Post: #1
Title: عاجلا قصاص اتر لفاروق حامد - اين هو يا ابا بكر سيد احمد؟
Author: الطيب شيقوق
Date: 01-23-2007, 02:05 PM
لم يهدأ لنا بال ولم تغمض لنا عين منذ انقطاع صوت الفاروق وغيابه عن المنبر . عدت متلهفا اليكم وجدتكم ولكن اين هوالفاروق . حاولت الاتصال به من السودان ولكن تعذر الاتصال به .
في انتظار الافادة فالمنبر لا لون ولا رائحة له دون هذا الرجل الصنديد .
|
Post: #2
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: محمد المرتضى حامد
Date: 01-23-2007, 10:58 PM
Parent: #1
أهلا يا طيب.
فاروق بخير
وأبوبكر بخير.
عايزنك تكتب لينا عن السودان (خارج العاصمه)
مرحب يا شيقوق
بعدك الفريق أصبح ... أها في أكتر من الحفز ده؟
|
Post: #3
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: فاروق حامد محمد
Date: 01-24-2007, 00:40 AM
Parent: #2
ود شيقوق والله ليك وحشة ........
ياخي نحن رسلنا ليك قصاص أتر ومعاه
44 كلب بوليسي (وركشة) عشان يجيبوك لينا من
عرقوبك وقد زودناهم بصورتك وشممنا البوليسيات
ريحة "ون مان شو) ويبدو انهم ذهبوا منطقة النهر
الجاف كما يحلو لأخينا ابوبكر أن يسميه ولم يرجعوا
حتى لحظة كتابة هذه السطور ........
وآخر اشاعة سمعناها انه أم عبدالله عملت ليك حجاب
إخفاء عن العيون عند الفكي الذي ذهبت اليه رغدة
صدام حسين ... ولهذا فشل قصاص الأتر والكلاب البوليسية
... وقيل انه الحجاب من شدة ما قوي ... ام عبدالله
ذاتها ما قادرة تشوفك !!!!!!!!!!
شوق والله كتير يا اباعبدالله .....
|
Post: #4
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: خالد المحرب
Date: 01-24-2007, 01:00 AM
Parent: #3
لا اخفيك سرا اخى الشيقوق الفاروق بقى يتوه بين ابوظبى ودبى
ولذلك فقدناه كلنا لاندرى ماهو السبب
(لكن المثل بقول من فقد عزيزو تاه ولا شنو ياابوناصر)
|
Post: #5
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: فاروق حامد محمد
Date: 01-24-2007, 09:14 AM
Parent: #4
Quote: لا اخفيك سرا اخى الشيقوق الفاروق بقى يتوه بين ابوظبى ودبى
ولذلك فقدناه كلنا لاندرى ماهو السبب
(لكن المثل بقول من فقد عزيزو تاه ولا شنو ياابوناصر) |
ود المحرب ...
أخوك الأيام دي في حالة (توهان) حقيقية !!!!!!!!!!!!!!!
|
Post: #6
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: Muna Khugali
Date: 01-24-2007, 09:21 AM
Parent: #5
حمـدلله علي سلامتك يا شيقوق..
رجعت ولا لسه?
مني
|
Post: #7
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: احمد حماد ادريس
Date: 01-24-2007, 09:24 AM
Parent: #4
ود شيقوق العتيتابى الحر -يا راجل وين المخبا السرى الدساك دا - كل سنة وانت طيب -اخبار الصعيد شنو - الكبرى يا الطيب كتل ناس كتار لا والى ولا محافظ جايب خبر -اكثر من خمس عربات وقعت خلال الاشهر القليلة الماضية طبعا اخر ناس فقدناهم كانوا - بابكر رهد ترزى الشباب والباقر ود عمتنا العينة من نجم الدين طبعا برضو عمة احمد تى - لك التحية وشوقى ليك طال -الله يرجعك بالسلامة ويوم خمسة فبراير قريب --
|
Post: #8
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: مجاهد عبدالله
Date: 01-24-2007, 09:37 AM
Parent: #1
الأخ الطيب
سلاماً من الله عليك
كنت والله بكتب عن عدم وجود العم فاروق في بوست منفصل ولمن خلصت لقيتك برضو إنت بتفتش عليهو ..
لكن يبدو أن للرجل مكانة في نفوس الكثيرين وأنا منهم
العموم تحياتي والحمدلله ظهوره
خالص الود...
|
Post: #9
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: Ahmed Yousif Abu Harira
Date: 01-24-2007, 09:47 AM
Parent: #8
يا شيخ الطيب
سلام عليك وحمد لله على سلامتك...طبع غير واضح انت في الخرطوم ولا مسقط... لكن (حمدلان) السلامة ده ينفع للإتثنين ...من حيث انو كلو سفر !!
المنبر نور مرة أخرى....
ويلا اتحفنا بالجديد من رحلاتك ...وذكرياتك
مرحب والله ود شيقوق
|
Post: #10
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: الطيب شيقوق
Date: 01-24-2007, 12:03 PM
Parent: #9
يا اهلنا ويا اخوانا المرتضى ودحامد الجنى السمح ويا ود المحرب الجنى حلوالقدلة وجميل الهوشة ساعة ضيوف الهجعة ويا ود ابي حريرة الكلس ( الكلس يا ابا بكر الدوماتو سايلة ) والدوماتو سايلة هو الجمل الماصع البرش ال ..... ( يا الفاروق سليل الفراديس) وياكل السمحين البروغو ( بروغو يا ابا بكر بفتشوا حتى وان كان البحث عن الشمارات يا منى خوجلي الجميلة ست الناس واميرة المنبر بقلمك وفهمك وكبريائك ولحظة من فضلك خليني امسح دموع الفرحة للقياكم في رحاب هذه الصقيعة ( الصقيعة الفسحة الهواها يضري )
يا ود حماد حلو الكلعة ( الكلعة يا اخوانا شفتها مشية عسل عند ود حماد الما بيعرفو من زمان بيقول من سكان البرج العالي عديييييييييييييل .
خبر الفاروق وصلنى واتصل فيني بدرييييييييي وطمأني على حالو وقال باب الريدة الاتسدة زمان فتح تاني لكن قشيش ؟ بوريكم بعدييييييييييييين .
تحياتي لابي بكر
بت طلحة
ام احمد
وكل الاحباب بدون فرز
ود حماد الكبرى قطع اهلك وعدمهم طافئ النار وناسك في مهرجاناتهم واستغلوا البكيات للترويج السياسي .
ود المرتضى خبر السودان باختصار
ده مات تركب تعزي
ده مرض تركب تمارض
ده عرس تركب تجامل
دى ولدت تركب تبارك
ده رحل تركب تشوووووووووووووووف - وهكذا اجازتى احسب للعودة لكم اكثر من حسابي للوصول لام عبد الله في السودان.....
لا هم للناس بهذا نجح او عمل دكتوراة ولا ده بقى وزير نمشى نبارك ليهو
|
Post: #11
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: خالد المحرب
Date: 01-24-2007, 01:01 PM
Parent: #10
لله عالم يالطيب تاريك شبعان لحم من المناسبات
عشان كدة اذا ضربت الساعه اتنين بى الليل
القاك صاحى بتصلى سعرات حراريه عامله شوية نشاط
ماسمعت ود البنا قال شنو
ماصع ديمه طول ليلو ونهارو هدير
تحياتى
ونستك لها طعم خاص
كبدة نوق بروك خصيان وموز وكلاوى
000000 المحرب
|
Post: #12
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: abubakr
Date: 01-24-2007, 04:19 PM
Parent: #1
عفوا يا اهلي ... ويا ود شيقوق مراحب ... اليومين دييل البدن تعبان والمزاج ماهو ..... احزنني رحيل قريب صديق كثيرا ...ما كت اعرف ان البدن بيحزن لحد ما تجيهو حمي ...اهو دة الحصل ..فالمعذرة حتي يشفي البدن ويستعدل المزاج ....
وياودالمحرب ..سؤالك عني بشفقة وحميمة مكنتني من ان اتم يوم عمل شاق .. ..ربنا يخليك
سامحونا لحدما نجيكم راجعيين باذن الخالق
|
Post: #13
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: abubakr
Date: 01-24-2007, 07:31 PM
Parent: #1
| Quote: الكلس ( الكلس يا ابا بكر الدوماتو سايلة ) والدوماتو سايلة هو الجمل الماصع البرش |
اها ياودشيقوق اهلك طيبونا ..ام احمد وودالمحرب بسؤالم وشفقتم طيبوني وقت ملعون ابو الحمي البتبعدني عنهم وعنك ياواديافتك .. حتي ود المرتضي صبرو نفد من غيبتك وجانا يفتش عليك .. وات بدل ما تتعدل اتخربت تب ولغتك العربية نسيتا وصارت مكلسة ومكلعة وانا الرطان بقيت اعرف احسن منك ... يعني سيبويه لو كان عايش كان سيبودر
Quote: ه مات تركب تعزي
ده مرض تركب تمارض
ده عرس تركب تجامل
دى ولدت تركب تبارك
ده رحل تركب تشوووووووووووووووف - وهكذا اجازتى احسب للعودة لكم اكثر من حسابي للوصول لام عبد الله في السودان..... |
ياام احمد وسمية شفتو الراجل بشان اجرة الركشة داير قعدة الكندشن .. كلامي دة وصلو لام عبدالله "الراجل مما بني الدور التاني بقت فيهو ان ولابد لابد بالو في امور تانية ات ما تخليهو لحظة من اليوم اكان في مسقط واللا شنغهاي وراهو وراهو.. قالو الرجال كلما يكبرو عقلهم بقل وزولنا دة باع القليل ذاتو وعاجبو حتيت الامهريات "
|
Post: #14
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: سمية الحسن طلحة
Date: 01-30-2007, 08:39 AM
Parent: #13
والله ياجماعة غايتو!!!
آخر زمن...
قالوا ( الفيك بدر بيهو وود الناس أحقر بيهو )
يعنى الهجوم خير وسيلة للدفاع
يحكى أن موظف تغيب عن العمل يومين بدون عذر ولما رجع لقى المدير فى وشو
راح مبادرأ بالقول:ـ وين ياسعادة المدير ؟ يوميين ما شفناك
هسع دى ما شفقة على ود النار بس عشان مافى زول يسعلو يقول ليهو كت وين يا شيقوق
|
Post: #15
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: abubakr
Date: 01-30-2007, 05:34 PM
Parent: #1
Quote: يحكى أن موظف تغيب عن العمل يومين بدون عذر ولما رجع لقى المدير فى وشو
راح مبادرأ بالقول:ـ وين ياسعادة المدير ؟ يوميين ما شفناك |
دة ما ودشيقوق ذاتو !!!
|
Post: #16
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: Alshafea Ibrahim
Date: 01-30-2007, 05:56 PM
Parent: #1
سلام يا ود شيقوق
أنا ما بنسى أبدا طالبك زيارة وأمس والله اتصلت عليك ولا رديت علينا آمل أن تكونوا بدون فرز بألف خير وعافية - وياخي طالبنك زيارة - ويا ود حماد المصيبة حتى في الإعلام ما بجيبوا طاري لأهلنا في الصعيد ولو وقع الكبري كله في البحر - الجماعة عادوا من الحج المبرور وما عاوزين إزعاج - سمعت بحج الحكومات ؟؟ آخر نكتة في مدني تحريف الآية الكريمة التي تقول أذن في الناس بالحج يأتوك (حكومات) من إقاليم السودان استعاضوا كلمة (رجالا) بكلمة (حكومات)
مع خالص شكري
الشفيع
|
Post: #17
Title: Re: عاجلا قصاص اتر لفاروق حامد - اين هو يا ابا بكر سيد احمد؟
Author: فاروق حامد محمد
Date: 01-31-2007, 00:20 AM
Parent: #16
Quote: ود المرتضى خبر السودان باختصار
ده مات تركب تعزي
ده مرض تركب تمارض
ده عرس تركب تجامل
دى ولدت تركب تبارك
ده رحل تركب تشوووووووووووووووف |
إت يا ود شيقوق كنت بتركب شنو لمواصلة
هؤلاء الناس جميعهم ؟؟؟ (ركشة) أم (دفار) ؟؟؟
|
|