Post: #1 Title: تقول لِى شنو ! Author: Mustafa Mahmoud Date: 02-02-2007, 12:43 PM
سيد أحمد الحردلو >> تقول لِى شنو !
تقول لِى شنو !
-1-
تقول لِى شنو
وتقولى لِى منو ،
-2-
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا
-3-
تقول لِى شنو
وتقول لِى منو ،
-4-
تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْ
وأمى مهيرة بتْ عبودْ
وأخويا المهدى ..سيد السيفْ
والخلى النصارى تقيفْ
هناك ..فى القيفْ ،
-5-
تقول لِى شنو
وتقول لِى منو ،
-6-
ونحن الشينْ
ونحن الزينْ
ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
تقول لِى شنو
وتقول لِى منو ،
-8-
ونحن الصّافى
والوَافى ،
ونحن الشّافى
والكافِى ،
ونحن الزادْ
ونحن العِينه
والزِيّنه ،
ونحن – يمين – أهالينا
أهلى سرورْ
ووكَتين ينزل المستورْ
تَرَانَه النور
-9-
تقول لِى شنو
وتقول لِى منو ،
-10-
ونحن الجبنه واللبريقْ
ونحن قداحنا سَاوات ضيقْ
ونحن بيوتنا مفتوحاتْ
مَسَاىْ .. وَصباحْ
ونحن وشُوشنا
مطروحاتْ
مَسَاىْ وصباحْ
ونحن السَمحه
والقَمحه
ونحن الطله .. واللمحه ،
ونحن الصِيدْ
ونحن العيدْ ،
-11-
تقولى لِى شنو
وتقولى لِى منو ،
-12-
ونحن عُزَازْ
ونحن حَرَازْ
ونحن هَشَابْ
ونحن قُمُوحْ
ونحن تُمُورْ
ونحن عُيُوشْ
ونحن النيلْ
وَكضَاب – يا زويل – منْ قالْ
إنّك .. تانى لينا متيلْ ،
تقولى لِى شنو
وتقولى لِى منو ،
-13-
ونحن الحَجه والتوبه ،
ونحن الهِجره .. والأوبه ،
ونحن كُتَارْ
ونحن كُبَارْ ،
ونحن – يمين – جُمَال الشيلْ
ونحن – يمين –نَضِمنا قليلْ ،
-14-
تقول لِى شنو
وتقول لِى منو ،
-15-
ونحن مِحايه
نحن طِرايه
نحن فِدايه
نحن سِمايه
نحن حجاب
ونحن اللوحْ
ونحن شَرَافه فى الدنيا
ونحن كِتاب عِلمْ مفتوحْ
على كل البُلودات ..نُورْ ،
ونحن – يمين – مَداين نورْ ،
ووشنا نورْ ،
-16-
تقول لِى شنو
وتقول لِى منو ،
-17-
ونحن الحِنه والجرتقْ
ونحن الزفه والسيره ،
ونحن ..أبشرى والشبال ،
ونحن السَىْ
ونحن الوَىْ
ونحن الرقبه .. والتُمْ تُمْ
ونحن اللَمْ ..
يكون فى الدنيا ..متلنا ..لمْ
-18-
تقولى لِى شنو
وتقول لِى منو ،
-19-
ونحن العَاجْ
ونحن الصَاجْ
ونحن البوشْ
ونحن الحوشْ
ونحن الناسْ
وكتين الديارا ..يباس
وإن درت العديل والزين
تعال يا زول ،
وإن كست الكعب والشين
أرح .. يا زول
-20-
تقولى لى شنو
وتقول لى منو ،
Post: #2 Title: Re: تقول لِى شنو ! Author: Mustafa Mahmoud Date: 02-02-2007, 12:45 PM Parent: #1
-21-
ونحن السورْ
ونحن الحُورْ ،
ونحن بناتنا محروساتْ
ونحن وِلادنا ضُلالاتْ
ونحن أُماتنا ياهِنْ ..ديلْ ،
وجِيب ورينى زيىِّ منو ،
وتقول لِى شنو
وتقول لِى منو ،
-22-
ونحن فَزَعْ
ونحن وجَعْ
ونحن اليُمه ..واليَابَا
ونحن أريتو بالتَابَه ،
ونحن – يمين – إذا حَرّتْ ،
نخلى الواطه ..رُقَابه ،
-23-
تقولى لِى شنو
وتقولى لِى منو ،
-24-
ونحن زَغَاوه والعطرونْ
ونحن الدُونَا ..مافيشُ دونُ
ونحن وِلاد مَلك خِرتيتْ
وسَابَ الجرْ
وحجَر السِكه ،
والتاكا ،
وسيّدنا الفى الجبل ..دَاكَا
ونحن – يمين – نضِمنا كُتُرْ
وشيَتنا كُتُرْ
وأسعَل ناس كَرن والطُورْ ،
وأسعَل كَررى .. والعَتْمُورْ
وأسعل – يا جنَاَ – الخرتُومْ ،
وشوف كيفن زعلنا كُتُرْ ،
وشوف كيفن فرحنا كُتُرْ ،
أنحنا الـ للرجال خُوسَه ،
ونحن –يمين – جِنَات موسى ،
-25-
تقولى لِى شنو
وتقول لِى منو ،
-26-
ونحن الدوكه
والضُلاله ، والدونكه ،
ونحن الدانقه ،
والراكوبه ، والواطه ،
ونحن الفَكَه
والشِبكَه
ونحن الحجزه .. والعكَه ،
ونحن الجُودْ ،
ونحن أسودْ ،
ونحن النَانْ ،
حديثنا إذا أرِدتو رُطَانْ
وحين دايرين ..نسوى بَيَانْ ،
-27-
تقول لِى شنو
وتقول لِى منو ،
-28-
ونحن الخَلوهَ والدايره ،
ونحن تَكيه العايره ،
ونحن الضُّلْ ،
ونحن الكُلْ ،
ونحن سبيل غريب الليلْ ،
ونحن صباح مسافر الليلْ ،
ونحن فَنَاجرةَ الدّنيا ،
ونحن حَبَابْ
حديثنا حَبَابْ
تعال شَرِف .. وشوفنى منو ،
وتقولِى شنو ،
وتقولِى منو ،
-29-
أقيف لِسَعْ
وأقيف وأسمعْ ،
ونحن صديرى منضوم ويلْ
ونحن القَرمصيص ..بلحيلْ ،
ونحن التوبْ
ونحن الووبْ
وناس حبوبْ
وناس حَرّمْ
ونحن إذا رأينا كبيرْ
نقيف طولنا ..ونقولْ لُه ..حَبَابْ
ونديه البُكَان ..ترحابْ
ونحن. اليَانَا ديل .. يا زولْ
وتسعلنى .. وتقول لِى منو
وتقولِى شنو ،
-30-
أقيف لسعْ
وأقيف .. وأسمعْ
ونحن التَايَهْ
والاندايَهْ
والزِريعهْ
والعيزومهْ
واتفضلْ ،
ونحن الرايَه مرفُوعه
ونحن الكُلفَه مرفُوعه
ونحن حلفتَ ... مدفوعه
-31-
تقول لِى شنو
وتقول لِى منو ،
-32-
وأما عجيبْ
وأما غريبْ ،
وأقيف لسعْ
وأقيف .. وأسمعْ ،
-33-
أنا الكَعَب البسوى الويلْ
وأنا الزول السَمِحْ ..بلحيل ،
وداير ..منَِّهُمْ .. يَاتُو ..،
تقولى لِى شنو
وتقول لِى منو
Post: #3 Title: Re: تقول لِى شنو ! Author: Mustafa Mahmoud Date: 02-02-2007, 06:29 PM Parent: #2
ونحن الشينْ
ونحن الزينْ
ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
تقول لِى شنو
وتقول لِى منو ،
Post: #4 Title: Re: تقول لِى شنو ! Author: Mustafa Mahmoud Date: 02-03-2007, 10:19 AM Parent: #3
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا
Post: #5 Title: Re: تقول لِى شنو ! Author: ماجدة عوض خوجلى Date: 02-03-2007, 10:35 AM Parent: #1
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْ
وأمى مهيرة بتْ عبودْ
وأخويا المهدى ..سيد السيفْ
والخلى النصارى تقيفْ
هناك ..فى القيفْ ونحن الزينْ
ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
ونحن عُزَازْ
ونحن حَرَازْ
ونحن هَشَابْ
ونحن قُمُوحْ
ونحن تُمُورْ
ونحن عُيُوشْ
ونحن النيلْ
وَكضَاب – يا زويل – منْ قالْ
إنّك .. تانى لينا متيلْ ،
اقول شنو نحن بنكره نفسنا وبنحب اسرائيل
Post: #6 Title: Re: تقول لِى شنو ! Author: Mustafa Mahmoud Date: 02-03-2007, 04:47 PM Parent: #5
ونحن الشينْ
ونحن الزينْ
ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
تقول لِى شنو
وتقول لِى منو ،
Post: #7 Title: Re: تقول لِى شنو ! Author: Mustafa Mahmoud Date: 02-04-2007, 09:57 AM Parent: #6
اقول شنو نحن بنكره نفسنا وبنحب اسرائيل
thank you Magda
no we do love sudan and we do not love any racist fascist Jewish mafia state dr mustafa
Post: #8 Title: Re: تقول لِى شنو ! Author: عبد اللطيف عبد الحفيظ حمد Date: 02-04-2007, 10:19 AM Parent: #1
Thanks for the sweet and powerful poem and the right word you said. Yes, we love Sudan and we hate the racist state of Israel. Greetings
Post: #9 Title: Re: تقول لِى شنو ! Author: Mustafa Mahmoud Date: 02-04-2007, 02:25 PM Parent: #8
thank you i hope we all do love sudan as some of us love to kiss their masters shoes
thank you mustafa
Post: #10 Title: Re: تقول لِى شنو ! Author: Mustafa Mahmoud Date: 02-04-2007, 03:04 PM Parent: #9
وداعا ً روضتي الغنا وداعا ً معبدي القدس *** طويت الماضي في قلبي وعشت علي صدي الذكري وهذا الدمع قد ينبئ بظلم المهجة الحيري لماذا الهجر يا حبي لماذا دهرنا ضنّ وشبع روحي باليأس *** نسيت الماضي يا ليلي وماضي الحب والطهر ليالي نقطعوي الليل بحلو النجوي والشعر ليالي حبنا الاولي نسيتي الليل اذ كنا نفدي النفس بالنفس *** أظل اردد الشكوي لما لاقيت من وجدي حبيب الروح لا أقوي علي حمل الهوي وحدي ولما لم أجد سلوي كسرت ابريقي والدنا سكبت علي الثري كأسي *** وداعا روضتي الغناء وداعا معبدي القدسي
Post: #11 Title: Re: تقول لِى شنو ! Author: عادل جبارة Date: 02-04-2007, 03:54 PM Parent: #10
الدكتور مصطفى محمود استميحك عذرا إذا رأيت أنني شوهت هذا( البوست ) ولكن أريد أن أتساءل ( ديل مش برضو نحنا ؟ )
سنتر الخرطوم والسهر بالكوم أشتهينا النوم يا عوض دكام ***************** حلوة دنيتنا وكل حاجة تمام سلام كلام في كلام يا عوض دكام ***************** يا حليلو زمان الطبيب إنسان تعال شوف الآن يا عوض دكام العلاج قاسي والكشف أرقام ******************* جينا نحكي ليك نبكي نشكي ليك العلم بالشيك ياعوض دكام والجامعة بالدولار والفهم أقسام ******************* يورو ونايل سات كتروا القنوات الكلام بالشات يا عوض دكام كله D.V.D وخلو بال وسيكام ****************** شوف لعيبتنا شينة كورتنا الفرصة ما أدتنا يا عوض دكام شوفوا ناس كاكا وشوفوا ناس بيكهام *********************** سوداني الجنسية الزفة مصرية واللبسة هندية والرقصة غربية يا حليل الهوية يا عوض دكام السيرة دلوكة والعريس قدام ***************** شوف درامتنا دي الشينة شاشتنا السينما غلبتنا يا عوض دكام شوفوا ناس كايرو وشوفوا ناس الشام ********************** كان جينا للبوبار نلقى ناسو كتار الحمام لو طار يا عوض دكام سو ليهو شمار فشخرة وأوهام -------------------------------
Post: #12 Title: Re: تقول لِى شنو ! Author: Mustafa Mahmoud Date: 02-04-2007, 03:58 PM Parent: #11
dear adil
الدكتور مصطفى محمود استميحك عذرا إذا رأيت أنني شوهت هذا( البوست ) ولكن أريد أن أتساءل ( ديل مش برضو نحنا ؟ )
not at all you are very welcomed ended this post is yours too
these are some of us not all of us and they are welcomed too we are welcomed and all are welcomed
thank you
dr mustafa mahmoud
Post: #13 Title: Re: تقول لِى شنو ! Author: Mustafa Mahmoud Date: 02-04-2007, 08:24 PM Parent: #12
بعض المرارات .. يغلبنا الحياء للخوض فيها .. والحياء شعبة من الأيمان ... ورغم أن هذه الاعتبارات جلها شخصية كأرتباط الصداقة مثلاً ببعض إخواننا المصريين ... ولأننا شعب (حيّي) او يغلب علينا الخجل فان كثيراً ممن تربطنا بهم صلات من غير السودانيين تصلهم رسالاتنا مغلوطة حتى أصبحنا مداراً (للملطشة).
ففى مقال سابق لى ذكرت فيه آثار النكات البلهاء والسمجة التى تلصق بنا .. فان قلنا أنهـا تصدر من العامة وأنها لمجرد التسلية وخفة الدم .. فأننا نقع فى خطاء كبير وآثم لدرجة الأستغفال!! بل يجب أن نجزم أنها مدبـرة ومدروسة بل هى استراتيجية محنكة.
وبداية القول أن ما استفزني مرة أخرى ماكتبه الأستاذ تاج السـر الملك عن (جمهورية الناس العسل) وما جاء فى مقالته من حقائق مما إستثار إصرارى على أن ما يجرى استراتيجية مدروسة وليست خفة دم!!!
وتأكيدا لما ماذكره عن اسم (السودان) .. فان بعض أهل الخليج يجمعون كلمة أسود ب(سُودان) كما يطلقون كلمة (خال) على الأنسان الأسمر أو الأسود بمعنى أدق ..... وقد جاءت كلمة (خال) من الخال أو الخلة التى تكون على الخد وتضفى نوعـاً من الجمـال على الوجه وهى تشبه الشـامة ولكن لونها يمـيل الى السـواد أكثـر (الشامة فى خديدها خلقوها لى ريدها) ورحم الله سيد خليفة.
وهى أيضا كما جاء فى بيت الشعــر:
الناس تعشق من خـال بوجنته فكيف بى وحبيبى كله خــال
.. أى كله أسود .... وهى محمدة قبل أن يعرف الناس الخبث.
ولكن دعونا نقف عند بعض الأحدث وما يجرى فى الساحة وما يحاك ضدنا خفاءً وعلانية وبتروٍ ...
أولا : النكات وقد سبق الحديث عنها
ثانيا : الأفلام المصرية العديدة ... (عم نصر البواب أبو ريحة معفنة ...وأفلام محمد الهنيدى مثلاً)
بعض السلسلات الكويتية وداؤد حسين وهو يحاول أن يثبت وجوده كممثل على حسابنا..وليس فقط أننا سُود .. بل لنا (براطم) أى (تلاليش) .... واذا لم يجدوا ممثلاً أسودا فانهم يصبغونه باللوّن الأسود ... والمضحك على الجهالة أنهم أحيانا يصبغون ممثلا أسودا باللون الأسود!!!!!!!!!!!
ثم الجهل الجغرافى بموقع السودان أو حتى النيل ...حتى أن بعض المصريين يعتقدون أنه ينبع من الصعيد ليصب فى الأسكندرية!!
وقد ذكر لى بعض الأساتذه السودانيين القدامى أن بعض كتب المطالعة فى إحدى الدول العربية التى كان يسيطر على إدارة التعليم فيها الأخوة المصريين .. كان تقول أن الناس فى السودان يعيشون فى الغابات وأن منازلهم تعيش فيها النمور التى يطبخونها!!
* أحدى الممثلات المصريات سئلت عن عاصمة السودان فقالت: والله معرفش بس بنتى أكيد عارفه!!!! رغم أنها أقامت مسرحية لمدة أسبوع كامل فى الخرطوم!!
ثالثا : ما حدث فى القاهرة للاجئين السودانيين من قتل وتعذيب وأستفزاز مما أضطر بعضهم للهجرة الى إسرائيل. (لاحظ من أمهم الى عدوتهم وليس عدوة أمهم)
رابعاً : ماحدث فى مؤتمر القمة الأفريقى الأخيـر ... وبصرف النظر عن مواقفنا من النظام سلباً كان أم إيجاباً .. فان الأيدى الخفية واضحة المعالم أذا إستبعدنا أمريكا ... فإن أم الدنيــا التى نسيت أن السودان (أبوها) لا تبعد كثيرا.
خامسا : ما يحدث من تململ بعد توقيع إتفاقية (الأربع) ومحاولة التنصل بعد التوقيع وكأن ما يسوقونه من أعذار جديد على الساحة..... وغيره كثير مما تعلمونه وما لا تتحمله المساحة التاحة.
سادسا : ما درج عليه بعض الكتاب المصريين من كتابة كل ما يسئ لنا.
سابعا : برامج الأطفال فى بعض الفضائيات والتى تصر أن تسمى الفول السودانى بفستق العبيد (لا أعرف أن لنا أجدادًا عبيدا فى أى دولة عربية بل ما نعرفه أنهم كانوا جنودا وأبطالا حاربوا فى بعض الدول العربية والأفريقية وساهموا فى تحريرها)
ثامناً: ما يردنا من أم الدنيا من سفاسف وسلوكيات فى الأونة الأخيرة من زواج عرفى ومن وصف لأنواع الفهلوة (تفتيحة .. وياعمى رش .. والخ).
يبدو أن تهاوننا فى كثيـــر من حقوفنا والتجاوز عن ما يمس مشاعرنا ... بدأنا فى جنى ثماره المرّة ... وأن الضربات القاتلة تأتينا من تحت أقرب جدار بعد أن إستكبرت فيهم النعرات الأستعمارية والباشوية وأصبح عصّياً عليهم فهم أن الأنسـان السودانى يفوقهم فى كثير من المعايير العلمية والأخلاقية بعد أن ترسبت لديهم فكرة أن السودانى ما هو إلا جزء من ممتلاكتهم الخاصة منذ العهد الخديوى والذى يجب أن يكون رهن طوعهم وإشارتهم (أجتماع القمة العربية الطارئ لحرب الخليج الثانية والذى بسببهم صُنفنا بدول الرفض مثلا) .تم طلمبات الرى المصرى التى تتحكم فى رى مشاريعنا!!!
هذا الأنسان الزاهد أصبح يبحث عن حقوقه ويؤمنهـا ... ليس لأنه إفتقدهـا ضعفاً أو جهلاً ... وأنما تجاوزا الى مفهوم الجيره والعلاقات الأنسانية التى تأصلت بسبب الحياة الأجماعية السودانية وأصبحنا نتعامل بها عالمياً مما أفقدنا الكثير كما افقدنا حلفا وكاد يفقدنا حلايب.
حُسن النيّة ... والطيبة إنحرفت عن مسارها وأعطت الجانب الآخر النظرة الفوقية والطبع الطبقى .. وأنساهم أن (السودان) أقدم حضارة وتأريخاً وذلك بحقيقة وجود النيل العظيم الذى يجرى من الجنوب الى الشمال ما يثبت أن حضارة السودان هى الأقدم اللهم إلا أن كان هذا النيل قد جرى من الشمال الى الجنوب سابقا!!!
فنحن أقدم حضارةً رغم ما سرق ونهب من آثار وما أُخفى من وثائق وما سُرب من معلومات خاطئة. فنحن نعتقد ان (كل شىء بالطيب) سوف يرجع حقوقنا.
ونحن لا نريد أن نتحامل على (إبن النيل) ولكن فقط نقول : أذكرونا بخير نذكركم بخير أكثر!!
أذن ... لماذا لا نسمع صوتنا ونبرز قوتنا ولو زئيراً دون خدش الأنياب أو الأظافر ... وكيف ُنعلم جميع الجيران عرباً وأفارقة باننا أمة لا تتهاون وأن الأعتباط قد ولى زمانه وأننا لن ندفع أكثـر مما دفعنا وأننا لن نغُض البصـر ونحن نمط شفاهنا ونضع أيدينا خلف ظهورنا متخالفة وننتظر حتى يتساقط آخـر عود فى حضارتنا بسبب خلافتنا الدائمة حتى ينطبق علينا المثل ( دار أبوك كان وقعت شيل ليك منها شيلة).
Post: #21 Title: Re: تقول لِى شنو ! Author: Mustafa Mahmoud Date: 02-08-2007, 11:30 AM Parent: #20