Post: #1
Title: المواطن السوداني وجواز السفر السوداني في موسوعة دينيس للشواذ
Author: معتز القريش
Date: 01-18-2007, 09:42 PM
الجواز السوداني هو الجواز الوحيد في العالم بصلاحية سنتين !!!
المواطن السوداني هو المواطن الوحيد في العالم الذي يحتاج الى تأشيرة خروج عند السفر!!!!
زمان قلنا عشان الحكومة فقيرة وبربطونا بالسنتين والتأشيرة عشان ندفع الضرائب !!!
هسة بقى عندنا بترول ولغوا الضرائب !!!
لماذا لا نكون كاشعوب المحترمة بجواز سفر لمدة خمس سنوات !!!
لا نطمع ونقول عشرة سنوات ولا عشرين سنة زي الهنود!!!
ويا ربي متين الواحد فينا اقدر اسافر من السودان بدون تأشيرة خروج؟
|
Post: #2
Title: Re: المواطن السوداني وجواز السفر السوداني في موسوعة دينيس للشواذ
Author: بكري الصايغ
Date: 01-18-2007, 10:02 PM
Parent: #1
الاخ الحبيـب الحبـوب،
مـعتـز القـريش،
تـحـية الـود والاعـزاز،
قـدم احـد السودانيين جـوازسـفرة للمسؤول باحدي السفارات العربية بغية الـحصول علي تاشيرة دخـول لبلـد هذا الـمسؤول، تطلع المسؤول في الجواز
ثـم ارجـعة للسوداني طـالبآ ومنة شهادة خلو من مرض الايـدز!!!،واوضـح للسوداني ان اجراءات بلادة الجـديـدة تشـتـرط الـخلو من هـذاالمـرض حـتي يسـمح لة بالـدخول!!!!_
" الـقضــية لـم تعـد في مـدة سـريان الجـواز، وانـما كيف تتعامل معنا
دول العالـم!!!!"_
|
Post: #3
Title: Re: المواطن السوداني وجواز السفر السوداني في موسوعة دينيس للشواذ
Author: معتز القريش
Date: 01-18-2007, 10:07 PM
Parent: #2
أخي بكري
أنا معاك ولكن سؤالي لماذا علينا أن نكون أدنى الشعوب في كل شئ
حتى جواز السفر أقل صلاحية في الدنيا
لماذا علينا مراجعة السفرة كل سنتين لتجديد انتمائنا لبلدنا؟
|
Post: #4
Title: Re: المواطن السوداني وجواز السفر السوداني في موسوعة دينيس للشواذ
Author: sudania2000
Date: 01-18-2007, 10:08 PM
Parent: #1
الضلامي الفنان
سلامات
غايتو انا تاشيرة الخروج دي مزعلاني شديد لانها مضيعة وقت
وبقترح كان القصة جمع قروش الايضفوها في في التذكرة ولا رسوم المطار
الكارثة الاكبر فكرة التجديد كل سنتين 50 دولار وبرضو جمع قروش
ونهب مصلح علي قول الطلاب
دا غير الاوراق تتملي ويلصقوا ليك اثنين مع بعض قصة غريبة
موضوع التاشيرة للسيدات دا ما بتكلم فيهو هنا
عشان انت ضلامي 
تسلم
وشكرا
_______________________________________________
**** ملحوظة :::: موسوعة دينيس للشواذ=قصدك غينيس أوGuinness World
http://www.guinnessworldrecords.com/ar/history.aspx
|
Post: #5
Title: Re: المواطن السوداني وجواز السفر السوداني في موسوعة دينيس للشواذ
Author: معتز القريش
Date: 01-18-2007, 10:14 PM
Parent: #4
سلامات يا ذوق
أي موسوعة مش مهم المهم انو انحنا ضمن الشواذ
بس كيف نقدر نحل المشكلة دي ؟
هنا السؤال
هسة ريحونا من الدولار ابو الفين عملوه ب 2.5 جنيه
يا ريت كمان اريحونا من موضوع السنتين والتاشيرة الما ليها لازمة دي
|
Post: #6
Title: Re: المواطن السوداني وجواز السفر السوداني في موسوعة دينيس للشواذ
Author: rani
Date: 01-18-2007, 10:38 PM
Parent: #5
| Quote: ويا ربي متين الواحد فينا اقدر اسافر من السودان بدون تأشيرة خروج؟ |
وانا بهنا بقول يا ربي متين الواحد فينا يقدر يمشي السودان بدون تاشيرة دخول؟
عارف اتصلت قبل فترة علي السفارة السودانية بكندا بخصوص تاشيرة دخول
المهم الموظف الرد علي كبر لي الشغلة جنس كبيرة، شي ما عارف حنرسل طلبك السودان
ولازم تلقي قبول من هناك، وشي دايرن صورة من جواز امك وكلام كتير كتير كده.
سالت نفسي يالله اكون ماشي وين انا؟
علي اي حال الله يكون في العون
|
Post: #7
Title: Re: المواطن السوداني وجواز السفر السوداني في موسوعة دينيس للشواذ
Author: جلال ناصر
Date: 01-19-2007, 03:47 PM
Parent: #1
الحبيب القريش
اولا التحيه لكل الاحباب فى مربع 3 شندى فوق الدويم
ومبروك العرسات التلاته
اتزاملنا فى مسائى بخت الرضا سنه فى (ولا مافى داعىللسنه)
اتفق معك ومع الاخت سودانيه انو المشكله رسوم وجبايات
واحكى لك ما واجهته بسبب السنتين
تقدمت للخارجيه فى جنوب افريقيا ومع اخرينمن دول افريقيه اخرى لمنحى اقامه لمده ثلاثه سنوات وفقا لعقود عملنا
منحوا كل زملائى اقامه لمده ثلاثه سنوات ونمحنونى سنه واحده بسسب ان صلاحيه الجواز سنتين
بعض زملائنا من الدول الافريقيه الاخرى صلاحيه جوازاتهم لمده عشره سنوات
الحال لن ينصلح طالما العقليه الجبائيه موجوده وطالما ان الرسوم تحددها الشرطه
سلام لمهلب القريش
ومشتاق للفرقتين فى ميدان مربع 3 وتحدى يين ببويه مكى وعبد العال همام وعصام كبرو وبخارى جاركم الدنقلاوى البكاى واخرين كثر نتزكرهم ونحبهمز
جلال ناصر
|
Post: #8
Title: Re: المواطن السوداني وجواز السفر السوداني في موسوعة دينيس للشواذ
Author: معتز القريش
Date: 01-20-2007, 11:26 AM
Parent: #7
أخي جلال
تحياتي يا راجل انت وين
يا أخي مالك علينا رجعتنا لأحلا ايام عمرنا هسة يعني نبكي ولا نسوي شنو ؟
عزيزي مشلكة الجواز السوداني أبو سنتين دا عامل زي الطفل الرضيع
ما عارفين متين ح افطموهو .
بس المشكلة انو حكومتنا ما هاميها الموضوع ولا شغالة بيهو شغلة
ما هم عندهم جوازات خاصة وجوازات دبلوماسية وانحنا لينا رب العالمين
عزيزي ماذا ترى أن يكون الحل ؟؟؟؟
|
Post: #9
Title: Re: المواطن السوداني وجواز السفر السوداني في موسوعة دينيس للشواذ
Author: عبدالرحمن عبدالله أبوشيبة
Date: 01-20-2007, 11:58 AM
Parent: #8
Quote: بس المشكلة انو حكومتنا ما هاميها الموضوع ولا شغالة بيهو شغلة
ما هم عندهم جوازات خاصة وجوازات دبلوماسية وانحنا لينا رب العالمين
عزيزي ماذا ترى أن يكون الحل ؟؟؟؟ |
يا أيها المعتز الظلامي الشفيف ،، أوقاتك سعيدة يا رب .
بعد قراءتي لهذا البوست تحادثت مع شخص قريب من المصادر في جوازات وزارة الداخلية وسألته عن ملامح الجواز الجديد الذي سيصدر مطلع العام القادم 2008 فأخبرني أن تجديد الجواز الجديد يتراوح بين مقترحين الأول خلال خمس سنوات والثاني عشر سنوات مع ترجيح كفة الثاني بعد أن أوصى بها القائمون على أمر جوازات المغتربين بدول المهجر.
لك التحية والتقدير أخي القريس
|
Post: #10
Title: Re: المواطن السوداني وجواز السفر السوداني في موسوعة دينيس للشواذ
Author: Hisham Ibrahim
Date: 01-20-2007, 12:38 PM
Parent: #1
اخواني، سلام
أنا جوازي بقى بدون صقر الجديان!!!!!!!!!!!! وحالتو زي كرت التموين الزمان داكـ!!!!!!
قلت للقنصل غيرو لي لأنو جوازي مرات بيمشي لتأشيرة مع جوازات تانية محترمة قال لي : ما عندنا دفاتر!!!!
إنا لله وأنا اليه راجعون.
هشام
|
Post: #11
Title: Re: المواطن السوداني وجواز السفر السوداني في موسوعة دينيس للشواذ
Author: Salah Waspa
Date: 01-20-2007, 02:32 PM
Parent: #1
وبعض الناس الوهم على قولة معاذ يزعلوا وقوموا الدنيا
ولي حسع واقفة .. كيف وكيف تاخدوا جوازات أجنبية !!!
وردنا ليهم يا معتز راجعوا بوست معتز القريش .
تحياتي
صلاح واسبه
|
Post: #12
Title: Re: المواطن السوداني وجواز السفر السوداني في موسوعة دينيس للشواذ
Author: Elbagir Osman
Date: 01-20-2007, 03:25 PM
Parent: #1
تأشيرة الخروج إنتهاك صريح لحق المواطنين
في التنقل الذي نصت عليه المادة الثالثة عشر
في الإعلان العالمي لحقوق الإنسان
في فقرتها الثانية
أقترح قيادة حملة من هذا المنبر
لإلغاء تأشيرة الخروج
كما تمنع هذه الفقرة ممارسات مثل
الكشة
وتجعل موضوع ترحيل الجنوبيين
للجنوب موضوع تساؤل
الباقر موسى
الإعلان العالمي لحقوق الإنسان
المادة 13
1.
لكل فرد حرية النقل واختيار محل إقامته داخل حدود كل دولة.
2.
يحق لكل فرد أن يغادر أية بلاد بما في ذلك بلده كما يحق له العودة إليه.
Article 13.
(1) Everyone has the right to freedom of movement
and residence within the borders of each state.
(2) Everyone has the right to leave any country,
including his own, and to return to his country.
|
Post: #13
Title: Re: المواطن السوداني وجواز السفر السوداني في موسوعة دينيس للشواذ
Author: عبدالرازق نقد
Date: 01-20-2007, 05:00 PM
Parent: #1
Quote: أقترح قيادة حملة من هذا المنبر
لإلغاء تأشيرة الخروج |
أثني
|
|