بعيداً عن السياسة مشاعر زول محبط وكافر

كافر بالمؤتمر الوطني
وكافر بالحركة الشعبية
وكافر باتفاقية نيفاشا

الجميلة :جوبا

شال هم فرقتك قلبي
معاك يا ريتو كان يرحل
وجمبك ومشتهيك يا عيون
وكيف لما الفراق يحصل
إنشاء الله ما يحصل
مجبور قلبي يتعلم بعد ولف عليك يقسى
عشان لو بكرا تنساكي عيون ما أتعودت تقسا
اصابح بكرا كيف العيد
وعايش فرقتك هسا
انا الفارقتو مرساكي قبل أشواقي ما ترسى.

Quote: كافر بالمؤتمر الوطني وكافر بالحركة الشعبية وكافر باتفاقية نيفاشا

الحِبيِّب معاذ...

أهااااااااا يعني مؤمن بي إتفاقية أبوجا ومِنِّي!!!

ولة رايك شنو؟؟؟

!!!!!!!

Quote: بعيداً عن السياسة مشاعر زول محبط وكافر

يا زول ما قلت الإكتئاب راح

أبو الحسين سلام.. هسي عليك الله نيفاشا دا ذاتو اسم شنو؟
قال نيفاشا!!
إهداء من بلدياتك الصديق بالقولد الى منقو.


ما اتـعـودتـا اخــاف مــن قـبـلـك إلا معاك حسيت بالخوف
أعـمــل آيـه ما القسمه اختارت وكل الناس حاكماها ظروف
عــارف ويــن خطواتك ماشه وآخري معاك هو المامعروف
والله عـشــانـك يـامــا صـبـرتـه لـمـا الصبر فتر من صبري
ولـمـا نـسـيــت الـدنــيـــا وحاتك من أعمارنا سنينها بتجرى
لا اتـلـومـتــه مـعـاك لا لـمـتـك وقلته براك بتحـس بى قدرى

كـم حــاولــتـــا أعــانــد ذيـــك واقـســى عـلـيـك بكـلمة شويه
إلا وحــاتــك غـصـــبـــاً عـنــي قـبـــل عـنــادى تجـى الحنيه
ودربـــاً سـرتــو مـعــاك بـى قـلــبى منو بلاك ما بتبقي الجيه
مــا فــارقـتــه فـى يــوم ذكــراك وأنـا ذكــراي عـندك منسيه
أنــا مـجــبـــور أسـتـنــى رضــاك وانت أريتك ترضى علىّ

يا ناذر الحقني بأي واحدة من الاغاني دي
والا اقول ليك اي حاجة كدا فيها فراق علي مزاجك.

إهداء لصديقي عضو المنبر : دينق

أعالب دمعي وأتصبر
واقول يالله صبرنى
على فراقك يا اغلى الناس
سواد حظى الملازمنى
مساهر وطرفى جافا النوم
اقول لو مرة طيفو يزور
اشوفو وطلعتو تفرح
تضوى سماى احلا بدور
اعيش لو لحظة بقربو
مناى اللحظة تبقى دهور
عظيم فيهو الدلال خايل
حبييبى الكلو نور فى نور
انا الحافظ ودادو سنين
انا الماخنت عهد الريد
وانا الوافى وهواى فريد
زمان قالو الغرام قسمة
حقيقة القسمة ما بالايد
مصيرو الحى يعود تانى
ويهل فى سمانا اجمل عيد.

داوي ناري وإلتياعي
وتمهل في وداعي
يا حبيب الروح هب لي
بضع لحظات سراع
**********


مرة اضحـك ومرة ابكي مــرَّة اتحـمّل اســاي
مرّة أهــرب منُّه واشكي واعتبـــر حبّك حكـاية
وعشــت فيها بكل روحي وارتضيت سهديّ وجروحي
كنت داري وكنت دوحي وانطفيت يا نــور زمــاني

السيد المحبط

مرة أسرح ومرة أفرح ومرة تغلبني القراية
ولمن اكتبلك وداعا
قلبي ينزف في الدواية
يا صبية الريح ورايا
خلي من حضنك ضرايا
(الله أعلم)

*****

كمال محجوب
ما قصرت تسلم.

إهداء من سامية الى زميلة الدراسة ميري .
مع السلامة مع السلامة

وما تنسي لي ترسلي
يسعدني إنك تذكريني
وعني دايماً تسألي..
بوصيك انا
لو أنتبهتي في يوم لي ذاتك
وسألتي عن الما أنقضي
ولقيتي في جواي أوصافي وصفاتك
أنا لسة ما سكت النغم
في قلبي من فيض أغنياتك ..

علي أي حال إنشاء الله ما آخر وداع
عشم اللقاء بيك ما أنقضي لو مستطاع
أصلو الحياة بين الأمل والشوق صراع ..
لكني زورق حبي ليك يا غالية ما داير شراع
مع السلامة..

مين فكرك يا حبيبي مين الهداك اليا
جرحى قرب يطيب جددته تانى عليا
انا قولت حبنا راح مر الزمان وطواه
والباقى منة شجن وعذابنا فى ذكراه
لقيتة اكبر حب بين القلوب ماواه
ماقدرت يوم انساه ولا هان على اسلاه
لكنى رغم البين رغم الفراق الطال
كانت مشاعرى تقول ابدا فراقنا محال
ما ليا غيرك شريك ما ليك غيرى ماال
جمعت قلوبنا محبه ربطت حياتنا امال
يا حبيب كفانا خصامنا كفاناهم وضنا
ما بتقدر انت تلومنى وما بعاتبك انا
ما كان بيدنا شقا وما كان بيدنا هنا
حسد القدر فرقنا هو العلينا جنا

هاك أسمع دي يا معاذ




شان تآمن