتريتى الشيله بى كم ألف والتذاكر بى كم ألف والحفله الدكاكينيه بى كم ألف غالبك تمشى الحراج وتجيبى تلفزيون بى صحنو وريسيفرو كلو مابكلف خمسين ريال مع التركيب , طيب منعتى العريس من التلفون والقرايه والجيران والشغل ومنعتيو من الدموع الرخيصه دى .. ليه بس يا ايمان ليه حرام والله ده حرام الله ماقال كده
|
Post: #254
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 06:06 AM
Parent: #238
النبي ياعبد الماجد التلفزيون اجيبه اشوف فوقه منو؟ اشوف (دكتور) حمزة عوض الله؟ لا اخير لي كدي ياخوي بدون تلفزيون
ايمان
|
Post: #241
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-12-2005, 04:33 AM
Parent: #236
محمود عيدك مبارك تسلم على كلامك وياخوي البيحصل في الاعراس مابيتوصف انت اظنك نايم في العسل وماجايب خبر
ايمان
|
Post: #240
Title: Re: اها ياجماعة انا مغتربة ولميت القروش وجاهزة للعرس
Author: JAD
Date: 11-12-2005, 04:32 AM
Parent: #1
الأخت إيمان صالح ..
كل عام وأنت بخير ..
رواية جميلة كسرت بيها رتابة الكتابة في المنبر ..
على العموم كملنا دراستنا وكدا .. وما لقينا شغل ولا عاوزين نشتغل ..
واصلي متابعين ..
جاد
|
Post: #255
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 06:06 AM
Parent: #240
جاد ازيك ياخوي وشكراً اها القصة تميناها كدي النشوف كان لسع واقفين في الصف ولا اتفرتقتوا
ايمان
|
Post: #242
Title: Re: اها ياجماعة انا مغتربة ولميت القروش وجاهزة للعرس
Author: nada ali
Date: 11-12-2005, 08:14 AM
Parent: #1
الاخت ايمان،
تحية طيبة، و مرحبا بك هنا
قلتى لى اشتغلتى شغل السواد؟ موضوع هام تناولته بطريقة طريفة
ندى
|
Post: #256
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 06:08 AM
Parent: #242
دكتورة ندى سلام وشكراً على الترحيب وحياتك اشتغلت شغل السواد والرماد يادكتورة وتسلمي
ايمان
|
Post: #243
Title: Re: اها ياجماعة انا مغتربة ولميت القروش وجاهزة للعرس
Author: Emad Abdulla
Date: 11-12-2005, 10:24 AM
Parent: #1
لا إلاااااااااااااااااا
الكترابه ... العجاجه شنو ؟ ( السمبر ) ده كلووووووو عملتي ليهو موية سكر ؟
لا إلاااااااااااا .. شُغُل 3150 سمبريه ؟.. ( أنا الـ 3151 ) أفتحيها محميه طيور يا إيمان ..
أبشرك قلوا زكمة الطيور حاااااايمه الأيام دي .. غايتو بس أكتمي نفسك ساكت واركزي ..
|
Post: #257
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 06:09 AM
Parent: #243
عماد العجاجة خلعتني انا في روحي دي انا كان عارفة العرس ده بيلم جنس الخلق دي كنت جبت ناس السواري
ايمان
|
Post: #244
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-12-2005, 12:25 PM
Parent: #1
اختنا ايمان كيفنك انا شايف العروض رقدت مطر لكن انا عندي ليك عرض خرافي كدي جيبي اضانك اخاليك عشان ناس البورد ديل ما يسمعوا انتي مغتربة انا مغترب انتي لميتي القروش انا لميتهم انتي عايز تعرسي انا عايز اعرس انتي ايمان انا الامين شايفها التناسب الماشي دا دا بداية الغيث وماداير منك أي حاجة شرطي بس تجيبي معاك تلاتة واهم شي يكونن كتابات زيك كدا عشان ننزل بوستينا برانا صنفرتنا ليفة سلك وتخريمتنا نفاج عديل الاولى تكتب والتانية تقول فوق والثالثة تقول اب والرابعة تقول تسجيل حضور ومتابعة وانا احرس البوست بي عصايتي و انثر التلج فوقو اخلي ليك جليد بس وياويل الينتقدك نقوم نفتح فوقوا الخمسة وننكت ليهو المغته كلو واذا الجماعة اتلموا علينا نقوم نتمرد ونحرد البورد ذاتو ونعمل بوردينا برانا ونسميهو ازواج اونلاين واي واحد داير يتسجل معانا اول شي يجيب لينا تاريخ ميلاد الداية الولدت امو ومن أي مدرسة قابلات اتخرجت وفصيلة دمو وعدد كرياتو كم الحمراء والبيضاء ولو ما طلعت قدر بعض ما بنقبلوا شفتي كيف لمن نكون خمسة وكمان لمن يجوا الوليدات ما شاء الله تبارك الله نعمل فريق كرة قدم وكرة سلة وكرة طايرة وسباحة ونشترك في الاولمبيات ونجيب الميداليات بالكوم لي بلدنا فكري في العرض واديني رايك
|
Post: #245
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 11-12-2005, 04:20 PM
Parent: #244
حااااااااسب قزازة السمن
الله يمد في عمرنا ونشوف راي إيمان أنا خايف علي راسك أكتر من قزازة السمن(أربعة يامفتري)-أنا ماصاحبك؟
|
Post: #259
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 06:14 AM
Parent: #245
المهندس انت لي حسع حايم بيجاي؟ جنس خفة غايتو
ايمان
|
Post: #258
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 06:13 AM
Parent: #244
الامين لا ياخوي شروطك دي مابتنفع معاي انت راجل مغترب وانا اهم شئ اجيب الراجل انا بقروشي دي مادايرة راجل مقرش ولا مغترب بقروشي دي بشتري لي واحد ونمرة اتنين انت كتبت الاولمبيات وهي اسمها الاولمبياد وده كلام معناه انت جاهل رياضياً وانا دايرة لي راجل اغالطه في الكورة
ايمان
|
Post: #246
Title: Re: اها ياجماعة انا مغتربة ولميت القروش وجاهزة للعرس
Author: mustafa mudathir
Date: 11-12-2005, 07:41 PM
Parent: #1
بوست مسلى جدا يا صفاء أقصد يا إيمان الصورة الخاتاها ذاتها بتساعد في توضيح إنك زولة سمارت smart شديد أها كدا أنفع؟
|
Post: #260
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 06:17 AM
Parent: #246
مصطفى مدثر صفاء منو ياخوي؟ وصورة شنو؟ انتو يارجال مالكم بتتكبكبوا كدي؟
ايمان
|
Post: #247
Title: Re: اها ياجماعة انا مغتربة ولميت القروش وجاهزة للعرس
Author: وفاء تاج الدين
Date: 11-12-2005, 10:42 PM
Parent: #1
إيمان متابعة بوستك دا من أول سطر لحد ما وصل الصفحة الرابعة وكنت ناوية أتابع من بعيد بدون مداخلات لسبب بوريك ليه بعدين .بس عندى سؤال
Quote: لكن بقى مابيقول لي اصله بيبكي ماله، بقى الكلام بيناتنا ذاتو بالقطارة وريحني بيني وبينكم من النقنقة ووجع الراس |
ما فكرتى ولو لحظة واحدة إنه ممكن يكون ما بيتكلم معاك إلا بالقطارة دى لأنه إنشغل بزولة تانية وبقى بتكلم معاها ويبكى معاها ويشاركها كل حاجته اللى إنتى أعتبرتيها وجع راس وواصلى
|
Post: #261
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 06:18 AM
Parent: #247
وفاء تاج الدين كيفك حبيبتي؟ معقولة ياوفاء؟ ده كلام ده؟ في راجل في الدنيا دي خبيث كده؟ لا ياوفاء الرجال الخيانة دي مافي طبعهم وكان شغال بواحدة تانية الله يعدل دربه وتسلمي يالغالية
ايمان
|
Post: #253
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-13-2005, 06:01 AM
Parent: #1
اها دي القصة كااااااااملة
أول شئ عملته بعدما كملت الجامعة فكرت في الإغتراب لأني عارفة وراي حاتكون هموم الحياة والعرس وتكوين اسرة وتربية عيال، اها جيت السعودية واشتغلت شغل السواد وجريت جري الوحوش ولميت الريالات وحسع مستعدة للعرس.
رسلت لي ابوي يجهز العريس وقال لي اصلو دي مامشلكة يابتي عشان الاولاد راقدين ومالاقيين عروس تمرقهم من هموم الدنيا بس انتي جهزي شيلة العريس، اها قمت مشيت سوق باب شريف وماخليت شئ، خمج شديد، اشتريت شيلة العريس من جلاليب وعراريق وطواقي للعريس وون مان شو الهلال رشو ولي الافترشيف وأمواس ومعجون الحلاقة جبتهم.
ضربت لي ابوي وقلت ليه اها انا جاهزة انت لقيت العريس؟ قال لي انتي كان جيتي ومشيتي ليك عرس وااااحد بس بتلقي ليك عريس ود ناس ومؤدب ومستور، قلت ليه يابوي انا مابقدر اجي انتو شوفوا الولد وكان لقيتوه رسلوا لي الصور وانا كان عجبني بديكم رايي وانتو تعقدوا من هناك وترسلوه لي وانا في المطار بعرفه بالصور.
اها رسلوا لي صور لي كم ولد من اولاد الحلة ورشحوهم لي قالوا اولاد ناس ومن الجامعة للبيت ومن البيت للجامعة وهديين ورضيين ويومهم كله في المطبخ بيساعدوا في ابواتهم ومابيمرقوا من البيت الا مع اهلهم، المهم لقيت الأولاد صورهم حلوة ولابسين لبس حشمة فاخترت منهم اتنين وقلت لي اهلي اسالوا من اهلهم ولو عاوزين يكملوا قرايتهم قبل العرس وكده.
قالوا واحد من الاولاد قال ماعندو مشكلة موافق على العرس وممكن يواصل الدراسة وهو عريس، وانا قلت ليهم انا مابتوقف في الموضوع دا وبديه كامل حريته عشان يواصل دراسته ولو جبنا اطفال بساعده في تربيتهم وفي شغل البيت من طبيخ وغسيل عدة لحدي مايكمل دراسته رغم ظروف الشغل هنا دوامين وجري وبجي البيت هلكانة.
المهم ادوني تلفون اهل الولد قالوا عشان اتعرف بيه وفعلاً اتصلت بوالدته ووالده وسلمت عليهم وقلت ليهم عاوزة اتكلم معاه لو ممكن، قالوا لي والله يابتي نحن مابنحبذ المسألة دي خالص لكن انتي بت ناس واهلك ناس سيرتهم سيرة محترمة فبنديك تتعرفي بيه .
انا طبعاً لقيت الولد ده سمح شديد في الصورة وقلت اركز عليه هو عشان ده اهم شئ طبعاً، عشان مااجيب لي راجل يضحك فوقي الناس ويقولوا بعد فصاحتها دي كلها وفلسفتها دي مشت عرست ليها راجل وشو ينعل قفاه، فقلت اشوف طريقة كلامه واسلوبه عشان مايكون كمان تور الله الانطح ويضحك فوقي الناس.
اتكلمت معاه وانا شايلة صورته واعاين لي سماحته واقول ليه في الكلام السمح واغازل فيه، صوتك حلو، عيونك جميلة، انا من زمان بحلم براجل سمح زيك كده، وهو همه كله في القراية ويسأل فيني، انتي متأكدة موضوع اني اكمل دراستي دا مامشكلة بالنسبة ليك؟ وانا طبعاً بيني وبينكم ناوية ليه على نية، قراية شنو كمان البيكملها؟ انا بس قلت اتم الموضوع باي شكل ولما يصلني هنا بعرف امشيه على مزاجي زي ماكل النسوان بيعملن.
قلت ليه بالعكس، انا من انصار انه الولد يكمل دراسته قبل الزواج وحتى لو اتزوج يكمل دراسته وعشان كده انا ذاتي حااساعدك واقيف جنبك بس انت اهم شئ هسه تقول لي رايك عشان انا مستعجلة شوية في موضوع العرس ده، واحتمال ينقلوني لمدينة تانية ووظيفة جديدة فعاوزاك تكون معاي عشان نختار عفش بيتنا وحاجاتنا كلها مع بعض، ولا انت رايك شنو؟
قال لي والله انا من حيث المبدا ماعندي مانع خصوصاً اني عرفت انك من عائلة كويسة ووظيفتك في السعودية محترمة وانك مع فكرة اكمال تعليم الرجل دي، وكمان عرفت انك جاهزة من كل النواحي واظن ده بيوفر علينا وقت طويل، فماعندي مانع.
قلت ليه خلاص انا بتكلم مع امك وابوك وبتصل باهلي برضو عشان يكملوا المسائل دي بسرعة عشان اقوم اعمل ليك اجراءات الاستقدام عشان بتاخد ليها زي شهرين تلاتة كدي وبتصل بيك عشان نتفق على التفاصيل، يلا اديني الوالدة اتكلم معاها، قال لي كويس واداني امه وسمعت صوته بيتكلم مع ابوه وبعد شوية سمعت صوت زغرودة من ابوه وفهمت انه فرح عشان ولده وافق.
المهم قلت لي امه تتصل بي امي عشان التفاصيل عشان انا مستعجلة، وقفلت منهم واتصلت بي ناس بيتنا وقلت ليهم شوفوا انا ماعاوزة جوطة وصرف في الفاضي انا برسل ليكم الشيلة دي وتشوفوا ليكم اي ولد من اولاد الحلة يغني في حفلة دكاكينية كده وتتموا الموضوع باي طريقة سريع سريع ولو حسيتوا انه اهل العريس عاوزين يبالغوا وروهم اني عندي كم زول اترشحوا لي واني مستعجلة.
وفعلاً اهل الولد طبعاً حسوا اني عروس لقطة وخافوا الولد يبور وسدوا دي بي طينة ودي بي عجينة ورضوا بالمقسوم وعقدوا في صمت وبدون صرف، رغم اني كنت سامعة من اخوي انه الولد كان بيحلم بجلابية زفاف وسيرة وزفة ورقيص عريس زي حق عمر البشير البيعملوا داك، لكن في النهاية رضى بالمقسوم واتوكل على الله وقال اخير اعرس ولا اقعد احلم واطير العروس خالص من يدي واقعد اندم زي اولاد كتيرين.
اها بعد مااتفقنا على التفاصيل والاهل رضوا بالمقسوم حددنا التواريخ للعقد وقلنا حفلة الدخلة ممكن نعملها في وقت تاني لمن الظروف تسمح. ورسلت ليهم توكيل من قنصليتنا في جدة بعدما سلوا روحي وحققوا معاي التقول مجرمة مازولة بدفع ضرائب وبطلب عمل شئ من ابسط حقوقي كمواطنة.
الجماعة في السودان عملوا العقد وبقيت عروس رسمي بس ماشعبي وسكيت موضوع الاستقدام عشان اجيبه السعودية، وطبعاً مع الجري الشديد والصرف والمشغوليات بقيت مابقدر اتصل كتير، اها هو بقى يتصل ويقول لي مالك انتي بقيتي مابتتصلي ومابتقولي لي كلام حلو زي الكنتي بتقوليه لي ايام التعارف؟ ومالك بقيتي مابتشتاقي لي؟ وقدر ماحاولت اشرح ليه الظروف كان بيقول لي برضو مهما كانت الظروف يعني اكيد بتلقي ليك خمسة دقايق تتصلي بي فيها.
اها انا بيجاي قمت فتشت لي شقة براي عشان كنت ساكنة مع مجموعة طبعاً ولقيت لي شقة من غرفة وصالة وحمدت الله عشان الايجارات هنا مرتفعة شوية لو البيوت كبيرة، ومشيت الحراج محل بيع اغلب الاشياء المستعملة اشتريت لي عفش معقول وفرشت البيت بما تيسر، وقلت اخلي عدة المطبخ لمن هو يجي عشان يختار براه الشئ البناسبه.
المهم مرت فترة الاستقدام وادوه الفيزا وقطعت ليه التذكرة بالخطوط السودانية ناقلنا الوطني لانها ارخص من الخطوط السعودية طبعاً وحجزت ليه واخيراً جات لحظة اللقاء المنتظر وشلت الصورة وحفظت تقاطيع وشه سممممممح ومشيت المطار، بقيت اعاين لوشوش القادمين زي الرايح لي شئ واقول بري ده ماهو ده ابيض وده اسود، ده طويل وده قصير، لغاية ماشفت الجلابية واللبسة بتاعة باب شريف المابتغباني وعرفته ده زولي.
رفعت ليه يدي من وسط الناس وشفته مسكين مع الخجل وشيل الشنطة كل شوية الشال يقع من كتفه ويخت الشنطة يقيف يرفعه في كتفه ويصلحه ويدنقر يجر الشنطة تاني، لمن وصلني وسالمني وسالمته وباركت ليه قلت ليه مبروك علي انت، ضحك بي خجل وقال لي الله يبارك فيك، ومرقنا من المطار وركبنا لينا ليموزين على قولة ناس السعودية واتجهنا على الشقة.
جينا البيت وبدينا اخيراً الحياة الزوجية الكاسرين الناس رقبتهم عشان يعيشوها، زارونا زميلاتنا في البيت وبعض السودانيين المعارف والجيران وباركوا لينا، ومشينا السوق اشتريت العدة للمطبخ والملايات واكياس المخدات والذي منه، وبدينا النقنقة من اول ايام في السوق يقول لي الحاجات دي ماسمحة وحاجات رخيصة وهايفة ساي ولو في مراده يشريني الحاجات الغالية السماها اصلية.
بعد اسبوع قعدة في البيت ولاحظوا انا ماعندي اجازة اها قمت نزلت الشغل وبقيت كل مااجي البيت من الشغل القاه بس قاعد يتبكى اها انا انخلع واقول الحصل شنو ياربي ولما اساله يقول لي مافي شئ ولما اقول ليه مافي شئ كيفن مالك بتبكي؟ يقعد يقول لي انا بس كنت متخيل نقعد مع بعض اكتر شوية قبل ماتنزلي الشغل، ومرات يقول هو بس عشان مافارق اهله خالص من صغير ومشتاق ليهم ومرات يقول حاسس اني بعيدة منه.
اها انا بقيت ازهج من جنس الدلع ده ومااستحمل كل يوم بكاء ودموع ودلع وقلة ادب وبقيت اقعد احاول افهمه اني ماعندي اجازة عشان اقعد معاه في البيت اكتر وانه الشغل هنا مابيرحم وانه مفروض يتبسط عشان انا قعدت معاه اسبوع كامل في البيت، وافهمه انه الحياة كده وانه مفروض يستحمل بعده من اهله ويتفرغ لحياته الزوجية، وافهمه برضو انه انا مابعيدة منه.
البيت بقى يزهج من النكد والموبايل كرهته من كترة اتصالاته بي والسؤال، اها جاية متين؟ ماممكن نطلع لما تجي راجعة البيت؟ ممكن تجيبي معاك الشئ الفلاني؟ المكيف ده فوقه مشكلة، الخ... كرهت حياتي من اول شهر وكرهت العرس القايلاه بيريح بالي، وبقيت اجي القاه بس ماسك التلفون، يابيتكلم مع واحد من ازواج السودانيات الهنا الدخلوا علينا وبقوا اصحاب متين مابعرف، ياالقاه ضرب لي اهله يتونس معاهم.
النصيحة انا زهجت من الدلع ده وفصلت تلفون البيت عشان الفواتير كمان ماتعمل لينا هم جديد، وطوالي سالني التلفون ده ماله كضم؟ وقلت اتكلم معاه عشان يفهم الظروف كان يخلي الدلع وعدم المسئولية ده شوية. اها قعدت معاه وقلت ليه التلفون مابنقدر على فواتيره عشان كدي انا قطعته وانه البلد دي مابلد ابوي واني جيت واغتربت عشان نصلح ظروفنا ونرجع بلدنا، وانه لازم يخلي الكلام الكتير في التلفون ده.
قعد يرمي في دميعاته ويقول لي دي ماحياة اصلها وانه بيصحى معاي الساعة خمسة الصباح وانه بعد ماامشي الشغل بيقوم ينضف البيت كله وده بياخد منه وقت طويل وبيغسل العدة والهدوم وبيبدا في عمل الغدا عشان عارفني برجع البيت زي الساعة اتنين وبمرق تاني لدوام المساء زي الساعة خمسة، وانه لما يخلص من الحاجات دي بيكون زهج من الوقفة طول اليوم ومافي زول ينضم معاه كلمة واحدة وقعدة البيت ليه براه بين اربعة حيطان قال حارة شديد عشان كده بيتكلم مرات في التلفون.
وقال ماهو البيضرب كل المرات وانه مرات راجل فلانة هو البيضرب ليه وبيتونسوا، وانه ماقاعد يضرب لي اهله الا مرة واااااحدة كل اسبوعين وبقينا في غلاط انا اقول ليه هسه انت يوم الجمعة الفات ماضربت ليهم وهو يقول لي ااااي لكن ده ماعشان ابوي كان راقد عيان وغلاط ونقة وكل مانتناقش يقول لي حسع انتي مالك بتكوركي فيني؟ والله بيني وبينكم كرهته وكرهت وشه وبقيت كان في طريقة البيت ذاته مااجيه بين الدوامين من عيشة النكد دي وعدم الفهم وعدم الاحساس ده.
اها بعد داك دورنا اسطوانة جديدة وانا قلت اكيد دي من راس راجل فلانة ، بقى يقول لي انتي قلتي انا ممكن اواصل دراستي وانا اقول ليه انا قدمت اوراقك وراجية الرد والناس ديل مابيردوا بالساهل اخير تصبر، اها بقى يقول لي خلاص طيب انا عاوز ذاتي اشوف لي شغل عشان قعدة البيت صعبة وعشان اساعدك انتي ذاتك. واريته ماقال الكلمة دي خلاني انفجر واطلع الحابساه جواي كله من زهجي منه.
قلت ليه والله ياها دي الفضلت انا اتعب اليوم كله في الشغل واجي البيت عشان اخت راسي وارتاح ساعتين واكل لي شئ قبل ماامرق تاني اها اجي كمان القاك انت شغال ولا بتقرا وسايب البيت لا نضافة لا اكل اصله هي القصة كان كدا انا معرساك ليه؟ اسمع ياراجل من الليلة تشيل من راسك فكرة الدراسة دي خالص وماعاوزاك تاني تقول لي عاوز تشتغل واهلك واصحابك ديل كان هم البيملوا ليك راسك بالافكار دي ذاتك تاني ماتتصل بيهم الا مرة في الشهر وقدامي.
اها من اللحظة الوريته فيها العين الحمراء كترت الدموع لكن بقى مابيقول لي اصله بيبكي ماله، بقى الكلام بيناتنا ذاتو بالقطارة وريحني بيني وبينكم من النقنقة ووجع الراس لكن كمان انا المسخرة وقلة الادب مابتنفع معاي كيفن يعني يقعد ساكت وكل ماسالته سؤال يرد علي من طرف نخرتو زي الانا خدامة عنده؟؟
اها اقروا الكلام ده واحكموا براكم على البقت علي انا القلت ارتاح بالعرس وانتظروا اكتب ليك الجزء الجاي وشوفوا جنس الظلم الاتظلمته.
اها بعد الكلام ده كله بقت اسطوانة داير اقرا اسطوانة يومية وانا زولةً عنيدة وعشان كدي اي زول راسه قوي وداير يمشي كلامه ورايه علي مابينفع معاي اصله فقفلت ليه كل الابواب دي وقلت ليه تاني لو قلت دراسة ماتلومني في اي تصرف. اها ضربت لي امه وقالت لي الولد ده قال في بيناتكم شوية عدم تفاهم يااولادي، والحياة دي محتاجة صبر وخصوصاً انتو في الغربة. قلت ليها شوفي ياحاجة لو ماعاوزاني اتلوم معاك ارجوك تاني ماتتدخلي في امور حياتنا الشخصية وزهجت منها وقفلت ليها الخط في وشها من الزهج.
اها اليوم داك ماخليته ينوم من الدروس الاديتها ليه عشان بيحكي بامور حياتنا للناس، وقال لي انا ماحكيت لي زول غير امي والسبب انك اصلك مابتسمعيني وانك زولة متسلطة وانا لو عارف حياتنا كده ماكنت اتزوجتك، وهسه نحن ناس متزوجين لينا شهور اصلك وقت مادايراني اكمل دراستي ولا رضيانة اشوف لي شغل ليه ماحصل قلتي لي دايرة اولاد ولا مادايرة. قلت ليه اصله موضوع الاولاد ده ماتتكلم فيه تاني، انا جيت هنا اكون نفسي ومامتفرغة هسه لصرف على اولاد ولا لتربية اولاد، بس والبكاء بدا.
طبعاً بعد ده بقى ده موضوعنا الجديد الاولاد والولادة وطوالي في لحظة زهج من النقة قلت ليه لو عاوز اولاد امشي الديهم انت براك، ومن اليوم داك بقينا لا انا لا هو طايقين وشوش بعض، وبقيت اقضي يومي كله بره ولما اجي البيت بس اقرا الجرايد، لامن يوم جيت البيت لقيته قال عاوز يرجع السودان وعاوز الطلاق وطوالي بدون ماافكر مشيت قطعت ليه تذكرة السفر للسودان الدايره ده وحجزت ليه وسفرته في ظرف ايام.
اها ولي حسع اهله يضربوا لي في التلفونات عشان نتم الاتفاق على موضوع الطلاق وبقيت مابرد عليهم ذاتي ومخلياه معلق ماعارف روحه لسع معرسني ولا طليقي ولا يسمي روحه شنو، وانا مافارقة معاي وقت اصله الموضوع بتاع العرس ده موضوع شراء وبيع اها لميت القروش تاني وحسع خلاص دايرة اشتري لي عريس جديد غيره.
يلا ياجماعة الحشاش يملا شبكته.
ايمان
|
Post: #262
Title: Re: اها ياجماعة انا مغتربة ولميت القروش وجاهزة للعرس
Author: كوليل
Date: 11-13-2005, 07:56 AM
Parent: #1
روعة .................
لى قدام
|
Post: #263
Title: Re: اها ياجماعة انا مغتربة ولميت القروش وجاهزة للعرس
Author: القلب النابض
Date: 11-13-2005, 09:12 AM
Parent: #262
ايمان صالح الزول يغيب اربعوة يوم يجي يلقاك عرستي وخشيتي في ازمات وزعلات ... يبكي يبكي افتحي ليه دا كلام سر
نشوف ادارة الازمات ممكن تكون كيف . ما كنت متحيلة تستوردي عريس من السودان كا دام في ناس في جدة
ياختي مادام اتورطي ... السترة والفضيحة متباريات.... كان ما دايرة طلقي ولا اتحاد عام الرجال يطلعك ارهابية ويطلبوك بالبوليس الدولي. اصلو النسوان هنا مشهورات بيضربن رجالن واسة في بريطانية في قضية مرفوعة علي واحدة من نسوان النجوم المعروفين دقته دقة السواد والرجال , كلهم اسة بيطالبو بحمايتهم من النسوان ودايرين قانون جديد للحماية. القصة دي بكملها وبرفعها ليك في البوست
|
Post: #275
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 02:55 AM
Parent: #263
سلام ياالقلب الكلام ده حصل بعد يوم واحد من غيابك اريتهم كان اربعة ايام انتي ماشفتي براك المدافسة نفسي اتكتم قلت النشوف لي مخارجة من الحالة دي
بعدين اطلق كيف ياالقلب؟ لازم اخليه معلق عشان يعرف الرجالة الجد
ايمان
|
Post: #264
Title: Re: اها ياجماعة انا مغتربة ولميت القروش وجاهزة للعرس
Author: القلب النابض
Date: 11-13-2005, 10:12 AM
Parent: #262
ايمان الكلام اتكرر هنا ومسحتو وقلت استفيد من المساحة في الرد على سعد الدين ما شفت كلامو الا الليلة بقول ليه انفكررررررررررررررررر! ونشاور صاحبتي بت الاحفاد
|
Post: #276
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 03:00 AM
Parent: #264
وقلت استفيد من المساحة في الرد على سعد الدين ما شفت كلامو الا الليلة
معقولة عاد ماتشوفي كلام سعد الدين؟ هو في البوست ده في كلام غير كلام سعد الدين؟ الراجل استلم البوست وريحني منه ولحظته السمع بالحمل والولادة لي حسع تاني ماشفته
ايمان
|
Post: #308
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-17-2005, 03:46 AM
Parent: #276
Quote: الراجل استلم البوست وريحني منه
لي حسع تاني ماشفته |
لا لا أنا بجي يوم السمايه
|
Post: #305
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-17-2005, 03:25 AM
Parent: #264
Quote: وقلت استفيد من المساحة في الرد على سعد الدين ما شفت كلامو الا الليلة بقول ليه انفكررررررررررررررررر! ونشاور صاحبتي بت الاحفاد |
لا حول ولاقوة إلا بالله!
مجلس حرب!
الله يستر من قيادات الأركان..
يا مهون القوااااااسي
|
Post: #274
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 02:30 AM
Parent: #262
كوليل
أها ياخوي نشوفك كان الله هون
ايمان
|
Post: #310
Title: Re: اها ياجماعة انا مغتربة ولميت القروش وجاهزة للعرس
Author: nasmah1981
Date: 11-17-2005, 05:26 PM
Parent: #262
طبعاً بعد ده بقى ده موضوعنا الجديد الاولاد والولادة وطوالي في لحظة زهج من النقة قلت ليه لو عاوز اولاد امشي الديهم انت براك، ومن اليوم داك بقينا لا انا لا هو طايقين وشوش بعض، وبقيت اقضي يومي كله بره
ما قولنا ليك أعرضي عليه يحمل بدلك وأكيد حيوافق ,يعني جات على دي الراح يعترض عليها ,وزي ما قلت ليك قبل كده قالوا حصلت حقيقة في الكويت ,بدال ما تكوني رميتي قروشك ساكت يا بت الحلال لسه في فرصة مادام لسه في عصمتك جربي يمكن تجي في مصلحتك كدة تقدري تمسكية كويس لأنه الطفل حيكون نقطة ضعفه ,كان فتح خشمو ولا اعترض على شي قوليليهو كان ما عاجبك مع السلامة بس امرق براك ,وأنسى انو عندك أولاد وكان استمر في النقنقة,انت ما عندك عوجة ما خسرانة شي زي ما قلتي ممكن تشتري ليك واحد تاني الما بكدة كمان تكوني ضربتي عصفورين بحجر واحد ساعتا حتشوفي حيقفل خشمو ويبطل النقنقة ويرضى بحالو وعيشتو, أصله بعيد عنك ما يكسر الرجل الا الراجل الزيو
وعشان تصدقي دة الرابط تاني http://www.123arab.com/vb/printthread.php?t=3616&pp=40ولله في خلقه شؤن
|
Post: #312
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-17-2005, 05:48 PM
Parent: #310
|
Post: #265
Title: Re: اها ياجماعة انا مغتربة ولميت القروش وجاهزة للعرس
Author: فيصل نوبي
Date: 11-13-2005, 10:17 AM
Parent: #1
ايمان
ده كلام اعوج يا بتي
جيت اسلم عليكم
و اقول لي سعد الدين دفعتي
يا دفعة معقول بس ؟؟؟
تبقي في جنس ده ؟؟؟
|
Post: #277
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 03:01 AM
Parent: #265
فيصل
انت دفعة سعد الدين؟
سمح مالك مادخلت المنافسة دي؟
ايمان
|
Post: #306
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-17-2005, 03:34 AM
Parent: #265
Quote: و اقول لي سعد الدين دفعتي
يا دفعة معقول بس ؟؟؟
تبقي في جنس ده ؟؟؟ |
فيصل الحنييييين
ياخي طيروا لينا العرس من راسنا زاتو
الحاله بقت صعبه ...
كان بالجابو لينا هنا ده نموت مغص أحسن.
|
Post: #266
Title: Re: اها ياجماعة انا مغتربة ولميت القروش وجاهزة للعرس
Author: willeim andrea
Date: 11-13-2005, 11:58 AM
Parent: #1
ياسلام جد موضوع البوست رائع والاسلوب بمذاق حامض حلو..وبرواية اخري بنكهة رباطابي والبوست ما يخلي من الاثاره وتقليب مواجع المغتربين والعزابه وفاقدي الامل في اي شي .... اها قلت في نفسي لازم الواحد يعرج علي البروفايل ووقفته في كلمه واحد وقلته ياربي هي السبب والا الموضوع كله صوره مقلوبه في نطاق الفهم القديم.... واكيد للبوست تكمله وفك اللغز وانا والكثيرين مثلي في الانتظار والي الامام يا استاذ/ه يارائع/ه ودمته او دمتي
|
Post: #278
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 03:04 AM
Parent: #266
وليام اخوي تسلم وكلمة شنو الوقفت فوقها؟ والبوست تكملته اكتملت لكن مامعروف اليحصل شنو في الحياة عشان كدي احتمال تكون في اضافات غايته انت خليك بيجاي بس من بعيد لبعيد ماتضربك دبلة ولا حاجة
ايمان
|
Post: #267
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-13-2005, 04:44 PM
Parent: #1
ايمان والله شروطك صعبة خلاص اصعب من شروط البورد العايزين نسويهو يعني هسه في المكنات الكبيتها ليك دي كلها ما مسكتي لي الا في التاء بتاعة الاولمبياد وكان لي الرياضة اخوك كان لاعب يقدل في الملاعب والناس تدفع قروش عشان تشوفوا بس هسه فكت على راي كابتن كابو اها شوفتي حقي كيف رماك في المدلع البوم دا المابعرف الغربة سواها ليك كلها تلفونات انا من قبيل قلت ليك شوفي ليك مغترب زيك بي جوالاته سوا وموبايلي ويعرف يتصل وقت التخفيض وكان جيتيني راجعة اصلك ما تجيني براك شوف ليك تلاتة معاك عشان اخد رسوم بدل محرم من كل واحدة ... الله مش بريحكن من كلمة وين رجالك يا حرمة نفاج للباشمهندس صاحبي انت ما سمعت بي امراة واحدة لا تكفي واحدة تدلع عليك اتنين يضاررن ويكرهن عيشتك تلاتة يتفقن عليك اربعة تمام كل واحدة تعمل حسابها وتخت الخمسة في الاتنين وبي قلبها تقول هسه بنزلوني ويجيبوا غيري وبعدين ياخي العنقريب ليهو اربعة كرعين الاوضة ليها اربعة اركان الراكوبة ليها اربعة شعب العربية ليها اربعة كفرات ... تاني في شنو العندو اربعة كفاية كدا يا صاحبي قبل ما تجي ايمان وتطلع لي غلطة إملائية تانية
|
Post: #279
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 03:18 AM
Parent: #267
الامين ياخوي دي شروط التسجيل عندنا وكان ماعاجبك امشي سجل في المريخ وكنت لاعب وين ياخوي عشان امشي اجيب خبرك بس نعلك كنت بتلعب في المريخ انت ماشفت بقال ده طار من اول الدوري؟ وياخوي الخوف من الجوالات دي ذاااااااتها انا شئ برا التلفونات والتلفزيونات دي مامكجنة وانت بي فصاحتك دي كلها ولسه بتكوس في التلاتة ؟ انا قلت الامين ده بيكون راجل خمسة وبيفتش على الساتة وغلطاتك الاملائية اخد راحتك فيها بس اوعك من حسين ملاسي باقي للناس في روحهم وهسه شايفاه هو ذاتو كايس اليخارجه من ود السر
ايمان
|
Post: #268
Title: Re: اها ياجماعة انا مغتربة ولميت القروش وجاهزة للعرس
Author: samwal ebrahiem
Date: 11-13-2005, 11:51 PM
Parent: #1
Quote: الاولاد والولادة وطوالي في لحظة زهج من النقة قلت ليه لو عاوز اولاد امشي الديهم انت براك |
( ؟ )
|
Post: #280
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 03:22 AM
Parent: #268
عندك راي تاني ياسمؤل؟
ايمان
|
Post: #269
Title: Re: اها ياجماعة انا مغتربة ولميت القروش وجاهزة للعرس
Author: mekki
Date: 11-14-2005, 01:08 AM
Parent: #1
المحترمه ايمانQuote: تعرف اكتر شئ عجبني في كلامك اللون البلو ده وفوق فوق هلالنا فوووووووق
|
كدا نحنا قطعنا 90% من المسافه!!
|
Post: #281
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 03:24 AM
Parent: #269
المحترم مكي انا هسه في بوست سامي بقيت برشلوناوية وحسب الجو بنتلون زي الحربوية عشان كدي 90 في الميتك دي مابتديك رصيد
ايمان
|
Post: #270
Title: Re: اها ياجماعة انا مغتربة ولميت القروش وجاهزة للعرس
Author: اشرف السر
Date: 11-14-2005, 01:47 AM
Parent: #1
الأستاذة إيمان
صباح الخير
الواحد بقى قشة عينه من النوم يجي جاري على بوستك دا.. وبيني بينك لو ما حبة (جعلنه) قديمة كدا وافكار (متحجرة) كان قدمت اوراقي مع بقية الجماعة هنا...
Quote: ((لامن يوم جيت البيت لقيته قال عاوز يرجع السودان وعاوز الطلاق وطوالي بدون ماافكر مشيت قطعت ليه تذكرة السفر للسودان الدايره ده وحجزت ليه وسفرته في ظرف ايام. |
دا شنو يا أيمان... الظاهر عليك اخدتي شيء من جلافة الأعراب هنا.. المسكين ذنبو شنو مسفراه السودان !!! اقل شيء كان تديه تنازل ونقل كفالة... ما كان أخير ...
|
Post: #271
Title: Re: اها ياجماعة انا مغتربة ولميت القروش وجاهزة للعرس
Author: المسافر
Date: 11-14-2005, 04:49 AM
Parent: #270
يا أخوانا الكرتلة دي حد ما قول أجي أقوم أقد فيها يا ألقاها مقدودة يا يقع القرش مني أها كيف الشورة بورة بورة ولا ضبح تورة
|
Post: #283
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 03:29 AM
Parent: #271
المسافر انت ياخوي انا ماسالتك سؤال في الصفحة الاولى مالك لي يوم الليلة ماهببته لي؟
ايمان
|
Post: #282
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 03:29 AM
Parent: #270
الاستاذ اشرف السر
صباح النور
لا ياخوي ماتخاف وقدم اوراقك
الناس ديل انا بعمل ليهم في تصفية شديدة
ماشايف ناس سعد الدين والموج بقوا الدرب مابيجيبهم؟
وياخوي بركة الوديته السودان
انا كنت ناوية اوديه العراق
اها شن قولك
ايمان
|
Post: #309
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-17-2005, 03:56 AM
Parent: #282
Quote: ماشايف ناس سعد الدين والموج بقوا الدرب مابيجيبهم؟ |
دايه دايه
|
Post: #272
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-14-2005, 05:27 AM
Parent: #1
سلام عليكم كلللللللللكم معليش ماتزعلوا مني بجيكم راجعة مشغولة شوية بس الشيلة الجديدة لقيت فيها عراقي قماشه فاخر فماشة ارجعه واشتري واحد ارخص ماالقاكم شردتوا؟ فاهمين؟ تسلموا لي كلللللللكم وماتقلقوا بنحلها الكرتلة دي اصلي انا ناوية ابقى اول واحدة في النسوان تعرس اربعة وكان الموضوع نفع ببدا مشروع جديد اطلق واحد عشان اعرس غيره تبديل يعني ودعتكم الله
ايمان
|
Post: #273
Title: Re: اها ياجماعة انا مغتربة ولميت القروش وجاهزة للعرس
Author: DKEEN
Date: 11-14-2005, 06:19 AM
Parent: #1
موش قتا ليكي بت عسللي..
|
Post: #284
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 03:32 AM
Parent: #273
وانت ود بصللي
ايمان
|
Post: #285
Title: Re: اها ياجماعة انا مغتربة ولميت القروش وجاهزة للعرس
Author: المسافر
Date: 11-16-2005, 03:48 AM
Parent: #284
Quote: المسافر انت ياخوي انا ماسالتك سؤال في الصفحة الاولى مالك لي يوم الليلة ماهببته لي؟
|
أمونة بت الشيخ حمد
نحن من ناس السكوت رضا
وأنتي ما تشوفي إلا قائد الأسطول وتسألي عنو
الخلقوه زي ( الأواكس ) وفي عيونو وضعو (العاكس)
عليك أمان الله البتكتبي فيه هنا يطلع عليه قبل ما ينزل من القمر الصناعي
أها شفتي كيف
الباقي أسألي منه دكين
|
Post: #287
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 03:59 AM
Parent: #285
عاد ياالمسافر كان سلمى سويتها اواكس اخير امرق من هنا؟ هنا ياخوي الاواكس ذاتها موضة قديمة انت ماقريت القصة سمح ولا شنو؟ انا عاد كان قبلت باوراقك الشاشة دي الا تشوفها في بوتوجاز
ايمان
|
Post: #286
Title: Re: اها ياجماعة انا مغتربة ولميت القروش وجاهزة للعرس
Author: domdom
Date: 11-16-2005, 03:55 AM
Parent: #1
يا بت انا ما قلت ليك جاهز عايزه تشمتي فيني المدام امشي البرفايل بتاعي تلقي الاي يمل لو الموضوع جادي و الله انا جاهز
|
Post: #288
Title: Re: اها ياجماعة انا مغتربة ولميت القروش وجاهزة للعرس
Author: المسافر
Date: 11-16-2005, 04:17 AM
Parent: #286
Quote: الشاشة دي الا تشوفها في بوتوجاز
|
أها ولعت بتوطأ فوق جمرها
إنتي ما عارفة حاجة
يا ريتك كنتي معانا لما حفروا البحر
علا أقولك وخايف الناس ديل يزعلوا مني
فيهم واحدين لما كنا نحفر وبقت الموية
اسكتي سكت !! الموس دي مما قطعو سرتهم ما قربتم
شايفاهم شغالين جاهزين جاهزين
يا ربي (الها) دي معجمة ولا مسجمة .. أكيد دا عرق حبوبتي العنجاوية
|
Post: #290
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 05:05 AM
Parent: #288
وووووب علي ياالمسافر انت من زمن حفروا البحر؟ يعني انت كنت مع ناس الموج في مركب واحدة؟ ووووووب علي سلمى كان كدي
ايمان
|
Post: #289
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 05:02 AM
Parent: #286
دومدوم ياخوي لابشوف بروفايل ولا شئ انا في مكان تاني شايفاك قلت عمرك كم وستين الا مالقيت البوست داك اصلي عشان كدي اقيف لي في صف ناس الموج
ايمان
|
Post: #292
Title: Re: اها ياجماعة انا مغتربة ولميت القروش وجاهزة للعرس
Author: samwal ebrahiem
Date: 11-16-2005, 06:02 AM
Parent: #289
Quote: الاولاد والولادة وطوالي في لحظة زهج من النقة قلت ليه لو عاوز اولاد امشي الديهم انت براك |
يا ربي دي الجندرة البيقولوها ؟
|
Post: #296
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 11:04 AM
Parent: #292
لا لا ياالسمؤل دي الرجالة ياخوي
ايمان
|
Post: #313
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-17-2005, 06:07 PM
Parent: #296
آااي و الله
انتن يا العايزات تولدن الرجال ...أرجل مننا/هم عدييييييل
بس ان شاء الله الرجاله دي تروق ليكن وتدوم لو حبيتن
|
Post: #291
Title: Re: اها ياجماعة انا مغتربة ولميت القروش وجاهزة للعرس
Author: طارق عبد اللطيف نقد
Date: 11-16-2005, 05:22 AM
Parent: #1
والله يا ايمان الواحد ليه زمن ما خستك لكن لقيتك احسن زول بعرف بخستك لكن برضوبرضو دي مشكلة المغتربيين مع العرس والعروس الطرد و حسن الاختيار والدوام ومعضلة الكفيل بس في قالب كوميدي وظريف وشكرا ليك يا ايمان والى ان نلتقي
|
Post: #293
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 11-16-2005, 06:37 AM
Parent: #291
حولااااااااااااااااا عدد الصفحات حصل أربعة وإنتي لسة ماعرستي؟!!!!!!!!!!!
ياحليل القام من النوم ومسح حواجبينوا بي بزاغوا ويعاين بي الحيطة لي بنات المدارس المنتظرات يسطبحن بي وجه
قال تعرس أربعة قال!!!!!!!!!!!!!!!(وش شمتاااااااااااااااااااان)
|
Post: #298
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 11:09 AM
Parent: #293
عاد يامحمد السيد تاني شوف التقول ليك ياباشمهندس الحكاية جابت ليها شماتة؟ اها انا حسع بوريك العرس المازي عرسك وتاني كدي النشوفك حايم بيجاي عشان اكرشك كرشة صديق الموج وسعد الدين
ايمان
|
Post: #304
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 11-16-2005, 02:40 PM
Parent: #298
طالعة من فمك زي العسل
ماقلنا من الأول نشيل الكلفة.
Quote: نفاج للباشمهندس صاحبي انت ما سمعت بي امراة واحدة لا تكفي واحدة تدلع عليك اتنين يضاررن ويكرهن عيشتك تلاتة يتفقن عليك اربعة تمام كل واحدة تعمل حسابها وتخت الخمسة في الاتنين وبي قلبها تقول هسه بنزلوني ويجيبوا غيري وبعدين ياخي العنقريب ليهو اربعة كرعين الاوضة ليها اربعة اركان الراكوبة ليها اربعة شعب العربية ليها اربعة كفرات ... تاني في شنو العندو اربعة كفاية كدا يا صاحبي قبل ما تجي ايمان وتطلع لي غلطة إملائية تانية |
أخوي الأمين عثمان وينك ماظاهر؟الشوق بحر . الخطة الفوق قيد التنفيذ خاصة مع أمات شيلة .(وش بجيب مشاكل مع إيمان)
رجعة لي الأخت إيمان
Quote: وتاني كدي النشوفك حايم بيجاي |
(عملت ليك وجع وش الظاهر) كروت صفراء مافي؟
سامحيني أختي إيمان و (سرك الله بما ساءك.. ولا ساءك فيما سرك.. رحب واديك وعز ناديك.. ولا ألم بك ألم.. ولا طاف بك عدم.. وسلمك الله ولا أسلمك).
|
Post: #317
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-19-2005, 04:45 AM
Parent: #304
عجبتك قصة محمد السيد دي سمح ياخوي ماتمسح لينا انجنير دي الكلمة اللحظة الاشوفها المكنات تدور فوق راسي
ايمان
|
Post: #297
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 11:06 AM
Parent: #291
شكراً ياطارق لكن تعال النسألك نلتقي وين ياخوي؟ والله صحي عشم ابليس في الجنة
ايمان
|
Post: #294
Title: Re: اها ياجماعة انا مغتربة ولميت القروش وجاهزة للعرس
Author: طارق عبد اللطيف نقد
Date: 11-16-2005, 06:57 AM
Parent: #1
والله الواحد طول ماخستك لكن الحمد لله لقيتك احسن زول بخستك وكمان صديق الموج مخستك اكتر منك والله اضحكتمونا وادخلتوا البهجة والسرور في نفوسنا ومسلسلك ظريف وكارب وممكن يتعمل فيلم كمان يطلعنا من شوف درامتنا شينة شاشتنا السينما غلبتنا شوفوا ناس كايروا وشوفوا ناس فاندام000تمام 000 يا عوض دكام عمومادي حقيقي مشكلة المغتربين البايركس مع العرس الواحد تلقة مفلس وعاطل ومجدوع تحت سرير في عزابة ولا جمعيةوما عنده حق الصعود واول ما يعمل ليهو قرشين يرسل السودان وكمان يتشرط وينقي بعد0000 دنيا
|
Post: #300
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 11:13 AM
Parent: #294
طارق الحي بيلاقي حسع صديق الموج دا مالك طاريه؟ الراجل انا ماصدقت انشغل في كورس الكوارع واداني فرصة اشوف باقي البضائع ولقيتك مفتح وعارف بحالنا حسع انا قاعدة اكتب من سريري في الجمعية جمعية المرا كان بقت فاس اوعى راسك مايبقى اول راس
ايمان
|
Post: #295
Title: Re: اها ياجماعة انا مغتربة ولميت القروش وجاهزة للعرس
Author: فيصل نوبي
Date: 11-16-2005, 07:15 AM
Parent: #1
ايمان
انتي ناوية علي مشروع حارات و كده ؟؟
شايفك وصلتي الرابعة
|
Post: #299
Title: Re: اها ياجماعة انا مغتربة ولميت القروش وجاهزة للعرس
Author: saif massad ali
Date: 11-16-2005, 11:11 AM
Parent: #295
خلاص حوطك عند واحد من زائير كان عندو شك وقال لي ما في زول يجي حائم عليها
وكتب لي ارقام كتيرة ما عارفها شنو
|
Post: #354
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:10 PM
Parent: #299
هي ياسيف ياود الشيوخ انت محتاج زول من زائير يحوط ليك؟ امانة مااتلومت. الارقام الكتيرة الكتبها ليك دي تكون ارقام تلفونات ناس الموج ديل عشان تطيرهم من السكة.
ايمان
|
Post: #301
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-16-2005, 11:16 AM
Parent: #295
شايفك وصلتي الرابعة
فيصل
الاقيك في الخامسة بعد شوية
الخامسة دي بشارع النص عشان ماتروح
هرشك لحم كرشك
عين الحسود فيها عود
ياعين ياعنية
اخرج اخرج اخرج
ايمان
|
Post: #302
Title: Re: اها ياجماعة انا مغتربة ولميت القروش وجاهزة للعرس
Author: فيصل نوبي
Date: 11-16-2005, 12:03 PM
Parent: #301
مبروك الخامسة
والله لكن ........
الله يدينا خيرك
|
Post: #307
Title: Re: اها ياجماعة انا مغتربة ولميت القروش وجاهزة للعرس
Author: المسافر
Date: 11-17-2005, 03:41 AM
Parent: #302
Quote:
يعني انت كنت مع ناس الموج في مركب واحدة؟ ووووووب علي سلمى كان كدي
|
يا سمرة
يا قمرة
دققي النظر
حبيبنا صديق الموج ده
لما كان راكب معانا في المركب
بعيني شفت علامة أكس فوق لي عيونو
وتحتها مكتوب عالي الفلطجة
سألت الخواجة لويس باستير (في زمانو داك جانا عشان يكتشف البرسيم)
قالي دي معناها (Danger - High Voltage )
أها قصرت فيك؟؟
أول سموه الموج ليه؟
أظنك ماك عارفة؟؟
عليك أمان الله هو قاعد في رأس المركب
والموية تسوي الشووووووووو من الرجفيبة
أها عقمانتية الجماعة بقو يقولولو الموج الموج
يعني دندهوب دندهوب
أها قصرت فيك؟
باقي لساني فلقة
الله يصرف ده اللسان الخفيف قالو السترة والفضيحة متباريات
|
Post: #311
Title: Re: اها ياجماعة انا مغتربة ولميت القروش وجاهزة للعرس
Author: nasmah1981
Date: 11-17-2005, 05:37 PM
Parent: #307
طبعاً بعد ده بقى ده موضوعنا الجديد الاولاد والولادة وطوالي في لحظة زهج من النقة قلت ليه لو عاوز اولاد امشي الديهم انت براك، ومن اليوم داك بقينا لا انا لا هو طايقين وشوش بعض، وبقيت اقضي يومي كله بره
ما قولنا ليك أعرضي عليه يحمل بدلك وأكيد حيوافق ,يعني جات على دي الراح يعترض عليها ,وزي ما قلت ليك قبل كده قالوا حصلت حقيقة في الكويت ,بدال ما تكوني رميتي قروشك ساكت يا بت الحلال لسه في فرصة مادام لسه في عصمتك جربي يمكن تجي في مصلحتك كدة تقدري تمسكية كويس لأنه الطفل حيكون نقطة ضعفه ,كان فتح خشمو ولا اعترض على شي قوليليهو كان ما عاجبك مع السلامة بس امرق براك ,وأنسى انو عندك أولاد وكان استمر في النقنقة,انت ما عندك عوجة ما خسرانة شي زي ما قلتي ممكن تشتري ليك واحد تاني الما بكدة كمان تكوني ضربتي عصفورين بحجر واحد ساعتا حتشوفي حيقفل خشمو ويبطل النقنقة ويرضى بحالو وعيشتو, أصله بعيد عنك ما يكسر الرجل الا الراجل الزيو
وعشان تصدقي دة الرابط تاني http://www.123arab.com/vb/printthread.php?t=3616&pp=40 ولله في خلقه شؤن
|
Post: #320
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-19-2005, 04:54 AM
Parent: #314
هوي ياسعد الدين فتح عينك دي قدر الريال اب شعرة واسمع كلامي سمح كضبة ولا ماكضبة انا ماغرضي وشروطي هدي وااااااضحة ماتتحاوم لي بيجاي بورقك ده وادخل صلح لي الصفحة البشتنتها لي بورقتك الجبتها دي
ايمان
|
Post: #319
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-19-2005, 04:53 AM
Parent: #311
اها يانسمة موضوع الكويت طلع كضبة اصله انا حوامة سعد الدين دي بيجاي من زمان مشيلاني هم اها هده الامل الوحيد طرشقو لينا
ايمان
|
Post: #318
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-19-2005, 04:48 AM
Parent: #307
أول سموه الموج ليه؟
أظنك ماك عارفة؟؟
عليك أمان الله هو قاعد في رأس المركب
والموية تسوي الشووووووووو من الرجفيبة
انت ياالمسافر اظنك بتحكي لي في فلم تايتانك
ايمان
|
Post: #316
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-19-2005, 04:36 AM
Parent: #302
عاد يافيصل اصلي ماقايلة عينك حارة كدي الصفحات شوف عيني كانن خمسة حسع بقدرة قادر بقن اربعة تاني لالالا كان كدي اختاني
ايمان
|
Post: #315
Title: Re: اها ياجماعة انا مغتربة ولميت القروش وجاهزة للعرس
Author: عنيده
Date: 11-19-2005, 02:29 AM
Parent: #1
up الصفحه الاولي اولي بيه
متابعه معاكي يايمان وحتي ردودك للمتداخلين عاجباني جدا"
|
Post: #321
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-19-2005, 04:57 AM
Parent: #315
عنيدة ان شاء الله يعجبك السمح وتجيبي شيلتك بالركشة عشان ماتبذري وماتكتري من الحاجات الهدايا قولي ليه بعد العرس اسمعي كلامي ده سمح عشان مايشيل العراريق ويغفلك ويزوغ
ايمان
|
Post: #322
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-19-2005, 05:16 AM
Parent: #321
اها جيناكم ايمان يا اختي بوستك دا خلاص روح مشى بقى فيهو اولى بيه وتانية جيم زي ما قالت اختنا عنيدة خلاص لحق ناس خريجي الجماعات الهندية وناس تيموليلت وبعد دا بفك منك انتي في الوقت الحالي عايز ليك مدير بوست مش عريس اها تقولي عايز لي مدير بوست يكون شاطر ولميض يرد على مسنجراتي ويدي تلفوناتي بالغلط للمادايراهو ويصبر لي دا شوية لحدي ما اجي من حراج بن قاسم ويزحلق لي دا عشان اخد راحتي مع العريس اللقطة الجاي دا قدمي المناقصة وشوف كيفن الناس بتجي على الاقل بجي اللسه عندو امل
الباشمهندس بالله شفته خطتي دي كيف ... تجنن جن احمر راكب جن ازرق
|
Post: #323
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-19-2005, 05:22 AM
Parent: #322
لاحولا من خفتك ياالامين حسع ياولدي ماتصبر بوظت لي موضوع البوست الجاي كنت ناوية اكتب بوست جديد استقدم فيه مدير اعمال غايتو جنس خفتكم وشلاقتكم ماشفتها الله يكفيكم شر العين بس
ايمان
|
Post: #325
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-19-2005, 06:39 AM
Parent: #323
انا خفيف !!! عشان نصحتك طيييييب كويس .. صبرك دعيتك دعوة نهارية لا تتصد ولا تترد انشاء الله انشاء الله يا ايمان المرة الجاية تقعي ليك فوق واحد ابوم من الاول داك المابعرف الدورية من الليموزين قولي امين و تاني بس اقعد ليك فوق بوستك دا كدي واي واحد يجي يتقدم ليك اقول ليهو الزوله دي عزبا عشان ابورك بورة الذين بارو
|
Post: #356
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:16 PM
Parent: #325
آآآآي خفيف ياالامين خفيف ولفيف كمان اها عجبك؟ وآآآآآآآمين وصنقر يااب بارو بعافيتك
ايمان
|
Post: #324
Title: Re: اها ياجماعة انا مغتربة ولميت القروش وجاهزة للعرس
Author: عنيده
Date: 11-19-2005, 05:37 AM
Parent: #321
خالتك عنيده ياايمان كان ايام الزمن زين
انتي كان زاغ منك وشال عراريقك التعبتي فيهم وعزلتيهم من باب شريف كلميني انا بعد ايام ماشا مكه امشي امسك ليه ستار الكعبه وادعي عليه وياهو البقي رئيس جمعية جنون البايركس قال يزوغ قال وبث
|
Post: #357
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:19 PM
Parent: #324
ووووووب علي ياعنيدة خالتي؟ نعلك كنتي بس راكبة مع ناس المسافر والموج في المركب؟ كان كدي ياختي واطاتك صبحت
ايمان
|
Post: #359
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-21-2005, 01:33 PM
Parent: #357
Quote: كان كدي ياختي واطاتك صبحت |
تييييييييييييييييت
ما تفتحوا الباب ده
العروسه دي ما تدخل يعني ولا شنو
|
Post: #326
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-19-2005, 07:54 AM
Parent: #1
Quote: عشان ابورك بورة الذين بارو |
آاي عليك الله اهرشا لينا يا الأمين...شايله شيلتا وتتبوبر فوقنا وصلحوا لي بوستي وشروطي! ..شيلتا دي كان ما جايباها من باب شريف! كان لحقت جابتا من باريس يمين إلا اطبقوا شرط نسمه داك فوقنا. المفور بطني شنو! بالله ايمانو دي من ختت شيلتا...البورد نصو غير الصوره وامكن البروفايل من شفع الروضه ليييي بادي ابوشلوخ!
شي بملابس التخريج و شي بالنضارة و شى بالعمة..ربنا يستر ماتجينا شورتات كمان! شفع الروضه اهو عزابة وقيامتهم قايمه زي حالاتنا كده وعايزين يدخلوا دنيا لكن اعمامنا ديل..الواحد ولدو يقول ليهو : يابا انا داير حق الكتاب..يقول: دقيقة ياولدي بس ارفع الصورة دي!! غايتو جنس ضيق! يا اعمامنا والله بنريدكم لكن انتو عرستو من سنة خشبة..الثربكة فينا شنو ? يمين ادعي عليكم هسه ياحجاج..يا ابهات الاولاد والبنيات يا الفواتيركم غالباكم يا التسدوها بيجاي تنقد بيجاي الفيكم ده ما مكفيكم? مالكم ومال العرس! حكوماتكم دي ما بمشطن البورد ده? غايتو اوصي خالاتنا المتابعات باضافة المزيد من الملح في العضة والبري يكون تحلية لزوم رفع الضغط وكده
وكان ده كلو ما جاب فايدة
بحرش ليكم "خراب" خروف داااك يجمرك التحت البلاطه والفوقا عشان تقعدو اباطكم والنجم ويحلكم الحله بله
|
Post: #327
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-19-2005, 10:09 AM
Parent: #326
Quote: آاي عليك الله اهرشا لينا يا الأمين |
سعد الدين باقي ليك انا تاني بنزل من بوستها دا صدقني الا تعتذر لي زي بقال حتين اخليها اعمامنا ديل خليهم يجددوا شبابهم ياهم بركتنا
Quote: حكوماتكم دي ما بمشطن البورد ده?
|
هو كان حيكوماتهم بمشطوا المنبر دا ما كان عرسوا فوقن ديل عرسوهن زمن المطار كشك والكمونية بالمتر ياخي
|
Post: #328
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-19-2005, 11:39 AM
Parent: #327
سلام
يابتى انتى لسه قاعده???
انا أفتكرت انو مع خفه الرجال ده تكونى عرستى زمان
بينى وبينك طلعتى شرانيه وحقاره شديد
وانا حسى غيرتا رأيى وماحأديكى لولد اخوى
تقول لى بكيتى الراجل وقاعده تتفرجى فيهو?
وكمان ولاده ماعايزه تجيبيها ليهو
حقاره شديد لكن
شوفى يابتى انا معاكى فى كل حاجه الا الراجل تبكيهو ده
ده انا اخير لى اموت ولا اشوف راجل ولا طفل ببكى قدامى
لازم تصلحى معاملتك ليهوده قبل ما نعلن الحرب عليكى
حاضر ياماما?
وفى امان الله
لا اله الا الله
|
Post: #329
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-19-2005, 12:34 PM
Parent: #328
Quote: انا أفتكرت انو مع خفه الرجال ده تكونى عرستى زمان |
بنت الاحفاد اولا سلامة الوالد الف سلامة وبما اني بارك في البوست ومتفرق ليهو تماما الليلة دي ارد عليك انا شايفك برضو جبتي سيرة خفة الرجال خفة شنو العلي الرجال تصدقي انا خطبوني مرتين قبل كدا وفي خطوبتي التانية كان فتح الخشم بيت بس ابيت تب وجيت السعودية دي انا ما بحب الفقر وما كنت داير امرق موضوع خطوباتي ديل يقولوا الراجل جنة لكن كلامك انتي وايمان عن خفتنا خلاني طلعت المغتة اها الخفاف انحنا وللا الحريم
|
Post: #333
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 11-20-2005, 06:50 AM
Parent: #329
الأمين تحياتي. ذكرتني صاحبي قال عايز بت عموا قالت ليو عايزه أقرأ,أها خش مع الجماعة ,وفجعة كدي حالوا إتصلح,بدت البنية ترمي ليهو ,قال ليها.. فتحت كتابي الأول
|
Post: #336
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-20-2005, 04:03 PM
Parent: #333
Quote: وفجعة كدي حالوا إتصلح |
الباشمهندس مشتاقووووووووون اديك دي عندنا واحدة كدي ولد اعمها اباها وهي ما مشاء الله سمحة سماحة جد بس مفلسة بنت مفلس اها وفجعة كدي حال ابوها اتصلح انقر صاحبنا ما اشتغل ليها سواق يودي فيها للكوافير والمناسبات وهي قاعدة ورى فوق حق ابوها وتأشر من القزاز شوف عيني دي ما حكوها لي
|
Post: #362
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:41 PM
Parent: #336
محمد السيد والامين اسوي ليكم شاي؟
ايمان
|
Post: #363
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:42 PM
Parent: #329
الامين الخفيف اها قبلت علي بت الناس؟ دي سياستك؟ امشي سوي ليك بوست لم فيه الخطيبات امرق من هنا قبال ما اكرشك كرشة سعد الدين
ايمان
|
Post: #375
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-21-2005, 02:07 PM
Parent: #363
Quote: امرق من هنا قبال ما اكرشك كرشة سعد الدين |
عروسنا هووى
راجلك ده الكرشه دي اخد فيها كورس مكثف مدياني ليها مالك فاتناني معاهو
ده اليوم الدايرنو ليك ياالموج مبروك علييييييك
|
Post: #361
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:38 PM
Parent: #328
بت الاحفاد سلامة والدك وربنا يطمنك عليه انا قااااااااعدة المابقعدني شنو؟ حارسة ياختى الشنطة دي شوفي جنس المكابسة الحاصلة دي الرجال خلوا اشغالهم واتحكروا لي هنا وهسه كايسة لي مدير اعمال ووالله ماشرانية انا انتي كدي اقري القصة تاني وتالت وبتشوفي بعينك الشراني صحي منو اها في امان الله ومحمد رسول الله
ايمان
|
Post: #360
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:35 PM
Parent: #327
مابتنزل انت ياالامين البينزلك شنو عاد؟ انت وسعد الدين ماشبهينا واتلاقينا سعد الدين بقى يسائل في نسمة والقلب اها انت لابد لمنو كان الله هون؟
ايمان
|
Post: #366
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-21-2005, 01:46 PM
Parent: #360
يا عروس
كدي امشي بي جاي
ما تروحي غادي
الشفع ديل ببلو ليك ضنب الفستان في الطمله
|
Post: #358
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:25 PM
Parent: #326
كدي ياسعد الدين؟ يهرشني؟ وانت مالها بطنك فايرة؟ الجابرك شنو ياخوي؟ ماتمرق قلت ليك من اول صفحة ولا انت المتاوقة ماقادر تخليها؟ اها تاني كدي النلقاك هنا عشان انادي ليك الموج ده يخمك
ايمان
|
Post: #330
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-19-2005, 05:16 PM
Parent: #1
Quote: وشروطي هدي وااااااضحة |
انتو النسوان بقن بتاعات مفاوضات شرسات جدا!
هسه يا ايمانو
انا عرفتك ايمن وللاايمان ولا ...? لكن بصدق الجماعه القالو بعرفوكم ديل غايتو بس حيرتينا..جيتى داخله يا يمه وللا يا بتي بي سنونك .. ولدوك بورديا بي سيجنال توو و فرشه. انا اطالب جمعية حماية الرجل والكائنات المنقرضه بتحري العدالة ورد حق زوجك "لعبتك" المسكين.
|
Post: #365
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:43 PM
Parent: #330
سعد الدين مفاوضات شنو ياخوي؟ نحن اسياد حق وبنشتري بحقنا وبين الشاري والبايع يفتح الله والنحدثك ياخوي انا لابعرف ايمن ولا امين انا ايمان بت صالح شنو الفوقي مابيشبه الفي النسوان؟ خلوا حقارتكم البتسووها مع النسوان دي قال ايمن قال
ايمان
|
Post: #385
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-21-2005, 02:26 PM
Parent: #365
Quote: سعد الدين مفاوضات شنو ياخوي؟ نحن اسياد حق وبنشتري بحقنا وبين الشاري والبايع يفتح الله |
آاااي وعيد الضحية زااتو قرب.. اتعلمي تساومي في الرجال ديل كان تجيبيلك خروفا نصيح يفرح ابو اولادك
المثل زاتو بقول : عرس لي ولدك ...بتك شغلها نضيييييف
|
Post: #331
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن الحلاوي
Date: 11-20-2005, 02:14 AM
Parent: #1
ليه تفكري في الشباب الفي في السودان نحنا في الاغتراب قدها وقدود وجاهزين بدل تمشي السودان للبهدلة والخمج والضرائب والكتاحة والدفارات والركشات وستات الشاي والفنادق المتهالكة تعالي وشوفي واحد من عزابتنا مهندمين وتفتيحة وبعرفوا من مجاميعوا ولك الخيار
|
Post: #332
Title: Re: اها ياجماعة انا مغتربة ولميت القروش وجاهزة للعرس
Author: المسافر
Date: 11-20-2005, 04:03 AM
Parent: #331
Quote: انت ياالمسافر اظنك بتحكي لي في فلم تايتانك |
أمونة بت الشيخ حمد
دقر يا عين
أياهو الفلم ذاتو
وكان ما خاف الكضب
تايتا دي مرة مرة بقولولها بايتا
ولا فايتا ما عرفتو
|
Post: #368
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:54 PM
Parent: #332
المسافر لا ياخوي بيتا دي اظنها قالوا وزيرة الصحة انت اظنك قاعد مقابل التلفزيون انا عاد اموت واعرف سلمى وين
ايمان
|
Post: #367
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:48 PM
Parent: #331
الحلاوي كدي النسالك اول شئ الحلاوي دي من الحلاوين؟ ولا بتسوي حلويات؟ عشان اكتب المميزات بس
ايمان
|
Post: #410
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن الحلاوي
Date: 11-21-2005, 11:20 PM
Parent: #367
من الحلاويين نسبة إلى حمد بن السيد رافع الملقب بحلو جد الحلاوين وأما عسل لقب لأخيه وهو جد العسيلات ، مع تحياتي
|
Post: #334
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-20-2005, 01:50 PM
Parent: #1
بسم الله الرحمن الرحيم
ال الموج****************وال ايمان
نزولا عن رغبة ابنتنا ايمان واحقاقا لتطلعات ابننا صديق الموج ندعوكم لحضور عقد قران
ابننا الوجيه صديق على ست الحسان و سيدة شباب العروسات ابنتنا ايمان وذلك بالمنبر
العام لمنبر سودانيزاونلاين....وينتهى الزواج بانتهاء مراسم العقد وهذه بمثابة دعوة
للجميع ماعدا الاتية اسماؤهم:
المسافر_ناذر _سعد الدين_ بقال _نجود_ سجيمان- طارق عبد اللطيف-نزار حسين- د/عبد
القادر-وكل الشمات الذين لم ترد اسماؤهم فى الكشف المرفق..يوجد كشف طرف الاخ بدر
الدين شنا واخر طرف الخال ود قاسم ..اماالذين يودون تقديم هدايا عينية فالرجاء
ارسالها للزعيم بكرى ابوبكر
للاستفسار اسالو ايمان باقى العصمة عندها
يا جماعة ده الكرت وحايكون على اوراق ملونة
والعاقبة عندكم فى المسرات،،،
|
Post: #335
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-20-2005, 03:26 PM
Parent: #334
الاخ العريس صديق والله فرحت ليك فرح الف الف مبروك عليك ريحت الجمل والجمالي وانا من عندي انا متنازل تب وبخيت وسعيد وعديلة عليك ابشر يا زول ابشر ويا عديلة يا بيضاء وياملايكة سيري معاي الليلة صديق فكانا من ايمان
الكشف عند منو قلت لي شايفك كاتب العاقبة عندكم في المسرات
|
Post: #337
Title: Re: اها ياجماعة انا مغتربة ولميت القروش وجاهزة للعرس
Author: القلب النابض
Date: 11-20-2005, 04:41 PM
Parent: #335
ايووووووووووي يووووووووووي يووووووووووي
مبرووووووووووك
عافية منك يا صديق الموج حسم الموضوع بالضربة القاضية
رغم اني ما متأكدة اني في اللستة الممنوعة لكن إبداء حسن النواية
مبروك بيت بوستات وبيت شعر
الكشف وينو ندفع ونمشي
|
Post: #371
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:02 PM
Parent: #337
القلب ووووب علي هو العرسوه صديق الموج؟ هو ياهو هو صديق سيد الحصان؟ انا ماماعرفتو يادي سمح سيدة دي منو؟ والمحومه بيجاي شنو الموج ده وقت عرسوه؟ كايس من حسع على التانية؟ والكشف ده نعله كشف العرس؟ انا قلت انفلونزا الطيور وصلت لكن مامارضيتها للموج البيعرسوه بالكشف امانة ماقصرت معاه سيدة
ايمان
|
Post: #399
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-21-2005, 02:51 PM
Parent: #371
Quote: القلب ووووب علي هو العرسوه صديق الموج؟ هو ياهو هو صديق سيد الحصان؟ انا ماماعرفتو يادي سمح سيدة دي منو؟ |
العروس كتلت ملف!
الموج
حووووووووووووووووووش
|
Post: #370
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:58 PM
Parent: #335
الامين ماقلت قاعد متحكر ماشي وين؟ وكشف شنو؟ انت عندك شنو ياخوي حمانا الله؟
ايمان
|
Post: #341
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-20-2005, 07:43 PM
Parent: #334
Quote: وهذه بمثابة دعوة
للجميع ماعدا الاتية اسماؤهم:
المسافر_ناذر _سعد الدين_ بقال _نجود_ سجيمان- طارق عبد اللطيف-نزار حسين- د/عبد
القادر-وكل الشمات الذين لم ترد اسماؤهم فى الكشف المرفق. |
الموووووج الكان لذييييذ
ياحليلك ونض امي
صغير وجاهل يايابا غايتو ما بنقول ليك مبروك وللا البركه فيك بس يتولاك الكريم ريحة العفشه فينا شنو يا دي/ه
وبعدين حفلتكم دي دقستو ما عملتو فيها جناح ضهب
حا نسوق الأستاذ ناذر ونربـط في طرف الحله لي أي ساوند سيستم أو مكرفون يخش الحله دي... حفلتنا صباااااحي... اساهر الليل صباحي يا القمره.
|
Post: #372
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:04 PM
Parent: #341
عقبالك ياسعد الدين عشان ترتاح من المساسقة دي وتريح الناس معاك
ايمان
|
Post: #369
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 01:55 PM
Parent: #334
ابننا الوجيه صديق على ست الحسان و سيدة
الموج مبرووووووووووك العرس ليكم منو؟ ماعرفتهم اصلي الناس ديل صديق علي سيد الحصان ده وسيدة دي مبروك ياخوي وعقبالك
ايمان
|
Post: #338
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-20-2005, 05:30 PM
Parent: #1
Quote: الاخ العريس صديق والله فرحت ليك فرح الف الف مبروك عليك ريحت الجمل والجمالي وانا من عندي انا متنازل تب وبخيت وسعيد وعديلة عليك ابشر يا زول ابشر ويا عديلة يا بيضاء وياملايكة سيري معاي الليلة صديق فكانا من ايمان
الكشف عند منو قلت لي شايفك كاتب العاقبة عندكم في المسرات |
اللمين اخوى...يباركوا ليك السمح...لكن سوالك عن الكشف ما رضى على فى زمتك
العلبة الماكنة ديك ما ك شايفة....انت من ناس عينية والا نقدية يا اخوى عشان
نوريك مشهادك،،،
|
Post: #345
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-21-2005, 02:09 AM
Parent: #338
Quote: العلبة الماكنة ديك ما ك شايفة |
صديق اخوي الفي ركن الصيوان دي هي العلبة !!!! ياخي دي ماكينة صرف آلي عديل تقولي لي علبة معليش اصلي نسيت البطاقة في محفظتي البنية .... بحول ليك بعدين من البطحاء انتو العروس وين ؟ خجلانة قال
|
Post: #346
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-21-2005, 02:28 AM
Parent: #345
Quote: انتو العروس وين ؟ خجلانة قال |
خجل العروس ولا ام العروس يا الامين
|
Post: #379
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:13 PM
Parent: #346
وووب علي من طولة بالك الناس عرسوهم هديل امشي اتحرك من السكنة هنا
ايمان
|
Post: #376
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:08 PM
Parent: #345
انتو العروس وين ؟
الامين العروس بتكون مرقت بالكارو تلملم ليها قريشات عاد النصيحة زعلت للموج الربنا رماه في واحدة مفلسة
ايمان
|
Post: #374
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:05 PM
Parent: #338
الموج مبروك تاني ياخوي الا مارضيتها ليك وجعني ليك النصيحة ليه ياخوي عرسكم بالكشف؟ شن كتر بلا القروش؟ سيدة دي بت ناس منو؟
ايمان
|
Post: #339
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-20-2005, 05:49 PM
Parent: #1
Quote: ايووووووووووي يووووووووووي يووووووووووي
مبرووووووووووك
عافية منك يا صديق الموج حسم الموضوع بالضربة القاضية
رغم اني ما متأكدة اني في اللستة الممنوعة لكن إبداء حسن النواية
مبروك بيت بوستات وبيت شعر
الكشف وينو ندفع ونمشي |
القلب النابض..
ان شاء الله نزغرد ليك فى النفاس ولمة الناس وانت يا يمة ان شاء الله امك
ما تضوق نارك...وانت مش معزومة انت تعزمى كمان وما تنسى منصور المفتاح
بافى الزول دفعتى...وبعدين انت ما كشف واحد انت كشفين..كشف دفع والكشف التانى
الكشف الرقيص ..يعنى تحتى قرض باقى انا وايمان عيناك وزيرة دولة ومستشارة
بالله يا جماعة لو عندكم ملاحظات على كرت الدعوة وافونا بيها....باقى ايمان
مستعجلة خلاص،،،،،
|
Post: #340
Title: Re: اها ياجماعة انا مغتربة ولميت القروش وجاهزة للعرس
Author: nasmah1981
Date: 11-20-2005, 06:37 PM
Parent: #339
Quote: بالله يا جماعة لو عندكم ملاحظات على كرت الدعوة وافونا بيه
أول حاجة اسم راعي البيت مش بتخت أول في كرت الدعوة؟... يعني مفروض يكون كدة
آل ايمان....................آل الموج ثانيا
وينتهى الزواج بانتهاء مراسم العقد
ذكرتني بعبارة كدة بتتقال في مناسبة تانية ...أنت خلطت بين المناسبتين ولا شنو
يا حليلااااااك
|
Post: #380
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:15 PM
Parent: #340
نسمة الرسول الموج دا ماتلوميه معذور وحياة خوتك الراجل بيكون الحوامة بالحصان مع سيدة تعبته وماعارفاه لسع مداوم على كورس الكوارع ولا سابه
ايمان
|
Post: #378
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:12 PM
Parent: #339
الموج انت مش عرست؟ تاني ايمان داير بيها شنو؟ ولا ناوي تبدا بالاربعة طوالي؟ عاد دي ماخطة فاتت خطة مدرب الهلال مابسالك وماقايلة كورس الكوارع بيسوي فوقك كدي
ايمان
|
Post: #342
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-20-2005, 08:07 PM
Parent: #1
Quote: أول حاجة اسم راعي البيت مش بتخت أول في كرت الدعوة؟... يعني مفروض يكون كدة
آل ايمان....................آل الموج ثانيا
وينتهى الزواج بانتهاء مراسم العقد
ذكرتني بعبارة كدة بتتقال في مناسبة تانية ...أنت خلطت بين المناسبتين ولا شنو
يا حليلااااااك |
نسمة 1981....
خلى الشمشرة اول شى راعى البيت دى تتقال اذا كنا اثنين لكن نحن بقينا روح
واحدة فى جسدين مش يا ايمونيتى..وانت قالوا ليك لو فى ملاحظة وافونا بيها ما
قالوا ليكم تعالوا اخربو البيوت...بعدين انت من الذين لم يرد اسمهم فى الكشف
يعنى ما معزومةبالعربى كدة،،،،
|
Post: #343
Title: Re: اها ياجماعة انا مغتربة ولميت القروش وجاهزة للعرس
Author: nasmah1981
Date: 11-20-2005, 08:31 PM
Parent: #342
وينتهى الزواج بانتهاء مراسم العقد وهذه بمثابة دعوة
للجميع ماعدا الاتية اسماؤهم:
المسافر_ناذر _سعد الدين_ بقال _نجود_ سجيمان- طارق عبد اللطيف-نزار حسين- د/عبد
القادر-وكل الشمات الذين لم ترد اسماؤهم فى الكشف المرفق..يوجد كشف طرف الاخ بدر
الدين شنا واخر طرف الخال ود قاسم ..اماالذين يودون تقديم هدايا عينية فالرجاء
هو أنا اسمي مكتوب هنا ؟
بعدين أنا العروس عزماني انت دخلك شنو ؟ ولاكمان داير تلغيها من حسه...أها تسكت ولا أقوم حسه الخبتا..الحكاية لسة شكلها ما سبتت شرعا ما شوفنا موافقة العروس
|
Post: #344
Title: Re: اها ياجماعة انا مغتربة ولميت القروش وجاهزة للعرس
Author: المسافر
Date: 11-20-2005, 10:43 PM
Parent: #343
الموج العريس
سيرتو بالخميس
سيروه المطاميس
Quote: وينتهى الزواج بانتهاء مراسم العقد |
أهو شن فضل تاني
هو بعد ما تعقدو بتفكو
|
Post: #347
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن عبدالله أبوشيبة
Date: 11-21-2005, 03:04 AM
Parent: #344
Quote: ابو شيبة عشان هنا صعب تشتري بضاعة قابلة للتبديل انا قررت العريس هو اليكون قابل للتبديل لو ماطلع مقاس الهدوم الاشتريتها، اها رايك شنو؟
ايمان |
عروستنا إيمان انا من المتداخلين في بداية البوست بتاريخ 8/11/ وقتها وحسب طلبك تخيلت يومين يومين وتطلعي ليك بقفة عرسان من العزابة أو رجال النسوان ، لكن باين عليك استحليتي العروض بعدما هيجتي خلق الله رواد المنبر ببوستك والظاهر عليك بقيتي تتعززي وكل العرسان ديل ماعاجبنك ،، نصيحة مني ليك تقبليها واقتراح مني لطابور العرسان نقوم نعمل معاك الشغل بتاع زمان لمن الواحد تكون عندو ساعة عاجباهو ولا عجلة عاجباهو يقوم يعمل ليها كرتلة بتعرفي الكرتلة لو ما بتعرفيها ممكن أشرحها ليك . يلا يقوم أكبر العرسان سناً بعمل الكرتلة لأنها ما أعتقد تكون موجودة في الزمن الحالي وينزلها في البوست وكل واحد يختار ليهو رمز منها والفايز تقبلي بيهو فوراً بدون تردد
|
Post: #348
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن عبدالله أبوشيبة
Date: 11-21-2005, 03:04 AM
Parent: #344
Quote: ابو شيبة عشان هنا صعب تشتري بضاعة قابلة للتبديل انا قررت العريس هو اليكون قابل للتبديل لو ماطلع مقاس الهدوم الاشتريتها، اها رايك شنو؟
ايمان |
عروستنا إيمان انا من المتداخلين في بداية البوست بتاريخ 8/11/ وقتها وحسب طلبك تخيلت يومين يومين وتطلعي ليك بقفة عرسان من العزابة أو رجال النسوان ، لكن باين عليك استحليتي العروض بعدما هيجتي خلق الله رواد المنبر ببوستك والظاهر عليك بقيتي تتعززي وكل العرسان ديل ماعاجبنك ،، نصيحة مني ليك تقبليها واقتراح مني لطابور العرسان نقوم نعمل معاك الشغل بتاع زمان لمن الواحد تكون عندو ساعة عاجباهو ولا عجلة عاجباهو يقوم يعمل ليها كرتلة بتعرفي الكرتلة لو ما بتعرفيها ممكن أشرحها ليك . يلا يقوم أكبر العرسان سناً بعمل الكرتلة لأنها ما أعتقد تكون موجودة في الزمن الحالي وينزلها في البوست وكل واحد يختار ليهو رمز منها والفايز تقبلي بيهو فوراً بدون تردد
|
Post: #349
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-21-2005, 03:40 AM
Parent: #348
السلام عليكم ورحمة الله وبركاته
العروسه بتتجهذ ولا شنو???
خايفه اقول مبروك يقومو يشاكلونى!!!
الغريبه بعد ما وضحت انها حقاره وقاسيه بالعملتو فى ود الناس داك لسه العرسان بالصفوف(ماشاء الله عينى بارده)
ماعارفه ليه شايله هم الزول المسكين الحيكون الضحيه القادمه
غايتو من رأيى البوست ده يظل مفتوح, عشان لو العريس التانى ماعجبوا الحال واتمرد زى الاول تفتش عن الثالت هنا
وكمان العريس ده اخير يسوق اولادو معاهو لو عندو اولاد ولو ماعندو يعمل أستنساخ عشان ماينق كتير لآيمان انو عاوز اطفال لانو هى مافاضيه للكلام الفارغ ده
مبروك و البقيه فى حياتكم مقدما
وفى امان الله
لا اله الا الله
|
Post: #387
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:31 PM
Parent: #349
بنت الاحفاد عروسة شنو البيجهزوها؟ العروسة بتكون جارية بالحصان وصديق ده ماتشغليه بالاسئلة بيكون في الكوافير يصبغوا ليه الشعر ويعطروه من ريحة الكوارع والكمونية هم بيني وبينك ذاتهم فايقين النضافة لزومها شنو؟ مابكرة بيرجع لي مطبخه وبشتنته
ايمان
|
Post: #386
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:28 PM
Parent: #348
ابوشيبة براحة يابوي اسم الله عليك ماترجف ياخوي شايفة كلامك ماتعيده وياخوي القفة صغيرة على الرجال ديل براك شايف الحالة وحسع اجرت لي صيوان لكن الكترابة قامت فوقه مشيت اجيب ناس السواري اها ناس السواري شبكوا فوقي جبت سيرة الشيلة الحصين الحصل عليها شنو ماعرفته؟ هاجت وماجت وقلبت الدنيا
اها نرجع لموضوع الكرتلة ماياها زي السواها الموج لي عرسه دي؟ ولا دي شنو دي؟
ايمان
|
Post: #384
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:24 PM
Parent: #344
انت ياالمسافر كمان بقيت خفيف زيهم حسع القال ليك العقد ده عقد شنو ذاته منو؟ ماامكن عقد عمل او عقد شراء
ايمان
|
Post: #382
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:20 PM
Parent: #343
نسمة كيفن راجية موافقة العروس ماهده في الكرت الكلام واضح قال عقد قران صديق على سيد الحصان على سيدة عاد كان سيدة ماموافقة معقول بس صديق يكتب كرت؟ كان كدي الراجل مابراه والعرس عملها فيه
ايمان
|
Post: #383
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:20 PM
Parent: #342
الموج امانة مااتلومت خليت عرسك وكشفك وجيت تطرد في الناس من سد مالي ياراجل خاف الله
ايمان
|
Post: #350
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-21-2005, 08:38 AM
Parent: #1
Quote: العروسه بتتجهذ ولا شنو??? |
العروس حبسوها السامع يكلم الماسامع!!
|
Post: #351
Title: Re: اها ياجماعة انا مغتربة ولميت القروش وجاهزة للعرس
Author: القلب النابض
Date: 11-21-2005, 09:54 AM
Parent: #350
انا مش الوزيرة وعينوني تعيين كمان العريس شخصياً
العروس مشت بيت حبويتها لانه ناس البيت بيجيروا وبيخبزو وبيجهزو في البيت , والبيت جايط.
عليكم الله يا صاحباتها تجو بيغادي.
ورقم الموبايل عندكم
انا ماشا الترزي وجايا يلاكي معاي يا بت الاحفاد
ويانسمة ايمان قالت ليك ضرووووري تمشي امدرمان تشوفي الحاجات القالتهم ليك. وتشوفي طلبات العريس الباقية عفراء مووول وسوق امدرمان.
انا مستعجلة فتكم بي عافية
يلا يا يت الاحفاد الترزي بيقفل .
|
Post: #389
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:34 PM
Parent: #351
ويانسمة ايمان قالت ليك ضرووووري تمشي امدرمان تشوفي الحاجات القالتهم ليك.
ايمان دخلها شنو في الموضوع؟ هو صديق الموج عزومة ماعزمني بس انا مالوامة الله يعدل ليهم
ايمان
|
Post: #388
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:33 PM
Parent: #350
سجمي ياالموج انت ياخوي عرسكم ده بالقلبة؟ العروس هي البيحبسوها؟
ايمان
|
Post: #352
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-21-2005, 10:11 AM
Parent: #1
Quote: ويانسمة ايمان قالت ليك ضرووووري تمشي امدرمان تشوفي الحاجات القالتهم ليك. وتشوفي طلبات العريس الباقية عفراء مووول وسوق امدرمان. |
انت يا يمة تنعدل عليك وين ما قبلتى..عليك الله طلباتى وهى بسيطة.. كريم كيلى + ديانا+ بتنوفيت كريم+ كريسيدا+ بوهلى وبعدين النيفيا بتسود الوش
ما تجيبوها لى....
القلب النايض ما تنسوا روب للحمام من عفراء واباجورة صغيرة وباقى الحاجات بينا
التلفون،،
|
Post: #390
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:36 PM
Parent: #352
عاد ياالموج وجعني عرسك ده ديل يابوي ابسط الحاجات الانت طالبهم ديل سيدة ماجابتهم ليك؟ اريتها دي يايمة عروس السواد والرماد الله يعوضك
ايمان
|
Post: #422
Title: Re: اها ياجماعة انا مغتربة ولميت القروش وجاهزة للعرس
Author: القلب النابض
Date: 11-22-2005, 04:28 PM
Parent: #352
Quote: القلب النابض ما تنسوا روب للحمام من عفراء واباجورة صغيرة وباقى الحاجات بينا
التلفون،، |
اوكي روب الحمام اللون شنو ... آخر مرة اتكلمنا ما سألتك..
|
Post: #353
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-21-2005, 12:37 PM
Parent: #1
الطلح قرب يكمل
|
Post: #355
Title: Re: اها ياجماعة انا مغتربة ولميت القروش وجاهزة للعرس
Author: nasmah1981
Date: 11-21-2005, 01:12 PM
Parent: #353
Quote: ويانسمة ايمان قالت ليك ضرووووري تمشي امدرمان تشوفي الحاجات القالتهم ليك. وتشوفي طلبات العريس الباقية عفراء مووول وسوق امدرمان |
سوق شنو وعفراء شنو يا قلب ...انتي ما شايفة الراجل ده قال ما معزومة ..وكمان فاتح نفسه كريم كيلى وديانا ومابعرف شنو وما تجيبي نيفيا قال بتسود الوش.....وحياتك يا موج أعمل ليك خلطة تخليك تمشي في الشارع تكلم نفسك وتقول أنا السويتا في روحي
|
Post: #364
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-21-2005, 01:43 PM
Parent: #355
Quote: العروس حبسوها السامع يكلم الماسامع!! |
حسه المفروض يحبسوهو منو, العروس ولا العريس???
ياقلب العجله شنو ليكى كان ماحصلنا الترزى المره ده حنحصلو فى العرسه الثالته, والجايات اكثر من الرايحات
وفى امان الله
لا اله الا الله
|
Post: #373
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-21-2005, 02:04 PM
Parent: #364
Quote: انت وسعد الدين ماشبهينا واتلاقينا سعد الدين بقى يسائل في نسمة والقلب اها انت لابد لمنو كان الله هون؟
|
واصلي واصلي انا لابد ليك انتي بس داير كلامك دا يكمل عشان اقبل عليك الليلة دي كان اقعد في المنبر لحدي الصباح وانشاء الله ما امشي الشغل بكرة ذاتو
|
Post: #396
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:42 PM
Parent: #373
اسمع النكلمك عاد اقعد قعادك من حسع ولبعد باكر بس كدي النجي نلقى لي عراقي واحد مافي عشان اجيب ليك بكري ابوبكر ده يلحقك الزينين
ايمان
|
Post: #393
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:39 PM
Parent: #364
اساليهم يابت الاحفاد انا ذاتي سالت الموج السؤال ده العرس ياختي الرجال قلبوه عديل
ايمان
|
Post: #392
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:38 PM
Parent: #355
خلطة شنو يانسمة؟ اكان كدي انتي مامتابعة يمين الخلطة اليسويها ليكي الموج عند ناس ويلا ماتلقيها
ايمان
|
Post: #391
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:36 PM
Parent: #353
عاد انت خليت العرس في روحه وبقيت تزازي بيجاي
ايمان
|
Post: #377
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-21-2005, 02:10 PM
Parent: #1
Quote: سوق شنو وعفراء شنو يا قلب ...انتي ما شايفة الراجل ده قال ما معزومة ..وكمان فاتح نفسه كريم كيلى وديانا ومابعرف شنو وما تجيبي نيفيا قال بتسود الوش.....وحياتك يا موج أعمل ليك خلطة تخليك تمشي في الشارع تكلم نفسك وتقول أنا السويتا في روحي |
نسمة خلاص تعالى العرس ما تفسخى لى وشى...الضبان تبع الليان...لكن جنب ايمان
ما القاك ما تعملى فيها اشبينة وتفصلى داك يافستان السيتان والقاك شايلة شمعك
وتجدعى فى الورد..البرش ايمان بالورد برشو بالدم...
|
Post: #381
Title: Re: اها ياجماعة انا مغتربة ولميت القروش وجاهزة للعرس
Author: saif massad ali
Date: 11-21-2005, 02:16 PM
Parent: #377
حال العدو طلاقها يوم عرسها , يا صديق الموج دي ماسبقك عليها زول
اها يا ايمان تاني كان الناس شافوك داخله بوست بختو قدامك طوبه
|
Post: #395
Title: Re: اها ياجماعة انا مغتربة ولميت القروش وجاهزة للعرس
Author: nasmah1981
Date: 11-21-2005, 02:40 PM
Parent: #381
[qoute]نسمة الرسول الموج دا ماتلوميه معذور وحياة خوتك الراجل بيكون الحوامة بالحصان مع سيدة تعبته وماعارفاه لسع مداوم على كورس الكوارع ولا سابه[/qoute]
حاااااااضر يا ايمان غالي والطلب رخيص ...عشان خاطرك بس ولو انه كسر بخاطري لكن معليش شفت يا موج البجي على الولايه ما بكسب خلي بالك
|
Post: #401
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:56 PM
Parent: #395
تسلمي يانسمة وان شاء الله ربي يجبر بخاطرك ومعليش انتي الواعية ما انتي المرا
ايمان
|
Post: #398
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:45 PM
Parent: #381
سيف ود مساعد ان شاء الله الطوبة التفلق مرتك مادايرة اقول ليك التفلقك انت تجي بنت الاحفاد تسمعني كلمتين شايفاها تشيل وتدافع عنكم الله يزيد من معاونيكم يارب كان حالكم ينعدل
ايمان
|
Post: #405
Title: Re: اها ياجماعة انا مغتربة ولميت القروش وجاهزة للعرس
Author: saif massad ali
Date: 11-21-2005, 03:05 PM
Parent: #398
Quote: ان شاء الله الطوبة التفلق مرتك
|
انا عندي واحدة غيرك يا ايمان
|
Post: #424
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 04:56 AM
Parent: #405
انا عندي واحدة غيرك يا ايمان
شنو؟ طوبة؟
ايمان
|
Post: #397
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:42 PM
Parent: #377
لكن جنب ايمان؟ يعني انا معزومة؟
ايمان
|
Post: #403
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 11-21-2005, 02:59 PM
Parent: #397
عملت مج....
ياربي ناذر التكتيك دا حا ينزلوا؟
|
Post: #425
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:00 AM
Parent: #403
عملت مج....
يايمة الج.... الكلكـ.... اللاب.... ملكـ....
ايمان
|
Post: #394
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-21-2005, 02:40 PM
Parent: #1
Quote: حسه المفروض يحبسوهو منو, العروس ولا العريس??? |
بنت الاحفاد عشان خاطر ايمان انا ما عندى مانع اكون (رهين المحبسين) الكى بورد والعرس
بس انت ادعى لينا،،،،
|
Post: #400
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 02:54 PM
Parent: #394
صديق المعري بسم الله صديق الموج مالك زي الماراضي بالحبسة؟
ايمان
|
Post: #404
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-21-2005, 03:00 PM
Parent: #400
اها انا مارقة الا جيت ابخر الصفحة الخامسة دي المرة الفاتت شوف عيني بقن خمسة صفحات الا فيصل نوبي الله يطراه بالخير الولد عينه اظنها مولعة نار جاء نضم في الصحفة الخامسة وقال لي ده اظنه مشروع حارات اتلفت لقيتهن بقن اربعة تاني اها ياعين ياعنية وياسيف مساعد جيب لي الزائيري ده اليحوط لي الصفحة دي والله يكفيني شر بكري ابوبكر السحره طلع اكعب من سحر فكي المريخاب عاد ديك جابوا كديسة بكري شغال بلا كدايس تصبحوا على خير
ايمان
|
Post: #402
Title: Re: اها ياجماعة انا مغتربة ولميت القروش وجاهزة للعرس
Author: nasmah1981
Date: 11-21-2005, 02:57 PM
Parent: #394
البرش ايمان بالورد برشو بالدم حنني والله ...أنت ياايمان كدي فكري كان في طريقة وتوافقي تكوني الزوجة الثانية
|
Post: #426
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:02 AM
Parent: #402
الرسول يانسمة حسع انتي بتصدقي جنس كلامهم ده؟ ياختي ديل اساليني منهم انا
ايمان
|
Post: #406
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-21-2005, 03:13 PM
Parent: #1
Quote: الموج مبرووووووووووك العرس ليكم منو؟ ماعرفتهم اصلي الناس ديل صديق علي سيد الحصان ده وسيدة دي مبروك ياخوي وعقبالك
ايمان |
ايمان انا عارفك خجلانة..ياهو حال العروسات الواحدة تلقيها قاعدة ومدنقرة زى الحمارة
الداقنها فى اضنيها..وتمد ايده لى مبروك زى المشحودة..حركات عرسان وكدة ولا يهمك
واثقين منك..خليك فى خجلتك دى وانا عاجبانى كية لى نسمة وبنت الاحفاد وسعد الدين
والمسافر..احى انا من الخجلة دى شوفو جنس الطعامة يا اخوانى،،،
|
Post: #407
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-21-2005, 03:42 PM
Parent: #406
Quote: ايمان انا عارفك خجلانة..ياهو حال العروسات الواحدة تلقيها قاعدة ومدنقرة زى الحمارة
الداقنها فى اضنيها..وتمد ايده لى مبروك زى المشحودة..حركات عرسان وكدة ولا يهمك
واثقين منك..خليك فى خجلتك دى وانا عاجبانى كية لى نسمة وبنت الاحفاد وسعد الدين
والمسافر..احى انا من الخجلة دى شوفو جنس الطعامة يا اخوانى،،، |
أيمان خجلانه??? قر قر قر
كان خجلانه ماعارفه
بعدين مش العريس مفروض مايتكلم مع العروس قبل فتره من العرس???
صديق الموج الجابو يتحاوم بيجاى شنو?
وفى امان الله
لا اله الا الله
|
Post: #408
Title: Re: اها ياجماعة انا مغتربة ولميت القروش وجاهزة للعرس
Author: bint_alahfad
Date: 11-21-2005, 03:56 PM
Parent: #407
الاخ الكريم الامين عثمان
الله يسلمك من كل مكروه وربنا يجزيك كل خير
Quote: تصدقي انا خطبوني مرتين قبل كدا وفي خطوبتي التانية كان فتح الخشم بيت بس ابيت تب وجيت السعودية دي انا ما بحب الفقر وما كنت داير امرق موضوع خطوباتي ديل يقولوا الراجل جنة لكن كلامك انتي وايمان عن خفتنا خلاني طلعت المغتة اها الخفاف انحنا وللا الحريم |
حسى الفرحه ده كلها عشان خطبوك مرتين بس, ماقلت ليك خفه شديده
حسى كان خطبوك عشرين ولا تلاتين مره تعمل شنو?
انا لو منك خطبونى اثنين بس اصلا ما اتكلم بيها, وربنا امر بالستر
ومال لو كان مهرك حجه تعمل شنو???
بالمناسبه ماتزعل من كلمه خفيف ما اظنو ده عيب فى الراجل
حسه لو ماخفه صديق الموج ده كان لقى الفى مرادو
بس الخفه ماتكون عشان العروسه المريشه
قال يا الواخد القرد على مالو...يروح المال ويفضل القرد على حالو
مع الاعتزار لصاحبه البوست
وفى امان الله
لا اله الا الله
|
Post: #413
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-22-2005, 00:24 AM
Parent: #408
Quote: حسى الفرحه ده كلها عشان خطبوك مرتين بس, ماقلت ليك خفه شديده
حسى كان خطبوك عشرين ولا تلاتين مره تعمل شنو?
انا لو منك خطبونى اثنين بس اصلا ما اتكلم بيها, وربنا امر بالستر
ومال لو كان مهرك حجه تعمل شنو??? بالمناسبه ماتزعل من كلمه خفيف ما اظنو ده عيب فى الراجل
|
اختنا البركة المحترمة بنت الاحفاد خطوباتي ديل ما كلام جرايد ساكت ويساون عشرين خطبة ديل بي جريهن وتعبن وتلفوناتن ومشاغلاتن وواسطاتن وحنيسن وفتح خشمن ومهرن وشيلتن الما خمج موش عراريق...انتي قيالاني انا بهزر لمن تمشي السودان كلميني عشان اديك عنوان البيت فتح خشمي وبعد دا كلو ابيت وقلت ماااااام انا اخوك يابنت الاحفاد انا بشتروني بي بيت ايمان جايبا ليها عراريق من وين ما عارف وقالت من باب شريف ودايرا ليها راجل كمان شوفي بالله صدقيني تليقيها جايباهم من سوق الليل الحج دا ما جمبي وانشاء الله وباذن الله شهر العسل بتاعي في مكة والعقد في الحرم انا ما زعلان من كلمة خفيف هو كان انا خفيف ما كان عرست من زماااااااان
محمد رسول الله
|
Post: #430
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:15 AM
Parent: #413
الامين مالك ياخوي مكضبني يشهدوا علي ناس باب شريف العراريق جايباهم من هناك والواحد بعشرة ريال وعشان اشتريتهم تلاتة حسبوهم لي بسعر الجملة اها طلعن التلاتة بخمسة وعشرين ريال اها قصرت انا بعد ده؟
ايمان
|
Post: #429
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:11 AM
Parent: #408
بنت الاحفاد قرد شنو ياختي؟ لا كان كدي محمد رسول الله وفي امان الله ياختي
ايمان
|
Post: #428
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:09 AM
Parent: #407
والله ياهو البيضحك يابنت الاحفاد
ايمان
|
Post: #427
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:06 AM
Parent: #406
منو دي الخجلانة دي؟ ههييييييييييييي والله قال اخجل من منو النبي اخجل؟ اخير النسكت ساكت بس حسع ياالموج الرسول فوقك انت زايغ من كورسات الكوارع وجايي تستغفل الناس؟ انا شروطي قلت ليك مابلعب فيها امشي سوي الاتفقنا عليه وبعد داك كرتنا بكتبه انا براااااااي
ايمان
|
Post: #433
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-23-2005, 05:20 AM
Parent: #427
Quote: امشي سوي الاتفقنا عليه وبعد داك كرتنا بكتبه انا براااااااي |
كدي
سمحه المقدرة يا يمة
|
Post: #446
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:47 AM
Parent: #433
والله صدقت سمحة المقدرة
ايمان
|
Post: #409
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-21-2005, 04:43 PM
Parent: #1
Quote: بعدين مش العريس مفروض مايتكلم مع العروس قبل فتره من العرس???
صديق الموج الجابو يتحاوم بيجاى شنو?
وفى امان الله
لا اله الا الله |
بت الاحفاد ..ديل العروسات الخايفين العريس يشيل نورتن..لكن ايمان دى منوره على طول
لامن جاهرانا كمان ....ونورها ولا بكمل ولا حاجتين وانا بتحاوم عشان انقص من نورها باقى
خايف عليها من العين....وحدووووووووووووووووووووو،،،،،،
|
Post: #411
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن عبدالله أبوشيبة
Date: 11-21-2005, 11:38 PM
Parent: #409
يا إيمان وبنت الأحفاد
رايكم شنو في واحد يعرسكم الاثنين طقة واحدة على الأقل بنت الأحفاد لمن تجي للحج أو العمرة تنزل بي مصلايتها مع ضرتها إيمان ،، فكروا وردوا بسرعة.
|
Post: #434
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:21 AM
Parent: #411
ابوشيبة شايفاك سويت ليك بوست لعرس المغتربين الجماعي سوق بت الاحفاد وامشي بيها هناك ويابخت من جمع راسين في الحراج بسم الله في الحلال
ايمان
|
Post: #432
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:17 AM
Parent: #409
ود الموج انا كان ختيت عينك انت مابتجيني عوجة امشي سوي كوارعك انا مافاضية ليك
ايمان
|
Post: #412
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-21-2005, 11:55 PM
Parent: #1
Quote: يا إيمان وبنت الأحفاد
رايكم شنو في واحد يعرسكم الاثنين طقة واحدة على الأقل بنت الأحفاد لمن تجي للحج أو العمرة تنزل بي مصلايتها مع ضرتها إيمان ،، فكروا وردوا بسرعة. |
ابو شيبة شكيتك على الله.....
وبعدين يعنى رب (ضرة) نافعة
|
Post: #414
Title: Re: اها ياجماعة انا مغتربة ولميت القروش وجاهزة للعرس
Author: عبدالرحمن عبدالله أبوشيبة
Date: 11-22-2005, 00:26 AM
Parent: #412
Quote: ابو شيبة شكيتك على الله.....
وبعدين يعنى رب (ضرة) نافعة |
يالموج أخوي
البنات نشفو ريقنا عشان كدا أنا بقترح نعمل القرعة والتقع ليهو يشيل على طول حتى لو ما موافقات بيكفي إنو إيمان براها الفتحت البوست دا وقالت عايزا ليها عريس يعني الواحد لو مشى أمام القاضي وعرض عليهو الموافقة دي ممكن يعقد ليهو على طول وبعدين تعال شوف الجقلبة والسكلبة وساعتها الواحد يخلي العراريق تتطاقش شي قدرك شي طويل شي عايز تقييف وهاك يادلع معاها خلفة رجل وشنيق طاقية وياعيني ياليل وآآآآآآآآآآآآآه
|
Post: #436
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:26 AM
Parent: #414
ابوشيبة شايفة قعدة الشاي كبرت
ايمان
|
Post: #435
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:25 AM
Parent: #412
الموج مالك ياخوي انت طايح في الخلق كدي؟ ياراجل روق انا جني وجن الشلاقة والخفة
ايمان
|
Post: #415
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-22-2005, 00:36 AM
Parent: #1
Quote: محمد السيد والامين اسوي ليكم شاي؟
|
اااي سويهو ويكون خفيف بالله وما تنسي تعملي حساب سعد الدين ولحدي ما يطلع الشاي تعالوا يا محمد وسعد احكي ليكم من كتاب طبقات اللمين ود عثمان في مكاواة النسوان الموجود بمكتبة العبيكان في واحد معرس ليهو واحدة زي ايمان دي ولمن خلاص زهج منها ما طلقها بس بقى يجي من الشغل و يقشر اخر قشره عندو ويطلع وتقول ليهو ماشي وين يقول ليها ماشي النادي ويجي انصاص الليالي يلقاها نايمة والصباح يمشي شغلة ويجي يطلع تاني وكل ما تساله ماشي وين يقول ليها ماشي النادي وبالطريقة دي طوالي الشاي طلع يا مرا انا عارفه ايمان دي حركتها تقيلة اها ارجع ليكم لي قصتنا يقوم الراجل يموت والناس قاعدة في بيت البكا تجي مرا تسكلب وتدردق في الارض وتشيل في التراب وتتكتح وحي ووب وتعدد .... مرت الميت استغربت فوق المرا دي جاية من وين ومحروقة كدا علي راجلها .... سالتها قالت ليها ما عرفتك الاخت منو .. قالت ليها انا مرت الميت دا !!!!! صاحبتنا قامت عليها وقالت ليها اسمعي هوي يا مرا انا مرت المرحوم والمرحوم لا بعرف نسوان ولا بتاع نسوان من شغلة لي بيته للنادي ديك قالت ليها انحنا ما النادي ذاتو
هسه عليكم الله يا جماعة كما انحنا ديل والموج وبنت الاحفاد والقلب وبقية الاخوان كان بوستها دا وصل الخامس
|
Post: #417
Title: Re: اها ياجماعة انا مغتربة ولميت القروش وجاهزة للعرس
Author: المسافر
Date: 11-22-2005, 04:22 AM
Parent: #415
الموج
تبقى ليك هنية ومرية وانشاء الله تتهنو
يا ربي أنا تاني داير أقول شنو أيوة
ما عارف منو القال
"" ضنبيكم على جحريكم، عين القط حمرة عليكم""
والله يخزي الحساد عارف شن قالوا ""بيتوسد التقيلة إنشاء الله ثابت أجرو"" "" بيطير من عرشو شاهدو زولو النجرو"" "" وإن كنكش شديد مصيرو بكرة يهجرو""
|
Post: #439
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:29 AM
Parent: #417
المسافر انا خبر سلمى بجيبه براي وبشوف انا اخرة قعدتك هنا دي
ايمان
|
Post: #420
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 11-22-2005, 07:44 AM
Parent: #415
Quote: اااي سويهو ويكون خفيف بالله |
الو ..الأمين أجيب معاي بسكويت من البقالة ولا عندها خبيز من باقي هدية العيد؟
|
Post: #421
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-22-2005, 09:42 AM
Parent: #420
Quote: الو ..الأمين أجيب معاي بسكويت من البقالة |
مرحبا سامعك يا محمد ما تجيب اي شي تعال بس سرعة ...الموج بيتو بخيرو المطبخ ملاين والتلاجة ملاينة والخير باسط يا زول
|
Post: #441
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:33 AM
Parent: #421
الموج بيكون خابزه بايده امشوا ليه بهناك
ايمان
|
Post: #440
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:32 AM
Parent: #420
بتجيبه بالحيل انت البسكويت وكان مااخاف الكضب الخبيز اظنك بتكون تاعب اهلك بيه هي الكروش دي بتجي ساي؟
ايمان
|
Post: #452
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 11-23-2005, 07:57 AM
Parent: #440
Quote: الخبيز اظنك بتكون تاعب اهلك بيه هي الكروش دي بتجي ساي؟ |
كرش شنوا يا إيمان الله يهديك هي كان في كرش كان إغتربت
سنين الغربة دي كلها أبت تقوم أكل المطاعم مابنفعوا عدم النوم
هسع منتظر أعرس كان بالي يهدأ وأكرش (ماعندك لي عر و ثة,لكن تكون بتعرف تعمل الشاي والخبيز,وتدرس لي الأولاد-تستحمل- ماتعمل لي مجنونة آآآا..,باقي لي بنات الزمن دا متمردااااات..أها وتاني شنوا يالأمين أخوي..)
( * * * ) إنتي ياتكرشيني يا تتهميني بي كرش؟
|
Post: #453
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-23-2005, 08:15 AM
Parent: #452
Quote: وتاني شنوا يالأمين أخوي |
هو في شنو تاني ما مغيظوه ومقهورة بس من يوم ما طلع مشروع زواج المغتربين وانحنا اتسجلنا فوقو والنار قامت فوقها طوالي جات هنا لي بوستها وقعدت تحرر فوقوا تشاكل في دا وتكرش في دا ما خلاص فكت منها
لكن بيني وبينك يا باشمهندس بوستها دا عامل زي ملاح الرجلة كلما يقدم يبقى ليهو طعم
|
Post: #454
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 11-23-2005, 03:31 PM
Parent: #453
الأمين,إيمان والمتداخلين تحياتي
Quote: كلما يقدم يبقى ليهو طعم |
.. عرسوا فوق ليها ...أظن تلاتة أها..لمن غلبا التعملوا قالت كلمتا المشهورة: (الأولي تحلا ولو كانت ..رجلة)
إيمان أظن جاتا فلايت من الردود ..(تاني بتجي السوق؟)
|
Post: #438
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:29 AM
Parent: #415
تلقاها عند الغافلة ياالامين الشاي انا لروحي مابسويه ياهو الفضل اسويه ليكم انتو كمان سوق الرجال ديل وامرقوا من هنا خلاص والبوست اريته ماعمر سويتوه لي كله ونسة وهديل الاولاد يشيلوا ويعرسوا واحد وراء التاني الله يجازي الكانوا السبب بس
ايمان
|
Post: #416
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-22-2005, 03:28 AM
Parent: #1
Quote: هسه عليكم الله يا جماعة كما انحنا ديل والموج وبنت الاحفاد والقلب وبقية الاخوان كان بوستها دا وصل الخامس |
اللمين اخوى انا ما معاكم انت وبنت الاحفاد والقلب،انا سيد وجعة والبكاء بحرروه اهله
وقسمت بى الله اوصل الصفحات على قدر عدد خيوط العراريق الجايباهن لى العروس ان
شاء الله عمرها قدر خيوطن برضو..اطلع منها يا اخوى،،،
|
Post: #418
Title: Re: اها ياجماعة انا مغتربة ولميت القروش وجاهزة للعرس
Author: الأمين عثمان صديق محمد
Date: 11-22-2005, 04:48 AM
Parent: #416
Quote: اللمين اخوى انا ما معاكم انت وبنت الاحفاد والقلب، |
معليش يا صديق اخوي اضفتك بالغلط لي قائمة العزابة حقك علي ومن هسه دي انا متبرع ليكم بشهر العسل عندنا في كسلا
Quote: انا سيد وجعة والبكاء بحرروه اهله |
لكن انت ما صحي سيد وجعة ووجعك نفرو برا هو في زول بتوجع زي الوجع الراجيك غايتو لمن تحددوا العرس متين ادينو هلو عشان اقابلكم في كسلا واديك نسخة من كتاب اللمين ود عثمان باقي الكتاب مليان
|
Post: #444
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:39 AM
Parent: #418
الامين انت من كسلا؟ بتعرف ناس النباهة؟
ايمان
|
Post: #442
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:34 AM
Parent: #416
الموج العراريق بقن حقاتك خلاص؟ عاد متل قوة عينك اصلي ماشفت اها انا في وانت في وكورس الكوارع بيناتنا النشوف اخرتك
ايمان
|
Post: #419
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-22-2005, 05:18 AM
Parent: #1
Quote: الموج
تبقى ليك هنية ومرية وانشاء الله تتهنو
يا ربي أنا تاني داير أقول شنو أيوة
ما عارف منو القال
"" ضنبيكم على جحريكم، عين القط حمرة عليكم""
والله يخزي الحساد عارف شن قالوا ""بيتوسد التقيلة إنشاء الله ثابت أجرو"" "" بيطير من عرشو شاهدو زولو النجرو"" "" وإن كنكش شديد مصيرو بكرة يهجرو"" |
المسافر والله عقدتنى...البنية دى ما بايرة ليها سنين ودنين(والله دنين دى مانى عارف
معناها المهم جاتنى وخبتها كان تزعل البنية كان ترضيها) هسع بقت حلوة من ما قشير
ده قال دايرها..كان كدى شوف ليك نظام خصخصة ونبقيها شركة ذات مسئولية محدودة
هسع من شدة العين ما بقت عليها كتيرة قربتو تطرشونى ليها..ياخى معزوم جنس طفاسة
غايتوا انت ونسمة واسعد واللمين تتلحوا العدو،،،
|
Post: #423
Title: Re: اها ياجماعة انا مغتربة ولميت القروش وجاهزة للعرس
Author: المسافر
Date: 11-22-2005, 11:52 PM
Parent: #419
Quote: كان كدى شوف ليك نظام خصخصة ونبقيها شركة ذات مسئولية محدودة |
أيواتالك
بشوف لك النظام
قصرت فيك؟؟
لكن سمعت تحت تحت بقولوا المسئولية المحدودة دي فيها إنة
وربما تودي في داهية
من الناحية دي ما تشيل هم ما حكاية النظام دي بشوفها ليك
قصرت فيك؟
أبو النظام الأصفهاني
|
Post: #431
Title: Re: اها ياجماعة انا مغتربة ولميت القروش وجاهزة للعرس
Author: فيصل نوبي
Date: 11-23-2005, 05:16 AM
Parent: #423
Quote: الا فيصل نوبي الله يطراه بالخير الولد عينه اظنها مولعة نار جاء نضم في الصحفة الخامسة وقال لي ده اظنه مشروع حارات اتلفت لقيتهن بقن اربعة تاني اها ياعين ياعنية |
ما عارف كل مرة اجي في الخامسة ليه
انتو الحارات كملن ولا شنو !
المرة دي خايفو يتسحب و تبقا سكن عشوائي
|
Post: #437
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-23-2005, 05:28 AM
Parent: #431
في الضواحي وعشش المدائن
|
Post: #448
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:50 AM
Parent: #437
سعد الدّين امشي ابوشيبة سوى ليه بوست عرس امشي كان تمرق ليك بطاقية
ايمان
|
Post: #450
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-23-2005, 06:23 AM
Parent: #448
ابييييييت
امرق امشي ويين
انتي بي جدك ?
|
Post: #447
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:48 AM
Parent: #431
اها جيت؟ الليلة الله يستر ساي بس
ايمان
|
Post: #451
Title: Re: اها ياجماعة انا مغتربة ولميت القروش وجاهزة للعرس
Author: فيصل نوبي
Date: 11-23-2005, 06:34 AM
Parent: #447
البوست ده شكلو حيكون عدد ضفاير بت الياهو دي
|
Post: #445
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:40 AM
Parent: #423
الأصفهاني اكان كدي لقينا الفنان
ايمان
|
Post: #443
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 11-23-2005, 05:38 AM
Parent: #419
منو دي البايرة ياالموج؟؟؟؟؟
ايمان
|
Post: #449
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 11-23-2005, 05:52 AM
Parent: #1
Quote: منو دي البايرة ياالموج؟؟؟؟؟
ايمان |
الله يكسرنى حتة حتة حتة حتة حتة حتة حتة ..دى انا دى البايرة!!
|
Post: #456
Title: Re: اها ياجماعة انا مغتربة ولميت القروش وجاهزة للعرس
Author: المسافر
Date: 11-26-2005, 04:28 AM
Parent: #449
Quote: الأصفهاني اكان كدي لقينا الفنان
ايمان |
الموج...الموج... الموج
ياخوي الفنان قالو اتلقى
أها شركتكم دي أخير حلها
ولا أقولك
أدمجوها مع ناس العلاقات الطيبة والإنفتاح
والعجب كان سجلتوها في هيئة الأوراق المالية
إلا عدادا يرمي والحسابة بتحسب
|
Post: #473
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:06 AM
Parent: #456
المسافر اها سلمى حددت اقامتك بعد حوامتك في البوست ده ولا لسه خالة ليك الحبل على الرقبة؟
ايمان
|
Post: #460
Title: Re: اها ياجماعة انا مغتربة ولميت القروش وجاهزة للعرس
Author: القلب النابض
Date: 11-28-2005, 02:40 PM
Parent: #449
يا اجماعة نحن ما حضرنا العرس زمان
وزغردنا انتو بتلتو وبتعجنوا في شنو
شوفو الحاجات التانية وعرسو ليكم لي ناس تانين بي باقي العراريق ديل
ما ممكن نغيب ونجي نلقاكم لسة
وخير البر عاجلة.
|
Post: #474
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:08 AM
Parent: #460
القلب النابض نقتكم دي ياها هي سبب الكفوة ذاتها الرسول اقعدي رايقة واطلقي ليك بخور هنا كان يطرد ناس نوبي ديل
ايمان
|
Post: #472
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:03 AM
Parent: #449
الموج الرسول فوقك ترجع يا صديق انا مع راجلي وافكر فيك لمن الفاس وقع في الراس تعال راجع بنتفق
ايمان
|
Post: #457
Title: Re: اها ياجماعة انا مغتربة ولميت القروش وجاهزة للعرس
Author: WadAker
Date: 11-28-2005, 09:35 AM
Parent: #1
Quote: منو دي البايرة ياالموج؟؟؟؟؟ |
عشان تثبت "منو دى" غلط الموج شممونا ريحة اى دخان
|
Post: #458
Title: Re: اها ياجماعة انا مغتربة ولميت القروش وجاهزة للعرس
Author: سلمى على محجوب
Date: 11-28-2005, 01:16 PM
Parent: #457
يا اختي ايمان ديل الرجال حكي بس ما في واحد منهم بسوق البص مشو كان عرستيو ومن السودان جبتيو اخيرلك باقي غربتك قضيةبراك مالك زايدة كربتك رجال اخر زمن يدك في فموو يعضيك
|
Post: #459
Title: Re: اها ياجماعة انا مغتربة ولميت القروش وجاهزة للعرس
Author: saif massad ali
Date: 11-28-2005, 01:29 PM
Parent: #458
ايمان لابايرة ولا حاجتين يا عجائز اتلموا قبل البرد يكتلكم , والله راجنها الف عريس
هي كما ساهي مرة يطلقوها يوم عقدها
ايمان انتي مش اتفقتي معاي وخلاص
يلا ياود عكر والموج والمسافر كلكم بره
|
Post: #477
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:19 AM
Parent: #459
سيف ود عوج الدرب مبروك العرس ومبروك الوليد الجيلي وان شاء الله يتربى في عزكم تاني عاد ما اشوفك بيجاي
ايمان
|
Post: #476
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:17 AM
Parent: #458
ووووب علي يا سلمى عاد نعلك سويتيها جد؟ المسافر ده راجل اخونا والغنماية تاكل عشاه
ايمان
|
Post: #475
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:11 AM
Parent: #457
صدق السماك ود عكر
ايمان
|
Post: #461
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 11-28-2005, 04:59 PM
Parent: #1
Quote: عشان تثبت "منو دى" غلط الموج شممونا ريحة اى دخان |
ود عكر : داير تولع النار مالك با أخوي ...ربنا يطفي القايمة.
إيمان يا حردت يا خجلت يا خافت ياااا عرست.... أشك في الأخيرة دي بنطلون وقميص زاتو
|
Post: #463
Title: Re: اها ياجماعة انا مغتربة ولميت القروش وجاهزة للعرس
Author: فيصل نوبي
Date: 12-10-2005, 03:48 PM
Parent: #461
الزولة دي عرست تاني ولا شنو !!!! تهريجة الغريبة ناس المنبر مافي زول ناقص منهم
|
Post: #480
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:34 AM
Parent: #463
فيصل نوبي ناس المنبر عدموا نفاخ النار هسه وينه الموج؟
ايمان
|
Post: #478
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:24 AM
Parent: #461
سعد الدين تعال راجع اكان تمرق ليك ببنطلون وقميص
ايمان
|
Post: #464
Title: Re: اها ياجماعة انا مغتربة ولميت القروش وجاهزة للعرس
Author: saadeldin abdelrahman
Date: 12-10-2005, 07:52 PM
Parent: #1
ايمانو يا عروس انتي وين
|
Post: #481
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:43 AM
Parent: #464
سعد الدين انا هنا بعد عام وشهرين
ايمان
|
Post: #465
Title: Re: اها ياجماعة انا مغتربة ولميت القروش وجاهزة للعرس
Author: سيد محمد احمد سيدنا
Date: 12-11-2005, 01:00 AM
Parent: #1
ايمان
العناد خليه
وعرسى وخلصينا
لان العمله نازله
وممكن القروش ما تكفى بعدين
ونحن منتظرين نلم الكراسى
لحدى ما تظهر مغتربه جديده
عشان الحشاشين كترو وما بنقدر نناقس
وفى النهايه اقول دى الدنيا وحالها وربنا يجمع مع التحيه
|
Post: #482
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:47 AM
Parent: #465
وادي سيدنا سمعت كلامك وعرست وهسه خشمي ملح ملح نصيحتك يا يابا نصيحة التاباني
ايمان
|
Post: #466
Title: Re: اها ياجماعة انا مغتربة ولميت القروش وجاهزة للعرس
Author: Osama Ahmed
Date: 12-17-2005, 10:58 AM
Parent: #1
ايمان دي مشت وين يا شباب !!
|
Post: #467
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 12-17-2005, 02:16 PM
Parent: #466
..تت*
...................................................................... تت* :مس كول سريعة
|
Post: #468
Title: Re: اها ياجماعة انا مغتربة ولميت القروش وجاهزة للعرس
Author: فيصل نوبي
Date: 02-14-2007, 07:07 AM
Parent: #467
اها جبنا ليكي البوست يا ستي إيمان
رسلي باقي الشيكـ سريع و لا أفت ورقكـ في السهلة دي
|
Post: #485
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:50 AM
Parent: #469
و ده الطلاق بعد الحارة الخامسة
يطلقك الفي خلقتك هررررشك لحم كرشك
ايمان
|
Post: #470
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 07:49 AM
Parent: #468
فيصل نوبي خلي الكضب والادعاء الفارغ قدام الناس انا كتبت لبكري ابوبكر وهو رسل لي ايميل قال لي رجعت ليك البوست من الارشيف عاد جنس كضبك وبوبارك اصلي ما شفته قبال ده
ايمان
|
Post: #471
Title: Re: اها ياجماعة انا مغتربة ولميت القروش وجاهزة للعرس
Author: فيصل نوبي
Date: 02-14-2007, 07:54 AM
Parent: #470
ده كلو عشان طلقتكــ
هسي أمشي بالتلاته .. تاني ما أشوفكـ حايمة هنا .
|
Post: #487
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 06:52 PM
Parent: #471
الا كان تطلق كرعيك
ايمان
|
Post: #484
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:49 AM
Parent: #467
مهندسنا العزيز اها ما لقيت الموج؟
ايمان
|
Post: #483
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 08:49 AM
Parent: #466
اسامة ايمان رجعت الله يرجع الفي بال ايمان
ايمان
|
Post: #479
Title: Re: اها ياجماعة انا مغتربة ولميت القروش وجاهزة للعرس
Author: DKEEN
Date: 02-14-2007, 08:28 AM
Parent: #1
Quote: انا كتبت لبكري ابوبكر وهو رسل لي ايميل قال لي رجعت ليك البوست من الارشيف |
بكري ده انا رسلتا ليهو مسنجر قتا ليهو عندي بوست جيبو لي من الارشيف طنشني زي السلام عليكم..
انا يا ايمان مالي .. الجكس ده لا داير يعرسني ولا بكري عايز يجاملني.. فيني شوك؟؟
|
Post: #486
Title: Re: اها ياجماعة انا مغتربة ولميت القروش وجاهزة للعرس
Author: معتز القريش
Date: 02-14-2007, 10:11 AM
Parent: #479
هوووي يا إيمان
الرجال الفوق ديل كلهم كضابين
مافي زول بعرس غيري أنا وسيف مساعد
وسيف مساعد عندو أربعة
وأنا عندي تلاتة
يعني سيف مساعد برة
وأنا باقي لي واحدة
قلتي شنو ؟
|
Post: #490
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 07:16 PM
Parent: #486
هوا
قلت غور كدي ولا كدي
بِس
ايمان
|
Post: #492
Title: Re: اها ياجماعة انا مغتربة ولميت القروش وجاهزة للعرس
Author: معتز القريش
Date: 02-14-2007, 08:50 PM
Parent: #490
الهواء بركة الله اللي يجيبوا ليك ناس الحيكومة
المشتهي الحنيطير إطير
كمان وقت رضينا بالهم الهم ما راضي بينا
أوعك تجيني صادة .
والله كان متي ما أعرسك
|
Post: #494
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-15-2007, 07:54 AM
Parent: #492
والله كان متي ما أعرسك
لا ياخ النبي فوقك تجي تعرسني انا عاد ما ميتة في دباديبك موت وكان ما عرستني بموت
ايمان
|
Post: #489
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 07:11 PM
Parent: #479
لا ما فيك اي شئ
فاااااااااضي
أيمان
|
Post: #488
Title: Re: اها ياجماعة انا مغتربة ولميت القروش وجاهزة للعرس
Author: سليمان عبد الغني
Date: 02-14-2007, 07:02 PM
Parent: #1
إيمان إنتي لسع بتكوسي
أنا قدمت أوراقي في شباك (أنا طلقت راجلي)
وقريت الخمسة صفحات ديل
وقلت يمكن طيرونا في التصفيات
لكن في الزمن الرجيناكي فيهو ده
نحن زاتنا إغتربنا ولمينا قروش
يعني عراريقكي أبو عشرة ريالات ديل
إلا تتبرعي بيهم لجمعية خيرية
وأنا بعرف لي عنوان جمعية كويسة
إنتي بس جيبيهم وأنا أوديها ليهم عشان ما تعبي روحك المكنة دي على وزن كيلة المجاهد
|
Post: #491
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-14-2007, 07:41 PM
Parent: #488
سليمان اوراقك شالتها المسؤولة عن التنسيق العراريق دي ياها شبه الرجال
ايمان
|
Post: #497
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-16-2007, 12:13 PM
Parent: #496
لؤلؤ زي ما بتقول تماضر ازيك يا راجل وعقبالك انت ده ذاتك في روحك دي وتسلم يا غالي
ايمان
|
Post: #498
Title: Re: اها ياجماعة انا مغتربة ولميت القروش وجاهزة للعرس
Author: DKEEN
Date: 02-16-2007, 01:07 PM
Parent: #1
ايمان المطوفشة..
انتي في عاقل بعرسك ؟؟
بي طرطشتك دي إلا يخللو بيكي الخيار ...
|
Post: #499
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-16-2007, 01:59 PM
Parent: #498
دكين انت فاهم الموضوع بالقلبة ياخوي انا ما دايرة زول يعرسني انا الدايرة اعرس زول
ايمان
|
Post: #500
Title: Re: اها ياجماعة انا مغتربة ولميت القروش وجاهزة للعرس
Author: أسامة خلف الله مصطفى
Date: 02-16-2007, 02:12 PM
Parent: #499
أختى الكريمه إيمان
سلامى
لو دايرين واحد يجى العرس ويتكلم ليكم فى مواضيع بايخه ممله... وخاصة السياسية.... أو عندك معازيم ما عاجبنك ودايره تقرفيهم ....
أرجو الإتصال بنا....
عرس سعيد...
أخوك أسامه خلف
|
Post: #502
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-16-2007, 02:51 PM
Parent: #500
اسامة اخوي خلاص طفش دكين ده كان يحس
ايمان
|
Post: #501
Title: Re: اها ياجماعة انا مغتربة ولميت القروش وجاهزة للعرس
Author: DKEEN
Date: 02-16-2007, 02:23 PM
Parent: #499
البت دي غياظة يخوانا..
|
Post: #503
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-16-2007, 02:54 PM
Parent: #501
بت في عينك
ايمان
|
Post: #504
Title: Re: اها ياجماعة انا مغتربة ولميت القروش وجاهزة للعرس
Author: DKEEN
Date: 02-16-2007, 03:26 PM
Parent: #503
اسمها بت في عينيك
موش بت في عينك!!!
انتي الرومانسية اتعلمتيها في ياتو ابتدائية؟؟
|
Post: #507
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-17-2007, 10:24 AM
Parent: #504
اتعلمتها في ابتدائية حلويات سعد يا المنقطها
ايمان
|
Post: #505
Title: Re: اها ياجماعة انا مغتربة ولميت القروش وجاهزة للعرس
Author: صديق الموج
Date: 02-16-2007, 07:04 PM
Parent: #1
Quote: مهندسنا العزيز اها ما لقيت الموج؟
ايمان |
ايمان تنادينى والحديد يقاوينى؟؟
نعل ابو كده ياخى....نقرب ليكم تكوركو نبعد برضوا تكوركو...ان شاء الله نلحس المكوة حارة.
قراب يا ست الكل وكل فالنتاين وانت بخير،،،
|
Post: #506
Title: Re: اها ياجماعة انا مغتربة ولميت القروش وجاهزة للعرس
Author: Eng. Mohammed al sayed
Date: 02-16-2007, 07:20 PM
Parent: #505
أستاذى صديق الموج تحياتنا كما كنت حضرتك الهدهد الذى أتى بأخبار الفرجونى فى بوستك الآخير ذهبت وقرأته وتمنيت أمنيتى بزيارتك لها هنا وها هى تحققت الأمنية.
Quote: ايمان تنادينى والحديد يقاوينى؟؟ |
حديد وبعيد
دوس اللنك:ـ Re: انا طلقت راجلي التاني الحقوني يا ناس التكنلوجيا المتقدمة
|
Post: #509
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-17-2007, 10:26 AM
Parent: #506
مهندسنا عاد امانة ما فرحتني جية الموج دي بعد كدي كل فاراً اليدخل جحره
ايمان
|
Post: #508
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-17-2007, 10:25 AM
Parent: #505
الموج جيت؟ ايووووووووووي ايووي يووي يووي يا رندا تعالي زغردي معاي الموج سيد الرجال جا
ايمان
|
Post: #510
Title: Re: اها ياجماعة انا مغتربة ولميت القروش وجاهزة للعرس
Author: WadAker
Date: 02-25-2007, 04:56 PM
Parent: #1
لوووووول غايتو نحنا جينا ... ايمان بت صالح سلامات..متابعين ..والخيل الاصيله بتجى بعد الموج ... ضفرة.. وصفك الاجتماعى مطلقة والا ارملة؟ .... ما تقولى ما بتفرق
|
Post: #511
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 02-25-2007, 06:19 PM
Parent: #510
وصفك الاجتماعى مطلقة والا ارملة؟
ود عكر جيت؟ أريتك طيب؟ ووين من ديك وعيك؟ وصفي الاجتماعي متزوجة كان عجبك
ايمان
|
Post: #512
Title: Re: اها ياجماعة انا مغتربة ولميت القروش وجاهزة للعرس
Author: أسامة خلف الله مصطفى
Date: 02-25-2007, 06:49 PM
Parent: #511
أختى إيمان
أيه رأيك فى طفيشت ود دكين؟؟؟؟؟
حانرسل ليك الفاتورة...
أخوك أسامه خلف
|
Post: #513
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 03-01-2007, 08:17 AM
Parent: #512
أيه رأيك فى طفيشت ود دكين؟؟؟؟؟
حانرسل ليك الفاتورة...
عاد يا اسامة الفكي حقك ده الحقني بيه والفاتورة خليها معاك برسل ليك عراقي وطاقية
ايمان
|
Post: #514
Title: Re: اها ياجماعة انا مغتربة ولميت القروش وجاهزة للعرس
Author: Nader Abu Kadouk
Date: 03-01-2007, 09:30 AM
Parent: #513
ياختي العرس جننك
شكلك كده بايركس
ودابكدوك
|
Post: #515
Title: Re: اها ياجماعة انا مغتربة ولميت القروش وجاهزة للعرس
Author: إيمان صالح
Date: 03-03-2007, 08:27 AM
Parent: #514
ياختي العرس جننك
شكلك كده بايركس
الجن بيتداوى كعبة الاندراوة يبركوا فيك خنق يا ود اب كدوك
ايمان
|
|
|
|