امانــة ما اتلـومتــوا!!!

قال(...) وهو زميل لي بأن بعض منسوبي حركة العدل والمساواة يخططون لعزل الدكتور خليل ابراهيم من خلال مؤتمر سيعقد في اديس اببا وان الدعوة ستوجه لعدد من الصحفيين لحضور المؤتمر وسألني هل انا علي استعداد للذهاب لاديس اببا..
غموما..تحمست للسفر ومنيت نفسي باجراء عدد من الحوارات والتحقيقات الصحفيةوالنقاشات
وبالفعل اتصل بي زميل آخر وجاء واستلم مني جواز سفري وحدد لي مواعيد السفر

اها بعد داك بقينا في خليكم جاهزين ومافي حجز ومافي طيران و..هلمجرا
وانا مستفة شنطتي وجاهزة لدرجة مشيت السوق واشتريت هدوم للبرد وشبشب جديد وكريمات تنفع مع البلد الباردة ديك
وكمان ودعت الاصدقاء والاهل و(الشلة) وتمنيت ليهم عيد سعيد باعتبار اني معيدة برة وكدة وختيت وصيتي باعتبار تاني متعلق باني يمكن ما اجي راجعة تانية لعدة اسباب منها احتمال سقوط الطائرة واحتمال تطور المعركة بين الحكومة الاثيوبية والمحاكم الاسلامية و..و..هلمجرا
بالضبط.. (اكزاتلي)..لانو اي شئ جائز

وديك يا المتابعة عبر التلفون مع (الواسطة):
_خليك جاهزة ومستعدة للسفر في اي لحظة وفي اسماء صحفيين سقطت لكن بنحاول نلقي ليها معالجة
اها اتخيلوا الحصل شنو؟
الحصل انو الجماعة سافروا وما ادونا خبر..
وفي انتظار اتصال منك يا (زميل) كملت الصبر كلوا

اها صدقتوا يا ناس خليل ابراهيم؟!!