امسية بورداب الدوحة احياها الفنان "ياسرمبيوع"، وما اروع محبة السودانيين....

اذا كانت الغربة كربة وموحشة

فان التلاقي مع جنسيات وحضارات جديدة لخبرة قيمة ومثمرة تقلل من الشعور بالوحدة

شرفتني دعوة اهل البيت وسعدت بلقاء وجوه جديدة احسست من كثرة دفء المنزل انني بين اقدم الزملاء

حساس هو الفنان السوداني لرقة وشاعرية معاني الكلمات ،وهذا دليل نبل وكرم الانسان السوداني

اتمنى ان لا تكون التجربة الاولى والاخيرة

شكرا بورداب الدوحة

شكرا" ليلى صلاح" (ابنوسة) وعبد الجليل (نادوس)

شكرا عماد عبدالله - كيكي

شكرا بدر الدين الامير الذي سودنني بعد ان تلبنن هو

شكرا للجميع

واترك الساحة للظلامي زميلي معتز القريش ليضيء البوست بالصور المعبرة

Quote: ،وهذا دليل نبل وكرم الانسان السوداني

ايزابيل حلبي
لو كنت المسئول لرشحت مقامك العالي
أمينة للجامعة العربية

العزيزة ايزابيل حلبي
شكراً على المشاعروالأحاسيس الطيبة تجاه السودان والسودانين

احيانا تعجز الكلمات عن التعبير...

كلنا امناء للجامعة العربية

وقد شرفتني مداخلتك

مرحب ازابيل
وكان رنين الحضور الدافي ازاح الاحساس ببرودة الدوحة القارصة في ذلك الليل الذي اكرمنا
فيه الصديق نادوس والرائعة ليلي صلاح ومنحونا الكثير من كرم اهل بلادي....
وذهب الصدي السوداني عاليا عندما شدي المبدع حقا (ياسر مبيوع) باغاني خالدات وصوت عالي
الترتيب ياتي حنونا قويا ..انه السبرانو..ياسر مبيوع فنان قادم بقوة وتركيز عالي وثقافة
عميقة وروح مدهشة.....!!
وازدان حضورنا وازدهي بقدومك الاول لفعاليات بورداب الدوحة التي يبدو انها موعودة بجمال عالي
سيذهب بالابداع السوداني بعيدا في انسجامه مع الاخوة في الشط اللبناني والجنسيات الاخري
لكي الشكر والتحية اختنا ازابيل علي هذا البوست,,ونحن في انتظار الظلامي لنري..!!!

د. ياسر..لمن لا يعرفونه"..طبيب أسنان يعمل فى الولايات المتحدة و يحمل جنسيتها....تحدثنــا عن وجداننا فوجدته كنيلنا ينساب.....تغنى باجمــل الالحان وترنم....فابدع..

قال الشاعر

خلاص ياغربه أخـــرك وين تهنا في دربك وما عارفين
تاني الرجعة حتبقي متين ممكن بكره وممـكن بعــدو
وممكن مانتلاقي ســــنين الأيام إختارت نبـــــعد
ونحنا مشينا مع الأيام كان يا حنين لو بي إيدنا
لا تفارقنا ولا نخليكه ِِِِشـلنا الدمعة عشان وجينا
وكنت معانا ونشتاق ليكه نحنا العمرنا ما تغربنا
شفنا الغربة شويه عليكه

______________________________________________________

إستمتعنا في إجازة العيد مع إبن خالي أسامة الجيلي وأسرته بالدوحة وسامي الجيلي وأسرته وأمير الجيلي وأسرته والأخوان رضا والاخت عائشة وإحلام الجيلي وسعدنا بالقاء الأخ الغالي بدر الدين الأمير الذ قابلنا بصدر مفتوح وتبادلنا الأحاديث في مجموعة من المواضيع الإجتماعية ومنهاجمعية أصدقاء الفنان المخضرم رحمه الله مصطفي سيد أحمد وكذلك الأخ معتز القريش هو الأخر الذي تصادف وجودنا مع الأخ بدر الدين الأمير لقاءه هو الأخر، الذي قدم دعوته لنا لحضور أمسية المعايدة بمنزل منطقة الخليج الغربي ولكن لضيق الوقت لم نتمكن من الحضور فتحاتي لهم وأرجو أن يقبلو عزري لعدم حضوري لهذه الأمسية . شكرا الأخت إيزابيل وأهدي هذه الأبيات من الشعر السوداني لكل المغتربين علي شاكلتهم . ليمو

جلسة ايزابيل بجوار حرمنا والفرح بعينيها

هنا السودان......أسف...هنا لبنان.....مرحب

صديق-الدوحة

خاطرة:[/B]

الحفل كان جميل بناسه....افتقد التعارف (دقسة)..لذلك لن أذكر أسماء... واترك التعليق لكم.....

بس فى واحدة "حارقانى": "ألجماعة ديل جابوأ البدل دى من وين...المرة الجاية حا نجيب سوريا...أها حا تلبسوأ "شنو""
















الصورة بريال......

والله يا ايزابيل كنت منورة ولا ننسي ايضا الاخت نانسي
بس مشيتو بدري

حقا كان الاخ ياسر رائع
وبقول ليه :

ربنا يوفقك في مسيرتك الفنية وان شاء الله نسمع عنك كل خير

والشكر كل الشكر للاخ / نادوس وحرمة علي حسن الضيافة والكرم الفياض

ونتمني ان تتكرر مثل هذه الجلسات مرات ومرات

ابو التومات

ياسر مبيوع يتدفع احساسا رقيقا رائعا

الغزو اللبناني وسط الرقص السوداني

الآنسة نانسي يموت ـ البوردابية المرتقبة

عبد الجليل (نادوس) ينافس الفنان الراقي الرائع (غصبا عن كي كي)

ود رمليه ـ منافسة شريفة طبعا

ليلى صلاح (أبنوسة) التي أخجلت الجميع بطيبتها السودانية الأصيلة

حقا هنيئا لك نادوس بهذه الأبنوسة

ايزابيل حلبى

لك المعزات والتقدير

ياسيدتى أنا قادر على لبننتى وياريت تقدر انتى

على سودنتك


تنهدات: انت قايلة الحكاية هظرا المهم الغريق قدام

الجميلة ايزابيل
الآتية من بلد الجمال حيث الأرز والصنوبر وكل السلام

ارحب بك بيننا هنا
وان جاء الترحاب متأخرا لكنه عميق وصادق

اسعدني وجودك هنا وهذا الدفيء اللذي لفك هناك في الدوحة
حيث ايضا
كثير من الدافئين
كما اسعدني تواصلك اللذي ربما قلل شيء من وحدة الغربة عليك..
تمنياتي لك
ولمن حولك
بلحظات دافئة
تحمل في الذاكرة لتكون براحا لك في يوم ما


...كما اتمنى ان القاك حين حضوري هناك قريبا

بورداب الدوحة : سلام :جايكم ، في القلم بقايا مداد وفي القلب كل الود ، نرسم صورة قلمية ، وود حمزة يسجل اللحظة الجميلة حينما يشهق فلاش كاميرته الديجتال ! في التفاصيل ملائكة ! تابعونا ، وفألكم جميل

مارست الدوحة غوايتها ، فجمعت البورداب في ليلة مقمرة ، استدار الهلال فاكتمل بدرا، وعند بيت (نادوس) ونصفه الحلو (ابنوسه) كان الوعد اخضرا ، وفي غناء ياسر مبيوع تغنت الدوحة جمالا واشتياقا ، بورداب الدوحة ساروا في درب الشاعر الالماني فريدريك شيللر ، و في الحركة الاخيرة من السمفونية التاسعة لبيتهوفن ، وترجم هذه الابيات الرائعة من النرويجية ، هادي الحسيني :
كفى يا أخواني هذا الأنين
ورافقوا الصوت باللحن السعيد
فشعلة السعادة لاتطفأها السنون
كم هو جد سعيد
من استطاع كسب صديق
هؤلاء الذين من أ حبوا مخلصين
ليأتوا إ لينا سعداء
أما الذين بخلوا بقلوبهم إ ليوم عنا يعميهم البكاء
لنعش كالطبيعة مبتهجين
ولنسرع الخطى عبر الطريق كالجنود البواسل الظافرين
أن فوق هذا النجم المتأ لق
يوجد أله الخلق أ جمعين.
زاد جمال معايدة البورداب في دار (نادوس وابنوسة) ، ضيفة الشرف ايزابيل حلبي ، وهنا يكون الشاعر المجيد نزار قباني حاضرا ،في لحظات فيها كل الغزل ،و أنغام الحياة المنسابة من سيّالاته الشعرية ، المشهد اصبح مفتوحا على عوالم شتى ، رافقتها زميلتها نانسي يموت ، كانتا الضحكة وصداها ، انهما توأم الروح ، فيهما جمال معتق ، وبعض من ندى شجر الارز ، وفي لهجتهما المرتاحة ، رنة من ذكريات الصبا ، وفي طلتهما ، تتبدى(الروشة ) ، وامواج البحر تدلق اسرارها عند حواف الصخر العنيد الذي يكتم اسرار العاشقين ، جاءتا بأنسام الورد الجوري والياسمين تعطر أنفاسهما ، كان الترحيب دافئا فيه بقايا اثر نحل يقبل وردا ، فالرحيق كان شهدا ، تشتهيه الشفاه على سمرتها ! وكان ود القريش يهتف في سره (بعض الرحيق انا والبرتقالة انت) ، ايزابيل ونانسي اعادتا خلق الفرحة، وأغنية الميلاد مع دندنة مبيوع واغتياته التي اثارت الشجون ، فقاست وحشة الليل واستثارت الخيالا ، وكان مبيوع خلال كل الوقت نور الابداع والعطاء ، فهو من جيل العطاء ، وكانه يردد في سكناته :
من غيرنا يعطي لهذا الشعب معنى ان يعيش وينتصر
من غيرنا ليقدر التاريخ والقيم الجديدة والسير
من غيرنا لصياغة الدنيا وتركيب الحياة القادمه
جيل العطاء المستجيش ضرواة ومصادمه
المستميت على المبادئ مؤمنا
المشرئب الي النجوم لينتقي صدر السماء لشعبنا
جيلي انا
نواصل : تابعونا

الان
اعلن فسخ ... من بورداب الدوحة
نورالهادي
غريب

خارج النص :
الكتابة قد تكون انثى ، تفضحها جمال معانيها وبين السطور تتخفى لحظات شاردة ، نلتقط فيها انفاسنا ، وقد نسجل فيها بعض عفويتنا ، هنا ليس المجال للكاميرا الخفية ، وانما سطور تمشي فتكشف بعض من خلجات انفسنا ، كيف كانوا وماذا قالوا وماذا فعلوا ، هنا خروج عن النص :

(1)
الجميع كانوا مهندمين ، على سنجة عشرة(فول سويت) ، لكن المواعيد كانت سودانية !
(2)
ود القريش كان عريف الحفل، خفيف الظل ، ومهلب ضابط ايقاع
(3)
ودرملية ، قفشته تفضح دواخله الجميلة كعبارته المعروفة (سلامات عوافي) ، مارس رياضته على ايقاعه الخاص .
(4)
كيكي كان كالصوفي ، قضى العمر نشوة وابتهالا ، مارس فضيلة (تهادوا تحابوا) ، فنال حب الجميع بهديته التي جمعت بين الحضارات ، كان محور الحديث عن (غزوة الحبشة)
(5)
عماد عبد الله ، عاشق لوطنه ، ولقيم انسانه وتقاليده ، لكنه في نفسه شئ من (حتى) لما يشهده من واقع مرير وهو مايمزقه ، يمسك ازميله ، لكنه لايجرح التمثال في صمته ، فالصمت عنده جمال ، هو فنان بفطرته، تلقائي يصنع الموسيقى من اللون وحين يرسم يذوب في نفسه وثقافته التشكيلية عميقة دون استعلاء أو ابتذال للفن احتوى اسلوبه على نزوع لفضاءات مفتوحة على تعدد القراءات للوحة هو فن يمتلك عناصر تطويره لأنه يلتقط اللحظة ويوثق جمالياتها وإن بددتها(رشفة) بكلمات خارج النص واجمل ما سجله في هذا السفر ادب الاعتذار وهي الفضيلة الغائبة عندنا كسودانيين !
(6)
نادوس وابنوسة .. شهادتي مجروحة لكن اقول وصف الابداع بالكلمات محال ! فمن يلتقط المبادرة ويكتب عن القلب والروح او هكذا اعترفت الابنوسة حينما اختارت ولم تحتار ، نادوس يأسرك بهدوئه .
تابعونا :
في الكتاب بعض سطور عن :
- بدر الدين الامير
- عوض حمزة
- بها بكري
- واخرون

ودرملية...."متانق"...يمارس هوايته...



د. أحمد عثمان ..عمران.....وواحد "شماسى"...وسط البدل..أظنو....أنا و دكتور أحمد كنا شماسة...و لا شنو يادكتور؟؟؟



ياعبدالرحيم يحر...وأنت ماك حر.....

بدون تعليق









صديقى الحبيب"الشماسى" د. بلال الزعيتر "الاردنى القح مش "فلس....وطين



شماسى متأنق , اخر غير أظنه عبدالرحيم "صديقى"



الصور بالطلب....قاعد معاكم

نتابع :
في كتاب الابداع ايضا سطور عن :
- صديق عمر وقد ظهرت عدسته ولقطاته المبدعة ، وبعض كلماته عن الفنان ياسر .
- د/ احمد عثمان عمر ، الفكر في حضرة الفن .
-عمران ببسمتة اللطيفة وحضوره المرح .
- الانيقة رندا

بس عازين لقطات اخرى من ود حمزة حتى تكتمل الصورة .
نواصل

يا أخونا احمد عثمان دا ياهو ذاتو الكان زمان
مع سعد و نجم الدين .. و للا واحد تاني؟!

عزيزنا ملاسي ..... سلام جاك
هو نفسه الدكتور احمد عثمان عمر

د. أحمد عثمان عمر و الاستاذ عبدالجليل

يابهاء
دكتور احمد عثمان ده ما الزول القاصدو ملاسي..
احمد عثمان ده يا ملاسي عندو دكتوراة في الكيمياء الحيوية
ومن حلة اسمها (البتولة) ريفي القضارف..

لو بتاع كيمياء حيوية - يا كيكي - شنو الوداهو لي سعد و نجم الدين!!

Quote: لو بتاع كيمياء حيوية - يا كيكي - شنو الوداهو لي سعد و نجم الدين!!

مادام يا حسين طلع ما زولك القاصدو انت.!!
اكيد بكون ما مشي مع سعد ونجم الدين..!!

يامهندس تسفاى كيكى سابقا

شايفك بقيت بتاع كيمياء عضوية



تنهدات: انت مابتوب من عضات ملاسى

كدي يا جماعة خلونا من احمد عثمان .. و نجي للجد:



الزول دا ما غريب علي!!

حسين الفى الخرتوم.....راسلنى براى.... و بورد...ليك صوراً مافى زول شافه..تب...خليك معاى ياحبيب...

صدبق-الدوحة

و هاك دى واحدة......

اها يا بهاء

ياملاسي ده اخونا المهندس كيكي والاستاذ العبيد المحامي

بهاء بكري
الفيكم اتعرفت يا بهاء
شايفك متوالي وراكب مع صحبك الاربجي وصاحبك الجديد (ملاسي) سرج واحد..!!
انشاء الله الخوة تدوم..!!
صورتي دي يابهاء الوداها الخرطوم شنو ..!!

عالم تخلي الواحد يرجع اديس ابابا باقي الليل ده..!!
المرة دي يايد ابوجا ذاتتها..!!

حسي يا بهاء
بعد الصورة المشت لناس (امونة) ديل..
بعد ده الاجازة الا الواحد المرة دي يمشي الحبشة..
او يفتش الفكي التشادي بتاع (ساجدة) يشوف لينا حجاب اخفاء..!!

ويتواصل الفرح : تغنى ياسر مبيوع ، ونثر درر الروائع ، كان صوته جميلا ، تفاعل الحضور معه ، وتغنى بقصيدة للدكتور المعز ، هذا الطبيب شاد حياته بنغم جميل ، تجربته في الحياة تتراوح مابين الدراسة والهجرة الى بلاد العم سام (الغرين كارد) ، وقرار العودة الى الوطن ، واظنه بدد هموم غربته بالدندنة وعزف العود انه يسير على درب وردي وكابلي وود الامين .

نواصل خروجنا من النص :
- ودالامير(المدير) ، من لا يعرفه يجهله ، سوداني تلبنن، تراه مهندما ليكون وجيها في الدنيا ،تراه جيفاريا بسيجاره الكوبي ، تضفي عليه تمردا، وجهه الاخر انجح سوداني في البزنس ، يمشي ويتحدث يسارا ولكنه تخذله يمينه، جاء وتحلق حوله الرفاق ليرتشفوا بعض(رحيق) ، لان(الاذن) معه ، له رؤيته تجاه الاشياء الجدلية والقطعية ، جاء الى الحفل وفي عنقه شال، وعن يمينه وشماله قمران من لبنان . ولو لم يكن اربجيا لما كان ودالامير .

- عوض حمزة ، جاء من (الخور) ، وهي مدينة هادئة ، وليست كخور سيد الحوش الكبير ، اقسم بان يحبس ظل المشاركين بكاميرا ديجتال ، رسم خيوط الدهشة ونسجها في لقطات ينتظرها الجميع ، نافس ودرملية في الحلبة ، كان نديما لود الامير ، حين تضيق العبارة عنده تتسع عدسة الكاميرا ليشهق الفلاش في اللحظة المناسبة ، صور اللبنانيتين الحلبية ويموت ( الضحكة وصداها) وقلت في نفسي (ود حمزة كاد (يموت ) من الروعة) وبالمناسبة (يموت) الاسم الثاني للبنانية نانسي .
- بهاء بكري ، جاء في نيو لوك ، وهو من عمل خلف الكواليس ، وكان كالبدر ، انظروا لصورته الخايف عليها ، هو يمارس العلاقات العامة على سجيته ، يكسب كل يوم صديقا ، هو ونادوس (الدويتو) هندسا( لقاء العمر ) ، كان طربا ومنتشيا بعد ان (تعبأ) بالفرح النبيل ، مبادراته تسبقه على كل مستويات الطرح ، قدم لسودانيز اونلاين الدكتور عثمان احمد عمر ، والذي ارى فيه كل مستقبل السودان ، مفكر استراتيجي ، قدم طروحات فكرية متميزة . بهاء شفرة نجاح امسية بورداب الدوحة انه من طراز فريد يمارس عصفه الذهني في صمت جميل .

نواصل : تابعونا

يانادوس
وابنوسه
وفيصل الزبير
وبهاء ..
والجميع ...
كثير الاعتذار على عدم الحضور لاسباب خارجة عن الارادة ..والجايات اكثر ..

..فى البدل دى فى (بدلة شقية) ..اسى بالله فى اشقى من البدلة اللابسة
بكرى الامين دا..والله لكن ..بالمناسبة البتعجبو بدلة بكرى دى يجينى بوصف ليهو
مكانة ..تشترى موبايل 2100 بدوك معاهو بدلة هدية ..دا العرض المقدم من قبل المحل
مايخمكم ساكت ...

ودى

ود عبد الرحمن : افتقدناك ، نلتقيك في صالون نادوس الادبي في حفل التدشين الرسمي وهذه مفاجأة 2007 ، ونادوس لايزال يبحث عن اسم لصالونه .

ود القريش كابشن الصورتين من عندي :

الصورة الاولى : رندا واختها (توأم الروح)
الصورة الثانية: ايزابيل حلبي ونانسي يموت (الضحكة وصداها)

حد يفوت ولا(يموت) في بيروت ، فهمت حاجة ، ولا انا ، فقال الصعيدي ، ياجدعان اقطع دراعي لو اني فاهم حاجة !!

Quote: ود القريش كابشن الصورتين من عندي : الصورة الاولى : رندا واختها (توأم الروح) الصورة الثانية: ايزابيل حلبي ونانسي يموت (الضحكة وصداها) حد يفوت ولا(يموت) في بيروت ، فهمت حاجة ، ولا انا ، فقال الصعيدي ، ياجدعان اقطع دراعي لو اني فاهم حاجة !!

اتفقنا انا بصور وانت كبشن

Quote: اتفقنا انا بصور

بس في صورة فاتت وانت بتسلم . اظن انها ممنوعة من النشر ، بس ما تنسى القلم ممكن يقرب الصورة !
غشمرة :

ولا نحكي : حكاية سوداني تزوج لبنانية زارا معرض سيارات! دي خليها (سري للغاية) !

نسينا نعمل زوووم وانت (ارسين لوبين) في البالطو الاسود !

الفينيقيون يا إزابيل ..
لم يفلح محمد بديع سربية في إزاحة صورة أنف الرئيس ( شارل الحلو ) و إحلال صورة الأنف الدقيقة لـ ( جيزيل نصر ) مكانها ..
ظللت أقرأ الحوادث و الصياد و النهار , و أدمن أنف الرئيس الحلو في خطوط ( ستافرو جبرا ) و ( جان مشعلاني ) و أسخر من بسام فريحة يتودد إلى أجنحة قصر بعبدا ( صقورهم و الحمائم ) .
في دكانة الحلاق في الحي الخرطومي الشعبي الذي ولدت فيه سمعت فهد بلان لأول مرة و صوته الجبلي يصدح : روح يا نسيم فوق الجبل .. و أشرح لها ..
فصرت أكتب الخطابات السرية لحبيبتي و أتمثلنا فوق الجبل ..
و الخرطوم لا تفهم في جغرافيا الجبال , لكن مزاجها سافنا أفريقية و أنهار و أنهار و أنهار , حيثما يممت وجهك في الخرطوم فثمة ماء محيط ..
و عند نفس الحلاق غنت لي ( هيام يونس ) : تعلق قلبي طفلة عربية تنعم بالديباج و الحُلي و الحلل ) ..
أمسيت ألعب الشطرنج من بعد ذلك مؤملا في اللعب الذي كل دست فيه بقبلة ..
و لا أصل القبلة التاسعة و التسعون قبل المائة حتى تشدني فيروز :
( و دخلت في ليلين فرعك و الدجى و لثمت كالصبح المنور فاكِ ) ..
فألعن جهرا أحمد شوقي و أقع في الهوى الزحلي ..
و كانت تلك الأغنية ( الهيام يونسية ) سوداء الصورة و بيضاؤها , على أن ذلك لم يجردها من اللون في وجه ( هيام يونس ) الطفولي و تبسمها الذي يضع الرحمن في القلب ..
( في قول هيام بـ ( طِفلةً ) قال شيخنا محمد حجاز مدثر رحمه الله أن الصحيح ( طَفلة ) بفتح الطاء لا كسرها , و الطفلة هي الغادة الغنوج باهرة الحسن و الدلال ) .
رأيت فيما رأيت خوذاتهم ذات القرون العظيمات ..
هؤلاء الفينيق الأشداء ثيران البحر و حارسي أسرار المتوسطي ..
بيتر أوتوول و ريتشارد بيرتون و هدسون فورد خلقوا منهم أسطورة , و جعلوا مجدهم جزرا يتناثرها البحر الذي تحرسه بيروت من جهة شرقه على مد بصرها و حتى الأطلسي , كأنها تتلمز محارق السفن التي سد بها الجند البربر منافذ العودة إلى الشاطيء الأفريقي , و طارق بن زياد تتردد صيحته : البحر خلفكم و العدو أمام , يتبادلها الجبل ذو الناب المكشر بساحل غرناطة , و جبال الطوارق في الأطلس الأفريقي حيث التقاء مرج البحرين ..
جزرٌ عذارى خضرٌ في مخدع المتوسط و زرقة ستائره الموج ..
ثم لا تلبث الصورة الجسورة تلك للمقاتلين ذووي الرؤوس الأطلسية و السفن التي مقدماتها رؤوس أسدٍية و خوذات نحاس و حوريات , ما تلبث الصورة أن تتماهي في لونٍ عجب ..
كيف الرجال الغلاظ ارتضوا مدنية و مخمل و رقي بربطات عنقً حريرية و بيبونات و طرابيش و شراويل و أرجيلة و ضحكات كركارة في ليل بيروت المقيم ؟
الفينيقون الجدد شاؤوا دستورا ملونا بمسحة حضارية بديعة :
رأس الدولة الماروني و رئيس حكومة مسلم سني , في وطن الجبل الذي لا تخطيء عينك هواه الفرنسي المزاج , و مجلس نوابها برأس شيعي , و شعبٌ بمزاج متسلطن يعشق الفنون و الآداب .. و صخب الحياة .
فذلكة لون ساس يسوس في بهرج سماحة أخرجتها بيروت من عباءة الثورة الفرنسية و حقوق الإنسان و المعاهدات بين بيزنطة و بيت المقدس , و لا عزاء لشارل ديجول .
لبنان أرزة تسكن إلى جبلٍ و بحر ..
نقرشتها فيروز بحق جبروت ( جبران النبي ) :
هل جعلت الغاب مثلي منزلا دون القصور , و تتبعت السواقي و تسلقت الصخور .
هل تحممت بعطرٍ و تنشفت بنور , و شربت الفجر خمرا في كؤوسٍ من أثير .
البحر سر بيروت القديم , و بيروت لا تكتمك العشق حين تعشبه مرجا في صوت فيروز .
شاهدنا ( السبعة العظماء ) في تلفاز حينا الخرطومي , و ( بيتون بليس ) و ( جين أير ) , و لم نكن نتزحزح حتى يعلننا الخط النسخ الأبيض على الشاشة : ترجم و طبع في معامل .................. بيروت / لبنان .
و كتاب الأطلس في دروس الجغرافيا .. الأطلس الكبير أخضر الغلاف اللامع , طبع و نُقح في بيروت ..
( أرسين لوبين ) كان بيروتيا ..
و ( أجاثا كريستي ) و ( اليوم السابع ) و ( روايات الجيب ) و ( شوشو ) و ( أنطوان كرباج ) و ( قاموس الجيب ) و ( زحلة ) و ( الروشة ) و ( الحمرا ) ...
و ... إزابيل حلبي .

عماد عبدالله

يارسام التجلى ويالتجلى رسمك

ياساحر الفينيقية وياصاحب طائر الفينيق

كونى بحبك دى مؤكدة ولا انت عندك شك فى كده

وكده وكده انا مالى ومال كده

عماد عبد الله

يا أخي سافر

انت لسة ما سافرت؟

يا أخي اترك هذا البورد

انت لسة قاعد؟

يا أخي كرهتنا

انت شنو ؟ ومنو ؟ وكيف ؟ ووين ؟ ومتين .

بحبك وبس

عماد عبد الله : رسم بالكلمات . تعدد المواهب . ريشة وقلم على وزن (كوره ووتر)

استاذعماد.....

انت الصخرة

انت الرؤيا

انت الرسالة

وكأنك تصرخ في جبال لبنان لتعانق وديان قديسيه

وانت عميق عمق بحار الفينيقيين

ونحن.....

جاء التاريخ بنا الى هذا المركب الواحد وقدرنا ان ننزل معا في الماء ونطرح عنا غبار

الجنسية اللون الطائفة او ما يعرف بالانتماء لنخرج معا في انتماء واحد تحت السماء الواحدة.......

Quote: لنخرج معا في انتماء واحد تحت السماء الواحدة.......

جملة نبيلة المعاني
التحية لك إيزابيل ولكل بورداب الدوحة

شكرا اسماعيل

شرفتني مداخلتك

Quote: حين تضيق العبارة عنده تتسع عدسة الكاميرا ليشهق الفلاش في اللحظة المناسبة ، صور اللبنانيتين الحلبية ويموت ( الضحكة وصداها) وقلت في نفسي (ود حمزة كاد (يموت ) من الروعة) وبالمناسبة (يموت) الاسم الثاني للبنانية نانسي .

يا ود الزبير معاى واحد من الاخوان قال الرووووووووووب .. نبقى فى جنس ده يا فيصل ؟؟

يااااااااااااااااااااا خوانا
كل عام وانتم ............
على كيفكم في معانقه الجمال


بس بسال
انا كنت معاكم هناك ولا انا مافي ولا انا شنو؟؟؟؟


ردوا لي بصيرتي لاستبصركم.....
كيكي عودا حميدا
فيصل الزبير عناق شديد لجمال التغطيه
ايزابيل مرحبا بك في سوداننا الواسع الملامح (واعتقد ان جد لك يعيش بيننا بجنسيتنا)
عماد ما زال شيطانك جميل طالما انه فسحك بين الربوع اللبنانيه والشرق الاوسط..
نادوس وابنوسته وكفى بالله وكيلا
والكل تامين ولامين....

والي عودة الي ياسر مبيوع ....

Quote: بس بسال انا كنت معاكم هناك ولا انا مافي ولا انا شنو؟؟؟؟

فيصل لو كلمتني كنت رسلتا مصورنا من بدري

قعد قصادك

ماشفنا ليك صور

كنت لابس طاقية الإخفاء

صديق( يتصيد) ... بعد ان وجه ام شعب

رندا حاتم والكرم الحاتمى

من اليمين فيصل الزبير .. د. احمد عثمان .. والوجيه بهاءالدين بكرى

[

وما زلت المح شيئا بعيد (.......)

وفى الدوحه اناس قريبون من القلب
يكاد قلبى يقفز من بين اضلعى ليعانقهم
قضيت بينهم اسعد اللحظات وكعهدى بها
تمر سريعا لتطبع فى الخاطر اجمل الذكريات
شكرا لكم اهل الدوحه على هذا الترحاب والصدق

Quote: قال الرووووووووووب

دادندي ام الروابي ام كابو

هنا تتبدى بصمة ود حمزة وهو يرفع صور الحفل

نواصل الخروج من النص :

- صديق ، جاء بعدة الشغل ، الكاميرا والاستاند،وصديري لمصور ميداني لتغطية بؤرة ساخنة بالفرحة ، ادار حوارا مع الفنان مبيوع حول الغربة في بلاد العم سام ، نتيجة الحوار ستكون استقرار الفنان ، والمغريات الفرص الكبيرة في الدوحة من حيث المناخ الايجابي والانفتاح وفوق كل ذلك (المال) وهنا تدخلت : اذا مارس مبيوع مهنته ستكون اسنانه من(ذهب) ، اقصد ، جيبوه مليئة بالذهب لان علاج الاسنان الاغلى في الخليج فمن يستثمر هذا البزنس (عيادة مبيوع في الدوحة) ولكن بالتأكيد سنفقد فنانا عاد لمهنته (طب الاسنان )!

- الدكتور ، احمد عثمان عمر ، المستشار العام للشركة المتحدة في قطر ، كان اكتشافا مميزا ، انسان مرتب ، مستنير ، مفكر استراتيجي ، محلل من الطراز الاول ، سرقتنا السياسية عن اجواء الحفل ، فكك الازمة السودانية بفكر trouble-shooter ، وبرؤية جديدة، لكن من يفهم ان حواء السودانية ولدته وانه افضل من كثير من سياسي اليوم ، وان الساحة السياسية التي اصابها الجدب ، ستكون موعودة بفكر خصب ، فقط اتيحوا الفرصة لانفسكم للاستماع لهذا الصوت ، وهنا الشكر للعزيز بهاء بكري الذي احسن صنعا بتقديم هذا الكنز لقراء سودانيز اونلاين بمقال عن عقلية الاستعلاء والذي لم يفهمه مثل محمد سليمان ، لان طرح الدكتور متقدم على عقول الكثيرين .

Quote: عماد عبد الله ، عاشق لوطنه ، ولقيم انسانه وتقاليده ، لكنه في نفسه شئ من (حتى) لما يشهده من واقع مرير وهو مايمزقه ، يمسك ازميله ، لكنه لايجرح التمثال في صمته ، فالصمت عنده جمال ، هو فنان بفطرته، تلقائي يصنع الموسيقى من اللون وحين يرسم يذوب في نفسه وثقافته التشكيلية عميقة دون استعلاء أو ابتذال للفن احتوى اسلوبه على نزوع لفضاءات مفتوحة على تعدد القراءات للوحة هو فن يمتلك عناصر تطويره لأنه يلتقط اللحظة ويوثق جمالياتها وإن بددتها(رشفة) بكلمات خارج النص

يجبر خاطرك يا زول يا جميل ..
المشكلة أنا دايما بتكلم خارج النص ..
متعبة النصوصية يا صاحبي ..
أسأل كمال الزين


كتر خيرك يا فيصل على عشمك ..
و الله يكضب الشينة .

الزميل : عماد عبد الله :

Quote: هو فنان بفطرته،

هذه شهادة كل بورداب الدوحة

وهل لي غير الصمت ملاذاً
من أين لي حروفاً تترجمني،
و(الترجمة خيانة)
ويقيني بمعزتكم ومحبتكن يتمدد..
شكرا لكم حسن ضيافتكم وفي حضوركم كنا ضيوف،
ودراويش في في حضرتكم.
وشكرا لياسر هذا الغناء الآسر،
وشكرا للصديق عمر سعد الذي جسر ما بيننا وبين هذا الطرب.
وشكرا حميما لأزابيلا حلبي ولنانسي يموت
وشكرا كريما لبلال زعيتر
ولجميع ضيوفنا من غير أعضاء سودانيز أون لاين.
ولملاسي الذي كان حاضراً رغم المسافة.
وننتظركم في جلسة (مثاقفة) مش برضو بكتبوها/بسموها كدة.

نادوس ،في انتظاراشراقات الصالون الادبي ، واحسبه اضافة حقيقية لتفرد بورداب الدوحة ، فبعد الطرب ياتي حديث الادب ، اجعلهم يقدحون فكرهم ، ويعصرون خلاصة الكتب لانها خير جليس في هذا الزمان .

واقترح ان يكون (الجمعة) ، ام المتحدث فهو متروك لتقديرك ، وسنكون حضورا ،اقلاما و صوتا وصورة وهذه متروكة لود حمزة وصديق .

عبدالجليل (نادوس) مضيفناوصورة الصورة ...

Quote: يجبر خاطرك يا زول يا جميل .. المشكلة أنا دايما بتكلم خارج النص .. متعبة النصوصية يا صاحبي .. أسأل كمال الزين

عمدة فناني الدوحة

تحياتي

شهادتي في حقكم مجروحة

بحكم المحبة


محبتي

جميييييييييييييييلين بورداب الدوحة

وانتم تنعمون بحميمية لا توصف ،،،

كل سنة وانتم طيبين ومذيدا من الابداع

شكرا ايزابيل الجميلة

وانت تتألقين وسط بورداب الدوحة


دمتم ،،،

كلنا فى انتظار الصالون الادبى .. ونتمنى تتنوع مواضيعو من حديث فى الادب الى حديث فى السياسه الى قراءات فى تاريخ السودان الى طرح ومعالجات للمشاكل الاجتماعية السائده فى المجتمع السودانى ....اى شئ ممكن الناس تستفيد منو ...

انا عندى اقتراح بخص بيهو عماد ... رايك شنو لو تعمل لينا معرض للفن التشكيلى ... وين وكيف ومتين والمتطلبات .. دى كلها اساله ما عندى عنها فكرة لكن اكيد عند جهينة الخبر اليقين فاذا فى امكانيةلى حاجة زى دى كلنا ح نجتهد فيها واذا كمان صعبة افتينا .. رايك شنو؟؟

تحياتى ...

فوق

من اجل رقيص معتز القريش

سيف مساعد ...
يا ود خالتى ...

عندى وجهة نظر ارجو انك تتقبلها بصدر رحب ....

اذا فى اى مشكله بينك وبين معتز القريش حقو تفتح ليك بوست خاص بيها وتترك للقارئ حرية الاختيار ما بين الدخول للبوست المعنى والمشاركه فى مشاكلكم او العكس .. اما مسالة انو الناس تفرض مشاكلها وتجبر الاخرين على معرفتها اعتقد دى حاجة غلط .. والبوست ده ما بخص معتز ولا فتحو معتز عليه ما فى داعى تحرفو مسار البوست لمنحى بعيد كل البعد عن هدفو الاساسى...

ود خالتى .. خليك اكبر من سفاسف الامور وانت فعلا كده بس يظهر انفعالك طلع من حد السيطره ..

تحياتى لك وللشيخ الجعلى ....

و الله كنا مبوسطين و كلنا "بنرقص"....مالك ياسيف ياخى بس معتز "الظلامى" كان عازف الاورق و مالقى طريقة يرقص حتى تسلم أخيه المهلب....الابداع...فرقصنا جميعــاً أه شوف

تحياتي ..

أول الكلام لأخواننا سيف مساعد و ود القريش ..
رجاءا , و تأمينا على كلام الأخت رندا ..
رجاءا عدم خلط الأوراق في المكان الخطأ و الزمان .
ما نكن للآخرين في هذا البراح , إلا ما ما يليق من احترام ..
و ليتنا نترفع عن الصغائر و شخصنة الخصومة , و كلاكما يعي تماما سؤ هذه المسالك و تحفيزها للعدوانية في النفوس ..
أربأ بكما من الإنزلاق حيث لا نحب لكما .. و لا لأنفسنا .

ثم .. رندا ..

Quote: انا عندى اقتراح بخص بيهو عماد ... رايك شنو لو تعمل لينا معرض للفن التشكيلى ... وين وكيف ومتين والمتطلبات .. دى كلها اساله ما عندى عنها فكرة لكن اكيد عند جهينة الخبر اليقين فاذا فى امكانيةلى حاجة زى دى كلنا ح نجتهد فيها واذا كمان صعبة افتينا .. رايك شنو؟؟

ورطة جديدة يا رندا ؟؟
طيب .. إنتي تعالي بس ( صالون الأبنوسة الثقافي ) و ح أورطك في قراية حاجاتك المدسدساها و ضنينة بيها على الناس .
و عندي إقتراح يصب في عين المجرى , و كانت قد بادرت به الأبنوسة ليلى صلاح في أول جلسة افتتاح لصالونها , و دعيني أنحني لها حين أبت أن تسميه صالونا ( أدبيا ) .. و اقترحت أن يسمى ( ثقافيا ) حتى يشمل كل أشكال الإنتاج الإبداعي و الفكري .. بما فيها التشكيل .
طبعا كانوا ح يسلفقوا الموضوع ناس نادوس و فيصل و كمال و بدري الياس , و يخلوهو نقة ( مستعلواتية نخبوية صفوية مثقفاتية في الأدب و فنون الكتابة كافة .. و بس ) لكن يلقوها في الغافل , و كتر خير ليلى صلاح .
أقترح - مستأذنا - أن نتحاور قبلا حول التشكيل , و ان نحاول الإقتراب من مغاليق و غوامض فذلكاته ( حتى نرضي فيصل عباس و آخرين ) , رأيك شنو يا رندا ؟؟
أشكر حسن ظنك , و يا ريت ما تتمقلبي فيهو .
تحياتي يا زولة يا غنيانة بكل طيب و جميل ..

ياالعمدة...داسى رسمك.. وفنك... وحبك!!!!!



اقتراحى... ومساند....لرندا....البداية...جاليرى مجمع الخور السكنى...و البطاقات مطبوعة وجاهزة فى راسى "الخرب"...اناس يحبونك..حب..الا انهم يفتقدونك... لمبدعى النظر و العقل و الفكرة.....

...يتمنون أن يرونا...سماق...كماأهل بلادى.... (ثمانية وثلاثون) 38 جنسية...و ما أنا الا واحد منهم.....لك "أسبوع" من الجمال...تمنى به نفسى....ويتمنى به كثيرون آخرون....منتظرك وكل بورداب الدوحــة الجميلين.....

ضربة البداية....


صديق-الخور البعيد

شكرا بورداب الدوحة علي هذه الحفلة التي لن انساها..... ومالمسته من حفاوة وطيب استقبال وحسن ضيافة لهو جدير بالتوقف عنده والتامل .... فمن اول لحظة لمست الحميمية والالفة والاندياح في التعامل وهذا شئ ليس بغريب علي اخوان عرفتهم ولم اشعر يوما من الايام انني غريب وسطهم , فطيلة اقامتي في الدوحة كانوا اهلي وعشيرتي ..... ودعوني هنا اعلن حبي علي بورداب الدوحة ..... وعلي راسهم صديقي واخي بهاء بكري وصديقي اللدود عوض حمزة وصديقي الصدوق الصادق صديق عبدالمنعم وقبلهم صاحب الدار العامرة الاستاذ عبدالجليل عبدالحليم وزوجته الكريمة الاستاذة ليلي صلاح .....
وحتما ساعود لكم يابورداب ياجميلين
د. بلال زعيتر ( الاردن)

Quote: وعلي راسهم صديقي واخي بهاء بكري

مالك يابهاء[/B]...ياصديقى.....انا قايل الاستاذة"ايزابيلا" ترد!!!!!

وصورة عشان متزعل....."دى بدلة ولا دى رملة"

تسلمو ...

ادونا تفاصيل الصالون الثقافى ومتين ح يكون وانا اجهز اجندتى واجيكم ... ح يكون بداية جميلة لى تواصل غنى ومفيد وواجهه حقيقية للسودانى المثقف ...

ويا عمده بس انت جود بالعندك وياريت المساحات تكفيهو ...

خالص محبتى لكم...

نواصل : البث :
امسية بورداب الدوحة ، ستظل واحدة من اجمل الامسيات ، زاد من القها ابداع مبيوع ، والالفة بين الحضور ، والانس الجميل ، وحسن الضيافة من (نادوس وابنوسة) ، كان القمر مكتملا ، والوجاهة تسم الحضور ، والاسنان بيضاء وكذا القلوب العامرة بالنية الصافية ، وهي جينة بورداب الدوحة المشتركة .

- عمران ، لا تفارقه بسمته ، ويلاقيك هاشا باشا ، لا يغيب عن المناسبات ويسجل حضورا ، وكما قيل ان تبسمك في وجه اخيك صدقة ، فقد وزع عمران صدقاته على الجميع ، نافس ودرملية في التفاعل مع غناء مبيوع وكانا فى الساحة كاشهر نجوم السيما .

- المهندس عبدالكريم ، كيكي ، كرومة ، هندسة ، ذلك الشفيف ، تسبقه روحه لتلامس قلوب اخوته من بورداب الدوحة ، كان مشاركا وتحلق حوله من يريد ان يسترق السمع لرحلته الى اثيوبيا ، وتترد صدى اديس ..اديس .. اديس ، كهمس ضاحك ، وهو يروي ايامه في تلك البلاد الجميلة ، وهو في مهمة رسمية ، عاد منها وفي النفس قسم بالعودة ، وبقايا بن حبشي ، وذكريات ، في فندق مريديان ، وجامعة اديس ، ومعرضها الذي يروي سيرة مملكة اكسوم ومجد هيلاسلاسي ، واسده ، ويتردد في الارجاء اغنيات بوب مارلي وهو يتغنى بالراستافاري . حكى كيكي عن اديس كما كتب هو ، وحديثه جلب اليه لقبا جديدا نحته ود الامير ،وهو تسفاي ، وفات على كيكي ان يترك بصمته في (دبرزيت) وهي منطقة سياحية خارج اديس ، فيها جمال الامهرا ، وخبز قديم (كسرة الانجيرا) و(الكتفو) و(الزغني) .

تابعونا

رندا حاتم ، جاءت تلكم الحميراء ، ترافقها توأم روحها ، وهي من اهل الكرم ، هي ام حاتم وبذكره تستدعي الذاكرة (حاتم الطائي) رمز وفخار العرب في الجود والكرم مروءة ما بعدها مروءة، وهي سمة النفس الأبية، التي تفعل بموجبها كل فعل حسن وهذا سمت رندا .
وهنا بعض ابيات شعر لشاعرنا الكريم إذ يقول حاتم الطائي:
أوقد، فإن الليل ليل قر
والريح، يا موقد ريح حر
عسى يرى نارك من يمر
إن جلبت ضيفا فأنت حر
واهل الكرم دائما يبحثون عن الضيف، بل يضعون منارة تهديه إليهم... ليستظل بفيئهم، وينعم بطعامهم.وهم ‏يحفظون الود، والعهد لا يفرطون بميثاق أو ينكثون في ونواصل في شعر الطائي :
أبلغ الحارث بن عمرو بأني
حافظ الود مرصد للصواب
ومجيب دعاءه إن دعاني
عجلاً، واحداً، وذا أصحاب
والإيثار، مغنمهم في الحياة، وهي من صفاتها وتمارس فضيلة الايثار ، وهذه سمة عالية رفيعة، تصنع أمة بحالها وهنا يقول حاتم الطائي :
وما أنا بالساعي بفضل زمامها
لتشرب ما في الحوض قبل الركائب
فما أنا بالطاوي حقيبة رحلة
لأركبها خفاً، وأنزل صاحبي
إذا كنت رباً للقلوص، فلا تدع
رفيقك يمشي خلفها، غير راكب

تلك اذن صورتها، ومن لايعرف ، هي سباقة لفعل الخير ، تسابق الاخرين وتعمل في صمت ، نحتت طريقا حببها في الخير وحبب الخير اليها . وكما قال ود القريش (بوردابية الدوحة تساوي مائة رجل) في العطاء وعمل الخير ، وهنا نقول انها رندا فحيوا معي تلك الحميراء بعيونها الاربعة ( اثنان يزينهما كحل ، وعدستان لنظارة تزيدانهما نصاعة) ، واليوم بصرها حديد لانها بصيرتها نافذة .

ما عساى ان اقول وقد اذهلتنى كلماتك يا فيصل ..

اقيس نفسى بكم فاجدنى قطرة فى محيط شهامتكم وتفاعلكم .. اغبط نفسى لكون بذرة وجودى غرست فى ارض السودان ... انا دون ما ذكرت .. ولكن حسبى من الفخر ان ترانى اعينكم هكذا ..

وهكذا اتمنى من الله ان اكون ...

الزميلة : رنداالحميراء : تحياتي :

Quote: انا دون ما ذكرت .. ولكن حسبى من الفخر ان ترانى اعينكم هكذا ..

والتواضع هى سمة أخرى من سماتك : ‏
‏ ولذلك نؤسس في التواضع فنقول : إن التواضع سبب الرفعة في الدنيا والآخرة ، ‏وهو سبَب العدلِ والأُلفة والمحبّة في المجتمع. ‏
‏- قال سيدنا أبو بكر الصديق: وجدنا الكرم في التقوى ، والغنى في اليقين ، والشرف ‏في‎ ‎التواضع‎.
‏- قال ابن كثير : يخبر الله تعالى أن الدار الآخرة ونعيمها المقيم جعلها لعباده ‏المؤمنين‎ ‎المتواضعين ( الذين لا يريدون علوا في الأرض)‏
‏- قال عروة بن الورد : التواضع أحد مصائد الشرف، وكل نعمة محسود عليها‎ ‎إلا ‏التواضع‎.‎

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عبدالرحمن أبوشيبة..(من اليسار(الاتجاه مش جاجة تانية)).عشان ماتزعل

وكمان عبدالحليم (فى النص)