يا بكري .. معتصم العربي ود الإمتداد ينتظر إذن الدخول

الأخ والصديق معتصم عبد الرحيم (العربي) ود الامتداد
ظل من المتابعين والمداومين على قراءة هذا المنبر
لعدة سنوات وقد خاطبك يا بكري لنيل عضوية المنبر ولكنه
لم يستلم رداً.
وهذه سانحة نطلب فيها التكرم بمنحه عضوية المنبر
ولا شك أنه سيكون إضافة حقيقية.
والدعوة لأولاد الإمتداد الموجودين بسودانيز أون لاين
أن يهبوا لتزكية الأخ معتصم العربي..

فوق

الأخ نصر الدين
تحياتي واحترامي

أثنّي بشدة طلب منح العضوية
للرجل الخلوق والمؤدب الأديب
معتصم العربي .. ومداخلاته عبر
الإيميل الخاص ببوست الامتداد تؤكد
علو كعبه وحصافته وأدبه الجم .


ونرجو شاكرين المهندس بكري التكرّم بنحه العضوية



ولك الشكر اخي نصرالدين

الأخ العزيز بكري
الأخ معتصم يمتاز بما يلي :
1- هلالابي
2- جعلى ( الما جهوييين يمتنعون)
3- من الامتداد
4- تم ترشبحه بواسطة الرجل الخلوق نصر الدين( نسمة في عز الصيف)


شو بدك أكتر من هيك؟؟؟


نهنىءالأخ معتصم مقدما علي العضوية

الأخ الحبيب القردابي
وين أراضيك يا راجل.. عساك بخير وصحة
لكين التثنية عندك..
بالإضافة إلى خياراتك وامتيازاتك المذكورة، يبقى خيار
وكرم بكري هو الحلقة المأمولة..
ما قصرت تب يا زول مع قريبك معتصم
وربنا يعجل استجابة الباشمهندس بكري
مشكور على الثقة الغالية يا غالي ولا عدمناك..

الأخ العزيز أمير
تحية الود والإعزاز
أشكرك جزيل الشكر على الاهتمام والتثنية
وشهادتي أنا في معتصم مجروحة لأنه أخي الذي لم تلده أمي.
وكما ذكرت فقد ظل معتصم مواصلاً معكم في بوست الامتداد
عن طريق الأخ طارق جبريل
وهو يتعشم أن تمتد مساحات التواصل مع الجميع من خلال
هذه النافذة المضيئة.
وأضم صوتي لصوتك مطالباً الباشمهندس بكري
بأن يجعل وجود معتصم بيننا ممكناً..
مع عميق ودي لك وللجميع..

الحبيب نصر الدين
تعلم اننى لست من الامتداد ولا جعلى
ولكنى ازكيه لان زكيته
وثقتى فيك ومن تزكيه لاتحدها حدود
بالله يابكرى عشان نصر الدين اديهو الباس وورد

جلال ناصر

Quote: تعلم اننى لست من الامتداد ولا جعلى ولكنى ازكيه لان زكيته وثقتى فيك ومن تزكيه لاتحدها حدود

الصديق العزيز جلال ناصر
تحياتي وسلامي الحارين
بالتأكيد أعلم كل ذلك وأكثر
ومع ذلك لم أستغرب تزكيتك لمعتصم لأنني لم
أعهدك متخاذلاً بل عهدتك رجلاً شهماً لا يصدأ
ولا تتخيّل مدى سعادتي بتواجدك معي هنا..
أنا شاكر ومقدر لك وفخور بمعرفتك
وإذا جمعتك الظروف بمعتصم فسيفتخر كلاكما بالآخر
وتقبل فائق تقديري واحترامي لك..

حبيبنا نصر الدين

تحياتي

ود عمي الغالي عمر طرح المميزات الخاصة بمعتصم العربي ود المحمية

جعلي وامتداد ديل معاهو للآخر

لكن خايف هلالابي دي توديهو الخور


يا امسحوها يا اكتبو فيها (هي بسم الله أقصد مريخابي عظيم) وبعد داك
اعملو نايمين اصلهم عايشين على خيراتنا (المحمولة جواً)

يا باشمهندس عجّل بضم معتصم فهو جدييييييييييييييير بذلك
تحياتي نصر الدين وانت صاحب معتصم وعمر محمد الحسن كان كدي آآ زول انت هيلنا تب

Quote: حبيبنا نصر الدين تحياتي ود عمي الغالي عمر طرح المميزات الخاصة بمعتصم العربي ود المحمية جعلي وامتداد ديل معاهو للآخر لكن خايف هلالابي دي توديهو الخور يا امسحوها يا اكتبو فيها (هي بسم الله أقصد مريخابي عظيم) وبعد داك اعملو نايمين اصلهم عايشين على خيراتنا (المحمولة جواً) يا باشمهندس عجّل بضم معتصم فهو جدييييييييييييييير بذلك تحياتي نصر الدين وانت صاحب معتصم وعمر محمد الحسن كان كدي آآ زول انت هيلنا تب الأخ العزيز أمير أسعد الله أوقاتك بكل خير أخونا عمر رجل شديد الظرف يحاول دائماً إشاعة البهجة في الأجواء بتعليقاته الساخرة التي تغيظ البعض (طبعاً إغاظة حلوة) وقد قرأت مداخلته وعملت مسردب لأني خايف لو دخلت لجوة تجيب لينا الهواء.. والتثنية بتاعة عمر أضحكتني جداً وأرجو ألا تكون قد أغاظت أحد فنحن لا نريد أن نزعل أحبابنا وأخواننا وتجمعني بعمر ومعتصم أشياء كثيرة منها الميزة الأولى والثانية والشارقة والمحبة وقبلها السودان وطننا الجميل.. وكنت أتمنى أن تكون معنا في الميزة الأولى التي تجمع أغلبية الشعب السوداني إلا من أبى.. وكما يقول أهلنا الهلالاب: السوداني يولد هلالابياً وأبواه إما يمرّخانه أو يموردانه وده الشي الحصل ليك إنت يا أمير.. والمحمولة جواً دي حاولوا أفيقوا منها شوية عشان ما تطلعوا من دوري ال 64 في كل مرة. جماعتكم اليومين ديل معسكرين عندنا وشايف قريبك عمر زي عندو نية يزور حبيبنا الزعلان (طمبل).. شفت الراجل ده مرضان كيف بالهلال؟ ثق يا أمير معتصم ما في أي واحدة من الخيارات حاتوديهو التوج (إن شاء الله) ونحن جميعاً نتحرق لنعانق حروفه الحنينة.. مشكور يا أمير على التواصل وإشاعة البهجة في البوست ويا معتصم خليك على الخط وقرّب تعال ما تبتعد..