قبطية (حي المسالمة) الفاتنة والتعسف في الحب.

أقباط السودان عاشوا بيننا في هدوء وسلام ومحبة ارتفعت كنائسهم بجانب مساجد شندي وعطبره وامدرمان وبحري ومدني وغيرها من مدن السودان لم نسمع عنهم إلا كل خير لهم مساهمات مقدره في بناء دولة السودان الحديثة لمعت أسماء كثيرة منهم كأعمدة للاقتصاد السوداني ,عرفوا دائما بطيب المعشر والحشمة والأدب الرفيع أهملهم الإعلام فلم يسعوا خلفه , تساموا بكبرياء في حين تقاتل الآخرون على السلطة والثروة ,لا انسي أبدا صديقي (جوجو ميخائيل)وتفاعله الايجابي مع قضايا الحي وكيف كان أول المبادرين في الأفراح وأعمال الخير وفي الأتراح كان أول المعزين يقرأ الفاتحة في المآتم بلسان عربي مبين
يشهد لهم بالبراءة من العنصرية الجهوية والقبلية والتعصب الديني أخطر أمرض وعلل المجتمع السوداني .
رجاء كل من يملك إفادة حول تاريخ وحاضر الأقباط في السودان أن يدلي بدلوه ويساهم في تسليط الضوء على هذه المجموعة السودانية .

إلا انه ثمة نقطة سوداء وحيدة في بياض الثوب القبطي ,وثمة حادثة لم يفلح الزمن في محوها من الذاكرة وستبقي دائما شاهدا على تعسف القبط وظلمهم وأنانيتهم ,وسأظل ارفع هذا البوست عاليا حتى احصل على اعتذار رسمي من جهة ما.

عاشت في حي المسالمة في خمسينيات القرن الماضي ظبية فاتنة ساحرة الجمال مليحة وجهها في استدارة القمر وفرعها في عتمة الليل وقوامها كعود البان عيناها سبحان المعبود فمها مرسوم كالعنقود ضحكتها موسيقي وورود .
خرجت الجميلة ذات يوم لقضاء احد شئونها وتصادف في ذات الوقت انه كان شاعرنا يجول في شوارع امدرمان وشاء حظه العاثر أن يلتقيا ..
ومنذ النظرة الأولى تسمر صاحبنا في مكانه ولم يعد يستوعب مما حوله إلا هذه الحقيقة المذهلة التي تقف أمامه,فوقع في الحب من أول نظرة وهام بها وبلغ به الوجد مبلغا عظيما,سارت الجميلة فتبعها صاحبنا بقلبه وعينيه أينما سارت, وبعد قليل تبعها برجليه,ومن شارع إلى شارع إلى أن وصلت إلى بيتها في حي المسالمة ذي الأسوار العالية وقبل أن تغلق الباب ألقت على صاحبنا نظرة أودعتها كل سحرها وكانت هذه النظرة هي أول وآخر ما حظي به شاعرنا.
وغلت دونها الأبواب ,وحالت بينهما موج الأسوار العالية والبروج المشيدة.
فأصبح شاعرنا في هم وغم كبيرين ,كيف السبيل الى هذا القمر المستعصم خلف الأسوار ؟
فكتب حولها أشعار أشبه بأنة المجروح تقطع نياط القلوب إلا إن قلوب القبط الظلمة لم تعطف على شاعرنا .
التاريخ لا يرحم وقد سجل شاعرنا جميع هذه الوقائع في اشعاره التي وصلت الينا والتي تقف شاهدا امينا على هذه المذبحة العاطفية.
يقول شاعرنا حول واقعة احتجاز القبط للجميلة داخل الأسوار ومنع شاعرنا حتى من النظر اليها:-

عجبا ملاك ساكن حما
في حماية الحما اتحمى
منعوا الدلال يظهر حما
هلك النفوس وأبا يرحما
ومن هجره يا حامي الحمى

ويقول واصفا ظلم وتعسف القبط وما سببه له من أذى وآلام:-

لي نية في قمر السما
مقاصدي آه ما أجسما
أبني الفكر وأهدما
والعين تسيل دمع الدما
والدمعة مرات أعدما
حواسي مالها كلما هبت نسيمة تألما
روح يانسيم لها كلما

ويقول واصفا الجميلة:-

كم من محاسن وأعظما
فيك خايلة خلقة منظمة
زي معنى شاعر ناظما
صفاء بهجتك ما أعظما
شوفتك ظمأ وتروي الظما

ويقول محددا موقع المذبحة التاريخية:-

حي المسالمة ومسلما
ذكراها أنسي أقل ما
الذكرى دايما مؤلمة
لله أموري أسلما
للقمرا مالقيت سلما

وهذا إثبات آخر على موقع المذبحة:-



لى فى المسالمة غزال نافر بغنى عليهو

جاهل... قلبو قاسى وقلبى خاضع ليهو

كل من شافو قال أنا بالنفس بفديهو

هو غصن الرياض الزاهى فى واديهو

أزهار الربيع مازى زهور ... خديهو

وجدلات الحرير ما لينة زى إيديهو

Quote: حي المسالمة ومسلما

الأقباط براءة من دم صاحبك

Quote: Quote: حي المسالمة ومسلما الأقباط براءة من دم صاحبك

القرضابي..سلام
دفعو ليك كم عشان تدافع عنهم؟
ما ذهبت اليه غير صحيح
كلمة (مسلما) غير (مسلمة)
ودفعك مردود لانك حملت عبارة الشاعر اكثر مما تحتمل
طيب رايك شنو في قوله :-
قبطية في السودان بحبي ليها ابوح

يا اخوانا ما اقباط في المنبر دا.
نطالب باعتذار رسمي.

Quote: دفعو ليك كم عشان تدافع عنهم؟

أين الدفاع هنا؟؟
أنا لم أدافع عنهم ولكن الأغنية واضحة تتحدث عن مسلمة وسط حسان الأقباط
دم صاحبك ده عند المسلمين

الأخ الفاضل القرضابي ...سلام
عرفناك من خلال هذا المنبر مثال للأمانة والإنصاف وما قصة بلدية دبي التي رواها احد الإخوة من خلال هذا المنبر والتي ضربت فيها مثل رائع لإعطاء كل ذي حق حقه ببعيدة عن الأذهان.
ولكن
أراك هنا تحاول أن تنكر ما تعرض له شاعرنا من أصناف الظلم والجور على يد تلك الجميلة وأهلها الأقباط.
وكما أسلفت كلمة (مسلما) هي غير مسلمة وهذا أمر واضح فمسلما بتشديد اللام في حين مسلمة بكسر اللام. وهي من باب سلم يسلم استسلام بالله في باب زي دا!!؟؟ وتشير إلى حبس الجميلة داخل أسوار القبط واستسلامها لذلك الحبس عن رضا وقبول مكايدة في شاعرنا.

بعدين يا قرضابي لو الزولة دي كانت مسلمة شنو الداعي انو يقول (مسلمة) ما ترا الشعراء ديل كلهم يتغزلوا في بنات المسلمين في واحد يوم وصف حبيبتو بانها مسلمة حسن إسلامها!!؟؟

يعزز ذلك نبرة اليأس وكثرة العقابيل التي وقفت في طريق شاعرنا ومنها اختلاف الدين
ولاحظ لقوله :-

لله أموري أسلما
للقمرا مالقيت سلما

انظر كيف وصل به الحال لدرجة انه فكر في استجلاب سلم يتسور به أسوار الأقباط العالية!!!
يعني لو مسلمة ما كان طوالي مشى دق الباب وطلب البنية وريحنا من البكا دا!!

ولاحظ أيضا لقوله:-

لي نية في قمر السما
مقاصدي آه ما أجسما

بالله حصل قابلك كلام زي دا في الغنا السوداني؟
مالك يا قرضابي كيف تحكم؟
عموما هذه المذبحة العاطفية أصبحت لدينا أشبه بمحرقة اليهود في أوربا وكل من ينكر هذه المذبحة سنتهمه بمعاداة الجعلية.

معاذ سلامات
شكراً لطرق هذا الباب الذي يأتي بالهوى والهواء والجمال
ولعله مما كان يتميز به هؤلاء القوم من ملاحة ووضاحة ووضاءة جعلت أفئدةً من العشاق تهوي إليهم بحثاً عن لمحة تذهب الحزن عن النفوس العاشقة ... هذا علاوةً على أنهم يجيدون صناعة الحياة والفرح والجمال بكل أشكاله ... فهم أفضل من يصمم شكل الإحتفالية وأفضل من يمارس الفرس بكل الصدق مما حدا بالعديد من مبدعينا أن يتصيدوا مناسباتهم بحثاً عن لحظات في عباب بحر الجمال ومهرجان السحر بين هذه الفئة الساحرة ... وما الشاعر سيد عبد العزيز ببعيد عن الخاطر وهو يكتب في يوم عيد الكريسماس وقد رأي إحدى حسناواتهم وهي تتأمل بكل رقة ورومانسية زهرة في بستان كانت قد أقاموا فيه إحتفائهم بهذا العيد فكتب:
في بنانك إزدهت الزهور
زادت جمال ونضار وطيب
يا مداعب الغصن الرطيب
وما الشاعر المساح أيضاً ببعيد عنا وقد كتب :
زمانك
والهوى أعانك
أحكمي فينا هذا أوانك
أهواك
كيف أطيق سلوانك
ويسير في هذه القصيدة حتى يصل إلى :
عدتي
وعاد هناك
يا بهجة هلا هلالك
وبها كان قد أدخل السجن لأنه وحسب ما حكى لي أحد الرواة لتاريخ مدينة ودمدني والعهدة عليه أن في هذه المدينة كانت توجد ( نقادية ... قبطية ) تدعى بهجة ولها أخ يعمل في المديرية وكانت من الحسان الفاتنات مما جعل المساح يحن إليها ويجن بهاويئن بالشوق إلى رؤيتها عندما سافرت إلى مصر في زيارة إلى أهلها ... وعندما عادت إحتفى بها هذا الشاعر وكتب قصيدته التي وصلت إلى أخيها وتفشى الخبر مما حدا به إلى إستدعائه والتحري معه ولكنه نفد بحجة أنه يغني للبهجة الإحساس وليست أخته .
وهناك الكثير من فاتنات هذه الفئة الجميلة ....
هذا علاوة على أنهم أسهموا إلى بصورة جيدة في التنمية في السودان فمنهم الموظفين في كل المرافق ومنهم التجار وهم من اشطر التجار ومنهم الرياضيين والفنانين ... ومنهم إنطوانيت وكفى ...
التحية لهم في مكان في السودان
ولك أيضاً ...

Quote: كان أول المعزين يقرأ الفتاحة في المآتم بلسان عربي مبين

الاخ معاز ماذا تقصد بهذا الحديث؟

دينق.

الليلة جوك يا معاز

_____________________

طبعا يا معاذ معروف عن الاقباط في امدرمان انهم من اكثر اهل المدينة امانه والتزام فيما يخص المال والمواعيد ... يعني هسع لو عاوز تركب رشكة في امدرمان حقو تفتش ليك قبطي سايق ركشة .. عشان ما حا يعلي ليك سعر المشوار ... حتى في سوق امدرمان الناس بتتعامل معاهم بي سمعتهم وسمعتهم في التجارة ماشاء الله .. و لو حصل وواحد فيهم خرق القاعده دي واكل قروش زول .. يقوم بقيت الاقباط بحلحلت المشكل وسداد الاموال ... عشان كده مشوا في التجارة كتير ونالوا ثقت الناس

Quote: Quote: كان أول المعزين يقرأ الفتاحة في المآتم بلسان عربي مبين الاخ معاز ماذا تقصد بهذا الحديث؟

الأخ دينق

دون أن اشعر في كثير من الأحيان استخدم أسلوب الاقتباس وهو أن تدخل عبارات من القرءان الكريم أو الشعر أو حكمة أو مثل داخل حديثك من غير الإشارة للمصدر .
وقولي محل اقتباسك (يقرأ الفاتحة بلسان عربي مبين ) هو من هذا الباب اقتباسا من قوله تعالى ( لسان الذي يلحدون إليه أعجمي وهذا لسان عربي مبين).
هذا إن كنت تقصد كلمة لسان عربي مبين ومعروف إن الأقباط هاجروا للسودان من بلاد عربية وبالتالي فهم يجيدون اللغة العربية.

أما إن كنت لا تصدق إن صديقي القبطي يعزي المسلمين في مآتمهم ويقرا الفاتحة فهذه قصة واقعية وهذا الشخص يسكن في الخرطوم تلاتة وقصدت من القصة الإشارة لانصهار الأقباط في المجتمع السوداني وحرصهم على علاقات الجيرة والعشرة بمشاركة جيرانهم المسلمين في الأفراح والأتراح.
وربما يوجد من بين أعضاء هذا المنبر من مر بموقف مماثل.
أما حكاية أن يقرأ المسيحي سورة الفاتحة أو أن يقرأ مسلم الإنجيل
دي دايرا فيها فتوى من علماء الدين الإسلامي والمسحي
ودي عاد يا اخوي دينق ما بقدر افتي فيها

أتمنى أكون وضحت ليك وجهة نظري.
ولك مني الود والاحترام.

Quote: عاشت في حي المسالمة في خمسينيات القرن الماضي ظبية فاتنة ساحرة الجمال مليحة وجهها في استدارة القمر وفرعها في عتمة الليل وقوامها كعود البان عيناها سبحان المعبود فمها مرسوم كالعنقود ضحكتها موسيقي وورود .

وقال اخر
فتاة من القبط فتانة
××××
تروح وتغدو مع المغرب
××××
بصدر علية صليب المسيح
××××
وصلب علية صلاة الني
××××

الاخ العزيز مجاهد عبد الرحمن..سلام
حاولت ان اقتبس بعض مما خطه بنانك الذي ازدهت به زهور الحرف
ولكني احترت أي من الدرر التي نثرت اختار ؟
فقد انصفت اخواننا القبط بسسان ذرب ( بالله ذرب دي ما انقلبت فيها الهوبة)
مداخلتك غنية وجميلة واسلوبك آسر جد.
بعدين يا مجاهد مع نماذج الاغني الاوردتها دي الظاهر اغاني الحقيبة دي كلها عاملنها في بنات الاقباط
يعني بنات القبط يجقلبن والشكر لي ناس حماد!!

Quote: هذا علاوة على أنهم أسهموا إلى بصورة جيدة في التنمية في السودان فمنهم الموظفين في كل المرافق ومنهم التجار وهم من اشطر التجار ومنهم الرياضيين والفنانين ... ومنهم إنطوانيت وكفى ... التحية لهم في مكان في السودان

لهم التحية
واتمنى ان تعود باسهاب لحتة مساهماتهم في الحياة الاجتماعية والثقافية والاقتصادية في السودان.

وبصورة اخص شمار انطواااااانيت دي .
عليك الله انشاء الله ترسلو لي في الخاص

بس دا كلو ما بعفيهم من الاعتذار عن العذاب الذي تعرض له شاعرنا.

معاذ ياحسن الاختيار

ولو عكسنا الحكاية

ح نجد انفسنا أمام رواية

الدكتور فرانسيسي دينق (طائر الشؤم)

والبنت فضيلة الشمالية المسلمة

الحبت الجنوبى المسيحى وتزوجته زواج مدنى

أذكر حين صدرت تلك الرواية كتبت عنها مقال نقدى بجريدة الراية القطرية

بعنوان (طائر الشؤم رواية تبعث الوعى الثقافى) سوف ابحث عن هذا المقال

فى ارشيفى لو سمحت لى باعادة نشره هنا

وتسلم ياا نيق الحرف

Quote: معروف عن الاقباط في امدرمان انهم من اكثر اهل المدينة امانه والتزام فيما يخص المال والمواعيد ...

وليد محمد المبارك الامدرماني
شرفتنا والله
ما تفضلت به عرف عن القبط في كل مدن السودان- على الأقل التي زرتها شخصيا- وهم في شندي كما في عطبرة وامدرمان عرفوا بالأمانة والصدق كما تفضلت.

تعرف يا وليد اكتر زول كنت عامل حسابو في البوست دا هو انت!!
لأني اعرف انك عندك صلة قرابة بأحد شعراء الحقيبة ما متذكر المساح وإلا العبادي وإلا فلاح المهم وفي نفس الوقت عارف انك زول بتاع (شبك) فكنت متوقع غير مداخلتك دي.
بس جات سليمة
أشكرك ورحم الله شاعر القصيدة .

Quote: هذا إن كنت تقصد كلمة لسان عربي مبين ومعروف إن الأقباط هاجروا للسودان من بلاد عربية وبالتالي فهم يجيدون اللغة العربية.

الاخ معاذ.

أنا في الحقيقة كنت أتحدث عن كلمة "لسان عربي مبين" دي لأن الاقباط أصلا حضروا للسودان من دولة عربية وهي مصر.
فأستغربت عندما ذكرت أنت"لسان عربي مبين".

نعم أتفق معك أن أقباط السودان ساهموا مساهمات ملموسة في دفع عملية التطور في السودان, وأن أخلاقهم عالية جدا.

دينق.

الاخ معاذ وضيوفه
اجمل ما قرات عن هذا التواصل

حكايتى طويله يا خله
عايشه وفى الفؤاد جوه
قصة ريده بين انسان
مسلم وبين مسيحيه
احلف ليها بالاسلام
وتحلف بالمسيحيه
ليها عقيده ما بتتفات
ودينى عزيز كمان ليه

Quote: وقال اخر فتاة من القبط فتانة ×××× تروح وتغدو مع المغرب ×××× بصدر علية صليب المسيح ×××× وصلب علية صلاة الني

ابراهيم برسي..سلام
احتج بشددده
هسي الشاعر دا كان قال (وخد عليه صلاة النبي) مالو.

Quote: أذكر حين صدورت تلك الرواية كتبت عنها مقال نقدى بجريدة الراية القطرية بعنوان (طائر الشؤم رواية تبعث الوعى الثقافى) سوف ابحث عن هذا المقال فى ارشيفى

الامير بدر الدين الامير...سلام
شرفتنا والله
طبعا في انتظار مقالك على احر من الجمر لتجمل لنا به هذه المساحة.
ارجو ان توفق في العثور عليه.
تسلم يا استاذ وفي انتظارك.

Quote: احلف ليها بالاسلام وتحلف بالمسيحيه ليها عقيده ما بتتفات ودينى عزيز كمان ليه

أوسلي
تأثرت لمأساة هذين العاشقين
ورغم كلمات الشاعر البسيطة إلا إنها معبرة
ومن قصص حسناوات القبط
إن احد الأصدقاء كان في احدي المناسبات وتصادف وجود فتاة قبطية جميلة بشكل غير عادي ذات شعر طويل منسدل على كتفيها وممتد طويلا طويلا.
طفق صاحبنا يراقبها في الغدوة والروحة
وكان يوجد بجانبه كرسي خالي فجاءت وجلست على الكرسي فسال شعرها وامتد حتى لامس الأرض (الكترابة).
فما كان من صاحبنا ودون أن يشعر إلا أن هب وتناول شعرها المنساب على الأرض ووضعه على ساقيها بحرص شديد.

عارف يا معاذ
في اغنية لي في المسالمة غزال
في بيت مجهجهني شدييييد بيقول ...

والدو معجنو وعلى فطرتو مربيهو ..
الثمر الرطيب كذب اليقول يجنيهو..

Quote: وقال اخر فتاة من القبط فتانة ×××× تروح وتغدو مع المغرب ×××× بصدر علية صليب المسيح ×××× وصلب علية صلاة النبي

حرام عليك تجهل اسم هذا الشاعر ....

قائل هذين البيتين هو الشاعر السوداني الفذ

عزيز التوم منصور ,,, وهو من أهلنا الأقباط .....

رحمه الله رحمة واسعة وبارك في ذريته دنيا وآخرة

Quote: قائل هذين البيتين هو الشاعر السوداني الفذ عزيز التوم منصور ,,, وهو من أهلنا الأقباط ..... رحمه الله رحمة واسعة وبارك في ذريته دنيا وآخرة

ابو ناصر ..سلام
رحم الله الشاعر عزيز التوم منصور

ولك الشكر على المعلومة والشكر للاخ ابراهيم برسي.

Quote: والدو معجنو وعلى فطرتو مربيهو .. الثمر الرطيب كذب اليقول يجنيهو..

يا صديقي والشيء بالشيء يذكر:

داعجة ومعجنة خلقة عظم الرحمن لجمال كمال الخلقة.

والعجن زي ما عارف هو الدلع,والمعجن في ذلك الزمن هو الحنكوش حاليا
وقد اولع شعراء الحقيبة بذلك كثيرا وساتيك بموذج اخر.

هاكم دي يا شباب ...



صنفرة :

كان معانا عضو قديم في البورد إسمو غزال المسالمة !!
وين الشخصية دي هسي !!

يا معاذ ما عندك قضية فقد سقطت بالتقادم ..
بعدين "حي المسالمة ومسلما" اجتهدت فيها اجتهاد متعسف :-) فشاعرنا هنا يحي المسالمة والمسلمين .. يعني البيت دا من أبيات القصيدة بيت "محايد" ولا شنو ؟
ما أجمل سودان ماقبل الإنقاذ وما أوسعه لبنيه بمختلف مشاربهم وأديانهم وسحناتهم .. ياترى هل يعود ذا الزمن الجميل ..

عمر

الاخ معاذ عاطر التحايا لك وانا من المداومين لكتاباتك لاننى اجد فيها الكثير من المتعة....

من الاشياء التى يجهلها الكثيرين عن حي المسالمة ومن اين جاءت هذه التسمية... فقد لاقى الاقباط الكثير من صنوف القهر فى عهد المهدية وجبر الكثير منهم لاعتناق الاسلام والتخلى عن مسيحيتهم تحت الارهاب الذى مارسته الثورة المهدية حيالهم.... لذلك وحينما تظاهر الكثير من القبط بدخولهم الاسلام اطلق عليها اتباع المهدى المسالمة... لمسالمة اهلها وبعد انهيار الثورة المهدية عاد الكثير من الاخوة الاقباط لديانتهم التى اجبرو على التخلى منها..... فالاقباط بالفطرة هم قوم مسالمون ولهم اخلاق قل ما تجدها فى اثنيات اخرى ويتمتعون بالامانة لذلك تجد ان الاقباط كانوا ناجحين فى شئون التجارة فى السودان.

الأخ معاذ
التحية ثانية
رجعت لديوان الشاعر سيد عبدالعزيز ووجدت أن الشاعر قال أحي المسالمة و مسلما(من التحية) و ليس الحى,,,
و المسالمة في لقاء مع الشاعر محمد يشير عتيق أجراه حسين خوجلي ذكر عتيق أن حى المسالمة أطلق عليه ذلك الأسم زمن المهدية لأنهم كانو مسيحيين و أسلمو بعد المهدية و بعد هزيمة الخليفة عبدالله وعودة الحكم الثنائى منهم من رجع لدينه و منهم من ظل علي الاسلام فكنت تجد في البيت الواحد جرجس و بطرس و محمد و فاطمة)الكلام داخل الأقواس لعتيق...
فالشاعر هنا يحيى المسالمة(المسيحيين) و مسلما( لاحظ الافراد هنا)
مما أكد شكوكى أن دم صاحبك ما عند الجماعة ديل

Quote: رجعت لديوان الشاعر سيد عبدالعزيز ووجدت أن الشاعر قال أحي المسالمة و مسلما(من التحية) و ليس الحى,,,

القرضابي..سلام
غايتو الواحد ما يغالك في حاجة تاني.
امنا واقتنعنا.الشاهد من قصتك انو وقتها كان اشكالية في تحديد المسلم والمسيحي في ذلك الحي وبما انه توفر خلال القصيدة قرائن ما يؤيد ما زعمنا في حين لم يرد ما يؤيد ما تفضلت به,عليه فدم شاعرنا اريق على الاسوار العالية.الى ان يثبت العكس.
أشكرك يا اصيل.

Quote: الاشياء التى يجهلها الكثيرين عن حي المسالمة ومن اين جاءت هذه التسمية

سيف الدين جبريل
سلام يا صديقي
وكنت شخصيا احد الذين يجهلون اصل التسمية.
شكرا على المعلومة وعلى المشاركة.
تسلم يا سيف.

عمر عبد الله وناذر
ابدعتو يا شباب.
كدا حا تخلوني امشي ادخل من جهاز تاني عشان اسمع .

اها يامعاذ
جابوها ليك بالثابتة
مع انو فرفور ده بيغلط مرات في الكلمات
لكن اللحن بيقول مسلما باللام الخفيفة..
تعرف القرضابي لسه دفوعاته مردودة..
ناس الحقيبة ديل( قلبهم خمسة نجوم) كانوا لمن تعجبهم واحدة "بتتور" فيهم
محبة للكون ده كلو مش حيها بس.
اها فرزها هي و اهلها الاقباط ب(حي المسالمة)
و اضاف ليهم المسلمين في عاطفة شمولية كعادة اهل الحقيبة القال
و احد فيهم (شادن العمراب) و قال آخر: بدور القلعة و جوهرا
و آخر بعد الحقيبة ( يا بنات بحري)
و هكذا حنانيك.

الدكتور علي الشيخ ( علوبه)
الأستاذ شكري ماطوس
تعالوا شوفوا الدخلوا الحِلّه ساكت وبتكلموا عن بناتا.
____
شوف يا معاذ..
ولدت في المسالمة وترعرعت فيها .. (ترعرعت دي وعرة ، دقداق بس ،مش كده؟ ويبدو لي انها تعني نشأت لكن نشأتُ بالظلط)، ولم أك أفارق المسالمة الا للسفر مع الوالد الى دارفور أو كردفان حتى قضى الله في أمري بالسفر البعيد عنهاولم يعد يجمعني بها، بعد الهوى ، غير العطلات الرسمية. أولئك الأقباط الأحباب شكّلوا عنصرا أساسيا في نسيجها الأجتماعي الرائع مع غيرهم من الأعراق المختلفة شكلا المتحده مضمونا فكونوا فسيفساء قمة في الألق والجمال. لا أريد أن أُكثر في حديثي هنا لأنني سأظلم الكثيرين بتقصيري تجاههم وتجاه الحي الموهوب (المسالمه) لأن الحى وأهله يلزمهم مُجلّد كامل وليس مجرد (بوست) . أما شاعرك هذا وغيره فانهم ما كان يمكنهم أن يقولوا غير ذلك تجاه بنات كن قمة في الجمال والأدب والعفّة، دخلوا منطقة اشعاعها عال فوق الحدود المسموح بها دوليا فكان لابد أن يلاقوا ما لاقوا.
لك مودتي.

معاذ سلامات

Quote: تعرف يا وليد اكتر زول كنت عامل حسابو في البوست دا هو انت!! لأني اعرف انك عندك صلة قرابة بأحد شعراء الحقيبة ما متذكر المساح وإلا العبادي وإلا فلاح المهم وفي نفس الوقت عارف انك زول بتاع (شبك) فكنت متوقع غير مداخلتك دي.

الصحيح العلاقة علاقة نسابة .. متذوج اخر عنقود احد الفطاحلة المذكورين عالية

نجيك للمداخلة
والله يا معاذ انا عارف انك متحسس مني من زماااااااااااااااااان
وقلت اداخل معاك في المعني الحقيقي للبوست

لكن وكت جات منك يا بلد الله
امسك وخليك واسع

اولا يا معاذ نسيت تكتب الشاعر الكتب القصيده دي .. اعتقد انه الشاعر الكبير سيد عبد العزيز شاعر قائد الاسطول وانة المجروح

بعدين انت شرتمت القصيده شرتمة العدو

جبت الفوق تحت والتحت فوق

وهنا غيرت المعني وطبعا ده بخلى البوست حقك كلو يختل لانك بنيته على انو البنيه احتمت بالاسوار

Quote: عجبا ملاك ساكن حما في حماية الحما اتحمى منعوا الدلال يظهر حما هلك النفوس وأبا يرحما ومن هجره يا حامي الحمى

والصحيح على ما اعتقد
في حماية الحيا احتمى

يعني حماها الدلال يا معاذ ما حموها شفوت الحي واسواره العالية

وهنا برضو قلشت الكورة

Quote: لي نية في قمر السما مقاصدي آه ما أجسما أبني الفكر وأهدما والعين تسيل دمع الدما والدمعة مرات أعدما حواسي مالها كلما هبت نسيمة تألما روح يانسيم لها كلما

وديل فقرتين شكيتهم شكت العدو

واجمل بيت في نظري ما كتبته
وهو

بديها روحي تقسما
بدل الزهور في مواسما



اجمل مافي القصيده دي هو الربط بين اولها واخرها
بداها بي لي نيه في قمر السما
واختتم وهو يحكي فشله
القمرة ما لقيت سلما

المعم يا حلو العبره من البوست بتاعك ده انو الناس في السودان كيان واحد ولحمة واحده
وفتك عافية يا شليق

Quote: اعتقد انه الشاعر الكبير سيد عبد العزيز شاعر قائد الاسطول وانة المجروح

وليد الشفت

كلامك صحيح هو الشاعر الفذ سيد عبد العزيز رضي الله عنه.
عليك الله يا وليد زي قائد الاسطول وانة المجروح دي ناس الزمن دا الواحد كان سكرو عرقي وتموها ليهو بخدرا بقدر يقول بيت واحد زيهم!!!.
يا اخ والله القصيدين ديل بس احتمال يدخلو الجنة.
له الرحمة والمغفرة.

الاخوة المسلمين المسالمين

اخى معاذ وعمدة المسالمة محمد المرتضى

اجمل حاجة انك تقراء كلام ونثر عن واقع عشته فى زمن جميل

وانا مارى على هذه الذكريات كنت حقيقة اتحاوم من شارع لى شارع فى المسالمة

كثيرون كتبوا قبل ذلك عن هذا الحى وسكانه ومكانتهم التاريخية

عشان كده ياودالمرتضى انا لسه برفع شعار انفصال امدرمان عن السودان ونعمل دولتنا

برانا مافى شئي ناقصنا امكن كمان ندى الكتير لغيرنا

كفاية عندنا حى المسالمة عدد الكنائس فيهو دليل تسامح امكن الكلام ده ماموجود حتى فى الفاتيكان

وتانى كان داير تسيبنا جرب وانت سيبنا

لحدى ما ارجع ليكم تانى

Quote: لا أريد أن أُكثر في حديثي هنا لأنني سأظلم الكثيرين بتقصيري تجاههم وتجاه الحي الموهوب (المسالمه) لأن الحى وأهله يلزمهم مُجلّد كامل وليس مجرد (بوست)

محمد المرتضى حامد عمدة المسالمة
سلام
واعذر لنا تطفلنا على اسوار حيكم.
وليتك اطلت البقاء وحدثتنا.

Quote: ناس الحقيبة ديل( قلبهم خمسة نجوم) كانوا لمن تعجبهم واحدة "بتتور" فيهم محبة للكون ده كلو مش حيها بس.

سعد الدين
والله صدقت.
يا اخي الناس ديل تقرأ ليهم تحس بعاطفة مشبوبة وصادقة وكلام يدخل لعمقك العاشر.
وين العاطفة دي هسي؟
يمكن عشان الحرمان الكانوا عايشين فيهو نتجية التزمت وقتها وحبس الجواري في البيوت؟

سلام يامعاذ

فعلا الأقباط ناس مسالمين ولهم أخلاق حميدة يشاركون في الأفراح والأتراح
ولايبخلون بشئ
أذكر من أصدقائي
عياد
ميلاد
مهنا

ولهم أهل في منطقة نقادة بصعيد مصر وعندما يسافروا في اجازة الصيف
كانوا يحضروا لنا الهدايا وكتب الألغاز

كنا نشاركهم أفراحهم وأتراحهم


خالص تحياتي

سلام يا معاذ..
يقيني انه إنتظارك للإعتذار سيطول..

هل سمعت أبدا بإعتذار ال heartbreakers ??
ده يا عزيزي أصلا السبب في القصائد والغنا..منذ بداية الخليقة..
هم (الشعراء) يتعذبوا... ونحن (محبي الشعر والمغنى) نزيّن عوالمنا
بدرر الكلمة والنغم..

وياحليلهم صحباتي وبنات جيراننا من أقباط الخرطوم
ما لقوا الخلود في عيون الشعر والحقيبة السودانية..
اللي لقاه من سكن أمدرمان..

ولنا عودة..

معاز حسن وضيوفه كل التقدير

وشكرا معاز على قبول اعادة نشر مقالى عن رواية طائر الشؤم

للكاتب والباحث الدبلوماسى والاكاديمى الدكتور/فرانسيس دينق

هذا المقال نشر بزواية قطوف التى كنت اكتبها بجريدة الشرق القرية

وكان عنوان المقال: طائر الشؤم رواية تبعث الوعى الثقافى اورده كما

نشر فى ذلك الوقت أى26/يوليو/1993م

يقول العبقرى الفرنسى أناتول فرانس (ان الذى يود التحدث عن الادب اذا كان مخلصا

بانه بدلا من أن يقول أيها السادة ساحدثكم اليوم عن بسكال وشكسبير يجب ان يبدأ

حثه قائلا ايها السادة ساحدثكم عن نفسى فى علاقتها مع بسكال وشكسبير ) أدعى اليوم

اننى سوف امتثل لمقولة اناتول تلك فى حديثى عن رئعة د.فرانسيس دينق (طائر الشؤم)

وانا كانسان شمالى تربى فى بيئة تعصب عرقى تجهل بقصد وبغيره ثقافة جنوب السودان

ومقومات شخصيته ذلك الجزء العزيز من الوطن بل مازالت حتى اليوم فى محيطها

الداخلى الانسان الاكثر بياضا فيهاليست افضل حلا من الانسان الاكثر سوادا فكلاهما خارج نطاق

التقيم القبلى لا نود ان نحاكم احد هنا ولكننا نقول ان الاوان لنتخلص من تلك المورثات

البالية فى عالم لم تعد فيه مكانة للجهل والانزواء القبلى ذلك ان اردنا العيش رغدا فى وطن

اقرب للقارة منه للدولة وطائر الشؤم التى وصلت الى مكتبات الدوحة مؤخرا كعمل روائى ضاج بالشخصيات

النارية النابضة بالحياة والمليئة بالوخزات السياسية والاجتماعية تطرح بوضوح قضية التعددية

الثقافية فى السودان وبمعالجات جريئة قد لايستوعبها سوى عالم الرواية وتلك التعددية كثيرا

ماتذكرنى بتباين الألأت الموسيقية فى الاوركسترا الواحدة تتقابل فى مابينها وتعطينا شيئا جميلا

ولكن (بقانون موحد)



ملحوظة: للمقال بقية سوف اوردها فى مداخلة اخرى حتى لا اكون مملا

معاز والاصفياء لكم بقية المقال

تنتهى رواية طائر الشؤم بسلسلة من

الاكتشافات المثيرة باحداث رائعة

صوفو كليس (الملك اوديب)كما تتميز

الرواية ايضا بالحبكة الدرامية الاخاذة

فى أى عمل روائى والمعالجات الجريئة

للقضاية الثقافية والسياسية فى السودان

حيث تؤكد الرواية على ان بين السودانين

من الاواصر الحقيقية الكامنة ما يفوق كل

اشكاليات الشتات البادية وفيها يجد القارىء

ذلك الوصف الممتع لثقافة الدينكا ومعتقادتهم

وتقابلها مع ثقافات سودانية اخرى عديدة بالاضافة

للتناول الرصين للعلاقة بين الافريقى والعربى المسلم

وغير المسلم وهو تناول فيه كثير من الواقعية واحترام

عملية التلقى ولعلنانسلم هنا ان تلك المقومات جديرة

بان تصنع عمل ابداعى متميز لا يمكن ان نفصل جزء منه عن الأخر

كما فعل البعض حين تحدثوا عن زواج الفتاة فضيلة المسلمة من الياس

الجنوبى المسيحيى زواجا مدنيا على انه دعوة صريحة لقيام دولة علمانية

يود ان يتجاوز خلالها المؤلف الخلافات الدينية فى حين يرى اخرون ان فى

هذا الزواج تاكيد على ان القائم من تعايش سلمى سودانى صريح يتجاوز الاعراف

ذلك ان الرواية عندما تتكلم عن العرب تصفهم بتجار الرقيق والمحتل الثانى بعد

الانجليزالذي يود ان يفرض العروبة والاسلام ويلغى خصوصية الانسان الجنوبى ولكن عندما

تتكلم الرواية عن الانسان السودانى (الزول) تصفه بالطيبة والبساطة والتواضع ولعل

هؤلاء جميعا تناسوا انهم امام عمل فنى روائى هو فى الاساس من صنع الخيال وان النفاذ

اليه لا ياتى من خلال الحكم على جزء منه بل بالتأمل والتفاعل الواعى

د. علوبة
نجوان
الامير بدر الدين


لا شك لنا عودة وفي انتظار بقية المقال يا امير.
************
بحق بطـــــرس يا فتاتى
من شفى الرجل الكسيح
بمارى جرجـس و الصليب
والجرس المرن على السفوح
بمريم العذراء بالدير المقدس بالمسوح
ان ترحمى متعذبا يهواك فى حب صريح

الاخ /معاذحسن
شكرا على هذا البوست لكن هنالك معلومة تاريخية يجب ان تصحح ان اغنية لى نية فى قمر السما لسيد عبد العزيز قيلت فى نهاية العشرينات من القرن الماضى ولحنها الحاج محمد احمد سرور وسجلها للاذاعة اولاد المامون بطريقة سرور وبلحن اخر ابدع فيه ميرغنى المامون وهو المشهور حاليا ...والاغنية لم تقال فى قبطية وانما فى حسناء تسمى صافى النيه وهى تسكن المسالمة فى شارع الكمبوتى واولادها واحفادها مازالوا يسكنون فى هذا البيت وهى مسلمة والدليل على ذلك سيد يحيى فى الاغنية مسلمى المسالمة وكل من يسكن المسالمة يعرف هذه المعلومة ..اما اغنية عبدالرحمن الريح لى فى المسالمة غزال فهى من الحانه وسجلها الفاضل احمد فى عام 1938 لم تقال ايضا فى قبطية اما الاغانى التى قيلت فى اقباط فهى اغنية مداعب الغصن الرطيب لسيد عبدالعزيز والتى راى فيها هذه الملهمة يوم عيد الصليب كما ذكر فى الاغنية وهى فى الطابق الثانى تداعب الازهار والاغنية الثانية التى قيلت فى قبطية فهى اغنية افكر فيه واتامل لعبيد عبدالرحمن والتى لحنها وسجلها على اسطوانة سرور ولك الود والتقدير.

Quote: هنالك معلومة تاريخية يجب ان تصحح ان اغنية لى نية فى قمر السما لسيد عبد العزيز قيلت فى نهاية العشرينات من القرن الماضى ولحنها الحاج محمد احمد سرور وسجلها للاذاعة اولاد المامون بطريقة سرور

د.احمد القرشي (عوض بابكر)
تحية وتقدير
وأشكرك على المعلومات القيمة والتي قادتني لسياحة جميلة في بوستيكم العامر
بجيك بهناك .
حيث يتوفر الكثير من المتعة والمعلومة.

ابشر يا معاذ جاك الخبر اليقين الما خمج..
عمنا الدكتور احمد القرشي
سبحان الله!
الغريبة انو خطر على بالى
و انا بكتب في مداخلتي الاولى ديك


صدق القرضابي

الامير بدر الدين
مقال رائع قراته بتمعن
وانا منك بمقام التلميذ فلا احسب اني بمقام يسمح لي بالتعليق عليه.
شكرا يا انيق.
فتح شهيتنا لقراءة الرواية ولا ادري هل توجد طبعة متداولة منها ام لا؟

وهذه رائعة العطبراوي ( مسيحية ) كلمات الشاعر (محمد علي طه )
وصلتني من صديقي صلاح عطبراوي.

ياسلوة المحزون 00 ياقيثارة القلب الجريح
يادرة فاقت على الأنداد 000 بالقد المليح
يازهرة انفاسها كالعطر 00 عبق بالضريح
أهوى جمالك والشعور يزينه القول الصريح
قد هزني منك الجمال فجئت بالشعر الفصيح
فترفقي ياهذه 0000 فالناس من جسد وروح
بحق بطرس يافتاتي 00 من شفى الرجل الكسيح
بمريم العذراء 000 والأحبار والراعي الصليح
وبماري جرجس بالصليب وبالكنيسة والمسيح
بالقس بالمطران 00 بالجرس المرن على السطوح
بمعاهد الرهبان بالدير 000 المقدس بالمسوح
برسائل الميلاد 00 بالشجر المنور 00 بالصبوح
بقداسة البابا المعمد 0000بالمسوح وبالذبيح
أن ترحمي متعذبا يهواك0 في حب 00 صحيح
متى يتم لقاءنا 000 في شاطئ النيل الفسيح
والموج والصفصاف والقمر المطل على السفوح
وأنين ساقية تدور 00 وصوت مزمار يصيح
هنا اللقاء على القلوب 00 وهناء القلوب فتستريح
بدت نجوم الفجر 000 بالأضواء .. بالفجر تلوح
وتجيئ شقشقة الطيور 00 كرنة الوتر الذبيح

Quote: الاخ /معاذحسن شكرا على هذا البوست لكن هنالك معلومة تاريخية يجب ان تصحح ان اغنية لى نية فى قمر السما لسيد عبد العزيز قيلت فى نهاية العشرينات من القرن الماضى ولحنها الحاج محمد احمد سرور وسجلها للاذاعة اولاد المامون بطريقة سرور وبلحن اخر ابدع فيه ميرغنى المامون وهو المشهور حاليا ...والاغنية لم تقال فى قبطية وانما فى حسناء تسمى صافى النيه وهى تسكن المسالمة فى شارع الكمبوتى واولادها واحفادها مازالوا يسكنون فى هذا البيت وهى مسلمة والدليل على ذلك سيد يحيى فى الاغنية مسلمى المسالمة وكل من يسكن المسالمة يعرف هذه المعلومة ..اما اغنية عبدالرحمن الريح لى فى المسالمة غزال فهى من الحانه وسجلها الفاضل احمد فى عام 1938 لم تقال ايضا فى قبطية اما الاغانى التى قيلت فى اقباط فهى اغنية مداعب الغصن الرطيب لسيد عبدالعزيز والتى راى فيها هذه الملهمة يوم عيد الصليب كما ذكر فى الاغنية وهى فى الطابق الثانى تداعب الازهار والاغنية الثانية التى قيلت فى قبطية فهى اغنية افكر فيه واتامل لعبيد عبدالرحمن والتى لحنها وسجلها على اسطوانة سرور ولك الود والتقدير

.

شكرا يا دكتور على هذه المعلومااات
التى كنا نجهلها تماما رغما عن معرفتنا
التاامة بهذه الاغنياات التى ذكرتها..
التحية ايضا لصااحب البوست الاخ معاذ
لافراده هذه المسااحة التى افرزت لنا
الكثير من المعلومات القيّمة..

كل مودتى....

سعد الدين
محمد عثمان
أشكركما على المرور.
بالتاكيد معلومات د. القرشي ما تخرش المية وكذلك اخونا القرضابي.
بس كدا اعتذارنا راح شمار في مرقة.

" قـبـطـيـة " فـي السـودان
بـحـبـي لـك أبـــــــوح
ياعـنب جـنائــن النـيـل
الـحـب فـيك ياجـميـــل،

مـنطقـة الـخرطوم غـرب كـانت من اكبـر الـمناطـق فـي السـودان كثافـة بالاســر القبـطية، حـيث كانت هـناك الكـنيسة الانجـيليـة ومـدرسة الاقباط للبنـين واخـري للبنات، وايضـآ الكـنيسـة القبـطية،وبعـض الـمحلات التجـارية والشركات، لـمعـت بعـض الشـخصيات القبطية في مجالات عـديـدة خـاصة في مـجال الـمحاماة والادب، عـرفنا الشاعـرعــزيز انـدراوس وعـزيـز التوم، وفـي الـمحاماة كان الـمرحـوم عـبداللةاديـب، وفـي مجـالات الـطب
كـانت عـياداتهـم علي طـول شــارع "الـحـريـة"، وعرفنا ايضـآ فـي مـجال
السيــاســة الشـيـوعي الكـبيـر سـميـرجــرجـس والذي تـعرض للاعتـقال بـعداحـداث 19 يـوليـو 1971 وقـام ابوالقاسـم محـمد ابراهـيم بتعـذيبةوضـربة، كـانت الاســرالـمسلمـة والقبـطية عائلةواحــدة ولـم نكـن نسـتعـمل وقتهـا كـلمة " قبـطي " وانـما كـنا نقـول " ناس فـلان" ونناديهـم بـدون القاب دينيـة، فـي سنوات السـتينيات لـمعت فـرق الـجاز وكـان" وليـم انـدرية" اول من ادخـل الـجيتـار الكهـربائـي للخـرطوم،

اقـوم حـاليــآ بتـجـميـع اسـماء الاســر القبـطية اسـماء اشـهـر الشـخصيات الادبية والطـبيةوالقانونيـة والسيـاسية التـي قـطنت منـطقة الـخرطوم غـرب فـي سـنوات الاربعينيـات وحـتـي تـرحـيلهـم القســري الاجـباري عـام 1991!!!!!!!!_

اغـلب الاحـفاد من هـذة الاســـرالكـريمة يعـيشـون حاليـآ فـي استـراليا ونيـوزلنـدا وحـاليـا تـوجـد نحـو 24 الـف اســرة فـي بـريطـانيـا!!!_

سلام عزيزى معاذ حسن

ياخى شـكرآ وأنت تأتى بحى المسـالمة إلى هنا
ذلك الحى المتفرد وليس كما يقولون عادة
بل فعلآ متفرد فى السـودان وليس فى أمدرمان وحدها

يوجد الأقباط كما أسـلفت فى السـودان كله ولكن الإنصهار فى المسـالمة يفوق التصور .

حتى باقى الأقباط فى السـودان وحتى فى بحرى والخرطوم يرقبون هذا التفرد مثلهم مثل أشـقائهم من السـودانين بإختلاف مشـاربهم .

عن الأغانى والشـعراء قد يخفى عن الجميع طبيعة العلاقة ويتصورنها من خلال الوله وبلاغة الشـعر فى وصف المحبوب . ولكن الحقيقة أن المسـالمة كانت مليئة بصوالين الأدب والشـعر . ولا تتخطى القصائد الأدب والأصول وكثيرآ قيلة فى مناسـابات وتقديم تهانى مجاملات .

فمثلآ أغنية بت ملوك النيل التى نسـبها آل المهدى الى نفسـهم كما قرأت فى مكان آخر كانت لفتاة قبطية وهى معايدة مرض . وأصابت شـقيقتها الصغرى بالغيرة وأرضاها الشـاعر بسـيدة وجمالا فريد .

ما أقصده الشـعر كان من داخل الأسـرة الواحدة كان فخرآ وتكريم .

لكن ما أضيفه قصيدة

Quote: حي المسالمة ومسلما ذكراها أنسي أقل ما الذكرى دايما مؤلمة

كانت ليسـت لقبطية . ولا يقول الشـاعر (حى المسـالمة ومسـلما) بل يقول (فى المسـالمة ومسـلمة)

عمومآ ما فرقت كان مسـلمة ولا قبطية ولكنها قصيدة جميلة جدأ .وبعدين قصة

Quote: قبطية في السودان بحبي ليها ابوح

بقى دى قصيدة تانية خالص .

عن تعليق الأخ سـيف الدين جبريل الذى يسـمى المسـميات بإسـمها دائمآ هذا ما حدث ولبسـت (حبوباتنا) ملابس الرجال وشـاركن فى القتال للهروب من عهر الخليفة وتزواجه بالنسـاء . وحوشالنسـاء لا يزال شـاهدآ . أما تسـمية المسـالمة فمختلف عليها وسـأعود بها من كتاب الأمير يوسـف خليل .

أشـكرك مرة أخرى فى سـيرة بناتناالسـمحات

ولى عودة

أخوك

Quote: اغـلب الاحـفاد من هـذة الاســـرالكـريمة يعـيشـون حاليـآ فـي استـراليا ونيـوزلنـدا وحـاليـا تـوجـد نحـو 24 الـف اســرة فـي بـريطـانيـا!!!_

يا خبر!!!!!
بكري الصائغ
طالما تابعت بوستاتك ويسعدني ان اراك تمر من هنا ومشكور على المعومات المفيدة.
تسلم

اخي رأفت ميلاد
لا علم لي بما ذكرت
ولكن تاريخنا مليء بالجراحات
وخلينا اولاد النهار ده.
تسلم

Quote: وخلينا اولاد النهار ده.

ياريت نفضل أولاد أمبارح
هسة بقينا فى الجهوية والعنصرية
وأمبارح كنا كالجسد الواحد

لعنهم الله يمهل ولا يهمل

Quote: ياريت نفضل أولاد أمبارح

فعلا نفضل ذكية سليمان تادرس ونفضل الاستاذ الاديب سامي يوسف وكلهم

من مواليد المسالمة ويا ريت الاخ رافت بذيد من معلوماتنا عنهم

ونعطيهم ولو جزء قليل من حقهم عليناواسرةالعم جورج مشرقي

الأخ معاذ

سلام

مما شفت عنوان البوست اتذكرت أغنية ماتريد اللي مطلعا بقول

سمحة وجمالا فريد خلقوها زي ما تريد

ويقال أنها كتبت في قبطية تسكن في حي بمدني

يا ريت انت وضيوفك تكلمونا عن الأغنية وشاعرها

وهل صحيح انو ملهمتا قبطية

متابعين

ويحكى عن الراوي أن اغنية .... سيدة وجمالا فريدة نظمت فى سيدة اغريقية ويقول مقطع الاغنية ....

سيدة وجمالا فريدة وخلقوها .... زي ما تريد وهنا توجد تورية حسث الشاعر يعنى بأنها خلقوها زى ما تريد.... والمعنى الاخر يعنى بها ماتريد وهى ايطالية على ما أعتقد وهى كانت ملكة جمال العالم فى الاربعينات.

Quote: والمعنى الاخر يعنى بها ماتريد وهى ايطالية على ما أعتقد وهى كانت ملكة جمال العالم فى الاربعينات.

طبعآ الحكاوى كتيرة

هى طبعآ قبطية ومن المسـالمة وإسـمها سـيدة
والأغنية ترضية لأنها زعلت لتخصيص بت ملوك النيل لآختها وأرضاها الشـاعر بالقصيدة
وفعلآ "ماتريد" إسم علم ولسـيدة إيطالية زوجة أحد الظباط الإنجليز . ويقال إنها
صاحبة أغنية "بين قصور الروم"

وحبيبنا حسـام يوسف من أولاد المسـالمة وحى العمدة ويكون عنده قصص كتيرة وبرضو العريس فرح ولد
ناس كدفور ويمكن يتحفنا بالكتير .

Quote: ويقال أنها كتبت في قبطية تسكن في حي بمدني يا ريت انت وضيوفك تكلمونا عن الأغنية وشاعرها

سلمى التجاني..تحياتي
أهو الاجابة عند اخونا سيف الدين جبريل ورأفت ميلاد
تخيلي أنا فتحت البوست دا برضو زيك عايز اعرف
والشباب ما قصرو موسوعة.
تاني اي حاجة عايزة تعرفيها بس افتحي بوست..هههههه
شكرا يا سلمى على المرور.

معاذ سلام

Quote: تاني اي حاجة عايزة تعرفيها بس افتحي بوست

والله يا معاذ طريقتك دي كويسة كان ختت الزرزرة

وبعدين الاخوان سيف ورأفت كتر خيرهم جاوبوني

لكن ما عارفة ليه انا مصرة انها من مدني خاصة وانو

رواية سيف لم يذكر فيها مكان اقامتة الملهمة

ورافت ميلاد يعتبر غير محايد لانو من حي المسالمة

Quote: ويا ريت الاخ رافت بذيد من معلوماتنا عنهم ونعطيهم ولو جزء قليل من حقهم عليناواسرةالعم جورج مشرقي

حسام غايتو المحاماة والتجارة والشعر عرفناهم
لكن ما عندهم فنانين والا ممثلين والا موسيقيين؟؟
أتمنى القى اجابة عندك والا عند اخونا بكري الصايغ.
تسلم ومشكور على المرور.

Quote: فقد لاقى الاقباط الكثير من صنوف القهر فى عهد المهدية وجبر الكثير منهم لاعتناق الاسلام والتخلى عن مسيحيتهم تحت الارهاب الذى مارسته الثورة المهدية حيالهم.... ]

هذا الكلام موثوق من صحته على ما أظن

وطبعا صاحب البوست إبتدر البوست بطلب الإعتزار . اها الحكاية ستجرنا لإعتزار أكبر . هل يستطيع الصادق المهدى الإعتزار لهؤلاء الأحبة ؟؟

حى المسالمة كنت أعرفه تماما وكثيرا ما زغت من المدرسة ( مدرسة محمد حسين) فى الثمانينات أيام الأحد لحضور صلاة الأقباط . كنت أنا وصديقى مولعين بالتجانى يوسف بشير كثيرا حتى عشقنا من خلال قصيدته الأقباط . وفيما بعد عرفت أنها ( أى القصيدة ) قد أصبحت ضمن المفرر . أعجبنى ذلك كثيرا

والقصيدة على ما أذكر بها أبيات تقول :

أمنت بالحسن بردا
وبالصبابة نارا
وبالكنيسة عقدا
منضدا من عزارى
وبالمسيح ومن طاف حوله واستجارا
ايمان من يعشق الحسن
فى عيون النصارى

---
اتذكر جيدا اننى كنت اكتبها كل صباح فى السبورة.

هل ازعجتكم ؟؟

يبدو أنى سأورث البوست ده يا معاذ

ود العجمى

Quote: هل ازعجتكم ؟؟

ياخى مرحب بيك مقيم وأنت توأم الروح فى حب التجانى يوسف بشير
وزميل فى محمد حسـين (مع فرق التوقيت)

Quote: أمنت بالحسن بردا وبالصبابة نارا وبالكنيسة عقدا منضدا من عزارى وبالمسيح ومن طاف حوله واستجارا ايمان من يعشق الحسن فى عيون النصارى

ويسعدنى جدآ

Quote: وفيما بعد عرفت أنها ( أى القصيدة ) قد أصبحت ضمن المفرر

أما عن قولك

Quote: اها الحكاية ستجرنا لإعتزار أكبر . هل يستطيع الصادق المهدى الإعتزار لهؤلاء الأحبة ؟؟

لا عليه إعتزار فعائلة المهدى أول من تضرر من جبروت الخليفة والتعايشـة هم ورثة الملكوت التى تركه المهدى ولم يسـتمتع به لوفاته بعد سقوط الخرطوم . ما أتمناه من السيد الصادق أن يكف من تزوير التاريخ لنخرج بالعبر والغاية لا تبرر الوسـيلة .
المهدية كانت فترة حكم الخليفة عبدالله التعايشى . وليس فقط الأقباط من ذاق الهوان . بل أيضآ الشوايق والضناقلة والحلفاويين وكافة السـود الأفارقة . فهل نعيد صياغة التاريخ ؟
تحياتى

رأفت ميلاد

Quote: وطبعا صاحب البوست إبتدر البوست بطلب الإعتزار . اها الحكاية ستجرنا لإعتزار أكبر . هل ازعجتكم ؟؟

بل اسعدنا مرورك اخي ود العجمي.
بس اعتذاري البطالب بيهو راح شمار في مرقة.
تسلم ومشكور.

Quote: فعلا الأقباط ناس مسالمين ولهم أخلاق حميدة يشاركون في الأفراح والأتراح ولايبخلون بشئ

رضا
وهذه شهادة الكل تذهب الى ما ذهب اليه.
التحية لهذه المجموعة السودانية الاصيلة.

فوق ...

مذيد من التوريط لمعاذ !

الاخ الـحبيـب الـحبـوب،
مـعـاذ،
تـحـيةالـود والاعـــزاز،

من هـي الـ " حـوريـة " الـتي غنـي لـهـا الشـاعـر:

حـورية فـي السـودان،
بـحـبي لك ابـوح
ياعـنـب جـنائـن
الـنـــيـــــل _

لـماذالـم يـفصــح الشـاعـر عـن هـويتهـا وترك الناس يتخـبطـون
فـي جـنسـيتهـا???_
هـناك من راح ويـحـرف فـي كلمات الاغـنيـة ويقـول:
" مـصـرية فـي السودان،
واخـرون غـنوهـا " اغـريقيـة فـي السـودان،
ومنـذ ذلك الوقت من الاربعيـنيات وحـتي اليوم ومـازالـت الـ" حوريـة"
مـجـهولة الهـويـة والـمكان الذي عاشـت فيـة بالسـودان!!!!_

عـنـدما كـنت اعـمل بـوزارة الثقافـة والاعــلام فـي سـنوات السبعينيات، اتيـحـت لي الـفرصـة وان اقلب فـي مكتـبة الاذاعـة بامدرمان
واستـمع الـي تـسـجيل لبـرنامـج سـبق وان اذيع بالراديـو فـي
برنامـج " حـقيـبة الفـن " والذي كـان يقـدم ظـهـركـل يـوم جـمـعـة ، ويـحكي عـن "قـصـة اغـنيـة" قـديـمة ويلتقي فـية مقـدم البرنامـج بشــاعـر الاغـنيـةاو احـدآ مـمـن عاصـروا ذلك الزمان وكـان عـلي صـلة وطـيـدة بشـاعر الاغنيـة،او مـن لةالمام تام بقـصـةالاغـنيـةـ

فـي هـذا التسـجـيل اسـتمعت الي لقاء اجـراة مـقدم برنامج "حـقيبـةالفن"
مع واحـدآ كـان مـلمآ مـطلـعآ بخفايـا اغـنية الـحـورية، وراح يقـول:

" الاغنية اتـكتبت فـي واحــدة قبـطيـة كانت مـوظـفة فـي شـركة" جـلاتـلي
هـانكـي وشـركاة" فـي الـخرطوم في داك الزمان، وانشـغل بيهـا شـاعـرنا شـديـد وكـتـب القصــيـدة فـي ثلاثة شـهـور، وماعرفنا الـحـقيقـة دي
الابـعـد سـنوات طـويلة وكـان وقتـها حـالف مـايقـول ليـناهـي مـنو ولا
اصـلهـاولاجـنســيتها!!!!، ورحـنا احـنا_ والكلام للقاصـي_ ونـخـمـن وقلنا
يـمكـن مـصـرية علـي اسـاس كـلمة " النيـل" و "العـنب"!!!!، والشـاعـر
ابـي يـورينا لـيها وقال: كـان وريتـكم ليـهـا " بتـسـحـروهـا!!!!"_

Quote: من هـي الـ " حـوريـة " الـتي غنـي لـهـا الشـاعـر: حـورية فـي السـودان، بـحـبي لك ابـوح ياعـنـب جـنائـن الـنـــيـــــل _ لـماذالـم يـفصــح الشـاعـر عـن هـويتهـا وترك الناس يتخـبطـون فـي جـنسـيتهـا???_ " الاغنية اتـكتبت فـي واحــدة قبـطيـة كانت مـوظـفة فـي شـركة" جـلاتـلي ابـي يـورينا لـيها وقال: كـان وريتـكم ليـهـا " بتـسـحـروهـا!!!!"_

بكري الصايغ
تحية ود
أغنية يا انة المجروح تحس فيها صدق كبير جدا
وعاطفة حقيقية لذا خلدت الاغنية جيلا بعد جيل
أشكرك يا سيدي على الاضاءة.