Post: #1 Title: مين سمـّى ترحالك .. غياب !؟ Author: معتصم دفع الله Date: 01-17-2007, 04:50 PM
لم يكن مصطفى الولد اليافع المولود في عام 1953م يحلم بأكثر من وطن للحرية ، كان يتجول وسط الخضرة في قريته ود سلفاب متيمم شطر النيل متوكي عصى محمد أحمد مهموم بإنسان بلاده متحسساً آلام الناس ومعايش أحوالهم فخرج من طين تلك الأرض .. بدأت موهبته باكراً وأنطلقت نجوميته وكانت بورتسودان محطة مهمة في حياته الفنية وإلى جانب الغناء كان يجيد الرسم وفن التشكيل .. إشتغل بالتدريس فكانت أن تضاربت مع دخوله لمعهد الموسيقى والمسرح فترك الأولى فدرس بقسم الموسيقى ( قسم الصوت ) ..
فات الكان بدّينا إحساس بالإلفة وكان راوينا فات الباكى جرحنا .. وناسى جروحو ولافـّى ورانا مدينة .. مدينة فات الصاحى ونحنّ نغط .. فى النومة السابعة طالق حســّو .. ولا حسـّينا حتـْحـتْ فينا غناهو الطاعم .. وفات قنعان من خيراً فينا سلامات يازول يا رائع سلامات .. عوّافى سلامات يا خلاصة الخير الفى الناس وترياق الزمن المتعافى سلامات يازول يارائع سلامات عوّافى ( أزهري محمد علي ) ..
كان كل شي في ذلك اليوم ينبئ بشي من الحزن .. ثم هناك حدث فترقبوه حدث سيهز كل الأرجاء .. ثم جاء الناعي أن مات مصطفى !! حزينة هي الخرطوم الآن .. حزين كل الوطن .. الكل يبكي في حرقة من يعزي من؟ كلنا نعزي أنفسنا فيك .. يا الله ( سحابات الهموم يا ليل بكن بين السكات والقول ) ..
مين سمـّى ترحالك .. غياب!؟ والغيبة بتزيدك .. بها لو يرتق الحزن .. المصاب كان بعدك الموت إنتهى يا أقصى حالات الحضور المشتهى يا منـْتهى تعال .. قـرّّحنـا بى دهشة غناك الحى وحـّىْ من جرحك .. الدامى وفترْ حيلك وحـّى من ضُلـّك الرامى وحملْ شيلك تموت متل الشدر .. واقف تموت واقف على حيلك فيا حليلكْ يا حليلك بنستنـّاك على صهوة جياد الريح بنستنـّاكْ فى الزمن اللّديح .. القيحْ بنستنـّاك على باب الحلم فى غناكْ بنستنـّاك رحيلك .. شلهتْ الدنيا .. ورتـّب العالم البى هناك بنستنـّاك ( أزهري محمد علي )
. .
Post: #2 Title: Re: مين سمـّى ترحالك .. غياب !؟ Author: عماد محمود علي Date: 01-18-2007, 08:10 AM Parent: #1
أخي الجميل الحاج موو
أحياناً يكون الحضور كالغياب وتارة أخرى الغياب كالحضور ، وهم فقط المبدعين يكون رحيلهم عبر الجسد فقط لان شذى المتعة والبهجة يظل عالقاً في سماء الابداع حتى بعد الرحيل .
تحتاج جماعة من الرجال الكنت ليها براك تقل تحتاج قبيلة من الحبال الكان بشيله فرد حبــل
مقطع من مصابيح السما التامنة وطشيش للشاعر/ محمد الحسن سالم حميد
Post: #10 Title: Re: مين سمـّى ترحالك .. غياب !؟ Author: معتصم دفع الله Date: 01-19-2007, 02:47 PM Parent: #3
ويقول حميد ..
من الأبرول أبت تطلع من الأقلام أبت تطلع من المدفع طلع خازوق خوازيق البلد زادت يفيض النيل .. نحيض نحن يظل حال البلد .. واقف تقع محنة ولا النيل القديم ياهو ... ولا يانا نعاين فى الجروف تِنهد .. ولا يانا رُقاب تمر الجدود تِنقَص .. ولا يانا متين إيد الغُبُش تتمد ولا قِدّام تتِشْ عين الضلام بى الضو تفرهِد شتلة لا هدّام ولا فيضاً يفوت الحَد عُقُب يا نيل تكون ياكا نكون أهل البلد بى الجد
شكراً محمد عبدالجليل وأنت تتحفنا دائماً بكل جميل .. وفي حضرة الراحل المقيم مصطفى يحلو الكلام وأنت جواك الكلام المدفون ..
إنه غياب مؤحش .. وكل السماء ملبدة بالأحزان .. الرائعون وحدهم ينقشون على جدران زاكرتنا ويرسمون لوحة الحياة لنا .. غياب مصطفى كان فاجعة كبيرة ولكن يظل الموت هو القدر المحتوم .. ويظل مصطفى عائشاً بيننا بكل أعماله الخالدة ..
دم بألف خير يا صديق ..
Post: #7 Title: Re: مين سمـّى ترحالك .. غياب !؟ Author: معتصم دفع الله Date: 01-19-2007, 01:26 PM Parent: #6
تحياتي يا عمدة ..
إنه غياب مؤحش .. وكل السماء ملبدة بالأحزان .. الرائعون وحدهم ينقشون على جدران زاكرتنا ويرسمون لوحة الحياة لنا .. غياب مصطفى كان فاجعة كبيرة ولكن يظل الموت هو القدر المحتوم .. ويظل مصطفى عائشاً بيننا بكل أعماله الخالدة ..
دم بألف خير يا صديق ..
عذراً اخي عماد وأحبتي .. فقد كتبت هذه المداخلة ولم أكن أعلم بوجود الاخ خضر أون لاين على جهازي .. لكم العتبى حتى ترضون ..
محبتي ..
Post: #4 Title: Re: مين سمـّى ترحالك .. غياب !؟ Author: انعام عبد الحفيظ Date: 01-18-2007, 03:15 PM Parent: #1
Quote: كان كل شي في ذلك اليوم ينبئ بشي من الحزن .. ثم هناك حدث فترقبوه حدث سيهز كل الأرجاء .. ثم جاء الناعي أن مات مصطفى !! حزينة هي الخرطوم الآن .. حزين كل الوطن .. الكل يبكي في حرقة من يعزي من؟ كلنا نعزي أنفسنا فيك .. يا الله ( سحابات الهموم يا ليل بكن بين السكات والقول ) ..
Quote: مين سمـّى ترحالك .. غياب!؟ والغيبة بتزيدك .. بها لو يرتق الحزن .. المصاب كان بعدك الموت إنتهى يا أقصى حالات الحضور المشتهى يا منـْتهى
رائع بروعة الغائب الحاضر مصطفى سيد أحمد
Post: #16 Title: Re: مين سمـّى ترحالك .. غياب !؟ Author: معتصم دفع الله Date: 01-20-2007, 06:44 PM Parent: #5
شاعرتنا المجيدة سمية .. تحايا معطرة .. شكراً جميلاً وأنت معنا في هذا اليوم .. وفي حضرة الغائب الحاضر مصطفى سيد أحمد وذكرى رحيله ..
لك كل التقدير ..
Post: #8 Title: Re: مين سمـّى ترحالك .. غياب !؟ Author: معتصم دفع الله Date: 01-19-2007, 01:38 PM Parent: #4
شكراً عزيزتي انعام .. فالكتابة عن الراحل المقيم مصطفى سيد أحمد لها نكهة تانية .. أنه بحجم وطن .. غيابه أثر فينا كثيراً وترك فراغاً كبيراً في الأغنية السودانية .. له الرحمة والمغفرة ..
Quote: مين سمـّى ترحالك .. غياب!؟ والغيبة بتزيدك .. بها لو يرتق الحزن .. المصاب كان بعدك الموت إنتهى يا أقصى حالات الحضور المشتهى يا منـْتهى
كلمات تخلى الواحد يقوم ويقعد
شكرا معتصم
Post: #17 Title: Re: مين سمـّى ترحالك .. غياب !؟ Author: معتصم دفع الله Date: 01-20-2007, 07:02 PM Parent: #9
تسلم وليد ..
جميل ما كتب أستاذنا أزهري محمد علي .. وهي بحق مرثية عظيمة لرجل أدهشنا كثيراً وحتى في غيابه ..
لك كل الحب ..
Post: #11 Title: Re: مين سمـّى ترحالك .. غياب !؟ Author: بدر الدين الأمير Date: 01-19-2007, 07:44 PM Parent: #1
معتصم لك التقدير
ومثله لمرثية صديقى ازهرى محمد على
وكثيرا اتوقف عند مفردة الغيبة بزيدك بها
هل تعلم انه على مدى ال( 11) عام المضت كل يوم بكتشف شى جديد
ليس فى غناء مصطفى بل فى الونسة الخاصة البينى وبينه ناهيك
عن مايقارب العشرين ساعة من الحوارت المسجلة والمساجلة بيننا
Post: #18 Title: Re: مين سمـّى ترحالك .. غياب !؟ Author: معتصم دفع الله Date: 01-21-2007, 06:15 PM Parent: #11
تحياتي أستاذنا بدرالدين الأمير .. وشكراً للمداخلة والإضافة الجميلة عن الراحل المقيم .. أنها جد لذكريات طيبة وكنت قد قرأت البوست الذي سطره قلمك .. وأعجبني وأستفز مشاعري لذلك رددت فيه .. وحقيقي كل يوم نكتشف شي جديد عن رحلة مصطفى الفنية وإضافته للأغنية السودانية ..
شكري العميق ..
Post: #12 Title: Re: مين سمـّى ترحالك .. غياب !؟ Author: معتصم دفع الله Date: 01-20-2007, 01:03 PM Parent: #1
الراحل المقيم من الفنانين الذين أحتضنوا الشباب ومدوهم بالبنصح وأعمال غنائية كثيرة لم يبخل يوماً على أحد .. حدثني الفنان الشاب خالد الصحافة حينما سألته عن تجربته مع الراحل وقد أحسست بكمية الحزن وهو يتحدث عنه وعن تلك التجربة التي أخرجت لنا ( من جديد ) و ( لحظات ندية ) للشاعر الكبير مدني النخلي وكثير من الأعمال التي لحنها له .. وهناك أغنية ( زهرة بخيلة ) للشاعر مدني النخلي أيضاً والتي تغني بها الفنان سيف الجامعة .. سوف أقوم بأنزالها هنا للاستماع إليها بصوت المقيم مصطفى سيد أحمد ..
Post: #13 Title: Re: مين سمـّى ترحالك .. غياب !؟ Author: معتصم دفع الله Date: 01-20-2007, 01:11 PM Parent: #1
زهرة بخيلة
مدنى يوسف النخلى .. مصطفى سيد احمد
لو متلى هداك الحزن أو غاب حبيب عن موعدك لو عشتي أفراحك سراب وأبت الظروف ما تسعدك كان يوم عرفتى ضنى الجرح جوايا وكتين أفقدك يا زهرة بخلت بالأريج الليلة مات فينى الأجيج وفتر حنينى الكان زمان *** عودتك النوم فى العيون وسهرت محزون ما بنوم لو ليلى من بعدك حزين العشتو جنبك كان هموم لا بقيت أنا الراجى السراب لا الرامى أملو على الغيوم الليلة مات فينى الأجيج وفتر حنينى الكان زمان *** ياما الترقب طال وزاد وإزداد مواعيد فى الخيال الليلة فى درب السلامة من الأسى وليل المحال إرتحت من شوق الغمامة الياما عانت إرتحال ما الليلة مات فينى الأجيج وفتر حنينى الكان زمان *** جانى الزمان جيتك معاى كل المشاعر والمنى لا قدرت أرجع ليك خطاى العايدة من درب الضنا لا الشوق فتر فى ليل أساى يقدر يعيد ليك الهنا الليلة مات فينى الأجيج وفتر حنينى الكان زمان
الهوا البارد وأبو الزهور فدخلت وإذا بمصطفى يعبق المكان فى حضرة وفيه وعزف جميل ومشروع إنسان لم يكتمل
التحا يا
وخالص الود
Post: #23 Title: Re: مين سمـّى ترحالك .. غياب !؟ Author: معتصم دفع الله Date: 01-22-2007, 05:00 PM Parent: #15
يا ألف مرحب بالناس القدام الناس الحنان .. منور يا دبيب ..
الراحل إنسان حمل هموم وطنه وأغنياته تحكي ذلك .. شكراً على لنك الفيديو ..
كل التحايا ..
Post: #19 Title: Re: مين سمـّى ترحالك .. غياب !؟ Author: معتصم دفع الله Date: 01-21-2007, 06:36 PM Parent: #14
صديقي الجميل سعدالدين .. كيفك يا حبيب ليك وحشة شديدة والله .. شكراً لك وأنت معنا في حضرة الغائب الحاضر مصطفي ود سيد أحمد .. في بكائية الزمن المكهرب بالهموم ..
دائما تبدع وتنثر الدرر .. وفي ذكرى من غاب ولم تغب ذكراه ننبش معك أحزان الغياب تارة وتارة أخرى يأخذنا الفرح .. فإن غاب عنا جسدا فقد ترك لنا ولأجيال قادمة إرثا من الفن لا يمحى ولا يزول ... وهكذا يأتي المبدعون وهكذا يذهبون .. ونحن لا نملك سوى حفز المعاول بحثا وتنقيبا عن كنوز الأصالة والدرر ..
وأقبل الصباح فلم نجد سوانا جميعهم تسللوا وغادروا دنيانا وشهرزاد لم تفق من نومها وشهريار لم يشهد شروق شمس ذلك النهار
لمن يجي الزمن الفلان نسطر إسمك يا حبيبنا في رموش غيم أرجواني
وكان يعرف ناسو ..
كل الناس هناك ما بتعرف زعل تزعل من منو .. وتزعل في شنو
لقد ذهب مصطفى بعد أن عبأ وجدان شباب السودان بالأمل في باكر أبهى وأنضر
فقال حميد في رثائه:
من كان يسمع مصطفى صنه وهج صوتو انطفا ومن كان يسمع ما أصطفى حي بي قضيتو وبس كفى ونواصل..
Post: #27 Title: Re: مين سمـّى ترحالك .. غياب !؟ Author: معتصم دفع الله Date: 01-25-2007, 05:00 PM Parent: #22
شكراً أخي محمد عبدالجليل .. وأنت كما عودتنا تطوع قلمك ليخرج لنا بدرر الكلام ..
والله أيام يا زمان ببكى واتحسر عليك وما بقول العشنا كان لسه راجيك يازمان بحبة الفكر المعاى عايشة فى وجدانى جوه ولسه بتدغدغ حشاى يمكن الحبيته مرة .. يلقى فى كلمات غناى خاطرة بتمحى المشاعر .. ويمكن الطول سهادى تغشى ليلاته البشائر .. ويمكن الفرح الزمان .. لسه أصداه بترن .. غنوة حاضناها الضفاير غنى مع التيجاني ولا أيام يا زمان .. ومع جمال حسن سعيد .. أظنك عرفتى عواصفك مهبـّى أبارى فى خيالك .. يسوقنى ويودّى ونهرك يعدى ويجهل مصبّى هواجسى البتزرع وظنـّى البربى
مصطفى غنى لكثير من الشعر ولم يتوقف عند مدرسة واحدة .. كان متنوع الابداع يبحث عن الكلمة البتهبش الدواخل وتعايش الناس .. غنى مع عاطف خيري لحظة شهيق للجفاف في انتظار عودة المدعو المطر .. كانت كل آلامه الغلابى وكيف يمسى محمد أحمد ويصبح .. نكر صوتك صداك غالطنى الزمن فيك شهرت على الجفاف وعدك بطاقاتنا الخريفية رجع فاضى الكلام مليان معاك إتبرجت غيمة وشهق جوايا صوت جدول مرقت على المطر .. حفيان لقيتك والرزاز .. مدخل وناديتك .. أقيفى معاى نشيل كتف الغنا .. الميّل ونتخيل حلم دونك بيتحقق وقبلك خيل دماى .. واقفة على شريانى .. تتشهق وعرف صوتك .. صداك .. غنيتى رشحت حلقك لى إذاعات الشجر والمنتظر من عودة المدعو المطر والمسادير .. والطنابير واللسة فى رحم القصيد والدابو حسّ فى سوق عكاظ بين مزادات الحروف غيبت رسمك .. وإحتكرتك لى الظروف للزمان الجايى .. واللحظة اللى فاتت منى هسة
ويتوقف عند المحبوبة الوطن وينشد .. يا واقفة بين جرح السحاب وبين شهقة الأرض البكر ما كان ده ريد كان إحتمال تغيير قوانين شهقتك ما بين حديثنا .. ولحظة الفعل الحقيقى وإنتباهك إنتى للشارع البيرجع تانى .. لى نقطة بدايتو وإنحيازك إنتى للشارع البيرشح فى مسام رملو التوقع وما أنعرف قانون نهايتو غايتو أمشى فى الدرب البطابق فيهو خطوك .. صوت حوافرك يا فرس كل القبيلة .. تلجموا يكسر قناعاتا ويفر .. يسكن مع البدو .. فى الخلا ما يرضى غير الريح تجادلو وتقنعوا ..
تاني راجع ليك يا محمد خليك معانا ..
Post: #25 Title: Re: مين سمـّى ترحالك .. غياب !؟ Author: معتصم دفع الله Date: 01-22-2007, 06:51 PM Parent: #21
تحياتي صديقي عادل جبارة .. كثيرون كتبوا عن الراحل مصطفى .. ولكن يبقى هناك بعض من كلام لم يتقال .. فسيرته العطرة كتاب بحاله ..
كان مصطفى يقرأ في عيون الزمن الفلاني الزمن المرّ .. كيف كان يكابد راضي بي زل العساكر ماشي في حظر التجول عشان يكرم ضيفه .. في بكائية الحاج ود عجبنا للفرجوني .. وفي بسيمة ضوء كتب الراحل .. رسمت فى وجيها بسيمة ضو بتغالط فى الزمن القاسى بتعاتب فى الغنوة الصعبة ولحن حزين ووتر موجوع يحكي إحساسى تسأل عن مغنى الأفراح يمكن لى جراحنا يكون .. آسى ما بشبع روحنا فرح زايف لو كان نتناسى .. وتتناسى
ولم ينسى مريم الأخرى والمجدلية وغنى للسمحة السمرية وغنى مع حميد لحليوة في ليلة المولد .. كان مصطفى دوماً يسافر في مجاهل الكلم ويبحر مع نغماته ويدوزن كل جميل فغنى مع قاسم أبوزيد سافر مطارات الوداع ضجت وراك بيضا وكان أشتراكية علمي عيوني السفر مع النخلي .. علمى عيونى السفر ما البسافر فى عيونك سكتو بتبقى السلامة ينسى أحزانو . ويعرف الدنيا جنبك إبتسامة ظللى الناس بى حنانك أبقى ليهم ضل غمامة ويظل يأتينا كل يوم بجديد ..
شكراً عادل ولنا عودة ..
Post: #24 Title: Re: مين سمـّى ترحالك .. غياب !؟ Author: معتصم دفع الله Date: 01-22-2007, 05:26 PM Parent: #20
تقول الأستاذة عفاف الصادق في جزئية من مرثية لمصطفى ..
كيف نبكيك يا راجل الليله و بكره و امس كيف نبكيك ونحنا بنسمع صوتك سرا.. وجهرا .. وهمس كيف نبكيك و انت معانا تشيل و تخت ترص و تقص تفج السهله وتحكي الغنوه اللبست صوتك وشالت حسك .. ونفسك .. وروحك وسمحت زي
وانت معانا بقيت جوانا و ماك بتفوت حتلت حنينا جوه القلب بصمت عليهو وجود موجود .. برغم الموج وسفر الجسد الما محدود غلبت تفوت كسرت الحاجز الراكز جسرو على المسدود رقعت الهدم الراسي خيوطو على المقدود مسحت .. مسحت البعد الارضي المامحدود نسفت مسافة الزمن الروح و مامعدود سكنت مسامة النغم المن ايقاع النبض بقيت الدم .. والروح .. والقلب هزمت الموج .. غلبت تفوت
تفوت لي وين ؟؟ وانت الزول الباقي وحي انت النور الوج الضي وانت البحر الدفق ري تفوت على وين ؟؟.. ونحنا زرعنا لسع ني
شكراً صديقي أمير الجمري على جميل حرفك .. وأنت تكتب معنا عن الراحل المقيم مصطفى ..
Quote: مصطفى سيد احمد كان يرتحل ويتنقّل بين القلوب فلمّا امتلأت به وفاضت ... رحل عن دنيانا مخلفاً وراءه زخماً من أحاسيس متفاوتة الجمال إلى الأعلى
سحابات الهموم يا ليل بكن بين السكات والقول وباقات النجوم الجن يعزن في المطر فاتن عزاك رجعن وشوق رؤياك زمان مشدود على اكتاف خيول هجعن وصوت ذكراك مكان يجري يلاقي السيل وسر مدفون بصدر النيل ولولا الذكرى مافي أسف ولا كان التجني وقف وصوت ذكراك رزاز صفق على خطوات بنات سجعن وشوق رؤياك حنين لي رحلة في المجهول لولا الذكرى مافي وصيول ولولا الذكرى مافي شجن الغالي معتصم
الامانى الفى السفر قبل الزمن كايسة الموانى يوم تجيبنى عليك بصدق انو مرة الحظ طرانى واحتوانى معاك شجن عذبنى قبلك ولسه منك جاى تانى تمشى وين الخطوة عنك ما الزمن بى الحب بلاكا وابتلانى
لى عيونك يامداين الفرحة والحب والجسارة عندى ليك مليون بشارة والف خير والكلمة شارة وانتى لما الحب يهوم بى عيونى وفى عيونك بقى حاير بالامارة
Post: #31 Title: Re: مين سمـّى ترحالك .. غياب !؟ Author: معتصم دفع الله Date: 01-27-2007, 05:29 PM Parent: #28
تحياتي أخي أحمد العمار .. وتحية خاصة للشاعر الكبير صلاح حاج سعيد ..
ويقول صلاح أيضاً في الشجن الأليم .. يا هوى الألم النعيم خليك على الوعد القديم وخلينى فى الشجن الأليم وأبقى فى كل المداين سكتى .. وسفرى الجحيم تبقى أيه الدنيا من بعدك .. تكون وأبقى أيه بعدك .. أكون؟ عارفنى منك
ويبقى سفر مصطفى غريب في زمن موحش .. وبكائية الحسرة والفقد الأليم .. رحمة الله عليه وغفرانه ..
شكراً كثيراً أخي أحمد وجودك أسعدني ..
محبتي ..
Post: #29 Title: Re: مين سمـّى ترحالك .. غياب !؟ Author: معتصم دفع الله Date: 01-27-2007, 10:35 AM Parent: #26
رحم الله شاعرنا الكبير عمر الطيب الدوش ..
ويقول صلاح حاج سعيد في عدّ فات .. ومـشــيـت أفـتـش عـن خـطـاويـك الـقـبـيـل .. مـضّــارى من زمـناً .. وراك مـلانى خــوف أشــتــقــت أرتـاح فى عـيـون فـيـهـن مـلامحــك ذاتــا مــن غـير أىّ .. زيـف وإشــتـقـت لى ضـحكة صـبـاحك .. والدعـاش .. عـطّـر رزاز مـطـر الخـريف أنا وإنـت والدنـيـا الزمـان والناس وفـا .. وخـوّة صـفــا ودفء المشاعر الشاتية .. صيف أنا وإنت والدنيا الزمان زمن الغناوى الطالعة من قلباً .. رضى وحســّاً .. ندى .. وزوقاً .. رهيف أنا وإنت والـدنيــا الأمــان ما العمر شتّان .. بين أوان زمناً حييتو وعمر ما بتقدر بتعرف .. بكرة يصبح حالو .. كيف
تحياتي خالدة .. وزي ما قلتي مصطفى رحل ولكنه ما غاب ولن يغيب .. شكراً لوجودك معنا ..
Post: #35 Title: Re: مين سمـّى ترحالك .. غياب !؟ Author: معتصم دفع الله Date: 01-29-2007, 09:40 AM Parent: #32
حاجة فى شُرف المداين وفى غرف كل السفاين جوّة فى عمق المناجم .. والعيون حاجة زى ماتكون محلـّق فى العواصف فجأة .. تهبط لي السكون حاجة زى نقر الأصابع لمـّا ترتاح .. لى الموسيقى حاجة زى أخبار .. تناغم من جريدة حاجة زى وتر الموانى لمـّا يصدح لى سفينة
التحية لشاعرنا الكبير هاشم صديق ..
وتحية خاصة ليك يا دكتورة سودانية على حضورك الجميل .. ونحن في حضرة الراحل المقيم مصطفى سيد أحمد وذكرى غيابه ..
كل المحبة ..
Post: #36 Title: Re: مين سمـّى ترحالك .. غياب !؟ Author: معتصم دفع الله Date: 01-29-2007, 10:28 AM Parent: #30
ويقول يحي فضل الله في حبالنا الجوة تعالو نعلم الشفع ..
حبالنا الجوة .. ما تخنت حبال السما الممدود حبال الصوت وكت يرجع يجيب الخاطر المردود *** تعالى نشوف غنواتنا البقت فى الدنيا ما بتشوف تعالى نشوف حروف البكا .. الجوّاها مافى حروف تعالى نشوف .. تعالى نطوف على المدن البِقت أشباح على الجوع القعد مرتاح على الكلمة البِقت فى الجوف تفتش سكة الأفراح *** تعالى نشوف منو البقدر يخاصم طفلة صِبحت هازلة فوق مدّ الأسى .. الحرّاق يا غنوتنا ما تفوتى ويا كلمتنا ما تموتى فتشى فوق ضمير الكلمة عن وتراً رحل ... فرّاق وعن ولداً رحل ... فرّاق وعن بلداً رحل ... فرّاق غُنانا الفينا ما بشفع حديثنا الجوّة ما بِنفع تعالى نشوف .. تعالى نطوف تعالى .. نعلم الشفع ..
وزي ما كان بيغني مصطفى أغني لك : يا سلام عليك...ياسلام.. مودتي يا معتصم
Post: #37 Title: Re: مين سمـّى ترحالك .. غياب !؟ Author: معتصم دفع الله Date: 01-29-2007, 11:53 AM Parent: #34
مولانا أحمد المرتضى .. كيفك يا حبيب .. شكراً لي طلتك وجيتك لينا .. وبدوري أهديك رائعة هلاوي يا سلام عليك يا سلام بصوت الراحل مصطفى ..
Post: #38 Title: Re: مين سمـّى ترحالك .. غياب !؟ Author: معتصم دفع الله Date: 01-29-2007, 12:20 PM Parent: #33
تحياتي يا خالدة .. وشكراً ليك وأنتِ معنا في ذكرى الراحل المقيم مصطفى .. وأهديك رائعة الأستاذ مدني النخلي من جديد .. ودي برضو من الأغنيات التي لحنها الراحل وغناها الفنان خالد الصحافة ..
من جديد .. مدنى النخلى
من جديد جيت تانى تكسر صمتى .. بالنظرة الخجولة يا أمل عمرى القبيل .. ويا سنين عامرات .. فصولا ما قدرت أنساك من زمان بس ضاعت أحلام الطفولة *** الحنين الجيتنى بيهو جانى فى لحظات ندم ما زمان ضيع صبانا وكل لحظات العشم من جديد جيت تانى ليه .. تبنى فينى الإنهدم وما قدرت أنساك من زمان بس ضاعت أحلام الطفولة *** ما بفيد لو ألملم من عيونك .. ذكريات أو أصحى الماضى فيهن وأنسى حزن الأمسيات برضو زمن البهجة عدّى وعمرى فات فيهو الفوات
