Post: #1 Title: (يديك الصحة والعافية) ياعـافيــة ... (ينصر دينك) يا بابكر صديق Author: جمال السنوسي Date: 01-09-2007, 12:42 PM
ما عارف أبدا من وين
لكن ناس الجبل ديل (طبعاً جبل أولياء) الواحد بيحسدهم عديل كده
فبعد أن قدموا الفنان العملاق الهادي حامد ود الجبل الذي يسير كل الفنانين الشباب الآن على دربه ، بيقدمو لينا الآن فنانة مبدعة بصوتها المميز واحساسها الراقي وثقتها في نفسها وهي تؤدي أغاني الكبار وأغانيها الخاصة وهي النجمة الواعدة والرائعة ( عافية)
وطبعا هي اتولدت كبيرة من خلال برنامج نجوم الغد في تلفزيون قناة النيل الازرق ومقدمه الرائع بابكر صديق .
تجلت عافية بأدائها الممتاز لكل الأغاني خلال التنافس وأحرزت المركز الأول بالاشتراك مع حفيد الشاعر أبو صلاح وأشتركت مع بعض الفناني الكبار في حفل المدائح النبوية الذي اقيم بمعرض الخرطوم الدولي مؤخرا .
وكانت رائعة كذلك في أغنية (هاك قلبي أهديتو ليك وردة)
وقدمت أخيرا أول عمل خاص بها وهي أغنية (يا حنين ) من كلامات الشاعر العملاق إسحق الحلنقي وألحان أحمد المك وكانت قمة الابداع صوت ولحن وأداء وحضور
ربنا يحفظك يا عافية ويديك الصحةوالعافية لتواصلي هذا العطاء والتألق لكي تساهمي في بعث روح الابداع الحقيقي من جديد في جسد الاغنية السودانية التي شارفت على الاحتضار .
تخريمة :
الناس الحريفين في الكمبيوتر مطلوب منهم ينزلوا لينا أعمالها هنا وخاصة أغنية يا حنين