Post: #2
Title: Re: رماز ميرغني - عدد مرات المشاهدة: 139663
Author: EMU إيمو
Date: 01-31-2007, 04:34 PM
Parent: #1
نعم فنانة ونص
كنت متابع لبرنامج نجوم الغد
فكانت هي الأولى في كل شي
|
Post: #8
Title: Re: رماز ميرغني - عدد مرات المشاهدة: 139663
Author: Mandingoo
Date: 02-03-2007, 02:07 PM
Parent: #2
شكرا يا إيمو على المداخلة
والنتيجة هنا تؤكد بالفعل انها كانت الأولى بلا شك
|
Post: #3
Title: Re: رماز ميرغني - عدد مرات المشاهدة: 139663
Author: ALGARADABI
Date: 01-31-2007, 05:25 PM
Parent: #1
| Quote: شفتو بت مدني الإقبال على أغانيها كيف؟ |
يا خوي مدني دي جبتها من وين؟؟؟
دي قردابية أصيلة
جدها الجاك بادي عمدة شندي
|
Post: #4
Title: Re: رماز ميرغني - عدد مرات المشاهدة: 139663
Author: معاذ حسن
Date: 01-31-2007, 05:36 PM
Parent: #1
عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن عافية حسن
فنانة السودان الاولى القادمة.
القرضابي طلعنا قرايب.
بس برضو ما حا اشجع رمازكم.
|
Post: #11
Title: Re: رماز ميرغني - عدد مرات المشاهدة: 139663
Author: Mandingoo
Date: 02-05-2007, 01:33 PM
Parent: #4
معاذ حسن
مبروك على عافية حسن
ولقد بحثت في موقع المشاهير عن أغنية لها- لأعمل مقارنة بينها وبين رماز- لكني لم أجد شيئاً..
وما عايز املآ الصفحة (رماز ميرغني رماز ميرغني رماز ميرغني رماز ميرغني رماز ميرغني رماز ميرغني ) لأنو يكفيها الـ 140354 دي..
رماز ميرغني
الوصف: مالقيتلو مثيل
أًضيفت: 26-Oct-2005
مرات المشاهدة: 140354
|
Post: #5
Title: Re: رماز ميرغني - عدد مرات المشاهدة: 139663
Author: Moawia Mohammed
Date: 01-31-2007, 06:03 PM
Parent: #1
| Quote: شفتو بت مدني الإقبال على أغانيها كيف؟ |
يا راجل قول بسم الله أغانيها لقتا وين
والله دا الفضل
|
Post: #6
Title: Re: رماز ميرغني - عدد مرات المشاهدة: 139663
Author: Abdulgadir Dongos
Date: 02-01-2007, 04:06 AM
Parent: #5
+
صوت مميز دون شك.
شكرا للنك.
دنقس.
|
Post: #7
Title: Re: رماز ميرغني - عدد مرات المشاهدة: 139663
Author: خالد علي محجوب المنسي
Date: 02-01-2007, 03:26 PM
Parent: #6
Quote: شفتو بت مدني الإقبال على أغانيها كيف؟
يا خوي مدني دي جبتها من وين؟؟؟
دي قردابية أصيلة
جدها الجاك بادي عمدة شندي |
عفواً فقط تعريف
رماز ميرغني الجاك بادي.... نعم من شندي وصلتها بمدني فقط هي عمة أمها ( زوجة جعفر ناصر ) وهم اصلاً من شندي سكنوا مدني
وهي من اسرة تحب الفن ... من جدها عثمان بادي عليه الرحمة فنان شندي في زمانه في الخمسينيات والستينيات
ثم والدها ميرغني الذي تغنى بأغاني ابن شندي الراحل عثمان الشفيع في السبعينات
رماز قردابية من جدها لابيها ناصراب من جدتها لابيها ( من اسرة ناصر في مويس ) وفرجابية من جدها لامها ( الفرجاب اسرة كبيرة في شندي) واهلها ايضا الفدوساب في مويس
ولكم التحية والتقدير
خالد علي محجوب
|
Post: #17
Title: Re: رماز ميرغني - عدد مرات المشاهدة: 139663
Author: Mandingoo
Date: 02-11-2007, 03:42 PM
Parent: #7
الأخ خالد علي
لك التحية على التوضيح، وشكرا لمرورك..
كما أسلفت، فلم آت بهذه المعلومة من فراغ، وإنما من الموقع الذي احتوى على الأغنية..
وأنا يا عزيزي عمر حسن غلام الله، (ركابي أصيل) انتمي الى قبيلة الركابية التي جدها غلام الله بن عايد المقبول، جاء أبي- رحمه الله- من قرية ا لركابية بمركز مروي بالمديرية الشمالية إلى مدني، ولكني ولدت بمدني، وترعرت بها، وأكن لها كل حب وعرفان، ولا أنكر أصلي، ولا أصل ابي، ولكن انتمائي الوجداني لمدني.. الأصيلة.. أصالة السودان
|
Post: #16
Title: Re: رماز ميرغني - عدد مرات المشاهدة: 139663
Author: Mandingoo
Date: 02-10-2007, 03:39 PM
Parent: #6
Abdulgadir Dongos
شكرا لك لمرورك، وشكرا على الشكر على اللنك
نعم صوتها مميز بلا شك، وأداءها رائع، واختيارها للأغاني موفق، خاصة أغاني الراحل عثمان الشفيع
|
Post: #15
Title: Re: رماز ميرغني - عدد مرات المشاهدة: 139663
Author: Mandingoo
Date: 02-07-2007, 05:24 PM
Parent: #5
Quote: يا راجل قول بسم الله أغانيها لقتا وين
والله دا الفضل |
بسم الله
(شفتو بت مدني الإقبال على الأغاني الغنتها كيف؟ )
كويسه معاك كده؟
(شفتو بت مدني الإقبال عليها كيف؟ )
واللا كده أحسن؟
مالك حارق دمك ياخوي؟ هي اول واحدة تغني اغاني غيرها واللا آخر واحده؟ ما سمعت عثمان حسين في التلفزيون قبل يومين قال شنو؟ قال كان بيغني أغاني الفنانين الكبار (أيامها) يعني كان بيقلد برضو!!
هسه بالله دي اللفتت نظرك في الموضوع كلو؟ ياهو الفضل!!
|
Post: #9
Title: Re: رماز ميرغني - عدد مرات المشاهدة: 139663
Author: عزيز عيسى
Date: 02-03-2007, 08:32 PM
Parent: #1
الأخ عمر،
شغل نظيف.. وأغنية مالقيتلو مثيل كنت بسمعها قبل يومين بصوت رماز من نفس الرابط.
ما شاء الله صوت وآداء رفيع.
Quote:
يا خوي مدني دي جبتها من وين؟؟؟
دي قردابية أصيلة
جدها الجاك بادي عمدة شندي .. |
الأخ القرضابي،
الأخ عمر ذكر بأن رماز بت مدني لأنها خرجت من مدني.. ومدني مازالت تنبض بكل ما هو جميل..
ولكنه لم يقل قبيلتها وفصيلتها.. ونحنا كلنا في النهاية سودانيين.
ولا مش كدا يا أستاذي الكريم.
|
Post: #12
Title: Re: رماز ميرغني - عدد مرات المشاهدة: 139663
Author: خالد علي محجوب المنسي
Date: 02-05-2007, 02:29 PM
Parent: #9
Quote: الأخ القرضابي،
الأخ عمر ذكر بأن رماز بت مدني لأنها خرجت من مدني.. ومدني مازالت تنبض بكل ما هو جميل..
ولكنه لم يقل قبيلتها وفصيلتها.. ونحنا كلنا في النهاية سودانيين.
ولا مش كدا يا أستاذي الكريم. |
الأخ الفاضل/ عزيز عيسى
السلام عليك
القردابي عندما كتب رماز قرادبية أصلية لم يعني أن أهل مدني غير أصليين وكل ماقصده أن جدها لأبيها هو الجاك بادي عمدة شندي وان قلت أهل أمها هم ايضاً من النصراب شندي مويس والفرجاب شندي فوق
والدها يسكن امدرمان وليست مدني فكان الاستغراب في الأمر من هنا عندما ذكر الأخ مادينقووو
وفي نهاية الأمر لا يهم من اين هي كما قلت في النهاية كلنا سودانيين وأولاد تسعة وتسعة
وبالمناسبة رماز مريغني الفن والغناء يجري فيها مجرى الدم فهي من اسرة تحب الغناء جدها عم ابيها عثمان بادي كان فنان شندي الأول ثم والدها مريغني ايضا كان فنان في شندي ثم اخيرا عمها عصام الجاك رحمه الله كان فنان شندي والأسرة كلهم من لا يغني علناً فهو إذا غنّى أطرب
يقال وهذه خرافة لكن أذكرها من باب تأكيد أن الأسرة فنية
أن جدها الكبير الرابع ود بادي جاءته ليلة القدر ( علماً أن ليلة القدر ليست شخص أو ملك حتى تأتي ولكن ذلك حسب أعتقاد الناس قديماً ) المهم وجرت العادة في السودان القول أنا ليلة القدر تاتي في شكل نور وبعدها أنت تطلب ما يحلو لك منها.
المهم قالوا أن جدها أنبهر من الموقف وكان يريد ان يدعو بهذا الدعاء
أديني الغناء اي الثراء في المال وسعته لي جنى الجنى
فقال لها أديني الغنا أي الفن لي جنى الجنى
ولك مودتي واحترامي اخي الفاضل
خالد محجوب
|
Post: #18
Title: Re: رماز ميرغني - عدد مرات المشاهدة: 139663
Author: Mandingoo
Date: 02-12-2007, 01:46 PM
Parent: #9
عزيزي عزيز عيسى
شكرا لمرورك الكريم
وشكرا لدفاعك عن اخوك
وفعلاً شغل رماز شغل نضيف، ولو ما نضيف ما كان العداد وصل لهذا الرقم القياسي
رماز ميرغني
الوصف: مالقيتلو مثيل
أًضيفت: 26-Oct-2005
مرات المشاهدة: 141023
| Quote: ومدني مازالت تنبض بكل ما هو جميل.. |
وستظل كذلك، لو برماز او بدون رماز، مع تحياتي لها ولك
|
Post: #13
Title: Re: رماز ميرغني - عدد مرات المشاهدة: 139663
Author: عزيز عيسى
Date: 02-05-2007, 03:55 PM
Parent: #1
عزيزي الأخ خالد محجوب،
أسعد الله يومك ومتعك بالصحة والعافية،
أشكرك أخي على كلماتك الطيبة الرقيقة والتوضيح الذي صحبته بنبذة قصيرة
عن الفنانة رماز ميرغني.. بالرغم من إحترامي للأستاذ القرضابي إلا أن كلماته توحي
للقاريء بأنها تتضمن عبارة فيها نوع من المغالطة لكلام الأستاذ عمر حسن غلام الله
الذي له أيضا وزنه وأحترامه.
ورماز ميرغني في النهاية بتنا كلنا وندعو الله أن يوفقها في مشوارها الفني الطويل
لتعتل مرتبة مرموقة بين صفوف كبار الفنانين.
بالمناسبة قصة ليلة القدر هذه سمعت مثلها من قبل بنفس الطريقة أيضا عن جد أولاد عجاج.
دمت أخي بكل الود.
|
Post: #14
Title: Re: رماز ميرغني - عدد مرات المشاهدة: 139663
Author: خالد علي محجوب المنسي
Date: 02-05-2007, 06:34 PM
Parent: #13
Quote: عزيزي الأخ خالد محجوب،
أسعد الله يومك ومتعك بالصحة والعافية،
أشكرك أخي على كلماتك الطيبة الرقيقة والتوضيح الذي صحبته بنبذة قصيرة
عن الفنانة رماز ميرغني.. بالرغم من إحترامي للأستاذ القرضابي إلا أن كلماته توحي
للقاريء بأنها تتضمن عبارة فيها نوع من المغالطة لكلام الأستاذ عمر حسن غلام الله
الذي له أيضا وزنه وأحترامه.
ورماز ميرغني في النهاية بتنا كلنا وندعو الله أن يوفقها في مشوارها الفني الطويل
لتعتل مرتبة مرموقة بين صفوف كبار الفنانين.
بالمناسبة قصة ليلة القدر هذه سمعت مثلها من قبل بنفس الطريقة أيضا عن جد أولاد عجاج.
دمت أخي بكل الود. |
العزيز عزيز عيسى ( أسم على مسمى والله )
الشكر لك كتير على تفهم الموضوع وصدقني القردابي هو ابن عمي وأأكد لك أنه ماقصد غير الذي قلته لك أنه فقط كان أستغراب وأفتكر الكاتب لا يعرف رماز جيد
وأيضاً أبن عمي القردابي لا يعرف أهل رماز لأمها ويجها أن عندها أهل يقطنون في مدني ( ناس جعفر ناصر .... أسرة كبيرة )
وبالمناسبة القردابي جل أصدقائه من مدني وهذا يؤكد لك عزيز العزيز أنه لا يقلل من شأن مدني وأهل مدني الطيبين ناس الجزيزة أم دوح الماخابت عليها مسرتنا قلب السودان النابض وعظمة عاصمتها مدني السني وأثرها في تاريخ بلادنا القديم والحديث
وعشان تكون يا عزيزي صافية لبن نقول ليك
ليت حظي سمح وأسعدّني
طوفّه فد يوم بربوع مدني
كنتَ أزورو أبويا ودمدني
وأشكي ليهو الحضري والمدني
آه على حشاشتي ودجنّي
وا حنيني ولوعتي وشجنّي
دار أبويا ومتعتي وعجنّي
ولك تقديري واحترامي وتحياتي لصاحب البوست عمر حسن غلام الله
خالد محجوب
|
Post: #19
Title: Re: رماز ميرغني - عدد مرات المشاهدة: 139663
Author: Mandingoo
Date: 02-13-2007, 12:33 PM
Parent: #14
| Quote: وتحياتي لصاحب البوست عمر حسن غلام الله |
وأبادلك التحية عزيزي خالد علي، وشكرا على التوضيح، ولكن ما زلنا ننتظر تعليق القردابي، قالوا سمح القول من خشيم سيدو..
مرة أخرى أحييك عزيزي عزيز عيسى وأشكرك على مداخلاتك وعلى دفاعك عني..
|
|