تهانينا القلبية للفنان ياسر العليفون بقدوم باكورته ..

الفرحة لا تسع صديقي وزميل دراستي الفنان ياسر العليفون بقدوم باكورته ..
والتي إختار لها إسم منة الله جعلها الله باره بوالديها وأن يحفظها برعايته ..
ونحن بدورنا نزف إليه التهاني والتبريكات ولأسرته الكريمة ..

ألف ألف مبروووووووك ..

الف مبروك وتتربى فى عزك يا ياسر
وعقبال ما نفرح بجديدك يا معتصم
بس ورونا السماية وين ومتين واكيد حتكون
سماية رابة

الاخ معتصم سلامات وكل سنة وانت طيب ..
والف مبروك البنية ..ويامعتصم قول لياسر اميرة بت العيلفون قالت
ليك مبروك ورسل لينا الصورة نعمل ليها تهنئة في الجريدة ..
اميرة

ألف مبروك للفنان المبدع ياسر العيلفون ( الجاغريو الصغير )
طبعا أنا والله متلوم معاهو وخجلان منو لكن دي مناسبة
أستعيد بيها العلاقة ، وكمان متلوم معاك يا حاج والله كنت مريض
قبل وبعد العيد .

ألف مبروك للأخ الفنان الاستاذ ياسر
وتربى في عزكم أخي العزيز ، وشد حيلك
على السهر الجد جد ، واللا أقولك ، أحسن
ترحل وتسكن في صالون البيت وخلي الأمورة
منة الله وامها يساهروا براهم .

ألف مبروك مجدداً وربنا يحفظها ليكم
ويخليها هادية وما تكون مزعجة.

تحياتي ومودتي ، وألف حمدلله على سلامة والدتها .


( ليمو )

الله يبارك فيك يا عادل ..
مافي لوم ولا حاجة ..
نحن المتلومين معاك ..
وأهي فرصة للتلاقي جاءت لنجتمع فيها ..

شكراً جميلاً ..

حضرة الصحفية أميرة ..
تحياتي وكل سنة وأنت بألف خير ..
وتحية كبيرة لأهل العيلفون جميعاً ..
ياسر ببلغك تحياته وسلامه وبيقول ليك الصورة ح تصلك إن شاء الله ..

سلام إلى حين الملتقى ..

تسلم يا عبده ..
ربنا يوعدك بالبكاري ..
وشكراً لحسن الضيافة والكرم الحاتمي ..
أمنياتنا أن نلتقيك في القريب إن شاء الله ..

كامل محبتي ..

قدوم ميمون
جعلها الله من بنات المستقبل الصالحات
أول مرة سعمت الاسم عند مولانا أحمد بهاء الدين
قلت ليه أكيد إنت سميتها على اسم جدتها
قال لي هذا اسم جديد!!
صحيح؟؟

ربنا يسعدك يا المسافر ..
وتشكر على التهاني ..

نعم اسم منة الله غير شائع كثيراً على الأقل عندنا ..
وهو اسم جميل ان شاء الله ربنا يحفظها ..

محبتي ..

الف مبروك يا ياسر
وعقبالك يا معتصم

وربنة يجعل منة الله من الصالحات البارات بوالديها

اخي معتصم
تحياتي

الف مبروك الامورة الجديده للاخ ياسر

وطبعا ياسر صديق عزيز وزميل دراسة بالجامعة

وكنا شلة واحدة
ياسر / ومهلب / ومهيلم فاروق الريح / وقصية حمد الريح/ وأمل محي الدين /طارق سر الختم
خالد الفاتح حمودي / وكنا نركب في ترحيل واحد وكان دائما يتحفنا بالروائع
الجاء ان توصل له تهانينا الحارة

وعنوانه ضروري يا معتصم الله يخليك

تهانينا الحارة للأخ العزيز ياسر العيلفون

.
.
من الصالحات إن شاء الله

التهاني للأخ ياسر .. والتحايا لك أخي
معتصم وكل عام وأنتما بخير .. تزرعان
الفأل والنجباء

الف مبروك للفنان ياسر العيلفون

منة الله إسم جميل

ربنا يخليها لوالديها



شكراً معتصم

Quote: باكورته ..والتي إختار لها إسم منة الله جعلها الله باره بوالديها وأن يحفظها برعايته .. ونحن بدورنا نزف إليه التهاني والتبريكات ولأسرته الكريمة ..

جعلها من بنات الوطن الصالحات و قر بها أعين والديها

التحية و التقدير و الاعزاز أخى معتصم و التهنئه أصوغهاللمبدع ياسر العيلفون و نقول ليهو الف ألف مبرووووووك و فى أنتظار السماية و عندنا راعى رسمى للسمايةو ما عندو مانع يعمل من المناسبة أسبوع ثقافى مقابل يظهر اسمو و شعارو و كيانو و برنامجو عبر الاجهزة الاعلامية التى ستقوم بتغطية المناسبة وان يتعرف الحضور الكريم على خطته الخمسية .
ارجو بعد المشاورة مع الفنان ياسر و دراسة الموضوع من كل الجوانب الاتصال بى للتنسيق
مع مودتى
معاوية التوم