والله أشتاق جدا أخي المناكف والمشاكس اساسي!!

برغم كل المخاشنات السابقةالعنيفة المشهودة بيني وبين اخي الاصغر السماني
( اساسي) في اقذع صورها واشنعهاالا اني اشتاقه جدا ويشهد الله ما كرهته ابدا لان القضية عندي عامة وليست شخصية بل احببته جدا لاني احببت فيه هذا الوضوح الوقح في المواقف وهذه الشجاعة في الدفاع عن ارائه ولو اختلفنا فيها.. وهي حالة ايضا تعبر عن قوة الشخصية واصالتها رغم حالات التشويش والتشويه التي اعترتها بسبب هذا النظام القذر الذي شوه كل قيم الخير والجمال وشوه وجدانات الناس الجميلين ايضا..واحمد الله ان (اساسي )وهو قد أكد نبله وعدم انتهازيته دون الاخرين من رفاقه الفاسدين الانتهازيين الذين ولغوا في مال الفساد المنهوب من لقمة هذا الشعب المجروح وهم متنفذون ومزايدون بمواقفهم في الدفاع عن هذا النظام المجرم عندما ناى بنفسه مهاجرا ضاربا صحاري التيه بعيدا عن مناخات الانتهازية والفساد وقد اثر الهجرة خارج الوطن ليعيش بالحلال من عرق كدحه وكده لاجل اسرته بلا ادني مزايدة ونفاق وهو يؤكد موقفه من هذا النظام المجرم ومن هذه المعارضة الفاسدة المنهزمة بكل وضوح ونحن ملتقون في هذا التحليل وهذه الخلاصة.
وهذه مناسبة ان احييه واتمني له حياة اسرية سعيدة بالخير والرفاء مواطنا سودانيا صالحا وامد اليه يد الصداقة والمحبة والاحترام وادعوه للعودة للكتابة فيما ينفع الوطن
بذات الوضوح وذات الشجاعة ضد اعداء الوطن من الحاكمين والمعارضين.

هشام هباني

لاخ العزيز هشام هباني
تحيه طيبه تحمل كل معاني النبل ا لا نا دايما بحسه من خلف كماتك
التي اغلب الاحيان بتكون قاسيه وقويه ومرات بتكون لاذعه لكن انا دايما
كنت بشعر ؤرى الكلام ده كله انسان شفاف مرهف ممكن تكون دي هنا المشكله
انتا عامل زي العصب المكشوف بحس باي شي حتي ولو كان بسيط وان كنت انت
اكيد بتتكلم في هموم كبيره المشكله الزمن النحنا فيه ده كل الناس
جلده بقي تخين احساس مافي الامن رحم الله
بعجبني ردودك ؤاحترامك لي الاخر لما يسال او يعترض علي بعض كلامك
لك كل احترامي وتقديري ايها المغوار الجسور

عفاف ابو حريره
ام احمد

اختي الفاضلة عفاف ابو حريرة

سلامات

يا اختي هذه الدنيا زائلة ولا تبقي فيها الا الكلمة الطيبة الصادقة.
والحياة بلا مواقف وشرف افضل باطن الارض منها وقد وهبنا الله نعمة العقل لنميز بين الصالح والطالح والحق والباطل.. وهناك محكات هي اختبار للصدقية والوعي والمبدئية وفيها تبان المواقف وتتضح الرؤى ويبان الصادقون من المنافقين والشجعان من الجبناء
ومن هنا كان مصدراعجابي بصديقي الاصغر اللدود اساسي... وفقه الله في حياته ولك شكري ايضا ايتها الاخت النبيلة علي نبلك واطرائك في حقي وانا لست مستحقا له.
ودي واحترامي

هباني

اليوم داك بحضر في برنامج ليالي النغم كانت الحلقة مع ( طرزان) الحوار كان تحفة حقيقية اها المذيع سال طرزان وقال ليهو شايف في واحد من المعجبين قابلك في الباب وانت داخل وقام حضنك وقال ليك عن مدي اعجابه بيك وتاثره بفنك وغنائك والحانك وحفظه لاغنياتك جميعها عن ظهر قلب .قام طرزان في الوقت دا وردا علي السؤال المحضور عن ما يتبع ذلك من كدا وفي لحظة تجلي مع نفسه والاخرين ومع الزول المعجب بيهو دا ومع الجمهور البشاهد فيه في الصالة ومع جمهور المشاهدين البتفرجو في التلفزيون . رد بقوله:
قول ولااااااي .!!! ومشي خلاهو
اها اسع يا ود هباني بعد المشاكسة والمدافرة السابقة والقصقصة والضرب تحت الحزام السابق بينا
((طبعا انا الوحيد الختيتها ليك وقطعتوا معاك))اشوف ليك البوست دا اليوم داك المعنون بـ والله أشتاق جدا أخي المناكف والمشاكس اساسي!! فكان ردي التلقائي عليه في لحظتها :باللاي ؟
طبعا اذا ربطنا الشوق دا بالاوصاف السابقة (ناس ككو ودج ) يبقي الموضوع مستحمي عديل والشوق وحِل ..لكن طبعا الموضوع ما كدا لانه بعد المرة الكلمتني فيها ديك بالتلفون لقيتك عصفور لذيذ وسنغنغ ..لكن الايام دي لقيتك رافع قزازك المظلل وداخل ليك في مشروع ود ناس مأدب وجاري الستارة
والله من كترة ما لقيتك مادب يا هشام هباني اليوم داك حلمان بيك انك اتنقبت عديل كدا؟

كتبت عفاف :

Quote: كنت بشعر ؤرى الكلام ده كله انسان شفاف مرهف ممكن تكون دي هنا المشكله انتا عامل زي العصب المكشوف بحس باي شي حتي ولو كان بسيط وان كنت انت اكيد بتتكلم في هموم كبيره المشكله الزمن النحنا فيه ده كل الناس

والله ماشة معاك ملبن يا صاح
شكرا لام احمد
والاطفال الحلوين المعاك

يا هشام
نرجو مراجعة الخور لأمر هام وشكر

اخي الاصغر السماني( اساسي)

حبابك الف

حمدا لله علي السلامة وانت بيننا واتمني ان يطيب ويطول بك المقام بيننا لتواصل هذه المسيرة الوطنية بعد انقطاع يبدو انه كان بسبب الاعباء الاسرية الجديدة واتمني ان تكون فترة سعيدة وايضا كانت فترة كافية لمراجعة الذات وبعض الامور وانت تقيمها تقراها من خارج دائرة السجال بشكل ثاقب فاحص ماحص..فرؤية القمر الجميلة من علي البعد جعلته معشوقا ازليا لكل شعراء وعشاق الدنيا علي مر الازمان..ولكن لو قيض الله لاولئك العشاق وبعثهم اليوم ان يذهبوا في احدي مراكب الفضاء الي القمر وان يهبطوا علي سطحه.. ستذهلهم الصدمة ونعقد السنتهم الدهشة لهذا القبح الذي يعتري سطحه وخده الاسيل الذي تغنوا به! حتما سيهجونه ويحتقرونه وسيندمون علي كل دقيقة استنزفوا فيها مشاعرهم لاجل هذه الحفر والاخاديد والفضاء الموحش مكونات هذا القمر معبود العشاق!
اشتاق مناكفاتك ومشاكساتك رعم مراراتهالانها في نظري هي تعبير صادق واضح حد الوقاحة عن حوار بين اجيال تختلف في الرؤي والتطلعات والاحلام ولكنها تتفق في حب الوطن كل حسبما نهل من تربية وطنية وما تملكه من مواقف.

اهلا بك في تاكسي هباني المظلل ويبدو هذه المرة شكل الاتكاءة مختلف وانك قد تيسر لك قراءة اوضاع الوطن وقراءة هباني من علي البعد كثيرا وسيظل هو ظااااااطو الهباني الذي تركته كما هو وقد اتفقنا حينها ان الحكومة بت الهرمة والمعارضة الهزيلة صنوان بل (طيـ....في لباس واحد)!!
جرد سيفــك ايها الصنديد لنبدأ مشوارا علي الفساد والفاسدين من الحاكمين والمعارضين وسوف لن تخسر شيئا لانك ببساطة ليس منتفعا من الحكومة الفاسدة ولن تخسر ما تخاف عليه ولا انت مع المعارضة الهزيلة حتى تخسر رضائها!

اهلا باخي السماني امد يدي اليك وكلانا يد واحدة لاجل الحق والحقيقة ولا نامت اعين الجبناء

ودي واحترامي

هباني ظااااااطو

ولكنك تجرد سيفك لمحابة كل ما يمت للإسلام بصلة
وتطعن في كلام رب العالمين
أو هكذا تتظاهر

والله يا هشام هباني كلامك دا جميل جدا بس زمنه انتهي
انا يا مان الان ما ما عندي اي قضية ولا اي مبدأ ومستعد ابيع اي حاجة
يعني بالعربي بقيت فارش مبادئ للبيدفع اكتر
لا حكومة لا معارضة ما بيهموني
يعني بالواضح كدا ما عندي زمة زاتو
يعني وطنية ووطن والحنك الحامض دا ما جايب همه
مستعدين نبيع اي حاجة واي زول في اي ملف يا صاح

!!!

Quote: والله من كترة ما لقيتك مادب يا هشام هباني اليوم داك حلمان بيك انك اتنقبت عديل كدا؟

والله يا هشام متشكرين جدا إنك مرقت لينا أساسي الليلة ..

أساسي حمدلله على السلامة وإنشالله ما تغيب تاني ..

Quote: والله يا هشام متشكرين جدا إنك مرقت لينا أساسي الليلة .. أساسي حمدلله على السلامة وإنشالله ما تغيب تاني ..

الحبيب ناذر (الحبيب بكسر الباء الأولى واليائ المشنطة) ..

كيفك يا رجل يا طيب ..

هشام هباني مرق لينا أساسي لكن الزول مرق شربان ()

إنت ما قريت الكلام التحت دا ..

هسع أنا خوفي كله يكون شراني من زمان ..

تحياتي ..

والحمد لله على عودة أخينا الظريف أساسي ..

Quote: والله يا هشام هباني كلامك دا جميل جدا بس زمنه انتهي انا يا مان الان ما ما عندي اي قضية ولا اي مبدأ ومستعد ابيع اي حاجة يعني بالعربي بقيت فارش مبادئ للبيدفع اكتر لا حكومة لا معارضة ما بيهموني يعني بالواضح كدا ما عندي زمة زاتو يعني وطنية ووطن والحنك الحامض دا ما جايب همه مستعدين نبيع اي حاجة واي زول في اي ملف يا صاح

يا كابتن أساسي ..

الحمد لله على سلامة العودة ..

يعني نازل بخطة فريق الكاميرون .. الله يدينا خيرك بس ..

جاد

جاد كيفك ..

Quote: هشام هباني مرق لينا أساسي لكن الزول مرق شربان ()

ما مشكلة إنو أساسي يبيع القضية .. لي قدام بيتصلح ..

شنكل :

أنا زاتي القدامك دا بعت القضية من زمان

Quote: والله يا هشام هباني كلامك دا جميل جدا بس زمنه انتهي انا يا مان الان ما ما عندي اي قضية ولا اي مبدأ ومستعد ابيع اي حاجة يعني بالعربي بقيت فارش مبادئ للبيدفع اكتر لا حكومة لا معارضة ما بيهموني يعني بالواضح كدا ما عندي زمة زاتو يعني وطنية ووطن والحنك الحامض دا ما جايب همه مستعدين نبيع اي حاجة واي زول في اي ملف يا صاح

انت حتبيع ايه يا اساسي بعد ما المولد انتهي وكل زول شال اخر الحمص واخر ايدو!؟
فاحسن ليك ما دام مجاور النبي هناك وقافل علي الشفاعة يوم القيامةوماك راجع الوطن ..اخير ليك تسوي كلام الله...(والساكت عن الحق شيطان اخرس) وما في كبير الا الله!

يا سيد ناذر

Quote: أنا زاتي القدامك دا بعت القضية من زمان

^
^
^
شربان