ال( باشبوذق) وال( تنميط) وال( مرجعيات)

لما الواحد يعلق فى كلمه
تانى يفكها من لسانه الجليل الرحيم

البفكنا منك انت شنو

Quote: البفكنا منك انت شنو

عدم العباطه

كان العم ارباب
يسكن حى راس الساب بجزيرة مساوى
وكان مغرما بكلمة هؤلاء لحد الجنون

كان هتاف جيلنا من اطفال مساوى
(عاش ارباب بطل الساب)
(عاش ارباب بطل الساب)
(عاش ارباب بطل الساب)

وفى يوم استقبال لمولانا محمد عثمان الميرغنى
بادر العم ارباب واعتلى المنصه وبصوته الجهورى قائلا
يا( هذه )الناس ان ( هؤلاء ) المحطه قد جابها لكم محمد عثمان الميرغنى

عمنا عثمان
من اكرم من قابلت فى حياتى
شهم وصاحب مروءة لحد الدهشه

مشارك فى كل اتراح وافراح قريتنا والقرى المجاوره

ولكن علقت كلمة حينئذ فى لسانه
وصارت من المقررات الاجباريه التى كتب علينا ان
نسمعها ونسمعها
وفى يوم كئيب غرق احد اطفال القريه فى النيل
وكنا نتبادل الحراسه الليليه مدججين بالرتاين والبطاريات
لننتشل الجثه لحظة ظهورها
فاتى عمنا عثمان الذى كان يطوف على الجماعات المنتشره بطول النيل
وفجاة صفق يديه وقال
اذا راى ايا منكم الجنازه فلا ينتظر ثانيه
(وحينئذ) يتلب بهدومه قبل ان تغطس مرة اخرى

حبوبتنا ام الحسين
ويلقبونها فى القريه ب(الحاضرة)
اى حالة ولاده تلقاها حاضره
الوفيات اول واحده
قولة الخير لا تكتمل الا بها
السمايات دوكة الشيه ملازمة لها
وال... وال.....

ولكن التصق بلسانها مثل ( التسوى كريت الخ )

وفى يوم احترق منزل قريبها حاج على
وجاءت كحضورها الدائم لتواسيه قائلة
( التسوى كريت فى الناس تلقاهو فى جلدا)

أخى اوسلى مبروك الترقية من جلابى مستعلواتى

الى ((باشبوزق) ميطى ((ولا شريط واحد))

بس أحسن رد قريتو ليك ((تجاهل من لا يستحق الرد))

Quote: أخى اوسلى مبروك الترقية من جلابى مستعلواتى الى ((باشبوزق) ميطى ((ولا شريط واحد))

اهو جنس (( التنميط )) بتاعك دا يا ود محجوب
بخلينا نبقى بلا (( مرجعيات ))

((الكظ)) ..لا اعرف اسمه الحقيقى
كان يعمل فراش بكبانية كورتى

وعندما كنا طلاب بثانويتها
كنا لا نفتر من المزاح معه

افتتح احدهم وقتها ورشة حدادة وكانت يومها قبلة الزوار
و الكظ استهوته الورشه والتصقت بلسانه كلمة لحام

وفى عصرية من العصريات اجتمعت الشله امام الكبانيه كعادتها
وفجاه رن جرس التلفون وتناوله صاحبنا وبعد ثوانى انفرجت شفاه الكظ
مما يوحى بان فى الطرف الاخر احدى الحسان
وعلى مايبدو ان الاخت طلبت منه ان يبقى معها فى الخط
( هذا ما خمناه ولم نسمعه )
ولكنا سمعناه يقول هامسا
(( انا معاك لحام ))

واحد فنجرى (نماط) بالحيل .. دائما عايز يكون قدام ناسو .. الراجل (امى) ماشين بيت بكاء يشيلو الفاتحه، قام طلب من سواق (البكس) يقيف جنب بتاع جرائد .. دخل يدو فى جيب الساعة دفع حق (الجريده) وراح (منمط) الجريدة وماسكها بالقلبه (النمطيه) .. اها واحد من بعيد (نماط) برضو .. شاف (صورة) عربية وكأنها مقلوبه .. قام قال ليهو :-
يا ود العازه ات العربيه دى مالها ؟؟
صاحبنا لأنه (نماط) عرف فى حاجه ما طبيعيه .. قام بى سرعه قال ليهو :-
(حادث .. حادث) !!

قالو واحد من أهلنا الغبش ايام (مايو) سال المرحوم جعفر محمد على بخيت وقال ليهو:-
ات يا دكتور (الشموليه) دى شنو يعنى ؟؟

قام دكتور (جعفر) قال ليهو :-
يعنى (اللا نمطيه) !!
ثم واصل (فهمتها) ؟؟

زولنا خشمو مفتوح على الآخر قال ليهو :-
طى .. (حركة باللسان مع الاسنان تعنى .. ايوه) !!

حرم ما يكون فاهم لا الأولى لا التانيه وكان خيروهو كان رجع للأولى !!

Quote: واحد فنجرى (نماط) بالحيل .. دائما عايز يكون قدام ناسو .. الراجل (امى) ماشين بيت بكاء يشيلو الفاتحه، قام طلب من سواق (البكس) يقيف جنب بتاع جرائد .. دخل يدو فى جيب الساعة دفع حق (الجريده) وراح (منمط) الجريدة وماسكها بالقلبه (النمطيه) .. اها واحد من بعيد (نماط) برضو .. شاف (صورة) عربية وكأنها مقلوبه .. قام قال ليهو :- يا ود العازه ات Quote: العربيه دى مالها ؟؟ صاحبنا لأنه (نماط) عرف فى حاجه ما طبيعيه .. قام بى سرعه قال ليهو :- (حادث .. حادث) !!

قصدك تقول
فى واحد مرجعى نمطى .. فالفنجريه والنمطيه خطان متوازيان
وتانى شئ
العريبه ياتا القاصدا هنا .. الاتقلبت ولا الاتساطت ؟

الخاله كلتوم ( كانت تبيع الحلوى والفول والتمر والنبق )
بمدرسة بليل الابتدائيه بجنوب دارفور
كانت تعض على كلمة ((القرطاس)) بالنواجز
حيث لا تترك سانحه الا وتحشرها حشرا وسط الكلام
وفى يوم ذهب لها زميلنا المسيرى الامين حريكه بمنزلها
متفقدا ابنتها التى غابت يومها عن المدرسه
وعندما سالها عن حال ابنتها اجابت كلتوم
الحكيم قال لازم تبلع كل 6 ساعات حبه مع (( قرطاس )) مويه

الباشبزقيه حبوبتنا بت عبد الحميد
باقيه 10 على كلمة تسريح وكانت تنطقها (( تصريح ))
وفى يوم زار مزرعتها اخونا طارق الامدرمانى
وصادف ان وجد ان واحده من شتلات نخلها شاحبه وقريبة من الموت
فسالها ليه الشتله دى اتبشتنت كده
فاجابت
لو لقت ليها شوية (( تصريح )) مويه ما بتجيها عوجه

الأخ الحبيب أوسـلي,


من مصطلحاتي المسجلة التي ( ســرقــت ) عيانا بياناُ جهارا نهاراُ مصطلح التنميط والنمطية,

يعتقد التبعيون أو بالأحــرى التبيعيــون , أننا ننسى ما تخطه اليد في هـذا المنبـر وهـم أقذع من ضـب وأحصــر من فـرس,

______________________________________________________________________________

دعني أكون جاداُ قليلاُ,


من أخطـر المصطلحات التي يمكن تستخدم تلك المصطلحات التي تستهدف وتستعدي مجموعة قبلية أو عرقية بعينها,

هي مصطلحات تهــدد السلام الاجتماعي,

وتحـض على الجريمـة,

وصـف قبيلة الشايقية بلفظة ( الباشبوزق ) خطيئة كبرى وإطلاق في غاية الخطورة لا ينبغي السكوت عليه أبداُ ولا يخفى على الجميع أن ذبح المرحوم الاستاذ محمد طه محمد أحمد لم يكن إلا نتيجـة لسلسلة من التحريضات والإشارات بالصحـف والنكات البايخـة ضد مجموعته القبليـة , لذا فقد استسهل المجرمون تنفيذ فعلهم المجرم طالما اعتقدوا أن المجتمع يجرم هذه المجموعة ويحملهـا (بكل عموم وإطلاق ) أوزار لا تخطر على بال.

الباشبوزق كانوا فرقاُ من الجنود ولم يكونوا من قبيلة واحدة ولا من مجموعة عرقية واحدة وهم مرتزقة حاربوا لجانب التركية

والذي يتقياُ هـذا الكلام بالمنبر (المدعـو بشـاشـا ) أجهـل من أن يتحقق من حقيقة المقولات التاريخيـة,

تألفت أغلبية قوات الباشبوزق من الإرناؤوط و (الإنكشـارية ) من أصول بلقانيـة (شركسية وقوقازيـة وأرمنية) ربتهم الامبراطورية التركية العثمانية منذ صغرهم على الفروسية وحاربوا معها أغلب حروبها القاسية.

أحـذر المدعـو بشـاشـا بكل جــديـة من إطلاق هـذا اللقب الخطيـر على مجموعتي القبليـة,

أحمـد الشايقي

مرحب احمد الشايقى

Quote: وصـف قبيلة الشايقية بلفظة ( الباشبوزق ) خطيئة كبرى وإطلاق في غاية الخطورة لا ينبغي السكوت عليه

ولهذا افردت هذا البوست
حيث درج البعض على استعمال المصطلح الخطا فى المكان الخطا وفى الزمان الخطا
فالمصيبه فى هذا المنبر يردد الساهون قولهم ويتبعهم رعاع بروح القطيع
وبعد اسبوعين تلاته يكون فهمهم للمصطلحات ومعانيها تتمزق امامه كل مراجع التاريخ

لك التحيه

ب ا ش ب ز ق

اوسلي تحياتي،

نعم هناك افراد حتي اليوم، مغروزة في دواخلم شخصية الباشبوذق التاريخية، ومن هؤلاء، هذا القبلي الباشبوذقي، احمد الشايقي، وهو من احط نماذج الاستعلاء، من بين الجلابة، في المنبر ده، علي الاطلاق.

ده المقصود من استخدام المفردة دي، في الحتة دي تحديدا وشكرا.

Quote: ده المقصود من استخدام المفردة دي، في الحتة دي تحديدا وشكرا.

الباشبوزق عندك هـم مجموعة الشايقية القبليـة,

هناك تعتذر لعادل عثمان,

وهنا تحاول النفاذ بجلـدك,

أنـت تعتقد أني أطرح نفسي كقبلي لذلك تعتقـد أنك تسبني ( بســبـة) في المجموعة القبلية كلهـا,

هـذا الأمر خطير ولا يمكن السكوت عليه أو تفويتـه, وقد انسحبت إلى هـذا المستنقع الاسـن بجهـل خبيث,

عليك تحمل نتائـج أفعالك,

يا لكبر السـن إذا لم ترافقـه المعرفـة, ولم يزينـه كبر العقـل, ؟؟؟

يا لرداءة التبعيــة ....


أحمـد الشايقي

Quote: نعم هناك افراد حتي اليوم، مغروزة في دواخلم شخصية الباشبوذق التاريخية،

كبير الباشبزقيه بشاشا
لا اقول قراءة التاريخ الخاطئه بل مواقفك المغلوطه
جعلتك تحمل فاسك محاولا كسر حضارات صمدت الاف السنين
اختلفت الوسائل بينك وقادة الطالبان وجمعكما حب التدمير
والافضليه هنا لهم
ففؤوسهم وجهت نحو الصخور وفؤوسك نحو البشر

تحياتى

يا بشاشا

ارحم نفسك وسنك وامسك الجريده بالعدلا

Quote: ارحم نفسك وسنك وامسك الجريده بالعدلا

احتمال انت واقف على اياديك





تحياتى

اخونا سيد احمد
علق علقة عدوك فى كلمة( ليبرو )
وقد فاتنا يوم حضور عقد زواج احد الزملاء
وعندما حضر سيد احمد سالناه
كيف كان العقد
اجابنا
كان تمام التمام وقام بالعقد(( الليبرو)) ذااتو
يقصد
الباشبزقى المرجعى المنمط محمد عثمان الميرغنى

كان الله فى عوننا وعونكم ايها القراء

عبيط النت يسوق ويرجع فيكم بى ( المرجعيات )

وبتاعة العده حالفه( تنمطكم) من طرف

ودلاليكو ابت نفسه الا وان( يبشبزقكم) واحد تلو الاخر


ما عليكم الا وان تلوكوا الصبر
فطائرة العام 2007 بدات رحلتها

ونحنا زى ما نحنا

احمد الشايقي : اوسلي :

(المنسي) وتابعه(الاقرع) .. لايفهمان مايكتب وعليكما (بلفظهما)!

الشايقي : يا جبل مايهزك ريح .. واصل .

اقول :
نفسناطويل ، وصبرنا لاحدود له ، ولا تهزنا الاساءة اوالبذاءة او سقط القول .
وعليهما (المنسي والاقرع) ان يعودا الى رشدهما .

Quote: نفسناطويل ، وصبرنا لاحدود له ، ولا تهزنا الاساءة اوالبذاءة او سقط القول . وعليهما (المنسي والاقرع) ان يعودا الى رشدهما .

فيصل سلام
حامل وضارب(الدلوكه)توصلت الى قناعة
انهما يتمددان بهذا الصبر
واليت على نفسى ان افارق صبرى حتى يعودان لوضعية الانكماش
( الوضعيه الطبيعيه لامثالهما )

Quote: يا بشاشا ارحم نفسك وسنك وامسك الجريده بالعدلا

الشئ ماهُو ماسكها بالقَلَبا شئ...؟؟؟

ماسكها من نصها الراجل!!!

تهدينا يااااااااارب وتهدي بشاشا للطريق القويم...

يا اوسلى
دحين (الكابلى) مش بيغنى وبقول :-
(نماط فى الخلاء وعقبا كريم فى البيت) .. ولا ( رباط فى الخلاء وعقبا كريم فى البيت)؟؟

او حاجه زى كده ؟؟

Quote: يا اوسلى دحين (الكابلى) مش بيغنى وبقول :- (نماط فى الخلاء وعقبا كريم فى البيت)

وفى وااحد تانى بقول
(نمطنى حاول حس بى .. نمطنى وارمى اللوم على)
واخر يقول
(ان شاالله يا نماط تتحق الانماط .. يظهر يهود العام وتكون من النامطين)
وغيره يقول
(الحب ليس رواية نمطية.. بختامها يتنمط الابطال)

Quote: ماسكها من نصها الراجل!!!

مسكه نانسى عجرميه


ابو الحسين
قواسيب سلامى

عندما ابتدعت الانقاذ نظام (التوالى)
دار جدل كثير عن معنى الكلمه
مما حدا بكمال الجزولى لكتابة ثلاثة حلقات حوله
وقتها علقت الكلمه بلسان عمنا حمد جرجورى
وعندما وضعت زوجة صديقه توام ذهب لزيارتها بالمستشفى
وعند عودته ساله السائل عن المولود
فاجاب
ما شاء الله الوليه ولدت ب(التوالى) ولد وبنت

الرضيه كانت من اشهر مشاطات زمانها
وكانت تنافس رويتر فى نقل الاخبار
لا يهم المصداقية او عدمها
فالمهم ان تتكلم
والاهم ان تتقول
وفوق هذا وذاك يجب الا تصمت
التصقت بلسانها عبارة( شعرا ما عندك ليه رقبه )
وفى يوم من الايام
كانت تزاول مهنتها وتمارس فى الوقت نفسه عملها الاخبارى
اثناء مشاطها لدار السلام الملقبه( بام رقيبه )لقصر رقبتها
وقاطعتها دار السلام ومسكت زمام المبادره فى السرد والحكى
وهى تتحدث عن عزمها الاطاحة بامينة الصندوق (الخته)
وهنا قاطعتها الرضيه بعبارتها اللاصقه
يا اختى دا ((شعرا ما عندك ليهو رقبه )
وكانت النتيجه
شعر ممشط نصفه و يد غطتها جبيرة البصير