Post: #1
Title: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-07-2007, 10:45 PM
للمتابع ما جري في سوق الاتصالات السودانيه إن صح التعبير. و الخلاف الشهير بين موبيتل و سوداتل و المشكله التي دارت حول إحتكار موبيتل للسما السوداني لمدة عشرة سنوات و موضوع رخصة الهاتف السيار و BLabLabLab ألي أن إنتهت بفك الأحتكار من قبل الطيب مصطفي و أعتقد أن هذه هي الحسنه الوحيده التي فعلها في حياته المهم كانت النتيجه هذه الثوره التي نشهدها الان و ذلك التنافس في تقديم الخدمات للمستلك و أعطاءه حق الخيار فقد قامت شركة كنار بانزال اخر و احدث خدمه انترنت في السودان و هي عبارع عن Wireless Internet و تقدم في شكل نوعين من الاجهزة و ما عرفته أن سوداتل أيضا ستقوم بانزال هذه الخدمه قريبا كما ايضا توجد خدمة الانترنت بواسطة ال DSL بالاضافة الي ال DialUP و أعتقد أنه من حق المستخدم الان أن يدري الميزات و العيوب حتي لا يقع في مشاكل كما حدث مع كثير من زملائنا هنا في المنبر و بما أن السوق أصبح مفتوح الان اذن لنا حق الخيار ذلك علي اساس من سيقدم خدمه أفضل وأقل تكلفه و عليها Support جيد. سأقوم هنا بصفتي كشخص متمكن في هذا المجال بشرح تفصيلي لما يوجد في هذه الخدمه لاني اعتقد بانها ستكتسح سوق الانترنت و عندما ينتزل عرض سوداتل ان صدق من حدثوني ساقوم ايضا بشرحه هنا مدعمه بالصور لتعم الفائدة و يلا دعواتكم لينا و هيلا هيلا
|
Post: #2
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-07-2007, 10:54 PM
Parent: #1
أولا و قبل كل شئ لنتعرف علي الخدمة الممتازه من العير ممتازه في مجال الكمبيوتر هنالك ثلاثة اشياء ذكرتها مسبقا و لكن ساذكرها منفصله هنا للتنبيه 1- ماذا يسقدم بمعني ما نوع الخدمة 2- تكلفة الخدمة كتركيب و إيجار شهري 3- ما يسمي بال Technical Support
الرجاء التركيز علي النقطه الثالثه ففي مجال الاتصالات و المجالات التي تشبهه What ever الخدمة التي ستقدم و مهما كان سعرها مالم يوجد بها تكنيكال سبورت بمعني أنك كمستخدم يجب أن تلقي حل لمشكلتك من الجهة المنفذة في الوقت المناسب فهذه الخدمة تصبح حينها بلا جدوي المهم هذه الثلاثة معايير هي التي سنتحدث عنها هنا
|
Post: #3
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-07-2007, 10:58 PM
Parent: #1
حتي لا يكون الحديث ممل لانه تقنيا سأتطرق أيضا للخدمة ك تعامل أو Service و Design و حاجات تانيه حامياني
|
Post: #4
Title: Re: أحدث و اسرع إنترنت ويرلس من كنار في السودان (بالصور)
Author: نصار
Date: 01-07-2007, 11:04 PM
Parent: #1
شغلك نضيف يا بطل
المستهلك في السودان ليهو الله و عيشة السوق لا يجد حماية و لا توجيهة قبل شراءه للبضاعة او الخدمة و لا دعم فني بعد ذلك... واصل يديك العافية
|
Post: #7
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-07-2007, 11:24 PM
Parent: #4
تسلم كتير يا نصار و أهو نعمل العلينا و أيد علي أيد تجدع بعيد
|
Post: #5
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-07-2007, 11:13 PM
Parent: #1
أها قولوا بسم الله نبدأ الشغلانه من ال Packing
أول ما لفت إنتباهي هو الطريقة التي يقدم بها الخدمه تقوم الشركة باعطائك الجهاز في كيس من الورق جميل الشكل و هذا الشئ نحن نفتقده في السودان عموما فدائما ما يتم أعطائنا الاشياء كما هي مجرده
و بتطبق الكيس يصبح شكله هكذا
و بكل صدق الكيس لا يعتبر شئ تجاري فهو متين بما يكفي و يمكن اعتباره لاحقا متعدد الأغراض
تخريمه: أي زول يمشي و ما يدوهو الجهاز في كيس زي ده معناها الجماعة ديل غشوهو أوعك تبقي فاره و تتدقس
|
Post: #6
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-07-2007, 11:21 PM
Parent: #1
حبايبنا الليل إنتصف تماما بتوقيت هنا و لكن أعلل نفسي بساعات اخري كما تعلمون ليل الشتاء طفل يحبو غدا سيكون بانتظاري Hell of work لذا ساخلد الان و كان حيين بنتلاقي في الرمله الدقاقه ووعد مني ببوست مممممممتع للدين
أحبكم جميعا دون فرز و أشهدوا أني أحب الله و رسوله
|
Post: #9
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-08-2007, 07:37 PM
Parent: #8
نواصل أهم ما يميز هذه الخدمه لك كمستخدم شيئين الأول هو أنها Wireless أي بمقدور المستخدم العمل من أي مكان و أنا قمت بتجربتها في المكتب في المنزل في العربيه في طربيزه الأكل و أمام التلفاز و انت علي سريرك وا وا وا الثاني أنها ذات سرعه عاليه تبلخ 2.4 MB و لتعرف الفرق نجد ان الانترنت العاديه مثل ال Dialup تكون بسرعة 48 KB و الحسابات كالاتي 1 MB = 1024 Kb اذن نضرب 2.4 * 1024 = 2457.6 و للعلم فقط أن الفرق هنا يمكن ملاحظته في عملية ال Dowload , Upload بصوره واضحه
المهم يوجد نوعين من الاجهزة النوع الاول يعمل بنظام CDMA وهو خصاص بال Laptop صندوقه من الخارج يعطوك له في هذا الشكل
و محتوياته الداخليه في هذا الشكل سنشرحها واحده تلو الاخري
|
Post: #10
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-08-2007, 07:45 PM
Parent: #1
هذه عباره عن سماعه و مايك
و هذه عباره عن Antenna للتقويه
عندما تفردها يصبح شكلها
و هذه يمكن أن نضعها في فهم أنها Accessories لا أكثر ولا أقل أي بأمكانك استعمالهم او تركهم لكن المهم هو التالي
|
Post: #11
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-08-2007, 07:58 PM
Parent: #1
الجزء المهم هو هذا الكرت و الذي يسمي بال Data Card
به Aerial عندما تخرجه من داخله يصبح شكله كالاتي
و يمكن ثني ال Aerial بعد ذلك ليصبح هكذا
|
Post: #12
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-08-2007, 08:06 PM
Parent: #11
كما ذكرنا سابقا أن هذا الكرت ذو الهوائي هو الجهاز المهم أما بقية الاجهزه فيمكن استخدامها او تركها ساتحدث لاحقا عن كيفية توصيل الجهاز بالكمبيوتر عن طريق الصوره
|
Post: #13
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-08-2007, 08:57 PM
Parent: #1
في ال Laptop يوجد مكان هكذا
علي المستخدم ادخال الكرت اعلاه ليصبح الشكل هكذا
بعد ذلك من ال CD المصاحبه عليك انزال برنامج منها لعمل ال Connection في جهازك و يوجد Dcoumentation لكيفية إنزال البرنامج و عمل الConnection و هي عملية ساهله يمكن لاي مستخدم له الحد الأدني من الإستخدام عمل ذلك
|
Post: #14
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-08-2007, 09:02 PM
Parent: #1
كانت هذه هي الفكره و المعدات و طريقة التركيب من الان سنتحدث عن المزايا و المساوئ فقط تابعونا و مش حتأدر تغمض عينيك
|
Post: #15
Title: Re: أحدث و اسرع إنترنت ويرلس من كنار في السودان (بالصور)
Author: mulhim
Date: 01-09-2007, 09:18 AM
Parent: #14
يا بطل ... اسعد الله ايامك بالخير ... ياخى انت ولا ناذر اى واحد فيكم اتكلم عن التقنية الجديدة دى طوالى دخل لينا ... فى يدوك جهاز شكله ما عارف شنو وسرعته ما عارف كم ... وتكنيكال ديتيلز.. وكمان انت بارك الله فيك وريتنا الاجهزة جوه كيسها وبرة الكرتونة.. اها هسا انا سؤالى ليك ...انت بتديهم شنو(كم) عشان يدوك الكيس البتطبق وجواهه العدة دى ؟؟ وكمان شروط التعاقد معاهم ,,,شكلها كيف؟؟ ويلا ادينا( خـــــــــاترك) والسلام.
|
Post: #18
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-09-2007, 07:51 PM
Parent: #15
تأمر يا ملهم و خليك متابع
|
Post: #20
Title: Re: أحدث و اسرع إنترنت ويرلس من كنار في السودان (بالصور)
Author: mulhim
Date: 01-09-2007, 08:25 PM
Parent: #18
تسلم يا بطل .. وشكرا كتير للمعلومات الضافية.. والسلام
|
Post: #16
Title: Re: أحدث و اسرع إنترنت ويرلس من كنار في السودان (بالصور)
Author: ناذر محمد الخليفة
Date: 01-09-2007, 01:00 PM
Parent: #1
كيفك يا ملهم .. إجابتك في الصورة دي :
|
Post: #17
Title: Re: أحدث و اسرع إنترنت ويرلس من كنار في السودان (بالصور)
Author: abuguta
Date: 01-09-2007, 01:25 PM
Parent: #16
جميل ها الحكى...واصل... كان كدا السودان بقى متطور اكثر من المملكة لان خدمة w-max و ال YI-FI..لسع هنالك خلاف بين الاتصلات ومبايلى.. لكن تنافس الكيزان مع بعضهم اظهر المسروق وهو خدمة الشعب..الرخيصة وبامتيازات احسن ولقدام
|
Post: #19
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-09-2007, 08:04 PM
Parent: #17
طيب نبدأ بالميزات:
1- ًWireless, Portable, Movable
فكره مجنونه بالجد يا شباب أنا شخصيا يوجد لدي هاجس اسمه Laptop من يعرفونني أشتهر بينهم بأنني أحمل اللابتوب معي أينما ذهبت فبداخله حياتي و بوجود ال Mobile , ال Laptop معي أشعر بأنني استطيع حل جميع مشاكلي المشكله الوحيده كانت التي تواجهني هي أنني لا أحمل معي انترنت فأضطر عندما أذهب لاجتماع و أكون محتاج لشئ علي الانترنت أحتاج من الجهة التي لدي معها اجتماع ان يقدمون لي Access لل Internet و بصراحه طلب سخيف جدا أما الان كما شاهدتم الصور أعلاه أتجول أينما أشاء حاملا معي انترنت كل المطلوب افتح ال Laptop أطلع ال Antenna و أدوس Connect و موضوع إنتهي بالجد حاجه ما ممكن توصف
يتبععع
|
Post: #21
Title: Re: أحدث و اسرع إنترنت ويرلس من كنار في السودان (بالصور)
Author: mulhim
Date: 01-09-2007, 08:31 PM
Parent: #16
ابو النيذ .. صديقى العزيز .. تحيات وشوق مشكور يا ابوالنيذ ..كفيت ووفيت والله .. كدة تبقى المعلومة منكـ ومن البطل 100 مية .. مشكورين على الاجتهاد .. سلام
|
Post: #22
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-09-2007, 10:50 PM
Parent: #1
2- الميزه التانيه يا شباب هي السرعه العاليه جددددددا فال Dial Up قمنا بمقارنتها مسبقا
Quote: أنها ذات سرعه عاليه تبلخ 2.4 MB و لتعرف الفرق نجد ان الانترنت العاديه مثل ال Dialup تكون بسرعة 48 KB و الحسابات كالاتي 1 MB = 1024 Kb اذن نضرب 2.4 * 1024 = 2457.6 و للعلم فقط أن الفرق هنا يمكن ملاحظته في عملية ال Dowload , Upload بصوره واضحه |
اها نجي لل DSL طبعا نسبه للاحتكار السابق يا شباب كل الانترنت الكانت خاشه السودان بتخش عن طريق سوداتل بي Cable بحري يعني زي ماسوره و مدين منها خلق الله كلهم عشان كده سوداتل متحكمه فينا زي ما عاوزه حسب معلوماتي ان كنار تريد فصل نفسها و تقوم بمد Cable خاص بيها بس خلصت ولا لا أنا ما متأكد المهم نرجع لموضوعنا سوداتل عاده بتديكم سرعه 256 MB للأفراد و 512 لل Net Cafe يعني كده العاجبو عاجبو و الما عاجبو يقع البحر بعد شويه سوداتل دخلت خدمه اسمها ADSL و دي طبعا سرعته بدوك 1 MG و 2 MG بس المشكله طبعا انو سوداتل ما بتدي الخدمه دي الا للمؤسسات يعني الوزارات, شركات البترول, المنظمات, الشركات و باسعار خرافيه لكن نحن كبشر و افراد باااااااابو مافي لينا اها اسه الخدمه دي بتديك 2.4 MG و انته مواطن عاااااادي بدون واسطه و كلام فارغ و محسوبيه بي قرشك تحلي ضرسك و صراحه لما تشوف انحنا كما بنخش الانترنت كيف قبل سته سنين في السودان و تجي تشوف الخدمه دي اسع تقول الحمد لله و يعيش التحرر و منعول أبو اي زول بيشجع الإحتكار فوق و حريه حدها للسما
تخريمه: كل ال Infrastructure بتاعت ال Communication في السودان بتاعت سوداتل عشان كده محاربته صعبه جدا و محتاجه لزمن طويل شديد و هي زي اله صغير كل الشركات بتطوف حوالينو مثلا اذا حدث عطل في اي من كبانيات او كيبلات سوداتل في المسافه ما بين الخروطوم و اي مدن السودان بينقطع الاتصال بتاع سوداتل و باقي الشركات لكن شايف الشركات بقت تفصل روحه شويه شويه زي اريبا مثلا حاليا اتخيل لي شبه بقت مفصوله برضو لكن موبيتل لسه
|
Post: #23
Title: Re: أحدث و اسرع إنترنت ويرلس من كنار في السودان (بالصور)
Author: ناذر محمد الخليفة
Date: 01-10-2007, 06:35 AM
Parent: #1
Quote: و منعول أبو اي زول بيشجع الإحتكار فوق و حريه حدها للسما
|
|
Post: #24
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-10-2007, 10:00 AM
Parent: #23
3- واحدة من الميزات بصراحه يا ناذر ليس لها كخدمه و لكن كطريقه لتقديم الخدمه للجمهور هو الطريقه التي يتم تقديم الخدمه بها و التعامل و الأهم من ذلك ال Documentation لعملية ال Installation و ال Setting فالكتيب الذي توفره كنار مع الأجهزه يمكن أي مستخدم من التركيب و عملية الأعداد و به شرح كافي و بطريقه مقنعه الي حد كبير و بصراحه هذا ما نفتقده نحن كجمهور من الشركات فسوداني مثلا نعم رخيصه نعم توفر كل شئ لكن مفهوم ال Customer care معدوم لديهم تماما فعندما تواجهك مشكله لا تعرف إلي أين ستتجه و الأفضل لك شراء جهاز سوداني جديد بدلا من البحث عن حل للقديم أتمني أن تواصل كنار بنفس المستوي العالي و أن لا يكون هذا مجرد دعايه للخدمه و من بعد ذلك يتردي الحال كما يحدث دائما في السودان بعد كسب الزبائن
يتبععععع
|
Post: #25
Title: Re: أحدث و اسرع إنترنت ويرلس من كنار في السودان (بالصور)
Author: عبد المنعم سليمان
Date: 01-10-2007, 10:13 AM
Parent: #1
Quote: أحدث و اسرع إنترنت ويرلس من كنار في السودان |
احدث
في السودان نعم
اسرع
كذبا كاذب ( ما انت يا ناصر الخدمة)
ملحوظة مهمة جدا :
الجهاز لا يعمل في مدينة ام درمان
اذن لا اسرع ولا احدث ولا احسن
مودتي
منعم
|
Post: #28
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-10-2007, 05:59 PM
Parent: #25
Quote: ملحوظة مهمة جدا :
الجهاز لا يعمل في مدينة ام درمان |
بطل صدق لم أجرب الجهاز في أمدرمان و لكن جربته في الخرطوم و بجري و أتحدث بكل ثقه أنه يعمل جيدا و بإجراء بعض الإتصالات تمكنت من معرفة أن الخدمه لم تصل أمدرمان اي الان لأن التوسعه لم تأتي لها و لكنهم في الطريق إليها و أعتقد و هذا في رأيي الشخصي طبعا كون الخدمه لم تصل أمدرمان بعد هذا ليس عيبا في الخدمه في حد ذاتها كخدمه و لكنها مسألة وقت ليس الا و لكني أتفق معك تمام أنه كان من المفترض من كنار أن لا تنزل الخدمه للسوق ما لم يتأكدوا من وصولها للخرطوم بأكملها علي الأقل و لكن أعتقد أن السوق و التنافس و خصوصا كما ذكرت أن سوداتل ستقدم نفس الخدمه قريب جدا كل هذا جعلهم يقومون بإنزال الخدمه بهذا النطاق المحدود لكي يضمنوا لهم موقعا في السوق (و الله أعلم)
Quote: اذن لا اسرع ولا احدث ولا احسن |
نختلف هنا حسب التعقيب أعلاه فليس للسرعه ولا الحداثه علاقة بالنطاق المغطي لها كخدمه أما أحسن فليست في عنوان البوست فهي من إضافتك و لكن فلنقل في النطاق التي توجد فيه هذه الخدمه أعتقد أنها أحسن
تسلم كتير يا منعم لكن الود
|
Post: #26
Title: Re: أحدث و اسرع إنترنت ويرلس من كنار في السودان (بالصور)
Author: المكاشفي الخضر الطاهر
Date: 01-10-2007, 10:52 AM
Parent: #1
فوق للفائدة يابطل
|
Post: #29
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-10-2007, 06:00 PM
Parent: #26
مرحب يا مكاشفي شكرا كتيييييير
|
Post: #27
Title: Re: أحدث و اسرع إنترنت ويرلس من كنار في السودان (بالصور)
Author: ناذر محمد الخليفة
Date: 01-10-2007, 03:14 PM
Parent: #1
منعم ..
Quote: ملحوظة مهمة جدا :
الجهاز لا يعمل في مدينة ام درمان
اذن لا اسرع ولا احدث ولا احسن
|
إنت جربتو ؟!!
|
Post: #30
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-10-2007, 06:03 PM
Parent: #27
حسب كلام الكثيرين أنه فعلا لا يعمل أنا شخصيا لم أفعل لكن الموضوع ما صعب كان جنونتي قامت علي بشيل ال Laptop و هسسسه ده بقطع ليك الكبري
|
Post: #31
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-10-2007, 10:14 PM
Parent: #1
أول مره تظهر لي هذه ال Message
و كانت نتيجة ظهورها هو إنقطاع الخدمه لفترة أربعة دقائق مع العلم بأنني علي الفور لأتأكد أن المشكله ليس من عندي قمت بعمل Disconnect ثم Connect أيضا عملت Safely Remove Hardware وقمت باخراج الكرت و ادخاله من جديد بسرعه جدا و لكن برضو نفس ال Message و عادة عندما تظهر مثل هذه ال Message تكون المشكله من شيئين الأول هو أن تكون هنالك مشكله في ال Site الذي أنت تتصفحه في حد زاته الثاني هو أن تكون الانترنت ما شغاله من اساسا في الجهاز من أصلو و للتأكد بأن المشكله ليس في ال Site أو ال Web server الذي أنا بصدد إرسال Request له قمت بفتح مواقع اخري ليس لها علاقه ببعضها أو أنا متأكد من أن ال Hosting لهذه المواقع في Different Servers لمن لا يستطيع قرائة الرساله فهي تذكر الأتي:
Network Error (tcp_error) Acommunication error occrred:"Operation timed out" The Web Server may be down, too busy, or experiencing other problems preventing it from responding to requests. You may wish to try again at alater time. For assistance, contact your network support team.
لذلك أعتقد بأن المشكله كانت مشكلة شبكه في ذلك الوقت و الله أعلم
يتبعععع
|
Post: #32
Title: Re: أحدث و اسرع إنترنت ويرلس من كنار في السودان (بالصور)
Author: ناذر محمد الخليفة
Date: 01-10-2007, 11:31 PM
Parent: #31
ناصر ...
Quote: لذلك أعتقد بأن المشكله كانت مشكلة شبكه في ذلك الوقت و الله أعلم |
بالضبط وأوريك متين دا حصل ..
يعد إتصالي بيك الجبيل مباشرة صاح !!
|
Post: #33
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-11-2007, 09:03 AM
Parent: #32
طبعا التقنيه في حد زاتها يمكن أن نقول أو بالتأكيد هي طفره في مجال الأتصالات في السودان و لا ينكر ذلك إلا مكابر و لا يستطيع كائن ما كان أن يذكر أن هذا النوع من التكنلوجيا غير جيد أو مفيد أو عملي و بصراحه أكثر هذا هو اليوم الخامس الذي أستخدم فيه هذه التقنيه فمعدل حدوث انقطاع لمدة عدة دقائق في خلال مدة زميه كهذه يعد مقبول إلي حد ما و لكن المشكله تكمن عند إشتراك البنوك, أو كاميرات المراقبه التي تنتشر في الشوارع أو المطار أو البث التلفزيوني المباشر مثلا أو أو أو في هذه الخدمه فطبيعة عمل البنوك مثلا تسمي بال Online Transaction و طبيعة المعلومات لا تتحمل أي نسبه من الخطأ لذلك يلزم التجويد فهي الان كخدمه لمستخدم عادي في نطاق محدود جيده جددددددا أو فلنقل ممتازه و لكن كما ذكرنا أعلاه يلزم التجويد أكثر
|
Post: #34
Title: Re: أحدث و اسرع إنترنت ويرلس من كنار في السودان (بالصور)
Author: نيازي عبدالله مرحوم احمد
Date: 01-11-2007, 09:23 AM
Parent: #33
الاخ ناصر شكرا علي ايراد هذه المعلومات بس في حاجة مهمة جدا انو قيمة المبلغ الشهري المدفوع بغطي فقط 2GB فقط لل upload and download واي Giga زيادة ب 30 الف جنيه ال 2GB دي يمكن ان تذهب في ارسال واستقبال الايميل فقط لشخص يعتمد علي البريد وربما في اربع ايميلات فقط اذا كانت attach كبير كما في بعض website التي تمنح attach كبير جدا بالذات attach ال pdf هذه المعلومات قصدت التدقيق فيها مع موظف كنار لان السرعة كبيرة جدا لذلك لا يمكن ان تكون لله ساي .....اذا كانت معلوماتي خطاء ارجو تصحيحها بحكم تجربتك العملية
وشكرا ليك وكل سنة وانت طيب
ويا ناذر(خاصة لناذر) يعني نقلب ليك بلاينش كنار ولا احسن كده
|
Post: #35
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-11-2007, 12:15 PM
Parent: #34
سلامات نيازي كلامك صاح ميه ميه و أتفق معك حتي النخاع و أنا هنا طبعا أتحدث عن الأفراد و ليس الشركات و المحال التجاريه فهؤلاء بفهم بسيط جدا بما أنهم يجدون عائد مادي من هذه الخدمه اذن عليهم دفع المقابل لها و لكن للأفراد سيكون هذا مدخلي للفقره الثانيه:
كما ذكرت مسبقا بأن ال Parameter التي تقاس عليها الخدمه من ضمنها التكلفه يلا تعالوا نحسب أولا استخدام الفرد للانترنت كحاجه Personal ينحصر في الاتي و يزيد قليلا Emails, Web Browsing, Chatting, Search, Reseraches, Movies Download, Software Download with or without Crack and other few things any way ال 600 ألف هي عباره عن رسوم تدفع مقدما بمفهوم رسوم تركيب و معادت و في إعتقادي أنها كتييييره جدددددددددددا لأن سعرها بالدولار معناها 300$ unbelievable too much بكل المقاييس فسعر المعدات لا يصل لهذا الحد و هي عباره عن سماعه و Anttenna و كرت و انا هنا اتحدث عن ال Actual Cost اذن أعتقد أن هامش الربح كبير جدا لديهم و هذه في اعتقادي تأتي من ان الشركه المنفذه لهذه الخدمه كما يبدو من ال Logos هي شركة هواوي الصينيه و علي حسب حد علمي أن هذه الشركه لها أيادي خفيه تقوم بعقد الصفقات لها مع شركات الاتصالات فمثلا موبيتل كانت قد مضت معها عقد لتوسيع الشبكه بميالغ خرافيه و لما تم بيع موبيتل قام الكوايته بالغاء الصفقه و تم تحويلها الي شركة Ericsson المهم أما اذا كانوا يريدون اشراك المستخدم في دفع تكلفة معدات تشغيل الخدمه في حد زاتها فليس هذا من حقهم و لا هو فهم تسويقي ممتاز كل ذلك في جانب و معدل دخل الفرد في السودان مقارنه بال 300$ براكم عارفين الباقي لذلك في رأيي الشخصي جددددددا أن المبلغ هذا كبير جددددا مهما كان شكل الخدمه التي يسقدومنها بالمقابل ثانيا: يتم دفع 30000 لكل لكل قيقا زياده يعني بالمختصر كده أجيبه ليكم من الاخر اذا الواحد فيكم بيشتغل بي برنامج Kazza بتاع ال File Sharing و بينزل فلم واحد في الاسبوع من الأفلام ال Top عشان يشوفوا يعني معناها 4 أفلام في الشهر يعني دي تقريييييييا كده بالميت 6 قيقا لما تضربوا ال 6 في ال 30 ألف يعني بيوتكم إتخربت يلا أفهموا الناس ديل لاعبين التسويق بتاعم كيف كالاتي:
بيقولوا ليكم إنها Wireless و 24 hours connected تمام... معلومه بتخلع لكن يا فالحين كونك Connected حاجه و كونك U have limit U have to work within دي حاجه محتلفه خخخخخخخخخالص و هنا بصرااااااحه يا شباب بنلقي ال DSL متفوقه علي Canar ك Cost Wise يعني ال DSL بتدفع 100 و تنزل أنشاء الله يومي Movie مافي زول بيقول ليك تلت التلاته كم طيب كلام جميل أها اسه الزول يعمل شنو ديل عندهم خدمه ممتااااااااااازه و ديل عندهم الرخصه يلا تعالوا اقول ليكم كنار اذا قللت التكلفه صراحه عليكم بيها طوالي و ما حتندموا خدمه زي ما قال مزيع كاس العالم (حطاها في الشبكه حلوه أوي يااااااه زي ما آآآل كتاب الكوره) طيب كلام جميل الحل التاني شنو معناها حتضطروا تعملوا زي ما انا اسه عامل تشتركوا في DSL بي ميه ألف في الشهر ده للبيت و الافلام وا وا وا عشان تتغلبوا علي ميزه ال Wireless and Movable دي تقوموا تدخلوا من جهاز سوداني بتاعكم يعني كل ما تدخل اجتماع و لا عايز تعمل جك لي ايميلك و انته متحرك تفتح اللابتوب توصل فيهو جهاز سوداني و الساعه بي 1500 و أكيد مافي زول بيعمل جك لي ايميلو في ساعه كده حكاية ال Cost دي اتخيل لي كفاها وما نحكها اكتر من كده الا اذا في زول عاوز يعرف اكتر
|
Post: #36
Title: Re: أحدث و اسرع إنترنت ويرلس من كنار في السودان (بالصور)
Author: ناذر محمد الخليفة
Date: 01-11-2007, 02:16 PM
Parent: #1
نيازي :
Quote: ويا ناذر(خاصة لناذر) يعني نقلب ليك بلاينش كنار ولا احسن كده |
صحبي عاصم إصلو قاعد على الهيشة وكل صباح بيقوم ساخط ولاعن ومنتظر متين التغيير أها بعد دا خليهو يخم ويصر
|
Post: #37
Title: Re: أحدث و اسرع إنترنت ويرلس من كنار في السودان (بالصور)
Author: عبد المنعم سليمان
Date: 01-11-2007, 02:26 PM
Parent: #1
انت جربت الموووت يا ناذر
انا ما جربتو لاني ما عندي قروش اشتري بيها الجهاز الغالي ده 600 ولا 800 الف
وما عندي زول بديني ليهو هدية !!
لكن انت جربتو قدامي وقدام ماسا وشفنا النتيجة !!
تجربة امدرمان بورييك الزول الجربو منو كان داير
ملحوظة : الماسنجر ما بخش نهائي عن طريق الجهاز دة ما تقول لي جربتو يا ناذر
رد علي ولا اقول ليك انت ما تخلي الشركة هي ترد !!
منعم
|
Post: #38
Title: Re: أحدث و اسرع إنترنت ويرلس من كنار في السودان (بالصور)
Author: ناذر محمد الخليفة
Date: 01-11-2007, 03:58 PM
Parent: #37
منعم :
Quote: لكن انت جربتو قدامي وقدام ماسا وشفنا النتيجة !!
تجربة امدرمان بورييك الزول الجربو منو كان داير
ملحوظة : الماسنجر ما بخش نهائي عن طريق الجهاز دة ما تقول لي جربتو يا ناذر
رد علي ولا اقول ليك انت ما تخلي الشركة هي ترد !!
|
نعم الجهاز ما شغال في أمدرمان لانو لسع التغطية ما وصلت .. طيب العيب في شنو هنا ؟ بالتأكيد الشركة ما دخلت المنافسة عشان يس تسوق أجهزتا في الخرطوم وبحري .. فدا معناتو شنو ؟! معناها بي بساطة المشكلة مشكلة تغطية وما عندها علاقة بي سوء الخدمة .. وبعد فترة التغطية حا تخش أمدرمان ..
Quote: ملحوظة : الماسنجر ما بخش نهائي عن طريق الجهاز دة ما تقول لي جربتو يا ناذر |
أما موضوع الماسنجر ما بيخش فإتضح لي بعد الرجوع للشركة إنو المشكلة كانت عندي أنا في الكمبيوتر وما عندها علاقة بالخدمة والدليل على كدة ناصر البطل ما واجهتو اي مشاكل في الدخول للماسنجر والبريد من خلال اللاب توب البيستخدمو !!
صنفرة :
كدي أقرا رد ناصر البطل فوق وما تتشنج !!
|
Post: #39
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-11-2007, 11:26 PM
Parent: #37
Quote: ملحوظة : الماسنجر ما بخش نهائي عن طريق الجهاز دة ما تقول لي جربتو يا ناذر |
طيب ركز معاي يا منعم عشان الكلام يكون علمي شويه أول حاجه المعلومه الفوق دي غلط تمام و غير صحيحه فأنا اتعامل بالمسنجر 24 Hours in order to give technical support for many guys أفهمك الخاصل شنو بالراحه دائما التكنلوجيا مثل الاتصالات و الكمبيوتر يا منعم تنقسم الي اثنين Hardware & Software ال Software هو باختصار شديد البرنامج البتحكم في تشغيل ال Hardware يعني زي لما يكون عندك جهاز كمبيوتر بيكون عندك Windows يوجد يا منعم في مثل هذه الحالات برامج تستخدم لل Feltering مثل التي يستخدمها حاليا الهيئه القوميه للاتصالات لحجب مواقع محدده هذا من ناحيه من ناحيه اخري يوجد أيضا لكل برنامج مثل ال Messanger مثلا Port محدد يعمل عليه فمثلا اذا وجد ان هنالك Firewall لازم في الحاله دي ال Adminirtrator يفتح ال port المحدد للعمل هذه ابسط المفاهيم التي تعمل عليها الشبكات حاولته شرحها بطريقه بسيطه جدا و لكن العمليه معقده اكثر من ذلك بكتير و كل ذلك يدخل في إطار ال Technical Administation Issue لكن لا يدخل في مفهوم الخدمه كتكنلوجيا و مدي استفادة البشر منها فقد نستطيع قول أنهم يحجبون المسنجر من العمل و هذا غير منطقي طبعا لان لا فائده لهم في ذلك بل من فائدتهم ان يستطيع المستخدم عمل جات لاستخدام الانترنت اطول فتره ممكنه نعم نستطيع قول أنهم يحجبونه مع انها فكره غير منطقيه لكننا لا نستطيغ قول الماسنجر ما بخش نهائي عن طريق الجهاز دة فهمتني ...؟ المهم قد تجد يا منعم البعض في مجالس الونسه يتداول حديث بدون اي طريقه علميه بمفهوم Blablablablab و من ضمنها ما ذكرته أنت أعلاه صدقني يا منعم هذه الخدمه كخدمه في حد زاتها هي في غاية التطور ولا ينكر ذلك الا جاحد أو مكابر أو جاهل فلا تصغي اليهم و أنا سأجيبك علي كل سؤال تريده علي قدر معرفتي الضئيله و لكن كما ذكرت أعلاه مشكلة هذه الخدمه حتي الان تكمن في سعرها العالي جدا من دون مبرر كن بخير و مرحب بك دوما
|
Post: #40
Title: Re: أحدث و اسرع إنترنت ويرلس من كنار في السودان (بالصور)
Author: نصار
Date: 01-12-2007, 02:41 AM
Parent: #1
العزيز ناصر البطل
يا خي التكاليف الاذكرتها دي خرافية عديل كدا و استغلال بشع للمواطن المطحون اصلاً هنا مافي رسوم تركيب او توصيل الهارد وير بكل انواعه مجان اديك مثل للخدمة العندي الان DSL 16MB Internet flatrate Telephone flatrate لكل المانيا و اوربا + دول مختارة 6 شهور اتصال مجاني لكل شبكات الموبايل في الدولة تلفون دعم فني مجاني 24 ساعة في اليوم 7 ايام في الاسبوع الرسوم الشهرية 49 يورو طبعاً هنا المنافسة شديدة عشان كدا العروض كتيرة بميزات مختلفة لكن برضو البتعمله شركات الاتصال في السودان دا ما اخلاقي و زي ما قلت انت من نواحي تسويقية برضو ما سليم،، بالمناسبة دي احكي ليك قصة الماني بصنع اليات ثقيلة و بتعامل في المجال دا مع السودان حكي لي مرة بغضب شديد كيف السودانيين فهمهم التجاري بتشكله بس رغبة الربح السريع دون التفكير في المستقبل،، قال انهم بختوا ارباح تزيد اضعاف ما يربحه هو المنتج و كيف انه حاول بكل السبل عشان يقنعهم بافضلية الربح المعقول المستمر علي الخمشة الواحدة بلا جدوي........
|
Post: #41
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-12-2007, 01:42 PM
Parent: #40
الخدمه دي بدت تتعولق و شكلي كده بعد شويه حأسحب كلامي الفوق ده ساسحبه ليس من ناحية إنها As Technology لكن من ناحية إنها Functioning well from Canar فالانترنت العاديه مسبقا من كنار كانت تعمل بصوره جيده إلي أن أصبح الضغط عليها عالي و بدت في التدهور إلي الحضيض اليوم أيضا من الصباح الخدمه Disconnected every couble of minitues لا اعرف هل الضغط عليها زاد برضو ولا الحاصل شنو اتمني انو يكون العطل بسبب بعض الصيانه لديهم و في هذه الحاله أعيب عليهم مقدما أنهم لم يخطروا المستخدمين بان الخدمه ستتوقف لبعض الأوقات أما اذا كان الخيار الثاني بتاع انو الضغط زاد و هم ما منتبهين ليهو و الحدمه بقت تقطع فهنا حتكون مصيبه لان الخدمه تعمل في سنتر الخرطوم فكيف ان شملت السودان اتمني ان يكون المانع خير الصوره ادناه توضح ما يجري
لمن لا توضح له الصوره فهي تقول
The remote computer did not respond. For further assistance, Click more info or search help and support center for this error number
و كما الصوره واضحه اساسا مافي أي Buttom to click for more Info
عموما ننتظر نشوف الحاصل شنو أخير من النقه ساي
|
Post: #42
Title: Re: أحدث و اسرع إنترنت ويرلس من كنار في السودان (بالصور)
Author: ناصر البطل
Date: 01-13-2007, 11:46 AM
Parent: #41
UP
لتعم الفائده
|
Post: #43
Title: Re: أحدث و اسرع إنترنت ويرلس من كنار في السودان (بالصور)
Author: نيازي عبدالله مرحوم احمد
Date: 01-13-2007, 01:28 PM
Parent: #42
التحية ليك يا ناصر من خلال تجربتنا في التعامل مع شركات الانترنت في السودان( زمان زمن sudanet وزمن الpassword كان ب 2 مليون جنية)تبداء الشركات باسعار عالية وبخدمة جيدة في البداية ومن ثم تظهر المشاكل بالظهور في تقديم الخدمة الي ان تصل الي حالة انخفاض الاسعار وتحسن نسبي في الخدمة لذلك ناس كنار ديل تعال ليهم بعد سنه وتشوف وتسمع براك (ابو الرخاء)وهذا ما قلته لموظف كنار بعد سنه ان شاء الله تبقوا ابو الرخاء حاجة فنية اخري الانترنت ال WIRELESS معرض لكثير من المشاكل في حال ان التكنلوجيا المستخدمة رخيصة مثلا تقنية هاواي وذت تي اي ZTE وهذا ما تستخدمه كنار علي ما اظن لي تجربة في تركيب شبكات الWIRELESS بين الصناعة الاسيوية والامريكية والكندية فسبق وعملت (عدة)شبكات ولمسافات قريبة 11KM وبعيدة 38KM استخدمت تقنية اسيوية واخري كندية والفرق شاسع في السعر وكذلك الاداء لذلك لا تظنن ان الفرج قد ات فربما قد بدات المشاكل
وشكرا تاني
|
|