ليه حروفك..غالطت ريدي البعينك ؟؟

زي قريتك مرَّة بتودِّع حنينك..
وزي حروفك ..غالطت ريدي ..البعينك ..

****

إنتا البنيت القيف
يوم سبتا الحنين هجيت ..
مابين بدور ...وبدور ..
أرجيني ..وقدر مارجيت
وحنستا العليّ يرجاك
وقدر ماتاني إستنيت..
لقيتك إنتا بتجافي ..
روَّحتا ضل البيت
وضاعت فجأة ألحاني ..
المعاك ..غنيت..
ياحليلو.. الحلم مفزوع
إنتا الليهو... جيت.. صحيت ..
ما سبتا الصباح يلقاو
ومن أكتافو.. ليه هزيت ؟؟
موَّتا النجوم والضي
سمعتك يالحبيب.. ..عزيت !
طويت الصفحة... بتنادي
وليه من تاني إترجيت ..!

****

إتغابيتك ...وإنتا بترجِّع حنينك ..
وزي عيوني ..غالطت ..حسبة سنينك ..

أخاف إن قلتا شوقك حرفتى
أدمن رؤاكا وأرتحل
وتصبح عيونك وجهتى
ويسكن الإحساس هطول
تِخْضَرَّ يمكن ...وحشتى !
أخاف ..
إرحل حنينك ويختفى
السميتو برضك.. مهنتى
وألقانى مرهونة ذبول
وماشة تنقص فرحتى
تقدر تبدِّل رهبتى ..؟؟
وتوهب الإحساس خلود
الكان بشتِّت فُرقتى
عارفنى بفتقدك كتير
تبراكا ديمة محنتى
وإنتا بينات المسام
وكتين تصادفك دهشتى
وتديها من لقياك فرح
ماإنتا أصلاً روعتى
أنا بيكا بتحدَّى الأماكن
كان تشابه حتتى
وبتحدَّى فيك حتى الحدود
مالمساحات ..حقتى
مملوكة لى بعضك براك
ماإنتا وحدك جنتى

أنا سكتى لو ..تعرفا..
بسيب عيون الشوق تشوف..
وين الخطاوى الماشة ليك ..
وأبراها من لحظة تمنِّى ..
لحين ..إصادفنى اللقا
لاهى فترت من جفا
ولاهى متكية فى ظروف
تودر الإحساس إليك
وبعزم الآمال تغنِّى
ويصفق الريد البقى
ملهوف ..من المشوار حِفا
وببشرك ..
ما زارو خوف..
وسرابو لو تعرف ..إيديك
البيها كم مرَّة إتسقا
وبطمنك ..

رفيقو واحد ..هو الوفا

Quote: وقدر ماتاني إستنيت.. لقيتك إنتا بتجافي .. روَّحتا ضل البيت وضاعت فجأة ألحاني .. المعاك ..غنيت.. ياحليلو.. الحلم مفزوع إنتا الليهو... جيت.. صحيت ..

ما اروع هذا البوح

الأروع كانت إطلالتك..
كل الود..

Quote: ياحليلو.. الحلم مفزوع إنتا الليهو... جيت.. صحيت .. ما سبتا الصباح يلقاو ومن أكتافو.. ليه هزيت ؟؟ موَّتا النجوم والضي سمعتك يالحبيب.. ..عزيت ! طويت الصفحة... بتنادي وليه من تاني إترجيت ..!

تماضر


اليومين ديل مالك .. ايه الجمال ده


بطريقتك دي بتقتلي ليك بوردابي !!



كسره خفيفة :

ماشي قبل ما يجوا يقولو كمان دي مغازلة

Quote: عارفنى بفتقدك كتير تبراكا ديمة محنتى وإنتا بينات المسام وكتين تصادفك دهشتى وتديها من لقياك فرح ماإنتا أصلاً روعتى أنا بيكا بتحدَّى الأماكن كان تشابه حتتى وبتحدَّى فيك حتى الحدود مالمساحات ..حقتى مملوكة لى بعضك براك ماإنتا وحدك جنتى

زى ما بقول عماد الله
إنتى مسـكونة.

يكفيك شر عينى
وقولى يا عين وعينية

سلامات رأفت ..
شكراً على طلتك الحلوة ..
وزي عيونك ..ماأظن بتسحَر ..يمكن بتسحِر ؟؟

سلامات منعم ..
يمكن عشان بجمعنا ( الأونلاين ) مرَّات ؟؟

تسلم كتير على تشجيعك الدائم ..
كل الود ..

Quote: بطريقتك دي بتقتلي ليك بوردابي !!

تماضر ابدااااااااع
لقدام ولقدام

تسلم معاذ ..
أسعدني تواجدك ..

مش مهم في أي حته
المهم في الممشي رحت
ولسه بنفتش عليك
لو عرفتك أو دقست
حاجه زي جواك تسافر
وفي مساحاتك كسحت
ومش مهم في أي مقطع
المهم عزف الكلام
من غير تردد واحتشام
خلي ممشاك باقي نوته
وباقي ساحاتك زحام
وابدي أعزفي أي مقطع
جد بنقراك باحترام
يا تماضر ...
جوايا بغريك السلام

Quote: مش مهم في أي حته المهم في الممشي رحت ولسه بنفتش عليك لو عرفتك أو دقست حاجه زي جواك تسافر وفي مساحاتك كسحت ومش مهم في أي مقطع المهم عزف الكلام من غير تردد واحتشام خلي ممشاك باقي نوته وباقي ساحاتك زحام وابدي أعزفي أي مقطع جد بنقراك باحترام يا تماضر ... جوايا بغريك السلام

وخلِّي بس عينيك دروبي ..
الفيها مابتوه عيوني ..
وخلِّي قلبك إبقى شاهد
وإنصف أشواقي ..وشجوني ..
أصلي مولودة عِشِق..
توَّهت ذكراك ..ظنوني ...


الطريفي ..كل الود..

سكة تماضر
سايقانا وين؟؟؟؟
يازولا أقيفي
كم وكم حاولنا تهنا
وماعرفنا نهايتو ميزك
يابنية من جنـس الغنا
شوفي النضم كيفن بريدك
نمي دقي ويلا غنــي
وربنا يغطيك يذيدك

نورالهادي

Quote: سكة تماضر سايقانا وين؟؟؟؟ يازولا أقيفي كم وكم حاولنا تهنا وماعرفنا نهايتو ميزك يابنية من جنـس الغنا شوفي النضم كيفن بريدك نمي دقي ويلا غنــي وربنا يغطيك يذيدك نورالهادي

أنا تهتا بين وعدك وشكى
وبين إرتحالات اللقا
ماجيتنى شايل قدرة بتحقق وفاءك
ولا أمانيك الدفيقة
أو حتَّى رقراق
بيسند الشوق البقى
بيحالف الإحساس عليك
وأنا قلتا ليك
ريدى متعوِّد عليك
حتَّى الغناوى الفى عيونى
صدِّقنى جد مكتوبة ليك
واللحن جد بفضح حنينى
وإتوارى رمشى ..
..ياسيدى بيك
إنتا لو قادر تفارق ..
إحنا جد بتعبنا بعدك
ياإجينا الليلة حِنك
أو نشيل الشوق نجيك

تمــــاضر ،،


أقعدي الندفق عليك المطر
أبلل مسام الكلام
البيمرق مُرَتَّل
تصِن القواقي البتسمع نداهو
يصوم الشِعِر
ويَفْطُر بحرفك
في آخر غروب للحزن
ويشتهيك الصباح ..


تمــاضر ،،

ليس لي إلا ما قلت
ولن أفسد متعتي بالكلام
فقط
فقد أعود إليك مليئا
ببعض الورق
أو .. لا أعود إلا على الساطعات النجوم
ببعض الرهق
أو فلنقل :
إن عاد قلبي تفيض الخطي
إليك
وأين المفر



مرفق :
محبتي وتقديري
بـــــادي

Quote: أقعدي الندفق عليك المطر أبلل مسام الكلام البيمرق مرتل تصِن القواقي البتسمع نداهو يصوم الشِعِر ويفطر بحرفك في آخر غروب للحزن ويشتهيك الصباح ..

خلِّي الضي الفيك إتمدد ..
إسيب البخل العطَّن شوقنا إليك
خلِّي الخير الفيك ..إتشتَّت ..
جوَّة قلوب الناس القاسية عليك..
خلَّي عيونك تملا الوله الفرتق
لمة شوق ..والفيني بجيك ..
وخلَّي إحساسك يحكي غُنانا ..
والنغم الأشتر كان بحميك ..
تعرف وين بتودِي مراكبك ..
ووين الزول الكان بفديك ..
بي غنوة نبضو وكيف إتحدَّت ..
كل أحزانك وهي بتشجيـــك !

الخنســــاء ،،


قد وعدت قبل حين هنا بالعودة
فأتيت في نفس الزمان ولكن في مكان آخر

ما اتخيلت إنو الرجعة ح تسرع خطاها
مليت مواعين الحنين
ورجعت ليك


حجي جو الروح .. وطوفي .../... إهداء إلى تماضر الخنساء حمزة


مرفق :
محبتي وتقديري
بــــادي

بادي ..كُن بخير ..
كل الود..

تماضر
تحيّة عطرة

سجع آسر ... ومؤثّر ..



كُلّ الوُد

سلامات لؤي ..
شكراً تساب على المرور العَذِب ..
وشكراً تاني على طريقة وضع الأغاني وكده ..
كل الود..

تسلمي يا تماضر

بس ياريت لو تقدري ترفعي ملفّاتك لموقع تاني
عشان الموقع دا ما بيفتح هنا
محظور بعيد عنّك
فياريت تستعملي دا على سبيل المثال
http://3aza.com/uploader/maianuploader.php



وُدّي وتقديري

سلامات لؤي ..
عذراً ..وشكراً على لنك موقع التحميل ..
أعتقد تستطيع سماعها الآن :

يا الله عليك يا تماضر
تسلمي
حلوة حلوة حلوة شديد
رحم الله مصطفى
ورحم الله هاشم


ألف شُكر

اللهم آمين ..
تحياتي لؤي ..

الريد بدايتـو معـاى
جواى زمن مختـوت
قبال ألاقـى عيـون
أسكن حنينـا بيـوت
شايلاهو ليكـا كتيـر
جواى مدفـق يـوت
يلاكـا نبـدا نبـوح
كفانا ياخى سكـوت
قـول ليـه ياحبـى
أنا ريدى حد المـوت
أحكيلى عن شوقـك
لى جرتقة وزغروت
أدّى الخجـل بـراى
سكه إمشـى إفـوت
وأقول كتيـر عنّـى
وال عنى بيك مبسوط
تعالى عشعش فينـى
نفـرّح المكـبـوت
قلبى بشتـاق ليـك
شريانو جوّه بجـوط
دايرك وريـد إديـو
محـنّـة المـريـود
سؤال كتير حيرنـى
أدينـى ليهـو ردود
بالذمه ماواحشـاك؟؟
تلقانى خالية قيـود !