Post: #1
Title: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 04:43 AM
Parent: #0
منبر السودان الجديد..
لو كان هذا حال (آدمنكم)
و إلتزمتم الصمت...
مع مراعاة ما قرأ الناس هنا حين تعرض منبركم للغزو
إذاًً:
أحرام على بلابله الدوح.... حلال على الطير من كل جنس
الأستاذ ... زمراوى
أشهد أنى لم أقرأ لك إلا المفيد... كنت ..لازلت
و ستظل فى نظرى مهذب العبارة
أنيق الحرف..
تعلمت من كلماتك الكثير و لازلت أنتظر!
بكرى أبوبكر...
ربان هذه السفينة
أعانك الله..
لك إحترامنا و كل المحبة..
خالد كودى..
فعلاً:
للثوار وجه واحد..
______________________________________________________________________
عاشت سودانيز أونلاين وطن من لاوطن له ودار من لادار له.
|
Post: #2
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 04:51 AM
Parent: #1
| Quote: عاشت سودانيز أونلاين وطن من لاوطن له ودار من لادار له. |
ومن ينكر جميل هذا الوطن علينا فهو جاحد
تعرض منبرهم لهجمة كانت ادانتنا لها اقوى من مواقفهم
وعندما انتهك ادمنهم حرمة هذا المكان كان صمتهم المخجل
للثوار وجه واحد
وادانة الاجرام لها ايضا وجه واحد
شكرا عزاز على فتح هذا البوست
|
Post: #4
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 05:06 AM
Parent: #2
Quote: ومن ينكر جميل هذا الوطن علينا فهو جاحد
تعرض منبرهم لهجمة كانت ادانتنا لها اقوى من مواقفهم
وعندما انتهك ادمنهم حرمة هذا المكان كان صمتهم المخجل
للثوار وجه واحد
وادانة الاجرام لها ايضا وجه واحد
شكرا عزاز على فتح هذا البوست |
حبيب الكل.... استاذنا أوسلى
بل شكراً لك أنت
و صديقى اسامة خلف الله
و كل من تصدى لعبث العابثين...
تصدق أول ما خطر ببالى عنوان بوست شهير للأستاذ/ عصام دهب
كرهت تفاهة الثوار
رغم أنى لم أقرأ البوست المعنى..
إلا أننى اتخيل أنّ صاحبه يقصد تلك النوعية من ثوار القرن!
قلتى لى سودان شنو؟
ياخ تف و تعال أسرق باسويردى يا آدمن الهنا..!
لتؤكد مدى الإنحطاط و الدناءة...
ليتك إتعظت بكلمات من نور صاغها لك كل من الأوفياء
د. مصطفى محمود
و أستاذ/ ياسر طيفور
لكن هيهات...
________________________________________________
و تف يادنيا تف!
|
Post: #5
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 05:26 AM
Parent: #4
تعرف يا عزاز
كل شعوب الدنيا
اذا حصلت على جنسية بلد اخر
بيكون الولاء للوطن الام طاغ على الجديد
الا فى حالة اصحابنا هنا
فسيوفهم مع معاويه وقلوبهم ايضا
متى يعرفون قيم الانتماء والاخلاص والوفاء ؟
|
Post: #7
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 05:31 AM
Parent: #4
لا أخشى على موقف شخص منهم بقدر خشيتى على موقف
د. راشد الحاج!
الذى أطلق للسانه العنان و أكدّ جاهزيتهم لغزو الهكر حينما
تعرضوا لتلك الهجمة!
فهل ياترى.... هذا المنبر كان من ضمن الأهداف؟
ياحسرة !!
_________________________________________________________
الآن استطيع أن أقول بملء فمى أن هناك خبيثات و خبثاء يدسون
السم فى الدسم..!
يشهد الله أنى لا أقصد د. راشد الحاج، فالرجل تقدير خاص!
و أتوقع منه توضيح لا من غيره...!
سلامات يا أوسلى2 ... ياخ تلفونك الوهم ألحقنى بيه؟
|
Post: #6
Title: Re: إذا كان رب البيت للدف ضارب.....فشيمة أهل البيت الرقص
Author: saadeldin abdelrahman
Date: 01-30-2007, 05:28 AM
Parent: #1
عزاز البقا غالي
شييك ال Voice mail
وين الحي بيك يا راجل.
بالمناسبة دي ما أول مرة يعملا..
Quote: تصدق أول ما خطر ببالى عنوان بوست شهير للأستاذ/ عصام دهب
كرهت تفاهة الثوار |
تصدق
يا عزاز نفس الشئ خطر ببالى
و يا حليل زمن المبادئ!
طبعا البوست و العنوان عبارة عن قصيدة للأستاذ هاشم صديق
برضو في بوست عن النضال البنغالي لصاحبه الأخ معاذ حسن اوصيك به يا حبيب
تحياتي
|
Post: #8
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 05:37 AM
Parent: #6
وخوفى انا من زواية اخرى
انهم يطمسون اسم السودان الجديد
هذا الاسم الذى احببت
هل يدينون ما قام به حراميهم
لا زال فى النفس عشم بالا يكابروا
|
Post: #9
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 05:41 AM
Parent: #6
أبو السعود.........
قريبى عديل إن شاء الله بالسلبطة... زى ما واحد صاحبى قال لى
إنك قريبنا .. وقع ليك كلامى صاح؟
الأحرف منك إلا نوبى!
ياخ إنت بتكون خليت ليك مسج فى آنصر مشين بتاعت زول تانى
و الله أخوك كان لافى زى القرقور...
المهم تلفونى الجديد حارسلوا ليك فى الماسنجر حالاً ..
تعرف يا معلم مرات الواحد يقعد يقول دايرين شنو؟ من الحاصل؟
و الإجابة بتكون مصلحة البلد..!
بس و الله مع الشايفوا دا ...
لبكرى ابوبكر نيشان البطولة و الخدمة الطويلة الممتازة
و لنا عامة الشعب و بقية جماهير القراء نيشان الصبر
________________________________________________
منبر ال.... شنو؟؟؟
وتف يا دنيا تف
__ ___ ___ ___ __ ____ ___
و طن من لاوطن له و دار من لادار له!
و لك يا
|
Post: #11
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 05:47 AM
Parent: #9
Quote: وخوفى انا من زواية اخرى
انهم يطمسون اسم السودان الجديد
هذا الاسم الذى احببت
هل يدينون ما قام به حراميهم
لا زال فى النفس عشم بالا يكابروا |
أوسلى ياحبيب...
مصطفى سيد أحمد (الله يرحمه)
مبدعنا الكتيابى (ربنا يديهو الصحة و العافية و طول العمر)
متّّذكّر:
(بيحلم بالشتاء الدافىء) ؟؟؟
ياهو حلمك...
______________________________________________________
قلتى لى عاجبك ياتو إسم؟
|
Post: #10
Title: Re: إذا كان رب البيت للدف ضارب.....فشيمة أهل البيت الرقص
Author: saadeldin abdelrahman
Date: 01-30-2007, 05:46 AM
Parent: #1
كرهت تفاهة الثوار
الرائع / هاشم صديق
المحاكمة
لئيمة مكايد الأحقاد
وكتت تنعيكا للدنيا
قبيحة خناجر الأصحاب
وكت تطعن ضهر غنية
غبية محاكم الفاشست
وكت تلوى الضمير عنية
وأمينة دفاتر الأشعار
صدق كلماتها بالدنيا
أرافع لا لقاضى الحزب
ولا لي عسكر السلطان
أرافع لي ضمير الشعب
تحت زرقة سما أم درمان
أدق طبل الغضب وأصرخ
وأقول كل الكلام مليان
مزيف فى جرايد الحاشية
والطغيان
مجرح بالكلام أسمى
من السفلة ومن الصحبان
مرسوم يوم تحت لافتة
ومكتوب يوم تحت عنوان
( فيلم هندى ) القصص عنى
ميلودراما وبالألوان
مواجه بقلم فاشى
ومصلوب فى جرايد السر
تقول عقل الوطن ناسى
مناضل قالوا لو "حزبى
وساقط لو "ديمقراطى
صحيح صبح الفهم واطى
وضمير القاضي ما خجلان
يشد سلع المناضل يوم
ويوم يكتب فى اسمو هوان
تقول كسرت سن قلمى
وتقول بايعت للشيطان
تقول معنى النضال اصبح
قلم سايح بدون أوطان
تقول الردة
رجعة قدمى للسودان
وبين تنكيل قلم جاهل
وتحليل حملة الأختام
بقيت ثائر بدون تاريخ
وراجي إشارة الإعدام
وكل التهمة ما ساومت
واستسلمت للأحلام
و استنيت خلاص بلدى
بأيد ثوار من المريخ
سيوف ميتة وطول أقزام
كرهت تفاهة الثوار
وكت يبقى النضال قعدة
كرهت قصائد الحفلات
عن "الثورة" وعن "الجبهة
كرهت معارك الأحقاد
تحيل اسم البلد لعبة
كرهت تطاول الأولاد
و الساقطين من النقاد
وصوت فنان ملوث
بى هوى الأسياد
وساقط من ضمير الكلمة والمبدأ
وحامل راوية الأوغاد
أموت يا وطنى
بى خنجر مكايد الحاشية والطاغية
ولا الشايلين اسم ثوار
وهم عصبة المافيا
أقوم يا وطنى من جرحى
وأشوف بى رؤية العافية
جروحك فى المزاد للبيع
واسمك فى خشوم لاهية
وأحسك غابة من أشواك
عليك قدم البحس حافية
يمينك لعبة الأوزان
يسارك يا وطنن تايه
معسم فى الحروب كيمان
نتوه فى سكة الجبهة
نقيف فى سكة الجبهة
كأنك ما قدر نصبح
عشانك يا وطن وحدة
كأننا لسه فى الأحزان
جروح من واقعة الردة
ناصبين للحزن صيوان
ومستنين فرح مجهول
يجلجل فى سما السودان
نسيب السهر والشوك
نعود لى أمنا الساحة
نقيف راجين نفير الحق
وشهور تجرى وسنين زاحة
وسيوف الجبهة فى الاغماد
لا دكت هوى النيران
ولا سوت ارض واحة
مناشير عن نضال أحزاب
اشعار عن رجال أحزاب
أقوال من فكر أحزاب
كانو الحزب هم نفسو
كأنو الأزمة بس جرحو
وجرح الأمة ضاق راحة
كانو بلاهو
لا ولدت بطون أمات
ولا صبح النضال ساحة
ويقيف الشعب
فى ساحة المحطة دهور
قطار الوحدة لا شرف
ولا فارق عيونا السور
ونجرح ونتلقى من العسكر
وطعن الخونة و الطابور
ونتقعر عن الازمات
عن تقريب مسافة الرؤيا
والرايات
نتفلسف عن الثورة
وعن المنفى وعن الإحباط
ونتحذلق عن المعنى
وعن الإسقاط
ونتحامل على التأريخ
ونجرح صحاف الشرفا بالتلميح
ونتفنن فى ختم الشعرا بالاختام
ونغرق فى بخار التيه
وننبدل سيوف أفعالنا بالأحلام
وفى الدوامة
تتبدل سمانا سواد
يموت معنى الوطن
وفى زفة الأوغاد
يضيع نبض الوطن
فى زحمة الأحقاد
يئن شرف الوطن
من حزمة الأسياد
يغيب شرف الكلام
فى بحة المذياع
وفى تهويمة التلفاز
وفى مسرح صبح مشنوق
بحبل المافيا
من جنس الحطام" وشواذ
تتصادر حروف الحق
ويعود معنى الثقافة جناز
وتقوم الزفة
عن أعيادها بالتعيين
ويصير عيد الفنون تأبين
متين كان الحرف مصنوع؟
متين شبت ثقافة الأمة
فى الصحرا
والحصاد والجوع
تعيش يا معنى كلمة لا
تدك الحصن الضلال
بى اشرف الأشعار
تعيش يا وطنى
رغم جروحك المليون
ورغم المافيا والأنصار
تعيش يا شعبى صف مضموم
بساعد العافية والاصرار
أحبك
لا بقع فى الشين
ولا بسكن لوجع الفجعة
فى جرح العذاب الخاص
أقوم من كل جروحي وأكيف
وفى ساحتك
الممهورة بالرصاص
وأصيح فى مسمع التأريخ
أقول عن أزمة الراجين
شباب واقف على السكين
ويسأل بى عقل ملهوف
تدق ساعة الحرابة متين؟
أنحنا سواعد الجبهة
وسيوف الجبهة تصحا متين؟
أصيح فى مسمع التأريخ
اوقل عن معدن الراجين
شباب ثوري وديمقراطي
وقلب واعي وصاحي
شباب واقف
سنين مشتاق
تقوم الجبهة من تعسيلةالأوراق
تقوم الجبهة من تعسيلة الأوراق
|
Post: #12
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 05:59 AM
Parent: #10
أبو السعود....
ياخ إن شاء الله يوم شكرك مايجى..
تعرف نسيت اقول ليك عندك مواقف عجبتنى جدّاً ، طبعاً أخوك بعد ما رجع قرأ البورد
من طرف... أى بوست... و هكذا..!
شكرا...
لهذا الرائع هاشم صديق... تصدق من يوم ما قريت ليه او حقيقة سمعت رسالة للبلد
مافوتّ ليه أى حاجة وقعت فى عينى!
دا زول مقرّب من قلوب كل الناس ، بعجبنى الشاعر البفهم كلامو أنا و حبوبتى بت الدقل
مش زى شعر تقراه يعجبك منه المافهمتو!
اخخخخ...
عزائى إنك فاهمنى..
__________________________________________
إسمهم ابطال شنو يا أبو السعود؟
(جمجمتين و عضم) بتاعت د. بيان و الدال رغم أنف الحاقدات/ين
لك المحبة ياجميل...
|
Post: #13
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 06:05 AM
Parent: #10
وطن للسلم اجنحتو
وضد الحرب اسلحتو
عدد ما فوقو ما تحتو
مدد للأرضو محتلة
سند للايدو ملوية
محجوب شريف
|
Post: #14
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 06:14 AM
Parent: #13
| Quote: الأخ خالد الطيب وهو يواصل الليل بالنهار في جهد خارق وعمل خلاق ...إستطاع وبمجهود فردي من جعل الدماء تجري مرة أخري في شرايين سوداننا الجديد بعد أن حاول الإرهابيون إسكات صوت الحق ...فله منا كل التحية والتجلة ونعدكم بأن نكون دومآ خنجرآ مسمومآ في خاصرة الإرهاب كيفما يكون |
راشد الحاج
هل لا زلت عند وعدك
ام ان لكل مقام مقال ؟
|
Post: #16
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 06:21 AM
Parent: #14
| Quote: قام الصبية الفلسطينيون...أدعياء النضال المأجورين بالإعتداء علي حرية الكلمة وإبداء الرأي...وذلك بتدميرهم لموقع السودان الجديد....ظنآ منهم أنه بإستطاعتهم إسكات الرأي الآخر بالإرهاب...بعد أن عجزوا عن تحرير بلادهم وأصبحوا شركاء لليهود في أعمالهم...بل ويتقاضون مرتباتهم بالشيكل الإسرائيلي....أقول لهؤلاء المأجورين ولكل من لف لفهم بأن الأرهاب لن يسكت صوت الحق ...والجهل لن يعلو علي المنطق والعقل....سيعود موقع السودان الجديد أقوي مما كان...وسنقوم بتدمير كل مواقع الإرهاب الفلسطيني علي الإنترنت...ولقد شرعنا فعلآ في ذلك...ونحن في سبيل تعقب الجناة....ولا نامت أعين الجبناء.... |
وماذا عن صبيكم الذى انتهك حرمة هذا المكان يا راشد ؟
وهل الولاء لمنبر السودان الجديد اقوى لديك من هنا ؟
لماذا اختفت هذه النفخه عندما قام بالاجرام واحد منكم ؟
ام ان الامر انتهى لديك بمتعة المشاهده لاعين الجبناء التى شبعت نوما ؟
|
Post: #15
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 06:16 AM
Parent: #13
Quote: وطن للسلم اجنحتو
وضد الحرب اسلحتو
عدد ما فوقو ما تحتو
مدد للأرضو محتلة
سند للايدو ملوية |
أستاذنا ..... أوسلى2
شكراً كتييييييير .... لحبيب الشعب محجوب شريف
وياخى إسمك كمبيوتر بكرى قال ما موجود ذاتو؟
رسل لى حاجة فاضية عشان عندى ليك أخبار وونسة طاعمة..
أوسلى :
بالطريقة الشايفها عينك دى؟
لسه مصدق محجوب شريف الصادق العفيف:
إنو:
وطن حدادى مدادى
ما بنبيهو فراّدى
و لا بالضجة فى الرادى
و لا الخطب الحماسية
ياخ دى أحلام ما قبل صداقة ال.....؟
الحقنا و أفزعنا!
أبوالسعود شرحوا..
...
|
Post: #17
Title: Re: إذا كان رب البيت للدف ضارب.....فشيمة أهل البيت الرقص
Author: saadeldin abdelrahman
Date: 01-30-2007, 06:27 AM
Parent: #15
عزاز و لك من المحبة اطنان
و فرحانين بي رجوعك والله
عقبال معتز تروتسكي
شرحوا عند كودي
نحنا قصار
و اهلنا قالوا
كلام القصير ما بنسمع.
|
Post: #18
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 07:11 AM
Parent: #17
كتبت تراجى ذات يوم
Quote: سجلوا موقف وبطلوا (جبن )مع او ضد (حق خالد كودي في التعبير)...بالطريقه التي يراها
انقسم الاعضاء بهذا المنبر الي عدة مجموعات :
1)من رأى ان الموضع اسائه كبيره للسيد محمد عثمان وفي معظمهم ختميه كما قال عمر علي وقد نتفهم دوافعهم.
2)تصفية حسابات قديمه لانه رسم المهدي من قبل عاريا (كما قيل) من قبل بعض الانصار.
3)جناح عادل عبد العاطي بالمنبر وحساباتهم مع خالد كودي.
4)الكيزان والفرحانين بانقسام المعارضه وجماعات الهوس الديني واليمين الرجعي
5)الذين دافعوا عن حق خالد كودي في التعبير ورفض دعوة فصله او اقصائه.
ساسجل في هذا البوست الاحصائي اسماء كل مجموعه....
حتى لا تفوت البعض فرصة تسجيل اسمائهم في قائمة الشرفاء
وطبعا كل مجموعه ترى الشرف مختلف....
في نظري كل من سجل رايا حتى لو اختلفت معه ,احترمه اما اسوْ الانواع فهم الجبناء
الذين يعتقدون بانهم اذكياء ويرفضون تسجيل اي موقف مبدائي مثل هذا....
ماسكي العصايات من النصف.... |
والان جاء دورك حتى لا توصفى بماسكة العصاية من النصف
ماهو موقفك عن الاعمال التى يقوم بها مدير منبركم
بالاعتداء على اسماء الزملاء هنا ؟
|
Post: #19
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 07:22 AM
Parent: #18
وكتبت تراجى ايضا
Quote: والسياسي دائما عنده موقف
ولا يصح صمته عن المواقف المبدئيه
انا هنا ادعو واشجع لاتخاذ مواقف....
لا اعتقد الغالبيه معي ولا يهمني ذلك
فقراتئ للشارع السوداني تقول ان قوى الاستناره لازالت محجمه
لكن انت ماعارف
في ناس بتعمل اصحاب كل الناس
وديل هم موضوع البوست....
ولوحصرووا روحهم في بوستات الونسه ما بطال بس يعرفوا حدهم
لكن ما يتشوبروا في السياسه....
افرض جاء المنبر ده كله وقال هو ضد خالد كودي
(ما رايهم وهم احرار فيه)....
قد اناقشهم كما افعل وقد لا....حسب الوقت المتاح
لكن يظل عندي
برضوه كلام ايجابي
الشيئ الوحيد السلبي هو الصمت.... |
| Quote: السياسى دايما عنده موقف |
اين موقفك هنا ولا خلاص بقيتى زولة ونسه سااااااكت ؟
| Quote: الشيئ الوحيد السلبي هو الصمت |
هل تبدل السلبى هنا الى ايجابى
والا لماذا الصمت ؟؟
|
Post: #20
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 07:26 AM
Parent: #19
وماذا عن صبيكم الذى انتهك حرمة هذا المكان يا راشد ؟
وهل الولاء لمنبر السودان الجديد اقوى لديك من هنا ؟
لماذا اختفت هذه النفخه عندما قام بالاجرام واحد منكم ؟
ام ان الامر انتهى لديك بمتعة المشاهده لاعين الجبناء التى شبعت نوما ؟
أوسلى2 !
معقولة ياخ؟
السؤال دا من النوع البعوق، براحة على الدكتور عليك الله ، فللرجل معزة
و إحساس كدا إنو (.....) ياخى أنا مالى و مال كدة؟
إنت ابوالسعود وين؟
....
|
Post: #21
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 07:31 AM
Parent: #20
كبير ( الدلاليك ) و ( الشتمين ) الصغار
دوركم جايى
طولوا بالكم
|
Post: #22
Title: Re: إذا كان رب البيت للدف ضارب.....فشيمة أهل البيت الرقص
Author: saadeldin abdelrahman
Date: 01-30-2007, 07:33 AM
Parent: #20
| Quote: إنت ابوالسعود وين؟ |
بي طريقتكم دي
لو كتل ملف ما تلوموه 
|
Post: #23
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 07:33 AM
Parent: #20
ونعدكم بأن نكون دومآ خنجرآ مسمومآ في خاصرة الإرهاب كيفما يكون
من أقوال د. راشد الحاج.
من هو الإرهاب الآن يا دوك؟ الأديب زمراوى؟ أم سودانيزأونلاين؟
و إن كان لاهذا و لا ذاك فهل ستعتذر؟
والله لا أخاطب أحداً سواك، فقط من باب العشم !
________________________________________________
منبر شنو إسمو يا جماعة؟
تف يا دنيا تف فى هذا الزمن تف!
شرطوا عين النضال ياخ!
|
Post: #24
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 07:39 AM
Parent: #23
بي طريقتكم دي
لو كتل ملف ما تلوموه
كلام أبوالسعود:
الكود ما شغال عندى(يكونوا بقوا يربطوها و لاشنو؟)
ياخ قوووول كتل ملف ، بصبح الصباح و بجوك ( البرايفيت إنفستقيشن)
نوبى، تمبس ، ناذر و هلمجرا من الشفوت
غايتو البجرى ريقوا بنشف .
و أنا يا حبيب يومين قدام لو ماظهرت بلغ عنى النيابة إنو ابو الشباب
فرطق كمبيوترنا المسكين...
_________________________________________________________
و الله متأسف بس على الفكرة!
|
Post: #25
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 07:44 AM
Parent: #23
الشئ الحاصل الان
تراجى تقرا فى البوست ومحتاره تقول شنو
وبينى بينكم لسان حالها بقول
(عصاية من النصف ولا ادانة مجهجهه)
كبير الدلاليك والشتمين قاعدين هنا
| Quote: 51 )عضو و (465) زائرا |
وراجين متين تراجى تحدد رايها عشان يتحل قيدهم
وصمت تراجى مجهجه ومخلخل عقولهم
تعالوا سجلوا موقف
ليكم على سنعمل على رفع لقب الدلوكه عن كاهلكم
|
Post: #26
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 07:51 AM
Parent: #25
تعالوا سجلوا موقف
ليكم على سنعمل على رفع لقب الدلوكه عن كاهلكم
حبيبنا أوسلى....
المشكلة اننا لانمثل التأريخ!
قول رفعناه ... التاريخ باقليك برحم؟
____________________________________________
آخ يانضال الزمن الإعتباطى!
إنت يا أوسلى الأديب الطيب صالح عندو قولة كدا قاشرين بيها فى المنابر ليها فترة
متذكرها؟
بالله العارفها يقولها لينا؟؟
|
Post: #35
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 03:27 PM
Parent: #10
تتبدل سمانا سواد
يموت معنى الوطن
وفى زفة الأوغاد
يضيع نبض الوطن
فى زحمة الأحقاد
|
Post: #27
Title: Re: إذا كان رب البيت للدف ضارب.....فشيمة أهل البيت الرقص
Author: معاذ حسن
Date: 01-30-2007, 07:53 AM
Parent: #1
عبد الرحمن عزيز..سلام يا صديقي
سعد الدين اظنك تقصد هذا
إذا كـان رب البـيت بالـردف راقـصاً!!
|
Post: #28
Title: Re: إذا كان رب البيت للدف ضارب.....فشيمة أهل البيت الرقص
Author: saadeldin abdelrahman
Date: 01-30-2007, 08:01 AM
Parent: #27
اووووه معاذ سخسيا!
ازيك يا قلب
لا لا أنا بقصد :
النضال على الطريقة البنغالية !!
| Quote: فقد أفادني مصدر لا أثق فيه كثيرا إن المناضلين البنغال أدركوا أن لا قبل لهم بمواجهة الانجليز فعمدوا إلى حيلة ماكرة لطرد الاستعمار الانجليزي أخذ المناضلون البنغال يقضون حاجتهم في الحدائق العامة وفي الطرقات وفي دواوين الحكومة وأمام منازل وثكنات الانجليز فكان المفتش الانجليزي يخرج من بيته ليجد القرف في كل مكان حوله, فلم يتحمل الانجليز بأنفتهم المعروفة هذا (النضال (فانسحبوا من بنغلاديش ومن ثم أعلنت دولة مستقلة |
و الغاية تبرر الهريرة.
|
Post: #29
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 08:05 AM
Parent: #27
أووووو ...... معاذ حسن شخصياً
سلامات يا طاعم...
تعرف المشكلة بقت فى الحقد الإسفيرى، و فى أرزقية الحروب
و سماسرة الدماء، المتسلقون/ات بإسم الهامش المسكين
و ال.... ممكن أعد ليك لحدى بعد بكرة..
شرّفنا مرورك البهى..
و أعتذر مجدداً للترحيب بك متأخراً..
آها مربوطة... السودان الجديد تسميتكم كم؟
___________________________________
نودى وش السودان ويييين من الفضيحة؟
قصدى الجديد !
|
Post: #30
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 08:09 AM
Parent: #29
Quote: بكرى أبوبكر...
ربان هذه السفينة
أعانك الله..
لك إحترامنا و كل المحبة..
خالد كودى..
فعلاً:
للثوار وجه واحد.. |
|
Post: #31
Title: Re: إذا كان رب البيت للدف ضارب.....فشيمة أهل البيت الرقص
Author: saadeldin abdelrahman
Date: 01-30-2007, 08:19 AM
Parent: #1
و شرح لنا الأخ نصار نظرية النشوء و التطور
فيما يختص بهذا النوع من النضال في شبه القارة الهندية:
Quote: لكن حكاية التبرز في العراء فعلاً كانت جزء من النضال السلمي
و الكلام دا جابوا المهاتما غاندي جي لشبه القارة الهندية اللي
كانت بلد واحدة و المصيبة لحد الان الهنود بيتبعوا العادة القبيحة
دي عشان كدا في مثقفين هنود كتار بكرهو غاندي صاحب السمعة الجيدة
خارج الهند.. حتي النساء الواحدة ماشية في امان ربها تشتح كرعيها
و تتسير واقفة. ما بلبسن حاجة تحت الساري و الحكاية دي كانت عاملا
لينا مشكلة |
يا عزاز
بعد داك
بيكون سموها الهند الجديدة.
|
Post: #32
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 08:29 AM
Parent: #31
بيكون سموها الهند الجديدة.
أبو السعود..!
والله حيرتنى عديييل ، دى الإجابة محولة لواحد من الآتية اسماءهم
(1) سجيمان
(2) دكين
(3) أوسلى - بالعدم طبعاً
(4) لاقينى بهناك إيميلى عندك
الغريبة شايف د. راشد أونلاين والله الراجل محترم جدّاً ن ياريت نسمع منه، !
و لا شنو؟
|
Post: #33
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 08:30 AM
Parent: #31
| Quote: آها مربوطة... السودان الجديد تسميتكم كم؟ |
القبول حق منو ؟
|
Post: #34
Title: Re: إذا كان رب البيت للدف ضارب.....فشيمة أهل البيت الرقص
Author: عبير خيرى
Date: 01-30-2007, 08:30 AM
Parent: #1
.
انكسرَ
شراعُ القاربِ
يا وطنى
البحرُ ورائى
وعدوى يضحكُ
مثل الجنِ
أمام حذائى
هذا السيفُ العارى
فى يدىّ اليمنى
لا زال حُسامى
لكنى اوثيلو الآن
ساعةَ ميلادِ
الأحزان الدموية
أفتقدُ أمانَ الحبِ
ودفءَ المجدِ
وشدةَ بأسى
اختارُ أكون
القاضى والقانون
لأنحر نفسى
هذا السيفُ
تململ فى يدىّ اليمنى
يا وطنى
الطعنةُ توشك أن تأتى
من يقشعُ عن عينى
هذا اليأس
من ينقذنى؟
السيف العارى .. هاشم صديق
|
Post: #36
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 03:51 PM
Parent: #34
Quote: منبر السودان الجديد..
لو كان هذا حال (آدمنكم)
و إلتزمتم الصمت...
مع مراعاة ما قرأ الناس هنا حين تعرض منبركم للغزو
إذاًً:
أحرام على بلابله الدوح.... حلال على الطير من كل جنس |
|
Post: #37
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 04:16 PM
Parent: #34
Quote: الأستاذ ... زمراوى
أشهد أنى لم أقرأ لك إلا المفيد... كنت ..لازلت
و ستظل فى نظرى مهذب العبارة
أنيق الحرف..
تعلمت من كلماتك الكثير و لازلت أنتظر! |
|
Post: #38
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 07:26 PM
Parent: #37
بكري ابوبكر لو لم يفعل اي شيئا..يكفينا انه جعلنا نتعرف على بعضنا وكل هذه الكوكبه من الشرفاء...فالنتعلم ان نرى جانب الكوب الممتليء.
Quote: وكلمتي الاخيره لاخي وابني خالد..ما لا ارضاه لنفسي لا ارضاه لك.....لذا ما حدث
من دخولك بباس ورد ليس لك خطأ يا ابني....لا يشبهك...واتمنى الا تكون الرغبه في المماحكه و المكاواة تلقي بك للتهلكه.
اقولها لك هنا...اعدك ان اكتب عنك ما تشاء نقله لهناك .
ولكن لا يهمنا الدعايه من خلال منبر بكري...ورغم ثقتنا باننا من الاسماء
التي حققت له الكثيرلكن هذا ليس مقصدنا....ولا هدفنا.....ان ننشر منبرنا من خلال اقتحام منبره بطريقه
غير قانونيه.
اتمنى ان نترفع عن غضبنا وصغائرنا.....ونعلم ان ما ينتظرنا به هذا الشعب اكبر من كل هذه التفاهات....والتحيه لكل المرابضين في الصفوف الاماميه للعمل الوطني
ومنهم ابني العزيز خالد الطيب. |
قرات ما كتبته الاخت تراجى فى قريه مجاوره
وشخصيا اعتبره ادانه لما حدث وان لم يكتب هنا
اتمنى ان نسمع من البقيه
|
Post: #39
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 07:53 PM
Parent: #38
Quote: قرات ما كتبته الاخت تراجى فى قريه مجاوره
وشخصيا اعتبره ادانه لما حدث وان لم يكتب هنا
اتمنى ان نسمع من البقيه |
العزيز .. أوسلى
كنّا نتوقع على أقل تقدير ، بيان و لو كان هزيلاً من إدارة منبر السودان الجديد
لا لأجلنا كعضوية... ولكن لمن إستضافهم هنا، وعرف العالم ببعضهم..
فلولا هذا المنبر لظلّ كثر فى علم الغيب!
إعتذار واضح و صريح... لقارئات و قراء هذا الموقع.
لكن و للأسف!
يظنون أن الأمر سينتهى بالصمت، و قد إتضح أن جلّهم لايكتب إلا بالإشارة..
كيف يمكن لكائن من كان أن يقنعنى برسالته الوطنية و هو يسطو على مجهود الآخرين؟
________________________________________________________________
لازلت أتعشم أن نسمع من الدكتور!
|
Post: #41
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 08:48 PM
Parent: #40
Quote: ________________________________________________________________
لازلت أتعشم أن نسمع من الدكتور! |
ارجو الا يطول عشمك
|
Post: #42
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 08:55 PM
Parent: #41
مربوطة و القبول حق الدكتور..
لو دخل سيك.. و لو دخلنا نسلمها ليهم 13
العب صاح ياحريف، وما تبوش غلط..
..
|
Post: #43
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 09:00 PM
Parent: #42
دور الدامه
وقص للشايب
غير كده مافى طريقه للسيك
|
Post: #44
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 09:17 PM
Parent: #43
Quote: دور الدامه
وقص للشايب
|
إنتى يا أوسلى الدامة دى قايلها مروحة تربيزة؟
إدوروها أكتر من كدا كيف؟
و الشايب(رغم يقينى إنو عضا العراقى و جارى من خالد كودى)
ما محتاج لقص..
ياخ دا ماشى براهو بعتر..
___________________________________
أوسلى لكن هم مالهم؟
|
Post: #45
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 09:50 PM
Parent: #44
Quote: وكل التهمة ما ساومت
واستسلمت للأحلام
و استنيت خلاص بلدى
بأيد ثوار من المريخ
سيوف ميتة وطول أقزام
كرهت تفاهة الثوار
وكت يبقى النضال قعدة
كرهت قصائد الحفلات
عن "الثورة" وعن "الجبهة
كرهت معارك الأحقاد
تحيل اسم البلد لعبة
كرهت تطاول الأولاد
و الساقطين من النقاد
وصوت فنان ملوث
بى هوى الأسياد
وساقط من ضمير الكلمة والمبدأ
وحامل راوية الأوغاد
|
....
___________________________________________________
وعتقنا الجميع!
|
Post: #46
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 10:54 PM
Parent: #45
Quote: الأخ خالد الطيب وهو يواصل الليل بالنهار في جهد خارق وعمل خلاق ...إستطاع وبمجهود فردي من جعل الدماء تجري مرة أخري في شرايين سوداننا الجديد بعد أن حاول الإرهابيون إسكات صوت الحق ...فله منا كل التحية والتجلة ونعدكم بأن نكون دومآ خنجرآ مسمومآ في خاصرة الإرهاب كيفما يكون
|
شكراً د. راشد الحاج.
و مازلنا نتساءل أين أنتم مما جرى هنا على يد أمين منبركم؟
هل للإرهاب أكثر من وجه؟
و هل للسرقة و النهب طرائق متعددة منها ما يبيح منبر السودان الجديد؟
_______________________________
و........(متروكة لحالة القارىء/ئة
|
Post: #47
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-30-2007, 11:25 PM
Parent: #46
شكراً د. راشد الحاج.
Quote: و مازلنا نتساءل أين أنتم مما جرى هنا على يد أمين منبركم؟
هل للإرهاب أكثر من وجه؟
و هل للسرقة و النهب طرائق متعددة منها ما يبيح منبر السودان الجديد؟ |
|
Post: #48
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 11:46 PM
Parent: #47
Quote: شكرآ يا وسام...ومعآ لفضح المأجورين والسدنة...كلاب النظام...
راشد الحاج |
يادكتور... ! ؟
معقولة لكن؟ .... خلاص يبقى نتوقع حضورك
ساااااااااارح فى البورد...
______________________________________
لا للسرقة... النهب ... السطو ( وتانى شنو)؟
.
|
Post: #49
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-30-2007, 11:58 PM
Parent: #48
| Quote: متى يعرفون قيم الانتماء والاخلاص والوفاء ؟ |
عندما يشيب الغراب ياصديق !
________________________________________
محبتى و المعزّة التى تعلم مداها يا أوسلى.
|
Post: #50
Title: Re: إذا كان رب البيت للدف ضارب.....فشيمة أهل البيت الرقص
Author: tmbis
Date: 01-31-2007, 00:22 AM
Parent: #49
Quote: معقولة لكن؟ .... خلاص يبقى نتوقع حضورك
ساااااااااارح فى البورد... |
يا عزاز .. عليك الله المسالة دي ما تحكها كدا .. منبر السودان الجديد ده منبر عملاق ولد باسنانه ... عملاق بالاقصائيين .. لما دخلت زمااان كتبت الكلام ده في نص البورد .. وقلت ليهم يا وطاويط .. قاموا وحات خوتك شالو ليك كلامي بتاع الوطاويط ده وقالو الزول ده حقار جدا .. وتاني قسم الامن والاستخبارات بتاعهم قال تمبس ده ( شرامي ) عندو مهمة مقدسة بيعمل فيها وهي محاربة ( الوطاويط ) ناس نحن ولذلك لابد من جدعه بخارج السيرفا .. جيت كتبت ليهم يا ( وطاويط السودان الجديد) البورد بتاعكم ده قاعد في الصقيعة وده كلام اخدوهو من واحد شرامي ساكت .. والغريبة الكلام ده قلتو ( بالخشم والكيبورد ) قالو لا ستين يمين البورد ده بتاع ( شفوت ) ونحن ( شفوت ) السودان الجديد بنعرف اي حاجة في الدنيا .. بس قامت الفاس وقعت في الراس .. يلا ( الاثنافيك ) في القبول طبعا عارفه حارة كيف .. يلالا قام صاحبك الفوق ده وانا مسميهو ( يونس محمود السودان الجديد ) والكلام ده على ضمانتي وعلى كامل مسؤوليتي قام يعمل في الحركات الاعلامية دي .. ولسوف نضرب بكيبوردات من حديد ولا نامت أعين الجبناء وشنو وشنو ما عارف .. هـــا طلع كلام سااااكت خارم بارم ... طولة لسان .. وآخرته كتب ليهو كلام يخجل .. وحسع من قبيل من ما شفت البوست بتاعك ده .. مشيت ( السودان الجديد ) طبعا عندي ( خدار ) زارعو بي هناك .. بس كدي اللقي لي واحد ( مد ) ايدو عليهو .. المرة دي يفرزونا بي ( كيبورداتنا ) ...
طبعا ما قلت ليك المرة الفاتت جدعوني والله بي فوق الحيطة لمن حنيت ليك على نفسي .. بلاي بعد خدمة ما يقارب عشرة سنوات بالنت ناس السودان الجديد يجدعوني بالحيطة ؟؟
هاك فسح لي البتاعات دي معاك ...
عندما سأل تمبس.. ما معنى السودان الجديد ؟؟
..
مقياس النجاح .. بعيون عمياء ولســان زفــر
|
Post: #51
Title: Re: إذا كان رب البيت للدف ضارب.....فشيمة أهل البيت الرقص
Author: tmbis
Date: 01-31-2007, 00:44 AM
Parent: #50
ياجماعة المسالة دي اقلبوهـــا
( كش الولد ) ..
الوست ده حساباتو كتيرة وعايز ليهو ورقة وقلم .. وحسع اي مربوطة هنــا معفصنها انتو
أخير ( كش الولد ) . شان كمان ( الكيشة ) ياكلو معاكم عيش .. ويجو ينظرو لينا شوية هنا ده
.
.
أقطع يا اوسلى .. شان تاني شكلك كدا ما ح توزع
|
Post: #52
Title: Re: إذا كان رب البيت للدف ضارب.....فشيمة أهل البيت الرقص
Author: Yassir Tayfour
Date: 01-31-2007, 01:04 AM
Parent: #51
يا أوسلي وعزاز
ما بتحتاجو تدوير
تراجي رمت (الآس) ومسكت (الدو)
قايلاهو واحد
وسيبو الحقارة
لو عندكم حرفنة تعالو
تمبس زميلي جاء
عشان تشوفو الدوير والقص الجد جد
__________
يا أوسلي وعزاز
الخصم دائما ما مركز
عشان كدي
ممكن يكون عندك قبول بعد كل شوتين
|
Post: #53
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-31-2007, 01:36 AM
Parent: #52
خلاص يا عزاز
جوك الجماعة الجايين فى صندوقا
مربوطتك فوقا سته
يلا يا طيفور عاوزين نأجر قبولك
باس تمبس اكيد قاطع قلبك
كل المقصات ماشية فوقو زى جدعته من السودان الجديد
تراجى طلعت احرف منك
رمت اس الاسود(مدعى العروبه. بتفسير بشاشا)
ومسكت دو الهارت ( المستلب . نفس المصدر )
يا تمبس شكلك نسيت شكل اللعب
التوزيع والقطع فى كش الولد دائرى
الا فى حالة الدكتور الراشد
فهو دائما قاطع من راسه وموزع لورق الملكه
اقلبوها هارت
عشان تعرسوا لمن تأمنوا
|
Post: #54
Title: Re: إذا كان رب البيت للدف ضارب.....فشيمة أهل البيت الرقص
Author: tmbis
Date: 01-31-2007, 01:52 AM
Parent: #53
ياسر ..
عند زميلي هنــا ( موية نار ) بس .. مشكلتو ( خرخار ) وانا ( أخرخر ) منو..
جاي في الصندوق طبعا لكن لما نلعب ( حريق ) أول حاجة بيعمله بجيب الصندوق الفوقو باقي الجواكر ( قريب ليهو ) طبعا الحركة دي عارفه انا بس يعني للمخارجات .. وفي النهاية بنقسم انا وهــو.. .. بلاي حسع أول حاجة ( دق لينا الجماعة ديل فتاشة ) بتاعين السودان الجديد شوف الخاتي الصندوق جمبو منو .. اكيد ( سيد الفنائل ) ..
ياوسلي ..
غايتو انا ضمنت لي زميل ( خرخار ).. دي براها تلاتة ايادي مضمونات ..
وبي طريقتكم دي ياكم اللاعبنها لينا ( إلا الماكل ) رايكم شنو نمشي ندوره ( خرط ) بي هناك طالما ليكم ساعة فارشين وتهضربو ولا هببو ليكم ..
علا مسوليين من الخير ..
( المستلب ) وين الايامات دي كان جا ياكم القلبتوها ( سكج بكج )
بلاي ياشباب القريب فيكم للجلابي ده يضرب ليهو ( قرن ) يجيبو لينا هنا في فرش المتاع ده..
بتاعين السودان الجديد ديل طلعو بتاعين ( بلي استيشن ) ساكت ـ خلوكم في ( سيجتكم ) دي يابتاعين السودان القديم 
|
Post: #56
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-31-2007, 02:11 AM
Parent: #54
| Quote: بتاعين السودان الجديد ديل طلعو بتاعين ( بلي استيشن ) ساكت ـ خلوكم في ( سيجتكم ) دي يابتاعين السودان القديم |
العزيز تمبس .... سلاماااات ياخ
إنت كنت قايلهم شنو؟
أقول ليك أنا؟ و بتحمل المسؤلية الأخلاقية و القانونية معاً
سراقون/ات
كذابون/ت
سفلة/ات
فجرة/ات
كوشتينتهم آها المنتخب مفروض يكون فيهلااتنين أنا رشحت د. راشد
و إنت؟
ز نعوووووووووووووووووود ... تعبتو معانا
|
Post: #75
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 02-01-2007, 02:18 AM
Parent: #52
Quote: يا أوسلي وعزاز
ما بتحتاجو تدوير
تراجي رمت (الآس) ومسكت (الدو)
قايلاهو واحد
وسيبو الحقارة
|
الحبيب طيفور ( يازول لاشقيق و لا هم يحزنون مش طلعوكم بتاعين فتة ساى؟ )
هى رمت الآس براهو؟
تعال بالله إتفرج فى السيك الماخمج، و شوف أوسلى حريف كيف؟
تعرف يا ياسر الإنجليزى بالعربى بعجبنى عند اتنين ناذر الخليفة قريبك و تبلدينا قريبى
آها عندك أبلكيشن بتاع صحبة؟
تسلم لمرورك الجميل و روحك الأجمل..
..
|
Post: #55
Title: Re: إذا كان رب البيت للدف ضارب.....فشيمة أهل البيت الرقص
Author: Sabah Hussein
Date: 01-31-2007, 02:11 AM
Parent: #1
ديل ناس هـب ودب
ومنبر نتن ياهو
ياخى كل انأء بمافيه ينضـح والظاهر انهم اسم على مسمى
تحياتى
|
Post: #57
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 01-31-2007, 02:19 AM
Parent: #55
Quote: ديل ناس هـب ودب
ومنبر نتن ياهو
|
الأخت .... و .. الأستاذة صباح
ومين غيرهم بعمل الحاجات دى ؟؟؟
تف فى وش كل من إختبأ منهم حتى الآن...
و فى وجوههم جميعاً.... حتى مساء الغد
شخصياًً
كلهم إلى ............... سنام التاريخ.
|
Post: #58
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-31-2007, 04:20 AM
Parent: #57
Quote: علا مسوليين من الخير ..
( المستلب ) وين الايامات دي كان جا ياكم القلبتوها ( سكج بكج ) |
يا تمبس سكج شنو البتنفع معاهو
تقول سكج
يقول ليك
السين .. سندكالى
الكاف .. كوشى
الجيم .. جلابى
تقول بكج
يقول ليك
الباء .. باشبزق
الكاف .. كاره ذاتو
الجيم .. جنجويدى
دا خلاص شبكت فيه مصطلحات ما بحلهامنو الابا يحلو من كودى
|
Post: #59
Title: Re: إذا كان رب البيت للدف ضارب.....فشيمة أهل البيت الرقص
Author: Rashid Elhag
Date: 01-31-2007, 05:29 AM
Parent: #58
لا نريد الرد وذلك لقطع الطريق أمام الحاقدين والجبناء....بعد كده إلآ تجينا في السودان الجديد يا عبد الرحمن عشان نشرح ليك الحاصل.....
|
Post: #60
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-31-2007, 05:57 AM
Parent: #59
تمخض الجبل فولد فارا
دا القدرت عليه
وانت الذى سيرت قوافل الجهاد عندما هوجم منبركم ؟
وانت الذى ارغيت وازبدت (هنا) وتوعدت وهددت بالرد الصاقع ؟
وعندما تم الهجوم(هنا) اين جهادك واين وعيدك ؟
رجعت لارشيفك ووجدتك تطارد بيان بصوره سمجه
دى حسابها براه
شد حيلك
|
Post: #61
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-31-2007, 06:02 AM
Parent: #60
| Quote: يتحينون الفرص بغية النيل من منبر السودان الجديد |
واين كنت عندما حاول ادمنك النيل من هذا المنبر
الذى كفل لك حرية اعلان جهادك من خلاله ؟
استحى
|
Post: #62
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-31-2007, 06:04 AM
Parent: #61
| Quote: قام الصبية الفلسطينيون...أدعياء النضال المأجورين بالإعتداء علي حرية الكلمة وإبداء الرأي...وذلك بتدميرهم لموقع السودان الجديد....ظنآ منهم أنه بإستطاعتهم إسكات الرأي الآخر بالإرهاب...بعد أن عجزوا عن تحرير بلادهم وأصبحوا شركاء لليهود في أعمالهم...بل ويتقاضون مرتباتهم بالشيكل الإسرائيلي....أقول لهؤلاء المأجورين ولكل من لف لفهم بأن الأرهاب لن يسكت صوت الحق ...والجهل لن يعلو علي المنطق والعقل....سيعود موقع السودان الجديد أقوي مما كان...وسنقوم بتدمير كل مواقع الإرهاب الفلسطيني علي الإنترنت...ولقد شرعنا فعلآ في ذلك...ونحن في سبيل تعقب الجناة....ولا نامت أعين الجبناء.... |
لا تعليق
|
Post: #70
Title: Re: إذا كان رب البيت للدف ضارب.....فشيمة أهل البيت الرقص
Author: ادريس خليفة علم الهدي
Date: 01-31-2007, 05:48 PM
Parent: #61
.
|
Post: #63
Title: Re: إذا كان رب البيت للدف ضارب.....فشيمة أهل البيت الرقص
Author: Mohamed Adam
Date: 01-31-2007, 06:34 AM
Parent: #1
ياخوي عبدالرحمن عزّاز
إنتو حاقدين وقطاعين
أزاق ليس إلا .
|
Post: #64
Title: Re: إذا كان رب البيت للدف ضارب.....فشيمة أهل البيت الرقص
Author: Rashid Elhag
Date: 01-31-2007, 07:41 AM
Parent: #63
Quote: ياخوي عبدالرحمن عزّاز
إنتو حاقدين وقطاعين
أزاق ليس إلا . |
| Quote: قام الصبية الفلسطينيون...أدعياء النضال المأجورين بالإعتداء علي حرية الكلمة وإبداء الرأي...وذلك بتدميرهم لموقع السودان الجديد....ظنآ منهم أنه بإستطاعتهم إسكات الرأي الآخر بالإرهاب...بعد أن عجزوا عن تحرير بلادهم وأصبحوا شركاء لليهود في أعمالهم...بل ويتقاضون مرتباتهم بالشيكل الإسرائيلي....أقول لهؤلاء المأجورين ولكل من لف لفهم بأن الأرهاب لن يسكت صوت الحق ...والجهل لن يعلو علي المنطق والعقل....سيعود موقع السودان الجديد أقوي مما كان...وسنقوم بتدمير كل مواقع الإرهاب الفلسطيني علي الإنترنت...ولقد شرعنا فعلآ في ذلك...ونحن في سبيل تعقب الجناة....ولا نامت أعين الجبناء.... |
|
Post: #65
Title: Re: إذا كان رب البيت للدف ضارب.....فشيمة أهل البيت الرقص
Author: Rashid Elhag
Date: 01-31-2007, 07:46 AM
Parent: #64
يتحينون الفرص بغية النيل من منبر السودان الجديد
|
Post: #66
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-31-2007, 03:28 PM
Parent: #65
| Quote: يتحينون الفرص بغية النيل من منبر السودان الجديد |
كده احلوت
جاييك راجع
اركز
|
Post: #67
Title: Re: إذا كان رب البيت للدف ضارب.....فشيمة أهل البيت الرقص
Author: وليد محمد المبارك
Date: 01-31-2007, 03:49 PM
Parent: #66
يا جماعة لا تبخسوا الناس اشيائهم
منبر السودان الجديد ده فيه كمية من اغاني الحقيبة مهولة
|
Post: #76
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 02-01-2007, 02:31 AM
Parent: #67
Quote: منبر السودان الجديد ده فيه كمية من اغاني الحقيبة مهولة
|
وليد ياحريف ... إزيك ..كيفك والعيال؟
أغانى؟
يلقوها عند الغافل، عارف إنك حريف فى الكمبيوتر ، لكن أخوك
لو مشا فتح أغنية و طلع منها هكر الحل شنو؟
تعرف ... المسألة و مافيها إثبات إنو منبر التجانى الماحى
(مع كل الإحترام و التقدير للدكتور، فقط نعنى النزلاء)
أثبت بما لايدع مجالاً للشك..
أنّه منبر السراق .... والهكر
________________________________________________________
إنتو مالكم قاعدين فرّاجة ياوليد؟ فرطقوا المستشفى كلوا
إن شاء الله ما إتعالجوا ذاتو!
|
Post: #68
Title: Re: إذا كان رب البيت للدف ضارب.....فشيمة أهل البيت الرقص
Author: Sabah Hussein
Date: 01-31-2007, 03:53 PM
Parent: #1
|
Post: #69
Title: Re: إذا كان رب البيت للدف ضارب.....فشيمة أهل البيت الرقص
Author: nour tawir
Date: 01-31-2007, 04:01 PM
Parent: #68
العزيز عبدالرحمن..
حمدالله على السلامة..
وبركة الجيت..
يعنى لو ما(الانتربول)..
ماكنا حنقدر نجيبك!
وبعدين الحاصل شنو؟
أختك ما فآهمة أى حاجة..
حصل لينا عدوآن خارجى؟
ومتين؟
وعشان شنو؟
أستر يارب..
السودانيين بقوا من غير حرابة ما يقدروا يتنفسوا كله كله..
يا لطيف..
|
Post: #71
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 01-31-2007, 07:00 PM
Parent: #69
| Quote: لا نريد الرد وذلك لقطع الطريق أمام الحاقدين والجبناء....بعد كده إلآ تجينا في السودان الجديد يا عبد الرحمن عشان نشرح ليك الحاصل..... |
الحاصل داير ادانة ما داير شرح
وهل يبحث عبد الرحمن عن حقيقة الجرم؟
كلا انه يبحث عن المبادئ..المواقف
مسك العصاية من النص متعب ومكلف
|
Post: #72
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 02-01-2007, 00:45 AM
Parent: #71
| Quote: لا نريد الرد وذلك لقطع الطريق أمام الحاقدين والجبناء....بعد كده إلآ تجينا في السودان الجديد يا عبد الرحمن عشان نشرح ليك الحاصل..... |
راشد الحاج...!
أكاد لا أصدق.! نورت البوست والله
الحاقدون يا راشد هم من يسرقون مجهود الآخرين، و الجبناء هم(الهاكرز)
بعدين ياخ هو منبرك داك لمن بدأ وكان فى أمل إنو يكون إضافة جديدة للمنابر السودانية
أنا ما مشيتو، أمشيهو بعد ما إتضح لى إنو الآدمن بتاعو هاكر؟؟
هو البثق فيكم منو، عشان يفتح ليكم لنك، خليك من يجيكم عديل بالدرب.
و ثم تانياً:
الحاصل دا هنا ما بتشرح؟
و لا الخجل بمنعك؟
أسمع بجيك راجع،.
|
Post: #73
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 02-01-2007, 00:59 AM
Parent: #72
Quote: (عدل بواسطة ادريس خليفة علم الهدي on 31-01-2007, 04:57 م)
|
الأخ .. إدريس خليفة علم الهدى
والله ماعارفك كتبت شنو؟ ولا مسحتو عشان شنو؟
المهم العفو..
وكت أصلو ماقادر تدين الغلط الحصل من آدمن منبركم على عينك ياتاجر
إعتبرنا مارقين للريبا والتلاف، وقول معانا فى سرك عشان الجماعة مايسمعوك
الحاقدون والجبناء هم (الهاكرز)
تمام كدة؟
|
Post: #74
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 02-01-2007, 01:35 AM
Parent: #73
Quote: وكل التهمة ما ساومت
واستسلمت للأحلام
و استنيت خلاص بلدى
بأيد ثوار من المريخ
سيوف ميتة وطول أقزام
كرهت تفاهة الثوار
وكت يبقى النضال قعدة
كرهت قصائد الحفلات
عن "الثورة" وعن "الجبهة
كرهت معارك الأحقاد
تحيل اسم البلد لعبة
كرهت تطاول الأولاد
و الساقطين من النقاد
وصوت فنان ملوث
بى هوى الأسياد
وساقط من ضمير الكلمة والمبدأ
وحامل راوية الأوغاد
|
إهداء .... لإدارة منبر السوء دان الجديد
و للدكتور راشد الحاج الذى شرفنا بالدخول و الرد الخجول
و للأستاذ إدريس خليفة علم الهدى، الذى تراجع عما كتب كما وضح لى
ولقراء ذلك المكان الذى يديره هاكر
.. وقعتو ما سميتو
|
Post: #77
Title: Re: إذا كان رب البيت للدف ضارب.....فشيمة أهل البيت الرقص
Author: Biraima M Adam
Date: 02-01-2007, 02:53 AM
Parent: #74
دا بوست روعة .. يا عزاز أخوى فى الغرب عندنا شجره أسمها شجرة القرقدان، والقريدان ولاّ القرقدان شجرة متلعوسة تطلع شبك فى جارتها وتغرس جذورها فيها أو أى واحدة تانية تصل إليها .. أخوك عندو شجرات منقه وقشطه وليمون مثمرات والشجرة الخبيثه بدأت تمد جذورها نحوهن .. شلت ليك ساطور .. كلما نبت نبت شيطانى من مكان شجرة القرقدان التى قطعتها من جذورها أقطعه قطع بلا هواده ..
الجماعةأحسن يزرعوا شجر القرقدان فى السودان .. لأن ثماره كثيرة وممكن يجيب فايدة .
وفى جماعة يحبوا أى شيئ فيه قرقر .. عشان كده سوف يكونوا زبائن رائجيين .. منبر سودانيز أون لاين فيه نسبة مقدرة من تجار القرقدان يمكن يساعدوا فى التسويق
بريمة
|
Post: #78
Title: Re: إذا كان رب البيت للدف ضارب.....فشيمة أهل البيت الرقص
Author: Biraima M Adam
Date: 02-01-2007, 02:58 AM
Parent: #77
| Quote: ولقراء ذلك المكان الذى يديره هاكر |
لوووووول ..
أوعى الزول أسمة خ فلان أو ع فلان ..
كلوا قرقدان ..
بريمة
|
Post: #79
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 02-01-2007, 04:19 AM
Parent: #78
Quote: العزيز عبدالرحمن..
حمدالله على السلامة..
وبركة الجيت..
يعنى لو ما(الانتربول)..
ماكنا حنقدر نجيبك!
وبعدين الحاصل شنو؟
أختك ما فآهمة أى حاجة..
حصل لينا عدوآن خارجى؟
ومتين؟
وعشان شنو؟
أستر يارب..
السودانيين بقوا من غير حرابة ما يقدروا يتنفسوا كله كله..
يا لطيف.. |
نور تاور ...شخصياً!؟
أول حاجة .......سلااااااااااااااااامات
و تانياً...
قلتى لى راجع الإيميل، بصراحة إيميلى داك فى واحد من ناس السوء دان بعرفوا
لذلك إحتسبته عند الله شهييييييييييييداً
ياخى أخوك تفتيييييييييييحة ما بفتح إيميل ما عارفو
أو من زول (تابع لمنبر التجانى الماحى)
..
راجعى إيميلك إنتى ياستهم...
و منتظرك!
|
Post: #80
Title: Re: إذا كان رب البيت للدف ضارب.....فشيمة أهل البيت الرقص
Author: Mohamed Adam
Date: 02-01-2007, 04:27 AM
Parent: #1
| Quote: منبر التجانى الماحى |
طيب ليش بيسمونه
منبر "السودان الجديد"؟
|
Post: #81
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 02-01-2007, 04:47 PM
Parent: #80
Quote: لا أخشى على موقف شخص منهم بقدر خشيتى على موقف
د. راشد الحاج!
الذى أطلق للسانه العنان و أكدّ جاهزيتهم لغزو الهكر حينما
تعرضوا لتلك الهجمة!
فهل ياترى.... هذا المنبر كان من ضمن الأهداف؟ |
|
Post: #83
Title: Re: إذا كان رب البيت للدف ضارب.....فشيمة أهل البيت الرقص
Author: عبدالرحمن عزّاز
Date: 02-01-2007, 09:54 PM
Parent: #82
بالله دا القدرت عليه ياد.راشد الحاج؟
خلينى أنا قول رأيك للقراء اللنك بتاع صديقنا الأستاذ
اسامة خلف لله بدين منو؟
غير منبر التجانى الماحى بتاعكم!
إتخيل لى لو كان بشاشا موجود لأدان فعلتكم هذه بدون تردد.
وكت أساساً ياراشد ماقادرين تنجزوا إلا بالسرقة و بتخافوا من الإدانة
لإتباعكم تعليمات محددة، مافى داعى تجى هنا وتعمل ليك بيت بكا ومناحة
هكرونا و هجمونا!
الخطأ لايعالج بالخطأ، ولك الحق أن تتشرف بالتستر على هاكر.
(قل لى من تعاشر أقل لك من أنت)
____________________________________________________
أثبتم حقيقة واحدة وهى أن الساقطون لايسقطون(ماسا)
|
Post: #84
Title: Re: إذا كان رب البيت للدف ضارب.....فشيمة أهل البيت الرقص
Author: osly2
Date: 02-02-2007, 05:49 AM
Parent: #83
اخى عبد الرحمن
الجماعه هناك سلخوا ادمنهم
وتكفل تمبس بتقطيع اللحم
تعرف يا عزاز
فى الهيصه دى كلها عجبنى شئ واحد
انو الراجل ما نكر فعلته
ضبابية موقف بعض الزملاء مقارنه
باعترافه بجرمه تقدمه خطوات عليهم
المقاومة اتت اكلها
وهذا درس يطول الكلام عنه
___________
بشاشا مرقنو كرعيهو
|
|