Post: #1
Title: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليات !)
Author: ABDELMAGID ABDELMAGID
Date: 01-29-2007, 05:04 AM
امبارح كان اليوم ... سبت ... نهاية اسبوع يعنى WEEK-END ... فلقد كانت اجازة للدورى الانجليزى THE PREMIERSHIP... لاتاحة الفرصة لمنافسات ال FA CUP.. و اخوكم كان BORED ! و بقلب فى كل القنوات الرياضيه ( بتاعة كرة القدم طبعا !!! ) و فجاة !! عينك ما تشوف !!! الا القى ليك ! شيتا مدرجات و هجيج و ( هيصه !!! ) و ( زمبليطه !!! ) ! شيتن ( سالسا !!! ) و شيتن ( مارينقى !!! ) و اخرى ( سامبا !!! ) ! اكيد دى مباراة بين المكسيك و البرازيل فى تمهيدى كاس العالم ! لكن الوقت مااا لهسع ! بدرى على نهائيات جنوب افريقيا ( ٢٠١٠ )!!!! ما قطع هواجسى دى الا صوت المذيع ( الكان بتكلم عربى خليجى !!! ) لكن ! برضو احتمال اكون ( ناقلنها !!) او ( سارقنها !!! ) او قرصنه فضائية !!! مش مهم ! بس ! لكن شايف لى اعلاما ( خدرا ! ) و مكتوب عليا ( بالعربى !!! ) و مشجعات ( بالتى شيرت !!! ) عينة ( شكيره !!! ) فما فوق ! و اللبيب بالاشارة يفهم ! الى ان قطعت جهيزة قول كل خطيب ... مباراة بين المنتخب الاماراتى و السعودى ... يا خبر !! و بينى و بنكم كنتا قايلا بين نيجيريا و غانا !!!اتاريهن الكانن ( برقصن !!! ) و ( بكشفن !! ) ( عشره بلدى !!! ) فى المدرجات و لابساتلن ( قطع قماش !! ) لونن اخدر ! اتاريهن مشجعات ( سعوديات !!! ) ؟؟؟؟ عينى بارده !!! تغشونا يااا ( مطوعين !!! ) ؟؟؟ اسود عليهم فى ( الرياض !!! ) و فى ( المدرجات !!! ) نعامة !!! لانو شقيقى المقيم بالرياض حكى لى انه لا يخرج للتسوق فى الرياض و معه ام العيال الا و يتاكد ان احد ابنائه من( الذكور !!! ) معه ! فقلت له لماذا احد ابنائك و من الذكور تحديدا ؟ فرد على ! لان الذكور هم الوحيدين فى تلك البيئة المسموح لهم بكشف وجوههم !! و مهمة ذلك الابن ( الذكر !!! ) ان يظل ممسكا بطرف امه حتى تميزها من بقية الخيم !!! فجاة ! قطع ذلك منبه ال RECEIVER ليعلن عن قرب مباراة مان يونايتد و بورتمووث فى ال FA CUP فهتفت فى نفسى اذا حضر الماء بطل التيمم و الحمد لله لم يخذلنى الشياطين الحمر بقيادة ALEX FERGISON و الهداف WYNE ROONIE ...
و كمان فريق ( الامارات !!! ) بقيادة ( الخال !!! ) اسماعيل مطر !!!!
عبدالماجد
|
Post: #2
Title: Re: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليا
Author: عبد العظيم أرباب
Date: 01-29-2007, 08:19 AM
Parent: #1
وين دراك ان ديل سعوديات او قل خليجيات
موش امكن يكونوا جاريات لبنانيات او عراقيات ؟
لزوم تحسين صورة الخليج في ذهن العالم الامريكي
|
Post: #3
Title: Re: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليا
Author: ABDELMAGID ABDELMAGID
Date: 01-29-2007, 08:20 AM
Parent: #1
ياااا جماعه !!!
( بكيتا !!! ) مدرب المنتخب ( السعودى !! ) مصيرو ! شنو ؟؟؟
اوعى اكون راح فيا !!!!
ففى الكرة و السيلسية السعودية !!
فابو ( الامر !!! ) ( الامير !! ) كلامو ( منزل !!! ) حق يعلو و لا يعلى ! او يعقب عليه !!!
كان كدى ( بكيتا !!! ) راح فيا !!!
و البركه فى ( الخال !! ) ( الاماراتى !!! ) اسماعيل مطر !!!!!!!!!
|
Post: #4
Title: Re: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليا
Author: أبو الحسين
Date: 01-29-2007, 08:38 AM
Parent: #1
Quote: وين دراك ان ديل سعوديات او قل خليجيات
موش امكن يكونوا جاريات لبنانيات او عراقيات ؟
لزوم تحسين صورة الخليج في ذهن العالم الامريكي |
|
Post: #5
Title: Re: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليا
Author: ABDELMAGID ABDELMAGID
Date: 01-29-2007, 09:05 AM
Parent: #4
ابو الحسين !!
ات اخوى ...
قصتك شنو ؟؟؟؟؟؟؟
لا عرفناك انقاذى ! و لا اتحادى ! و لا حت كمان ختمى ام شايقى ؟؟؟
زولا كدى ترى ( جايط !!! ) !!!!
داير تبقى انتهازى كمان لزوم الاقامة و ( الكفيل !!! ) ؟؟؟
الجكس بتاع الكورة داك الشفتو انا ! كانن مشجعات سعوديات !!!!!!!
اسعل منهن اميركم ( فيصل بن فهد !!! ) كان مغالتنى !!!!!
تعال شوف ( دواس !!! ) الجعليين الما همله !!!!
عبدالماجد
|
Post: #6
Title: Re: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليا
Author: على محمد على بشير
Date: 01-29-2007, 09:20 AM
Parent: #5
تعرف يا عبد الماجد
قبل حوالى العشره سنين من الان
كنا بنشاهد فى مباراه بين حى العرب بورتسودان والمريخ
وفى استاد الخرطوم .. قام واحد عريس جديد وفى شهر العسل
جاب ليك عروسته معاهو ودخل المباراه وجلس فى المقصوره وسط
تصفيق الجمهور للعرسان .. وبدأت المباراه واظن المريخ انتصر
اربعه صفر
المهم مع كل هدف مريخى كان يهتف الجمهور .. مبروك مبروك ياعريس
والعريس اخر انبساط وفرحه وبعد الهدف التانى يفاجأ ليك الجمهور
بزغروده مجلجله تنطلق من المقصوره فأذا بها العروس المريخابيه
وتجاوب معها الجمهور بصوره لا تتخيلها.. واحتفى الجمهور بالعرسان بعد
المباراه وعملوا ليهم زفه ولا اروع وتبرع سكرتير المريخ وقتها اللواء
فيصل محمد عبد الله بتوصيلهم حتى الفندق .. واعتقد بأن العريس والعروس
لن ينسوا مدى الحياه زكريات تلك المباراه ابد الدهر .
|
Post: #7
Title: Re: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليا
Author: AMNA BAGRAB
Date: 01-29-2007, 09:27 AM
Parent: #6
المشجعات السعوديات خلال المباراة لبسن الجينز وصبغن وجوههن بأصباغ الوان المنتخب
ولاتقولوا ليســـوا سعوديات ومعظمهن طالبـــات يدرسون
في الامـــــــــــــارات ..
والله حالة عجيبة
|
Post: #9
Title: Re: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليا
Author: ABDELMAGID ABDELMAGID
Date: 01-29-2007, 09:48 AM
Parent: #6
Quote: لن ينسوا مدى الحياه زكريات تلك المباراه ابد الدهر .
|
على اخوى ...
الله اديك العافيه ..
انت و اولادك كمان ...
بس بينى و بينك اكون يعنى ( احتمال !!! ) شخصى الضعيف اكون من بين صفوف تلك الزفة لانى بعرف العقيد فيصل محمد عبدالله لما كان سكرتير النادى و ياما هتفنا باسم النادى مريخنا الاعظم و شيعنا ( الآخرين !!! ) فلقد كنا وقتها طلبه بجامعة الخرطوم ...
بس لكن ( قون ) اسماعيل مطر ده ! قاتل و فى زمن قاتل !!!!!!!!!!!
عبدالماجد
|
Post: #8
Title: Re: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليا
Author: البحيراوي
Date: 01-29-2007, 09:34 AM
Parent: #1
الأخ عبد الماجد تحياتي
يا أخي أنت مالك عايز تجيب لينا هوا
مش شفت بي عينك العلم الأخضر والقطع الخضراء دي
الله يخدر ضرعاتهن إنشاء الله .. ما بشجعن في فريق كرة القدم السعودي
يا أخي ما تخليك في سياسة أكل ومش خشمك وإتساهل علي عدلك
وليه بتشبهن بي البرازيليات في التشجيع يعني ما كل ناس وليهم رقصة
والله الإمارات ما أدتنا فرصة ذاتها في متابعة تشجيع الأخضر
يعني في آخر دقيقة وإسماعيل ذادها موية وحرمنا من متعة الكورة والتشجيع.
بحيراوي
|
Post: #11
Title: Re: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليا
Author: ABDELMAGID ABDELMAGID
Date: 01-29-2007, 10:18 AM
Parent: #8
| Quote: الله يخدر ضرعاتهن إنشاء الله |
اااااامين يا رب !!!!
|
Post: #10
Title: Re: اول مره اعرف انو السعوديات ( بخشن ! ) الاستادادات ! و بشجعن الكوره ! زيهن و زى ( البرازيليا
Author: أبو الحسين
Date: 01-29-2007, 10:17 AM
Parent: #1
Quote: ابو الحسين !!
ات اخوى ...
قصتك شنو ؟؟؟؟؟؟؟
لا عرفناك انقاذى ! و لا اتحادى ! و لا حت كمان ختمى ام شايقى ؟؟؟زولا كدى ترى ( جايط !!! ) !!!!
داير تبقى انتهازى كمان لزوم الاقامة و ( الكفيل !!! ) ؟؟؟
|
الله يجازي محنك يا عبد الماجد يا اخوي...
والله لمن قريت كلامك خليتني أقرقِر متل الماني نصيح... والكفيل واقف قدامي داير ليهو شغلةً كدي!!!
أها هسع كان سَعَلْني قال لي مالَك تضحك أقول ليهو شنو؟؟؟!!!
كميات مودتي...
أبو الحســــــــــين...
|
|