Post: #1
Title: اخوك يا سرور القالو عذر
Author: أحمد طراوه
Date: 01-13-2007, 01:34 AM
Parent: #0
.. وهذا من بعض ما قيل في ادب الاعتذار و طلب الصفح عندما يتاخر الانسان و تصيبه علة المناجزة مع الكرام في افعالهم و لطفهم , و اصل الحكاية ان الشيخ الشاعر / محمد ود الرضي كان قد تاخر في زيارة سرور و تهنئته بالحج لظروف ليس اقلها رقة حال الشاعر و ضيق ذات يده , فتقدم اليه بعد ان شق طريقه من العيلفون الي حي ودارو في قلب امدرمان بتلك الكلمات البهية و التي مثلت شفاعته و سترة حاله ايضا : ليالي العودة نعيم و سرور .. الحج مبروك مبرور يا سرور , اخوك يا خوي القالو عذر .. واقبلو رجيزة تشيق و تسر ! يومها كان ود الرضي يؤرخ عفو الخاطر لفن الاراجيز داخل المدرسة الفنية الاولي .. ! و ما كانت كلمات بهذا اللطف و الجزالة الشاعرية تنتظر حتي اول المساء الا ويكون سرور قد ادرجها في موازين الخماسي السوداني الناهض بقوة و تفرد علي يد كرومة ( قال لي بادي محمد الطيب في جلسة صفاء و استرجاع : تعرف با طراوه , كرومة كان عجيب في التلحين ! ظنيته كان سمع نشرة الاخبار ممكن يلحنها ! )
كانت الصداقة الناشبة بين احمد و محمد قد استلفتت شاعر الرومانسية و الحركة الاتحادية احمد محمد الشيخ الجاغريو , فادخلها كصورة شعرية بالغة الدلالة في تلك الاغنية الاثيرة لدي بنات السودان و المعروفة ب ( الفي العصر مرورو ) , و الشاهد ان محمد المرتضى قد ظل يخصنى انا احمد طراوه بدوام مودته و اهتمامه , و لا يعود ذلك لامر استثنائي يميزني , بقدر ما ان ذلك هو طبع محمد و اصله و تقاسيمه الانسانية مع الجميع , ولان الطبع جبل كما يقول اهل بادية السودان فقد قدمني الي منبركم الكريم بكلمات اعلت من مكاني و اجلستني علي السبع الشداد , و والله ما وجدت انسب من كلمات احمد بن الحسين المتنبي هذه خاصة عندما قرأت الاستتباعات و الكلمات التي حركها تقديمي بواسطة المرتضى . و لا ادرى اصل الاسباب و الملابسات التي دفعت بمحمد عثمان جعفر للقول : ما كنت عارف يا ريت كنت عارف في تلك الاغنية الرقيقة عند عبد العزيز المبارك , لكنني و الله يا اهل المنبر و انا بيني و بينكم ميثاق الفقير لله محمد النور ود ضيف الله وهو كان قد مسك بقلم البوص و غمسه قبل 650 عاما في دواية الرماد و السكن و فتح هذا الدرب الشائك المعقد المسمى بالتفكير و الكتابة , اقول وانا على هذا الميثاق : ما كنت عارف , يا ريت كنت عارف .. فقد اخبرني صديق عزيز بان اهل المنبر العام يسالون عني بعد ان صرت منهم , فجئت اليكم بخفقة جناح الفراش , و سهل لي سيف جبريل (وسيف هو علي وجه الدقة سايق العربية المقصود في الاغنية ) , سهل لي سيف امر الكتابة اليكم عبر مجهود اشبه بمجهودات كان قد بذلها العم الراحل عبد الرحمن شاخور لضم كمال عبد الوهاب الي جماعة الرداء الاحمر ! اما كلمات عبد المنعم خليفة فقد اخذتنى الي فضاءات الغبطة و السرور .. انها يا منعم نوع من الثناء يحملني مسؤلية ليست بالسهلة , ويجعلني محتاج لاعادة فحص ما تبقى لدي من عزم و صفاء , و ياليتني اصير ضمن اولئك الناس الذين عناهم محجوب شريف يقوله البسيط الدال : راضى عنه الشعب و والدي.
|
Post: #2
Title: Re: اخوك يا سرور القالو عذر
Author: فاروق حامد محمد
Date: 01-13-2007, 03:06 AM
Parent: #1
وأخيرا ظهر طراوة وقد كان بحجم المأمول فيه
والمرتجي ... حروف أنيقة وعبارات رشيقة واستطرادات
غير متكلفة.. عفوية.. ولكنها عميقة الدلالات ..مناسبة
المقام ومعلومات واثقة موثقة من أفواه محدثيها أو ممن
عاصرهم وعايشهم ... وقد نثر كنانته فأخرج منها دررا
ولؤلؤا أصدافها قوارير عطر أصيلة كانت مكنونة في حرزه ...
أخرجها هكذا في منتهى البساطة والعفوية فعبق المنبر بعطر
"طراوي" أصيل ثم مضى .. وهو في هذا أشبه بالزهرة المعطار
التي تنشر أريجها في غيرما تعمل وتكلف.....
وباعتباري وريثا لكل أمجاد جدودي بني العباس بن عبدالمطلب ..
فإني أخلع عليك أيها النطاسي الأديب كل برد أبناء عمومتي
خلفاء بني العباس وأعلن مصادرتي لكل ما أهدوه لأدباء وشعراء
وفناني عصرهم وأهديك إياها جميعها ... وهي قليلة بحقك ....
فأرجوك تقبلها ... (إن لم يسعف الحال فليسعف النطق)
وأنت لبيب تعلم انها مقلوبة كما الحال !!!!!!!!!!!
|
Post: #4
Title: Re: اخوك يا سرور القالو عذر
Author: الزاكى عبد الحميد
Date: 01-13-2007, 04:33 AM
Parent: #2
الصديق العزيز أحمد
مرحباً أيها الصديق وألف مبروك بالمناسبة التي أثلجت صدري..
التفاصيل في البريد الاليكتروني..
لك ودي
وإلى لقاء..
الزاكي
|
Post: #3
Title: Re: اخوك يا سرور القالو عذر
Author: yasiko
Date: 01-13-2007, 04:32 AM
Parent: #1
|
Post: #5
Title: Re: اخوك يا سرور القالو عذر
Author: فاروق حامد محمد
Date: 01-13-2007, 08:01 AM
Parent: #3
ياسين
ياخيييييييييييييييي
كم أنت جميل ..............!!!!
|
Post: #6
Title: Re: اخوك يا سرور القالو عذر
Author: هشام المجمر
Date: 01-13-2007, 11:03 AM
Parent: #1
مرحبا أحمد طراوة
الشاب الخلوق جام التهذيب رفيع الكلمة والمعرفة معا
تجدنى سعيد بوجودك هاهنا ولا شك أن من بالمنبر تعطر بعبق إستهلالك الرائع
و تجدنا أيضا مشتاقون لرؤيتك فقد مضى زمن طويل لذلك زادت السعادة ونحن نطالع حروف إسمك بيننا
هشام
|
Post: #7
Title: Re: اخوك يا سرور القالو عذر
Author: نصار
Date: 01-13-2007, 11:26 AM
Parent: #1
العزيز أحمد طراوة
مرحباً بك و بالوعد البين في ثنايا حكيك
|
Post: #8
Title: Re: اخوك يا سرور القالو عذر
Author: سمية الحسن طلحة
Date: 01-13-2007, 04:15 PM
Parent: #7
نورت المكان ياسليل الجود
فيك نبل الصفات والكرم معهود
علمك بحر زاخر ساحلو ماله حدود
مابنوفيك حقك لكن جدنا بالموجود
أهلا وسهلا ومرحب آمل أن يطيب لك المقام بيننا.
سمية الحسن طلحة
|
Post: #9
Title: Re: اخوك يا سرور القالو عذر
Author: Elmoiz Abunura
Date: 01-13-2007, 04:23 PM
Parent: #1
Welcome Ahmed
|
Post: #11
Title: Re: اخوك يا سرور القالو عذر
Author: سمية الحسن طلحة
Date: 01-13-2007, 04:42 PM
Parent: #9
عذراً د.طراوة
يوجدمطلوبين هنا على أراضيكم
فهلا سمحتم بوجود قواعد دائمة لنا؟
فاروق!ودالنار!...العباسى
لنا عودة
|
Post: #10
Title: Re: اخوك يا سرور القالو عذر
Author: Sabri Elshareef
Date: 01-13-2007, 04:29 PM
Parent: #1
عشرات حبابك يا ابو حميد
الدار منوره بك وسعيد بطلتك البهية
معا من اجل واقع نتاوي افضل
صبري الشريف
|
Post: #12
Title: Re: اخوك يا سرور القالو عذر
Author: Sidgi Kaballo
Date: 01-13-2007, 04:51 PM
Parent: #10
مرحبا أحمد ونمني أنفسنا بالفكر الغني والنظر الثاقب واللغةالجميلة والمعبرة في وقت واحد.
|
Post: #13
Title: Re: اخوك يا سرور القالو عذر
Author: علوبه
Date: 01-13-2007, 04:56 PM
Parent: #1
حبا فى امدرمان وشوقا لحى العرب ومرحبا طراوة
( بيتنا نور )
حبابك والدار دارك
اول الغيث قطرة و(طراوة)
|
Post: #14
Title: Re: اخوك يا سرور القالو عذر
Author: Adil Osman
Date: 01-13-2007, 05:26 PM
Parent: #1
ارحب بالاستاذ احمد طراوة. كتابة لطيفة ومعلومات غزيرة. واسلوب متميز. بيد ان بعض الاستطرادات قد غمضت، او تكاثرت حتى حجبت صلة الكلام بعضه ببعض.
مثلا فى هذا المقطع
(كانت الصداقة الناشبة بين احمد و محمد قد استلفتت شاعر الرومانسية و الحركة الاتحادية احمد محمد الشيخ الجاغريو , فادخلها كصورة شعرية بالغة الدلالة في تلك الاغنية الاثيرة لدي بنات السودان و المعروفة ب ( الفي العصر مرورو ) )
من احمد ومحمد المشار اليهما فى صدر الفقرة؟
كيف عبر الجاغريو عن الصداقة بين احمد ومحمد؟ ما هى تلك الصورة الشعرية بالغة الدلالة؟
ثم يتحدث طراوة عن كلمات للمتنبى فى هذه الفقرة ولكنه لا يذكرها
( والله ما وجدت انسب من كلمات احمد بن الحسين المتنبي هذه خاصة عندما قرأت الاستتباعات و الكلمات التي حركها تقديمي بواسطة المرتضى .)
ثم يذكر ان شاعر اغنية (ما كنت عارف) هو محمد عثمان جعفر. هل هو محمد عثمان جعفر ام هو جعفر محمد عثمان؟
ثم يمضى طراوة فى اسلوبه المتميز، فيقول فى هذه الفقرة عن تسهيلات للكتابة تلقاها من صديقه سيف جبريل
(و سهل لي سيف جبريل (وسيف هو علي وجه الدقة سايق العربية المقصود في الاغنية ) , سهل لي سيف امر الكتابة اليكم عبر مجهود اشبه بمجهودات كان قد بذلها العم الراحل عبد الرحمن شاخور لضم كمال عبد الوهاب الي جماعة الرداء الاحمر )
كيف سهل لك سيف جبريل الكتابة؟
وما هى الاغنية التى اشارت الى سيف سايق العربية؟
وما المجهود الذى يشبه تسجيل كمال عبد الوهاب فى المريخ على يد شاخور؟
اخى طراوة
لو كان للسودان والسودانيين مراجع مكتوبة وكتب فى رفوف المكتبات العامة او الالكترونية، لذهبت وبحثت عن اجابات لهذه الاسئلة ولما غمض من كتابتك.. ولكن..
على كل حال اود ان انقل اليك ترحابى واملى ان نقرأ لك المزيد من الحكايات وما يعيننا على النظر السديد والتأمل الذكى فى احوال معاشنا ومعادنا.
|
Post: #19
Title: Re: اخوك يا سرور القالو عذر
Author: سمية الحسن طلحة
Date: 01-13-2007, 11:52 PM
Parent: #14
Quote: ثم يتحدث طراوة عن كلمات للمتنبى فى هذه الفقرة ولكنه لا يذكرها
( والله ما وجدت انسب من كلمات احمد بن الحسين المتنبي هذه خاصة عندما قرأت الاستتباعات و الكلمات التي حركها تقديمي بواسطة المرتضى .)
|
أضم صوتى لصوت الأخ عادل عثمان
دخلت الى هنا لذات الغرض ولكن أخى عادل كفانى شر السؤال
|
Post: #15
Title: Re: اخوك يا سرور القالو عذر
Author: esam gabralla
Date: 01-13-2007, 05:53 PM
Parent: #1
مرحب احمد طراوة
متاخرة شوية عن موكب الترحيب بقيادة فاروق...
عصام
|
Post: #16
Title: Re: اخوك يا سرور القالو عذر
Author: محمد مكى محمد
Date: 01-13-2007, 06:41 PM
Parent: #1
DEAR AHMED,
IT'S BEEN PLEASURE TO SEE YOU HERE,
IHOPE ALL POEPLE IN BEAT ALMAL ARE DOING WELL
BACK TO YOU SOON
MOHAMMED
|
Post: #17
Title: Re: اخوك يا سرور القالو عذر
Author: AlRa7mabi
Date: 01-13-2007, 07:42 PM
Parent: #1
الأغنية لكن ما عذبتني ...
د. أحمد طراوه .. لا زالت عالقة بذهني تلك الإبتسامة السارحة الساحرة والأصابع تفلفل في الشعر
والضحكة الخفيضة وانتا تحكي عن سرور أو كرومة أو أي زول .. كان النادي السوداني
وكانت مسقط وكانت الذكريات وتظل الأمنيات .. محبة يا أحمد
عبدالرحمن عبدالله الحلاوي
|
Post: #18
Title: Re: اخوك يا سرور القالو عذر
Author: Ahmed Yousif Abu Harira
Date: 01-13-2007, 08:48 PM
Parent: #17
أحمد طراوه
أهلا وألف مرحب يا دكتور نورت المنبر
|
Post: #20
Title: Re: اخوك يا سرور القالو عذر
Author: بكرى ابوبكر
Date: 01-14-2007, 04:49 AM
Parent: #18
الدكتورأحمد طراوه مرحب بيك وعقبال نشوف صديقى جمال طراوة كمان عضو بالبورد
|
Post: #23
Title: Re: اخوك يا سرور القالو عذر
Author: محمد المرتضى حامد
Date: 01-14-2007, 09:53 PM
Parent: #17
| Quote: الأغنية لكن ما عذبتني ... |
والله يا عبدالرحمن كلنا ذلك الرجل.
|
Post: #21
Title: Re: اخوك يا سرور القالو عذر
Author: ALGARADABI
Date: 01-14-2007, 05:14 AM
Parent: #1
هل انتا أحمد طراوة الزقازيق؟
لو كنت كذلك فابشر بطول طراوة با منبر
وفى كل الاحوال الف أهلا و مرحب
|
Post: #22
Title: Re: اخوك يا سرور القالو عذر
Author: Salwa Seyam
Date: 01-14-2007, 05:18 AM
Parent: #1
اهلا بالطبيب الأديب الأريب احمد طراوة.
|
Post: #24
Title: Re: اخوك يا سرور القالو عذر
Author: شكرى سليمان ماطوس
Date: 01-15-2007, 01:00 PM
Parent: #1
طراوة:
يحلو الحديث عن الفن وأهله وطالمــا ابتدرت البوست عنه فلنا أن نضىء المجلس ببعض عما قيل فى حقه:
| Quote: ان الشيخ محمد ود الرضي هو احد الرواد في الشعر الشعبي السوداني وشيخ شعراء الغناء السوداني , فعند حضور الشيخ ود الفكي في عهد الخليفة عبدالله التعايشي وكان ود الفكي قد قدم من منطقة كبوشية الي امدرمان في سنوات المهدية الاخيرة ,ونال شهرته الكبيرة بعد دخول الحكم الثنائي السوداني ’ وكان محمد ود الرضي من اوائل الشعراء الذين كتبوا الرميات كفن جديد علي الغناء السوداني الشعبي وكانت اسلوبا يختلف عن الدوبيت ايضا , ويعتبر محمد ود الرضي استاذا يهذا اللون في الشعر الغنائي . وقد لحق به في هذا المجال فيما بعد الشاعر ايوعثمان جقود ويوسف حسب الله سلطان العاشقين وصالح عبدالسيد ايوصلاح واخيرا ابراهيم بابكر العبادي وعمر البناء ومع ان شعراء كثيرين كتبوا اشعارا للطمبور ولكن اشعار ود الرضي فقط هي التي عاشت الي يومنا هذا لا زالت تضئ في ليالي الطرب السوداني.......... |
تخريمة:
عاوز أجادعك بحواشى علها تبل أشواق القراء،،،، وتسند جوع العابرين وسط سطوركم،،،،،
محبة فى حلو الكلام ومعزة لناس الكلام(الفاعل، ظاهر أو مستتر + المفعول به)......
رجاء: ود المرتضى عامل لى شمشرة وقاعد يفتش فى ملفاتى ،،، ممكن تتوسط عندو يهدىء سره ويخلينا نتفرغ لجلساتكم الماها خمج،،،،
معذرة
|
Post: #25
Title: Re: اخوك يا سرور القالو عذر
Author: شكرى سليمان ماطوس
Date: 01-15-2007, 01:08 PM
Parent: #1
مثال لود الرضى:
أنــا فــي الـتـمني ديـمـه هـديلي سـاجع
مـا لـقيت لـي مـغيث ولا لـقيت لـي مـراجع
داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المضارع
يـفـر خـيت بـسـمه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
يـتـغطى بــي سـواعده ومـحنو كـان واجـع
يــردد لــي نـغـيماً تـشتاق لـي الـمسامع
أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل شـعره ألـقى الـفرق شـاسع
دي مــا بـيـلقاها زول زي صـيـده نـاجـع
رايكم شنو ؟؟
|
Post: #27
Title: Re: اخوك يا سرور القالو عذر
Author: محمد المرتضى حامد
Date: 01-15-2007, 02:06 PM
Parent: #25
| Quote: دايــر أشـوفو غـافل ودايـر أشـوفو جـاذع |
تعرف ياشكري قبل أيام قلائل أسمعني أخي عصام صالح عيسى مقابلة اذاعية شرح ودالرضي فيها معنى هذا البيت فلم أصدِّق مسامعي.
ببالغ ود الرضي رحمه الله بقدرما قدّم للفن ، ياخي الراجل ده لو لم يكتب غير (هوى الخلخال) لكفته.
|
Post: #28
Title: Re: اخوك يا سرور القالو عذر
Author: شكرى سليمان ماطوس
Date: 01-15-2007, 07:52 PM
Parent: #27
يــا ود المرتضى الجميل
إختيارك شغل معلمين أنا بديك الكلمات نشارك بيها الزوار،،،، شوف يس كان ينزلها مموسقة،،
بى هوى الخلخال
بى هوى الخلخال.......لي حبيب الروح
جيبلى طيب الحالي........يانسيم ....الليل
*******
قولو نام الخالي...............وهو يتخيل
رنة الخلخال
بالنظر اسخي لي.........هنئ بى رؤياك
الحياة الماسخالى
**********
النسيم هبى لي..........يا حسينت الذات
الجمر هبى لي
ياحبيب رحماك.............لا تزيد بلبالى
ولا تكون شكواي.....موية في غربالي
*******
قال لي فيق يا غالى..........إن تنل شكواك
لي لست أبالى
كلما أطراك...........العقل يابالى
يا حبيبي البى............حنن اليابالى
*********
كم وكم قبالى...........قلبو مشغول بيك
وانت ماك مبالي
آه كلما أطراك........لا اعى اقبالى
صرت من البى ........شخصي كاد يغبالى
********
لامني فيك الوالي......واللّ ما بيسوى
وكل من يأوى لي
لست اعبأ بى .........زخرف الأقوال
برضي في التبريح.....والبكى المتوالي
**********
ياعزول اجمالى......اهنأ بى رؤياك
خلنى واعمالى
لا حياة لي ......لولا ما الآمال
خلنى وبلواي.......انت مالك ومالي
*********
يا نسيم لي والى.........هب من المحبوب
في كلا الأحوال
ها أنا الراجيك ......... واقفا لنوالى
وقفة المرؤوس .........في رجاء الوالي
***********
هاك صافى مقالي.......يابديع الذات
انت نور امقالى
الجفا يانور.......العيون لي قالي
هذا لو يرضيك..........حبذا يا غالى
اهديكم و أهدى ناس حلوين
Quote: [
قولو نام الخالي...............وهو يتخيل
رنة الخلخال
بالنظر اسخي لي.........هنئ بى رؤياك
الحياة الماسخالى
|
لنا عودة
|
Post: #33
Title: Re: اخوك يا سرور القالو عذر
Author: محمد المرتضى حامد
Date: 01-17-2007, 09:52 AM
Parent: #28
ياشكري سلام..
| Quote: إختيارك شغل معلمين |
(هوى الخلخال) دي كتب عنها أخونا أحمد القرشي في البوست الرائع الوحيد لأحمد وهو عن الحقيبة والحزن اللي فيها وقدر ما حاولت أفتشو بعد اللخبته العملا بكري في ما أسماه الأرشفه بعد 20/12/2006 لم أجد بوست أحمد القرشي ده سيما انو (عوينت ام صالح).
وهذه مناسبة نقول فيها لأحمد بالله يا أحمد القرشي اظهر.
|
Post: #26
Title: Re: اخوك يا سرور القالو عذر
Author: شكرى سليمان ماطوس
Date: 01-15-2007, 01:12 PM
Parent: #1
مثال ثانى
طابق البوخه
الجميل واصـل درة واصـل
الله لاوراك العلـي حـاصـل
العذاب أنواع جملة غير فاصـل
مجلي كبريته كبدي فـي بنزيـن
فــادمــه كـبـريـتـه
أصلو هالكني منـه مـا بريتـه
ياجراح غور إن شاء الله ما بريته
طابق البوخه قام نـدا يهتـف
نــام مــن الـدوخــه
إيده عاقبـاه جدلـه مملوخلـه
لي معالق الجوف موسة مجلوخـه
واحدة تانية
|
Post: #29
Title: Re: اخوك يا سرور القالو عذر
Author: شكرى سليمان ماطوس
Date: 01-15-2007, 08:10 PM
Parent: #1
من ملوك أم در هاكم الرمية دى ،،
جلسن شوف يا حلاتن
فزر فى ناصلاتن
الناعسات كاحلاتن
قالوا لى جن هوى هبابن
كده نكون كفينا ود الرضى
|
Post: #30
Title: Re: اخوك يا سرور القالو عذر
Author: شكرى سليمان ماطوس
Date: 01-15-2007, 08:34 PM
Parent: #1
عشان نمشى بين سطوركم يا طراوة ،،،،، مهمة صعبة مع (سلم الأولويات) بتاع ود المرتضى ،،،
أهلنـــاقالو (مجبور خادم الفكى على الصلاة ) ،،،، الصلاة وعارفنها !!!! لكن المحيرنى الفكى حيكون منو ؟؟؟
يارب طراوة أم الحركة الإتحادية الخالدة بإرثها و مستقبلها ؟؟؟؟ (وجع)
عن الأخ غريبة: الجاغريو في الصحافة .. الخميس 29 ديسمبر بدار الرابطة بمنفوحة
| Quote: وواحد من تلك الأصوات التي أطربت مسامع الناس في ذلك الوقت الفنان العندليب أحمد محمد الشيخ (الجاغريو) الذي امتلاء صوته بالتطريب والجمال واشعاره بالمعاني والالفاظ التي تشد السامعين بالإضافة إلى الحانه الشجية. هذه المواهب الثلاثة اجتمعت في هذه الشخصية النادرة الطراز. ومن أشهر أغانيه (طار قلبي، سميري الفي ضميري، أسمر لون لادن جسمو، ياحبيبي أنا فرحان) وغنى له عميدالفن السوداني الفنان الراحل أحمد المصطفى الكثير من أغانيه وكذلك الفنان المخضرم مبارك حسن بركات أمد الله في أيامه والذي وثق كل اغنيات الجاغريو بصوته الطروب.. |
يا (يس) وينك الحساب بتاعك ماشى كبران:
طار قلبي،
سميري الفي ضميري،
أسمر لون لادن جسمو،
ياحبيبي أنا فرحان
ده فن وكلام يدخل جوة فى العظ(ض)ــم،،،،
بالله شوفو لينا : ياحبيبي أنا فرحان
|
Post: #31
Title: Re: اخوك يا سرور القالو عذر
Author: شكرى سليمان ماطوس
Date: 01-15-2007, 09:27 PM
Parent: #1
محمد النور ود ضيف الله
| Quote: كما قامت في أواسط القرن السابع عشر الميلادي سلطنة الفور الإسلامية. وكان مقر الأسرة الحاكمة في جبل مرة في دارفور الواقعة غرب السودان ومتاخمة لمملكة وداي (تشاد حالياً). كما نشأت ممالك ودويلات صغيرة مثل مملكتي: تقلي والمسبَّعات التي حكمت أجزاء من بلاد السودان. وتناولت الكتب والمصادر العربية أخبار تلك الممالك مثل ما ورد في كتاب المواعظ والاعتبار، وكتاب أحمد بن سليم الداعية الفاطمي، وكتاب فتوح البلدان للبلاذري، وكتاب ابن عبد الحكم، وتاريخ العيقوبي، وكتاب ابن خلدون العبر وديوان المبتدأ والخبر، وتاريخ الرسل والملوك للطبري، وغيرها من المؤلفات التاريخية الباكرة. وفي المجال الجغرافي كتاب الإدريسي، ورحلة ابن جبير، ورحلة ابن بطوطة، وكتاب ابن حوقل.. ومن كتب التراجم: كتاب الروض الزاهر في سيرة الملك الظاهر لابن عبد الظاهر، وممالك الأبصار في ممالك الأمصار لابن فضل الله العمري، وكتاب نهاية الأرب في معرفة أنساب العرب للقلقشندي. ومن المصادر والمراجع السودانية يمثل كتاب طبقات ود ضيف الله.. مصدراً هاماً من مصادر تلك الحقب،. |
نواصــــــــــــــل
|
Post: #32
Title: Re: اخوك يا سرور القالو عذر
Author: yasiko
Date: 01-15-2007, 10:00 PM
Parent: #1
|
|