|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: ووووب علينــا المـاقرينـــا!! (Re: صباح احمد)
|
وووب علينا الماقرينا, ياارض احفظي ماعليك,سمعتناومصاريف جامعتناو..و..الي آخر اللائحة الطويلة من عبارات الغزل التي امطرني بها من ظننته شابا كان يسير خلفي في شارع القصر..
خففت خطواتي وعملت فيهابفتش لي في حاجة جوة شنطتي عشان اخلي الزول الثقيل المابخجل دة يفوتني اما اذا اصر علي حركاتو دي اديهو كف لمن سنونو تطير..
اها وقفت.. واشوفوا ليك الما بغباني راجل كبييير قدر ابوي ووشه (التقول بيأكل كوارع)..مع الاعتذار للصديق عبد المنعم سليمان..وبدل ما يمشي وبمجرد ما عيوني لاقوا عيوني غمز لي غمزة شينة خلاص بعيونو التقول شاحدها دي
وقبال ما ارد عليهو فوجئت بشاب صغير السن ينتمي لقبيلة (الشماسين) يقول بصوت علي :انت من زمن الغمزة ياعمك؟!
فلم اتمالك نفسي من الضحك
| |
 
|
|
|
|
|
|
|
|
Re: ووووب علينــا المـاقرينـــا!! (Re: صباح احمد)
|
اها مرة كدي قبال سنة ولا سنة ونص تقريبا صحيت علي صوت نغمة الرسالة في موبايلي:
تت تت تت..
اتخلعت لانو الساعة كانت بعد منتصف الليل باكثر من ساعة..
قلت في سري يمكن زول عنده مشكلةوما عنده رصيد..
فتحت الرسالة وكانت تقريبا كالاتي:
(خلاص عملنا ليك الخيرة)..
وووب علي ..دة كلام شنو دة؟
دة منو دة السوي لي الخيرة دة..وخيرة مع منو؟؟
ولمن ما لقيت اجابة للاسئلة قمت طوالي مسحت الرسالة..
في الصباح كنت نسيت الموضوع وحوالي الثامنة صباحا اتصل بي احدهم ليعتذر عن الرسالة باعتبار انها وصلت لزول خطأ
قبلت اعتذار الراجل..لكن بعد داك كنت في كل مرة استلم منه مكالمة اعتذار جديدة..
لمن زهجت..خلال تلك المكالمات الكتيرة عرفت انو اسمو(...) وقال لي هو شيخ في منطقة(...) ومن قبيلة(....) وهي قبيلة (نسيبتنا)
استمرت المكالمات اكثر من شهر وخلال هذا الشهر عرف اسمي ومكاني الشغالة فيهو
وذات يوم فوجئت باتصال منو بقول لي انا جنب الجريدة..
اتخلعت ..لكن الواجب كان يحتم علي استقباله وبالفعل حضر بعد وقت بسيط
استقبلته خير استقبال..
كان شابا في اواخر الثلاثينات من العمر ويبدو عليه مظهر التقوي
اها باختصار..عزمتو فطور لانو الوقت كان وقت فطور فرد بانه صائم
وقبل ما يمشي قال لي انا شيخ فلان الفلاني ..وفلان دة مسؤول كبير في البلد.. وسألني لمن ما لاحظ اني متزوجع عن اسباب عدم زواجي ,ماعرفت اقول شنو..فلم يذد علي ان قال انو عندي عارض كبير ولازم يطلع ووعدني انو يطلعوا لي..
شكرته في هدوء واخبرته اني غير محتاجة لذلك ولو احتجت فاهلي كلهم شيوخ وعندهم حتة مسمية باسمهم..
وانوانا ذاتي شيخة ولو داير بطلع ليهو العوارض العندو عشان يبقي شيخ كبير..
| |
|
|
|
|
|
|
|
|
|
Re: ووووب علينــا المـاقرينـــا!! (Re: صباح احمد)
|
| Quote: اها وقفت.. واشوفوا ليك الما بغباني راجل كبييير قدر ابوي ووشه |
والله حرام عليك يا صباح !!
طالما طلع راجل كبير دي ما مشاغلة ده اسمه فضل الظهر يجود به كبارنا لمن لا ظهر له
هسة انا جنب شارع القصر بفتش للشماشي وبقول ليه :
(الجاحة اللحوة التاج لبيق بنها كان تجارخ بيها بالراشع الناتي يا بحه)
انحنا ما قلنا ليكم الما بفهم راندوك ما يجي بشارع القصر ده
هسة البشير لو ما الراندوك وبكري اكان قعد في القصر !!
كسرة : لابسة شبشبك البهيج الجمهور داااك يا صباح ؟!!!
| |
|
|
|
|
|
|
|
|
|
Re: ووووب علينــا المـاقرينـــا!! (Re: صباح احمد)
|
| Quote: ووشه (التقول بيأكل كوارع)..مع الاعتذار للصديق عبد المنعم سليمان |
يا صباح شنو الكلام ده
هسة الاعتذار للوش ولا للكوارع ؟!!
افرزي ياااخ !!!
كان للكوارع خلاص امسحيها لينا في وشنا!! علي الاقل الواحد يكون متمسح بكوارع
في البرد الشديد ده !! خلي الكلاب تلحسنا ظاتوووو ..
كسرة : كنت بعرف لي واحدة اثيوبية قالت لي اعجبت بيك من اول لحسة بقيت كل ما اشوفها
ارفع كراعي الشمال !!
( قصدها لحظة) ما يجيك اي سليمان يطلع ... ظاتوو في الصباح ده .
| |
|
|
|
|
|
|
|
|
|
Re: ووووب علينــا المـاقرينـــا!! (Re: صباح احمد)
|
Quote: كان شابا في اواخر الثلاثينات من العمر ويبدو عليه مظهر التقوي
|
ويبدو علية مظهر التقوي !! عربته كامري ولا شنو !!
والله طالما هو بتااع خيرات وانتي بتعرفي مظهر التقوي كان تعرسيه
وتجيبو بت صغنونة وحليوة وتسموها تقوي !!
| |
|
|
|
|
|
|
|
|
|
Re: ووووب علينــا المـاقرينـــا!! (Re: mohamed osman bakry)
|
Quote:
وقبل ما يمشي قال لي انا شيخ فلان الفلاني ..وفلان دة مسؤول كبير في البلد.. وسألني لمن ما لاحظ اني متزوجع عن اسباب عدم زواجي ,ماعرفت اقول شنو..فلم يذد علي ان قال انو عندي عارض كبير ولازم يطلع ووعدني انو يطلعوا لي..
|
وهل ساعد في أخراج العارض؟؟؟
| |
|
|
|
|
|
|
|
|
|
Re: ووووب علينــا المـاقرينـــا!! (Re: عبد المنعم سليمان)
|
الأخت صباح ... مساء الخير
إن كان فى هذه القصة من فواصل { إستراحة } فأسمحي لي أن
أطل من خلالها لأقول ليك سلام ... ولأوغظ ذاكرة تلك الأيام الجميلة
التي عشتها بينكم ومعكم ... فهي الآن أعظم رصيد فى حياتي , يجعلني
أسترد عافيتي النفسية والإجتماعية ... دمتم صناعا للخير وللمحبة .
يتصل ودي والأخ عبد المنعم سليمان ... وكل الرهط المبين .
مع مودتي الشامخة .
| |
|
|
|
|
|
|
| |
صباح احمد
عبد المنعم سليمان
saif massad ali
HAYDER GASIM
فيس بوك
تويتر
انستقرام
يوتيوب
بنتيريست