Post: #1
Title: تعالوا شوفوا حوش بكري فيه شنو؟
Author: حسن الطيب يس
Date: 02-04-2007, 06:34 AM
بسم الله الرحمن الرحيم
الاخوة الاعزاء
امس العصير كده بعد ختيت كباية الشاي و وراها السفة الياها درعت ليكم الجلابية
و العمة والمركوب الوحيد الذي أخوكم مدخره للمناسبات و الليلة المشوار يستاهل الهندمة
وكمان من ركن الدولاب فتيل الريحة بروفوسي و وقفت قدام المراية وانظر الي خيالي
واردد (كلميني يا مراية شايفك طربانة حكوا ليكي حكاية ولا كنتي معايا)
الحاجة عاينت لي كده وقالت
متشيك كده علي وين إنشاء الله في عقد ولا شنو؟
المسكينة ما عارفه المكان الماشي ليه الكلام بالشات يا عوض دكامو العرس في البوست
وانا خارج ناديت الولد
يا ولد جيب العصاية المعلقة جوه
المشوار طلع في راسي اليوم لازم امشي لي حوش بكري علي الاقل الواحد يشوف
الحاصل شنو جوه الحوش ده
لما طلعت بره الشارع راسي ضرب ... أسع حوش بكري ده يركبو ليه شنو ولا ...
ياتو مواصلات ..ولا يقطعو ليه تذاكر بالجد إحترت وإحتارت أفكاري...
وأنا في حيرتي فإذا بنسمة جميلة تمر في الشارع و أخوكم ما صدق وطوالي إتشعبطه
فيها بدون مفاهمة.
علي وين يا سيد هي تكيةعمارة بدون بواب؟
جريت لي نفس طويل منها لامن صدري طقطق
أنا ماشي حوش بكري
بكري منو؟
بكري ابو بكر في حد في الدنيا ما بيعرفو
ماتقول ماشي وطن من لا وطن لة...وصلت إرتاح أنا حاغشي نفس الحته
فتحت عيني فإذا بي قدام باب حوش بكري المابيغباني
كدي نوصف ليكم باب حوش بكري باب عمده..دي الصورة
أقول ليكم المكتوب في الباب شنو
خلوني أخد نفس
|
Post: #2
Title: Re: تعالوا شوفوا حوش بكري فيه شنو؟
Author: أبو الحسين
Date: 02-04-2007, 08:41 AM
Parent: #1
Quote: الحاجة عاينت لي كده وقالت
متشيك كده علي وين إنشاء الله في عقد ولا شنو؟
|
الله يخزيك يا شيطان...
فكري هني مشى لي مكاناً كُتُر... قبل أكمل القصة!!!
Quote: وأنا في حيرتي فإذا بنسمة جميلة تمر في الشارع و أخوكم ما صدق وطوالي إتشعبطه
فيها بدون مفاهمة.
|
أها يا ود ياسين... الله يبرد عليك نسمتك دي... وتجي راجع تكمل لينا...
فد حكِّيرة في إنتظارك!!!
قواسيب مودتي...
أبو الحســــــــين...
|
Post: #3
Title: Re: تعالوا شوفوا حوش بكري فيه شنو؟
Author: ناذر محمد الخليفة
Date: 02-04-2007, 02:08 PM
Parent: #1
منتظرنك يا عم حسن ..
|
Post: #4
Title: Re: تعالوا شوفوا حوش بكري فيه شنو؟
Author: حسن الطيب يس
Date: 02-05-2007, 04:15 PM
Parent: #3
اها رجعنا
المكتوب في باب بكري عنوان كبير بي خط جميل و مزخرف
سودانيز اون لاين دوت كوم
صوت من لا صوت له و وطن من لا وطن له
باب الأمل مفتوح
وصورة فريدة تحكي الامل
علي حلق الباب زر جرس كهربائي
ضغط علية لم اسمع رنين جرس ولكن صوت الفنان ترباس
حبايبي الحلوين أهلا جوني
ضربت الجرس كم مرة وكل مرة أسمع صوت ترباس
ومافي زول فتح الباب .....يا رب الناس ديل مافشين ولا شنو؟
أنا سامع أصوات كتيرة جوه
فجأة يقيف تكسي جنب الباب و ينزل منه شاب ماشاء الله صحة
و عافية وطاقية عسكرية ففوق الراس وسجارة كبيرة من النوع
الكوبي دخانها يلويورشاش فوق الكتف
وأنا أشبة في الزول ده أنا شايفة وين؟
واخوكم بالجد خاف وإفتكرت أنا جيت حتة غلط وزحيت شوية من
الباب
الراجل طوالي وقف قدام الباب لا سلام ولا كلام
وبدأ يكتب حروف فوق الباب
سألتة ده مش حوش بكري؟
أيوه نعم. عاوز منو؟
عاوز بكري.
جايي زيارة؟
أيوه زيارة
خلاص لف حول الحوش ده و إتكل أمشي بيتكم ,ناس الحوش الليلة
مافاضين عندهم إنقلاب
وإنتهي من الكتابة علي الباب .و الباب إنفتح شئ يحير ..أنا واقف نص ساعة
أضرب في الجرس.
مسكت الباب و ثقلت ليه ممكن أدخل معاك؟
إنت ياراجل ما عندك راس الدخول هنا لإ بي يوزر نيم و باسويرد
تقصد باسبورت.؟
إنت ياراجل كوز ولا شنو ؟ عاوز تفشل الإنقلاب؟ وقفل الباب مني
أها إتذكرت الزول ده منو..ده ما جيفارا أبو سجارة
[B/]هباني
ألله يجازيك خوفتني
و ده أول زول ألاقيوه
نفس تاني
|
Post: #5
Title: Re: تعالوا شوفوا حوش بكري فيه شنو؟
Author: حسن الطيب يس
Date: 02-05-2007, 04:17 PM
Parent: #3
اها رجعنا
المكتوب في باب بكري عنوان كبير بي خط جميل و مزخرف
سودانيز اون لاين دوت كوم
صوت من لا صوت له و وطن من لا وطن له
باب الأمل مفتوح
وصورة فريدة تحكي الامل
علي حلق الباب زر جرس كهربائي
ضغط علية لم اسمع رنين جرس ولكن صوت الفنان ترباس
حبايبي الحلوين أهلا جوني
ضربت الجرس كم مرة وكل مرة أسمع صوت ترباس
ومافي زول فتح الباب .....يا رب الناس ديل مافشين ولا شنو؟
أنا سامع أصوات كتيرة جوه
فجأة يقيف تكسي جنب الباب و ينزل منه شاب ماشاء الله صحة
و عافية وطاقية عسكرية ففوق الراس وسجارة كبيرة من النوع
الكوبي دخانها يلويورشاش فوق الكتف
وأنا أشبة في الزول ده أنا شايفة وين؟
واخوكم بالجد خاف وإفتكرت أنا جيت حتة غلط وزحيت شوية من
الباب
الراجل طوالي وقف قدام الباب لا سلام ولا كلام
وبدأ يكتب حروف فوق الباب
سألتة ده مش حوش بكري؟
أيوه نعم. عاوز منو؟
عاوز بكري.
جايي زيارة؟
أيوه زيارة
خلاص لف حول الحوش ده و إتكل أمشي بيتكم ,ناس الحوش الليلة
مافاضين عندهم إنقلاب
وإنتهي من الكتابة علي الباب .و الباب إنفتح شئ يحير ..أنا واقف نص ساعة
أضرب في الجرس.
مسكت الباب و ثقلت ليه ممكن أدخل معاك؟
إنت ياراجل ما عندك راس الدخول هنا لإ بي يوزر نيم و باسويرد
تقصد باسبورت.؟
إنت ياراجل كوز ولا شنو ؟ عاوز تفشل الإنقلاب؟ وقفل الباب مني
أها إتذكرت الزول ده منو..ده ما جيفارا أبو سجارة
[B/]هباني
ألله يجازيك خوفتني
و ده أول زول ألاقيوه
نفس تاني
|
Post: #7
Title: Re: تعالوا شوفوا حوش بكري فيه شنو؟
Author: حسن الطيب يس
Date: 02-05-2007, 04:44 PM
Parent: #3
أبو الحسين و ناذر
شكرا علي المرور
ولما أدخل جوه الحوش حتشوفوا العجب
يدكم معاي
|
Post: #6
Title: Re: تعالوا شوفوا حوش بكري فيه شنو؟
Author: حسن الطيب يس
Date: 02-05-2007, 04:34 PM
Parent: #1
الصورة الفوق دي صورة
الامل
غادة نوري
الفنان ينزل صورة لها
شكري
أنا بفتش لي في باسويرد
كل واحد يحافظ علي الباسويرد حقه
عشان يقول الواحد فيكم الحرامي سرق
|
Post: #8
Title: Re: تعالوا شوفوا حوش بكري فيه شنو؟
Author: حسن الطيب يس
Date: 02-10-2007, 04:47 AM
Parent: #6
وقفت قدام الباب افكر في طريقة ئادخل الحوش ده كيف
أنط الحيطة يارب ولا إنتظر يجي واحد و إزقم معاه
وفجأة إتذكرت يوم رسل لي حجاب في جواب وقال لي
الحجاب دهأحفظة في مكان أمين عشان لما تفكر تزورنا
بينفعك كتير.
نكت الجزلان ولفيت الحجاب وفتحتة, مالقيت فية ايات
قرءانية لفيت مكتوب فية إسمي وحروف و أرقام
وأخوكم أول ما لقي الكلمات دي عرفتها تكون ياها
الكلام القالوا هباني الباسويرد
كتبت الحروف دي والارقام فوق الباب و الباب إنفتح
و أخوكم جري دخلت
وختيت يديني فوق راسي من طترت الناس الجوه,
نفس وأعود
|
Post: #9
Title: Re: تعالوا شوفوا حوش بكري فيه شنو؟
Author: حسن الطيب يس
Date: 02-10-2007, 06:26 AM
Parent: #8
أول زول لقيتة في خشم الباب سيد الحوش ذاتو
أخر شياكة وكرسي كبير فوق مسطبة عالية يعاين
للناس الجوه الحوش ويصور فيهم
الراجل نزل سلم علي
أهلا العم حسن, حمدالله علي السلامة. تشرب شنو.؟
عندكم شنو يشربوه؟
الحوش عامر يا عموو حسن
حاجة باردة نبرد بيها المشوار ده
و السيد المهندس جاب لي كرسي وأخوكم إتوهط و قعد
فوق المسطبة العالية إتفرج في الناس الكتار ديل
أول ما لفت نظري أسد حايم وسط الناس ديل
باشمهندس الاسد الحايم وسط الناس دخ شنو؟
ده حارسنا وفارسنا ما شايف البوليس ماشي معاهو؟
عندوه باسويرد مسروق منه
|
Post: #10
Title: Re: تعالوا شوفوا حوش بكري فيه شنو؟
Author: حسن الطيب يس
Date: 02-13-2007, 05:48 AM
Parent: #9
يا بكري حوشك ده فية كترت شخصيات كبيرة الحكاية شنو؟
يا أبو علي في ناس في الحوش ده عندها الظهر (الريح الاحمر)
كل واحد يتلبش يروح منقمس في شخضية كبيرة.
و طيب الاطفال الكتار ديل شنو ؟ عندكم روضة أطفال هنا؟
اها ديل كمان الجيل القادم للحوش, كل أبو ارسل طفلة
للحوش عشان يتعلموا ويكبروا ويشيلوا الشيلة,
طيب الشافعة الصغيرة الحايمة توزع في شنو؟
دي بت دكتور يس بتوزع في سماية أخوها.
أها يا بكري الكشك المعلقين فية الصور ده إستديو؟
لا.. ده أخونا كستاوي الايام دي عامل عمر الجزلي بيوسق
صور ناس الحوش.
و الشايل الكمرة داك منو؟
ده ود سيتنور؟
لإسمة منو؟
إسمه ود عبد الحفيظ؟
أيوه عرفتة.ود ست النور الشايقية.إنت ما سمعت قصتةمع
ناس التمتام؟
لا.. ما سمعتها.
التمتام دي محطة (قهوة)في طريق شريان الشمال الناس الفيها
مابيجو عشرين شوية رواكيب قهاوي ومطاعم و بروش للصلاة
ود سيتنور شايل كمرتة دي و مسافر زيارة لي بيت ستنور
وصور ليك ناس التمتام الشايل عكاز والشايل سكين وصور المطعم
وكان مرسوم فية صورة كبيرة لي بي لادن.ولمت رجع بث الصوور دي
في النت . تاني يوم طائرات أمريكية تشن غارة مدمرة علي التمتام
علي أساس إحدي معسكرات تدريب بن لادن. وناس التمتام لا يدهم
و لا كراعهم.أسع ناس الشمالية المسافرين محتارين يشربوا ااسلي
وين لما يسافروا؟
نفس......................................
|
|