ماذا تعني كلمات أغنية "أنا سوداني أنا"

عندما أستمعت لأغنية أنا سوداني أنا الذي يغنيها الفنان السوداني الكبير حسن خليفة العطبرواي أعجبت جدا بطريقة أداء الفنان العطبراوي للاغنية ولصوته القوى المميز, وأعجبت أيضا بذلك اللحن الجميل. ولكن عندما تمعنت للكلمات صدمت صدمة كبرى وأنا أسمع فنان سوداني أو شاعر سوداني يقوم بكتابة أو غناء هذا الاغنية, فكلمات الاغنية الجميلة المعبرة تنسب كل الاشياء الجميلة الى فئة معينة . فكيف نتغني ونقول "أنا سوداني أنا وبعد ذلك نقول دوحة العرف أصلها كرم والى العرب ينس الكرم"؟ أما بقية كلمات الاغنية تتحدث عن نفرا قاموا بتعمير الارض, حيثما قطنوا.
وهل نحن كسودانين قمنا بتعمير أو دمار السودان؟

الشئ الذي دعاني أن أكتب من جديد في هذا الاغنية هو أن الفنانة الموهبة أسرار بابكر تتغنى بها هذا الايام بصوتها الحالم الجميل.
ويا أسرار الاغنية شديدة بصوتك الخطير ولكن كلماتها ما عاجباني. وأنا سعيد جدا بلقائك ومعرفتك من قرب.

دينق.

Quote: فكيف نتغني ونقول "أنا سوداني أنا وبعد ذلك نقول لوحة العرف أصلها كرم والى العرب ينس الكرم"؟

الحِبيِّب دينق...

موش قالو أنا سوداني أنا...

خلاص تمسك في السودانية دي وتنسى الكلام الما عاجبك...

فيكفينا فخراً أنا سوداني أنا... عربي زنجي نوبي .... فكلنا سودانيون يجمعنا حب هذا الوطن الغالي...

ياأخوب إنت مالك الموضوع ده الناس إنتهو منو زماااااااان .....

الرجل قال أنا سوداني وافتتح بها الغنيه إنت بس أمسك في دي .....

كفايه عنصريه زهجتونا زاتو العالم زمااااااان إتخلص من المرض ده ونحنا لحدي حسي نسوط نسوط في حاجات فارغه جداً مامنها أي فائده ......

الأخ دينق
تحياتي

رغم إنو الأغنية جميلة لكن في الحقيقة نحن لم نعمر أرضنا بل دمرناها...

ممكن نكون عمرنا أراضي غيرنا في بلاد الغربة... ودمرنا أرضنا.........

Quote: فكيف نتغني ونقول "أنا سوداني أنا وبعد ذلك نقول لوحة العرف أصلها كرم والى العرب ينس الكرم"؟

الشاعر قصده (الكرم) ودائما ينسب الكرم الي العرب منذ اقدم العصور وليس معناهو تجاهل لبقيه

الاجناس الاخري .

عزيزي دينق

جنوبيين او شماليين كلنا نمثل السودان.

محبتي

زينب

Quote: فيكفينا فخراً أنا سوداني أنا... عربي زنجي نوبي .... فكلنا سودانيون يجمعنا حب هذا الوطن الغالي...

الاخ أبو حسين.

إذا كنا تفهمنا حديثك أعلاه لما وصلنا الى هذا المرحلة.

دينق.

دينق

أقـرأ، أو استمع للأغنية كوحدة واحدة. فالشاعر والمغني أنتجا عمل جميل ورائع تحدث عن السوداني ولم يتحدث عن الدينكاوي أو الشايقي أو الهدندوي. يا أخي تأمل الكلمات دي:

كل اجزائه لنا وطن
اذا نُباهي به ونفتتن

نتغني بحسنه ابداً
دونه لايروقنا حسن
ونسب الأشياء الجميلة هي إلى (السوداني) بغض النظر عن أصله.
وبعدين ماذا يضير إذا نـُـسب إلى العرب الكرم؟ يا أخي دي ما فيها حاجة.

بعدين هل بتقترح تعديل في كلمات الأغنية؟

لو كنا بلد يحترم التعددية الثقافية واللغوية كان يجب ترجمة مثل هذه الأعمال للغات المحلية الأخرى، وترجمة الأغنيات المنتجة بلغات محلية وتحمل ذات معاني أغنية (أنا سوداني) إلى اللغات المحلية الأخرى.

تحياتي

Quote: رغم إنو الأغنية جميلة لكن في الحقيقة نحن لم نعمر أرضنا بل دمرناها... ممكن نكون عمرنا أراضي غيرنا في بلاد الغربة... ودمرنا أرضنا.........

الاخ عبد اللطيف.

أتفق معك تماما.

دينق.

Quote: الشاعر قصده (الكرم) ودائما ينسب الكرم الي العرب منذ اقدم العصور وليس معناهو تجاهل لبقيه الاجناس الاخري .

العزيزة زينب.

أنا بس حبيت أزكر الناس عن الحالة الزهنية التي يعيشها المثقف الشمالي, فالشاعر رغم أنه أفريقي أكثر من عربي ولكن نجده يمجد العرب على حساب أفريقيته. وهذا هي أحدا مشاكل السودان.

دينق

Quote: بس حبيت أزكر الناس عن الحالة الزهنية التي يعيشها المثقف الشمالي, فالشاعر رغم أنه أفريقي أكثر من عربي ولكن نجده يمجد العرب على حساب أفريقيته. وهذا هي أحدا مشاكل السودان.

الاستاذ دينق شكرا علي الموضوع الجميل حول هذه الاغنية الجميلة
السودان يشتمل من ضمن سكانه علي مجموعات كبيرة من متكلمي اللغة العربية كلغة ام و هي حاملة لثقافتهم و تراثهم و هي اداة تواصلهم .. و هذه المجموعات تشتمل علي مجموعة القبائل الجعلية من
جعليين و مناصير ورباطاب و شايقية و بطاحين و بوادرة و ضباينة و اخريين كثر من العركيين و الحلاويين من سكان الشرق و اواسط و مجموعات ضخمة و كبير ة في دارفور و كردفان مثل البقارة و الكبابيش و الكواهلة و يسمون انفسهم عربا و من حقهم كقوميات ان يتغنوا متفاخريين باصولهم
لم اسمع هذه الاغنية و تبادر الي ذهني ان المقصود بالعرب هم العرب الاسيويين بل هم العرب السودانيين الافارقة حالهم حال عرب اخريين ايضا في افريقية في دول مثل مصر و ليبيا و الجزائر و المغرب و تونس و موريتانيا هؤلاء افارقة يتكلمون باللغة العربية

لكل انسان الحق بان يفخر باصله و تاريخه و تراثه و شاعر قال انا سوداني و قال نحن من نفر عمروا الارض حيثما قطنوا و قال ايضا دوحة العرب كلها فطن و الي العرب تنسب الفطن هذا انسان في موقف فخر و اعتزاز لم يقل هذا مستبطنا فكرة اخري و الا كان ان وجدنا لها دليلا في النص الشعري انسان يفخر بسودانيته و يفخر بانه عرب سوداني و افريقي

الانتماء الثقافي ليس عيبا و ليس فيه منقصة العيب هو العنصرية و التالي العرقي فارجو الرجوع للنص و قراءته بالتفكير البسيط بان من حق الانسان كائنا من كان ان يفخر باصله و ان يعبر عن اعتزازه بانتماءه لثقافته او دينه
لا اجب غرابة في ان يقول السودانيين من افراد القوميات الناطقة باللغة كلغة ام (first language في ان يتفاخروا باصلهم هذا لايمس الاخريين ما يمس الاخريين هو مشاعر الاستعلاء عليهم و الاحطاط من قدرهم

نتمني ان نسمع غناء تتفاخر قوميات سودانية اخري بانهم محاربون اشداء و كرماء و انهم يعمرون الارض حيثما قطنوا و يدافعون عن الضعاف اذا وجدنا اغنية بلسان الدينكا مثلا بهذا الخصوص هل يمثل هذا اي اتجاه عنصري و اليس فقط الفخر و الاعتزاز بالنفس و
الثقافة المشروع جدا

لا يوجد كائن اسمه المثقف الشمالي هنالك مثقف سوداني من اقليم معين و هذا المثقف من الممكن ان يحمل اي فكر سياسي هنالك شيوعيين و اتحاديين و منتسبي تنظيام مختلفة و هناك ايضا كيزان و لصوص سياسة من كافة انحاء لا يوجد كائن واحد اسمه المثقف الشمالي .. هل يوجد هناك كائن اسمه المثقف الجنوبي او المثقف الشرقي او المثقف الغربي ..اقص sreotype هذا الكلام يا استاذ ينتقص من قدرنا انا مثلا اعتقد انني متعلم سوداني و ارتفع عن الانتماء الي اقليم انا سوداني وبس
و شكرا
طه جعفر
عاش السودان موحدا و متنوعا في ثقافاته و دياناته في ظل نظام ديمقراطي عادل نحترم فيه بعضنا بعضا

عزيزي دينق

من حق اي انسان ان يعبر عن نفسه.

شاعر الاغنيه كان يعبر عن احساسه بالوطن ((السودان)) وهذا حقه الطبيعي.

اكتب انتا نص وعبر عن احساسك بوطنيتك وسوف ينسب اليك وهذا حقك.

واكرر............واكرر


كلنا نمثل السودان


محبتي


زينب

Quote: شاعر الاغنيه كان يعبر عن احساسه بالوطن ((السودان)) وهذا حقه الطبيعي.

الغالية زينب.

نعم من حق أي أنسان أن يعبر عن أحساسه بالوطن, ولكن هذا الحق له حدود. فالكيزان عندما قامو بالانقلاب العسكري كان هذا أحساسهم بهذا الحق أيضا.
مشكلتنا في السودان يا زينب هي , كلنا نتفق عن التعدد الاثني,الديني, الثقافي في السودان ولكن لا نعمل لذلك أبد. فأجهزة أعلامنا لا تعبر عن ذلك وسياسينا لا يعملون من أجل ذلك. وكل أسباب المشاكل في السودان كانت نتيجة لعدم الاخذ بهذا الامور مأخذ الجدية.

لكي كل الود.

دينق.

Quote: الغالية زينب. نعم من حق أي أنسان أن يعبر عن أحساسه بالوطن, ولكن هذا الحق له حدود. فالكيزان عندما قامو بالانقلاب العسكري كان هذا أحساسهم بهذا الحق أيضا. مشكلتنا في السودان يا زينب هي , كلنا نتفق عن التعدد الاثني,الديني, الثقافي في السودان ولكن لا نعمل لذلك أبد. فأجهزة أعلامنا لا تعبر عن ذلك وسياسينا لا يعملون من أجل ذلك. وكل أسباب المشاكل في السودان كانت نتيجة لعدم الاخذ بهذا الامور مأخذ الجدية.

العزيز دينق

لا افهم في السياسه ولاكني اناقشك من الناحيه الانسانيه .وهذا هو السودان المتعدد الثقافات فما العمل ؟ هل نفرض ثقافه ام نتعايش مع كل الثقافات الموجوده .

يا دينق

السودان حق الكل


زينب

Quote: السودان حق الكل

البِقنِع الديك (تُقْرَأ الإنقاذ) منو

Quote: فالشاعر رغم أنه أفريقي أكثر من عربي ولكن نجده يمجد العرب على حساب أفريقيته. وهذا هي أحدا مشاكل السودان.

وهناك شاعريقول
ارض الخير افريقيا مكانك زمن النور والعزة زمانك
نحن جدودنا جباهم عالية مواكب مابتراجع تاني
دا الخلاني اقول للدنيا انا سوداني انا افريقي انا سوداني
وبرضوا مافي زعل وبي كدا نكون حبايب

دينق سلام ياخي شعراء السودان كتبوا شعرا لمواطن الجنوب و فناني السوداني غنوا لمواطن الجنوب, الفنان النور الجيلاني غني لجوبا و لمواطن الجنوب و الدينكا لهم اغانيهم التي يمجدون فيها مواطن الجنوب , و البجا يتغنون بلغاتهم التقرى و البداويت, و كل قبيلة لها اغاني قد لانفهم معانيها لكن يطربنا اللحن. فياخي ابعد من معالجة الاشياء بعين واحدة.


أنور أحمد

يا جماعة دينق كلامو صاح والشاعر كمان كلامو أصحّ من دينق فما تغلفوا الموضوع ..
الكرم حق العرب ومن ما قمنا في الدنيا دي المعلومة دي عارفنها ..
يعني أسة يا دينق حصل سمعت بي تشادي كريم ؟؟؟؟
ولا حصل سمعت بي كاميروني كريم ؟؟؟
ولا حصل سمعت بي سويدي كريم ؟؟؟
طبعاً ماف داعي اجيب ليك سيرة قبائل سودانية عشان ما تتحسس وكده ..
لكن فعلاً يا اخوي إلى العرب ينسب الكرم وعجبك عجبك ما عجبك ما تسمع الأغنية وريح بالك ..

اخوي دينق ان شخصيا معجب جدا بنشيد وردي وواضح انو حسم مسألة الهوية دي ووردي طبعا ما عربي فقال في نشيد ثوار اكتوبر ياصناع المجد

لي افريقيا حي شباب حر ونبيل
ولما ينادي الوطن العربي نهب للموت علي كل دخيل....

.

دينق..

سمعت قصيدة الفاتح عظيم التي يغنيها عماد أحمد الطيب؟

كلاهما من طابت .. (جـلابة) يعني!

الغنوة إسمها جــنــوبــيــة...يصف فيها حسناء جــنــوبــيــة...

مشلخة بالعرض في جبهتها بالتنقيط الذي نرجو أن نتثاقف في دلالاته لنستفيد!

و يقول في بعض مقاطعها..

الخطـوط الراســمة في صفحـة جبينك
منظـومة زي أحرف أريـدك
و العيون خلتني أكتر..
و غير ما أشعر أميل و اريدك

جــنــوبــيــة...آآآآه جــنــوبــيــة...

شـفت في عينيك أصالة الفونج..و الأماتونج
السامي زي قمة بلدنا
و رعشـة الإيـد المســالمة..و..همسـة الشـوق النديــة

جــنــوبــيــة...آآآآه جــنــوبــيــة...

يوم رأيتك حســيت بأني..من جديد أنا اتولدت
و فيك تهت..و الدموع تفضح لواعج شــوق خفيـة

جــنــوبــيــة..... جــنــوبــيــة...

هذه الغنوة رقصنا معها في طابت..و نحن ندرك، يقينآ، كلماتها
فهل تريدني أن أقطع من وجداني معانيها السامية لأنها تحكي عن الأماتونج و الذي هو ليس في محافظة الحصاحيصا بأية حال؟ أم تريدنا أن نقسم كل شيء الى جنوب و شمال في هذا البلد؟
الجماعة أطلقوا إسـم المك نمر على الكوبري..فسارع شركاء الحكم/الخلاف بتشليخ الجنيه شايقيآ!!
دينق
هناك أشياء قابلة للنقاش و التفكير
لكن كلامك دة زي البرة الخــط شوية
وقولي لا يعدو أن يكون رأيآ

.

هاك يا دينق استمتع ب يالكلام السمح ده ..
ياخ دي أجمل قصيدة إتكتبت على مر تاريخ السودان القديم والحديث والبعد مليون سنة ..
وجاي اسة عايز تلوم لينا الفنان القامة العطبراوي ...
هييييييييييييييييييييييييه دنيا

Quote: كل اجزائه لنا وطن اذ نباهي به نفتتن نتغنى بحسنه ابدا دونه لا يروقنا حسن حيث كنا حدت بنا ذكر ملؤها الشوق كلنا فدها نتملى جماله لنرى هل لترفيه عيشه ثمن خير هذي الدماء نبذلها كالفدائي حين يمتحن بسخاء بجرأة بقوى لا يني جهدها ولا تهن تستهين الخطوب عن جلد تلك تنهال وهي تتزن

Quote: أيها الناس نحن من نفر عمروا الارض حيث ما قطنوا يذكر المجد كلما ذكروا وهو يعتز حين يقترن حكموا العدل في الورى زمنا اترى هل يعود ذا الزمن ردد الدهر حسن سيرتهم ما بها حطة ولا درن

Quote: نزحوا لا ليظلموا احدا لا ولا لااضطهاد من امنوا

Quote: وكثيرون في صدورهم تتنزى الاحقاد والاحن وكثيرون في صدورهم تتنزى الاحقاد والاحن وكثيرون في صدورهم تتنزى الاحقاد والاحن وكثيرون في صدورهم تتنزى الاحقاد والاحن وكثيرون في صدورهم تتنزى الاحقاد والاحن

وهاك الكلام الروعة وخلاصة القول في هذه الأغنية :

Quote: دوحة العرب اصلها كرم والى العرب تنسب الفطن ايقظ الدهر بينهم فتنا ولكم افنت الورى الفتن

Quote: يا بلادا حوت ماثرنا كالفراديس فيضها منن فجر النيل في اباطحها يكفل العيش وهي تحتضن رقصت تلكم الرياض له وتثنت غصونها اللدن وتغنى هزارها فرحا كعشوق حدا به الشجن حفل الشيب والشباب معا وبتقديسه القمين عنوا نحن بالروح للسودان فدا فلتدم انت ايها الوطن

تخريمة :

ونجي نحن زي العورا نقعد ننطت مع النور الجيلاني في اغنية فيفيان وجوبا يييييي ..
نستاهل لكن طالما في ناس بتفكر زي تفكير طبقة الأوزون ده ..

أتفق مع دينق تماما!..

كنت أستمع لأسرار في بوست "الملك" و تأملت نفس تأمل دينق و جيت لقيتو فتح ليها بوست..

الأغنية تحسم موضوع الهوية بالنسبة للمستمع الغير مهتم بمشكل الهوية و الدستور و تنسب السودانوية و ترجعها لأصول و أنساب و مفاخر عروبية..

عثمان حسين تغنى:

أفديك بالروح يا موطني
فأنت دمي .. كلما أغتني
بلادي أنا
تراث كرام و مجد العرب
و سفر كفاح روته الحقب
إلخ..

مافي مشكلة مع الإهتمام العروبي .. المشكلة في عدم إيفاء الهوية حقوقها الشاملة و في تناول السودانوية بي طريقة جزافية مبتورة ترجح كفة على أخرى !..

يا دينق مساء الخير



قريت اسرار البوست ده وطبعا هي ما متابعة الموضوع وكده


قالت لي دينق ده ما كان طيب هسة قصدو شنو ؟



قلت ليها ده دينكاوي حاقد




والله جكساية ما تلقا معاي تاااني






كسرة : صباح ما مشكلة




منعم

كدة خليك واضح انت معجب باسرار ولا الاغنية

Quote: عاش السودان موحدا و متنوعا في ثقافاته و دياناته في ظل نظام ديمقراطي عادل نحترم فيه بعضنا بعضا

الاخ طه جعفر.

لا أعتقد أن الشاعر يتحدث عن عرب السودان. بل هو يتحدث عن عرب أسيا.
ولكن تجدني أتفق معك في ما كتبته أعلاه.

دينق.

الاخ أنور أحمد.

الشاعر لا يتحدث عن عرب السودان ولكنه يتحدث عن عرب أسيا. وده مربط الفرس هنا.
بعدين كلام الشاعر واضح جدا ولا يحتاج الى شرح.

دينق.

Quote: يا جماعة دينق كلامو صاح والشاعر كمان كلامو أصحّ من دينق فما تغلفوا الموضوع .. الكرم حق العرب ومن ما قمنا في الدنيا دي المعلومة دي عارفنها .. يعني أسة يا دينق حصل سمعت بي تشادي كريم ؟؟؟؟ ولا حصل سمعت بي كاميروني كريم ؟؟؟ ولا حصل سمعت بي سويدي كريم ؟؟؟ طبعاً ماف داعي اجيب ليك سيرة قبائل سودانية عشان ما تتحسس وكده .. لكن فعلاً يا اخوي إلى العرب ينسب الكرم وعجبك عجبك ما عجبك ما تسمع الأغنية وريح بالك ..

عمر الفاروق.

أعتقد أنك دخلت هذا البوست عن طريق الخطاء.
هنا يوجد نقاش أنت لا تستطيع أن تفيده بشئ.
أحسن تتخارك وتكوس بوستات الكورة.

دينق.

Quote: اخوي دينق ان شخصيا معجب جدا بنشيد وردي وواضح انو حسم مسألة الهوية دي ووردي طبعا ما عربي فقال في نشيد ثوار اكتوبر ياصناع المجد لي افريقيا حي شباب حر ونبيل ولما ينادي الوطن العربي نهب للموت علي كل دخيل....

الاخ وسام.

محمد وردي يعرف يختار كلمات أغانيه بطريقة مميزة جدا, فهو يخاطب المواطن السودان في المقام الاول, ولذلك تجده شديد الحرص لكي يخاطب جميع السودانين وبمختلف خلفياتهم الاثنية والجغرافية.

دينق.

الاخ الطيب بشير.

هذا الاغنية لا تتحدث عن غزل فتاة من الجنوب أو الشمال, بل هذا قصيدة وأغنية جادة وحماسية تتحدث عن تاريخ و"أنجازات" فئة عرقية معينة في السودان.

دينق.

B]اخوتى الكرام سلام ، كنت اتمنى من احد الاخوة على الاقل ذكر سيرة شاعر القصيدة الاستاذ محمد عثمان ، وامل ان يكون الاسم صحيحا لاننى فقدت الاسم الثالثى للشاعر واذكر ان التلفزيون من مدة ليست بالقصيرة اجرى معه لقاءا من منزله فى رفاعة او القطينة وقد بلغ من الكبر عتيا وهزه المرض وهو احد الاساتذه المعروفين . اما اخى دينق ، فقدعرف العرب منذ قديم الزمن بالكرم والفطنة ولا اعتقد انك لم تتطلع على هذا الامر ، كما ان من الصعوبة انكار هذا الامر ، والقصيدة من روائع الادب السودانى ، وهى من نوع السهل الممتنع.

Quote: أتفق مع دينق تماما!.. كنت أستمع لأسرار في بوست "الملك" و تأملت نفس تأمل دينق و جيت لقيتو فتح ليها بوست.. الأغنية تحسم موضوع الهوية بالنسبة للمستمع الغير مهتم بمشكل الهوية و الدستور و تنسب السودانوية و ترجعها لأصول و أنساب و مفاخر عروبية.. عثمان حسين تغنى: أفديك بالروح يا موطني فأنت دمي .. كلما أغتني بلادي أنا تراث كرام و مجد العرب و سفر كفاح روته الحقب إلخ.. مافي مشكلة مع الإهتمام العروبي .. المشكلة في عدم إيفاء الهوية حقوقها الشاملة و في تناول السودانوية بي طريقة جزافية مبتورة ترجح كفة على أخرى !..

الاخ المعز.

شكرا لك وأنت الذي تفهمت قصدي تماما من خلال هذا البوست.

دينق.

Quote: يا دينق مساء الخير قريت اسرار البوست ده وطبعا هي ما متابعة الموضوع وكده قالت لي دينق ده ما كان طيب هسة قصدو شنو ؟ قلت ليها ده دينكاوي حاقد والله جكساية ما تلقا معاي تاااني كسرة : صباح ما مشكلة منعم

حبيبنا منعم.

ياخي في داعي كان تكلم أسرار؟
أنت داير تخرب لي مالك, اسرار دي علاقتها معاي حلوة جدا
عالم حاقدة بشكل.

بعدين قصة صباح مع نانسي عجرم دي شنو كمان. ما عرفين نعمل معاكم شنو وقصتكم مع العرب.

دينق.

Quote: كدة خليك واضح انت معجب باسرار ولا الاغنية

محمد الامين.

أنت منعم مسلطك علي ولا شنو؟

أنا معجب بي الفنانة أسرار تاني في شنو؟

دينق.

يا أخوانا مسألة أغنية أنا سوداني أعمق من حلها بالتراضيات، حلها يتم بعقلية نقدية لتراثنا الثقافي والغنائي.
أجيال المتعلمين السودانيين في الشمال في مواجهتهم للإستعمار إحتموا بالثقافة العربية الإسلامية والوافدة من مصر تحديدا وبما أنه لم تتبلور ثقافة سودانية وسطهم ولم يرجعوا للتاريخ القديم وظل أقرب تاريخ لمخيلتهم هو السلطنة الزرقاء والمهدية، ظلوا يبحثون في التراث العربي الإسلامي لمواجهة الإستعمار ولو نظرت لمعظم مثقفي شعراء تلك الفترة تجد وعيهم بالهوية القومية السودانية محدود ويختزلزنها في الهوية العربية الإسلامية، ثم أن حركات التحرر الوطني العربية كانت ملهمة لتيارات واسعة في السودان لدرجة أن شاعر مدهش مثل أبو آمنة حامد كتب قصيدة الكابلي الرائعة "أنت يا ناصر في أرضي أنا". هذه فترة تحتاج لتقييم نقدي، لا تجريد عرب السودان ومستعربيه من حقهم الثقافي ولكن للوصول لوعي جديد بأن الثقافة السودانية تشمل تراثا غير عربي وأن هناك ثقافات سودانية غير عربية ما زالت حية في السودان، بل أن الثقافة العربية الإسلامية السودانية، رغم إستعمالها اللغة والنسب العربيين، لها سمات خاصة جدا سمات سودانية كسبتها بحكم المكان والتاريخ والتراث غير العربي والتداخل مع ثقافت غير عربية موجودة مؤثرة في السودان شماله (التراث والثقافة النوبية) وغربه (ثقافة الفور والزغاوة والتنجر والبرقو والميدوب والبرتي، ...إلخ) وثقافات الشرق (هدندوة وبجة) وثقافات الجنوب المتعددة نيلية وعير نيلية.
أنا لا أتفق مع من ينسب الكرم للعرب، ففي سفري في العالم ولقائي لناس من مختلف أنحائه هناك من يخجلوننا كرما ومن بين هؤلاء شعوب أفريقية كثيرة، بل أن بعض أخواننا الجنوبيين ممن عاشرت في السودان وفي بريطانيا أكثر كرما من سودانيين تغابوا فينا العرفة في الغربة.

Quote: يا دينق مساء الخير قريت اسرار البوست ده وطبعا هي ما متابعة الموضوع وكده قالت لي دينق ده ما كان طيب هسة قصدو شنو ؟ قلت ليها ده دينكاوي حاقد والله جكساية ما تلقا معاي تاااني كسرة : صباح ما مشكلة

بركة المنعم فهم قصدك !!!!!
انت ياهو ده قصدك اااااااااااااا الفالح ؟؟؟
اسرار ومعجب ومبسوط وشنو وشنو وشنو ..
وتجي تقول لي امشي شوف بوستات الكورة ...

هييييييييييييه دنيا ..

Quote: الانتماء الثقافي ليس عيبا و ليس فيه منقصة العيب هو العنصرية و التالي العرقي فارجو الرجوع للنص و قراءته بالتفكير البسيط بان من حق الانسان كائنا من كان ان يفخر باصله و ان يعبر عن اعتزازه بانتماءه لثقافته او دينه

شكراً الأستاذ طه
لعله يفهم ما تقول
دائماً شايل الموضوع وحايم بيهو يهاجم في الأصل العربي ويقول انا وحدوي!!! عجبي يا دينق

Quote: كدة خليك واضح انت معجب باسرار ولا الاغنية

الله يجازي محنك يا محمد الأمين...

ما تقول كدي من قبيل!!!!

اغنية جميلة جدا تعبر فعلا عن السودان القديم الزي اتمني ان يعود ويسود دائما..

سلام دينق ..

أتمنى أن نفهم الأشياء بمنظورها الصحيح ..
مشكلة الهوية السودانية واللغط الكبير الذي يدور حولها ..
ومن نحن ومن أين جاء السودانيين ؟
ولو توقفنا عند أغنية أنا سوداني لوقفنا عند الكثير مثلها ..
ووقفنا عند الفيتوري وصلاح أحمد ابرهيم وتاج السر حسن والكثير من الشعراء السودانيين الذين غنوا لأفريقيا والعروبة ..
خلونا نتحدث عن المخرج من الوهم دا ..

الجميع طيبون ..

Quote: B]اخوتى الكرام سلام ، كنت اتمنى من احد الاخوة على الاقل ذكر سيرة شاعر القصيدة الاستاذ محمد عثمان ، وامل ان يكون الاسم صحيحا لاننى فقدت الاسم الثالثى للشاعر واذكر ان التلفزيون من مدة ليست بالقصيرة اجرى معه لقاءا من منزله فى رفاعة او القطينة وقد بلغ من الكبر عتيا وهزه المرض وهو احد الاساتذه المعروفين . اما اخى دينق ، فقدعرف العرب منذ قديم الزمن بالكرم والفطنة ولا اعتقد انك لم تتطلع على هذا الامر ، كما ان من الصعوبة انكار هذا الامر ، والقصيدة من روائع الادب السودانى ، وهى من نوع السهل الممتنع.

الاخ هجو.

لا أعتقد أن الكرم هو منسوب لشعوب يعينها ولكن ثقافات الشعوب المختلفة تتحدث عن "كرمهم وشجاعاتهم ثم تراثهم"
فأي حديث عن كرم الشعب الفلاني أو العلاني لن يكون سوى مجاملة أو صورة نمطية قديمة.

دينق.

جوهر البوست أن أجزاء من تراثنا تحتاج لمراجعة
لأنها صيغت في زمان سادت فيه عقلية وقيم الرق
مثل "تبراه الشعبة والجنزير"
أو
"عيال اب جويلى"
أو
"غني وشكري ياام قرقدا حسو"

والكثير من قصصنا ونكاتنا

ثم جاءت فترة العروبة الإسلامية القسرية
حيث استنكر كاتب معروف
قيادة ثوار 24 بقادة من "وضيعي الأصل"

نحتاج إلى حساسية في الإنفصال عن هذا التراث
ونقده وغرس قيم تثاقف جديدة
تنبني على المساواة

أرى من الضروري الإتفاق على مبادئ كهذه

ثم الإنطلاق إلى محاكمة النماذج بين يدينا
على أساس تلك المبادئ

وعليه عند تناول هذه القصيدة بالذات

من فترة صرت اتحسس من تعبير
"عمروا الأرض حيثما قطنوا"
إذ يلاحظ أن المستعمرين دوما
ينظرون إلى المناطق التي يحتلونها كأرض
بدون ناس

كما لاحظت في أغاني بانورامية أخرى
الإشادة بناس بعض الأقاليم
بينما تشيد "بخيرات" بعض الأقاليم الأخرى
دون ناسها

أما قول مثل نسبة الكرم للعرب
فمن حق كل مجموعة أن تنسب لنفسها
ما شاءت من محاسن

ولكن
من واقع معايشتي لعرب الجزيرة
ومعايشة شعوب أخرى

فمن حقي أن أضحك
على هكذا ادعاء
مثل ما ضحكت على
قول سياسى فرنسي
قبل حوالى عقدين من الزمان
"أنه من المعروف أن الفرنسيين أذكي الناس"

كما يجب أن ننتبه للقبلية العائدة
تحت حكم الجبهة

الباقر موسى

الاخ دينق سلام ، اخى الفاضل هناك شعوب فى كل اصقاع الدنيا تميزت بكرمها وحسن معاشرتها ، وسماحة وطلاقة الوجه ومنها الشعب السودانى ، وحتى لاتغضب ايضا ابنا عمموتنا العرب ، وهناك شعوب اصلا فى ثقافتها ان الكرم نوع من الهبل والتبذير ، وانت عايشت ملل كثيرة يستكثر احدهم ان يعزمك على كباية شاى. بعدين كلو دم ما مهم الاغنية كلمات ولحن قمة فى الروعة.