Post: #1
Title: التحية الفنان ابو عبيدة حسن
Author: SAMIR IBRAHIM
Date: 01-10-2007, 06:54 PM
Parent: #0
Samir Ibrahim
Administrator Join Date: Apr 2006
Posts: 896
الفنان ابوعبيدة حسن ..
--------------------------------------------------------------------------------
الفنان ابو عبيدة حسن ... ابن امدرمان العريقه وبالتحديد ضاحية بانت غرب ... كان الفنان ابو عبيدة حسن بالنسبة لنا عما واخا وصديقا .... خاصة عندما كان يمسك طمبوره ويغني .... يا سواقو ليهو شلتو من بيتو لمدرستو ..... اشتهر الفنان ابو عبيدة حسن ... هذا الرجل المتواضع بطيبة القلب ... والقفشات الظريفه ... والظل الخفيف ... امنيته التي عاش من اجلها ... ان يرسل والدته رحمها الله الي الحج .... حزنت جدا عندما علمت ان الفنان ابو عبيده حسن انتهي به المطاف في مستشفي التجاني الماحي ... لك التحيه اخي الفنان الرائع ابو عبيده حسن ... وما زلنا نردد اغانيك ... خاصة من اهلنا سافرنا وسفر الغربه جننا ... ويا ناس شوفو لي حلل ... ويا سواقو ليهو شلتو من بيتو لمدرستو ....
الشكر الجزيل لصحيفة الرأي العام التي اتاحت لنا الفرصه لنتابع اخبار فنان امدرمان وميدان بانت بالتحديد الفنان الكبير ابو عبيدة حسن ..............
أبوعبيدة حسن: هل أضعناك يا رجل؟!
(1)
ونحن جلوس في مكتب الدكتور عبد المنعم يوسف، المدير العام لمستشفى التجاني الماحي، دخل علينا الفنان ابو عبيدة حسن وهو في بدلة كاملة ــ يبدو انه ارتداها على عجل ــ في يده يحمل طمبوره الأشهر، ومن عينيه تنبعث رائحة الأمل وبريق الامنيات.. حيّا الحضور في بشاشة ثم جلس حتى إندلق سيل من الذكريات فجّر توربيناتها الاستاذ كمال حسن بخيت، لتغمر الغرفة التي ضاقت على سعتها ليسبح فيه ابو عبيدة الذي استدعى عبير الامكنة والازمنة والامسيات.
وانا أركب صهوة بصري اتنقل بين الحضور، لم الحظ في اعينهم ما لاحظه الحجاج بن يوسف في معاوديه، فعندما دهمه غاشية الموت، وحلّقت غربان الفناء على رأسه وهو يتلوى من الحُمّى وتكاد تبلغ الروح الحلقوم، كان يردد : اللهم اغفر لي .. اللهم اغفر لي..!
فجأة التفت الحجاج الى معاوديه من الحضور، ولحظ في اعينهم استنكاراً لقهره وبطشه وجلائطه الكبار كأنهم يستكثرون عليه المغفرة.
التفت الحجاج الى الناحية الاخرى وطفق يردد: اللهم اغفر لي.. اللهم اغفر لي رغم ان عبادك لا يظنون ذلك..!
تذكرت الحجاج، ورحمة ربنا الواسعة والاستاذ ابو عبيدة حسن ينسج بخيط الحوار ثوباً من التفاهم مع الحضور.. احتضن طمبوره وغنىّ كما لم يغن من قبل حتى ان الدكتور عبد العزيز احمد سعد، طبيب الوحدة العلاجية بالقصر الجمهوري الذي رافقنا الى التجاني الماحي قال مداعباً:
ــ اصلو الحبال الصوتية لابوعبيدة كانت مخزّنة فترة طويلة، عشان كدة ما شمّست..!
نثر ابوعبيدة بين الحضور عقداً من الالحان و ''الجواهر'' وهو يغني:
انت تبرا من الألم
والألم ما لينا نحن
الاّ يوم فاتنا وطراكي
دابو اصبح لينا محنة
اصلو لو ما الدنيا قاسية
الألم كيفن يصيبك
(2)
محنة الفنان ابوعبيدة، اثبت ان ذاكرة الشعب السوداني لا تسع الاّ الانقياء وسليمي الفطرة من شاكلة ابو عبيدة حسن، هذا الطفل الكبير الذي كبا جواده في طريق متخم بالعثرات والندوب والحفر.. عشرات الرسائل والمكالمات والنجوى والاكف المتضرعة لله بان يعيده موفور العافية و(اللحن) والتقوى.
حقا.. الدنيا ما زالت بخير ومعاول البناء اشد بأساً من عوامل التدمير، فليت الايادي تمتد والاحسان يتطاول و ''الاحصان'' يسود.
(3)
ليت الدكتور عبد الوهاب عثمان، وزير الشئون الهندسية بولاية الخرطوم يدخل هذه الحلقة بمبادراته غير المنكورة ليخصص لابوعبيدة مسكناً يلوذ به من غبار الامسيات وحر الشموس وظلم ذوي القربى.. فقط مسكن شعبي واحباؤه ومعجبوه على استعداد لسداد ما يقتضيه الحال من رسوم..
(4)
الفقرات أعلاه، من وحي زيارة قامت بها حكايات للفنان ابو عبيدة حسن في (مشفاه الاختياري) قبل عام من الآن..
(5)
الصورة اعلاه، التقطتها حكايات بمكتب الاستاذ ناجي بالفصر الجمهوري قبل يومين، وأبو عبيدة حسن يستلم اوراق البيت الذي تكفل بسداد قيمته ديوان الزكاة بالتضامن مع القصر.
امير الصادق مكاوي، الامين العام لمنظمة الاحصان سلم ابوعبيدة (شنطة العرس) بكامل ملحقاته كما وعده قبل عام..
(6)
لم يعد لابي عبيدة ان يغني:
ياناس شوفو لي حلل..
كرة الحل دحرجها المعجبون لملعب الرجل..
|
Post: #2
Title: Re: التحية الفنان ابو عبيدة حسن
Author: ست البنات
Date: 01-10-2007, 07:55 PM
Parent: #1
الحمد لله على سلامة ابن البلد الفنان أبو عبيدة - ومشكور اخى سمير على المعلومة .
و أتمنى أن :
1- : تعتنى الدولة وتهتم بالناس قبل ما يعدموا النفس ويوشكوا على خروج الروح !
بيكون أكرم ليها ولينا !
2-: تكون العروس موجودة قبل الشنطة - وأن تكون شاركت فى اختيار محتوياتها .
ست البنات .
|
Post: #3
Title: Re: التحية الفنان ابو عبيدة حسن
Author: SAMIR IBRAHIM
Date: 01-11-2007, 02:08 AM
Parent: #2
الفاضله ست الاسم ست البنات ...
اسعد الله مساءكم بكل الخيرات ...
سوف يظل الفنان ابو عبيده رمزا للبساطه وطيبة السوداني الاصيل ... اضم صوتي الي صوتك ... ولا بد من تكريم الفنان ابو عبيده علي المستوي الشعبي والحكومي ....
|
Post: #4
Title: Re: التحية الفنان ابو عبيدة حسن
Author: Bashasha
Date: 01-11-2007, 02:22 AM
Parent: #1
بالبساطة دي، او كان لم يكن، او بي ذي تفسخك الاخلاقي ده عايز تكتب عادي او تواصل؟
خير!
كده النشوف!
|
Post: #5
Title: Re: التحية الفنان ابو عبيدة حسن
Author: Bashasha
Date: 01-11-2007, 02:29 AM
Parent: #1
| Quote: يخوانا الزول ابو جضوم ده من ياتو روضة اطفال ...... مستحيل يا حبيبو تكون من روضة ست آمنة !! انت يا حبيبو باين عليك مدمن الموز الاجنبي .... نقول ليك اغتصاب اطفال تقول لي بوق الانقاذ ..!؟؟؟ غايتو انت من الاطفال العايزين نحميهم من الاغتصابات ... والله يكفيك شر الادمان |
خلينا نواصل الكلام الفوق ده، في الاول. كونو مشي التراش مابنهي الموضوع ده اطلاقا، لانو كان من دون اي مناسبة.
|
Post: #6
Title: Re: التحية الفنان ابو عبيدة حسن
Author: Bashasha
Date: 01-11-2007, 02:43 AM
Parent: #1
عزيزي القارئ:
تربية المواخير، هذا، ازقة الرزيلة، فجاة او من دون ماتعرف مالو خاطبنا بمثل هذه اللغة!
دايرين نعرف، هو فاكر الموقع ده شنو مثلا، ثم ليه يالله، هذا الانغاذي الامننجي، وبمثل هذا الاندفاع او قوة العين يتحدث بمثل هكذا لغة؟
غريب جدا اذناب النظام يكونو بالجراة جدي!
شخصيا من اليوم ماعندي شغلة، لحدي ما يتوضع حد للغة التهتك والتفسخ الاخلاقي المنتشرة في هذا المنبر. الجديد هنا، انو الساقط ده من اذناب النظام، او هو ماكوز وهذا جديد!
|
Post: #7
Title: Re: التحية الفنان ابو عبيدة حسن
Author: أبو الحسين
Date: 01-11-2007, 08:13 AM
Parent: #1
Quote: دايرين نعرف، هو فاكر الموقع ده شنو مثلا، ثم ليه يالله، هذا الانغاذي الامننجي، وبمثل هذا الاندفاع او قوة العين يتحدث بمثل هكذا لغة؟
|
سبحااااااااانك يا ربي...
داير تصل لي شنو أدينا من الآخر يا أُستاذ/ بشاشا؟؟؟
الله يرضى عليك... ويهدينا ويهديك ياااااااارب...
التحية يا سمير أخوي لك وللفنان أبو عبيدة حسن...
حقيقة الفنان أبو عبيدة... نحن نعتز بي أغانيه جداً.. وهو رجل فنان بحق وحقيقة إستطاع أن يطور في الخمسة أسلاك بتاعة الطنبور ويطوعها كيفما يشاء... لك وله تعظيم سلام... ويا ريت لو عندك مادة من أغانيه تنزلها لينا...
كميات مودتي...
أبو الحســــــــين...
|
Post: #8
Title: Re: التحية الفنان ابو عبيدة حسن
Author: SAMIR IBRAHIM
Date: 01-11-2007, 06:35 PM
Parent: #7
سبحااااااااانك يا ربي...
Quote: داير تصل لي شنو أدينا من الآخر يا أُستاذ/ بشاشا؟؟؟
الله يرضى عليك... ويهدينا ويهديك ياااااااارب...
التحية يا سمير أخوي لك وللفنان أبو عبيدة حسن...
حقيقة الفنان أبو عبيدة... نحن نعتز بي أغانيه جداً.. وهو رجل فنان بحق وحقيقة إستطاع أن يطور في الخمسة أسلاك بتاعة الطنبور ويطوعها كيفما يشاء... لك وله تعظيم سلام... ويا ريت لو عندك مادة من أغانيه تنزلها لينا...
كميات مودتي...
أبو الحســــــــين... |
العزيز الملك ابو حسين ... عيد سعيد وعمر مديد ....
اخصرك منو يا ابو حسين .... وخلينا في في الفنان الانسان ابو عبيده حسن ... اخر مره سافرت فيها السودان ... توجهت لمنزل الاستاذ العم ابو عبيدة حسن في بانت غرب .... وللاسف الشديد لم يدلني علي طريقه اي اخ او جار ... لا بد من تكريم وتوثيق كل اعمال الفنان الانسان ابو عبيدة حسن ... وانشاء الله سوف اجتهد ويا ريت لو عندنا اي زميل او زميله في مكتبة التلفزيون والاذاعه .. ويقدموا لينا اعمال ابو عبيدة فهو فنان وانسان واخو اخوان ...
القومة ليك اخي الفاضل ابو الحسين ... والقومة والدعوات للفنان ابو عبيدة حسن ...
|
Post: #10
Title: Re: التحية الفنان ابو عبيدة حسن
Author: khaleel
Date: 01-11-2007, 06:57 PM
Parent: #8
سامر
مساك الله بالخير
نعم ابوعبيدة حسن في ذاكرة كل وجدان سوداني
نذكر عقد الجواهر والرقم وصل مليون طوبة
لابد للدولة ان تهتم بمبدعيها
رحم الله عوض جبريل واسماعيل خورشيد اثروا وجدان هذه الامة ورحلو عنها فقراء
ولو كان ابوعبيدة يتبع لاحد التنظيمات لجمعو له التبرعات وعالجوهو بلندن
|
Post: #27
Title: Re: التحية الفنان ابو عبيدة حسن
Author: SAMIR IBRAHIM
Date: 01-12-2007, 02:20 AM
Parent: #10
Quote: e: التحية الفنان ابو عبيدة حسن x
Author: khaleel
سامر
مساك الله بالخير
نعم ابوعبيدة حسن في ذاكرة كل وجدان سوداني
نذكر عقد الجواهر والرقم وصل مليون طوبة
لابد للدولة ان تهتم بمبدعيها
رحم الله عوض جبريل واسماعيل خورشيد اثروا وجدان هذه الامة ورحلو عنها فقراء
ولو كان ابوعبيدة يتبع لاحد التنظيمات لجمعو له التبرعات وعالجوهو بلندن |
الملك ابو خليل .... تسلم يا غالي .... الفنان ابو عبيدة حسن ... فنان متميز ... ورجل شارع بسيط وعادي زينا واحد .... وفعلا لو كان يتبع لاي تنظيم ... او لو كان كورك وقال ابوكم مين وابوكم مين ... كان اليوم عايش في فيلا في شارع العودة ... لكن الرجل غني للحب والجمال .. ومعاناة رجل الشارع البسيط ...
التحيه ليك والتحيه للفنان الرائع الانسان ابو عبيدة حسن .... وكل فقير ليهو رب ..
|
Post: #9
Title: Re: التحية الفنان ابو عبيدة حسن
Author: Bashasha
Date: 01-11-2007, 06:57 PM
Parent: #1
| Quote: داير تصل لي شنو أدينا من الآخر يا أُستاذ/ بشاشا؟؟؟ |
ابوحسين،
قريت كلام العاهر، تربية ازقة الرزيلة الفوق ده، ولاما قريتو؟
لوماقريتو ما صدفة، ده في حد زاتو موقف، وكذلك البنعمل فيهو احنا.
لوقريتو او مافهمتو، او فهمتو ولكن ماشايف فيهو شئ، الاتنين موقف واحد، وكذلك موقفنا.
علي كده انت ماوصي علي اي مخلوق، فاتلما.
|
Post: #11
Title: Re: التحية الفنان ابو عبيدة حسن
Author: SAMIR IBRAHIM
Date: 01-11-2007, 07:05 PM
Parent: #9
Quote: Author: Bashasha
Quote: داير تصل لي شنو أدينا من الآخر يا أُستاذ/ بشاشا؟؟؟
ابوحسين،
قريت كلام العاهر، تربية ازقة الرزيلة الفوق ده، ولاما قريتو؟
لوماقريتو ما صدفة، ده في حد زاتو موقف، وكذلك البنعمل فيهو احنا.
لوقريتو او مافهمتو، او فهمتو ولكن ماشايف فيهو شئ، الاتنين موقف واحد، وكذلك موقفنا.
علي كده انت ماوصي علي اي مخلوق، فاتلما. |
يا زول دعواتي لله بالشفاء العاجل ..... والله يفك ساجورك ... ويا ابوحسين اذا خاطبنا السفهاء قلنا سلاما ... فسلاما سلاما ...
|
Post: #12
Title: Re: التحية الفنان ابو عبيدة حسن
Author: Bashasha
Date: 01-11-2007, 07:21 PM
Parent: #1
| Quote: اذا خاطبنا السفهاء قلنا سلاما |
لحقت تقول سلاما، حتي قبل مانقول حاجة؟
صفيق اوكمان جبان؟
والله ماشفت حاجة!
|
Post: #13
Title: Re: التحية الفنان ابو عبيدة حسن
Author: SAMIR IBRAHIM
Date: 01-11-2007, 07:40 PM
Parent: #12
Quote: Re: التحية الفنان ابو عبيدة حسن x
Author: Bashasha
Quote: اذا خاطبنا السفهاء قلنا سلاما
لحقت تقول سلاما، حتي قبل مانقول حاجة؟
صفيق اوكمان جبان؟
والله ماشفت حاجة! |
يا اخي الله يشفيك ... والبوست ده عن فنان سوداني اصلي واصيل .... الهدف منو تكريم انسان يسمي وفنان له لمسات فريده من نوعها في تاريخ الفن السوداني ..... ممكن تفتح ليك بوست وانا علي استعداد اجيك فيهو .... واخليك ترقص كمان ...
|
Post: #14
Title: Re: التحية الفنان ابو عبيدة حسن
Author: وليد محمد المبارك
Date: 01-11-2007, 07:55 PM
Parent: #13
بشاشا ( جركاس )
انت يا زول قايل روحك شنو ؟
واقع في الناس نبذ وتلخبت في البوستات
|
Post: #28
Title: Re: التحية الفنان ابو عبيدة حسن
Author: SAMIR IBRAHIM
Date: 01-12-2007, 02:25 AM
Parent: #14
Quote: Author: وليد محمد المبارك
بشاشا ( جركاس )
انت يا زول قايل روحك شنو ؟
واقع في الناس نبذ وتلخبت في البوستات |
الملك الشفت ... ((المثل بيقول الفيك بدربو )))... وبما انت رجل مثقف ... ومتعلم ... وليك مكانة مرموقة في المجتمع السوداني .... فلا تشتغل بسفاسف الامور ... الاخ الفيهو بدر بيها ... شفاه الله وعافاه ... ولنكرم فنان ورجل شارع بسيط لا لون سياسي له سوي السودان .. وعادات السودان والبلد والدعاش ..
القومة ليك اخي الفاضل وليد ...
|
Post: #33
Title: Re: التحية الفنان ابو عبيدة حسن
Author: SAMIR IBRAHIM
Date: 01-12-2007, 07:29 PM
Parent: #14
Quote:
Author: وليد محمد المبارك
بشاشا ( جركاس )
انت يا زول قايل روحك شنو ؟
واقع في الناس نبذ وتلخبت في البوستات |
الفاضل وليد الشفت ...
اسعد الله صباحكم بكل خير ... العالم الاسفيري ... والقري الالكترونية السودانيه ... وقول يا لطيف ... وكما اوصانا الرسول الكريم عليه افضل الصلوات والتسليم .. بعدم حوار الجاهل ...
قال الرسول صلي الله عليه وسلم " كفى بالمرء فقها إذا عبد الله و كفى بالمرء جهلا إذا أعجب برأيه و إنما الناس رجلان : مؤمن و جاهل فلا تؤذ المؤمن و لا تحاور الجاهل ".
تخريج السيوطي (طب) عن ابن عمرو. تحقيق الألباني انظر حديث رقم: 4111
|
Post: #15
Title: Re: التحية الفنان ابو عبيدة حسن
Author: Bashasha
Date: 01-11-2007, 08:14 PM
Parent: #1
وليد المبارك،
جميل جدا:
قريت الكلام ده:
| Quote: يخوانا الزول ابو جضوم ده من ياتو روضة اطفال ...... مستحيل يا حبيبو تكون من روضة ست آمنة !! انت يا حبيبو باين عليك مدمن الموز الاجنبي .... نقول ليك اغتصاب اطفال تقول لي بوق الانقاذ ..!؟؟؟ غايتو انت من الاطفال العايزين نحميهم من الاغتصابات ... والله يكفيك شر الادمان |
خلينا نسمع يا ود ياحمش ياحقاني، قبل ماينفخوك في الفاضي.
|
Post: #16
Title: Re: التحية الفنان ابو عبيدة حسن
Author: Bashasha
Date: 01-11-2007, 09:52 PM
Parent: #1
وليد المبارك، نحن في انتظارك.
|
Post: #17
Title: Re: التحية الفنان ابو عبيدة حسن
Author: وليد محمد المبارك
Date: 01-11-2007, 11:05 PM
Parent: #16
يا بشاشا
قريته
حاولت اربط بينه وبين موضوع البوست .. غلبني
لو داير تسالني عن رائي فيه بصورة منفصلة عن مضمون البوست ... فبقولانو ده ليك كلام بايخ وما محترم وما حلو وما مهذب وشين .. ايا كان الكتبه
لكن على الاقل هو موجه لي زول مباشرة
وانت بدا ماترد ليه الاساءة هو ... مشيت على اهلة الربوه مع انهم ما بكتبه ليك هنا
شنو تربيت الغوازي والكرم الشبن .. ما كده انت ما بتنبذ في سمير ابراهيم .ز بل بتنب في اهله الربوه واخوانه الاتربوا معاه
بخصوص النفخ .. صدقني مافي زول منفوخ في اون لاين دي غيرك ... وما عندك بوصلة تهديك .. حتى لو كان الكلام ده كتبه سمير ابراهيم في بوست تاني .. فالبوست ده هو فتحه لي موضوع معين .. ما تلخبته ليه .. وتلخبته لينا ولي المعجبين بالفانان الفتحو عشانه البوست
امشي افتح ليك بوست منفصل وقول كلامك ليه توووووووشك .. بدل ما بتلخبت في كل بوست .. او رد على سيده في حتته
يا بشاشا وليد مبارك الما عاجبك ده ضد اي سلوك قبيح كان في البوستات ولا براها.. كان صدر منك او صدر من نبي ...
وانت عامل فيها زول عندك قضية .. اطرح قضيتك وبطل استعداء الناس البتسوي فيه
الزول العاوز يغير في زول .. بفتش مداخل حلوه ليه .. عشان بعد داك يتقبل انتقاده .. موش يستعديه ويمرق اكعب حاجة عنده .. خليك زول زيك كده عامل فيها شايل هم تغير مجتمع كامل ...
يعني فرحان شديد انك بتمرف من الناس الشي الكعب فيهم
يا بشاشا .. طريقتك في النقاش ما حلوه ومستفذه .. وبما انك بتدعي انك تبحث عن تغيرات للشخصية السودانية من عيوبها الفيها - متفق معاك في النقطة دي - فحقوا تشوف ليك درب كويس بدل ما تلخبت لينا الدنيا كلها ..
|
Post: #18
Title: Re: التحية الفنان ابو عبيدة حسن
Author: Bashasha
Date: 01-11-2007, 11:49 PM
Parent: #1
| Quote: لو داير تسالني عن رائي فيه بصورة منفصلة عن مضمون البوست ... فبقول ليك كلام بايخ وما حلو وما مهذب وشين .. ايا كان الكتبه |
وليد المبارك،
اولا ماتفضح روحك او توري الما ناقشين، انك بتفش في غبينتك مع بشاشا.
ماتستغل وضع زي ده، اوتصفي حسابات ماتعرف من متين.
فليه اسالك رايك بي صورة منفصلة، لمن الموضوع طلع مافي صالحك اوصالح الاهبل الامي الماعندو ادني فكرة هو بعمل في شنوده؟
فذي ماقتا رايك في كلام بشاشا، لوعندك زمة، كت برات هذه الزمة اوقت رايك في البلطجة الفوق دي، لانو ماليها اي مناسبة بالمرة اوبعد داك قول الداير لي بشاشا، ولا كان تسكت بس!
اطلاقا ماتعرضت لي اي شئ شخصي اوحاولت امسو بصفة شخصية.
يقوم فجاة يرد بي لغة ازقة الرزيلة هذه، الاتربي فيها هذا العبيط، اوبشاشا، طوالي يلم بعضو او يمشي، عشان وليد المبارك مااداهو الاذن؟
والله ده الفضل!
قال طريقتك في النقاش قال!
ياخي لمان اجي لي شورتك في امثل طريقة للنقاش قول لي نصايحك العظيمة دي!
بالعدم، ياخي كل زول حر، اوكل شيخ اوبي طريقتو، من دون بلطجة لغة شوارعية او منحلين اخلاقيا!
عالم عجيبة!
بالنسبة لي ده حدو معاك.
حبيت فقط استخدمت كسبورة، اوصل نقطة محددة للقارئ، وافكك بعد داك عكس الهوا!
لوماكده مابرد علي امثالك اصلا.
كتار مابهبب ليهم، بالله لو روحم تطلع!
بنعرف كويس ندير معاركنا كيف!!
شكرا جزيل للخدمة!
|
Post: #19
Title: Re: التحية الفنان ابو عبيدة حسن
Author: وليد محمد المبارك
Date: 01-12-2007, 00:05 AM
Parent: #18
والله فقعتني بالضحك
يا زول معارك شنو البتديرها انت ..بجدك ..! انت قايل روحك نابليون ولا شنو؟
والله انت فاكيها في روحك ساكت
تمسه بصورة شخصية؟؟؟؟؟؟؟؟؟؟؟؟؟؟؟؟؟؟
وطيب تربيت الغوازي دي .. تكون يا ربي شكر وانا ما عارف .
والغوازي ديل منو يا ربي
ونصايحي العظيمة افدتك بيها لانك وسخت نظرنا وشنفت شوفنا بي كتابتك القبيحة
يلا اقطع وشك وامشي نوم واتخيل نفسك فتحت مكه وهديت اصنامها
يا بتاع المعارك انت
|
Post: #20
Title: Re: التحية الفنان ابو عبيدة حسن
Author: Bashasha
Date: 01-12-2007, 00:39 AM
Parent: #1
Quote: وطيب تربيت الغوازي دي .. تكون يا ربي شكر وانا ما عارف .
والغوازي ديل منو يا ربي |
وليد مبارك،
وصف للزول البتكلم بي لغة عاهرة منحطة زي دي.
حتي مجرد الفعل، والدفاع عن النفس شايفو كتير، عشان عندك غبينة من سنين مع بشاشة، والاهبل ده صاحبك؟
قنا ليك ماتخليها ظاهرة كده حتي للداقسين!
|
Post: #21
Title: Re: التحية الفنان ابو عبيدة حسن
Author: وليد محمد المبارك
Date: 01-12-2007, 00:55 AM
Parent: #20
ابدا والله يا بشاشا
اكيد من حقك تدافع عن نفسك .. بس دافع عنها قصاد من اساء ليك .. موش تتعداه لي اهله
غوازي دي يا بشاشا نبذ متعدي .. وهو في الحقيقية ما تبذ مباشر لي سمير .. انت بتنبذ في اهله .. ووصفتهم بالغوازي .. ثم نسبت تصرفات سمير لي تربيتهم
يعني انت ما نبذت سمير نبزت اهله
واهله ديل ما بكتبوا معاك هنا في اون لاين .. ويمكن يكونوا ما بستخدموا كمبيوتر زاتو .. ده لو كانوا حيين
|
Post: #22
Title: Re: التحية الفنان ابو عبيدة حسن
Author: Bashasha
Date: 01-12-2007, 01:18 AM
Parent: #1
وليد،
مثل هذا السلوك عندنا مرتبط ارتباط كلي بالتربية.
فكلامنا عن التربية.
لوماكده كنا ردينا عليهو بذات اسلوبو بدل زي كلامنا ده الماعندو ادني معني لامثال العبيط الامي ده.
لوماكده المنبر ده او اي مجتمع بشري كان تحول لي غابة.
الرادع الاساسي لاي فرد هو اخلاقو، والاخلاق ياتكون اتربيت عليها، يامابتتعلمو في المدارس.
فوصفناهو بماهو فيه، لازيادة لانقصان.
ماعندنا شغلة بي اهلو كافراد.
عندنا شغلة بي وصف سلوكو اي تربيتو الاخلاقية.
|
Post: #23
Title: Re: التحية الفنان ابو عبيدة حسن
Author: وليد محمد المبارك
Date: 01-12-2007, 01:30 AM
Parent: #22
يا بشاشا
حتى لو اهله قصروا في تربيته - مع اني مختلف معاك - ده ما بعني بالضرورة انهم كعبين هم في تصرفاتهم وانهم غوازي والذي منو
وغوازي دي نبذه شبنه .. انت عارف معناها وانا كذلك
التربية بحر شائك ، صحيح ليها دور كبير في الشخصية .. لكن هي ما كل شي
ياخ الانبياء بطلع من ضهرهم فاسقين ودونك ابن سيدنا نوح
الانبياء البربوا البشكر كلهم
طبعا ده ما معناته انا بتهم سمير بالفسوق .. ما انو غلط واتعدى عليك
والناس بتختلف وانت زول حاد جدا في كتاباتك .. وبتستفذ الناس وتخليهم بمرقوا ليك وشهم القبيح
|
Post: #24
Title: Re: التحية الفنان ابو عبيدة حسن
Author: tmbis
Date: 01-12-2007, 01:56 AM
Parent: #22
Quote: مثل هذا السلوك عندنا مرتبط ارتباط كلي بالتربية.
فكلامنا عن التربية. |
التربية ؟؟
بقيت كمان بتاع تربية ؟؟
الله بيسالك حسع كلامك البتكتب فيهو ده كان جابو ( متر ) يقيسو بيهو المفردات البتستعمله دي عليك النبي بتطلع ناقص كم سنتمتر ؟؟
عامل لينا فيها خالقه ومادي لسانك في اي زول ؟؟
وعامل فيها بتربي في الناس ..
أول كان ابو آمنة حامد الماك عارفو هو زاتو منو جيت جدعت كلمتينك المحفوظات ديلك
وحسع تاني جاي لي ابوعبيدة حسن ؟؟
ناصريون ..نعم .. دعونا نوثق عن هذا (الأدروبي) الزاهد عن...دة الي بكري ابو بكر
البوست ده راجيك مالك كبيت الجاز منو؟؟
ماتجيهو راجع تدينا حصة تربية بي هناك راجينك ..
أنت فاكر نفسك بتخوف منو بي كلامك الملقط ده ؟؟ اي زول كاتب ليهو كلمة شابي ليهو في حلقو والله أنت وشلتك دي تتنجمو هنا لمن تستغربو
ابتداء من رسامك كودي .. لي دنقس اتنين كلكم تتجيهو هنا لمن تستغربو شان نوريكم انو السودان البتفتتو فيهو ده .. في شرامة زيكم برضو قاعدين ما براكم شفوت وربنا اداكم مليون لسان ...
يلالا اها بس ما تمسك عراقيك في سنونك وتقوم صوف .. كترتوها لمن مسخت . لكن دواكم في والسم القدر عشاكم ..
|
Post: #25
Title: Re: التحية الفنان ابو عبيدة حسن
Author: Bashasha
Date: 01-12-2007, 02:12 AM
Parent: #1
تمبوشي،
شكرا لرفع البوست!
|
Post: #26
Title: Re: التحية الفنان ابو عبيدة حسن
Author: tmbis
Date: 01-12-2007, 02:18 AM
Parent: #25
Quote: تمبوشي،
شكرا لرفع البوست! |
لا شكر على واجب يا عمو .. لانو بالطريقة دي ح تشكرني كتير قلما ليك الفين وسبعة دي كلها حقتك وفيها جزو لي خالد كودي والحمام الميت دنقس .. ومرات مرات كدا المناضلة تراجي .. مع انها مستكردانه في بوست كامل وعاملة منو زغبير وما عايز تقول والهل انا غلطانة
عليك النبي ده بيصح يا عمو
كدي تعال بي هناك وشوف عمك الفنان خالد كودي كتب ليك شنو وتاني من اليوم داك قديت السلك وخليت البوست بي وشك ومشيت
تعال رد لينا هنا ده قبال ما نضرب ليك ( قرن ) ونطالب بحضورك
ناصريون ..نعم .. دعونا نوثق عن هذا (الأدروبي) الزاهد عن...دة الي بكري ابو بكر
قلنا لادواس ليهو ناسو .. وانتو كان ما ناسو ما تدخلو روسينكم مكشوفة
|
Post: #29
Title: Re: التحية الفنان ابو عبيدة حسن
Author: SAMIR IBRAHIM
Date: 01-12-2007, 02:31 AM
Parent: #26
الاخ تمبس .... اسعد الله مساءكم بكل الخيرات ..... وكدي خليك من المفلس فكريا ده .. وادعي معاي الله يشفيهو ويعافيهو ...
وقول معاي ... يا سواقو ليه شلتو من بيتو لمدرستو .....
|
Post: #30
Title: Re: التحية الفنان ابو عبيدة حسن
Author: MAHJOOP ALI
Date: 01-12-2007, 02:40 AM
Parent: #26
دا اسلوب منحط لايرقى لان يكتب (اذا اعتبرنا اعلاه مجازا كتابه )
فى اى مكان دعك من منبر عام
|
Post: #31
Title: Re: التحية الفنان ابو عبيدة حسن
Author: SAMIR IBRAHIM
Date: 01-12-2007, 02:45 AM
Parent: #30
Quote: Author: MAHJOOP ALI
دا اسلوب منحط لايرقى لان يكتب (اذا اعتبرنا اعلاه مجازا كتابه )
فى اى مكان دعك من منبر عام |
الاخ الفاضل ... محجوب ...
الله يهدي الجميع ... ..
|
Post: #32
Title: Re: التحية الفنان ابو عبيدة حسن
Author: Moawia Mohammed
Date: 01-12-2007, 01:53 PM
Parent: #1
|
Post: #34
Title: Re: التحية الفنان ابو عبيدة حسن
Author: SAMIR IBRAHIM
Date: 01-12-2007, 07:46 PM
Parent: #32
الفاضل الملك معاوية محمد ...
قمت ليك تحيه وتقدير ... وتسلم يا غالي ... والفنان ابو عبيدة حسن رمز للسوداني البسيط .. البيعشق الام والوطن والفن ... لله دره ودركم ...
|
Post: #35
Title: Re: التحية الفنان ابو عبيدة حسن
Author: SAMIR IBRAHIM
Date: 01-14-2007, 02:03 AM
Parent: #34
التحيه والتقدير للفنان القدير ابو عبيدة حسن .................
|
|