Post: #1
Title: ( للكبار فقط) نكتة الديك وحبة الفياجرا!!
Author: هشام هباني
Date: 01-04-2007, 03:49 AM
Parent: #0
الديك قالوا لقي ليهو حبة فياجرا في الارض نص العيش..قالوا لم فيها درشها درش تمام مع العيش وما عارف اي حاجة لحد مابقى في حالة صعبة.. وهوفي الحالة الياها
والزول قالوا بقى كايش افتش عن الحبايب الارزاق....المهم خاب سعيو ... ولكن في الطريق قالوا ليكم لقي ليك بقالة وقدامها شواية دجاج مشوي دخاخينو تقول يا ليل!
اخونا قالوا ليك قعد اتحكر تحت شواية الدجاج ومركز فوق في الدجاج اللافي داك ودخاخينو والعة! في اللحظة ديك جا ديك ماري بالطريق رايح سائل صاحبو: يا معلم مالك قاعد تسوي شنو هنا تحت النيران دي؟؟
فرد عليه ابو الديوك: وين يا اخوي انا ازح من هنا وين والجداد المدخن ده معلق فوق!
|
Post: #2
Title: Re: ( للكبار فقط) نكتة الديك وحبة الفياجرا!!
Author: حيدر حسن ميرغني
Date: 01-04-2007, 06:38 AM
Parent: #1
واحد ديكو مات وعندو دجاجات كثيرة
إستلف ديك جارو ليومين
الديك قام بواجبو واكثر
جات حديَة طائرة تخطف الفراريج ... قال كده نزَلها وقام بالواجب برضو
صاحب الدجاجات كان بيتفرَج في المشاهد دي ومتعجَب جدا من فحولة ديك الجن ده .. وتوجس من شرورو
نده على جارو بالحيطة وقال ليهو
يازول هاك ديكك الخطر ده .. انا نومي تقيل
تعديل حرف
|
Post: #3
Title: Re: ( للكبار فقط) نكتة الديك وحبة الفياجرا!!
Author: حيدر حسن ميرغني
Date: 01-04-2007, 07:25 AM
Parent: #2
ديك متفلهم مجكَس ليهو دجاجة جيران
وكان يحب دائما يتقمَص دور سيدو القاضي في كلامو وحركاتو
القاضي ده كان كل يوم يضع بنقوية في علف البقرة المربَيها جوَه البيت
تقوم الدجاجة تاكل البنقو
صاحبنا القاضي المسطول زهج جدا وقال للدجاجة لو عملتي كده تاني حانتف ريشك واضعك في قفص
الدجاجة كررت الشغلانة دي .. والقاضي قام نتف ريشها وحبسها
ديك الهنا جاء يزور جكسويتو ... ولقاها عريانة وفي قفص كمان
سالها بفلهمة ... سجمي .. اتمسكتي في دعارة
قالت ليهو... لا ... بس حشيش بعيد عنك
|
Post: #4
Title: Re: ( للكبار فقط) نكتة الديك وحبة الفياجرا!!
Author: حيدر حسن ميرغني
Date: 01-04-2007, 08:04 AM
Parent: #3
زول عندو ديك واحد وبلدي وكذا دجاجة
جاب ليهو ديك حنكوش عشان يساعد في كتَرة البيض
يومين كده مالقى ولا بيضة واحدة
قام سال الديك البلدي .... وين البيض؟
الديك البلدي قال ليهو
إنت جبت ديك احلى من كل الدجاجات .. اجيب ليك بيض من وين
|
Post: #5
Title: Re: ( للكبار فقط) نكتة الديك وحبة الفياجرا!!
Author: حيدر حسن ميرغني
Date: 01-04-2007, 08:16 AM
Parent: #4
مساطيل صبيان
إنَدسو بالليل في قفص دجاج وسطلو
الديك يشم في الدخان لامن سطل
طلع الصباح يصيح
كوكايييييييييييييييييييييييييييييييييييييين
|
Post: #6
Title: Re: ( للكبار فقط) نكتة الديك وحبة الفياجرا!!
Author: ناذر محمد الخليفة
Date: 01-04-2007, 09:07 AM
Parent: #1
حيدر إنت ما نصيح ولا شنو ! 
|
Post: #7
Title: Re: ( للكبار فقط) نكتة الديك وحبة الفياجرا!!
Author: فيصل نوبي
Date: 01-04-2007, 09:21 AM
Parent: #6
| Quote: حيدر إنت ما نصيح ولا شنو ! |
حيدر ده شكلو ضارب ديك
|
Post: #9
Title: Re: ( للكبار فقط) نكتة الديك وحبة الفياجرا!!
Author: حيدر حسن ميرغني
Date: 01-04-2007, 11:10 AM
Parent: #7
| Quote: حيدر ده شكلو ضارب ديك |
فيصل
الديوك خشم اقفاص
تكون قاصد الديك الحنكوش
|
Post: #8
Title: Re: ( للكبار فقط) نكتة الديك وحبة الفياجرا!!
Author: حيدر حسن ميرغني
Date: 01-04-2007, 09:25 AM
Parent: #6
| Quote: إنت ما نصيح ولا شنو |
ناذر
نصيح تب
لكني بحب الدواجن
كان عندنا قفص كبير جدا في بيتنا في عطبرة ومقسَم لاجزاء
بط ودجاج وحمام .. ومرات الكلب حقنا زاتو ينوم معاهم
شوفت الالفة دي كانت كيف
طالما جيت قفص ود هباني ده .. إلا نكرمك بواحدة
ديك يغيظ في الحنينة بتاعتو
قال ليها ... والله انتي تعبانة في الفاضي .. كل ما تبيضي يخمَو بيضك
قالت ليهو برضو احسن منك
تاذن كل يوم ولا تصلي
|
Post: #11
Title: Re: ( للكبار فقط) نكتة الديك وحبة الفياجرا!!
Author: حيدر حسن ميرغني
Date: 01-04-2007, 01:37 PM
Parent: #8
ديك معلَق ليهو بيضة في رقبتو
قابلتو دجاجة ... سالتو
ديكو ده شنو المعلَقو في رقبتك ده
قال ليها ... دي صورتي وانا صغيَر
|
Post: #10
Title: Re: ( للكبار فقط) نكتة الديك وحبة الفياجرا!!
Author: ناذر محمد الخليفة
Date: 01-04-2007, 01:36 PM
Parent: #1
|
Post: #12
Title: Re: ( للكبار فقط) نكتة الديك وحبة الفياجرا!!
Author: حيدر حسن ميرغني
Date: 01-04-2007, 03:57 PM
Parent: #10
.
|
Post: #13
Title: Re: ( للكبار فقط) نكتة الديك وحبة الفياجرا!!
Author: هشام هباني
Date: 01-04-2007, 04:11 PM
Parent: #12
الجميل حيدر
كل العام وانت بخير
يااااااخي انت زول مبدع...بالله واصل في حكايات الديكة دي
ما نحن في بلد الديوك الرسالية المختالة!
محبتي
هشام
|
Post: #14
Title: Re: ( للكبار فقط) نكتة الديك وحبة الفياجرا!!
Author: عزان سعيد
Date: 01-04-2007, 08:10 PM
Parent: #13
الأخ حيدر والأخ هبانى
حبايبنا الجعليين بيسموا البيض ( جنى جداد ) ما عارف خجلا من كلمة بيض ولا إيه !
لمن كنت فى الإبتدائية كنت مربى بط فى بيتنا فى الدامر . مرة واحد ولد دق الباب . لمن طلعتا ليهو قال لى : عندكم جنى جداد بط ؟!!!
هبانى : أوعا تكون قريب هبانى الكان محافظ الدامر داك !
|
Post: #15
Title: Re: ( للكبار فقط) نكتة الديك وحبة الفياجرا!!
Author: هشام هباني
Date: 01-04-2007, 09:52 PM
Parent: #14
العزيز عزان
كل سنة وانت طيب
والله يبدو السمى جنى الجداد....كان زول محتشم جدا وعارف اللعبة!!
لكن رايك شنو في اسم اخونا المناضل ( ياسر...ايمان) عرمان سابقا!!؟
وقررت ان اسمي صديقي ياسر ايمان بدل عرمان مراعاة للذوق العام والحياء!
اما الزووووول الكووووووز بتاع الدامر ظاااااطو قريبي!!
محبتي واحترامي
|
Post: #16
Title: Re: ( للكبار فقط) نكتة الديك وحبة الفياجرا!!
Author: Abd-Elrhman sorkati
Date: 01-04-2007, 10:01 PM
Parent: #1
واحد مسطول جي قعد جنب ست الشاي وساكت ما اتكلم أصلوا ....
ست الشاي قالت ليهو أديك جبنا .......
قال ليها ماعارف والله لكن الجدادة نزلت الطوب ....
|
Post: #17
Title: Re: ( للكبار فقط) نكتة الديك وحبة الفياجرا!!
Author: عزان سعيد
Date: 01-04-2007, 10:13 PM
Parent: #16
Quote:
لكن رايك شنو في اسم اخونا المناضل ( ياسر...ايمان) عرمان سابقا!!؟
|
الأخ هبانى
ذكرتنى مرة واحد صاحبنى ونحن قاعدين شلة شبكنا داير أعرس , وكل مرة نتجاوز الموضوع تانى ينط يجيب سيرة العرس . لمن زهجت منو قلت ليه : يا فلان , خلاس ياخى , ما فى داعى تورى الناس كلهم إنك ( الناطق الرسمى بإسم الحركة الشعبية )!
قريبك بتاع الدامر عندى معاهو ذكريات : لمن كان محافظ فى الدامر كنت فى أولى ثانوى فى الداخلية فى بربر , عملنا رابطة سميناها رابطة أبناء الدامر , وأخوك كان رئيس الرابطة , شلاقة منى كتبت طلب ومشيت لى قريبك قام إتبرع لينا بألف جنيه , مشينا إشترينا بيها سكر وجركانة عسل كبيرة قسمناها للأعضاء ( بعيد عنك الجوع كان كاتلنا فى الداخلية )!
بعد فترة الحكاية عجبتنى , والعضوية جاعت وقربت تسحب منى الثقة ! كتبت طلب تانى ودخلت المرة دى لمحافظ بربر , قال لى أدعمكم بى شنو؟ قلت ليهو أى حاجة بس ما تقل عن بتاعة هبانى ! قال لى هبانى أداكم كم ؟ لمن كلمتو طلع جعلى وحلف إنو دعمو يزيد من بتاع هبانى !
الظريفة إنو لحدى هسع ما شفنا منو تعريفة , طلع زى واحد صاحبنا كده !
|
Post: #20
Title: Re: ( للكبار فقط) نكتة الديك وحبة الفياجرا!!
Author: هشام هباني
Date: 01-05-2007, 03:16 AM
الاخ عزان
سلامات
يبدو انك كنت علي وشك ان تكون مشروع انتهازي صغير لكن انقذك الله
ولم تتورط حتى اللحظة في الحق العام!
عموما حمدا لله علي السلامة وبركة الماقبضت من الزووول التاني!
الود والاحترام
|
Post: #18
Title: Re: ( للكبار فقط) نكتة الديك وحبة الفياجرا!!
Author: Fadel Alhillo
Date: 01-05-2007, 00:16 AM
Parent: #1
طلقانه بي التلاته اودي وشي وين بعد ما جلبتي لينا العار
|
Post: #19
Title: Re: ( للكبار فقط) نكتة الديك وحبة الفياجرا!!
Author: Fadel Alhillo
Date: 01-05-2007, 00:50 AM
Parent: #1
سوسيو عنصري ابن كـــــــــــــــــالب
|
Post: #21
Title: Re: ( للكبار فقط) نكتة الديك وحبة الفياجرا!!
Author: هشام هباني
Date: 01-05-2007, 03:20 AM
Parent: #19
الرائع قريبي فاضل الحلو
كل العام وانت بخير
شكرا علي المرور الجميل وهو يعطي البوست رونقا انيقا بمداخلتك الفكهة!
ولك كل الود والاحترام.
هشام
|
|