Post: #1
Title: الجنيه الجديد = الف دينار = عشرة الف جنيه قديم = نصف دولار ؟؟؟؟؟؟؟
Author: ASAAD IBRAHIM
Date: 01-12-2007, 07:22 PM
يا اهل الله الكلام دة صاح؟؟
والله احترنا واحتار دليلنا !!!!!!!!!
كدي يا ناس جوة اشرحوا لينا
|
Post: #2
Title: Re: الجنيه الجديد = الف دينار = عشرة الف جنيه قديم = نصف دولار ؟؟؟؟؟؟؟
Author: على بدرى حاج
Date: 01-12-2007, 08:13 PM
Parent: #1
الالف جنيه قديم اى ال100 دينار = واحد جنيه جديد
الدولار = 2.5 جنيه ( يعنى 2 جنيه ونصف) تقريبا
الدولار = 3.75 ريال ( 3 ريال و 75 هلله)
يعنى الجنيه اصبح اقوى من الريال
سبحان مقلب الامور
|
Post: #3
Title: Re: الجنيه الجديد = الف دينار = عشرة الف جنيه قديم = نصف دولار ؟؟؟؟؟؟؟
Author: ASAAD IBRAHIM
Date: 01-12-2007, 09:18 PM
Parent: #2
تعرف يا اخ علي انا بتخيل في الناس في السوق بيحسبوها كيف ؟؟؟؟
يعني بين يوم وليلة الحاجة الكنت بتشتريها بعشرة الف تشتريها بجنيه واحد
والعجب الناس البتجيهم تحويلات من المغتربين
يعني لو متعود يستلم علي المائة دولار ميتين الف حيدوهو بس ميتين جنيه
غايتو اسعار الالات الحاسبة حترتفع لانو اي زول حيكون عاوز
يحسب اي حاجة في اي حتة
|
Post: #4
Title: Re: الجنيه الجديد = الف دينار = عشرة الف جنيه قديم = نصف دولار ؟؟؟؟؟؟؟
Author: عاطف عمر
Date: 01-13-2007, 05:24 AM
Parent: #3
Quote: تعرف يا اخ علي انا بتخيل في الناس في السوق بيحسبوها كيف ؟؟؟؟
يعني بين يوم وليلة الحاجة الكنت بتشتريها بعشرة الف تشتريها بجنيه واحد |
أو زول يكون مسلفك زي عشرة مليون جنيه ( بالقديم )
يقوم ( يتعكلت ) عليك ويقول ليك إلا تدفعا ليهو بالجنيه الجديد
سلامات يا أسعد
|
Post: #5
Title: Re: الجنيه الجديد = الف دينار = عشرة الف جنيه قديم = نصف دولار ؟؟؟؟؟؟؟
Author: ASAAD IBRAHIM
Date: 01-14-2007, 03:09 AM
Parent: #4
المصيبة الاكبر .... تقوم تدفع بالجديد وتحسب بالقديم لمن تلقي روحك عييييييييييييك
تشكرات عاطف
|
Post: #7
Title: Re: الجنيه الجديد = الف دينار = عشرة الف جنيه قديم = نصف دولار ؟؟؟؟؟؟؟
Author: أبو الحسين
Date: 01-14-2007, 08:54 AM
Parent: #1
| Quote: المصيبة الاكبر .... تقوم تدفع بالجديد وتحسب بالقديم لمن تلقي روحك عييييييييييييك |
صديقي أسعد...
نهارك سعيد يا اخوي...
والله إنت عارف نحن من يوم الثلاثاء... ماسكين القصب ونشخبط في الأرض... عاوزين نعرف الجنيه = كم ريال سعودي؟؟!!
كدي عليكم الله لو إتحسبت معاكم يا اخوننا ورونا!!!
مودتي...
أبو الحســـــــــين...
|
Post: #8
Title: Re: الجنيه الجديد = الف دينار = عشرة الف جنيه قديم = نصف دولار ؟؟؟؟؟؟؟
Author: رقم صفر
Date: 01-14-2007, 12:09 PM
Parent: #7
Quote: الالف جنيه قديم اى ال100 دينار = واحد جنيه جديد
الدولار = 2.5 جنيه ( يعنى 2 جنيه ونصف) تقريبا
الدولار = 3.75 ريال ( 3 ريال و 75 هلله)
يعنى الجنيه اصبح اقوى من الريال
سبحان مقلب الامور |
عزيزي
هذا الكلام اقتصاديا غير صحيح ، فلوا اصبح الجنيه يساوى دولار واحد فهذا لا يعني بالضرورة
قوة الجنيه السودانى .
قوة العملة الوطنية تحدد بقوة الافتصاد والقوة السوقية لهذه العملة داخل سوق العملات ، هل تعلم بان الجنيه السوداني غير مقيم داخل الدول العربية ، اعني هنا الجهاز المصرفي في الوطن العربي ، وكذكل العالمى .
كنت اتوقع ان يعاد تقييم الجنيه بعد اكتشاف البترول وسكون له سعر محدد عالميا ، ولكن فساد الكيزان ، اوقفت تأثير البترول علي الاقتصاد السوداني .
خوفي الكبير ان يقوم السودانيين (التجار) برفع قيمة البضائع (تصغيرا) للجنيه ، وذلك كأثر نفسي للتسمية(الجنيه والجنيه الجديد) ، فالاقتصاد السوداني ، بكل اسف لايمكن ان يتم قياسه اكاديميا ، فمثلا عمل العرض والطلب ، لا يؤثران كثيرا في آلية عمل السوق ، وسعر العملة ، وكمثال لذلك : خلال الشهور السابقة حدث هبوط حاد في اسعار الدولار ، ورغم هذا لم يحدث هبوط في اسعار البضائع ، هذا مع ملاحظة ان معظم بضائعنا يتم استرادها من دول تقوم علمتها بالدولار (دبي السعودية الصين الخ )
وبالتالي لابد كنتيجة حتميه في ظل اي اقتصاد ناضج لابد من انخفاض الاسعار .
لي عودة
|
Post: #9
Title: Re: الجنيه الجديد = الف دينار = عشرة الف جنيه قديم = نصف دولار ؟؟؟؟؟؟؟
Author: Frankly
Date: 01-14-2007, 01:55 PM
Parent: #1
أخي الكريم أسعد إبراهيم
الموضوع في غاية البساطة من ناحية عددية
فقد تم سحب ثلاث اصفار من الجنيه القديم والي أصر السودانيون على التعامل به بالرغم من طرح الدينار بديلاً له كعملة رسمية ولكن الناس ابت إلا أن تتعامل بالجنيه وذلك بإضافة صفر لأي سعر بالدينار
أما الأن فسيقومون بسحب ثلاث اصفار عن الجنيه القديم
الجنيه الجديد = 100 دينار = 1000 جنيه قديم
الدولار يكون سعره من 2020 جنيه قديم إلى 2,02 جنيه جديد أي الجنيه الجديد = حوالي 50 سنتاً أمريكيا
اليورو سيكون سعره من 2590 جنيه قديم إلى 2,59 جنيه جديد
تحياتي كمال
|
|