Post: #1
Title: لو كان انفصال الجنوب عن السودان هو الحل للسلام فالينفصل الجنوب
Author: BAKASH
Date: 01-17-2007, 07:38 AM
Parent: #0
استولت الحركه الشعبيه على بعض مناطق ابييى ورفعت فيها علم الحركه الشعبيه وبرضو زى ما شفنا اخيرأ فى عيد السلام العلم الوحيد المرفوع فى الجنوب كان علم الحركه الشعبيه كما تبادل الرئيسان الاتهامات وهدد برضو سلفاكير بطرد قبايل الامبررو من جنوب السودان
وبصراحه نحن زهجنا من الحروبات الكتيره وسفك الدماء والضايع الشعب المسكين
عشان كده انفصال الجنوب لو حل سلمى احسن ينفصل الجنوب ونرتاح
بكاش
|
Post: #2
Title: Re: لو كان انفصال الجنوب عن السودان هو الحل للسلام فالينفصل الجنوب
Author: Adrob abubakr
Date: 01-17-2007, 12:27 PM
Parent: #1
باكاش سلامات
| Quote: المرفوع فى الجنوب كان علم الحركه الشعبيه |
وما هو ده العلم الطبيعي للسودان...الغرابة شنو
الغريب أننا نحتفظ لسه بعلم سودان الخديويه مش علم السودان الجديد!
بعدين في رأيك شرق السودان موقعه وين من الإعراب
شماليين ولا جلابة?!
|
Post: #3
Title: Re: لو كان انفصال الجنوب عن السودان هو الحل للسلام فالينفصل الجنوب
Author: JOK BIONG
Date: 01-17-2007, 05:55 PM
Parent: #1
Quote: هذه هي حقيقة ما جرى في أبيي
طالعتنا الصحف السودانية هذا الصباح (16/1/2007) تحمل عناوين مختلفة عن موضوع أبيي فيها من كان موضوعيا وتناول بعضها الموضوع بصورة مضخمة ومتجاوزة للحقائق التي هي على الأرض ، فمنها من قال أن هناك إعتداء بالسلاح وإغلاق الأسواق وطرد العرب ، وهذا ليس من الحقيقة في شئ فما حدث في صبيحة الرابع عشر من شهر يناير هو أن مجموعة من أبناء الدينكا تجمهرت حول الوحدة الإدارية بأبيي وأغلقوا الأبواب بالأقفال وكتبوا على ورق تم إستلام الوحدة الإدارية من قبل قطاعات المجتمع المدني بأبيي وتم التوقيع من قبل الإدارة الأهلية (عنها أروب كوال كون)، إتحاد الشباب عنه ( شول فور شول)، إتحاد المرأة عنه (أكور كويط) ، المثقفين عنهم( كوال منتوج) . كما تم مسح اللافتة القديمة وكتب مكانها ( جمهورية السودان – وليس جمهورية السودان الجديد_ كما جاء في الصحف ثم رئاسة الجمهورية / منطقة أبيي / الوحدة الإدارية ) .
عند المساء تمت الدعوة إلى ما سمي مؤتمرا صحفيا لم تحضره الصحافة نسبة لعدم وجود صحف في أبيي وتحدث فيه مجموعة من أبناء الدينكا من بينهم الأمير كوال دينق مجوك ، موضحا أن ما تم لا علاقة له بالعرب ولكن هي خطوة نرى أنها ضرورية لضمان حقنا في إيرادات المدينة بعد أن تعود المدير التنفيذي إرسالها إلى المجلد وأن أبيي لا تتبع لجنوب كردفان حتى ترسل إيراداتها إلى جنوب كردفان ، مبينا أن هذا القرار تم بعلم الجهات الأمنية من القوات المسلحة والحركة الشعبية والشرطة وجهاز الأمن .
إذن ليست هناك إعتداءات على العرب وإغلاق للأسواق فسوق أبيي إستمر كالمعتاد واليوم هو اليوم الثالث ولا شئ حدث يعكر الأمن في المدينة سوى ضرب أحد أبناء المسيرية من بعض الجنود التابعين إلى القوات المشتركة بعد أن أعادوه عندما غادر المدينة بماشيته بعد علمه بغلق سوق الماشية لذلك اليوم ، ولكن حتى الآن لا نعلم السبب الذي ضرب فيه وهذا أمرا فرديا تتم فيه التحريات والإجراءات القانونية المتبعة . ما نود تأكيده أن على الصحافة أن تنقل الحقائق كما هي دون تحريف وتضخيم ونحن كسكان لهذه المنطقة من العرب المسيرية نعتبر ما حدث تصرف من قبل الدينكا قد يكون فيه نقص في جوانب ولكن إثارة الفتن مسألة ستضر بنا نحن أبناء المسيرية والدينكا نقوك ، لذلك نقول لمن له أجندة يحاول تمريرها عبر خلافنا نرجو أن تبحث عن وسيلة أخرى ، فصراعات المؤتمر الوطني والحركة الشعبية لن نسمح أن يدفع ثمنها أهلنا البسطاء من المسيرية والدينكا نقوك ، ونقول أن الشريكين هما المسئولين عما يجري في هذه المنطقة من توترات، فما هو السبب الذي أجل حسم موضوع أبيي وتنفيذ برتوكولها لأكثر من عامين من توقيعه؟؟ وكفاكم متاجرة بأرواح الأبرياء وأتقوا الله في رعاياكم.
كباشي المسيري |
|
Post: #4
Title: Re: لو كان انفصال الجنوب عن السودان هو الحل للسلام فالينفصل الجنوب
Author: BAKASH
Date: 01-17-2007, 07:03 PM
Parent: #3
اخونا ادروب
دبايوا
ما اظن دا علم السودان والسودان ليهو علم ونحن جاهزين للموت عشانو عشان نرفعو
وبعدين الشرق يا اخوى مع الجلابه ديل اولاد عمنا
بكاش
|
Post: #5
Title: Re: لو كان انفصال الجنوب عن السودان هو الحل للسلام فالينفصل الجنوب
Author: الصادق الخليفة
Date: 01-17-2007, 09:24 PM
Parent: #1
الاخ BAKASH
بعد سنتين من دخول الحركة الشعبية لشمال السودان وممارسات افرادها الذين لم يفرقوا بين الحضارة والغابة ... وبعد اكتواء اهلنا البسطاء بنيران احداث السجانة ... والعزبة ... والاثنين الاسود ... والكلاكلات ... والحاج يوسف ... وجبل اولياء ... والمعمورة ... والجرافة ... وقلب الخرطوم ... وامبدة ... وربكونا ... وجوبا ... وواو ... وملكال ...
نقول ان الانفصال هو الحل الذي لابد منه اليوم قبل 2011م ... فلايمكن لشعبين لاتجمع بينهم اي قواسم مشتركة البتة ان يتعايشوا بسلام .. بل ان الكوريتين الشمالية والجنوبية اثروا الانفصال بالرغم من القواسم المشتركة بينهم في الشكل والثقافة والدين ... الخ
ونحن فنؤيد طرح الحركة بانفصال الجنوب والذي اصرت علي تضمينه في اتفاق نيفاشا
|
Post: #6
Title: Re: لو كان انفصال الجنوب عن السودان هو الحل للسلام فالينفصل الجنوب
Author: الصادق اسماعيل
Date: 01-17-2007, 10:28 PM
Parent: #5
الصادق خليفة
المشكلة مش في إنفصال الجنوب، الحرب بالمناسبة إنتهت في الجنوب، المشكلة إنو الحرب لسة مدورة في الشمال، الشماليين مفتكرين إنو الجنوب هو المشكلة، أها الجنوب (قلع حقو بدراعو)، وزي ما قال الشهيد القائد د. جون قرنق دي مابيور لحظة توقيع السلام (السودان لن يكون كما كان).
فهسة السؤال بقي كالآتى:
هل يستطيع الشمال أن يحل مشاكله في الشمال وحروبه في دارفور؟؟؟؟؟؟؟؟
بعدين كدي النسعلك إنت قلت
Quote: وبعد اكتواء اهلنا البسطاء بنيران احداث السجانة ... والعزبة ... والاثنين الاسود ... والكلاكلات ... والحاج يوسف ... وجبل اولياء ... والمعمورة ... والجرافة ... وقلب الخرطوم ... وامبدة ... وربكونا ... وجوبا ... وواو ... وملكال ...
|
وسؤالي بسيط الأحداث الإنت ذكرتها دي ماتوا فيها كم؟ أمسك العدد العندك، وشوف الشماليين في حربهم مع بعض (في دارفور) ماتوا فيها كم؟ تقول لي أهلنا البسطاء برضو ها ها ها ها ضحكتني.
|
Post: #7
Title: Re: لو كان انفصال الجنوب عن السودان هو الحل للسلام فالينفصل الجنوب
Author: JOK BIONG
Date: 01-17-2007, 10:33 PM
Parent: #5
Quote: بعد سنتين من دخول الحركة الشعبية لشمال السودان وممارسات افرادها الذين لم يفرقوا بين الحضارة والغابة ... وبعد اكتواء اهلنا البسطاء بنيران احداث السجانة ... والعزبة ... والاثنين الاسود ... والكلاكلات ... والحاج يوسف ... وجبل اولياء ... والمعمورة ... والجرافة ... وقلب الخرطوم ... وامبدة ... وربكونا ... وجوبا ... وواو ... وملكال ...
نقول ان الانفصال هو الحل الذي لابد منه اليوم قبل 2011م ... فلايمكن لشعبين لاتجمع بينهم اي قواسم مشتركة البتة ان يتعايشوا بسلام .. بل ان الكوريتين الشمالية والجنوبية اثروا الانفصال بالرغم من القواسم المشتركة بينهم في الشكل والثقافة والدين ... الخ
ونحن فنؤيد طرح الحركة بانفصال الجنوب والذي اصرت علي تضمينه في اتفاق نيفاشا
|
الاخ الصادق الخليفة
كلامك جميل وزين وما كان هناك داعي للاخوة الشماليين في ان يذهبوا الي الجنوب للجاهد في سبيل ربهم الذي يدعو الي قتل الكفار نحن الجنوبيين..ان كان ربكم يدعو الي قتل الاسرى فان ربنا نحن الجنوبيين رحيم القلب يدعو الي احتفاظ بالاسرى وتسليمهم احياء الي ذويهم وحتى ولو صار لنا دولة وقامت الحرب بيننا لن نقتل الاسرى سنسلمهم لذويهم!!!وهذا هو الفرق بين حضارتنا وقيمنا مع ما عندمكم من التوجه الحضاري!!!!
حقوا تتظاهروا في شوارع الخرطوم وتطالبون بخروج الجنوبيين واعلان استقلال دولتهم وتشاركونا الاحتفالات الاستقلال!!!
لكم تحية
جوك
|
Post: #8
Title: Re: لو كان انفصال الجنوب عن السودان هو الحل للسلام فالينفصل الجنوب
Author: الصادق اسماعيل
Date: 01-17-2007, 10:36 PM
Parent: #5
الصادق خليفة
المشكلة مش في إنفصال الجنوب، الحرب بالمناسبة إنتهت في الجنوب، المشكلة إنو الحرب لسة مدورة في الشمال، الشماليين مفتكرين إنو الجنوب هو المشكلة، أها الجنوب (قلع حقو بدراعو)، وزي ما قال الشهيد القائد د. جون قرنق دي مابيور لحظة توقيع السلام (السودان لن يكون كما كان).
فهسة السؤال بقي كالآتى:
هل يستطيع الشمال أن يحل مشاكله في الشمال وحروبه في دارفور؟؟؟؟؟؟؟؟
بعدين كدي النسعلك إنت قلت
Quote: وبعد اكتواء اهلنا البسطاء بنيران احداث السجانة ... والعزبة ... والاثنين الاسود ... والكلاكلات ... والحاج يوسف ... وجبل اولياء ... والمعمورة ... والجرافة ... وقلب الخرطوم ... وامبدة ... وربكونا ... وجوبا ... وواو ... وملكال ...
|
وسؤالي بسيط الأحداث الإنت ذكرتها دي ماتوا فيها كم؟ أمسك العدد العندك، وشوف الشماليين في حربهم مع بعض (في دارفور) ماتوا فيها كم؟ تقول لي أهلنا البسطاء برضو ها ها ها ها ضحكتني.
|
Post: #9
Title: لسنا جلابه ولا غيرو
Author: degna
Date: 01-18-2007, 02:24 PM
Parent: #1
لسنا جلابه ولا غيرو
تحياتي للاخوة جميعا
اخيتاري هذا العنوان هو قراتي لبوست الاخ باكاش حول الحركة وعلمها
مايهمني هو اننا لسنا تبع لاحد ولنا قضاينا كبجا وكاقليم شرق السودان
لنا ثقافة وهوية خاصة نعتز بها كما للاخرين هوية وثقافة يعتزون بها
لسنا عرب ضد افارقة ولا افارقة ضد عرب
تحياتي للجميع لبابي رهنوكنا
علي اداب
|
Post: #10
Title: Re: لو كان انفصال الجنوب عن السودان هو الحل للسلام فالينفصل الجنوب
Author: Adrob abubakr
Date: 01-18-2007, 09:57 PM
Parent: #1
| Quote: ما اظن دا علم السودان والسودان ليهو علم ونحن جاهزين للموت عشانو عشان نرفعو |
ما هذا السخف?!
إعتقدتك من مناضلي الشرق لا من مسترقي الجلابة!
علاما في رأيك كان نضالنا والحروب التي خضناها في الشرق?! في سبيل علم الجلابة?!
هذا طمام آخر!!
|
Post: #11
Title: Re: لو كان انفصال الجنوب عن السودان هو الحل للسلام فالينفصل الجنوب
Author: BAKASH
Date: 01-20-2007, 05:07 PM
Parent: #10
الاخ الفاضل ادروب
ترددت كتير للرد عليك لأحترامى لشخصك
بس حأسلك عدة اسئله
من هم الجلابه؟؟
هل اى عربى جلابى؟؟
شنو مشكلتك مع العرب؟؟وطيب ناس محمد طاهر عملو جدوم وبنو بيوت من مال السودان طيب دا برضو جلابى؟؟
ليه انت اعتبرت علم السودان هو علم الجلابه ليه مايكون دا علمك وللجلابه علم اخر؟؟
طيب وين علمك انت فى شرق السودان ؟؟
طيب رفعك لعلم الحركه فى شرق السودان دا هو نضالك؟؟
اتمنى انو تفرق بين الامور يا ادروب
واحترمت جدا رد اخونا دقنا ويادقنا زى ما قلت نحن لينا ثقافتنا وكياننا
ويا ادروب
انت اول ما جيت البورد دا قلت مايعتبر اى شخص اخالف معه فى الراى باننى ضده واتمنى انك تلتزم بكلامك وماتعتبر اى واحديخالفك الراى سخيف
وبعدين يا اخوى انا وانت نضالنا الكيبورد فقط فى ناس ماتت هناك فى شرقك عشانك
والتحيه للجميع
بكاش
|
Post: #12
Title: Re: لو كان انفصال الجنوب عن السودان هو الحل للسلام فالينفصل الجنوب
Author: BAKASH
Date: 01-21-2007, 07:42 AM
Parent: #11
بعدين نسيت اسألك كمان
شنو حكاية مسترقى الجلابه دى؟؟
اوع يكون عندك شعور انك من الرقيق
دا كمان هو الطمام الكبير الاخر ال انت تحدثت عنه يا ابوبكر
بكاش
|
Post: #13
Title: Re: لو كان انفصال الجنوب عن السودان هو الحل للسلام فالينفصل الجنوب
Author: Adrob abubakr
Date: 01-21-2007, 02:33 PM
Parent: #1
عزيزي باكاش
دبايوا
ما قصدت شخصك لكن الكلام القلته كان غريب جدا وخاصة من كادر بجاوي زيك
يا أخي الجلابة قاعدين فوق رؤؤسنا ومطلعين زيت بلدنا دايرنا كمال نموت عشان علمهم?!!!
الإسترقاق المقصود به الذهني والعاطفي يا باكاش!
|
Post: #14
Title: Re: لو كان انفصال الجنوب عن السودان هو الحل للسلام فالينفصل الجنوب
Author: محمد فرح
Date: 01-21-2007, 02:54 PM
Parent: #13
ياأخوانا بصراحه مصطلح الجلابه ده أنا شايف إنو كتر جداً في الاونه الأخيره فياريت ياأدروب توضح لينا بالضبط الجلابه ديل منو وياتو قبيله وللا تقصد بيهم جميع أهل الشمال والوسط ....
وحقيقه المصطلح أشتم منه رائحة عنصريه كريهه جداً وأتمنى من الجميع تصفية الدواخل حتى نتمكن من بناء وطن يسع الجميع .......
|
Post: #15
Title: Re: لو كان انفصال الجنوب عن السودان هو الحل للسلام فالينفصل الجنوب
Author: BAKASH
Date: 01-21-2007, 03:33 PM
Parent: #14
اخى ادروب
انا لمن كتبت الموضوع دا ما قصدت انو اكون مع شمال والا جنوب لكن بصراحه زهجنا من الحكومه المزدوجه
وكل يوم قوات فلان ضربت فلان وجيشين فى حكومه واحده دا زاتو اكبر فوضه
دا قصدى انا
بكاش
|
Post: #16
Title: Re: لو كان انفصال الجنوب عن السودان هو الحل للسلام فالينفصل الجنوب
Author: BAKASH
Date: 01-21-2007, 03:55 PM
Parent: #15
وارجع اقول ليك يا اخوى ادروب
الجلابه مازنبهم حاجه والدليل على كده انو الشمال تعبان زى ما الشرق والغرب والجنوب تعبانين
وانو الحكومه مشكله من جميع حرامية القبايل
وانو برضو فى مناضلين ومعارضيين جلابه معاك ومشردين فى كل انحاء العالم زى بقيه قبايل السودان
يا اخوى نحن عايزين نفكر نغير حكومه ولا نغير قبيله
بكاش
|
Post: #17
Title: Re: لو كان انفصال الجنوب عن السودان هو الحل للسلام فالينفصل الجنوب
Author: Mohamed E. Seliaman
Date: 01-21-2007, 06:08 PM
Parent: #16
الأخ الكريم باكاش السلام عليكم ورحمة الله
وحمد لله على السلامة
البلد كيفنها ؟؟
|
Post: #18
Title: Re: لو كان انفصال الجنوب عن السودان هو الحل للسلام فالينفصل الجنوب
Author: BAKASH
Date: 01-21-2007, 09:08 PM
Parent: #17
مرااااااحب اخونا محمد
الله يسلمك
لو جيت السودن ما تنسى تجيب معاك مسدسك
بكاش
|
Post: #19
Title: Re: لو كان انفصال الجنوب عن السودان هو الحل للسلام فالينفصل الجنوب
Author: Adrob abubakr
Date: 01-21-2007, 11:31 PM
Parent: #1
الأخ باكاش والأخوة المتداخلين
لدي الرغبة في مشاركتكم
ولكن الكي البورد العربي مشكلة بالنسبة لي...
جاييكم إذا مد الله لي في العمر
|
Post: #20
Title: Re: لو كان انفصال الجنوب عن السودان هو الحل للسلام فالينفصل الجنوب
Author: BAKASH
Date: 01-22-2007, 08:54 AM
Parent: #19
والله يا شباب الوضع حرج جدأ فى السودان
كل واحد عامل ليهو كم بوضى قارد وتتكلم معاه والا تقاطعو فى اشاره ينزلو يلطشوك ولو اشتكيت يقولو ليك دى قوات فلان وفلان عندو حصانه واحفظو البلاغ عشان مايزعزع السلام
امشو شوفو البلاغات المحفوظه فى النيابه متكومه اكوام
ومرات يجوك البيت يدوك علقه زى السلام عليكم وماتعرفهم ديل مين
والامن فى غياب تام
بكاش
|
|