Post: #1
Title: الـي كل سودانيةوسـوداني مواليـد"واحـد واحـد": "هابي بيرث داي تو يـو"!!
Author: بكري الصايغ
Date: 01-01-2007, 04:10 PM
Parent: #0
الـي كل سودانيةوسـوداني مواليـد"واحـد واحـد": "هابي بيرث داي تو يـو"!!
ماان حـطت الطائرة السودانية برحالهـا مـطـار القاهرة وبدأ الركاب السودانيين في النزول منهـا، حتي وقامت ادارة الاستعـلامات بالـمطار عـن الاعـلان بوصـول " طائرة واحـد واحـدالسودانيـة"!!!!
ضـحـك ضابـط الـجـوازات الـمصـري طـويلآوهــو يـراجع مئات جوازات السفرالسودانية التـي تراكـمت امامـة ووجـد ان كل تواريـخ الـميلاد فـي
الـجـوازات هـو " واحـد واحد" وعلق " هــوالسـودان دة مافيـهوش غـيـر
يـوم واحـد"!!!
عـلق احـد الـمصـرييـن،بان السـودان احـسـن دولـة فـي العالـم فـي بـرمـجـة النسـل!!! يعـني السودانيين كلهـم يعاشـروا زوجاتهـم فـي اول شـهـر ابريل ويـلدن النسـاء اول ينائـر!!!!
انـزعـج ضـابـط الـجـوازات باحـدي الـدول الاوروبيـة واثناء مـراجـعتة لـجـوازات سـودانييـن ويـجـد ان كـل اصـحاب الـجـوازات هـم مواليـد يوم واحد ينائـر، فاتصـل بادارة امن بلـدة ويـخـطرهـم بـوصـول " خليـة ارهـابية اسـمها واحـدواحـد"!!!!!
الـيكـم يامواليـد 1ـ1 ،اجـمل التمنيات الطيبـة باعياد ميـلادكـم
وعـام سـعيـدمـديـد مـلئ بالعـافيـةوالـصـحـةـ
|
Post: #2
Title: Re: الـي كل سودانيةوسـوداني مواليـد"واحـد واحـد": "هابي بيرث داي تو يـو"!!
Author: ناذر محمد الخليفة
Date: 01-01-2007, 05:31 PM
Parent: #1
بكري سلامات وكل عام وإنت بخير ..
تفتكر ايه ناس التسنين بيقدرو للزول عمرو من تاريخ واحد واحد ؟
يعني ما ممكن يكون مثلا من تاريخ 17 تسعة او 22 أربعة ؟
|
Post: #3
Title: Re: الـي كل سودانيةوسـوداني مواليـد"واحـد واحـد": "هابي بيرث داي تو يـو"!!
Author: Mahjob Abdalla
Date: 01-01-2007, 05:36 PM
Parent: #1
I just realized that it is my birth day today
Thanks to all,
Mahjob
|
Post: #4
Title: Re: الـي كل سودانيةوسـوداني مواليـد"واحـد واحـد": "هابي بيرث داي تو يـو"!!
Author: sudania2000
Date: 01-01-2007, 05:59 PM
Parent: #3
السلام امان
وكل سنة طيبين
وليش الافتراض بان كل مواليد 1-1 تسنين
حقيقة تاريخ الميلاد 1-1 تتكرر وغايتو انا عيد ميلادي الحقيقي كدة
طرفة : صديقة ارد خطيبها ان يعرف تاريخ ميلادها واخبرته انها لا تدري
فضحك بسخرية وقال كيف يعني؟؟
اخبرته ان والدها استاذ وولدت في قرية نائية شمال السودان و لم يهتم احد بالتسجيل
وحين جاء زمن المدرسة اعطوها تسنين وكل ما تسال امها تخبرها غايتو في رمضان سنة كانت حارة كدة 
المهم خطيبها شاف انها ما منطقية القصة و قام طار بهذا السبب الغريب خوفا ان تكون عجوزة
و
|
Post: #5
Title: Re: الـي كل سودانيةوسـوداني مواليـد"واحـد واحـد": "هابي بيرث داي تو يـو"!!
Author: بكري الصايغ
Date: 01-01-2007, 10:58 PM
Parent: #1
الاخ الحـبيب الـحـبوب،
ناذرمــحـمـدخليـفة،
مـحجـــوب عـبداللـة،
الاخـت الحبيــبةالـحـبوبة،
ســودانيـة 2000،
كل عـام وانتـم بـخـيـروعــافيـة،
سـن انجـليـز ايام حـكمهـم قانون " التســنيـن " علي اسـاس
صعـوبة ايجـاد مصــادر حـقيـقية لـمعرفة اعـمار السوانييـن
الحـقيقـية وفي ظــل عـدم وجــود مـؤسـسـات حـكومية او اهـليـة
او عمـد للقبائـل ويقـومـون بتـسـجـيل امـين ودقيـق للـموالـيـد،
ولـكـن لاافـهـم اطـلاقـآ كـيـف هـذا القـانون الانجـليزي القـديـم مـازال ســاريـآ ويقـوم مكتـب " القـمســيون الـطـبـي " ويصـدرهـذة
الشــهـادات حتـي اليـوم فـي ظـل وجــود مكـاتب لتـسـجيل الـمواليـد بكل مناطـق البـلاد?????
مـلـحـوظـةهــامة: السودان الـدولـة الوحــيـدة فـي العـالـم
ويسـتعـمـل الان نـظـام " افـتـح خـشـمك خلينا
نشوف سنونـك عشـان نـقـدر عـمـرك!!!!
مـلـحـوظـةهـامة 2 :
" عـنـدما يـود المـرء شـراء حـصـان عليـة
ان يكـشـف ويعـايـن اسـنان الـحـصـان لتقـديـر عـمـرة"!!!!
|
Post: #6
Title: Re: الـي كل سودانيةوسـوداني مواليـد"واحـد واحـد": "هابي بيرث داي تو يـو"!!
Author: هشام هباني
Date: 01-02-2007, 00:56 AM
Parent: #5
الحبيب استاذ بكري الصايغ
كل العام وانتم بخير
ومتعكم الله بالصحة والعافية
وامنياتنا ان يزيل الله البلوى عن شعبنا
وان يحق الحق وتنجلي الحقائق لرد اعتبار
لاسر الشهداء والمعذبين والمشردين.
محبتي واحترامي
هشام هباني
|
Post: #7
Title: Re: الـي كل سودانيةوسـوداني مواليـد"واحـد واحـد": "هابي بيرث داي تو يـو"!!
Author: ناذر محمد الخليفة
Date: 01-02-2007, 08:53 AM
Parent: #1
!!!!!!!!!!!
Quote: عـنـدما يـود المـرء شـراء حـصـان عليـة
ان يكـشـف ويعـايـن اسـنان الـحـصـان لتقـديـر عـمـرة"!!!! |
أنا شخصيا من كترة تعاملي وإحتكاكي بالحصين لو عاينت ليها ساي أو شميت ريحتا بعرف عمرا كم ، مش تقدير .. لا ، عمرا بالضبط (طق طرق) !!
|
Post: #8
Title: Re: الـي كل سودانيةوسـوداني مواليـد"واحـد واحـد": "هابي بيرث داي تو يـو"!!
Author: ابوبكر يوسف إبراهيم
Date: 01-03-2007, 01:24 PM
Parent: #7
الأخ العزيز بكري الصائغ
كل عامٍ وأنت بخير .. وأتابع قلمك الموضوعي والإحترافية منذ كنا نكتب في الشرق الأوسط وحتى توقفنا مع ذهاب الرائع الأستاذ عثمان العمير.
أخي أنا أعرف تاريخ ميلادي باليوم والشهر والسنة وعندما ضاعت شهادة الميلاد وتقدمت بطلب بدل فاقد أقسموا بأغلظ الأيمان بأنني ساقط من كل قيودهم .. ولا مناص من أن أكون من الذين ولدوا في يوم الإستقلال (الأول من يناير ) وقام الطبيب بالتسنين وبعدها همس في أذني الموظف الذي يحرر شهادة التسنين بعد أن قمنا بتقديم وافر الإحترام والتكريم و(الإكرامية)!! قائلاً : أكتب ليك سنة كم؟ طبعاً عاوز الشهادة عشان موضوع المعاش!! .. أضربا ليك خمس سنين قبل سن المعاش؟!! كفايةواللآ شوية؟!ّ! المهم أنا في شهادة التسنين أكبر من عمري الحقيقي بسبعة سنين ولا أدري إن لم أقدم الإكرامية ماذا كان سيكون عمري الآن!!
|
|