Post: #1
Title: وجدتكم غرباء
Author: EMU إيمو
Date: 01-22-2007, 06:03 PM
حدقت في وجوهكم لم أعرف أحد
حاولت تذوق مواضيعكم لم يعجبني المذاق
كل المداخلات مسسسسيخة
هل الحكاية إني طولت الغيبة
أم الحقيقة المرة إن المواضيع بدون ملح
|
Post: #2
Title: Re: وجدتكم غرباء
Author: waleed500
Date: 01-22-2007, 07:38 PM
Parent: #1
اهلااااااااااااااااااااااااااااااا بالحبيب ايمو
ليك وحشة يا رجل
وينك مختفى كده؟؟؟؟؟؟؟
لو فى بلاد الواق الواق كان حصلت ليك نت واتواصلتا
|
Post: #3
Title: Re: وجدتكم غرباء
Author: EMU إيمو
Date: 01-23-2007, 08:25 AM
Parent: #2
حبيب قلبي وليد
مشتاق ليك كتتتتير
تبعات الشاكوش جعلتني أخلو للتعافي
|
Post: #4
Title: Re: وجدتكم غرباء
Author: ebrahim_ali
Date: 01-23-2007, 09:21 AM
Parent: #3
الحبيب اللذيذ من الزمن الجميل إيمو تحياتي وكثير أشواقي ويييييييينك يارجل مختفي كده ونحن برضو جيينا بعدك وشايفين المنبر شكلو غريب وناسو كمان غرباء ماذا حل به
تبري من الشاكوش ياود يالذيذ زيك انت ما بتدوه شاكوش انت بستقبلوه بالاحضان والزفة كمان اما عينة أصحابك التانين شاكوشهم بصلهم قبل ما يصلوا الميس
ما تطول الغيبة زينا كده
وليد تحياتي والشوق بحر شايفك صابحك ظهر بهناك
|
Post: #5
Title: Re: وجدتكم غرباء
Author: EMU إيمو
Date: 01-23-2007, 09:40 AM
Parent: #4
الرائع جداً ود علي
ما بين الأبيض وبلد الشاكوش توجد النهود
رحلة طويلة امتنع عن الحديث عنها في النهار
أما عن الحفر والدقداق فالحديث عنها يحلو بعد غروب الشمس
وما بين الشقلة آخر محطة والصالحة توجد الجامعة الإسلامية
الصالحة بالبحر أم الصالحة بالأسفلت مواسم هجرة للجنوب
أيام السندباد المليئة بالغبار
|
Post: #6
Title: EMU
Author: رقم صفر
Date: 01-23-2007, 09:55 AM
Parent: #1
ايمو سلام واحترام وشوق لتلك الايام
الامر شبيه بالمغترب الذي يأتي لوطنه بعد 10 سنين ، وتراه مندهشا عن كل شئ من حوله
او هو مثل ذاك المغترب الذي اشتري جبنه بريال (الريال بتاع السودان) ،
او هو مثل اهل الكهف صحو فوجدو (الدنيا غير)
نصيحة احسن ارجع لي نومتك
او اركب طائرة الزمن وعد ورا ، (ساعتها شوفي لي مكان معاك)
علك تجد شيرى وشايننق استار وابومهيار وودعازة وحتي اساسي )
فتناك بعافية
|
Post: #7
Title: Re: EMU
Author: waleed500
Date: 01-23-2007, 10:15 AM
Parent: #6
ابراهيم على
تحياتى وليك وحشة يا رجل
ايمو ده من ما عرفتو وهو داخل فى شاكوش وخارج من شاكوش
غايتو راسو ده اطرقع عديل كده وحتى ما فضلت فيه مساحة لشاكوش
|
Post: #8
Title: Re: وجدتكم غرباء
Author: ابو عثمان
Date: 01-23-2007, 10:29 AM
Parent: #1
ايمو
سوف تتعود شوية شوية انشاء الله
تحياتي
|
Post: #9
Title: Re: وجدتكم غرباء
Author: EMU إيمو
Date: 01-23-2007, 04:00 PM
Parent: #8
رقم صفر
الدنيا دبنقا
أحلام وقائع منامات تهيؤات حقائق وربما ضلالات بصرية أو كوابيس
اليوم الأول للمغترب في الخرطوم كليلة الدخلة
كلمات مبعثرة مع شوية إرتعاشات حتى تبتل ملابسك ويذهب عنك الخوف
الوليد وليد
ما عندك فكرة عن مشروع زواج جماعي للمشوكشين من القطبين الشمال والجنوب
ابو عثمان
لك ودي
وشكراً على المؤازرة
|
Post: #10
Title: Re: وجدتكم غرباء
Author: Elkhawad
Date: 01-23-2007, 06:22 PM
Parent: #9
شباب دة شنو كلكم ترخيص 2002
ايمو اذيك ياخي وباقي الحلوين ابراهيم علي وابو عثمان
نحنا قاعدين ......
قال غرباء قال*
*ابو حراز نفر
|
Post: #11
Title: Re: وجدتكم غرباء
Author: soma
Date: 01-23-2007, 06:35 PM
Parent: #10
الاخ ايمو حبابك بعد الغياب الطال
والف حمد الله على سلامتك
طلتك جابت القرايب والحبايب
كلنا بقينا نتاوق ونجرى من الهجير والحر الكابى ودخانو ضارب فوق
لكن نسوى شنو الله غالب
الا متل الزيكم ياهم هم الببردو ا
ويكسو السحاب غيم ضهرى
المواضيع ما عادمة الملح يا ايمو .. المواضيع وعشان ما نعمم
اغلبيتها فى الحقيقة ملحها زائد.. لما مسبب ارتفاع فى الضغط
ووجع الغربة انطبق علينا وجعين
ربنا يهدى الجميع.. ويقرب القلوب ويعبيها حنية من حنية اهلنا القبيل
**
تخريمة شايفه ناس وليد اشتغلوك
لووول وليد سلامات .. ياخى صاحبك محتاج قلدة محنة بعد الغيبة
الطويلة دى
التحية للجميع وحبابكم من تانى
اسماء الجنيد مسقط
|
Post: #12
Title: Re: وجدتكم غرباء
Author: EMU إيمو
Date: 01-24-2007, 08:28 AM
Parent: #11
الخواض
إزيك يا دفعة
تراخيص 2002 أضحت خارج الخدمة
سعدت بطلتك يا غالي
سوما بت الجنيد
حبابك
عيب تبصي بفوق الحيطان (بوهيات المهندس)
صدق من قال النساء كالأشجار
ان لم تطاول ثمارها ظلالها تكفي
الحنين للزمن الجميل ، أيام لها إيقاع
يا ليتها تعود من جديد.
وليد كمثلي لقد شاب رأسه
والكارثة أن يشيب فؤاده
تسلم بت الجنيد
|
Post: #13
Title: Re: وجدتكم غرباء
Author: ابو عثمان
Date: 01-24-2007, 08:35 AM
Parent: #1
نطالب بتقسيم الثروة والسلطة لجيل 2002
أو نعلن الأنفصال
|
|