Post: #1
Title: صرخة صادقة لأهل الدار والعارفين فيه : أفتـــــــونا
Author: عمران حسن صالح
Date: 01-14-2007, 10:17 AM
Parent: #0
قصتنا مع الغربة انحصرت في الريال ، والبحث عنه ، خوفاً من (الحاجة) والشلهته في بلد الغربة ،وتوفير احتياجات أهلنا البسطاء ..."ما أمكن ذلك " !!!!!!!!
الثقافة العامة صارت صفراً كبيراً في حياتنا ... وأقصد هنا "المعرفة المحدودة " مثل متابعة أخبار البلاد والعباد والتي عادة ما نأخذها من أخبار الــ FM وأنت بالعربية في طريقك من وإلى العمل "رغم أن تركيز هذه ( الـ FM) عادة يكون على الأغاني " .. !!!
التلفزيون نبحث فيه عن الأفلام وأغاني النيل الأزرق باعتبار أنها ساعة واحدة تريح بالك فيها من هم العمل بعد العودة للبيت لتتعشى وتنام استعداداً ليوم دوام آخر !!!!!!
وهكذا انحصرت حياتنا في هذا الممر الضيق ...
كل ما قرأناه أو تعلمناه سابقاً صار غير مواكب ويحتاج إلى Update....!!!
باعتبار توفر الإنترنت في مكاتب الغربة تسجل نفسك في منتدى مثل هذا بحثاً عن تبريرات لأفعال أو المحاولة أن تكون في حالة معرفة لما يدور حولك " خاصة أخبار وطنك الذي يوماً إليه عائد لا محالة ..!!
تجد للأسف الشديد أن مشاكسات السياسة هي الغالبة وعناوين تدل على كمية الزمن الذي يمكن أن يضيع دون فائدة " إلا من رحم ربي"
ما دعاني لهذه الهترشة الصباحية "والتي أجد صعوبة في سرقة دقائقها لأوصل الفكرة فيها بوضوح " أن أسمع عن خبر العملة السودانية الجديدة ولا أجد اقتصاديا واحداً يوضح لنا فكرة
كيف أصبح سعر الريال بين يوم وليلة بجنيه ونص !!!
دعونا من الاتفاقية وما قررت ...!!
ودعونا من السياسة وما حددت !!
هل لهكذا خطوة فهم اقتصادي محدد ومعروف سلفاً ؟؟
هل هو تنظير حكومي فقط أم أن الخطوة تعني استقراراً اقتصادياً .. أو نمو حقيقي وسعر حقيقي لعملتنا ...
علمونا مما علمكم الله دام فضلكم !!
أو دعونا نقرر بصفة نهائية أن لا فائدة تُرجى من هذا الموقع وأنه موقع FM آخر يُعنى بشئون الونسة والشمارات والاجتماعيات والشلليات فقط .
توضيح :
لا يعنيني السعر باعتباري مغترب يخاف على ريالاته أو كم سأحول بعد هذا .. " فلا ريالات أخاف عليها ولا تحويل سيتأخر على حق تعبئة "باغة" زيت أمي ارتفع أو نزل سعر الريال !!
يهمني والله العظيم الفهم الاقتصادي للمسألة من ناحية علمية بحته 
جنية سوداني ( سبتمبر 1956)
جنية سوداني ( أبريل 1961)
عشرة جنيهات( نوفمبر 1971)
واحد جنيه( يناير 1981)
خمسين جنيه( يناير 1991)
الجنية الجديد (الشديد)
|
Post: #2
Title: Re: صرخة صادقة لأهل الدار والعارفين فيه : أفتـــــــونا
Author: أبو الحسين
Date: 01-14-2007, 10:28 AM
Parent: #1
| Quote: كيف أصبح سعر الريال بين يوم وليلة بجنيه ونص !!! |
يا اخوي حاولت أحسب معاك ما قدرت وانتظرت أهل الإختصاص يمرو بي جاي يورونا الحاصل شنو؟؟؟
لكن ترامى لي سمعي إنو الجنيه الجديد = ريال وتلات أرباع الريال والله اعلم...
كدي أفتونا يا أهل الدراية والمعرفة في الإقتصاد...
مودتي أخي عمران... ودعواتنا معاك ربنا يعدل الحال ويسترها معانا والجميع في الدنيا والآخرة يااااااااااارب...
أبو الحســــــــــين...
|
Post: #3
Title: Re: صرخة صادقة لأهل الدار والعارفين فيه : أفتـــــــونا
Author: عمران حسن صالح
Date: 01-14-2007, 10:38 AM
Parent: #2
أخي أبو الحسين
لمرورك الإعزاز والتقدير
الحساب هين ّ!!!
وباعتبار أن الرياضيات منطق فلا مشكلة في هذا !!
بس منطق اقتصادنا (وهو بالضرورة رياضيات) محيًر لي وأردد معك :
يا أهل الإختصاص :
الله بسألكم عن جهلنا ََّّّّّّ!!!!!
|
Post: #4
Title: Re: صرخة صادقة لأهل الدار والعارفين فيه : أفتـــــــونا
Author: معتصم دفع الله
Date: 01-14-2007, 11:00 AM
Parent: #1
| Quote: يهمني والله العظيم الفهم الاقتصادي للمسألة من ناحية علمية بحته |
يا حليلك يا عمران أخوي ..
والله نحن لينا زمن نحسب فيها ما عرفنا ليها طريقة ..
| Quote: هل لهكذا خطوة فهم اقتصادي محدد ومعروف سلفاً ؟؟ |
تعرف يا عمران قراراتنا كلها بتخرج من قعدة ونسة ..
إلا إذا بررت الحكومة فعلتها دي زي ما غيرت زمان الجنيه بالدينار وما تكون من ضمن إتفاقية السلام ( ساي )..
| Quote: كيف أصبح سعر الريال بين يوم وليلة بجنيه ونص !!! |
أبقى عشرة على ريالاتك ..
معاك نسأل عن طريقة لفهم هذه ( الغلوتية ) ..
آخر دعوانا ..
اللهم ألطف بشعب السودان ..
|
Post: #5
Title: Re: صرخة صادقة لأهل الدار والعارفين فيه : أفتـــــــونا
Author: محمد فرح
Date: 01-14-2007, 11:45 AM
Parent: #4
| Quote: إلا إذا بررت الحكومة فعلتها دي زي ما غيرت زمان الجنيه بالدينار وما تكون من ضمن إتفاقية السلام ( ساي ).. |
الأخ معتصم فعلاً قرارإصدار عمله جديده كان في غاية الغباء ولكنه مضمن في الإتفاقيه وكان بطلب من الحركه لأن الدينار يرمز للإسلام وكلفة طباعة العمله الجديده مئاي الملايين من الدولارات كان يمكن أن تفيد في مشاريع تنمويه تفيد البلاد والعباد ولكن نقول شنو بس .....
المهم أخ عمران إنو الجنيه الجديد يساوي مائة دينار يعني ألف جنيه
وإذا قلنا إنو الريال بساوي 500 جنيه إفتراضاً إذن الحنيه الجديد يعادل 2ريال ........
يعني ال2 ريال تساوي واحد جنيه سوداني وغيتو دي ميزه مابطاله .....
|
Post: #8
Title: Re: صرخة صادقة لأهل الدار والعارفين فيه : أفتـــــــونا
Author: عمران حسن صالح
Date: 01-14-2007, 09:33 PM
Parent: #5
أخي / محمد فرح
يا سيدي الأمر المحيرني هو كيفية تعامل ( آلاف) من أهلنا الغلابة مع عملة جديدة لكل عهد جديد ....
إلى متى ؟؟؟؟؟
شكرا لمرورك سيدي
|
Post: #7
Title: Re: صرخة صادقة لأهل الدار والعارفين فيه : أفتـــــــونا
Author: عمران حسن صالح
Date: 01-14-2007, 08:55 PM
Parent: #4
الحبيب : معتصم دفع الله :
| Quote: أبقى عشرة على ريالاتك .. |
نصيحة غالية في ظل إنعدام الريال 
|
Post: #6
Title: Re: صرخة صادقة لأهل الدار والعارفين فيه : أفتـــــــونا
Author: walid taha
Date: 01-14-2007, 02:57 PM
Parent: #1
العزيز عمران إزيك وكل سنة انت والعيال طيبين
4 سنوات درسنا وقرأنا لاّدم سميث ، مارشال، كينيث، شمبيتر.حتى ماركس ذاتو
لم اجداى تفسير اقتصادى شافى لما يحدث فى بلادى.
سؤال طالما بحثنا له عن إجابة هل إرتفاع الاراضى والسلع التموينية له علاقة بسعر الصرف؟
غصة فى الحلق حين يهبط سعر الريال لهذه الدرجة وتظل أسعار السلع التموينية كما هى فى بلادى.
لنا الله،،
آسف لعدم وجود اى إفتاء من جانبى
دمت
|
Post: #9
Title: Re: صرخة صادقة لأهل الدار والعارفين فيه : أفتـــــــونا
Author: عمران حسن صالح
Date: 01-14-2007, 09:41 PM
Parent: #6
Quote: سنوات درسنا وقرأنا لاّدم سميث ، مارشال، كينيث، شمبيتر.حتى ماركس ذاتو
|
Quote: آسف لعدم وجود اى إفتاء من جانبى
|
الحبيب وليد /
والمجنن (بوبي) شنو ؟
|
Post: #11
Title: Re: صرخة صادقة لأهل الدار والعارفين فيه : أفتـــــــونا
Author: عمر الفاروق
Date: 01-15-2007, 08:03 PM
Parent: #1
انت وقت بتحضر التلفزيون مالك ما قاعد تشوف الدعاية بتاعت شرح تحويل العملة !!!
يا بتّي انا ماشة السوق أها أدي الكمساري كم ؟؟
يا أمي انا كم مرة قلت ليك الكلام ده..
لكن انت فاضي لي من (التسابيح) والحوقلة يا عمران...
| Quote: كيف أصبح سعر الريال بين يوم وليلة بجنيه ونص !!! |
تتهااااي هاااااااااااااااي هاااااااااااااااااااااااااي..
يا اخوي بي رياضياتنا البنعرفها دي ريالكم ده بقا بي 50 قرش ..
والله تاني إلا تحول لي أهلك مكنة صراف الي ATM
ماااااااااااااااا بيحلك سيب الجرسة يا ابو محسن
|
Post: #12
Title: Re: صرخة صادقة لأهل الدار والعارفين فيه : أفتـــــــونا
Author: عمران حسن صالح
Date: 01-15-2007, 09:13 PM
Parent: #11
ود الفاروق شيخ الدين
بما إني اليوم مركب ماكينة ( وليد طه ) ... إقتصاد وكدة
ما عندي مشكلة في الرياضيات فالحساب مشروح في موقع (بنك بلدنا)...
المشكلة في فهمي ( لجنيهنا الأصبح قصة )
هنــــــــــــــا
http://aawsat.com/details.asp?section=45&issue=10258&article=399272
| Quote: لكن انت فاضي لي من (التسابيح) والحوقلة يا عمران... |
أم محمد قالت لي """" يقصد شنو """""""
كدة كويس ؟؟؟؟؟؟
|
Post: #13
Title: Re: صرخة صادقة لأهل الدار والعارفين فيه : أفتـــــــونا
Author: DKEEN
Date: 01-15-2007, 09:41 PM
Parent: #1
يابو حمود سلامات
بالمختصر كده
يعني لو الجنز الكونز زمان كان بي عرشة الف جنيه هسي بقى بي الف..
لايعني ذلك انو قيمة الجنية بقت قوية ..
لانو الدخلو زمان كان مية الف جينه حيقوم ُيختزل الى عشرة الف جنيه بي نفس القوة الشرائية لي الدخل القديم
بالتالي مابتفرق معاهو في شي لامن يجي يشتري بنطلون بي الف من اجمالي راتبو ال العشرةالف..
الناس ديل بس عايزين يمرقونا من الحرج لامن يسالونا المصريين انتو الارض عندكو بكام
بدل مانقول ليهم بي 20 مليون حنقول ليهم بي عشرين الف..
لكن الله اعلم الناس تنسى التعامل بي الجنيه القديم زي ما طنشت الدينار ..
تقول ليهو ياخي ممكن تسلفني الف جنية حيقول ليك بالجديد ولا القديم؟؟
تقول ليهو بالجديد ..حيقول ليك طيب ترجع القروش متين..
تقول ليهو بكرة الساعة اتنين
حيقوم يسالك الساعة اتنين بالجديد ولا القديم؟؟
ياخي دي حتبقى قصص وغلوتيات
ابو ده اقتصاد ذاتو..
|
Post: #14
Title: Re: صرخة صادقة لأهل الدار والعارفين فيه : أفتـــــــونا
Author: يسرى معتصم
Date: 01-15-2007, 11:20 PM
Parent: #13
عـمـران أخـوى
سـلام
عمران حسن صالح الفى بالى ولا تشابه أسماء
أخوك يسرى معتصم
ودكسلا { الأسـم السابق }
دمت
|
Post: #16
Title: Re: صرخة صادقة لأهل الدار والعارفين فيه : أفتـــــــونا
Author: عمران حسن صالح
Date: 01-16-2007, 07:53 AM
أخي الأصغر الحبيب إلى قلبي يسري معتصم محمد الحسن ( ود علوية)
راجع الماسنجر أو إيميلك بموقع كسلا
كتيت لك منذ فترة طويلة
التلفون في البروفايل
|
Post: #15
Title: Re: صرخة صادقة لأهل الدار والعارفين فيه : أفتـــــــونا
Author: عمران حسن صالح
Date: 01-16-2007, 07:52 AM
Parent: #13
حاج / دكين
سلام يا لذيذ
التناقض وين يا دكين :
سعر الريال كان سابقاً وفي ظل (الحيكومة الحالية)
710 جنيه ، الآن وصل إلى 530 جنيه
سعر الخبز ما زال هو ، سعر (الجنز الفوق ده )، ما زال هو
الفرق 180 جنية سوداني وهو بالتالي مزيد من الريالات ليرتفع كم المحول
ولا تنخفض الأسعار هناك ّّّّّّّّّّّّّّّ!!!!!!!!!!!!!
ولا زيادة في الرواتب هنا !!!!!!!!
| Quote: ابو ده اقتصاد ذاتو.. |
وهذا بيت القصيد
|
Post: #17
Title: Re: صرخة صادقة لأهل الدار والعارفين فيه : أفتـــــــونا
Author: عمران حسن صالح
Date: 01-16-2007, 07:57 PM
Parent: #15
فوق عشان خاطر ناس أمريكا" البنومو بعدين "
|
Post: #18
Title: Re: صرخة صادقة لأهل الدار والعارفين فيه : أفتـــــــونا
Author: tmbis
Date: 01-16-2007, 08:25 PM
Parent: #17
..
والله كان فاهم انتو عايزين تصلو لي شنــو .. ؟؟
ياعمـــران ..
انــا مسالة العملة دي بتعمل لي حساسية بالمناسبة ..
لمــا أحول قروش السودان .. بقول ليهم بعدما تستلموها من البنك اعملو لي رسالة بالمبلغ ..
وكلما ارتفع معدل الأصفــار .. بحس اني مفترض بعد كده أرجع السودان ..
لكن بعد الشايفو ده .. ( الفــورة الف )
.
.
يحليلكم.
تضربوا فيها بي جاي وجاي .. ويطلعوكم بي هناك مطالبين ..
عمران..
بلاي إذا وصلت لي حل واضح بتعلق بالمسالة دي .. ادي أخوك تلفون ..
ان حاسس بي انو المسالة دي عاملة زي حكاية التوالي الزمان ديك .. يشبكوهــا ليكم التوالي والجنيه بيساوي تلاتة ريالات .. والدولار بي كم ما عارف لحدي ما واطاتكم تصبح
|
Post: #19
Title: Re: صرخة صادقة لأهل الدار والعارفين فيه : أفتـــــــونا
Author: خالدة البدوي
Date: 01-17-2007, 09:21 AM
Parent: #1
الفاضل الاخ عمران
كل سنة وانت طيب على كله
العيد والسنة الجديدة وعيد الميلاد
والعمله الجديدة ،،،
| Quote: يهمني والله العظيم الفهم الاقتصادي للمسألة من ناحية علمية بحته |
دي انسه
أول اعرف الفاهمه والله القاه عشان يفهم
ياخوي عمران السودان كله على بعضة بقى ما مفهوم
بس المهم سواطة كدة جديدة عشان تكمم الافواه
والماكلنها المواطنين والمغتربين ،،،
انا كنت بتعامل مع العملة السودانيه لمن امشي اجازة
بقولو لي بس ختي صفر قدام أي عدد واتعاملي طبعا بكون
ماسكة كمية من الورق ما عادية وفي شروة واحدة خلاص انتهت
في الآخر ما عندك غير مؤسسة النقد الدولي عشان هم يشرحو ليك!!!
تقديري ،،،،،
|
Post: #20
Title: Re: صرخة صادقة لأهل الدار والعارفين فيه : أفتـــــــونا
Author: عمران حسن صالح
Date: 01-17-2007, 11:02 PM
Parent: #19
Quote: انا كنت بتعامل مع العملة السودانيه لمن امشي اجازة
بقولو لي بس ختي صفر قدام أي عدد واتعاملي طبعا بكون
ماسكة كمية من الورق ما عادية وفي شروة واحدة خلاص انتهت |
الأستاذة / خالدة
لك الود ...
ده كان زمان ( الآن تقسمي على 100 ) ... وتلقي يدك فاضية
شكراً سيدتي لكرم مرورك
|
|