Post: #1
Title: الى غسان محمد الامين ومحبى ود اللمين
Author: جلال ناصر
Date: 02-01-2007, 04:40 PM
قبل شهر تقريبا -لم تعد الذاكره كافيه- كتب الابن غسان محمد الامين مطمئنا معجبى ومحبى الفنان محمد الامين على صحته
ومنذ ذلك الحين انقطعت الاخبار عنا
نود عبر هذا البوست ان نطمئن على صحه الاستاذ ود اللمين
فهذا لغسان ولكل محبى ود اللمين وكل من لديه معلومه عن صحه الاستاذ
نسال الله دوام الصحه والعافيه لللاستاذ ود اللمين
جلال ناصر
|
Post: #2
Title: Re: الى غسان محمد الامين ومحبى ود اللمين
Author: جلال ناصر
Date: 02-01-2007, 04:45 PM
Parent: #1
|
Post: #4
Title: Re: الى غسان محمد الامين ومحبى ود اللمين
Author: محمد سنى دفع الله
Date: 02-01-2007, 04:53 PM
Parent: #2
جلال ناصر
لك المحبة والمودة الصادقة
وللعزيز غسان كل المنى وللعائلة الكريمة السلام والمحبة
المنى بان يكون الستاذ بخير
فنان الشعب وعبقري الأغنية السودانية
له التحية وجميل الأمنيات
ونسمع كل جميل وبديع عنه
وليبحر زورق الحانه في نيل الوطن
|
Post: #3
Title: Re: الى غسان محمد الامين ومحبى ود اللمين
Author: معتصم عبدالرحيم
Date: 02-01-2007, 04:51 PM
Parent: #1
فيك الخير كله باود ناصر
الفنان محمد الامين رقم سوداني فريد صعب ان يتكرر
الواجب علي كل وطني غيور محب للبلد ان يسأل ويطمئن علي صحة هذا العملاق
فيامن لديكم المعلومة ,طمائنونا فوداللمين ملّك قلوب السودانين وهو كماء النيل يجري في عروقهم
معتصم العربي
|
Post: #5
Title: Re: الى غسان محمد الامين ومحبى ود اللمين
Author: جلال ناصر
Date: 02-02-2007, 09:32 AM
Parent: #1
الحبيب محمد السنى دفع الله
واحده من روائع هذه الموقع انه يجمعنا مع نجوم مثلكم
دخل التلفزيون قريتى لاول مره 1976 عبر مشروع انديه المشاهده
ومن اجمل البرنامج التى تفتحت اعيننا وقلوبنا عليها محطه التلفزيون الاهليه
وكنا نستمتع بمشاهدتكم وتضحك كل القريه مجتمعه فى نادى الحله شيبا ونساءا وشباب من اعماقها فلم تكن هناك الفوارق ولم نكن نسمع عن الجندره حينها وكنا حينما يطل ابن المنطقه الشاعر محمد طه القدال تصيح كل القريه داك ود طه ويبدو اننا استنفزنا مخزوننا من الضحك معكم فلم يعد هناك مايضحكنا كثيرا
الله مااروع تلك الايام واروعكم
واما عن ود اللمين يصعب احيانا ان تعبر عمن تحب
وصحيح كل ماقلته عنه
وهو عندى من الثروات القوميه التى يجب المحافظه عليها ومن منا لم يطرب لعويناتك والجريده وحلم الاماسى ومسيحيه وبتتعلم من الايام وبعد الشر عليك والكثير الكثير
شكرا استاذنا محمد السنى
ومازلنا فى انتظار اخبار تطمنا على صحه ابو اللمين
جلال ناصر
|
Post: #6
Title: Re: الى غسان محمد الامين ومحبى ود اللمين
Author: جلال ناصر
Date: 02-02-2007, 09:38 AM
Parent: #1
الحبيب معتصم العربى
شكرا للكلمات الرائعات
وبعدين اختفيت من استلمت الباص ويردقربت اشتكيك لودالبشير نصرالدين وليس عمر
شكرا على المداخله
ومنتظرين منك الكثير
جلال ناصر
|
Post: #7
Title: Re: الى غسان محمد الامين ومحبى ود اللمين
Author: جلال ناصر
Date: 02-02-2007, 11:56 AM
Parent: #1
up
حتى نطمئن
|
Post: #8
Title: Re: الى غسان محمد الامين ومحبى ود اللمين
Author: الحارث سرالختم عبد الله
Date: 02-02-2007, 05:48 PM
Parent: #7
الأخوة الأعزاء قرات قبل ايام فى جريدة الخرطوم ان الموسيقار الكبير
قد شفى تماما وهو يستعد للعودة الى السودان وفى جعبته اربع اغنيات جديده
للشاعر فضل الله محمد على مااذكر ارجو ان يساعد ذلك فى طمانة معجبى ومحبى
الفنان الكبير ابو الأمين .
|
Post: #9
Title: Re: الى غسان محمد الامين ومحبى ود اللمين
Author: Muna Khugali
Date: 02-02-2007, 06:21 PM
Parent: #8
حضرت برنامجا تلفزيونيا قبل 10 أيام او مايزيـد قليلا..
وكان مقابلة تلفزيونية مع الأستاذ الموسيقار محمد الامين وابنه غسان ..
سجل البرنامج في شقه ابنه بلندن..
أكـد الأستاذ علي تمام صته.. وشـكر كل الذين استفسروا عن حاله في داخل السودان وخارجـه..
واكـد علي قرب رجـوعه للسودان...
وكذلك تحدث ابنه عن شـفاء والده وشـكر الجميع..
(بالله كلموا صلاح واسبه بكلامي ده)
تحياتي..
مني
|
Post: #10
Title: Re: الى غسان محمد الامين ومحبى ود اللمين
Author: Nasruddin Al Basheer
Date: 02-03-2007, 08:10 AM
Parent: #9
الأخ العزيز جلال
لك التحية والتقدير
أما بعد
كلنا مدينون للأستاذ محمد الأمين على الإبداع العظيم
الذي قدمه لنا كشعب، وهو من العمالقة الذين هذبوا
وجدان وآذان الشعب السوداني المسكين.
نتمنى له كل الصحة والعافية وأن يعود قريباً ليواصل
مشوار العطاء والإبداع.
لك الشكر يا جلال على أنك تذكرت فناننا الكبير وسألت عنه
وأتمنى أن يقع هذا البوست في عينيْ الأخ غسان ليطمئننا
على صحة الأستاذ.
إدعينا وقلنا تاني ما حانشتاق في عمرنا
وقبل ما تمر ليلة واحدة بحرارة الشوق غمرنا
كم كم لهينا وقلنا يمكن ندفن الحب في سهرنا
الحياة صعبت علينا وبأثر فقدنا شعرنا
شفت كيف حبك حياتنا وكيف بدون حبك نكون؟
|
Post: #11
Title: Re: الى غسان محمد الامين ومحبى ود اللمين
Author: جلال ناصر
Date: 02-05-2007, 11:15 AM
Parent: #1
الاحباب
الحارث
منى
نصرالدين
شكرا لكم
ونسال الله دوام العافيه والصحه للاستاذ ود اللمين
شكرا على المرور
جلال ناصر
|
Post: #12
Title: Re: الى غسان محمد الامين ومحبى ود اللمين
Author: Mandingoo
Date: 02-05-2007, 12:17 PM
Parent: #1
الف حمداً لله على السلامة أستاذنا الكبير محمد الأمين صاحب الملحمة وأكتوبر 21 ، الذي بكى عندما سمع صوته في الملحمه على خشبة المسرح وبنات فرقة الفنون الشعبية يؤدين رقصة على الحانها، وكان ذلك بعد نحو أربعين عاماً من أدائها لأول مرة، بكى محمد الأمين ساعتها وبكى كل من شاهده، سواء داخل المسرح او عبر الفضائية السودانية لمن كان يشاهد ذلك الحفل الذي جمعه وبقية أعضاء الفريق الذي غنى معه الملحمة أذكر منهم عثمان مصطفى وام بلينه السنوسي وخليل اسماعيل..
إنه الفنان المرهف الحس، إنه ود اللمين، نسأل الله أن يعود الى وطنه سالماً غانماً، ونحن بانتظاره في مدينة الرياض حيث يزمع تكريمه هو وشاعره المخضرم فضل الله محمد..
شكرا لك عزيزي جلال ناصر
اخوكم
عمر حسن غلام الله
|
Post: #13
Title: Re: الى غسان محمد الامين ومحبى ود اللمين
Author: جلال ناصر
Date: 02-05-2007, 01:22 PM
Parent: #1
الحبيب عمر
شكرا على الكلمات الرائعات
وهذا هو ود اللمين الذى نحب
ونامل ان تتكلل مساعيكم بالنجاح ويتم تكريم ود اللمين
وهو اهل لذلك
شكرا على المرور
جلال ناصر
|
Post: #14
Title: Re: الى غسان محمد الامين ومحبى ود اللمين
Author: حبيب نورة
Date: 02-05-2007, 02:18 PM
Parent: #13
الف سلامة ليك يا باشكاتب
و حاولنا نتصل كم مرة
الأرقام ياأما ما بتجمِّع
او ما بترد او مقفولة
|
Post: #15
Title: Re: الى غسان محمد الامين ومحبى ود اللمين
Author: جلال ناصر
Date: 02-05-2007, 02:40 PM
Parent: #1
الحبيب
حبيب نوره
شكرا لقومتك من قعدتك الرهيبه
وزيارتك للبوست
والحمد لله الشباب طمنونا على المبدع ود اللمين
شكرا على المرور
جلال ناصر
|
Post: #16
Title: Re: الى غسان محمد الامين ومحبى ود اللمين
Author: بابكر حامد احمد
Date: 02-06-2007, 07:41 AM
Parent: #15
الف حمد لله على سلامة الاستاذ الكبير ... امس كان منور التلفزيون في نشرة الاخبار ... .
|
Post: #17
Title: Re: الى غسان محمد الامين ومحبى ود اللمين
Author: ابو عثمان
Date: 02-06-2007, 07:57 AM
Parent: #1
الف سلامة للموسيقار الكبير
وكانت فرحتنا كبيره ونحن نشاهد عودته امس بنشرة اخبار التلفزيون
عوفي المجد اذ عوفيت
|
Post: #18
Title: Re: الى غسان محمد الامين ومحبى ود اللمين
Author: نيازي عبدالله مرحوم احمد
Date: 02-06-2007, 08:02 AM
Parent: #17
الاخ جلال ناصر
كيف حالك وان شاءالله بخير لفته جميلة وبارعة منك والله وانت زول اصيـــــــــل والله الحمدلله الاستاذ محمد الامين بخير واليوم اورد الاستاذ الفاتح حسين خبر عودته بالسلامة لك الشكر
|
Post: #19
Title: Re: الى غسان محمد الامين ومحبى ود اللمين
Author: جلال ناصر
Date: 02-06-2007, 10:02 AM
Parent: #1
الاحباب
ود الجبل
ابوعثمان
نيازى
شكرا على المرور
ومشاعرنا واشواقنا لود اللمين هى جزء من فيض عطاء ود اللمين
وعليكم الله فى ابلغ من( لو وشوش صوت الريح فى الباب اسبقنا الشوق قبل العينين) عليكم الله شفتوا ليكم شوق قدر ده
ومشكله ود اللمين زى كل المبدعين فى بلادى انهم سودايين ولو كانوا فى اى بلد اخر كانت اعمالهم ملت الدنيا
لكن نحنا نكن لهم الحب الذى يستحقونه
جلال ناصر
|
Post: #20
Title: Re: الى غسان محمد الامين ومحبى ود اللمين
Author: Mandingoo
Date: 02-07-2007, 05:09 PM
Parent: #1
ألف حمداً لله على السلامة يا ابو اللمين
عوداً أحمدا
|
|