زيارتي للخرطوم بعد 17 عام.

الاخوة والاخوات.

كما تابعتم جميعا موضوع زيارتي للخرطوم خلال الايام الماضية. وسوف أقوم بكتابات ومواضيع مختلفة عن تجاربي وعن التغير الذي حدث في الخرطوم, خلال الفترة التي قضيتها بعيدا عن السودان. الشئ الذي تأسفت له كثيرا هو عدم قدرتي زيارة بحر الغزال مسقط رأسي, وذلك لأسباب خارجة عن أرادتي.


دينق.

عودا حميدا يادينق

عودا حميدا إلى المنبر يا دينق

وبإنتظار تحقيق وعدك بالكتابة عن مشاهداتك في الخرطوم بعد 17 سنة

الاخ/ جورج بوك
حمدلله على السلامه
وانشاء الله تكون قضيت اجازة جميلة مع الاهل والاصدقاء
وفى انتظارك تحكى لنا.

احمــد خضــر

دينق العزيز

بركة الوصلته طيب وسليم ومعافي
هي غربة جبرية يعلمها الجميع
ومصيرها وإن طال الزمن لزوال
لك أن تعلم الأن في يوم زواج
(بنت الاحفاد) ما ذهبت إلا لكي
التقيك ولم أجدك ولم أحبط وكررت
المحاولة عدت مرات ، سعدت وأنا التقيك
نعم ربما تحدثنا في آطار السلام والاطمئنان
لكني فرح بأني تعرفت عليك .
اتمني لك حياة طيبة ونجاح في كل ما تسعي اليه.

الأخ/ دينق
تحية طيبة
وحمد ا لله على سلامة العودة ولرؤيتك لوطنك بعد غربة وشوق واتمنى ان تطمئننا على عدم تقسمه وتشرزمه.
وأود ان أعزيك فى فقدنا لرجل سودانى اصيل هو الراحل جون قرنق، عوضنا الله بامثاله لبناء سودان واحد موحد دون ظلم أو جور.

ومازال مكانك شاغر
في جوتة الألماني
وفي القلب

وفي عيون البت الحديقة

أها حا تدخل بوست الديم متين ؟

والله يا جورج فرقت كتييير


كتيير جدا معاي


ومع ناس معاي



حتي اسال الكهل صاحب المداخلة الفوق


منعم

دينق سلام عودا حميدا ، صراحة سعدت جدا بمكالمتك بالخرطوم ، فى انتظار اخبار الخرطوم معاك ، كثيرين سعدوا بك فى الخرطوم وذكروك بطيب الكلام .

الاخ الـحبيـب الـحـبوب،
ديــنق،
الـف حمـداللـة عـلي السـلامـة، وربنـا يوعـدنا نـحـنا اللينا
21 سنةومـاشــفناالبلـد ولاالآهــل!!!!، منتـظرين كـتاباتك والصـور!

سـؤال هـام: " لسـة موجـودة قـوائـم الـمطلوبين بـمطارات ومـوانـي
السـودان????"_

17 سنه ؟
يعنى الخليتو ما دخل المدرسه
لقيتو اتخرج من الجامعه

اها ان شاء الله تكون خطبت ؟

عودا حميدا ويلا دور فى الكيزان
كفاهم ارتاحوا اكتر من شهر

Quote: لك أن تعلم الأن في يوم زواج (بنت الاحفاد) ما ذهبت إلا لكي التقيك

يا دينق يا ولدى هسع انت عمرك كم؟ عشان أنا لما شفتك فى لقاء أمدرمان مطجع المورده قايل عمرك 17 سنه ....ما شاء الله تبارك الله الله يزيد ... قلت لى خرجت قبل 17 سنه ؟؟، والسبب شنوه؟ ما تكتب لينا مذكراتك بتاعة ال 17 سنه عشان نحن هنا عارفين التغيرات . عشان التغيرات بتهم بورداب الخارج ... لكن ال17 سنه دى بتهمنا نحن بورداب الداخل.

عمتكم قورايه

يا ناذر يا ولدى أنا تحولت من عمكم الى عمتكم ولا لسع فينى رقشه؟؟

الله يجيب العواقب سليمة يا ملاسى
الحتة الوقفت فيها دى أنا وقفت فيها قبل ما أمر على مداخلتك
و(إلا) إعتبرها زائدة حتى يستقيم ما يرمى له صديقى النابرى

________
يا ملاسى (أظنى) بقيت أمنجى زيك ومانى عارف
تحياتى ليك ولنابرى
ولى (جنا عرب) حبيبنا دينق

دينق الكوز
قالوا اللواء ود جمعة كان متابع تحركاتك كلها من الألماني لنمرة عشرة
وجادع ليك غواصتين تلاته كده و غواصاية واحدة
أحد الغواصين عندو فنلة عجباه مخططه عرض (شلوخ شايقي) و بشبه كوجاك أبو صلعة و التاني لابس نضارة و التالت برضو لابس نضاره و شايل عود


المهم كدي خلينا من الذكريات دي
وهو غير كتابتنا للذكريات و قفا نبكي الودر البلد شنو?

خلينا كدي في المهم
أين الجرجير???!!!

كوستاوى تانى قام جاب سيرة البحر... جرجير شنو يا خردة خلى الزول ياخد نقاهة ويشرب شوية جوس ويحكى ليناالحصل...

Quote: أين الجرجير???!!!

انت قلت جرجير واللا تيراب جرجير؟؟ فى فرق بين عم احمد وحاج احمد!! يا كرمبا.. ما شفناك فى الزحمة الاخيرة..

منان

بعد ان حسمنا امر الجرجير والتيراب نرحب بحبيبنا دينق.. طبعا ناس الحركة مشرفين واشنطن اليومين ديل وغيابك ظاهر.. مرحب بيك والف حمد الله على السلامة ومنتظرين طلتك القوية..

منان

حبيبنا دينق، ألف حمد لله على السلامة وعوداً حميداً، وفى إنتظار الحكي، بس أهم حاجة يكون مُدعم بالصور يا دينق

وجانا شمارك يا دينق وقالوا بكيت فى المطار ودي برضو أحكيها لينا وسمح الكلام فى خشم سيدو

وبالمناسبة الكرمبا شالتو الهاشمية وحلف وقال:إلا يمشي السودان السنة دي

كوستاوي ...

Quote: و التالت برضو لابس نضاره و شايل عود

صحبي دينق دا غنيت ليهو في حفلة وداعو قال إلا يتعلم العود هسسسسسع دي قلت ليهو عود هو ولا تيراب جرجير داير تشيلو معاك في يوم واحد ! لو داير تتعلم عليك تلزم الجابرة وتقعد معانا في الخرطوم سنتين تلاتة عشان نعلمك وبعد داك ترجع لأمريكا

الزول لاوز قال بلا عود بلا بطيخ !! مالو ومال الاعواد خليناهو يرجع أمريكا ويضرب البيرجر لانو عبد المنعم هراهو هري بي كوارع الديم

الأخ / دينق
سلام واحترام ،،،
الحمد لله على السلامة
ونحن في انتظار مواضيعك عن زيارتك للخرطوم
تقبل تحياتي
أبو كريم

اتخيلت انو صديقى جورج قد كتب حاجه هنا!!
عموما حمدالله على السلامه
أخى جورج

عودا حميدا

وبإنتظار تحقيق وعدك بالكتابة عن مشاهداتك في الخرطوم بعد 17 سنة

يا دينق
عن اذنك ملاسي ده

ملاسي سلام وتقدير
شايف كلامى ده عجبك :-

Quote: لك أن تعلم الأن في يوم زواج (بنت الاحفاد) ما ذهبت إلا لكي التقيك

اوعه يا ملاسي تكون فاكرني جيت لي بت الاحفاد!!!

Mr. Deng
!welcome back

Quote: وبالمناسبة الكرمبا شالتو الهاشمية وحلف وقال:إلا يمشي السودان السنة دي

توقيعات لمنع دخول اكلة الجرجير من الطراطير والعواوير الي السودان

يا دينق

نحن منتظرين كلامك عن الخرطوم والبلد عامةً

رايك مهم جداً (أوع تكون بقيت كوز بس)

أبوفتحية

...
...
جورج

حمد لله على السلامة

اهلا ومرحبا بالعزيز دينق

لعودته الي منبر السجال والنزال

وبالتاكيد في كنانته الكثير من السهام.

هباني

سهام شنوه يا هبانى !!
كنناته بها أشياء كتيره
يعنى معقول عوده بعد 17 سنه ورجوع ( واشنطون - الخرطوم - واشنطون) يكون شايل سهام...
الكنانه مليئه صواريخ كروز
وكمان حاجات وحاجات

عمتك قورايه

زيارتي للخرطوم بعد 17 عام.


أوعك تجي تقول لينا

زيارتي للقولد
و الصديقي




was alsudan

..
.

Quote: زيارتي للخرطوم بعد 17 عام

تعجبنى فيك يا دينق صراحتكـ
رغم انو كا حصل لينا الشرف - لظروف خارجه عن إرادتنا -
بس تحديد الخرطوم بدينى مصداقيتك المفتقدة ..

Quote: الشئ الذي تأسفت له كثيرا هو عدم قدرتي زيارة بحر الغزال مسقط رأسي

ياخى ان فتحت للجنوب كلو وحكومته ..
بقت على بحر الغزال .. الطيارات وقفت ..
والله اهلك ناس UN ساى كنت مشيت ليهم عندهم طياره كل يوم
انت بس خليك صريح - كما عهدناك - وقول طاب ليك المقام و
والاكسبرسو والكابتشينو فى اوزن و الحوم البيضاء والحمراء
_________________


من الانا شايفو دا يا دينق
انت زول هاف كاست دى ما ملامح - دينكا بيور - تانى بالله بطل شربكه فى
العرب واخطى درب بشاشه -( بالله مافى شبه فى ذمتك )

وول كم باك الى ديار عمكـ سام
ولا تذرف الدموع حتى الملتقى
ويا حمام حم حم
انزل شتت ليك سكر ؛

حمد الله على السلامه

اتمنى بانك قد استمتعت بوقتك هناك.


BOB

الخواف تبلدينا


اقصد الاخ تبلدينا


ما كان تقول كلامك ده لما دينق كان في الخرطوم

وللا خايف من الضربة القاضية !!



شكرا للشوفة


كسرة : وشك كده وللا قلبو الشتاء

منعم

..
.

والله كان العشم .. بس الغتاتات ما سمحه
تقدلوا وتمدحوا مع الهاف كاست دينق ..
فى المطاعم الفاخرة وحفلات ابوساندرا ونحن
ما نحنا !!
البركه فى سمرية والعوض فى منو ....!!؟

__ مخرج __

صلعتك مجففه ولا مبسترة !!؟

Quote: صلعتك مجففه ولا مبسترة

لا هذا ولا ذاك ولا رقص الهنود الحمر حول النار


مخنصرة .. تشتري ؟!!



بس والله يا تبلدينا جرئ !! ده وش تجي بيهو حفلات الناس



والله لو انا منك اعمل (وشين) واحد للمناسبات وواحد للشغل


اتكل ع الله واشتغل بعاتي


منعم

..
.
قرقر قرقر قرقر

وش مكوى مع فل سوت
احسن من قميصك الاحمر وصلعتك الصفراء ..
قالو كلدينغ ما بشوف لمعان صلعتو
وكمان شغال خلط بكل جراءة
ياخى البوردابي الضيف الجاى معاى من الجبيل
ما عبرتو بكلمتين رغم الفل سوت والتهذيب والوجاهة
لمن شافك داخل قرب يقول لى نمشى العرس التانى ..

_______________

كدى تعال شوف وش الشغل عشان ناس
السكيرتو يطردوك من الرسبشن
الرسبشن يعنى الاستقبال .. سمح

!!!

Quote: صلعتك مجففه ولا مبسترة !!؟

دي مبالغة

عبد المنعم تبلدينا دا اختاهو

..
.
سلام يا أبو النيز
الزول دا ما لسه براند نيو ( على وزن براد بيت ) وكدا
خليهو لى شوية ..
اطقعو فى صنقورو دا ..
انت برضو بره الفورمه ولا كيف!!؟

تتصور انا قلت لمنعم دينزل واشنطن
بس اظنى غلطان
لانى اعتقد انو دينق دا زى الاخ الشقيق لدينزل واشنطن

______________

دينق اديك شوية صوفات تزرعها بدل شنب
J/k
Nothing is personal

(1)


وأنا في زحمة من العمل الشاق خطرت ببالي فكرة السفر للسودان في أقرب أجازة قادمة ولم تكن هذا المرة مثل المرات السابقة التي جأتني نفس الفكرة من قبل ولكني لم أنفذ. كل الظروف مهيئة الان لزيارة السودان خصوصا بعد إتفاقية السلام (نيفاشا). رغمالنصائح والتحازير من بعض الاصدقاء والاهل لمثل هذا الزيارة في ظل الوضع الحالي ولكني أصريت إصرار من يجب علي القيام بهذا الرحلة, خصوصا وأنني قد لا أجد فرصة قادمة قريبة لمثل هذا الاجازة. وصلت لمطار الخرطوم في اليوم السابع عشر من ديسمبر 2006. الشئ الاول الذي لفت نظري هو الكم الهائل من طائرات الامم المتحدة بمطار الخرطوم, لقد كان عددهم أكبر من عدد طائرات الخطوط الجوية السودانية. في تلك اللحظة ضحكت مع نفسي على موقف الحكومة الرافض المتشدد لتدخل قوات الامم المتحدة بدارفور.

دينق

..
.

Quote: الشئ الاول الذي لفت نظري هو الكم الهائل من طائرات الامم المتحدة بمطار الخرطوم, لقد كان عددهم أكبر من عدد طائرات الخطوط الجوية السودانية

.
وبعد دا ما لقيت طيارة جات بفوق عشان تضرب الكيزان ..
أوووبس ..
قصدى ما لقيت طيارة مسافرة واو او ملكال او جوبا !!؟؟
معقولة بس فى ناس ما بتزور اهلها!!؟؟

Quote: رغم النصائح والتحازير من بعض الاصدقاء والاهل لمثل هذا الزيارة في ظل الوضع الحالي ولكني أصريت إصرار من يجب علي القيام بهذا الرحلة

17 سنة لو ما شفت الخرطوم تشوف شنو عاد .. جوبا مثلاً !!؟
_________________

شد الحزام شديد!!
سحب بركانية فى الأفق!!

المستلب ثقافيا تبلدينا.

شايفك زعلان شديد جدا لزيارتي للسودان, وبعدين من متين واحد مستلب ثقافيا مثلك يكون حريص على "زيارتي لأهلي" يا لك من منافق حاقد.

شوف يا تبلدي ولا قنقليز أنت دخلك شنو بسفري أو عدمه وبعدين على الاقل في ناس عندهم أهل. بلاش قلة أدب معاك.

دينق.

Quote: شوف يا تبلدي ولا قنقليز

Quote: وبعدين على الاقل في ناس عندهم أهل. بلاش قلة أدب معاك

والله صدقت فيما قلته يا اخي دينق ,,,


حمد الله علي سلامة العودة

وسعدت جداً بلقاءك

..
.
العنيق آوووى .. بخال
مالك شايت شمال ..
والله صدقت فيما قلته يا اخي دينق ,,,
طلعتنى بدون اهل وقليل ادب ..كمان
يا زول ما تحترم نفسك واتعلم تتكلم
انت ما عارف اهلى منو!! ولا ما سمعت بيهم خالص ولا بتعرفهم
والله سبحان الله .. بقيت تتفاصح وتقل أدبكـ
الواحد عشان كان بحترمك ووبعاملك بكل تقدير وإحترام
وبدافع عن ارائك ومعتقداتك
عايز تطلع لينا فى رأسنا .. الواحد لو كان بعاملك كما يعاملك
الاخرون ما كان جيت وطبلت يا مطبلاتى ..
عايز تطلعنى انا قليل ادب يا زول .. يا زول ما تقوم تربط كرفتتك دى كويس!!
انت زاتك اهلك اخر مره شفتهم متين!!
ما بتاعين سوق ليبيا .. بتاعين دارفور..
قاعد تتحاوم لى من نت كافيه لمحلات الايس لذيذ وعامل بتدافع عن قضية دارفور
وكل مره ماخد ليك تذكرة للقاهرة ومره قال لاستطنبول
اها ما لقيت حق اللجوء للان لكندا ولا لسه بتتجارى !!؟
والله ان فعلاًُ زول ما عندك صليح ..

بجيك صااادى
اصبحت احد قرائي المفضلين ..
شد الحزام اشدك على ضهر تور
__________________

أخر الزمااان
بغال يطبل
لا يوجد تعديل يذكر يا بقال رغم ما دار من حديث !!

وبرضو بجيك تااانى

..
.
اخا العروبه دينق
ماذا يعنى الإستلاب الثقافي !!؟
ما تستعين ببشاشه !! جاوب براك بدون واسطه

Quote: شايفك زعلان شديد جدا لزيارتي للسودان, وبعدين من متين واحد مستلب ثقافيا مثلك يكون حريص على "زيارتي لأهلي" يا لك من منافق حاقد

صدقنى انا ما زعلان لزيارتك لما تدعيه وطنك السودان وبعد 17 سنة
رغم انك ليس لك الحق باعتبارك حامل للجواز الامريكى..
لكن زعلان ان اعرف انك مقطوع راس وما عندك اهل ولا زول فى الجنوب ..
او متنكر لاهلك وما عايز تزور المهمشين وتشتت ليهم شوية دولارات
لا واو لا اويل لا جوبا لا ملكال .. كلهم عملت ليهم قرين كارد ولا حاجة.
وهنا اراك انت المنافق تدعى قضية وتطالب بوطن وحقوق ولا تريد ان تلقى نظرة على ما آل
اليه الحال فى جنوب السودان!!

بعدين ما جابت ليها تهديد!!
انت لمن كنت هنا كان تهددنى عشان اوريك اولاد الطيب مصطفى بعملو شنو!!
ويبدو انك الما عندك اهل .. يا قليل اصل انت؛

_______________

بجيك تااانى انت والزغاوى بغال

الاخ العزيز بقال.

نحنا الاسعد يا عزيزي.

دينق.

العزيز دينق....الف حمدآ لله علي السلامة...أتمني أن تكون قد أنجزت كل أهدافك من هذه الزيارة...عمومآ نحن في إنتظارك بي هناك....ودم بألف خير..تحياتي وودي...

راشد الحاج

انت لمن كنت هنا كان تهددنى عشان اوريك اولاد الطيب مصطفى بعملو شنو!!

اظن يا تبلدينا دا برضو كلام كيبورد سااااااااى


حبيت ازكرك مره انا لمن كتبت الكلام دا لواحد من صحبانك انت قلت دا شغل كيبورد ساى وجيت انت ترددو حسه

افتكر الكلام حلو امام الكيبورد تكتب زى ما عايز

اوع تفتكر كمان بطبل لى دينق



بكاش

..
.
الاخ / جورج

ياخى والله الناس قالو لى عصرتك شديد وشديتها معاك
والله انحنا كلامنا دا هنا بننساهو مع قفلت الويب سايد..
منعم بالذات بشوف كدا الظاهر بعد مكالمتك الهاتفية
والكلام القالو ليك دا صحيح 100% - بس ما يكون كدب علي هنا -
ولسنا بصبية للطيب مصطفي - دى الرفعت الضغط -
ولكننى مؤخراً صرت اقتنع ان الانفصال هو البديل الافضل..
بعدين بالجد ناس الحركة الشعبية ديل باعوا القضية
وصاروا يسعون ويمتلكون الفيلل الفاخرة السيارات الفارهة
وكأنك يا زيد لا غزيت لا شفت الغزو ..
ودا كلام الكترونى ساااى البتقال دا
____________________

بعيداً عن السياسة حتزور الجنوب متين!؟
ولك العتبي والمعذرة ..
am outtttttttttttt

Quote: ولك العتبي والمعذرة ..

ولك مني مثلها ان كنت تعنيها حقا.



مودتي واحترامي

..
.

Quote: ولك مني مثلها ان كنت تعنيها حقا

.
واعيدها مرة اخرى .. لاكون عنيتها لك وله - ونعنى جورج ولا مانع من اضافة بقال ..
لك العذر ولنا القبر
مشكلتى انو الجنس اللطيف والكلمة الحلوة دا نقاط ضعفي
يعنى لمن اغير مبادئ يبقي لازم تبحثوا عن المراة فهى المؤثر الحقيقي..

ويظل الود باقياً
واختلاف الراى لا يفسد له قضية.

____________________

بره الملعب ..
نعمل شنو ضعيف واقعاً وامام الجكس برضو

دى بالذات حتعجب نوبي ومنعم وتروتسكى وملاسي
وناذر .. ومنو تانى

يا تبلدينا

يا قنقليز

زعلت مني ولا شنو ؟؟؟

يأخي ما تزعل انت زول صاحبي شديد

وود عز وود اهل وانا بعرفك كويس

ده ما دايرة ليها غلاط ,, الكلام البتقال هنا

ما كلها صحيح مرات بيكون في شوية ونسة وحاجات

كدا وانت براك عارف وكل الاعضاء عارفين حجم الضرر

الذي لحق بي انا شخصياً في المنبر من شتائم ونبذ

وكلام كتييييييييييييييييير ما بتقال , عشان كدا

يأخوي تاني وثالث ورابع نقول ليك ما تزعل وخلي

اخلاقك رياضية ولو كلامي زعلك معليش يأخوي واعتذر

ليك من صميم قلبي والعفو والعافية وتاني ما حأزعلك

تخريمة :-

انت مالك ما تطعن في الفيل تطعن في الظل مالك ؟؟؟
الكلام مقتبس واصل الكلام فوق ليه بس زعلت مني انا
وما زعلت من الاصل ؟؟؟

شكراً علي اتصالك بي صباح اليوم وبتصل بيك بعدين
المساء

..
.

مش قلنا الكلمة الطيبة جواز سفر؛
وما تنسوا الجنس اللطيف
يعنى حسي زى كلام بقال دا تانى الواحد يقول شنو!!؟
بصراحة يا بقال كلامك وتعقبك على دينق بزعل شديد
يعنى بعد الملح والملاح تطلعونا اولاد شوارع وقليلين ادب
انا ما عارف الواحد لسانو حار ولا الناس ما بتتحمل بعض
وعلى العموم عزرك مقبول وعلى العين والرأس وما دام الأسف
وانا برضو بعتذر عن الانفعال والرد البايخ بس لكل فعل رد فعل
انا شايف الفيل دينق
وطعنتو عديل وزى ما بقولو اهلى المسيرية ( نملت ) عديل
والله لو ما الزعل ما كان رديت عليهو زاتو
لكنن برضو انسحبنا
وعلى العموم العفو والعافية
ونسال الله المغفرة ..
بس بصراحة المنبر دا بقي يأثر فى شخصياتنا
مرات منفعلين ومرات معتذرين بالليل نشتم وبالنهار نعتذر
ياخوانا دبرونا الحل شنو!!
ننسحب من المنابر دى ولا كيف!!


يا بكاش
ما قلنا ليك دا كلام بكش سااااى
جورج دا قالو ما بطاقع زول جهامة قدر التبلدية
لكن لو كان ختانى فى حته ضيقة بنادى ليهو اخوان مهيرة ولا وليدات غوش
ما مافى حل الا كده !!

Quote: حبيت ازكرك مره انا لمن كتبت الكلام دا لواحد من صحبانك انت قلت دا شغل كيبورد ساى

وشكراًَ للذكرى .. فهى تنفع المتذكرين ..
بالله صحبي دا منو!! ومتين !!
الخرف يا ولدنا.. عمرنا هنا قدر وليدات فى المدرسة

Quote: اوع تفتكر كمان بطبل لى دينق

المضايرة سمحه
عجبتنى .. عوااافي يا فردة!!

لكم الود باقٍ

عودا حميد اخي الحبيب دينق

اتمني ان تكون قضيت اوقاتا سعيده في سودان التنوع والجمال

منتظرين افادتك حول الزيارة

علي اداب

(2)
لقد كان منظر المطار نظيف من الخارج, والبص ألذي أقل الركاب من الطائرة الصالة نظيف أيضا. لم أمضي وقتا كثيرا في الجوازات أو الجمارك, ولاحظت أن هناك بعض الموظفين في المطار يعرضون مساعدتهم للركاب السودانين الذين يحملون جوازات أجنبية, وهنا تسألت هل هولاء رجال أمن المطار أم مجرد موظفين في المطار؟ الشئ الشء المؤسف هو أن دورة المياه في المطار في حالة يرثى لها فهي مجهزة بأتفه وارخص المعدات الصحية, ولم يكن هناك عامل يشرف على دورة المياه بصورة منتظمة. فأين تذهب الرسوم التي يدفعها الركاب؟

في أول يوم أخرج فيه من المنزل بدأت أتعرف على الخرطوم شيئا فشئ.
كان واضح جدا أن منظر الناس تعبان جدا وشكلهم مهموم شديد. وهناك عدم مبالة من المشاة منهم, فهم لا يعطون أي أعتبار للسيارات المسرعة بمختلف الشوارع.
من الاشياء التي لفتت نظري هو الكم الهائل من السيارات الكورية والهندية في الخرطوم. معروف أن هذا النوعية من السيارات تعتبر غير أمنة وغير جيدة.
فمثلا السيارة الهونداي هناك أكثر من عشرة موديلات من نفس الحجم, فلماذا ياترى هذا الاحتكار لسوق السيارات؟ وسألت أيضا عن الدور الذي كان يقوم به النقل الميكانيكي في فحص السيارة قبل أن يتم التصديق بها وتدخل السودان. فعلمت لم يعد هناك نقل ميكانيكي.

دينق.

العزيز جورج

سعيدة يالتعرف اليك واتمني من الله ان تعود الي ارض الوطن مره اخري

وسعيدة لان المجموعه كانت مثال للسودان الواحد

حمد الله علي السلامه

زينب

أتحدث مرة أخرى عن موضوع السيارات في السودان, لاحظت أن هناك سيارات هونداي عليها علامة كبيرة تشير الى جياد(علامة أكبر من علامة الهونداي). جياد الشركة التي يتم بها تركيب هذا السيارات في السودان. عندما سألت عن جودة هذا السيارات ال"جياد" لم أحصل على إجابة مقنعة عن جدوى السيارات التي يتم تركيبها في السودان, فمازال المواطنين يفضلون السيارة المستوردة فهي أرخص و أجود من سيارات جياد. عموما توجد هناك سيارات فاخرة جدا فمثلا وجدت سيارة أمريكية فاخرة دفع رباعي يملكها جهاز الامن من طراز جي أم سي وفي نفس الوقت مازالت سيارات الهيلمان الانجليزية تعافر وذلك خلاف بعض الاغنياء الذين يستهون السيارات وواضح جدا أن السيارات الامريكية أو البضاعة الامريكية عموما سوف يكون لها شأن كبير في السودان في المستقبل.
لقد وجدت صعوبة حقيقية في التعامل مع ذلك الدينار أو الجنيه, وكنت موضوع سخرية من بعض التجار, ولكن للامانة كان جميع التجار والباعة في غاية الامانة معي, ووجدت منهم كل العون والمساعدة في الدفع عن طريق تلك العملة اللعينة..
التلفونات الموبيل. لقد كان منظر دعايات الموبيل في الطرق والكباري ومخارج ومداخل العاصمة, كان شكلها قبيح ومزعج وألوان قبيحة شوهت منظر الخرطوم القديم.وكل مواطن سوداني يحمل تلفون موبيل وعندما أمر بالقرب من المواطنين أسمعهم يتحدثون بصوت عالي وعن مواضيع قد تكون في غاية الاهمية أو الخصوصية, فمثلا أستعمت لذلك الشاب الذي كان يتحدث مع شريكه عن صفقة تجارية مرتقبة ولكن جل حديثهم أرتكز على ضرورة معرفة "واحد من الكيزان التقال" لكي يضمنون صقتهم المرتقبة. ولكن وجود وسيلة أتصال بمثل هذا الطريقة مهم جدا. وطبعا بعض المرات كنت بنسى نفسي عندما يتصل علي بعض أصدقائي المفلسين بنسى نفسي في التلفون, ولكن بعد داك بقيت أستاذنهم بالاتصال بهم وذلك للتكلفة العالية لتلك المكالمات. وأسخف شئ هو عندما تكون تتحث في مكالمة مهمة تجد نفسك فقدت الاتصال وعليك أن تقوم بتغذية التلفون برصيد وحساب جديد. كل ذل يحث بلا سابق أنزار وكان علي أن أعرف ماذا حدث للتلفون هل هو عطل في الخطوط أم أنتهاء رصيدي؟

والشئ الملفت للنظر الاخر هو بناء العمارات الجديدة بطرق عشوائية ومنظر مشوه. فواضح جدا أن الكل يريد أن يبني عمارة وأنه لا يوجد هناك بلدية أو سلطة تراجع خرائط وتصاديق. وكل ما كنت أشير لأحد العمارات التي تبنى أو بنيت عن من الشخص الذي يملكها تكون الاجابة, أنها ملك للكوز الفلاني. قلت في نفسي يعني لو إتقلب النظام يجب تفتيش العمارات السمحة لكي يتم القبض على الكيزان. حاولت الحكومة تغير بعض المعالم بالعاصمة ولكن المواطنين مازالوا يتعاملون بالاسماء والمعالم القديمة.
فمثلا تم تغير شوارع حي العمارات العريق من أرقام الى أسماء ولكن لا يوجد أي أحد يتحدث عن أسماء أبدا..

Deng

دينق ...

حمد لله على السلامة

وان شاء الله هناك لقيت العقاب بخير

وربنا يرد غربتك نهائيا

تحياتى ليك

سلامات دينق

من الطبيعي ان تجد شكل الخرطوم اتغير وذلك لننا في ظل عهد لم يمر علي السودانين من قبل .

هذه هي الخرطوم اليوم ولا ندري كيف هي في المستقبل.


زينب

Quote: وطبعا بعض المرات كنت بنسى نفسي عندما يتصل علي بعض أصدقائي المفلسين بنسى نفسي في التلفون

عشان كده كنت بتقول لي اقفل انا بتصل بيك !! وانا قايل ده كلة (سكيورتي) !


الاجازة الجاية جيب لي معاك جهاز (الثريا) يا جورج










_____

ربنا يكفينا شر كوستاوي وقته قررررب


اشوفك بخير


منعم

Quote: الاجازة الجاية جيب لي معاك جهاز (الثريا) يا جورج

الاخ منعم.

أنا أكره تلفون الثريا وعندي معه تجربة سيئة وحتي بخاف أقرب منه.
لقد أزعجني هذا الهاتف لمدة عام كامل.

دينق.

..
.
وووين يا جورج
لينا زمن نفتش ليك !!

انا ما داير تلفون الثريا
عايز لاب توب وكاميرا ديجتال
وعربية هامر _ بالاقساط يا زول ما ملح - بضمان بكرى -
شن قولكـ ..

بس يا دينق انت لو ما صورت زيارة
وجيت من غير كاميرتك تكون اتلومت مرتين !!
بالجد مبالغة !!

تحياتنا؛

تبلديينا


اطلع منها هدايا شنو البجيبوها ليك كمان




جورج جيب لي حواوه



منعم

(4)

رغم أن الحكومة قامت بأنشاء بعض الطرق والكباري الجديدة في الخرطوم ولكن تجد أن الخرطوم لم تعد تحتمل هذا الكم الهائل من البشر.
والحديث عن أن الخرطوم مليانة"جنوبين ولا غرابة" هذا حديث لم يعد يصلح لوصف الخرطوم, فلقد وجدت كل أبناء الاقاليم المختلفة في السودان يعيشون في الخرطوم ويحاولون أقتسام ما تبقى في العاصمة السودانية من خدمات و للبحث عن حياة أفضل. وهنا تزكرت أن العاصمة السودانية عندما تم تصميمها بواسطة الانجليز كانت تصلح لنصف مليون ساكن فقط, وكم ياترى عدد سكان العاصمة اليوم؟ وهل توقفت حملات الكشة العنصرية التي كانت تتم ضد أبناء أثنيات معينة؟ لم تتحسن الخدمات كثيرا أو تكون قد تحسنت ولكن مع هذا الكم الهائل من البشر قد لا يشعر بها أي شخص.هناك الكثير من المستشفيات الخاصة التي تم أنشائها أو تحديثها ولكنها لم ترتقي للمستوى العالمي حتى الان. وهذا أحدى تجاربي مع أحدا مستشفيات الخرطوم. علمت أن أأبن أحد أصدقائي الاعزاء قد تعرض لحادث وهو طريح بمستشفى ساهرون(مستشفى الشرطة) ذهبت فورا للمستشفى ووجدت عدد كبير من أقارب صديقية بالمستشفى وبعد الاطمئنان عليه علمت أن أبن صديقي ذو الاربعة أعوام تحت العناية المركزة وأن حالته خطرة جدا. وكنت أقوم بزيارة صديقي العزيز كل يوم بالمستشفى وكنت أسمع منه أن هناك أجهزة معينة مهمة معطلة بالمستشفى وأن حياة أبنه تتوقف على وجود هذا الاجهزة, وبعد خمسة أيام توفى أبن صديقي ذو الاربعة أعوام.
لقد تأثرت كثيرا لهذا الحادث المؤسف الذي حدث لصديقي وسألت نفسي. إذا كان هذا هو حال الخرطوم فكيف يكون حال الاقاليم؟ علما أن صديقي مقتدر ماليا, فكيف يكون حال غير المقتدرين؟

دينق

حمدا لله مجددا على سلامت وصولكم
فقط برجاء عدم حرماننا من هدا السرد الدكى والمتأمل
بالانسحاب خلف الردود لبعض المشاغبييييييييييييييين

(5)

كنت حريص جدا أن أجلس مع بعض أصدقائي القدامى, فمنهم من صار مليونيرا وأخرون دقوا الدلجة. فعندما كنت أجلس مع أصدقائي الذين يعتبرون مليونيرات بمفهومنا في السودان, كنت أجدهم أيضا يعانون بطرق أخرى قد لا تكون بنفس مستوى الفقراء ولكنهم أيضا يعانون من الفوضى في البلاد وعدم النظام في كل شئ. وعدم وجود مؤسسات وقنوات حكومية يمكنهم التعامل معهابطريقة منتظمة وعلمية. ولقد تركزت معظم أسئلتهم ونقاشهم معي عن العقوبات المفروضة بواسطة الولايات المتحدة الامريكية على السودان, فهم يأملون في رفع هذا العقوبات عن السودان ولهم أحلام كبيرة في نوعية التجارة التي يريدونها مع الولايات المتحدة الامريكية في أقرب فرصة. بالاضافة لذلك فهم يطمعون في الاتجاه جنوبا إذا توفرت فرص حقيقية هناك وإذا توفر الامن هناك بصورة مستمرة. أما أصدقائي الذين أفلسوا أو هم مفلسين وتعبانين أصلا , فهم يشكون من كل شئ, يشكون من غلاء المعيشة,الخدمات بأنواعها, صحية وتعليمية, فرص التوظيف العادلة بالمؤسسات الحكومية. وهناك أتفاق تام وسط السودانين أجمع عن فساد وزير الطاقة عوض الجاز وعن عنصريته التامة في تعين الموظفين بوزارة الطاقة, المعروف أن وزارة الطاقة تعطي الان أحسن الامتيازات والمرتبات مقارنة مع أجهزة الدولة الاخرى, فقط تخيل أن وزارة الطاقة صارت أهم من وزارة الصحة.


Deng

سلامات
الحمد لله على السلامه
شكلك اتبسطت شديد فى السودان.. ان شاء الله تعيدها

العزيز
دينق
حمدا لله على السلامة ؛ و المنبر كان فاقدك ؛ و الان تعيد له طعمه.
و دمت
فتاح

UP

أسف للتاخير.

(6)

نواصل.

هناك ملاحظة جديرة بالاهتمام, لقد لاحظت أن الانسات والسيدات السودانيات صار لهن وجود ملحوظ جدا, رغم ما حل بهن من ظلم وقهر بواسطة الانقاذ.
لقد لفت نظري وجود العدد الكبير للعنصر النسائي الذي يتواجد في أي محفل أو أي موقع عمل, فكنت أجدهن بكل المواقع والمناسبات التي حضرتها في الخرطوم. وهناك أيضا ملاحظة , وهي تتمثل في جلوس العناصر النسائية في المطاعم الشعبية لتناول الوجبات المختلفة. في السابق لم يكن بأستطاعة العناصر النسائية الجلوس في تلك المطاعم والمقاهي الشعبية التي صارت منتشرة في كل مكان حول العاصمة. أني أتزكر جيدا بأنني لم أكن أشاهد الانسات أو السيدات إلا في المطاعم والفنادق الراقية جدا, وطبعا كان ذلك متاح لبنات الذوات والاثرياء فقط في ذلك الزمان.
سمحت لي الظروف بإدارة حوار مع بعض طالبات جامعة القاهرة الفرع سموها النيلين على ما أعتقد الان. وجدت تلك المجموعة أمام السفارة الامريكية, تعرفت عليهن بسرعة شديدة(دخلت شمال) وقاموا عزموني أكل معاهن شكرتهن بحرارة لأنني كنت منتظر شخص وقد أغادر ذلك المكان في أي لحظة.
سألتهن عن أحوال الجامعة وعن أحوال البلد بصورة عامة. كل الطالبات كانوا على أتفاق تام بأن البلد أنتهت في نظرهن ولم يعد هناك أمل في أي إصلاح خصوصا بعد وفاة القائد جون قرنق, كانت أحداهن تعتقد بأن جون قرنق كان قائد غير عادي. كان كل الهم الذي يحملونه هو مغادرة السودان بعد التخرج.
كل ذلك النقاش دار من غير أن يعرفون أسمي أو أسئل عن أسمائهن. في النهاية دفعت لهن حق الفطور وغادرت المكان مع صديقي الذي وصل في الوقت المناسب حيث بدأت الاسئلة تمطر علي من جانبهن, ولقد كانت كلها أسئلة شخصية بحت.
التحية الى كل سيدة أو أنسة عانت تحت هذا الظلم الجائر. رغم فرض أزياء معينة على النساء ورغم الجلد الذي يتعرضن لهو بعض السيدات من بعض المووهوسين في الخرطوم, نجد المرأة السودانية مازالت بخير ومازالت تناضل وتقاوم كل الظروف القاهرة.

نواصل.

دينق.

Quote: حمدا لله مجددا على سلامت وصولكم فقط برجاء عدم حرماننا من هدا السرد الدكى والمتأمل بالانسحاب خلف الردود لبعض المشاغبييييييييييييييين

واقول لك الآن ارجو ان لا تجنح فى سردك
لان د. الباقر ود. صلاح الزين قد عكسا الواقع
وهما مختلفين ..ولقد سردا ..وعكسا الواقع
هناك..واعمل حسابك بنفس القدر الدى لم يدعوك
به عبد العزيز حسن على وآله فى واشنطن تجد
بانك..مضطرا لان تسرد..
( بشفافية اكثرلان د.الباقرالعفيف قد حكى متفكرا.
وبفنية قصصيةعالية لان د.صلاح الزين قد....
وبدين لان د.حيدر البدوى الصادق قد شهد المشهد)
ولان عادل عبد العاطى قــــــاعد وقد صرح
بانو وراك وراك لحدى ما بعد الخور..
وهناك ماعندكم حجاز غير نادر ود الخليفه
مع مودتى

.........




Zeinab ElShafie

زوبا.

شكرا لرفع البوست.

دينق.

UP

salam brother Deng
welcomed back

it is good to hear some information about Sudan today!!
i havent being there for quite long time also
i left Sudan on 21st October 1993 and till now i never be back
i hope to go there very soon,,
thanks

abdlaziz

Deng

It must be a wonderful feeling , being home after so long , like a sunny day after a weekend of rain

whenever i am back home (although ive never been away for that long) i take of my shoes the minute i leave the airport let my bare feet touch the ground stand still and let the feeling of love and belonging run through from the land that bore me to my soul

Raga