Post: #1
Title: بص العيد المشوطن .. المراه الطرشة والبت ال من وراء ما شاء الله والراكب المجهول الذي يطلق الريح
Author: عبد المنعم سليمان
Date: 12-31-2006, 08:42 PM
كل عام والجميع ب1000 خير والعفو والعافية .. العيد القادم البلاد تنعم بالخير
والنماء والديمقراطية وانشاء الله صباح العيد الجاي يكون التلفزيون live من لاهاي !!
اميين يا رب العالمين .
سافرت يوم الجمعة من الخرطوم متوجها لمدني _ كسلا القضارف لزيارة العائلة والاهل
والاصدقاء .. بدت الرحلة من الميناء البري وصلني خالد ماسا الساعة 6 مساء دخلت
جوه الميناء لقيت بص واحد وفي السوق الاسود والبص اسمه ميساء عاينت كدة قلت ما في مشكلة
اركب ميساء ده !! ركبت ميساء .. اتحرك الساعة 7 مساء قبل ما يتحرك لازم اقول انه مقعدي
في الكنبة الاخيرة وجنبي بت ما عارف اقول ماشاء الله ام اعوذبالله .. غايتو في العنوان
ما شاء الله وهنا اعوذ بالله انا راكب مقعد رقم 45 وهي 43 والجنبها يعني في النص مراه
من ما ركبت بتتلفت شايله ليها طفل في يدها وطفل اكبر شوية مقعداه في رجليها ..
فالمسالة اصبحت شوية محرجة فقمت اتكرفست لي في حتة عشان هم يرتاحو يعني هم قاعدين
في التلتين .. المهم البت .. البت دي وهي داخله البص وجايه علينا في الكنبة الاخيرة
اي زول مرت بجنبه بعد ما عدت مقعده قام اتلفت .. فاصبح البت جايه علي والبص كله بعاين
لامن وصلت عندي !! بت في العشرينات من قدام اوكي بس اتلفتت عشان تقعد انا طششت عديييل !!
ده شنو يا ربي ؟ ده زلزال ولا شنو !! وليه الواحد بكون قدر ده !! ويا اخوانا معقول
انا بحلم ولا شنو ؟!! الزول محتاج للحاجات دي كلها ليه ولشنو !! بس بسرعة كده اتذكرت
قصة صاحبي وهو مذيع في un radio قال لي انه عنده قصة شغال فيها !! قال في بورتسودان
بالتحديد في بوتيك عنده هتش وحاجات غريبة للبنات والهتش ده عبارة عن حاجات تتلبس عشان
تكبر المؤخرات !! معقولة ؟!! في زول عاقل بلبس ليه حاجات عشان يكبر من وراء !!
معقولة القصة دي !! فصاحبي حلف واقسم وحتي قال لي دي قصة هو شغال فيها عدييل كده للاذاعة
وحيقابل صاحب البوتيك للقاء !! سالته قلت ليهو عليك الله تسال صاحب البوتيك بائع المؤخرات
المزورة دا وتقول ليه في واحد قال ليك من غشنا ليس منا !! وليه البنات اصبحن يردفن
والكركاسة لزومها شنو !! يا جماعة الحصل في الدنيا شنو الذوق الفني والجمالي انحط للدرجة
البتخلي البت تلبس ليها حاجات تبدو كالمؤخرة وما هي بمؤخرة !! لكن بامانة صحبي قال انه حيشتري
منه واحدة للجلد !! الظروف ما معروفة وال 40 جلدة حارة !! المهم نرجع لقصة البت المن وراء
كبيرة ومن قدام صغيرة .. فقعدت علي المقعد قمت اتلفت ع الشباك طواالي وشايف المراه ام ولدين
ابتسمت بصمت كده .. البص اتحرك والطفل الشايله في اليد بلعب ون تو مع القاعد في الرجل وتلتي
اصبح ظاتوو في خبر كان وما في طريقة اعمل اي حاجة فالمراه باطفالها والولد الفوق خاتي رجلة
في كليتي اليمين طوالي !! فلما وصلنا سوبا حاولت اشرح للمراه بانه انا ما متضايق بس نصلح
القعدة تاني يعني ( نشكها) من جديد فلقيت المراه ما عاوزه تتكلم معاي فبديت اشرح تاني
لكن المره دي اتدخلت البت المن وراء كبيرة وقالت لي معليش اصلا المراه دي طرشة !!!
الله !! طرشه !!الاولادالصغار عشان كده لما يصرخو بتكون بتاكل في اللبانه ولا يهمها !! والمسالة
اصبحت انسانية فشكرت البت المن وراء كبيرة علي تبرعها بالرد !! لكن قالت لي لا ما مشكلة
انا بجي في النص عشان اخلي الممر للمراه واولادها يستفيدو منه في اللعب !!
ونحنا لسة في سوبا الكلام ده .. يعني يااادوب !!
بجي راجع عشان اتم قصة البت ال من وراء كبيرة لما قعدت جنبي والزول البطلق الريح في البص !!
وبجيكم بعد ما اروس ( وكل راس السنة والجميع بخير ) ......
|
Post: #2
Title: Re: بص العيد المشوطن .. المراه الطرشة والبت ال من وراء ما شاء الله والراكب المجهول الذي يطلق ال
Author: ناذر محمد الخليفة
Date: 01-04-2007, 06:49 PM
Parent: #1
.gif)
|
Post: #3
Title: Re: بص العيد المشوطن .. المراه الطرشة والبت ال من وراء ما شاء الله والراكب المجهول الذي يطلق ال
Author: عبدالله شمس الدين مصطفى
Date: 01-05-2007, 01:25 PM
Parent: #2
شنو يا منعم, العيد ما إنتهى لسه؟؟
و لا " ما كتلونى " ذااااتها
|
Post: #4
Title: Re: بص العيد المشوطن .. المراه الطرشة والبت ال من وراء ما شاء الله والراكب المجهول الذي يطلق ال
Author: عبد المنعم سليمان
Date: 01-05-2007, 04:17 PM
Parent: #1
ناذر وعبدالله
مساء الخير
شكرا وانا ما عاوز اتم القصة دي بالتحديد
لانه فيها التقاء الساق بالساق والبت المن وراء ماشاء الله قمعتني وخوفتني
وبتتلصق يعني تحرش بصي !! ما عاوز اقولها !! فكرت وقلت خلي الموضوع يموت
لوحدة وبالله خلو يموت
فان الفتنة نائمة ولعن الله من ايقظها !!
كسره : لو قامت بتعمل بوستين
انتهي
|
Post: #5
Title: Re: بص العيد المشوطن .. المراه الطرشة والبت ال من وراء ما شاء الله والراكب المجهول الذي يطلق ال
Author: saif massad ali
Date: 01-05-2007, 04:28 PM
Parent: #4
عبد المنعم
يا اخي استرها عديل كده
يعني في تحرش جنسي بالرجال
|
Post: #6
Title: Re: بص العيد المشوطن .. المراه الطرشة والبت ال من وراء ما شاء الله والراكب المجهول الذي يطلق ال
Author: رأفت ميلاد
Date: 01-05-2007, 04:28 PM
Parent: #4
وييين
أنا جيتك هنا
البتتلصق ياتا الطرشة ؟
|
Post: #7
Title: Re: بص العيد المشوطن .. المراه الطرشة والبت ال من وراء ما شاء الله والراكب المجهول الذي يطلق ال
Author: عبد المنعم سليمان
Date: 01-05-2007, 04:35 PM
Parent: #1
سيف ورافت
مساء الخير بتوقيت السودان
قلنا ليكم الفتنة لو قامت بتعمل بوستين اقصد بوستيين
كسرة : حريف يا رافت
بتلعب في ارض الخصم والهدف بهدفين
|
Post: #9
Title: Re: بص العيد المشوطن .. المراه الطرشة والبت ال من وراء ما شاء الله والراكب المجهول الذي يطلق ال
Author: Kostawi
Date: 01-06-2007, 01:03 AM
Parent: #8
| Quote: وبتتلصق يعني تحرش بصي !! ما عاوز اقولها !! فكرت وقلت خلي الموضوع يموت |
أكتر من كده?
|
Post: #10
Title: Re: بص العيد المشوطن .. المراه الطرشة والبت ال من وراء ما شاء الله والراكب المجهول الذي يطلق ال
Author: عبد المنعم سليمان
Date: 01-06-2007, 11:34 AM
Parent: #1
رافت ميلا وكوستاوي
كل اناء بما فية ينضح
انا الموضوع ده ما عاوزة وخليتة عشان تفسيراتكم دي
فتكم بعافية
|
|