محمد الأمين موسى: عاد العريس المنتظر (توجد ... عروس)

عريسنا الدكتور (أو دكتورنا العريس) عاد من السودان بعد أن أكمل ما تبقى من نصف دينه.
امتطى سيارته الـPrado الجميلة ويمم شطر الأبيّض وجابها.
جاب البلد و"جاب" العروس.

الف مبروك للعريس وبيت مال وعيال

الأخ محمد عيد الله

Quote: ... الف مبروك للعريس وبيت مال وعيال

الله يبارك فيك ... وشكرا على المرور

Quote: عريسنا الدكتور (أو دكتورنا العريس) عاد من السودان بعد أن أكمل ما تبقى من نصف دينه. امتطى سيارته الـPrado الجميلة ويمم شطر الأبيّض وجابها. جاب البلد و"جاب" العروس.

الف مبروك
للعريس النفض الكيس
محمد الأمين موسى
بيت مال وعيال
وشكرا لهذا الفرح الجميل الذي اعاد لنا قلم الكاتب الجميل محجوب البيلى الى ( الحيحة السودانية ) بعد غياب طويل
**
عمر عبدالسلام

اللااااااااه!

أحضرت الكاميرا ... ونسيت كيبل الـ USB
الصور في وقت لاحق.

الحبيب أبا أنس
مشتاقون لكم ... وللبِصارة بزيت البلدية.
وددنا لو كنتم معنا ونحن نحتفي يالزول الجميل ود اللمين.
وما يزال لدينا كثير من الأمل ـ وقليل من التخطيط ـ لـ"حيحة سودانية".
سيغني د. عمر زكريا فرمالته "في هواك يا جميل العذاب سرّاني"
وسنجبر العريس نفسه على الغناء.
أقول "نجبره" لأنه نادرا .. نادرا ما يغني.
أنا شخصيا سمعته مرة واحد فقط.. بمنزلي بالرباط.
كانت شيئا من التراث الكرفاني .. وكانت كافية.

Quote: ... للعريس النفط الكيس

المقام مقام دلكة وبخور وخُمرة ... مش بترول!

Quote: وللبِصارة بزيت البلدية.

ودالبيلى
البصارة دي عاوزنها بزيت ( بلدية دبي والله بلدية الرباط ) ؟

Quote: بلدية دبي والله بلدية الرباط

ألا ليت شعري هل أبيتنّ ليلةَ...
إن شالله في براكة في سيدي بولقنادل

Quote: وددنا لو كنتم معنا ونحن نحتفي يالزول الجميل ود اللمين. وما يزال لدينا كثير من الأمل ـ وقليل من التخطيط ـ لـ"حيحة سودانية".

فى انتظار الصور
ولكن كنا بالفعل نود ان نكون معكم للاحتفاء بالزول الجميل ود اللمين
ومرحب بيك ودالبيلى في أي بقعة مغربية وإن كان برد الرباط هه الأيام غير محتمل
بيد أن الدفء سيعم اطرافك حالما تتوسط مقعدك في وسط لمة سودانية في الرباط

الف الف مبروك يا دكنور
خصنا الزردة

الف مبروك للعريس وبيت مال وعيال....

خالص التهاني...

تهانينا الحارة للدكتور محمد الأمين ولعروسته .. جعله الله زواجا مباركا وميمونا
وشكرا يا محجوب على الخبر السار

عمر

عمر عبد السلام

Quote: فى انتظار الصور

هـــــــــــا هي:
د. محمد الأمين موسى
أو "راجل المره" ... الذي هو حلو حلا
ودانية
التي هي المره

محنـّــناً كما يجب، شرّفنا بدارنا في الشارقة. وشرّفتنا دانية.

طارق جبريل

Quote: الف الف مبروك يا دكنور خصنا الزردة

العزيز "تاريخ" جبريل
شكرا على المرور وقد افتقدناك.
وطارق ـ لمن لا يعرفه ـ ملح السهرات... وسكّرها، عندما يغنّي... فيُطرب.
ملح السهرات ... رغم مساخته (هو يسميها "فسالة"... يعترف بها ويبررها)

المحامي طارق الجاك وأبو جاموووس (عمر زكريا) الذي قرر أن يقسم إقامته بين الرباط ودبي ومعتز محمود في الخلف.

مجاهد عبد الله

Quote: الف مبروك للعريس وبيت مال وعيال....

الله يبارك فيك ويرزقك "بنت حلال"
(زوجة أو... إبنة)
شكرا على الطلة

الدكنور مصطفي آدم
الرجل الجميل

ملح السهرات... وسكّرها، عندما يغنّي... فيُطرب

يعني ما لقيت لي غير الملح والسكر؟؟؟
نقول شنو اصلي زي (فسالة) ناس منصوركوتي دي يغباني ما شفتها

بعدين ابو جاموووس دة مالو بقى زي الدولاب الضلفتين
هسا عمر دة كان عايزين يشنقوهو زي صدام يلقو ليه حبل وين لي عنقرتو دي

عمر أبو أنس

Quote: بيد أن الدفء سيعم اطرافك حالما تتوسط مقعدك في وسط لمة سودانية في الرباط

وإلى ذلك الحين تجدني ألتمس الدفء في أصواتكم عبر التلفون ... والمسنجر... وAlmaghribiya ...و2M ... وهذا البوست

وجه من الحفل ...
(كدت أكتب: منال نور الدين)

Omer Abdalla

Quote: تهانينا الحارة للدكتور محمد الأمين ولعروسته .. جعله الله زواجا مباركا وميمونا وشكرا يا محجوب على الخبر السار

وشكرا يا عمر على الدعوات الطيبات
وشكرا على "شكرا"

المحامية نجوى حرم الدكتور مصطفى

حنان (حرم معتز) والعروس ... وضحكة
تحتاج sur)realplayer) لسماع الصوت

عموري (نجل د. مصطفى) في فقرة بالعصا

"أبا جلول"... الشهير بـ جلال حنفي

صورة تِسـكاريّة ....
(عشان يتذكروا)

عزة (كريمة د. مصطفى) ومنال

الأحبة:
محمد عبدالله
عمر عبدالسلام
طارق جبرائيل
مجاهد عبدالله
عمر عبدالله


أناملي (المحننة) عاجزة عن شكركم وبقية الكفين (وقد طارت منهما الحنة!) تدعو لكم دعاء جميلا بدوام الأفراح والمسرات.. ولعلكم التمستم لي طول الغياب فقد كنت أعاني من لسعات النحل.. إنه شهر العسل ولا غرو..

Quote: نقول شنو اصلي زي (فسالة) ناس منصوركوتي دي يغباني ما شفتها

أولا: التعليق أعلاه لا يعنيني*
ثانياً: الملح والسكر = الذهب والفضة ... حقيقة ومجازا
ثالثاً (وهو الأهم): فين البتاعات القلت حترسّـلم في البتاع؟

Quote: ... بعدين ابو جاموووس دة مالو بقى زي الدولاب الضلفتين هسا عمر دة كان عايزين يشنقوهو زي صدام يلقو ليه حبل وين لي عنقرتو دي

بعد قراءة الإخلاص والمعوذتين 11 مرة
وآية الكرسي وخواتيم البقرة:
بسم الله. ما شاء الله
--------------------------------
* قريتي إسمها منصوركتي

مبروك يا صديقي محمّد
بيت رخاء وعيّال
آمييين

صورك حارة ياودالبيلي
وعمر زكريا شايفو قابض الجو
أن شاءالله يكون غنى ليكم (الفرمالة )

في هواك ياجميل العذاب سراني
وشكرا ليك للأنك أعدت لنا وجوه ( مخضرمة ) الى الواجهة
لم نسعد بطلتها منذ نحو ربع قرن ، وعلى رأسهم الجهبوز ، جلال حنفي
وللعريس والعروس نكرر التهنئة ..و عقبال تطفو الشمعة المية

Quote: وإلى ذلك الحين تجدني ألتمس الدفء في أصواتكم عبر التلفون

هو وينو التلفون ده؟ مش ياهو القافلو 24 ساعة ده؟

ياخي لو غيرتو قول لينا غيرتو عشان نبطل نتصل عليك؟

ومن كترة ما بنحاول نتصل بيك قام الرقم زعل وفرتق، هسه بقينا في البتلمنا فيه، ويا عمر زكريا لو محجوب ده عمل مطنش، بالله مدنا بآخر رقم ليهو، اصلك ياكا القاعد تمدنا بأرقامه وبأخباره..

ويا محجوب ما دام (توجد عروس) ما ياها دابك!!

ويا طارق جبريل بنمسي عليك، وبنشتاق ليك، وبنشتاق لرباط الفتح،

ويا حليلك كتير كتير يا جلال حنفي، وين أيامك وفين مشيتي وفين غبتي علينا.. خايف لا تكون نسيتينا وهجرتينا وحالف ما تعود.. الله الله الله..

ما زلت أذكر تلك الأيام الخالدات في مغرب الأحباب..
بالمناسبة كأني أعرف عمر عبد السلام هذا، يلزمني شحذ للذاكرة منكم يا شباب

التوقيع
مافي داعي اظنكم عرفتوني، خاصة الصورة قديمة ممكن تعرفوني بيها

واللهي اللمة فاتتنا
ود الامين لك مني "ايحاء"
بطرقعة الابهام والوسطى
ولك ان تقراءه بالسوداني
لان بالمصري معناها مناداة للسربايا
وبالايطالي معناها حكم اعدام
وبالمكسيكي معناها موافق
اما الانكليزي فمعناها سكوت

وباللغة الخاصة بمن سبقوك معناها
ورورروووك امانة ما وقع فارس...

الف مبروك يا دوك..
الموعد في الرباط واصيلة صيف 2007

مبروك ...مبروك
دكتور محمد الأمين موسى ودانيا
بيت مال وعيال
جمع الله بينكم بالود والإلفة والمحبة والرفقة الجميلة
لقد أسعدنا هذا لاخبر المفرح ونتمنى أن نلتقي بكم في لحظات سعيدة

شكرا أخي العزيز المسافر وربنا يديم أفراحك.

الحبيب وليد أسعدتني إيحاءاتك.. وأنت نعم الصديق وياريتك تجي في مطار ابوظبي.. التحايا النبيلة لك ولأسرتك الكريمة.

خجول أطل... ينثر تباشير الألق والرفقة الجميلة..
أشكرك أخي محسن وأتمنى لك غيمة سعادة تظلل ايامك القادمات..

الأخ الكريم الدكتور محمد الأمين موسى ..


التهاني القلبية الخالصة بمناسبة زواجكم الميمون ..

بارك الله لكما وبارك عليكما وجمع بينكما على خير ..

وأتمني لك حياة زوجية هانئة متوجة بالبنين الصالحين البررة ..

ألف مبروك يا عريس ..

أخوكم

جاد

أخي الفاضل جاد جادك الغيث والخير.. متعك الله بالصحة واللحظات السعيدة.

العزيز محمد الامين موسي وحرمة المصون
الف الف مبرووك ،، والله فرحنا ليكم
وبيت مال وعيال وربنا يهنئكم ببعض


محمد عبدالله ـ الزنجي

عزيزي محمد عبدالله (الزنجي).. شكرا على التهنئة التي تسعد القلب.. أسعدك الله في الدنيا والآخرة.

محسن خالد

Quote: مبروك يا صديقي محمّد بيت رخاء وعيّال

مرحباً حبيبنا محسن
وعقبى لكل العزاز علينا
بس لو أعرف الشدّة الفى عيال دي

ويا طارق جبريل بنمسي عليك، وبنشتاق ليك، وبنشتاق لرباط الفتح،

ازيك يا مادينقو (عمر)
والله الرباط بقت خلا فاضية
يا ريت لو تطلو عليها

تليشة:
يا ابو الامين الزردة ما بنتخلى عنها

اخي العزيز طارق

الشكر لك، والرباط منوره بأهلها ناس طارق ومحجوب البيلي وجاموس وعمر الامام وعبد المنعم بيومي وعصام قطر وأبناء المرحوم بومدين والأخ مصطفى الشريف وغيرهم وغيرهم من الأخوة الأفاضل الذين طال العهد بيني وبينهم، آخر مرة زرت الرباط كان أواخر عام 1997 يعني قبل حوالي عشر سنوات
طمنمي على أخينا طلحه وكيف هو عامل في بلاد الغربة (بلاد العم سام)..

تحياتي عبرك للجميع خاصة أولادك

يا طارق:
طرقت الباب حتى كل متني ولما كل متني كلمتني!
يا عمي انت قلبت طلبة في الرياض ولا شنو بتسأل من الزردة.. عايز ليك زول يزردك (بالسوداني)؟
الله يرحم ليك الوالدين تبلغ سلامي لصديقي الباير الصحافي العنس علي أنوزلا وتقول ليهو (سي تغوو) باز!

عمر عبد السلام

Quote: وشكرا ليك لأنك أعدت لنا وجوه (مخضرمة) الى الواجهة لم نسعد بطلتها منذ نحو ربع قرن، وعلى رأسهم الجهبوز، جلال حنفي

اسعد أو لا تسعد ... (شغلك هاداك)
الجهبوز جلال حنفي أو المرحوم فريد شوقي ... (ماشي سوقي)
(وجه فيهو ... حب شباب)
هسّي في داعي لي ربع قرن دي.
ومعاها "نحو" كمان.
ممكن تكتب " لم نسعد بطلتها منذ مدة" ...
وممكن تقول "طويلة". او "طويييلة" (ثلاث ياءات كحد أقصى)
آل ربع قرن آل

الفاضل النبيل عمر عبدالسلام.. عافاك اسأل لي ركن المفتي: ما حكم من لم يشرب الحريرة لأربعة رمضانات متتالية؟!
التحية لك... وقد أسعدتنا بحضورك.. وأنت شخص لا ينتسى أبدا.

الأخ العزيز محمد الامين موسي وحرمة المصون
الف الف مبرووك
وانشاء الله بيت مال وعيال
شايف حفلتكم قاجة بس ناقصين العمارية

ألف مبروك محمد الأمين موسى

صور جميلة جدا ماشاء الله والعروسة زي القمر


شـكرا اخي البيلي

العزيزة منى شكرا على التهنئة ونسأل المولى عز وجل أن يديم أفراحك.

أخي العزيز د.أمير سعدت كثيرا لأخبارك السعيدة ونسأل الله أن يديم لك التوفيق والسداد.. وشكرا على الحضور اللي بيرد الروح.

Quote: آل ربع قرن آل

الجهبوز الآخر : محجوب البيلى
ربع قرن دي انا قصدتها
للأن قبل ربع قرن تحديدا كان آخر لقاء لى مع المخضرم / جلال حنفي
فى مطار روما في طريقنا للمغرب صحبة اخونا / بدوي السباعي
وفي مطار روما تحديدا حدث لى موقف ظريف ودرامي مع جلال لن انساه
وموضوع وصل لدرجة ( النص ) مش ( ربع )
وعمنا جلال فاهم قصدي
اسالوا يامحجوب .. يحكي ليك القصة بالتفصيل -- وحاتفطس بالضحك

Quote: عمر عبدالسلام.. عافاك اسأل لي ركن المفتي: ما حكم من لم يشرب الحريرة لأربعة رمضانات متتالية؟!

العريس اللطيف / محمد الأمين
سالت ليك المفتى
وقال .. المابيشرب حريرة رمضان في المغرب للأكثر من اربعة رمضانات
عليه كفارة زيارة عاجلة للشيخ احمد التجاني في فاس
وإذا كان الشخص المعنى عريس جد يد لنج ...عليه ان يكمل شهر عسله في احد فنادق مراكش
يعنى ياود الامين .. الرباط راجاك باسرع فرصة
والشباب في بيت العزابة في انتتظار وصولك على احر من الجمر
ايه رايك في الفتوى ياعريس !!!

الف مبروك وبيت مال وعيال ان شاءالله، والشكر لك الاخ م.البيلي.

محمد الأمين موسى

فرصة جميلة الواحد يدخل يبارك للزول الراقي الأصيل محمد الامين وبيت مال وعيال يا عزيزي محمد

أخي العزيز عبدالرحمن.. غمرتني السعادة وقد أتيت مهنئا.. وأنت من سعى لجمع الرؤوس في الحلال.. فلك أصدق التحايا وأنبل التقدير.

بارك الله فيك أخي محمود الدقم وأدام لك الأفراح والصحة والتوفيق.

تهانينا الحارة للدكتور محمد الأمين ولعروسته .. جعله الله زواجا مباركا وميمونا

وان شاء الله العديلة تقدمه وتبراه

تحياتى

الأخت الفاضلة مهيرة.. شكرا على التهنئة.. أسأل الله لك فرحا مقيما.

احر التهانيء للاخ العريس محمد الامين وعروسته
وبيت مال وعيال
وسعادة هناء

أخي المبدع الأستاذ عجب الفيا أدام الله أفراحك... لقياك أمنية.

تهانيّ الحارة والصادقة للأخ محمد الأمين وعروسته،
الف الف مبروك ، اسعدكما الله ، للأبد /
نزار

أخي الرائع العريس نزار.. سعدت كثيرا لدخولك القفص الذهبي (مجلبطا) بالعسل... الرباط لا زالت تسكن القلب فهل من سبيل إليها؟!!

أختيًّ: منى خوجلي و مهيرة
الأحباب:
المسافر
JAD
الزنجي
د.أمير احمد الرفاعي
محمود الدقم
عبدالرحمن عبدالله أبوشيبة
عجب الفيا
شكراً على المرور... وربنا يديم الأفراح

نور السعادة اللي ضوا ليك انت يا ا لعريس مبروك عليك
شوفو العريس لابس هلالو والدبله في ايدو شبالو شالو

نسيت في غمرة ملامتي للبيلي أن أهنئ العريس- الذي ربما قابلته يوما في رباط الفتح- والذي بدأ من البوست والمداخلات انه من خريجي المغرب، او من المقيمين بالمغرب..

ما زلت أسأل عن الأخ عمر عبد السلام، كأني التقيته ايضا ولكن بعدت الشقة وخربت الذاكرة فانطمست اسماء ووجوه فيها..

طارق .. انتظر تجاوبك

البيلي.. انتظر ردك

أخي الفاضل ماندنقو أشكرك على التهنئة وأتمنى لك دوام الأفراح.. أخوك رباطي لمدة 18 سنة فقط.

أخانا السمندل
أولا : ألف ألف مبروك على دخول الدنيا/ القفص الذهبي/ الزون ... وربنا يسعدكما
ثانيا: أعذرني إن جاء ت التهنئة متأخرة. وأعذرني. أعذرني أرجوك
ثالثاً: شكرا على مرورك

تاني يوم مشينا زرناهم في البيت.
وهو البيت المعروف باسم "عش الزوجية"

الأحــــــــباب:
Mandingoo
تالله إنك لفي ضلالك القدبم
Walid Safwat
أخيييييرن
لي معكما ونسة مؤجلة... إلى حين
فاعذراني

كنا قايلنو بيهظر أتاريهو بي صحو وعمل الحكاية جد جد.اصلو من زمان
قال عاوز ليهو عروس سودانية بي مواصفات مغربية.والله فرحتنا وزعلت عوانس
الرباط ورئيسهم الفخري بيومي وأمينهم العام قاسم أبو صلعة .ألف مبروك
وتغلبها بالمال وتغلبك بالعيال.
ويابيلي محجوب إيه لازم الجفا أرحم كفى مع تحيات زكي عبد الكريم
ومشتاقيييييييييييييييييييييييييييييييييييييييييييييييييييييييييين
بالكوم.الرباط موحشةبغيابك وغيابهم.لك المحبة كما تشتهي وكمانأمل.
وعندي لك مفاجأة حلوة بس على شرط تتابع المنبر العامكل يوم.

الأخ العزيز صلاح... شكرا على التهنئة وإن كان أخوك اتشال بدون عمارية!
تحياتي للأسرة ولساكني شارع مدام غشقر!
بلغ الرجال العنس أن 2007 آخر موعد!

العريس الدكتور محمد الامين

الف مبروك ... وربنا يسعدك دوما

يا محجوب انت مافي زول صورك في الحفلة دي

اتوحشناك بالزاف.......

مبروك دكتور محمد الامين

ان شاء الله ربنا يسعدكم ويبارك لكم ىفي زواجكم

شكرا جزيلا أخي حيدر على التهنئة وربنا يديم أفراحك ويديم لك الصحة والسداد.

يا ناصر قول لي مبروك مرتين.. لأني أخيرا لميت في صحبي السني.. فهو اليومين دي مشرف الإمارات مع أسرته الكريمة.

الحبيب صلاح الأحمر
لك من التحيات والأشواق خناشي.
وأعرف أني متلوم معكـ(ـم). فلتجد لي عذرا من عندك.
.............
محمد الأمين كان كثيرا ما يلوذ بالهظار عندما يجد الجد.
ولكننا بدأنا نلاحظ عليه في الآونة الأخيرة بعض أعراض المرض المعروف بـ la maladie de Hamid، وهو خليط من لين العظام وحب الشباب ودوار البحر وأنفلونزا الطيور وخفقان القلب. بالإضافة إلى اضطراب ظاهر يصيبه عند سماع الأغاني العاطفية والأناشيد الوطنية.

Quote: عروس سودانية بي مواصفات مغربية

غلط ....
حدثـ(ـتـ)ني متن أثق في أمانته أن ود اللمين قال: "عروس سودانية بـ Style مغربي". انتهى . وشتان بين الاثنين.
أتمنى ألا أكون قد جئت أكحّلها فعميتها.

Quote: والله فرحتنا وزعلت عوانس الرباط ورئيسهم الفخري بيومي وأمينهم العام قاسم أبو صلعة

ليتهم يزعلون
يبغرون
يغيرون
يتنيّلون على عينهم ... فيتزوجون
Remember that you'll NEVR be younger.
قالها لي الزميل عبد الرحمن الأمين ونحن معا في "السياسة" الكويتية في الدار البيضاء... وأهديها لهم، ولآخرين.

Quote: الرباط موحشة بغيابك وغيابهم

آمل أن أزور الرباط في أقرب فرصة. المشكلة أن العطلة لا تكفي لزيارة المغرب والسودان وإثيوبيا والهند والفلبين وسريلانكا.

Quote: مفاجأة حلوة

Mille Feuille?
تحياتي لكم جميعا.

الحبيب ناصر جبرين
ليك وحشات والله

Quote: يا محجوب انت مافي زول صورك في الحفلة دي

لأ...
في زول صورني في الحفلة ... ديك

انت يا محجوب مالك ما عايز تنزل صورتك
خايف الناس تشوف شلاديمك يقولوا الزول دة خاتي ليه خنشة طحين في حنكو ولا شنو

Quote: الأخ العزيز صلاح... شكرا على التهنئة وإن كان أخوك اتشال بدون عمارية!

الأخ صلاح الأحمر
يبدو لي (عمارية) دي تكون البتاعة الشلناك فيها عريس في كازا!! صاح؟ انا طبعت شلتك فيها انا وجلال حنفي وود البيلي لكن ما كنت عارف اسمها شنو، لكن العارفو انو مسمار فيها قد لي جاكتت البدلة بتاعتي اللونها كريمي، لهسه صاريها ليك- رغم أنو مضت على الحكاية دي بس 19 سنة !!

العزيز ماندينغو (عمر)
الاولاد الحمد لله بخير
طلحة اموره ماشة في واشنطن بس طبعا لسة مشتاق للمغرب وايامها
المغرب بلد لا تملك الا ان تحبه

Quote: انت يا محجوب مالك ما عايز تنزل صورتك

نان الفوق دي صورة حبّوبتييي؟ (وجه ينعل القفا)

الف مبروك يا دكتور

تغلبها بالمال تغلبك بالعيال

ربنا يسعدكم

أختنا الفاضلة الدكتورة بيان.. شكرا على الطلة.. وربنا يديم أفراحك ويمتعك وأسرتك بالصحة والسعادة. والتحية للخال مهاتير محمد.

نان الفوق دي صورة حبّوبتييي؟ (وجه ينعل القفا)

الفسالي خلها دي صورتك سنة اسكت
نزلنا صورتك هسي وجضومك منخفات علي الزلابية الباكنبودرة زايد

الف مبروك دكتور محمد الأمين بيت مال وعيال وأمانينا لكم بالتوفيق والسداد








منصور

الف مبروك العزيز محمد الامين موسى وبيت مال وعيال وندعو الله ان يسعدك ويكللك انت وزوجتك بالصحة والعافية

الف مبروك
محمد الأمين موسى

شكرا جزيلا أخي أيمن وربنا يفرحك.

أستاذنا الفاضل القرشي.. أسعدتنا بتهنئتك.. ودعوتنا لك بكل جميل.

شكرا أخي الفاضل منصور.. بدوري أتمنى لك السعادة والتوفيق أينما حللت وارتحلت.

الف مبروك يا محمد الأمين

وسعادة دائمة يا رب

معقولة ياغـ... الله ؟ بعد عشرين سنة الواحد تلمو بيك مجرد صدفة؟
كتر خير العريس الخلانا نتلاقى بين سطور التهاني.والله سألت عليك سؤال
الضهبان ولاحياة لمن تنادي واخر عهدي بيك لما كنت في السعودية
وقادينا كل يوم في بريد الشرق الأوسط.أشواقنا بالكوم وإن شاء الله تكون
بخير وعوجات كهي.
نحن بخير لكن المغرب حزين وزعلان من الناس الحبوه وسابوه وفاتو خلوه
وتاني ماجوهو.وشايفهم كلهم بتباكو علي المغرب ، طيب ماتجو ياخي في
حد مانعكم؟ نحن نتناقص يوميا وبعد شوية حنبقى زي السلالات النادرة.
لكم المحبة جميعا وحاولوا مرة مرة نتلاقى علي الأقل في هذا الفضاء الذي
يبعث الدفء في الأوصال الباردةبصقيع الغربة.
التهنئة مجددا للعريس ود اللمين وللعريس نزار وربنا يشتت شمل العزابة
ويكسر طرابيز الكوشتينةفتقول كل النساء بصوت واحد امين يارب العالمين.
وراجع لك يابيلي محجوب غير اصبر معانا واحد شوية الله يرحم الوالدين.

العزيز صلاح الأحمر

شكرا للبيلي اللي لمانا هنا من غير ميعاد
وشكرا لك على التجاوب، وعلى أنك لسه فاكرني

لكن نحن اتلاقينا مره بعد عرسك، بتسعة عشره سنوات كده، واتلاقينا كمان في بيت محجوب العامر حي أكدال الراقي برباط الفتح الروعة بمغرب الأحباب الجميل جداً، وبالأمارة كان معاك اتنين من اولادك، واظن زيارتك لمنزل البيلي كانت خاطفة لدرجة انك نسيتها.. على العموم انا لسه محتفظ بذكريات غالية عن تلك الزيارة، وعن زيارتي التي سبقتها وكان فيها عرسك الميمون..
يا حليل زمن الكتابة في "الشرق الأوسط"..

واشواقنا ليك ولمغرب الأحباب لا تحدها حدود ولا شاطئ لها، وان شاء الله الشوق ده يجيبنا ليكم تاني عما قريب بمشيئة الله، وربنا يعبد العوارض..
على فكرة يا صلاح، انا لاقيت واحد بالصدفة وقال انو قريبك، وقال كان نازل في مدني عند اختك على ما أظن، وتسكن في حينا زاتو (حي 114)، هل بالفعل انت جيت حينا ده في مدني؟

تحياتي للشباب الذين - مازلت أذكر أسماءهم- وخايف بعد شويه بطول المدة أنسى أسماءهم وتظل صورهم في الذاكرة محفورة، كما المغرب ذاته، تحياتي لبيومي وعمر الإمام وعصام قطر ومصطفى الشريف وابراهيم اب زعانف واخوه عبد الرحمن وأولاد المرحوم بومدين، وقريبي في كازا عباس وداعه وكمال شرف وكل من جاء المغرب سنة 1974 الى سنة 1978م وحتل قبلو، طبعا انت جيت بعد الفترة دي.. تحياتي لك وللعيال..

الاخ محمد الامين والسيدة العروس
الف مبروك
وربنا يجعله زواجا مباركا

أختنا الفاضلة إنعام.. شكرا على التهنئة.. أتمنى لك السعادة والتوفيق.