Post: #1
Title: بورداب وسط الهضبة الاثيوبية..اميرة الحبر والصحفي طلال...وانا..
Author: عبدالكريم الامين احمد
Date: 01-04-2007, 12:11 PM
مدهشا ورائع ويماذج الافكار ويسهل التعارف هو هذا المنبر ..!!
وعندما تلتقي باحد افراده في اي نقطة من هذا العالم تحس ان ما بينكم هو عالم ضخم ومعرفة
ذات الف عام وعام...
كان هذا شان الصحفية الرائعة اميرة الحبر والشاب العالي التهذيب طلال (ابونظارة)..
تلاقينا علي سفح تلال اديس ودار بيننا حوار رائع عن هذا الموقع الخطير وقضايا الصحافة
وكل القضايا السودانية...وكان اغلب الحديث عن قضايا هذا المنبر..!!
اكثر ما اضحك الاخ طلال هو سوالي عن بورداب الخرطوم..وعن حسين ملاسي بالتحديد عندما بادرته
(ياخ كنت تجيبو معاكم حسين ملاسي ده علي الاقل ناخد معاهو جكة في البلد المافيها اوكسجين دي)..!!
|
Post: #2
Title: Re: بورداب وسط الهضبة الاثيوبية..اميرة الحبر والصحفي طلال...وانا..
Author: tmbis
Date: 01-04-2007, 01:17 PM
Parent: #1
يا كيكي ..
| Quote: ياخ كنت تجيبو معاكم حسين ملاسي ده |
كان ح يبقى عليك اتنين .. اوكسجين مافي ، وحسين ملاسي
( يعني بي صراحة كل الحاجات الفي راسك ح تطير )...
بوضوح اكتر .. مع انعدام الاوكسجين ح تفقد التركيز..
..
تحياتي لي ابونضارة وأميرة الحبر وللهضبة...
( نواي ) 
|
Post: #3
Title: Re: بورداب وسط الهضبة الاثيوبية..اميرة الحبر والصحفي طلال...وانا..
Author: عبدالكريم الامين احمد
Date: 01-04-2007, 01:44 PM
Parent: #2
مرحب يا تمبس وكل عام وانت بخير..
وفعلا القصة كانت حتكون عجيبة...
وانا طبعا حكاية الجكة مع الاوكسجين المافي دي استلهمتها
من دقسة صباحية خارجني منها (عمك اثيوبي قديم كده)
كحلني مشنط بلبس رياضة وكبك ليهو ضل
فقال لي كلام في معناهو يازول ماشي وين مع الصباح ده..
وبلغة الاشارة قلت ليهو جكة..!!
عمك ضحك وعمل لي اشارة(انت مجنون يا زول)
قلت ليهو في شنو؟؟
مثل لي حركة في معناها حتقع من اول 100 متر وحينادوا ليك الاسعاف..!!!!
وعرفت ان الموضوع خطير وممكن يودي الزول التوج طوالي...!!
واهو يا تمبس قلنا لو ملاسي كان معانا كنت علي الاقل اخليهو يجك قدامي..
وشكرا يا تمبس علي اللحن السمح ده..والناس ديل بيحبوا الفن السوداني ايضا بطريقة مجنونة
واجمل لحن (للقمربوبا ) بالطريقة الاثيوبية مطلب اساسي في نوادي اديس الليلية..
|
Post: #4
Title: Re: بورداب وسط الهضبة الاثيوبية..اميرة الحبر والصحفي طلال...وانا..
Author: عبدالكريم الامين احمد
Date: 01-05-2007, 04:14 PM
Parent: #3
يا منعم صحبك ابونظارة طلال ولا واحد تاني..
ديل انا طالبهم حقوق خدمات الكترونية وتسهيلات الكتابة بالعربي علي الكمبيوتر
بالله اخلصهم منهم ورسلها لي مع ابوساندرا..
|
Post: #5
Title: Re: بورداب وسط الهضبة الاثيوبية..اميرة الحبر والصحفي طلال...وانا..
Author: اميرة الحبر ادريس
Date: 01-05-2007, 07:12 PM
Parent: #4
الاخ عبد الكريم ..سلامات
بعد مارجعت الخرطوم ادركت بوضوح سر عشق السودانين لاديس بعيدا عن جمال
الاثيوبيات وذلك بعدالمشاجرة العنيفة بين الكمساري واحد الركاب ووقوف الحافلة
في قسم الشرطة في 500جنيه..واتزكرت منظر الطفل الاثيوبي وهو يصيح بمرح "ماركيتو".
بالنسبة لطلال إسماعيل هو فاجاني بقعاده هناك وعرفت في اخر لحظة ..عموما انا حاعرف
خبره بس اتاكد من المصادر.
اميرة
0
08
|
Post: #6
Title: Re: بورداب وسط الهضبة الاثيوبية..اميرة الحبر والصحفي طلال...وانا..
Author: عبدالكريم الامين احمد
Date: 01-06-2007, 03:06 PM
Parent: #5
مرحب اميرة
وسلامات..
بمناسبة الكمساري والبصات دي..
انا طبعا لاحظت انو الناس ديلك عندهم اربعة انواع للترحيل الداخلي في وسط اديس الكبيرة دي
1_ البصات العامة الكبيرة الماكنة ديك..وقالوا تبع الحكومة ورخيصة ..مدعومة يعني
2-حافلات وكلها لونها ازرق عاملة زي تكسي مدني ودي قطاع خاص
3_ تكاسي وبرضو لونها بشبه تكسي مدني(تقرب تقول للواحد فيهم وديني (ام سويقو) عليك الله
4-عربات شغالة (كيري) ودي معظمها مملوكة لنساء وبعض الطلبة الجامعيين وديل الواحد يعمل حسابوا
شديد في الحساب معاهم لانو ممكن يزيدوا ليك المحلبية بتاعة(البر) شوية لو لقوك (فاره) وراسك
مقطوع..
انا طبعا من ما جيت بحلم اني شغال كمساري في خط (ماركيتو) ومطلع راسي بره الحافلة
وبكورك (مركيتو كنجو..مركيتو كنجو)..
|
|