Post: #1
Title: الرئيس النووي محمود أحمدي نجاد في الخرطوم
Author: محمد فرح
Date: 02-12-2007, 03:28 PM
Parent: #0
من المقرر أن تستقبل البلاد يوم غد الثلاثاء ضيف البلاد الرئيس الإيراني محمود أحمدي نجاد وتتناول الزياره موضوعات إقليميه وإسلاميه هامه كما تتناول سبل دفع العلاقات الإقتصاديه والإستثماريه بين السودان وإيران ....
وتتميز علاقاتنا مع إيران بدفء خاص وإستعداد من الجانبين للتطوير ..
وكان الرئيس نجاد قد صرح مسبقاً بأن الضغوط والمؤامرات التي تحيط بالسودان وغضب الغرب الذي ينصب عليه يعود إلى صمود شعبنا البطل أمام قوى الشر المتغطرسه وقال أن المستكبرين بصدد خلق الفرقه وتجزئة السودان لذا ينبغي على الحكومه والشعب إحباط مؤامراتهم القبيحه بذكاء وذلك عن طريق الوحدة والمقاومه والتضامن والتوكل على الله ,,,,,
وكان البشير قد صرح مسبقاً بحق إيران المشروع في الإستفاده من الطاقه النوويه في الأغراض السلميه ..
|
Post: #2
Title: Re: الرئيس النووي محمود أحمدي نجاد في الخرطوم
Author: محمد فرح
Date: 02-12-2007, 03:37 PM
Parent: #1
بمناسبة الزياره الميمونه دي أحب أهدي أغنية (الوسيم القلبي رادو) للرئيس الإيراني محمود أحمدي نجاد ....
|
Post: #3
Title: Re: الرئيس النووي محمود أحمدي نجاد في الخرطوم
Author: محمد البشرى الخضر
Date: 02-12-2007, 10:30 PM
Parent: #2
| Quote: وتتميز علاقاتنا مع إيران بدفء خاص |
تعرف يا ود فرح
عمك دا خلاص نويتوا تجيبوا خبروا
و تلحقوهوا صدام و بن لادن و شيخ شريف شيخ أحمد
أي واحد تقيفوا وراه يا بعتوه يا كجيتوه
تصدق يا ود فرح أنا مبسوط منك جدا, قولي ليه؟
لأنك ما بهمك , و لا بتتحرج
مكنتك بتاعة مطار الأبيض ولا زيارة الصوفي القضارف العملتو اليوفي , دي أنا كان عملتها و زرزروني فيها كدا, براحة بخت الباسوورد في ظرف و أرسله لي بكري من سكات , و أمشي أسجل في النيوسودان
بتاعة....
يا معلم إنت طلعت أخطر من صلاح غريبة-الرياض
|
Post: #4
Title: Re: الرئيس النووي محمود أحمدي نجاد في الخرطوم
Author: محمد فرح
Date: 02-13-2007, 08:49 AM
Parent: #3
Quote: تصدق يا ود فرح أنا مبسوط منك جدا, قولي ليه؟
لأنك ما بهمك , و لا بتتحرج |
محمد البشرى ياغالي
قالو لكل جواد كبوه
| Quote: دي أنا كان عملتها و زرزروني فيها كدا, براحة بخت الباسوورد في ظرف و أرسله لي بكري من سكات |
سبب واااااااحد يخليني أرسل الباسوورد لي بكري مافي ودي أحلام ناس صاحبي وسام  غايتو النتيجه لحدي الان 6 / صفر لصالح العضو محمد فرح ....
قرصه زي قرصتك:
إنت ياأخوي كدي بي صراحه دايرني أتخارج وللا لأ
|
Post: #6
Title: Re: الرئيس النووي محمود أحمدي نجاد في الخرطوم
Author: محمد البشرى الخضر
Date: 02-13-2007, 02:03 PM
يا معلم ...كيفك
| Quote: قالو لكل جواد كبوه |
كان قلنا بتاعة اليوفي كبوة
بتاعة مطار الأبيض تكون كفوة عديل
بالطريقة دي جوادك دا بقتل ليه زول
| Quote: غايتو النتيجه لحدي الان 6 / صفر لصالح العضو محمد فرح .... |
تعرف دي ذكرتني حكاية المزارع العراقي القالو عليه أسقط الأباتشي بــ أب عشرة
أو بيانات صوت العرب سنة 67 عن سقوط تل أبيب (طبعا دي إنت ما حاضرها)
أوعى تكون دي كبوة جواد برضك
| Quote: إنت ياأخوي كدي بي صراحه دايرني أتخارج وللا لأ |
العفو يا ود فرح
ما أنا البقول لي زول إتخارج و لا أقعد
حرية الكتابة في البوردعندي خط أحمر - ما دام فقدنا حرية الكلام في بلدنا لازم نحافظ عليها
ثم ثانيا
تتخارج وين يا معلم
أنا لما بشاشا يحرق روحي و يعكر مزاجي
بكوسك عشان أفرق عندك
إنت و آخرين
بتاعة.....
إنتو يا ناس المشروع الحضاري بقيتوا تقرصوا كمان
|
Post: #5
Title: Re: الرئيس النووي محمود أحمدي نجاد في الخرطوم
Author: Yasir Elsharif
Date: 02-13-2007, 09:41 AM
Parent: #1
أها وحترجعوا الكتب بتاعتهم لمعرض الخرطوم؟؟
وللا دا براهو وداك براهو؟؟
|
Post: #7
Title: Re: الرئيس النووي محمود أحمدي نجاد في الخرطوم
Author: محمد البشرى الخضر
Date: 02-13-2007, 11:12 PM
Parent: #5
ود فرح ....
وين يا معلم
ما بركة الجوادك دا كبا في موضوع اليوفي
الليلة كان مع بهاء الدين ملصة دا فضيحتكم بقت بي جلاجل
لكن كويس خليتوها مستورة
بالمناسبة....
موضوعك دا أنا مالقيت ليه صلب عشان أطلع منه
|
Post: #8
Title: Re: الرئيس النووي محمود أحمدي نجاد في الخرطوم
Author: محمد فرح
Date: 02-14-2007, 08:31 AM
Parent: #7
| Quote: ما بركة الجوادك دا كبا في موضوع اليوفي |
أبوحميد
عارفك شمتان
بالمناسبه إنتو أسيك ده لو كان لعب معاكم كان أخدتوا أربعه
لكن بكل صراحه أنا بهاء الدين ده خلاااااااص روحي حرقتني منو وجاب لي الهارد والله أمس قربت أمشي الإستاد أدي كف وأجي راجع ...
غايتو لو لعبنا مع الهلال مامشكله لأنو الكوره ماحتصل لي بهاء الدين لكن المشكله مع الفرق الكبيره دي ...
لكن وبي كل صراحه وصدق :
بركه الجوادي كبى لأنو الوضع الشفتو أمس ده مامطمئن ..
وفي النهايه برضو كسبنا خبره وإحتكاك خارجي
|
|